Category دلچسپ و عجیب

کیلیفورنیا:(نیٹ نیوز/ایمرا نیوز) ہر سوشل میڈیا ایپ میں اسٹیکرز اور اینی میٹڈ تصاویر (گفس) اسے عوام میں مقبول بناتی ہیں کیونکہ لوگ انہیں اپنے احساسات کی ترجمانی کے لیے استعمال کرتے ہیں۔ اسی بنا پر اب واٹس ایپ کے بی ٹا ورژن میں ڈھیروں نئے اسٹیکرز کا اضافہ کیا گیا ہے۔

نیا اسٹیکر پیک واٹس ایپ بی ٹا ورژن 2.18.329 میں شامل کیا گیا ہے جوں ہی آپ ایموجیز یا گفس میں جاتے ہیں ان کے تیسرے ٹیب میں نئے اسٹیکر نظر آجائیں گے تاہم ابھی انہیں ایکٹو نہیں کیا گیا اس کے لیے سرور کی جانب سے سوئچنگ کی ضرورت ہوگی جو چند روز میں دستیاب ہوجائے گی۔ان اسٹیکرز کے نئے پیک میں آپ کو جو بھی پسند آئے اسے بار بار استعمال کرنے کے لیے تھرتھراتے اسٹیکر پر ٹیپ کرکے اسے فیورٹس کی فہرست میں شامل کرسکتے ہیں تاہم بی ٹا کی وجہ اسٹیکرز ایکٹو ہونے میں کچھ وقت لگ سکتا ہے۔ فی الحال 12 اسٹیکرز پیک شامل کیے گئے ہیں جن می

لندن ( نیٹ نیوز/ایمرا نیوز) برطانوی شہزادہ ہیری اور شہزادی میگھن مارکل ایک روزہ دورے پرٹونگاپہنچ گئے ہیری اور میگھن لگژری ٹونگا پہنچے تو شہزادی انجلیکا نے ایئر پورٹ پر انکا پرتپا ک استقبال کیا ، اس موقع پر شہزادی میگھن نے سْرخ رنگ کا لباس زیب تن کیا ہوا تھا تاہم اس پر لگا ٹیگ نکالنا بھول گئیں۔

444امریکی ڈالر قیمت کا یہ لباس سوشل میڈیا پر لاکھوں افراد کی توجہ کا مرکز بنا ہوا ہے۔واضح رہے کہ اس ایک روزہ دورے میں شاہی جوڑا تونگا کے شاہی خاندان کی جانب سے ویلکم ریسیپشن میں مہمان خصوصی ہوگا۔

نیویارک(نیٹ نیوز/ایمرا نیوز) گوگل گزشتہ دو سال میں 13 سینئر منیجرز سمیت 48 ملازمین کو جنسی ہراسانی کے الزام میں نوکری سے نکال چکا ہے۔ادارے کے سی ای او سندر پِچائی نے ملازمین کے نام خط میں کہا ہے کہ ان کا ادارہ کسی غیر مناسب روئیے کو انتہائی سختی سے لیتا ہے۔

سندر پِچائی نے یہ خط امریکی اخبار نیویارک ٹائمز کی اس خبر کے بعد لکھا ،جس میں دعویٰ کیا گیا تھا کہ اختیارات کے غلط استعمال کے الزامات کے باوجود گوگل نے اینڈرائڈ کے بانی اینڈی رُوبن کو نوکری چھوڑنے پر 9 کروڑ امریکی ڈالر ادا کئے، جس کی رُوبن کے ترجمان نے تردید کرتے ہوئے کہا کہ وہ 2014 میں کمپنی چھوڑ چکے تھے۔گوگل کے سی ای او لکھتے ہیں کہ نیویارک ٹائمز کی خبر پڑھنا انتہائی مشکل تھا اور گوگل ملازمین کو کام کے لیے محفوظ جگہ دینے کے لئے انتہائی سنجیدہ ہے۔

شنگھائی: (نیٹ نیوز/ایمرا نیوز) دنیا بھر میں آرٹی فیشل انٹیلی جنس اور روبوٹ ٹیکنالوجی کی مدد سے انسانوں کیلئے آسائشیں پیدا کی جارہی ہیں تاہم ساتھ ساتھ ماہرین روبوٹس سے انسان کو خطرہ درپیش ہونے کی بھی نشاندہی کر رہے ہیں۔روبوٹس کے آنے کے باعث انسانوں کیلئے نوکریوں کے مواقع کم ہونے کا خدشہ ظاہر کیا جارہا ہے، اس کی عملی مثال ہمیں چین میں نظر آتی ہے جہاں شنگھائی کے ایک ریسٹورنٹ میں روبوٹس ویٹروں کا مکمل کام سنبھال چکے ہیں۔

