Category دلچسپ و عجیب

استنبول:(نیٹ نیوز/ایمرا نیوز) ترکی سے ایک دلچسپ خبر آئی ہے جس میں پولیس نے ایک ایسے شخص کو گرفتار کیا ہے جو روزانہ پولیس کو سیکڑوں مرتبہ فون کرتا تھا اور پورے سال اس نے 45 ہزار 210 بار محکمے کو فون کرکے پریشان کیا اور ان کا وقت ضائع کیا۔55 سالہ شرف جان استنبول کے قریبی ضلع بہرام پاشا کا رہائشی ہے اور ایک عرصے سے تنہا رہ رہا ہے۔ اس پر الزام ہے کہ اس نے ایک دن میں کم ازکم 100 مرتبہ پولیس کو فون کیا اور 15 مئی 2017 سے 15 مئی 2018 تک مسلسل ایک ہی نمبر سے 45 ہزار سے زائد مرتبہ پولیس کو فون کیا اور نہ کوئی مدد طلب کی اور نہ ہی کسی قسم کی کوئی شکایت کی۔شکایت درج کرانے کی بجائے وہ لائن پر موجود افسر سے باتیں کرنے لگ جاتا اور گفتگو کو طول دینا اس کا معمول تھا۔ بار بار اس رویّے کے بعد پولیس نے اس شخص کو فضول کال کرنے والا عادی شخص قرار دیا۔اس کے بعد بھی یہ سلسلہ نہ رکا اور پولیس نے کمیونی کیشن ڈپارٹمنٹ کو اس شخص کی شکایت درج کرادی۔ ادارے نے تصدیق کی کہ شرف جان نے پولیس ایمرجنسی کے 115 نمبر پر ہزاروں مرتبہ کال کی ہے اور اس پر کارِ سرکار میں مداخلت کا الزام لگایا گیا ہے۔ اب اس شخص پر استنبول کی عدالت میں مقدمہ چلایا جارہا ہے اور اسے پانچ برس کی سزا ہوسکتی ہے۔دوسری جانب ملزم شرف کا کہنا ہے کہ اس نے تنہائی سے تنگ آکر پولیس کو بار بار فون کیا جس کے لیے وہ معذرت خواہ ہے۔ اس نے بتایا کہ دو سال قبل طلاق کے بعد اس کی بیوی اسے چھوڑ کر چلی گئی ہے اور وہ شراب نوشی کا عادی ہوچکا ہے، وہ ذہنی تناؤ سے بچنے کےلیے کال کرتا ہے۔شرف جان نے اپیل کی ہے کہ اگر اسے بری کردیا جائے تو وہ آئندہ ایسی حرکت نہیں کرے گا۔

واشنگٹن(نیٹ نیوز/ایمرا نیوز) امریکا کے شہر واشنگٹن میں لاٹری کی مالیت 21 ارب 26 کروڑ 96 لاکھ روپے تک چلی گئی، آنکھوں میں سپنے سجائے لوگ جوق در جوق ٹکٹ خریدنے کے لیے پہنچ گئے۔

کسی کو دنیا گھومنے کا شوق تو کوئی عالیشان گھر کا خواہشمند، کسی نے کی زندگی بھر بیٹھ کر کھانے کی پلاننگ، واشنگٹن میں لاٹری لینے والوں کی تعداد میں روز بروز اضافہ ہی ہوتا جا رہا ہے۔لاکھوں لوگوں کے خوابوں نے لاٹری کی مالیت 21 ارب 26 کروڑ 96 لاکھ روپے تک پہنچا دی ہے۔

ممبئی(نیٹ نیوز/ایمرا نیوز) بھارتی ریاست مہاراشٹر کے وزیر اعلیٰ کی اہلیہ بحری جہاز میں سیلفی بنانے پر سخت تنقید کی زد میں آگئیں۔
مہاراشٹر کے وزیر اعلیٰ دیویندر فرنویس کی اہلیہ نے بحری جہاز میں ممبئی سے گوا جاتے ہوئے خطرناک حصے پر بیٹھ کر سیلفی بنائی ، اس موقع پر ان کے باڈی گارڈز نے انہیں روکنے کی کوشش کی لیکن وہ مسلسل سیلفیز لیتی رہیں۔

