Category کرکٹ

جنوبی افریقہ اور پاکستان کے مابین ٹیسٹ سیریز کیلئے قومی سکواڈ کے اعلان کے بعد ٹیسٹ سکواڈ کی کوویڈ ٹیسٹنگ کل مکمل کرلی جائے گی۔
تفصیلات کے مطابق ذرائع کا کہنا ہے کہ ٹیسٹ سکواڈ کی دوسری کورونا ٹیسٹنگ 19 جنوری کو ہو گی جس کے بعد سکواڈ میں شامل تمام کھلاڑی کراچی کے بائیو سیکیور ببل میں جائیں گے۔ نیوزی لینڈ کا دورہ کرنے والے کرکٹرز سمیت دیگر کچھ کھلاڑیوں کی کوویڈ ٹیسٹنگ ہوچکی ہے۔
پاکستان کرکٹ بورڈ (پی سی بی) نے ٹیسٹ سکواڈ کو فیملز ساتھ رکھنے کی اجازت دے رکھی ہے ، سیریز کے دوران ٹیسٹ سکواڈ میں شامل اراکین جو فیملیز کو ساتھ رکھنا چاہیں گے ان کی ٹیسٹنگ بھی ہوگی
واضح رہے کہ جنوبی افریقہ کیخلاف سیریز کیلئے پاکستان ٹیسٹ سکواڈ کا آج اعلان کیا جا رہا ہے، کھلاڑی اپنے اپنے مقام پر ٹریننگ کا سلسلہ جاری رکھیں گے۔

کرائسٹ چرچ میں پاکستان کے خلاف 238 رنز کی اننگز کھیلنے والے کیوی کپتان کین ولیمسن نے آئی سی سی ٹیسٹ رینکنگ میں پہلی پوزیشن مزید مستحکم کرنے کے ساتھ ساتھ کسی بھی کیوی بلے باز کی جانب سے سب سے زیادہ ریٹنگ پوائنٹس حاصل کرنے کا کارنامہ بھی سرانجام دیا ۔ دسمبر 2018ء میں 915 پوائنٹس تک پہنچنے والے ولیمسن نے اب 919 ریٹنگ پوائنٹس حاصل کرلیے ہیں، وہ 900 ریٹنگ پوائنٹس حاصل کرنے والے دوسرے کیوی کھلاڑی ہیں۔

اس سے قبل رچرڈ ہیڈلی نے دسمبر 1985ء میں سر رچرڈ ہیڈلی نے بائولرز کی رینکنگ میں 909 پوائنٹس حاصل کیے تھے ۔ آسٹریلیا کے سٹیو سمتھ نے سڈنی ٹیسٹ میں بھارت کیخلاف 131 اور 81 رنز کی باریاں کھیل کر بھارتی کپتان ویرات کوہلی کو پیچھے دھکیلتے ہوئے دوسری پوزیشن اپنے نام کرلی ہے ، جنوبی افریقی اوپنر ڈین ایلگر سری لنکا کے خلاف دوسرے ٹیسٹ میں 127 اور 31 ناٹ آئوٹ رنز سکور کرکے 13 ویں پوزیشن پر پہنچ گئے ، ہنری نکولس نے 157 رنز کی اننگز کھیلنے کے بعد بیٹسمنوں کی رینکنگ میں 9ویں پوزیشن حاصل کرلی ہے جبکہ فاسٹ بائولر کائل جیمیسن نے پاکستان کے خلاف دوسرے ٹیسٹ میں 117 رنز کے عوض 11 شکار کرکے 7 درجے ترقی کے ساتھ 21 ویں پوزیشن سنبھال لی ہے، جیمیسن اب تک صرف 6 ٹیسٹ میچز میں 36 وکٹیں حاصل کرکے آل راؤنڈروں میں 5ویں نمبر پر ہے۔