ای کامرس کی دنیا کی بڑی کمپنی علی بابا کے زیر انتظام نیشنل ایگزی بیشن اینڈ کنونشن سنٹر میں قائم سمارٹ ریسٹورنٹ کو مکمل طور پر انسانوں کے بغیر صرف روبوٹس کی مدد سے چلایا جارہا ہے۔ چند ملازم صرف روبوٹس کی آپریٹنگ کیلئے رکھے گئے ہیں۔

نیویارک:(نیٹ نیوز/ایمرا نیوز) سافٹ ڈرنک اور مشروبات کے کین ہم ایک مرتبہ استعمال کے بعد پھینک دیتے ہیں لیکن امریکی فن کار اپنے انگوٹھوں اور انگلیوں کو استعمال کرتے ہوئے انہیں خوبصورت ڈیزائن میں بدل رہے ہیں۔ٹیمپا بے سے تعلق رکھنے نوواہ اپنی انگلیوں اور انگوٹھوں کے دباؤ سے المونیم ٹن پر دیدہ زیب ڈیزائن بناتے ہیں۔

پہلے وہ المونیم ڈبوں کو اچھی طرح چمکاتے ہیں اور پھر ان پر جیومیٹریائی اشکال بناتے ہیں۔ ان کے شاہکار اتنے خوبصورت اور منظم ہوتے ہیں کہ دیکھنے والے کو گمان ہوتا ہے کہ انہیں روبوٹ نے یا کسی مشین پر بنایا گیا ہے۔جب لوگوں نے نوواہ کی صلاحیتوں پر شک کا اظہار کیا تو انہوں نے اس کی ایک ویڈیو بناکر یوٹیوب پر پوسٹ کردی جو دیکھی جاسکتی ہے۔ اس کے لیے سب سے پہلے وہ کین پر چھپا کمپنی کا نام کھرچ کر صاف کرتے ہیں۔ اس کے بعد اسے مزید صاف کرکے چمکاتے ہیں۔ اس کے بعد اگلا مشکل مرحلہ شروع ہوتا ہے۔اس میں نوواہ کین پر گڑھے اور کریزیں بناتے ہیں جس کےلیے خاص احتیاط اور محنت کی ضرورت ہوتی ہے۔ اس مرحلے پر خاص مہارت کی ضرورت ہوتی اور اگر ایک ڈیزائن چھوٹا یا دوسرا بڑا بن جائے تو سارا حسن غارت ہوسکتا ہے۔ نوواہ کے مطابق یہ صبر طلب مرحلہ ہے اور کئی بار ایک غلطی سے ساری محنت ضائع ہوجاتی ہے۔ اسی وجہ سے وہ بار بار اپنی غلطی سے سیکھتے ہیں۔نوواہ نے بتایا کہ ڈیزائن میں ڈینٹنگ، کرشنگ اور کریزنگ سمیت سارے کام اہم ہیں لیکن مہارت، درستگی اور توازن بہت ضروری ہوتا ہے۔ اس دوران وہ کوئی خاص اوزار استعمال نہیں کرتے، یہی وجہ ہے کہ پوری دنیا میں ان کا کام مشہور ہورہا ہے۔ایک مرتبہ وہ کار کے طویل سفر پر تھے کہ بوریت کے ہاتھوں انہوں نے ریڈبل کے ڈبے پر اپنا پہلا ڈیزائن بنایا اور یوں اس تخلیقی سفر کا آغاز ہوا۔

جاپان(نیٹ نیوز/ایمرا نیوز) جاپانی کمپنی ٹچ فوکس نے ایسی جدید اور اسمارٹ عینک بنائی ہے جو صرف ایک ٹچ پر کبھی قریب تو کبھی دور کے چشمے میں بدل جاتی ہے۔ اس چشمے کی بدولت آپ کو قریب اور دور کی الگ الگ عینک کی کوئی ضرورت نہیں رہے گی اور ایک ہی عینک آپ کےلیے کافی رہے گی۔

اس سے قبل ایک اور کمپنی پکسل آپٹکس نے بھی دعویٰ کیا تھا کہ وہ ایسے الیکٹرونک چشموں پر کام کررہی ہے جو نہ صرف دور اور قریب کی نظروں کےلیے کافی ہے بلکہ کئی نمبروں کے لحاظ سے ایک بٹن دبانے پر فوکس ہوسکتے ہیں۔ اس کمپنی کے ذکر کے باوجود اب تک ان کی کوئی مصنوعات منظرِ عام پر نہ آسکیں۔

