Category دلچسپ و عجیب

دبئی : (نیٹ نیوز/ایمرا نیوز) دبئی میں ایک پاکستانی جوڑے نے 10 لاکھ ڈالر کی لاٹری جیت لی۔دبئی میں ہونے والے تازہ ترین ڈیوٹی فری ریفل ڈرا میں پاکستان سے تعلق رکھنے والی خاتون فہمیدہ تنویر اور ان کے شوہر نے فیصلہ کیا کہ وہ 18لاٹری ٹکٹ خریدیں گے جن میں سے ہر ایک مالیت ایک ہزار درہم تھی، تاکہ ان کی جیت کے چانسسز میں اضافہ ہو سکے۔جوڑے کا ٹکٹ نمبر0337 تھا۔10 سال پہلے دبئی منتقل ہونے والی فہمیدہ تحریم اور ان کے شوہر نے خوشی کا اظہار کرتے ہوئے کہا کہ وہ پہلی دفعہ لاٹری جیتے ہیں ۔یہ بات بھی اہم ہے کہ کچھ لوگ ایک ہزار درہم کی لاٹری خریدنے کی صلاحیت نہیں رکھتے ہوںگے تاہم پاکستانی جوڑے نے 18 ہزار درہم کی خطیر رقم کا خرچہ کرکے 18 ٹکٹ خریدے جو ان کی جیت کی اہم وجہ بنی۔خیال رہے کہ چند روز قبل بھی پاکستانی شہری نے 10 لاکھ ڈالر کی انعامی لاٹری جیتی تھی۔

جنوبی افریقا:(نیٹ نیوز/ایمرا نیوز) اس بلی کی بھولی صورت پر نہ جائیے کیونکہ یہ پالتو بلی نہیں بلکہ ایک خون خوار جنگلی بلی ہے جسے چیتوں، تیندووں اور شیروں کی نسل میں سب سے تیز اور بے رحم شکاری کا اعزاز مل گیا ہے۔جنوبی افریقا کے جنگلات میں پائی جانی والی اس بلی کو سیاہ پیروں والی (بلیک فوٹڈ کیٹ) کہا جاتا ہے۔ حال ہی میں انکشاف ہوا ہے کہ یہ ایک رات میں 10 سے 14 چھوٹے پرندوں اور چوہوں کا شکار کرتی ہے اور اس کا انداز انتہائی جارحانہ، تیز اور پرتشدد ہوتا ہے۔

ماہرین نے پی بی ایس نیچر کے لیے ایک دستاویزی فلم کی ریکارڈنگ کے دوران انکشاف کیا کہ یہ چھوٹی سی بلی کسی تیندوے اور گھات میں لگائے چیتے سے بھی خطرناک ہے کیوں کہ یہ ایک رات میں اتنے جانور شکار کرتی ہے جتنا چھ ماہ میں ایک تیندوا ہلاک کرتا ہے۔اس دوران حیوانوں کے ماہرین نے وہ مناظر دیکھے جو اس سے پہلے کبھی نوٹ نہیں کیے گئے۔ اس کے لیے کئی بلیوں کے گلے میں ریڈیو کالر پہنائے گئے تھے۔ سیاہ پیروں والی اس بلی کی ویڈیو سے ظاہر ہوا کہ شکار کے لیے مسلسل دو گھنٹے دم بخود بیٹھی رہتی ہے اور اس کا طریقہ واردات اتنا تیز ہے کہ کوئی پرندہ بھی اس کی گرفت سے آزاد نہیں ہوسکتا۔ یہ ساری رات مسلسل شکار کرتی اور کھاتی رہتی ہے اس طرح سے یہ ایک رات میں 10 پرندے اور چوہے چٹ کرجاتی ہے۔صرف جنوبی افریقا، بوٹسوانہ اور نمیبیا میں پائی جانے والی یہ بلی بھی معدومیت کے قریب ہے۔ بسا اوقات یہ مٹی میں گڑھا کھود کر بھی اپنے شکار کا انتظار کرتی ہے، پورے کرہ ارض پر اپنی نسل کے جان داروں میں یہ 100 فیصد کامیابی سے شکار کرتی ہے۔