ریاست کے وزیراعلیٰ نے اپنی اہلیہ کا دفاع کرتے ہوئے کہا کہ وہ ایک سمجھ دار خاتون ہیں۔
دوسری جانب سخت تنقید کی زد میں آنے کے بعد امریتا فرنویس نے اپنے اس عمل پر معافی مانگ لی۔

“شاہ عبد الطیف بھٹائی” کا عرس پورے مذہبی جوش و خروش سےآج منایا جا رہا ہے. شاہ عبد اللطیف بھٹائی (سندھی زبان، شاہ عبد اللطیف بھٹائی) برصغیر کے عظیم صوفی شاعر تھے۔ آپ نے اپنی شاعری کے ذریعے اللہ اور اس کے رسول صلی اللہ علیہ و آلہ وسلم کے پیغام کو عام لوگوں تک پہنچایا۔ شاھ عبد اللطیف بھٹائی کی ولادت 1689ء، 1101ھ میں موجودہ ضلع مٹیاری کی تحصیل ہالا میں ہوئی۔ آپ کے والد سید حبیب شاہ ہالا حویلی میں رہتے تھے۔ اور موصوف کا شمار اس علاقے کی برگزیدہ ہستیوں میں تھا۔ شاہ صاحب کی پیدائش کے متعلق مشہور ہے کہ سید حبیب شاہ نے یکے بعد دیگرے تین شادیاں کیں لیکن اولاد سے محروم رہے۔ آپ نے اپنی اس محرومی کا ذکر ایک درویش کامل سے کیا، جن کا اسم گرامی عبداللطیف بتایا جاتا ہے۔ موصوف نے دعا کرتے ہوئے کہا کہ انشاء اللہ آپ کی مراد بر آئے گی۔ میری خواہش ہے کہ آپ اپنے بیٹے کا نام میرے نام پر عبد اللطیف رکھیں۔ خدا نے چاہا تو وہ اپنی خصوصیات کے لحاظ سے یکتائے روزگار ہو گا۔ سید حبیب شاہ کی پہلی بیوی سے ایک بچہ پیدا ہوا۔ درویش کی خواہش کے مطابق اس کا نام عبد اللطیف رکھا گیا۔ لیکن وہ بچپن میں ہی فوت ہو گیا۔ پھر اسی بیوی سے جب دوسرا لڑکا پیدا ہوا تو اس کا نام پھر عبد اللطیف رکھا گیا۔ یہی لڑکا آگے چل کر درویش کی پیشین گوئی کے مطابق واقِعی یگانہ روزگار ہوا۔ شاہ عبد الطیف بھٹائی کو “ست سورمیون کا شاعر” بھی کہا جاتا ہے۔

ابتدائی تعلیم:
شاہ عبد اللطیف نے ابتدائی تعلیم نُورمحمد بھٹی سے حاصل کی اور بھٹ شاہ بارہ میل دور گاؤں وائی کے رہنے والے اور مشہور مُدرس تھے آپ نے اپنے والد شاہ حبیب سے دینی تعلیم حاصل کی –