تاہم جاپان کی اس کمپنی نے پکسل آپٹکس کے کام کو وہیں سے شروع کیا جہاں سے وہ تھم گیا تھا۔ ٹچ فوکس کمپنی کی عینک میں کنپٹی کے پاس ایک بٹن نصب ہے جو لیکوئڈ کرسٹل سسٹم استعمال کرتا ہے۔ اس عینک کو 20 مختلف فریموں میں پیش کیا جارہا ہے۔
عینک کے عدسے مائع قلموں (لیکویڈ کرسٹلز) پر مشتمل ہیں جو دور کی نظر اور مطالعے کے چشمے میں ڈھل جاتے ہیں۔ عینک یوایس بی سے چارج ہوتی ہے اور صرف استعمال کے وقت بجلی خرچ کرتی ہے۔ تاہم اس کی قیمت بہت زیادہ رکھی گئی ہے جو 2200 ڈالر کے لگ بھگ ہے۔

فین لینڈ(نیٹ نیوز/ایمرا نیوز) براعظم یورپ کے شمال میں واقع ملک فن لینڈ میں ایک دوسرے سے بات چیت کرنا تہذیب کے خلاف سمجھا جاتا ہے، لوگ ایک دوسرے سے حال پوچھنا بھی پسند نہیں کرتے ۔

دنیا بھر میں فن لینڈ کی نہ بات کرنے والی عادت مشہور ہے۔یہاں کے لوگوں کا خیال ہے کہ اگر بات بہت ضروری نہ ہو تو خاموش رہنا بہتر ہے، وہاں لوگ اس مقولے پر دل و جان سے عمل کرتے ہیں کہ ’اگر گفتگو چاندی ہے تو خاموشی سونا ہے۔‘
یہاں کے لوگ چاہے عوامی جگہ پر بیٹھے ہوں، ٹہل رہے ہوں یا میٹرو میں سفر کر رہے ہوں کوئی بات کرتا نظر نہیں آئے گا،ہر صرف سناٹا پھیلا ہوتا ہے۔لوگ اپنے آس پاس کے نامعلوم لوگوں سے بےفکر رہتے ہیں اور اکثر غیر ملکی شہریوں، سیاحوں یا دوستوں سے بھی اچانک ملنے اور باتیں کرنے میں دلچسپی نہیں رکھتے۔

ایسا نہیں کہ یہ لوگ گپ شپ نہیں کرتے، دراصل وہ لوگوں کی پرائیویسی کا احترام کرتے ہیں اور دوسروں کو پریشان نہیں کرنا چاہتے ۔
یہاں کے لوگوں کی خاموشی کی بعض وجوہات بھی ہیں جن میں سب سے پہلی یہ کہ ان کی زبان بہت پیچیدہ ہے۔ان کا کسی سے براہ راست رابطہ مشکل ہوتاہے، اس کے بعد شہروں کے درمیان بہت فاصلے بھی ہیں۔ اس لیے لوگ چھوٹی چیزوں پر وقت ضائع کرنا پسند نہیں کرتے۔
فن لینڈ کی ایک یونیورسٹی کی پروفیسر کا کہنا ہے کہ فن لینڈ کو ‘خاموش ملک کا نام پڑوسی ممالک نے دیا ہے جس کی وجہ یہ ہے کہ دوسرے ملکوں کی ثقافت کا موازنہ ہمیشہ اپنے ملک سے کیا جاتا ہے،جیسے جیسے سویڈن اور جرمنی سے لوگ فن لینڈ آ کر آباد ہوئے، انہوںنے دیکھا کہ یہاں کے لوگ کم بولتے ہیں تو انہوں نے اسے ‘خاموش ملک کا نام دے دیا۔

لاہور(ایمرا نیوز) خواجہ سراﺅں کے حقوق کے لئے تحریک انصاف کی حکومت کا احسن اقدام، لاہور اور صوبہ بھر میں خواجہ سراﺅں کے لئے کمیونٹی سنٹر بنانے کا فیصلہ، حکومت رواں سال کمیونٹی سنٹرل کی تعمیر پر پندرہ کروڑ روپے خرچ کرے گی۔

جدید طرز کے کمیونٹی سنٹرز بنانے کے لئے مالی سال 2018-19 ءمیں 15کروڑ روپے کی رقم مختص کی جا چکی ہے۔حکام نے کہا ہے کہ محکمہ سوشل ویلفیئر پنجاب اور شعبہ پلاننگ نے منصوبے پر ورکنگ شروع کر دی ہے اور لاہور سمیت صوبہ بھر میں جگہ کا انتخاب کیا جا رہا ہے جہاں بہترین طرز کاکا کمیونٹی سنٹر تعمیر کیا جائے گا۔ حکام کا کہنا ہے کہ کمیونٹی سنٹر میں خواجہ سرا اپنی تقاریب منعقد کرا سکیں گے اور انہیں مکمل تحفظ دیا جائے گا۔ جبکہ کمیونٹی سنٹر میں کھیل سمیت کینٹین کی سہولیات بھی موجود ہوں گی۔

لاہور: (نیٹ نیوز/ایمرا نیوز) کہتے ہیں کہ انسان کا اپنا سایہ اس کا بہترین ہمسفر ہوتا ہے جو زندگی میں ہمیشہ اس کے ساتھ رہتا ہے لیکن شاید یہ ننھی بچی اس بات سے نا آشنا ہے۔ پہلے تو ننھی پری نے سائے کو دیکھتے ہی دوڑ لگائی تاہم بعد میں اس سے دوستی کر لی اور وقفے وقفے سے اسے پکڑنے کی بھی کوشش کرتی رہی.