قومی ٹیم کے سابق کپتان اظہر علی کی 93 اور 37 رنز کی اننگزنے انہیں 7 درجے ترقی کے ساتھ 18 ویں پوزیشن دلوائی،قائم مقام کپتان محمد رضوان پہلی اننگز میں نصف سنچری بنا کر 47 ویں سے 37 ویں پوزیشن پر آگئے،فہیم اشرف 17 درجے ترقی پاکر 77ویں پوزیشن پر پہنچے۔ سڈنی ٹیسٹ میں 91 اور 73 رنز بنانے والے مارنس لبسشین نے 866 پوائنٹس کے ساتھ اپنی چوتھی پوزیشن مستحکم کی،پاکستانی کپتان بابراعظم کی 5ویں پوزیشن برقرار ہے، فاسٹ بولر جوش ہیزل ووڈ نے میچ میں 4 وکٹوں کے ساتھ 3 درجے ترقی پاکر 5 ویں پوزیشن حاصل کی۔

بھارتی بلے باز چیتشور پجارا کی 50 اور 77 رنز کی اننگز نے انہیں 10ویں سے 8ویں پوزیشن پر پہنچایا، رشبھ پانت کے 36 اور 97 کے سکورز نے انہیں 45ویں سے 26 ویں پوزیشن پر پہنچنے میں مدد فراہم کی ۔ سینچورین ٹیسٹ میں انریچ نورٹجے (48ویں سے 38 ویں پوزیشن) ، ویان مولڈر (67ویں سے 45 ویں پوزیشن) ، لوتھو سیپملا (70ویں سے47 ویں پوزیشن) اور لونگی نگیڈی (56ویں سے 49 ویں پوزیشن) ترقی پانے والے بائولرز تھے۔ سری لنکن کپتان دیموت کرونارتنے نے 17ویں سے 15ویں اور کوسل پریرا نے 60ویں سے 56 ویں پوزیشن پر چھلانگ لگائی۔

پاکستان کرکٹ بورڈ نے سال دو ہزار بیس کے ایوارڈز کا اعلان کردیا۔ پی سی بی نے سال 2020 کے ایوارڈز کا اعلان کردیا۔ 12 کیٹگریزمیں ایوارڈز کی نامزگیوں کا فیصلہ آزاد جیوری نے کیا۔ بابر اعظم کو موسٹ ویلیو ایبل اور وائٹ بال کرکٹر آف دی ایئر قرار دیا گیا۔ محمد رضوان ٹیسٹ کرکٹر آف دی ایئر اور فواد عالم کو انفرادی کارکردگی کا ایوارڈ مل گیا۔
فاسٹ بولر نسیم شاہ کوبیسٹ ایمرجنگ انٹرنیشنل کرکٹرکا ایوارڈ دیا گیا۔ ایمرجنگ ڈومیسٹک کرکٹر کا ایوارڈ وکٹ کیپر روحیل نذیر کے نام رہا۔
کامران غلام کو ڈومیسٹک کے بہترین کرکٹر کا ایوارڈ مل گیا۔ آصف یعقوب سال ٹونٹی ٹونٹی کے بہترین امپائر قراردیے گئے۔
ایمرجنگ ڈومیسٹک بہترین خاتون کرکٹر فاطمہ ثناءکو قراردیا گیا جب کہ عالیہ ریاض بیسٹ وومن کرکٹر آف دی ایئرقرارپائیں۔

بھارتی کرکٹ ٹیم نے میلبورن ٹیسٹ میچ میں آسٹریلیا کو 8 وکٹوں سے شکست دے کر چار میچوں کی سیریز 1-1 سے برابر کر دی ہے۔