پیساڈینا، کیلیفورنیا:(نیٹ نیوز/ایمرا نیوز) ہماری کائنات لامحدود حیرت انگیزیوں سے بھری ہوئی ہے اور اب ماہرین نے کائنات کے ایک گوشے میں قدیم ترین ستاروں میں سے ایک دریافت کیا ہے جو بگ بینگ کے عمل کے بعد کائنات کی پیدائش کے فوراً بعد وجود میں آیا تھا اور یہ ستارہ ساڑھے 13 ارب سال پرانا ہے۔ماہرین نے کہا ہے کہ یہ ستارہ ساڑھے 13 ارب سال قدیم ہے لیکن ہماری ملکی وے کہکشاں کے پڑوس میں موجود ہے اور اس خبرکا یہ پہلو سب سے حیرت انگیز ہے۔ فلکیات دانوں نے اسے 2MASS J18082002–5104378 B کا پیچیدہ نام دیا ہے اور شاید یہ اب تک ہماری معلومات کے مطابق کائنات کا سب سے پرانا ستارہ بھی ہوسکتا ہے۔اس کا اہم ثبوت یہ ہے کہ ابتدائی کائنات میں دھاتیں موجود نہیں تھیں اور اس نودریافت ستارے میں ہماری اب تک کی معلومات کے مطابق سب سے کم دھاتیں ملی ہیں۔ کائناتی ارتقا کے تحت پہلی نسل کے ستاروں میں دھیرے دھیرے دھاتیں بننا شروع ہوئیں جو ان کے ہولناک اختتام پر پھٹ پڑنے سے پوری کائنات میں پھیلتی چلی گئیں۔بگ بینگ کے بعد سے جو ستارے بنتے گئے ان کی نسلیں بھی وجود میں آتی گئیں مثلاً ہمارا سورج بگ بینگ سے کائنات کے آغاز کے بعد ایک لاکھویں نسل کا ستارہ ہے اور ہر نسل کے ستاروں میں دھاتوں کی تعداد درجہ بہ درجہ بڑھتی چلی گئی۔ اس ستارے میں دھاتوں کی مقدار بہت کم ہے یعنی ہماری زمین پر موجود دھاتوں کی مقدار کا صرف دس فیصد اس بڑے ستارے میں دیکھا گیا۔ اس مشاہدے سے ماہرین نے یہ نتیجہ نکالا ہے کہ ہماری اپنی ملکی وے کہکشاں کی ستاروں کی طشتری (اسٹار ڈسک) ہمارے اندازوں سے بھی 8 سے 10 ارب سال مزید پرانی ہے۔یہ ستارہ کہکشاں کے کنارے پر موجود ہے اور اس کی کمیت ہمارے سورج کے 10 فیصد حصے کے برابر ہے۔ اس کی دریافت سے ہمیں پتا چلا کہ کائنات کے ابتدائی ستارے ضروری نہیں کہ اتنے بھاری بھرکم اور بڑے تھے کہ ان کا تیزی سے خاتمہ ہوگیا بلکہ یہ