ذرا دیکھئے تو امریکہ سے تعلق رکھنے والی اس ننھی بچی کی دلچسپ حرکات، جو ساحل کنارے سیر و تفریح کرتے ہوئے اپنا ہی سایہ دیکھ کر اس قدر حیران و پریشان ہے کہ جیسے یہ کوئی بھوت ہو۔اس ننھی پری نے سائے کو دیکھتے ہی پہلے تو دوڑ لگائی تاہم بعد میں اس سائے سے دوستی کر لی اور وقفے وقفے سے اسے پکڑنے کی بھی کوشش کرتی رہی جس کی معصومیت پردیکھنے والوں کو بے اختیار پیار آ جاتا ہے۔

ویانا، آسٹریا:(نیٹ نیوز/ایمرا نیوز) ان دنوں دنیا بھر میں پلاسٹک کی آلودگی کا بہت چرچا ہے کیونکہ پلاسٹک ہزاروں برس میں بھی ختم نہیں ہوتا۔ یہ ٹوٹتا پھوٹتا اور پس کر باریک ہوتا رہتا ہے لیکن گھل کر ختم نہیں ہوتا۔ اب ایک سروے سے انکشاف ہوا ہے کہ پلاسٹک کے باریک خردبینی ذرات انسانی جسم میں بھی پہنچ رہے ہیں۔ایک عرصے سے ماہرین کا گمان تھا کہ سمندری حیات پلاسٹک سے شدید آلودہ ہورہی ہے بلکہ وہ موت کی شکار ہورہی ہے۔ ماہرین کے مطابق سمندری غذا کھانے والے کے جسموں میں پلاسٹک کے ذرات موجود ہوسکتے ہیں۔ دوسری جانب حالیہ تحقیق سے معلوم ہوا ہے کہ 93 فیصد بوتلوں کے پانی میں پلاسٹک کے خردبینی ذرات پائے جاتے ہیں۔اب دنیا بھر میں انسانی فضلے کے سروے کے بعد انکشاف ہوا ہے کہ انسان بھی پلاسٹک کی آلودگی سے متاثر ہورہے ہیں۔ اس ضمن میں میڈیکل یونیورسٹی آف ویانا نے آسٹریا کے محکمہ ماحولیات کے تعاون سے ایک سروے کیا ہے جس میں فِن لینڈ، اٹلی، جاپان، پولینڈ، ہالینڈ، برطانیہ ، روس اور آسٹریا کے لوگوں کا مطالعہ کیا گیا تھا۔

اس ضمن میں لوگوں کے ایک گروہ کو ایک ہفتے تک سمندری مچھلی کھلائی گئی، پلاسٹک میں لپیٹے گئے کھانے کھلائے گئے اور پلاسٹک کی بوتل سے پانی پیا۔ اس کے بعد ان کے فضلے کے نمونے دیکھے گئے۔ سب کے فضلوں میں نو مختلف طرح کے پلاسٹک کے آثار پائے گئے جن میں پولی پروپائلین (پی پی) اور پولی ایتھائلین ٹیریفتھلیٹ (پی ای ٹی) پلاسٹک سب سے عام اور مقدار میں زیادہ تھے۔ماہرین نے بتایا کہ فضلے کے ہر نمونے میں پلاسٹک کے ذرات دیکھے گئے جن کی جسامت 50 سے 500 مائیکرومیٹر تک تھی اور فی دس گرام فضلے میں 20 ذرات دیکھے گئے۔ اس سے ظاہر ہوتا ہے کہ ہماری اطراف کا پلاسٹک پیٹ میں جارہا ہے۔ بعض ماہرین نے خبردار کیا ہے کہ پلاسٹک کے انتہائی باریک ذرات انسانی خون میں بھی شامل ہوسکتے ہیں لیکن اس ضمن میں باقاعدہ تحقیق لازمی ہے۔ماہرین نے اس کے نتائج سے خبردار کرتے ہوئے کہا ہے کہ پلاسٹک کے ذرات معدے اور آنتوں کے امراض کی وجہ بن سکتے ہیں اور جگر، لمفی نالیوں اور خون تک میں پہنچ سکتے ہیں۔