تفصیلات کے مطابق میلبورن کرکٹ گراﺅنڈ میں کھیلے گئے میچ میں بھارتی ٹیم نے آسٹریلیا کی جانب سے ملنے والا 69 رنز کا ہدف 16 ویں اوور میں محض 2 وکٹوں کے نقصان پر حاصل کر لیا۔ بھارت کی جانب سے شوبمان گل نے 35 رنز کی ناقابل شکست اننگز کھیلی جبکہ کپتان اجنکیا ریحانے 27 رنز بنا کر آﺅٹ رہے۔
آسٹریلیا کی جانب سے فاسٹ باﺅلر مچل سٹارک اور فاسٹ باﺅلر پیٹ کومنز نے ایک، ایک کھلاڑی کو پویلین کی راہ دکھائی جبکہ جوش ہیزل ووڈ، نتھن لیون اور مارنوش لابوشین کوئی بھی وکٹ حاصل کرنے میں کامیاب نہ ہو سکے۔
قبل ازیں آسٹریلیا نے ٹاس جیت کر بیٹنگ کرنے کا فیصلہ کیا تو پوری ٹیم پہلی اننگز میں 195 رنز بنا کر ہی ڈھیر ہو گئی۔ مارنوس لابوشین سب سے زیادہ 48 رنز بنا سکے جبکہ ٹریویس ہیڈ نے 38 رنز بنائے۔
بھارت کی جانب سے جسپریت بمرا نے تباہ کن باﺅلنگ کرتے ہوئے 16 اوورز میں 56 رنز کے عوض 4 وکٹیں حاصل کیں جبکہ روی چندرن ایشوین نے 3 کھلاڑیوں کو پویلین کی راہ دکھائی۔
آسٹریلیا کی پہلی اننگز کے جواب میں بھارتی ٹیم کپتان اجنکیا ریحانے کی سنچری کی بدولت 326 رنز بنانے میں کامیاب ہوئی اور یوں آسٹریلیا کو 131 رنز کے خسارے کا سامنا کرنا پڑا جس کے جواب میں آسٹریلین ٹیم دوسری اننگز میں بھی صرف 200 رنز بنا سکی اور یوں بھارت کو جیت کیلئے 69 رنز کا ہدف ملا جو اس نے باآسانی 2 وکٹوں کے نقصان پر حاصل کر کے میچ جیت لیا۔

قومی ٹیم کے بیٹنگ کوچ یونس خان نے کہا ہے کہ محمد رضوان کی جتنی تعریف کی جائے کم ہے اور فہیم اشرف ایک آل راؤنڈر کا کردار ادا کر رہے ہیں۔
تفصیلات کے مطابق ماﺅنٹ منگنوئی ٹیسٹ کے تیسرے روز کا کھیل ختم ہونے کے بعد میڈیا سے بات کرتے ہوئے سابق کپتان اور قومی ٹیم کے بیٹنگ کوچ یونس خان نے کہا کہ ٹاپ آرڈر سے رنز نہیں ہوئے لیکن انہوں نے کریز پر وقت ضرور گزارا، فہیم اشرف کیلئے سٹیج تیار تھا کیونکہ جب وہ کریز پر پہنچے تو 50 اوورز ہو چکے تھے، ٹاپ آرڈر میں ایک اچھی پارٹنر شپ ہو جاتی تو صورتحال مختلف ہوتی۔
سابق کپتان نے کہا کہ کھیل کے دوسرے روز شان مسعود کا آؤٹ ہونا پاکستان ٹیم کی بدقسمتی رہی، میچ کے تیسرے روز ناٹ آؤٹ سیٹ بیٹسمین کھیل رہے ہوتے تو بہت فائدہ ہوتا اور پارٹنر شپ لگنے سے دوسری ٹیم پر دباؤ ہوتا ہے، اگر اننگز میں 100 رنز کی 2سے 3 پارٹنر شپ ہو جائیں تو بہت فائدہ ہوجاتا ہے، نیوزی لینڈ کی اننگز میں بھی اسی طرح ہوا، انہوں نے ایک لمبی اور دو چھوٹی چھوٹی پارٹنر شپ لگائیں اور 400 سے زائد رنز بنا لئے۔
یونس خان نے کہا کہ محمد رضوان کی جتنی تعریف کی جائے کم ہے، وکٹ کیپر بیٹسمین انگلینڈ میں بھی اچھا کھیلے، ان کی آج کی اننگز بالکل مختلف تھی، محمد رضوان ایک میچور اور سینئر کھلاڑی کے روپ میں نظر آ رہے ہیں، اسی طرح کھیلتے رہے تو پاکستان کو بہت فائدہ ہوگا، کپتان کی اپنی کارکردگی بہت اہمیت رکھتی ہے، ذاتی پرفارمنس اچھی ہو تو فیلڈ میں فیصلے بھی بہتر ہوتے ہیں۔
اس موقع پر انہوں نے آل راﺅنڈر فہیم اشرف کی بھی تعریف کی اور کہا کہ وہ ایک آل راؤنڈر کا کردار ادا کر رہے ہیں، امید ہے کہ عمدہ کارکردگی کا سلسلہ جاری رکھیں گے، ان کے کھیل میں بہتری آرہی ہے، وہ اچھے باؤٔلنگ آل راؤنڈر بننے کی صلاحیت رکھتے ہیں۔

