All posts by Sibte Hussain

(ایمرا نیوز آن لائن)
پاکستانی نژاد برطانوی باکسر عامرخان اب سعودی عرب کے نوجوان باکسرزکو بھی باکسنگ کا فن سکھائیں گے۔

عالمی شہرت یافتہ باکسرنے 25 جون کو جدہ میں ٹریننگ کا اہتمام کررکھا ہے جس میں انہوں نے سعودی عرب میں موجود نوجوان باکسرز سے کہا ہے کہ وہ آئیں اور ان کی نگرانی میں بھرپورٹریننگ حاصل کریں۔

عامر خان کا مقابلہ آئندہ ماہ بھارتی باکسرنیرج گویت کے ساتھ شیڈول ہے، یہ مقابلہ 12 جولائی کو جدہمیں ہوگا۔عامر خان نےاعلان کر رکھا ہے کہ وہ بھارتی باکسر کو ہرا کر ورلڈ کپ میں گرین شرٹس کی شکست کا بدلہ لیں گے۔
یاد رہے کہ عامر خان اس سے قبل پاکستانی باکسرز کو بھی باکسنگ کی ٹریننگ دے چکے ہیں۔

(ایمرا نیوز آن لائن)
ناٹنگھم: ورلڈ کپ کے 26ویں میچ میں آسٹریلیا کی بنگلادیش کے خلاف بیٹنگ جاری ہے اور کینگروز نے 40 اوورز میں ایک وکٹ پر 250 رنز بنا لیے ہیں۔

انگلینڈ میں جاری ورلڈکپ کے 26ویں میچ میں دفاعی چیمپئن آسٹریلیا کے کپتان ایرون فنچ نے بنگلادیش کے خلاف ٹاس جیت کر پہلے خود بیٹنگ کرنے کا فیصلہ کیا ہے۔ کپتان ایرون فنچ اور ڈیوڈ وارنر نے اننگز کا آغاز کیا اور 121 رنز کا اوپننگ اسٹینڈ فراہم کیا، کپتان فنچ 53 رنز بنا کر کیچ آؤٹ ہوئے۔

اس وقت کریز پر ڈیوڈ وارنر اور عثمان خواجہ موجود ہیں جو پراعتماد انداز میں اننگز کو آگے بڑھا رہے ہیں، دونوں بلے بازوں کے درمیان 150 رنز کی پارٹنر شپ قائم ہوچکی ہے جبکہ اس دوران اوپنر وارنر نے شاندار بیٹنگ کرتے ہوئے سنچری مکمل کرلی ہے۔

دونوں ٹیمیں آج ایونٹ میں اپنا چھٹا میچ کھیل رہی ہیں،آسٹریلیا 5 میں سے 4 کامیابیاں حاصل کرکے 8 پوائنٹس کے ساتھ تیسرے نمبر پر ہے جب کہ نے 2 کامیابیاں سمیٹی ہیں البتہ ایک میچ بارش کی نذر ہونے کی وجہ سے بنگال ٹائیگرز 5 پوائنٹس کے پانچویں نمبر پر ہے۔

(ایمرا نیوز آن لائن)
لاہور: سابق ٹیسٹ کرکٹرمحسن خان کا کہنا کہ قومی کرکٹ ٹیم میں انتشار کی اطلاعات تکلیف دہ ہیں۔

ایک انٹرویومیں سابق ٹیسٹ کرکٹر، سلیکٹر و کوچ محسن خان نے کہا ہے کہ قومی ٹیم میں اختلافات کی باتیں بڑی تکلیف دہ ہیں،میدان کے اندر کارکردگی اچھی نہیں،باہر بھی عزت خراب نہیں کی جانی چاہیے،کوچ اور کپتان کا کام میدان میں ہوتا ہے، باہر کی سرگرمیوں پر نظر رکھنا منیجر کی ذمہ داری ہے،کھلاڑی مختلف مزاج کے ہوتے ہیں، اس کو سمجھتے ہوئے معاملات کوکنٹرول میں رکھنے کی ضرورت ہوتی ہے۔