آباؤ اجداد:
شاہ عبد اللطیف بھٹائی کے آباؤ اجداد سادات کے ایک اہم خاندان سے تعلق رکھتے ہیں۔ آپ کا سلسلۂ نسب علی المرتضی اور رسول خدا حضرت محمد مصطفی اللہ علیہ و آلہ و سلم تک پہنچتا ہے۔ امیر تیمور کے زمانے میں ہرات کے ایک بزرگ سید میر علی بہت سی خوبیوں کے مالک تھے۔ اور آپ کا شمار اس علاقے کے معزز ترین افراد میں ہوتا تھا۔ 1398ء، -801ھ میں جب امیر تیمور ہرات آیا، تو سید صاحب نے اس کی اس کے ساتھیوں کی بڑی خاطر و تواضع کی، ساتھ ہی بڑی رقم بطور نذرانہ پیش کی۔ تیمور اس حسن سلوک سے متاثر ہوا۔ سید صاحب اور ان کے دو بیٹوں میر ابوبکر اور حیدرشاہ کو مصاحبین خاص میں شامل کر کے ہندوستان لے آیا۔ یہاں آنے کے بعد میر ابوبکر کو سندھ کے علاقے سیہون کا حاکم مقرر کیا۔ اور سید میر علی اور حیدر شاہ کو اپنے ساتھ رکھا۔ بعد کو سید حیدر شاہ بھی اپنے والد بزرگوار اور تیمور کی اجازت سے گھومتے پھرتے مستقل طور پر سندھ میں آ گئے اور ہالا کے علاقے میں شاہ محمد زمیندار کے مہمان ہوئے۔ شاہ محمد نے آپ کی کچھ اس طرح خدمت کی کہ وقتی راہ و رسم پر خلوص محبت میں بدل گئی۔ کچھ دنوں بعد اس نے اپنی لڑکی فاطمہ کی شادی آپ سے کردی۔ چونکہ آپ کی ماں کا نام بھی فاطمہ تھا، اس لیے شادی کے بعد اس نام کو سلطانہ سے بدل دیا گیا۔ سید حیدر شاہ قریب قریب تین سال تک ہالا میں رہے پھر اپنے والد کی وفات کی خبر سن کر ہرات گئے جہاں تین چار سال تک رہنے کے بعد وہیں وفات پا گئے۔ کہتے ہیں جب سید صاحب ہرات روانہ ہوئے تو آپ کی اہلیہ حاملہ تھیں انہوں نے چلتے وقت یہ وصیت کی تھی کہ اگر میری عدم موجودگی میں بچہ پیدا ہوا تو لڑکا ہونے کی صورت میں اس کا نام میر علی اور لڑکی ہو تو فاطمہ رکھا جائے۔ چنانچہ لڑکا پیدا ہوا اور وصیت کے مطابق اس کا نام میر علی رکھا گیا۔ میر علی کے خاندان میں بڑے بڑے صاحب کمال بزرگ پیدا ہوئے، ان بزرگوں میں شاہ عبد اللطیف بھٹائی کے علاوہ، شاہ عبد الکریم بلڑی وارو، سیدہاشم اور سید جلال خاص طور پر قابل ذکر ہیں۔

حالات زندگی:
شاہ عبد اللطیف بھٹائی کی ولادت کے کچھ دنوں بعد ان کے والد اپنے آبائی گاؤں چھوڑ کر کوٹری میں آکر رہنے لگے۔ پانج چھ سال کی عمر میں آخوند نور محمد کی مشہور درسگاہ میں تحصیل علم کے لیے بھیجے گئے۔ عام روایت ہے کہ شاہ صاحب نے الف کی سوا کچھ اور پڑھنے سے صاف انکار کر دیا۔ جن دنوں شاہ حبیب کوٹری میں آ کر آباد ہوئے ان دنوں کوٹری میں مرزا مغل بیگ ارغون کا ایک معزز خاندان سکونت پزیر تھا۔ شاہ حبیب کی پاکبازی اور بزرگی نے مغل بیگ کو بہت متاثر کیا۔ کچھ دنوں بعد وہ اپنے پورے خاندان کے ساتھ مریدوں میں شامل ہو گئے۔ جب کبھی مرزا کے گھر میں کسی کو کوئی بیماری ہوتی شاہ حبیب کو دعائے صحت کے لیے بلایا جاتا۔ گو کہ مرزا کے گھر میں سخت قسم کا پردے کا رواج تھا لیکن شاہ حبیب کے لیے اس رسم کو بالکل ختم کر دیا گیا۔ گھر کی مستورات بلا تکلف ان کے سامنے آجاتیں اور حسب ضرورت دعا تعویذ لے کر آنے والی بلاؤں کو ٹالتیں۔ آپ نے سندھی شاعری سے لوگوں کی اصلاح کی۔ شاہ جو رسالو آپ ہی کی ایک عظیم کوشش ہے۔

وفات:
آپ 1752ء میں 63 سال کی عمر میں بھٹ شاہ میں اس جہان فانی سے کوچ کر گئے۔ ہر سال اس دن کے موقع پر شاہ عبد اللطیف بھٹائی کی عرس تقریبات منعقد کی جاتی ہیں۔