پاکستان اور نیوزی لینڈ کے درمیان دو ٹیسٹ میچوں کی سیریز کے پہلے میچ کے پہلے دن کے اختتام پر کیویز نے 3 وکٹوں کے نقصان پر 222 رنز بنا لیے۔

ماؤنٹ مونگا نوئی میں کھیلے گئے ٹیسٹ میں پاکستان کے کپتان محمد رضوان نے ٹاس جیت کر پہلے فیلڈنگ کا فیصلہ کیا۔ نیوزی لینڈ کی جانب سے اننگز کا آغاز ٹام لیتھم اور ٹام بلنڈل نے کیا لیکن شاہین شاہ آفریدی نے دونوں کھلاڑیوں کو 13 رنز پر پویلین بھیج دیا۔ کیویز بلے باز ٹام لیتھم 4 جبکہ ٹام بلنڈل صرف 5 رنز بناسکے۔

کیویز اوپنرز کے جلد آؤٹ ہونے کے بعد کپتان کین ولیمسن اور راس ٹیلر نے وکٹ پر جم گئے اور دونوں کھلاڑیوں کے درمیان 100 سے زائد رنز کی شراکت قائم ہوئی۔ شاہین شاہ آفریدی نے 133 رنز پر راس ٹیلر کو بھی اپنا شکار بنایا، راس ٹیلر 70 رنز بنا کر آؤٹ ہوئے اور ان کی اننگز میں 10 چوکے اور ایک چھکا شامل تھا۔ کپتان کین ولیمسن 94 اور ہنری نکولس 42 رنز بنا کر کریز پر موجود ہیں۔

کپتان محمد رضوان کا کہنا تھا کہ بابر اعظم کی کمی ہو گی لیکن کھلاڑی اچھا کھیل پیش کرنے کے لیے پراعتماد ہیں۔ کیوی کپتان کین ولیمسن نے کہا کہ اگر ہم ٹاس جیت جاتے تو ہم بھی پہلے بیٹنگ کا ہی فیصلہ کرتے۔

قومی سکواڈ میں کپتان محمد رضوان، عابد علی، شان مسعود، اظہر علی اور حارث سہیل شامل ہیں۔ فواد عالم، فہیم اشرف، یاسر شاہ اور محمد عباس بھی ٹٰم کا حصہ ہیں۔

بھارت کے شہر ممبئی میں رات کے اوقات میں کرفیو نافذ کیا گیاہے جس کی مدت 22 دسمبر سے 5 جنوری تک ہے ، پابندی کے باوجود پب میں دیر رات کو پارٹی کا انعقاد کیا گیا لیکن ممبئی پولیس نے چھاپہ مار کر سلیبریٹریز سمیت 34 افراد کو گرفتار کرتے ہوئے مقدمہ درج کر لیا ہے تاہم بعداز اں انہیں جانے دیا گیا ۔

بھارتی میڈیا کے مطابق ممبئی ایئرپورٹ کے پاس واقع ”ڈریگن فلائی “نامی پب میں دیر رات تک پارٹی چلنے پر کارروائی کرتے ہوئے چھاپہ مارا، جس دوران بھارت کے نہایت مشہور گلوکار ” گرو رندھاوا “ ، جن کے ” لگدی لاہور دی اے “ گانے نے خوب شہرت کمائی ، سمیت ہیرتک روشن کی سابق اہلیہ سوزین خان اور بھارت کے سابق معروف کرکٹر سوریش رائنا سمیت دیگر 34 افراد کو کو حراست میں لیا گیا ۔تاہم بعدازاں انہیں ضمانت پر رہا کر دیا گیا لیکن تمام 34 لوگوں کے خلاف قواعد ضوابط پر عمل نہ کرنے کی دفعات کے تحت مقدمہ درج کیا ہے ۔ممبئی میں کووڈ اور لاک ڈاو¿ن قواعد و ضوابط کے تحت پب کو کھولے رکھنے کا زیادہ سے زیادہ وقت رات11:30 بجے تک ہے۔ لیکن اس پب میں صبح چار بجے تک پارٹی چل رہی تھی۔ سوریش رائنا پر دفعہ 188 کے تحت معاملہ درج کیا گیا ہے۔