انھوں نے کہا کہ گزشتہ ہرسیریز میں ناکامی کے بعد کہا جاتا تھا کہ ورلڈکپ کی تیاری کررہے ہیں۔ اس وقت بھی میں کہتا رہا کہ بھونڈے جواز نہ تراشیں، اپنی غلطیوں کو سدھاریں،اگر کوشش کی ہوتی تو آج یہ صورتحال نہ ہوتی،فتوحات کیلیے کھلاڑیوں میں جذبہ، عزم اور ڈسپلن کا ہونا ضروری ہے،مجھے یہ تینوں چیزیں نظر نہیں آرہیں۔
ایک سوال پر محسن خان نے کہا کہ موجودہ کوچنگ اسٹاف کو رمیز راجہ اور وسیم اکرم لیکر آئے، جن لوگوں کو اپنے ملکوں نے مسترد کردیا، انھیں ہم نے ذمہ داریاں سونپ دیں۔

شعیب اختر نے کہا کہ اب اطلاعات آرہی ہیں کہ ورلڈکپ کے بعد ٹیم منیجمنٹ اور کھلاڑیوں کی اکھاڑ پچھاڑ ہوگی، جو لوگ ان کو لائے تھے، وہی اب نکالنے کے فیصلے کریں گے،میرا سوال یہ ہے کہ ان کو لانے والے خودکیوں بچ جائیں گے۔

(ایمرا نیوز آن لائن)
ساؤتھمپٹن: بھارتی کپتان ویرات کوہلی کو ان کی اداکارہ بیوی انوشکا شرما نے لندن میں جوائن کرلیا۔

بھارتی ٹیم ہفتہ 22 جون کو افغانستان سے ورلڈ کپ میچ کھیلے گی تاہم بھارتی کرکٹ بورڈ نے میگا ایونٹ کے دوران 15 یوم کیلیے پلیئرز کو اپنی فیملیز ساتھ رکھنے کی اجازت دے دی تھی۔

جنوبی افریقہ، آسٹریلیا اور پاکستان کیخلاف فتوحات سمیٹنے والی بھارتی ٹیم کے کپتان کوہلی افغانستان کو بھی آسان حریف ماننے کو تیار نہیں ہیں۔

(ایمرا نیوز آن لائن)
حکومت کی جانب سے پیش کردہ وفاقی بجٹ کے جائزہ کیلے چوہدری سلطان محمودچیئرمین پاکستان ہارڈوئیر ایسو سی ایشن پنجاب، کے آفس میں اھم اجلاس منعقد ہوا۔ اجلاس میں لاہور انصاف بز نس فارم کے صدر چوہدری سلطان محمود اور بزنس کمیونٹی کے دیگر اعلیٰ سطح کے عہد یداران نے شرکت کی۔

اس تقریب میں بزنس کیمونٹی سمیت وفاقی بجٹ کا جائزہ لیتے ہوئے صدر لا ھور انصاف بزنس فورم چوھدری سلطان محمود نے اپنے خیالات کا اظہار کرتے ہوئے کہا کہ بجٹ کا عوام دوست ہونے کا دعویٰ کسی حد تک درست ھے۔جیسا کہ حکومت نے نان فائلر کو پراپرٹی خریدنے کی اجازت دی۔جوکہ ایک عام آدمی کے لئے خوش آیند اقدام ہے۔ وھاں بزنس کمیونٹی کے لیے بھی مفید ہے

خام مال پر ٹیکس کم کر دیا گیاھے جس کا ھما ر ی انڈسٹری کو ناصرف فروغ ملے گا۔بلکہ ھر قسم کی انڈسٹری کو بھی اس سے فائدہ ھوگا اور اس سے تاجر برادری کا اعتماد بھی بحال ھوا ھے۔ اس تقریب سے گفتگو کرتے ہوئے صدر چوہدری سلطان محمود نے مزید کہا ھےکہ ُان کی کیمونٹی نے کچھ خدشات کا بھی اظہار کیا جس میں انہوں نے کہا کہ روزمرہ کے اشیاء پر مہنگائی کی وجہ سے غریب عوام پر مزید بوجھ بڑھنے کا بھی امکان ہے۔لیکن جب تک ھم بجٹ کا تفصیلی جائزہ نہیں لیتے اس وقت تک کچھ بھی کہنا قبل ازوقت ہوگا۔۔۔