کلام:
آپ کی کلام کو “شاہ جو رسالو” کا نام دیا گیا ہے
شاہ جو رسالو
Crystal Clear app kdict.png تفصیلی مضمون کے لیے شاہ جو رسالو ملاحظہ کریں۔
شاہ جو رسالو کی مختلف چیپٹر (جنہیں سُر کہا جاتا ہے) ہیں۔
1. سر کلیان، اس سر میں رب تعالی‘ کی عظمت کو بیان کیا گیا ہے
2. سر یمن کلیان، اس سر میں رب تعالی‘ کی عظمت کو بیان کیا گیا ہے
3. سر کھنبھاٹ، اس سر میں ۔۔۔۔۔۔۔ قصا بیان کیا گیا ہے
4. سر سریراگ، اس سر میں ۔۔۔۔۔۔۔ قصا بیان کیا گیا ہے
5. سر سامونڈی، اس سر میں ملاحوں کی ھمت حوصلا بیان کیا گیا ہے
6. سر سھنی، اس سر میں سھنی میھار کا قصا بیان کیا گیا ہے
7. سر سسئی آبری، اس سر میں سسئی پُنھون کا قصا بیان کیا گیا ہے
8. سر معذوری، اس سر میں ۔۔۔۔۔۔۔ قصا بیان کیا گیا ہے
9. سر دیسی، اس سر میں ۔۔۔۔۔۔۔ قصا بیان کیا گیا ہے
10. سر کوهیاری، اس سر میں ۔۔۔۔۔۔۔ قصا بیان کیا گیا ہے
11.سر حسینی، اس سر میں حضرت حسین کا قصا بیان کیا گیا ہے
12. سر لیلا چنیسر، اس سر میں لیلا چنیسر کا قصا بیان کیا گیا ہے
13. سر مومل رانو، اس سر میں مومل رانو کا قصا بیان کیا گیا ہے
14. سر مارئی، اس سر میں عمر مارئی (ماروی) کا قصا بیان کیا گیا ہے
15. سر کاموڈ، اس سر میں ۔۔۔۔۔۔۔ قصا بیان کیا گیا ہے
16. سر گھاتو، اس سر میں ملاحوں کی ھمت حوصلے کا قصا بیان کیا گیا ہے
17. سر سورٹھ، اس سر میں سورٹھ اور بادشاھ رائے ڈیاچ کا قصا بیان کیا گیا ہے
18. سر آسا، اس سر میں ۔۔۔۔۔۔۔ قصا بیان کیا گیا ہے
19. سر رپ، اس سر میں ۔۔۔۔۔۔۔ قصا بیان کیا گیا ہے
20. سر کھاھوڑی، اس سر میں ۔۔۔۔۔۔۔ قصا بیان کیا گیا ہے
21. سر بروو سندھی، اس سر میں ۔۔۔۔۔۔۔ قصا بیان کیا گیا ہے
22. سر رامکلی، اس سر میں جوگی فقراء کا قصا بیان کیا گیا ہے
23. سر کاپائتی، اس سر میں ۔۔۔۔۔۔۔ قصا بیان کیا گیا ہے
24. سر پورب، اس سر میں ۔۔۔۔۔۔۔ قصا بیان کیا گیا ہے
25. سر کارایل، اس سر میں ۔۔۔۔۔۔۔ قصا بیان کیا گیا ہے
26. سر پربھاتی، اس سر میں ۔۔۔۔۔۔۔ قصا بیان کیا گیا ہے
27. سر ڈهر، اس سر میں ۔۔۔۔۔۔۔ قصا بیان کیا گیا ہے
28. سر بلاول، اس سر میں ۔۔۔۔۔۔۔ قصا بیان کیا گیا ہے

حوالہ جات:
1.”شاہ عبداللطیف بھٹائی، سندھ کے بے مثال شاعر”۔
2. الطیف-بھٹائ/ ست سورمیون کا شاعر؛ شاہ عبد الطیف بھٹائی – Laaltain
3. Roznama Dunya: اسپیشل فیچرز :- سائیں شاہ لطیف بھٹائی
4. شاعر محبت شاہ عبد اللطیف بھٹائی رحمۃ اللہ علیہ Pioneers of Islamic Beliefs And Protection. Islamic Magazine Tahaffuz Karachi, Pakistan
5. WICHAAR DOT COM***** Punjabi News and Comprehensive Punjabi Journal*****