سلیبریٹرز کو حراست میں لینے کے بعد ممبئی پولیس کی جانب سے ٹویٹر پر نہایت دلچسپ پیغام جاری کیا گیا جس میں چھاپہ مارکارروائی کی تصدیق کی گئی اور ساتھ بالی ووڈ کے گانے کی طرز پر پیغام جاری کرتے ہوئے کہا گیا کہ ” پارٹی صبح چھ بجے تک نہیں چلے گی “ ۔ممبئی پولیس کا کہناتھا کہ چھاپہ مار کارروائی صبح تین بجے کے قریب کی گئی ہے ۔پولیس کا کہناتھا کہ 34 افراد میں سے 19 کا تعلق دہلی اور پنجاب سے ہے جبکہ ان میں معرو ف ترین سلیبریٹرز بھی شامل ہیں ۔گرفتار کیے جانے والوں میں پب کا سٹاف بھی شامل ہے ۔

پاکستان نے نیوزی لینڈ کے خلاف تیسرے اور آخری ٹی 20 میچ کا ٹاس جیت کر پہلے بولنگ کا فیصلہ کر لیا، کیوی ٹیم کی بیٹنگ جاری ہے.

نیوزی لینڈ کی ٹیم بیٹنگ کیلئے میدان میں اتری تو اوپنرز مارٹن گپٹل اور ٹم سیفرٹ نے ایک چھکے اور 3 چوکوں سے جارحانہ کھیل کا آغاز کیا، گپٹل نے 19 سکور ہی بنائے تھے کہ حارث روف کی بال پر آوٹ ہو گئے، ان کا کیچ شاداب خان نے پکڑا۔ ان کے بعد کین ولیم سن آئےجو صرف 1 رن بنا کر چلتے بنے۔ ٹم سیفرٹ نے 3 چھکوں اور 2 چوکوں کی مدد سے 35 رنز کا اضافہ کیا تاہم وہ بھی کریز پر زیادہ دیر نہ ٹھہر سکے اور فہیم اشرف کی بال پر پویلین لوٹ گئے۔

شاہینوں کو آج کلین سویپ سے بچنے کا امتحان درپیش ہے، تیسرے اور آخری ٹی ٹونٹی کیلئے قومی ٹیم میں 3 تبدیلیاں کی گئی ہیں، عبداللہ شفیق، عمادوسیم اور وہاب ریاض کو ڈراپ کر کے حسین طلعت، محمد حسنین اور افتخار احمد کو شامل کیا گیا ہے۔

میچ سے قبل گفتگو کرتے ہوئے کپتان شاداب خان کا کہنا تھا کہ بہت سے کھلاڑی آج پہلی بارکھیل رہےہیں، دورے سے نوجوان پلیئرز یقیناً بہت کچھ سیکھ رہےہیں، گزشتہ میچ میں محمدحفیظ نے شاندار بیٹنگ کی۔ کیوی کپتان کین ولیم سن کا کہنا تھا کہ ہم آج پہلےبیٹنگ کر رہےہیں، پاکستان کو اچھا ٹارگٹ دیں گے، ٹیم میں کوئی تبدیلی نہیں کی گئی۔

واضح رہے کہ میزبان ٹیم کو سیریز میں دو صفر کی فیصلہ کن برتری حاصل ہے۔

نیوزی لینڈ کےخلاف باکسنگ ڈے ٹیسٹ کے لیے17 رکنی قومی ٹیسٹ اسکواڈ کا اعلان کر دیا گیا، بابر اعظم اور امام الحق انجری کے سبب پہلے ٹیسٹ میچ سے باہر، عمران بٹ کی انٹری، ٹیم کی قیادت قیادت محمد رضوان کریں گے۔