(ایمرا نیوز آن لائن)
ناٹنگھم: قومی ٹیم ے کپتان سرفراز احمد نے کہا ہے کہ فاسٹ بولر محمد عامر مکمل فٹ اور کل کے میچ کیلئے دستیاب ہیں۔

محمد عامر کے بارے میں اطلاعات تھیں کہ انہوں نے کوچ مکی آرتھر کو آگاہ کیا ہے کہ وہ مکمل فٹ نہیں ہیں اس لیے پہلے میچ کے لیے دستیاب نہیں ہیں۔

تاہم ناٹنگھم میں پریس کانفرنس کرتے ہوئے پاکستان کے کپتان سرفراز احمد نے کہا کہ عامر مکمل فٹ ہیں اور ویسٹ انڈیز کے خلاف میچ کے لیے دستیاب ہیں۔

پاکستان ٹیم ورلڈکپ مشن کا آغاز کل ویسٹ انڈیز کے خلاف ناٹنگھم میں میچ سے کرے گی لیکن حال ہی میں انگلینڈ اور اسے قبل آسٹریلیا کے ہاتھوں وائٹ واش کے باعث گرین شرٹس مسلسل شکستوں کے بھنور میں پھنسی ہیں۔

سرفراز احمد کا کہنا ہے کہ ٹیم نے بھرپور تیاری کی ہے اور امید ہے کہ ویسٹ انڈیز کے خلاف میچ میں شکستوں کے تسلسل کو توڑیں گے۔

انہوں نے کہا کہ آئی سی سی ایونٹ میں وکٹیں ضرور مختلف ہوں گی اور کوشش ہو گی کہ تین سو سے زیادہ رنز کریں تاہم لگ یہی رہا ہے کہ کل ٹاس جیت کر کوئی بھی کپتان پہلے بولنگ کرے گا۔

سرفراز احمد نے کہا کہ وہ ورلڈ کپ میں پانچویں نمبر پر بیٹنگ کریں گے لیکن اگر ڈیتھ اوورز میں بیٹنگ کرنا ہوا تو بیٹنگ آرڈر مختلف ہوسکتا ہے۔

انگلینڈ کے خلاف 0-4 سے شکست کے حوالے سے سفراز نے کہا کہ ہماری بیٹنگ بری نہیں، انگلینڈ اور پاکستان کے کھیلنے کا انداز مختلف ہے۔

ورلڈ کپ میں شریک تمام ٹیموں کے کپتانوں نے گزشتہ روز ملکہ برطانیہ نے ملاقات بھی کی جس میں سرفراز احمد شلوار قمیض زیب تن کیے ہوئے نظر آئے۔

اس حوالے سے سرفراز کا کہنا تھا کہ ملکہ سے ملاقات اعزاز کی بات ہے اور خوشی تھی کہ قومی لباس میں ملک کی نمائندگی کی۔

لاہور(ایمرا نیوز آن لائن) مسلم لیگ (ن) کے رہنما حمزہ شہباز نے تین مقدمات میں عبوری ضمانت میں توسیع کی درخواستوں پر سماعت کرنے والے بینچ پر عدم اعتماد کا اظہار کردیا۔ پنجاب اسمبلی میں اپوزیشن لیڈر حمزہ شہباز تین مقدمات میں عبوری ضمانت میں توسیع کے لیے لاہور ہائیکورٹ کے 2 رکنی بینچ کے سامنے پیش ہوئے۔ عدالت نے آمدن سے زائد اثاثوں، رمضان شوگر ملز اور صاف پانی کیس میں آج تک کے لیے ضمانت کررکھی ہے۔

حمزہ شہباز نے عدالت میں مؤقف اپنایا کہ مجھے بینچ پر عدم اعتماد ہے، چیئرمین نیب نے خود کہا کہ وہ بینچ تبدیل کروائیں لہٰذا چاہتا ہوں کہ بینچ تبدیل کیا جائے۔ انہوں نے عدالت کے روبرو کہا کہ میں زندگی اور موت کی کشمکش کا شکار اپنی چھوٹی بیٹی کو لندن چھوڑ کے ملک واپس آیا، ڈی جی نیب پنجاب میڈیا پر ہمارے خلاف ہرزہ سرائی کرتے ہیں۔ دوسری جانب پریس کانفرنس کرتے ہوئے پنجاب اسمبلی میں اپوزیشن لیڈر حمزہ شہباز نےکہا کہ ملک آج تماشے کا سماں پیش کررہا ہے، شہباز شریف کے خلاف ڈی جی نیب لاہور نے انٹرویوز دیے، آج کے بعد عمران نیازی کا احتساب نہیں چلے گا۔