لاہور: (نیٹ نیوز/ایمرا نیوز) فلوریڈا میں منچلے نوجوان نے کیچڑ اور گارے ملے پانی میں ویک بورڈنگ کا مشکل مگر شاندار مظاہرہ کیا۔
ویک بورڈنگ کرناہر کسی کے بس کی بات نہیں ہوتی کیونکہ اس میں دھیان اور توازن دونوں کو برقرار رکھنا ضروری ہوتا ہے۔ اس نوجوان نے کیچڑ اور گندے پانی میں ویک بورڈنگ کرتے ہوئے ایسے شاندار کرتب دکھائے کہ دیکھنے والے حیران رہ گئے۔

فلوریڈا سے تعلق رکھنے والا یہ با صلاحیت نوجوان گھوڑے کے پیچھے رسی باندھ کر پانی اور کیچڑ بھرے راستوں کو شاندار انداز میں پار کرکے خوب داد وصول کرتا ہے، اس نوجوان کی ویڈیو نے سوشل میڈیا پر بھی خوب دھوم مچارکھی ہے۔

میلان:(نیٹ نیوز/ایمرا نیوز) سوشل میڈیا کے اس دور میں کئی کاروباری ادارے سوشل میڈیا ویب سائٹ سے وابستہ فالوورز کے لیے کئی ترغیبات دے رہے ہیں۔ اس ضمن میں اب اٹلی کے ایک ریستوران نے انسٹا گرام پر خاص تعداد میں فالوورز رکھنے والوں کے لیے مفت کھانے کا بھی اعلان کیا ہے۔اٹلی کے شہر میلان میں ایک ریستوران کا نام ’ دِس از ناٹ اے سوشی بار‘ ہے جس کے مالکان میٹیو اور ٹوماسو ہیں۔ اس ریستوران میں نقد رقم اور کارڈ کے علاوہ انسٹاگرام اکاؤنٹ رکھنے والے ایسے افراد بھی کھانا کھاسکتے ہیں جن کے فالوورز کی تعداد زیادہ ہوتی ہے۔ آپ کے فالوورز جتنے زیادہ ہوں گے اتنا ہی آپ مفت میں کھانا کھاسکتے ہیں اور اس کے لیے ایک پیسہ بھی ادا نہیں کرنا پڑتا۔

اگرچہ انسٹاگرام پر لاکھوں اور کروڑوں فالوورز رکھنے والے افراد مختلف مقامات پر مفت ڈنر اور لنچ کے علاوہ شاپنگ کرتے رہتے ہیں لیکن ایک ہزار یا چند ہزار فالوورز رکھنے والوں کو عموماً کوئی پوچھتا نہیں اور اسی کمی کو پورا کرنے کے لیے اس ریستوران نے عملی قدم اٹھایا ہے۔
اگر انسٹاگرام پر آپ کے صرف 1000 مداح ہیں تو یہاں سے سوشی پلیٹ مفت میں مل سکتی ہے، 5 سے 10 ہزار فالوورز ایسی دو پلیٹیں حاصل کرسکتے ہیں، 10 سے 50 ہزار فالوورز چار مختلف ڈشیں کھاسکتے ہیں جبکہ 50 ہزار سے ایک لاکھ فالوورزآٹھ مختلف کھانے اور ایک لاکھ سے زائد فالوورز والے مکمل طعام یا ظہرانہ کھاسکتے ہیں خواہ اس میں کتنی ہی ڈشیں کیوں نہ ہوں۔

لیکن صرف فالوورز کا ہونا کافی نہیں مفت کھانے کے لیے ضروری ہے کہ آپ اس پوسٹ کو انسٹا گرام پر شیئر بھی کریں اور اس کے ساتھ @thisisnotasishibar اور#thisisnotasushibar کا ہیش ٹیگ بھی استعمال کریں۔ اسے ریستوران کے کاؤنٹر پر دکھا کر آپ مفت کھانا کھاسکتے ہیں۔