پاکستان اور نیوزی لینڈ کے درمیان ٹیسٹ سیریز کا پہلا میچ 26 دسمبر سے ماؤنٹ منگنوئی میں شروع ہو گا، ٹور سلیکشن کمیٹی کے مطابق گزشتہ ہفتے کوئنز ٹاؤن میں ٹریننگ کے دوران گیند لگنے سے بابر اعظم کے دائیں ہاتھ کا انگوٹھا جبکہ امام الحق کے بائیں ہاتھ کا انگوٹھا فریکچر ہو گیا تھا، بابر اعظم کی عدم دستیابی کے باعث اسکواڈ کے نائب کپتان محمد رضوان ہفتے سے شروع ہونے والے ٹیسٹ میچ میں قومی کرکٹ ٹیم کی قیادت کریں گے۔ وہ کرکٹ کے سب سے اہم فارمیٹ میں پاکستان کی قیادت کرنے والے 33ویں کپتان ہوں گے، ٹیم میں سرفراز احمد، شاداب خان، عابد علی، اظہر علی، شان مسعود، فواد عالم، سہیل خان، یاسر شاہ سمیت محمد عباس، عمران بٹ، حارث سہیل، نسیم شاہ، شاہین شاہ آفریدی اور فہیم اشرف شامل ہیں۔

قومی کرکٹ ٹیم کے ہیڈ کوچ مصباح الحق کا کہنا ہے کہ نیوزی لینڈ کی ٹیم کے خلاف ٹی ٹونٹی سیریز ہارنے پر مایوسی ہے، ہمیں اپنی انفرادی اور ٹیم کارکردگی میں بہتری لانے کے لیے صلاحیتوں میں نکھارلانے کی ضرورت ہے اور جتنی جلدی ہم ان شعبوں میں بہتری لے آئیں گے اتنا ہی ہمارے لیے بہتر ہوگا کیونکہ 2021 مصروف ترین سال ہے اور اس سال ہمیں 2 بڑے ایونٹس میں بھی شرکت کرنی ہے۔

ہیڈ کوچ نے کہا کہ ٹی ٹونٹی اسکواڈ کے برعکس ہمارا ٹیسٹ اسکواڈ قدرے تجربہ کار ہے، ہمارے پاس تجربہ کار فاسٹ باؤلرز اور بیٹسمین موجود ہیں، مجھے امید ہے کہ ہم طویل طرز کی کرکٹ میں اچھا کھیل پیش کریں گے، مصباح الحق نے کہا کہ بلاشبہ پہلے ٹیسٹ میچ کے آغاز کے موقع پر بابراعظم کی انجری کو تقریباَ دو ہفتے گزر چکے ہوں گے تاہم نیٹ سیشنز کے بغیر میچ کے لیے واپسی ان کے اور ٹیم دونوں کے لیےایک سخت فیصلہ ہوگا، مجھے دیگر کھلاڑیوں پر اعتماد ہے کہ وہ ٹی ٹونٹی سیریز کی ناکامی کو پس پشت ڈال کر ٹیسٹ سیریز میں بہترین کارکردگی کا مظاہرہ کرنے کی کوشش کریں گے۔

قومی شاہینوں نے نیپئر ڈیرے جما لیے، پاکستان اور نیوزی لینڈ کے درمیان تیسرا اور آخری ٹی 20 میچ کل ہو گا، میزبان کیویز کو سیریز میں دو صفر کی فیصلہ کن برتری حاصل ہے، کپتان شاداب خان کہتے ہیں خامیاں اور ناکامیاں بھلا کر میدان میں اتریں گے۔ آکلینڈ سے ہملٹن اور اب نیپئر کا سفر مکمل، قومی ٹی 20 اسکواڈ ہملٹن سے بذریعہ بس نیپئر پہنچا۔ انجری کے باعث سیریز سے آؤٹ بابر اعظم بھی ٹیم کے ہمراہ ہیں۔ سیریز کے تیسرے اور آخری ٹی 20 میچ کی تیاریاں مکمل ہیں، پلان بھی فائنل ہیں۔

منگل کو دونوں ٹیمیں پاکستانی وقت کے مطابق صبح گیارہ بجے ہی اِن ایکشن ہوں گی، ٹیم کے بڑوں نے سر جوڑ لیے، جوڑ توڑ، ایک یا دو تبدیلیوں کا امکان ہے۔ کپتان شاداب خان کہتے ہیں کہ بار بار کی غلطیوں سے سبق سیکھ کر کم بیک کریں گے، دوسرے میچ میں ہچکولے کھاتی پاکستانی بیٹنگ لائن کو محمد حفیظ نے سہارا دیا، پروفیسر کے ناٹ آؤٹ 99 رنز بھی بے کار گئے، نو وکٹ کی شکست کھانے والی ٹیم کو سیریز میں دو صفر کا خسارہ ہے۔