انہوں نے کہا کہ چیئرمین نیب نے انٹرویو میں کہا کہ حکومتی لوگوں کو پکڑا تو حکومت گر جائے گی، کیا قومی مفاد کا فیصلہ کرنا بھی چیئرمین نیب کا کام ہے؟ علیمہ خان اور فیصل واوڈا کے بیرون ملک اثاثے سامنے آگئے ہیں لیکن کوئی کارروائی نہیں ہوتی، عمران نیازی نے سرکاری ہیلی کاپٹر پر جو سیر سپاٹے کیے ، نیب کو ان کی فکر نہیں، نیب کو علیمہ باجی کی کرپشن نظر نہیں آتی۔

اپوزیشن لیڈر پنجاب اسمبلی کاکہنا تھاکہ عمران نیازی اپوزیشن کو گرفتار کرنا چاہتے ہیں، آشیانہ ہاؤسنگ اسکیم میں نہ ایک انچ زمین گئی نہ ایک پائی کی کرپشن ہوئی، عمران نیازی سرکاری ہیلی کاپٹر استعمال کریں تو ٹھیک اور نواز شریف سرکاری گاڑیاں استعمال کریں تو غلط، یہ عمران نیازی اور نیب کا گٹھ جوڑ ہے، اگرآپ مجھے گرفتار کرکے عمران نیازی کو خوش کر سکتے ہو تو قوم کوتو بتا دو۔ علاوہ ازیں نیب نے مبینہ منی لانڈرنگ اور آمدن سے زائد اثاثہ جات کے الزامات میں حمزہ شہباز کو کل صبح 9 بجے طلب کرلیا۔

لاہور(ایمرا نیوز آن لائن)
پاکستان کے معروف بینڈ ’جنون‘ نے ورلڈ کپ کے لیے 23 برس بعد اپنا نیا ترانا ’چھولے آسمان‘ ریلیز کردیا۔

گزشتہ ہفتے جنون بینڈ نے سوشل میڈیا پر اعلان کیا تھا کہ وہ ورلڈ کپ 2019 میں قومی کرکٹ ٹیم کی حوصلہ افزائی کے لیے نیا ترانا پیش کرنے والے ہیں، یہ ترانا پوری قوم سمیت خاص طور پر ان افراد کے لیے ہوگا جن کو معاشرے میں اہمیت نہیں دی جاتی۔

جنون بینڈ نے 2 منٹ 59 سیکنڈز پر مشتمل ’چھولے آسمان‘ ترانا ریلیز کردیا ہے جس میں دیکھا جا سکتا ہے کہ پاکستان کی پوری قوم کرکٹ کے جنون میں مبتلا ہے۔ ’چھولے آسمان‘ جنون بینڈ میں ہمیشہ کی طرح جوش و ولولے سے بھرپور گلوکاری کرنے والے علی عظمت نے گایا ہے جن کا گٹارسٹ سلمان احمد اور برائن نے ساتھ دیا ہے۔

جنون کے ’چھولے آسمان‘ میں دیکھا جاسکتا ہے کہ ملک کے ہر کونے سے لوگ خواہ وہ ہندو، عیسائی یا سکھ ہوں، سب ہی قومی کرکٹ ٹیم کی جیت کے لیے دعاگو ہیں۔ ویڈیو میں دیکھا جاسکتا ہے کہ بچے، بڑے، بوڑھے اور خواتین سب ہی کرکٹ کے دیوانے ہیں اور پاکستان کی جیت کا انتظار کرتے ہیں۔ چھولے آسمان پوری قوم کو یہ پیغام دیتا ہے کہ پاکستان سب کا ہے اور ہم سب ایک متحد قوم ہیں کوئی کسی سے جدا نہیں۔ جنون نے 1996 میں بھی ورلڈکپ کے لیے ترانا تیار کیا تھا اور اس طرح یہ ورلڈکپ کیلئے 23 سال بعد تیار کیا جانے والا ترانا ہے۔