کیلیفورنیا:(نیٹ نیوز/ایمرا نیوز) حالیہ چند برس میں زمین کے پڑوسی سیارے مریخ پر کسی نہ کسی صورت میں موجود حیات کی نئی بحث چل پڑی ہے لیکن اب ماہرین کہہ رہے ہیں کہ سرخ سیارے پر زندگی جاننے کے لیے اس کی مٹی کے اندر جھانکنا ہوگا کیونکہ وہاں آکسیجن کی مناسب مقدار دریافت ہوئی ہے۔

نیچر جیو سائنس میں شائع ایک رپورٹ کے مطابق مریخ کی مٹی میں آکسیجن موجود ہے۔ یہ بات حالیہ دو اہم دریافتوں سے بھی ثابت ہوتی ہے۔ اول مریخ پربھیجے گئے خلائی روبوٹ ’کیوروسٹٰی‘ نے چند پتھر دیکھے ہیں جو بھرپور آکسیڈائزڈ ہیں یعنی آکسیجن سے بھرپور ہیں۔ شاید یہ عمل بار بار پانی کے اندرونی رساؤ کی وجہ سے عمل پذیر ہوا ہوگا۔دوم مریخ پر نمکین پانی کے ذخائر بھی ملے ہیں جہاں آکسیجن بھرپور مقدار میں ہوسکتی ہے۔ سائنس داں اسی بنیاد پر کہہ رہے ہیں کہ مریخ کی مٹی تلے موجود آکسیجن کی مقدار سادہ حیات کے لیے بہت کافی ہوسکتی ہے۔پیساڈینا ، کیلی فورنیا میں واقع مشہور جیٹ پروپلشن لیبارٹری (جے پی ایل) سے وابستہ سائنسداں ولاڈا اسٹاکن کووچ کہتے ہیں ’ ہم نے مریخ کے مختلف مقامات پر حیرت انگیز دریافتیں کی ہیں جو نمکین پانی کے ذخائر کی صورت میں موجود ہیں۔ ان میں خرد نامئے (مثلاً بیکٹیریا) یہاں تک کہ اسفنج تک کی نشوونما کے لیے آکسیجن کی بھرپور مقدار پائی جاتی ہے جو سادہ جان داروں کوآسانی سے زندہ رکھ سکتی ہے۔‘لیکن ماہرین نے کہا ہے کہ اس کا یہ ہرگز مطلب نہیں کہ انہوں نے مریخ پر زندگی دریافت کرلی ہے بلکہ صرف اس کے امکان کو ظاہر کیا ہے اور اگر حیات کسی صورت میں موجود بھی ہے تب بھی اس کی آزمائش کی کوئی ٹیکنالوجی ہمارے پاس نہیں ہے تاہم اس ضمن میں 2020ء میں ناسا ایک اور جدید ترین روبوٹ مریخ پر بھیجے گا۔ماہرین کے مطابق مریخ کے قطب جنوبی میں نمکین پانی کی جھیلیں ہوسکتی ہیں یہی وجہ ہے کہ مریخ پر زندگی کے لیے پانی اور آکسیجن پر بھرپور غور کیا جارہا ہے۔

دبئی(نیٹ نیوز/ایمرا نیوز) دبئی میں شاندار لائٹ شو کے ساتھ ورلڈ ایکسپو2020کا کاؤنٹ ڈاؤن شروع ہوگیا ہے ۔
متحدہ عرب امارات میں پہلی بار ورلڈ ایکسپو کا انعقاد کیا جائیگا ۔

سب سے بڑے ایونٹ کی گنتی دنیا کی بلند ترین عمارت برج خلیفہ پر شاندار لائٹ شو اور فاؤنٹین شو کے ساتھ کی گئی ہے۔
ورلڈ ایکسپو2020کی مناسبت سے منعقد کئے گئے اس لائٹ شو میں برج خلیفہ پر منفرد تھری ڈی آرٹ اور لائٹ پراجیکشن کے ذریعے نظارے ترتیب دیئے گئے کہ دیکھنے والے مبہوت رہ گئے۔