ملائشیا (ایمرا نیوز سبط حسین)
ملائشیا میں موجود پاکستانی مزدور کی ٹانگ پر پائلنگ گرنے سے مزدور شدید زخمی ہوگیا. ذرائع کا کہنا ہے سرفراز علی نامی مزدور دوران مزدوری فیکٹری میں شٹرنگ کا کام کر رہا تھا کہ اچانک اس کے ٹانگ پر پائلنگ گرنے اس کو شدید چوٹ لگی جس کے بعد خون کا بہاؤ شروع ہو گیا. زخمی مزدور کو اسپتال منتقل کر دیا گیا جس میں اس کا علاج جاری ہے.

اس حادثہ کے بعد مزدور کا کہنا تھا کہ اس کو اپنے گھر واپس پاکستان جانا ہے. اور اس نے پاکستان ایمبیسی سے بھی مطالبہ کیا کہ جلد از جلد اسے اپنے وطن واپس پاکستان جانا ہے. مزید کہنا تھا کہ پاکستان میں اس کا علاج بہتر طور پر ہو سکتاہے.

لاہور (ایمرا نیوز آن لائن)
سابق کرکٹر مشتاق احمد نے کہا کہ ورلڈ کپ میں پاکستان کے خلاف پہلے میچ نے انہیں مشکل میں ڈال دیا ہے لیکن پیشہ وارانہ طور پر وہ ویسٹ انڈیز ٹیم کے ساتھ مخلص ہیں۔

آئی سی سی کرکٹ ورلڈ کپ کا آغاز 30 مئی سے ہو رہا ہے جب کہ ٹیم 31 مئی کو ویسٹ انڈیز کے خلاف پہلا میچ کھیلے گی۔ ‏سابق ٹیسٹ کرکٹر مشتاق احمد ایک بار پھر ویسٹ انڈیز کرکٹ ٹیم کے ساتھ بطور اسسٹنٹ کوچ فرائض انجام دے رہے ہیں۔ مشتاق احمد کہنا ہے کہ ان کا دل پاکستانی ہے اور ہمیشہ رہے گا لیکن پیشہ وارانہ طور پر وہ ویسٹ انڈیز ٹیم کے ساتھ مخلص ہیں۔

انہوں نے کہا کہ جب وہ انگلینڈ ٹیم کے ساتھ تھے ان کی کوشش ہوتی تھی کہ جب پاکستان کے خلاف میچ ہو وہ کم ہی بولیں۔ سابق ٹیسٹ کرکٹر کا کہنا تھا کہ وہ اب بھی کم ہی بولیں گے لیکن جب کھلاڑیوں کو ضرورت ہو گی تو ویسٹ انڈیز ٹیم کی پوری طرح سے مدد کریں گے۔ ‏مشتاق احمد کا ماننا ہے کہ ویسٹ انڈیز کی ٹیم پاکستان پر اٹیک کرنے کی کوشش کرے گی کیونکہ جارحانہ انداز سے ہی اسے کامیابی ملے گی۔

انہوں نے کہا کہ ان کی ٹیم میں چار، پانچ فاسٹ بولرز کی رفتار 90 سے اوپر ہے اور وہ باؤنسرز کرنا جانتے ہیں اور وہ پاکستان ٹیم کو باؤنسرز مار کر دباؤ میں لائیں گے۔ مشتاق احمد کے مطابق کرس گیل اور آندرے رسل کے آنے سے ویسٹ انڈیز کی بولنگ بھی مضبوط ہوئی ہے، شے ہوپس بھی اچھی بیٹنگ کر رہے ہیں اس لیے میں سمجھتا ہوں کہ ویسٹ انڈیز کی بیٹنگ پاکستان ٹیم کے لیے مشکلات پیدا کر سکتی ہے۔ ‏سابق کرکٹر نے کہا کہ دونوں ٹیمیں اٹیک کرنے کی کوشش کریں گی اور جو زیادہ اٹیک کرنے میں کامیاب ہوئی وہ جیتے گی۔