اس دوران رقص کرتے فوارے اور مختلف ڈانس پرفارمنس نے ایونٹ کو چار چاند لگا دیئے۔
واضح رہے یہ ورلڈ ایکسپو 20اکتوبر2020سے 10اپریل 2021تک جاری رہے گی جس میں تقریباََ 25ملین افراد کی شرکت متوقع ہے ۔
مختلف ممالک سے تعلق رکھنے والے دو سو سے زائد افراد ایکسپو میں حصہ لیں گے۔

امریکہ(نیٹ نیوز/ایمرا نیوز) امریکا میں بھارت کی مقامی زبان’ تیلگو ‘ بولنے والوں کی تعداد میں 86 فیصد اضافہ ہوا ہے۔
میڈیا رپورٹس کے مطابق بھارت کی مقامی زبان تیلگو امریکا میں تیزی سے پھلنے پھولنے والی زبان بن گئی ہے، امریکا میں 7سالوں میں تیلگو بولنے والوں کی تعداد میں 86 فیصد اضافہ ہوا۔ورلڈ اکنامک فورم کی جاری کی گئی ویڈیو کے مطابق2010 سے 2017 کے درمیان امریکی شہریوں میں تیلگو بولنے والوں کی تعداد میں 86 فیصد اضافہ ہوا ہے۔میڈیا رپورٹس کا کہنا ہے کہ تیلگو لیکن اب بھی امریکا میں سب سے زیادہ بولی جانے والی 20 زبانوں میں شامل نہیں ہے ۔سال 1990 کے وسط میں انفارمیشن ٹیکنالوجی میں تیزی سے ترقی کے باعث بھارتی شہر حیدر آباد دکن سے انجینئرز امریکا آئے ، جس کی وجہ سے یہاں تیلگو زبان بولنے والوں کا اضافہ ہوا۔تیلگو زبان زیادہ تر جنوبی ہند کی ریاستوں میں بولی جاتی ہے۔

یونان:(نیٹ نیوز/ایمرا نیوز) یونان کی مشہور جھیل وسٹونیڈا کے اطراف چند ہفتوں میں مکڑیوں نے لگ بھگ 1000 میٹر طویل جالے بن دیئے ۔ چھوٹی عمارتیں، درخت اور پودے سبھی سفید جالوں نے ڈھانپ دیئے ہیں اور علاقے میں کسی سائے یا ڈراؤنی فلم کے منظر کا گمان ہوتا ہے۔
شمالی یونان میں واقع اس جھیل کے اطراف مکانات تک کو جالوں نے گھیر لیا ہے۔ ماہرین کے مطابق اس کی وجہ ایک خاص قسم کی مکڑی ہے جو بڑی مقدار میں جالے بنتی ہے اور غیرمعمولی گرمی کی وجہ سے اسٹریچ اسپائیڈر نے جالے بنائے ہیں۔

مکڑی کی یہ قسم ٹیٹرا گناتھا سے تعلق رکھتی ہے جو عموماً پانیوں کے قریب پائی جاتی ہیں اور اس کی بعض اقسام پانی پر تیرنے کی ماہر ہوتی ہیں۔جھیل کنارے مچھروں کی تعداد بڑھنے سے مکڑیوں کو مناسب خوراک ملتی ہے اور اس کے بعد وہ جالے بن کر اپنی نسل بڑھاتی ہیں اور رفتہ رفتہ یہ پورا علاقہ جالوں سے بھرگیا ہے اور اب ایک کلومیٹرسے زائد رقبہ سفید جالوں سے بھرا ہوا ہے۔
مقامی ماہر نے بتایا کہ مکڑیوں کی خوراک کی فراوانی سے یہ علاقہ حشرات سے بھرچکا ہے، بڑھتی ہوئی گرمی اور نمی نے بھی ان کی آبادی بڑھانے میں اہم کردار ادا کیا ہے۔واضح رہے کہ اس سے قبل یونان ہی میں ایک مقام پر سمندری جھیل کے پاس مکڑیوں نے سیکڑوں فٹ طویل جالے بن دیئے گئے۔