ممبئی(نیٹ نیوز/ایمرا نیوز) ہندو برادری آج اپنا مذہبی تہوار دیوالی منا رہی ہے ۔دیوالی کا تہوار صرف روپے پیسے کی پوجا، روشنیوں کی چمک دمک، آتش بازی اور قمار بازی ہی نہیں بلکہ یہ مٹھائیوں کا زبردست تہوار بھی ہے۔حلوائی دیوالی سے کئی ہفتے پہلے مٹھائیاں بنانے میں مصروف ہو جاتے ہیں اور دیوالی کے قریب آتے ہیں دکانیں انواع و اقسام کی مٹھائیوں سے سج جاتی ہیں۔بوندی کے لڈو، طرح طرح کی برفی، گلاب جامن، رس گلے، رس ملائی، الغرض مٹھائیوں کی دکان دیکھتے ہی منہ میں شیرینی کا مزا گھلنے لگتا ہے۔ بہت سے لوگ مٹھائیوں سے ہی پیٹ بھر لیتے ہیں۔دیوالی کا تہوار جہاں عام آدمی کو خوشیوں سے ہمکنار کرتا ہے وہیں دکاندار بھی بڑی بے صبری سے دیوالی کا انتظار کرتا ہے۔ بازار نئے کپڑوں اور گھروں کے سجانے کے سامان سے اٹے رہتے ہیں۔

لاہور: (نیٹ نیوز/ایمرا نیوز)کیا آپ زمین سے معدوم ہونے یوالی نسل ڈائنو سار کا سر کھانا چاہتے ہیں؟ سننے میں تو یہ بہت عجیب سا لگتا ہے تاہم یہ بہت آسان ہے۔ڈائنو سار کے سر جنہیں لوگ بہت شوق سے کھا رہے ہیں دراصل کیک ہیں جنہیں ایک چینی نژاد امریکی شیف نے تیار کیا ہے ۔ملن میجا نامی یہ شیف نہ صرف ڈائنو سار بلکہ دیگر جانوروں کی شکل کے کیکس بھی بناتی ہیں جو ہاتھوں ہاتھ فروخت ہو جاتے ہیں ان کیکس کو بغیر کسی سانچے کے ہاتھ سے بنایا جاتا ہے۔ سب سے بڑا کیک ڈائنو سار کے سر جیسا ہے جسکی تیاری میں 60 گھنٹے لگتے ہیں۔

مالٹا:(نیٹ نیوز/ایمرا نیوز) مالٹا میں بنائی جانے والی ایک شوقیہ ویڈیو میں روایتی توپ کا گولہ چلانے کا منظر کیمرے میں قید کیا گیا ہے لیکن جیسے ہی توپ چلی اس کی زد میں آکر ایک کبوتر مارا گیا۔مالٹا میں سیروتفریح کرنے والے ایک جوڑے کے سربراہ کارل اولیور نے یہ ویڈیو دو نومبر کو بنائی ہے۔ اس مختصر سی ویڈیو میں دیکھا جاسکتا ہے کہ جیسے ہی روایتی توپ میں گولہ ڈال کر فائر کیا گیا عین اس لمحے ایک پرندہ اس کے سامنے آگیا۔گولے کا شعلہ ختم ہوتے ہیں کبوتر دکھائی نہیں دیتا اور البتہ اس کے ٹوٹے پر دیکھے جاسکتے ہیں۔ اسی بنا پر لوگوں کا خیال ہے کہ اس عجیب واقعے میں گولہ کبوتر کو جالگا اور وہ معصوم پرندہ ٹکڑے ٹکڑے ہوکر فنا ہوگیا۔اس ویڈیو کو فریم در فریم بھی چلاکر دیکھا گیا ہے اور اس سے بھی تصدیق ہوتی ہے کہ گولہ چلنے سے قبل پرندہ عین سامنے ہے اور گولہ فائر ہوتے پرندے کے پر فضا میں اڑتے دکھائی دیتے ہیں جس سے خیال کیا جاتا ہے کہ یہ پرندہ گولے کی زد میں آکر ہلاک ہوگیا جو کہ افسوس ناک ہے۔کارل اولیور نے کہا کہ وہ اس تقریب کی پہلی صف میں بیٹھے ویڈیو بنارہے تھے اسی وجہ سے یہ ویڈیو بالکل واضح ہے۔

لندن(نیٹ نیوز/ایمرا نیوز) کتوں کے ذریعے جاسوسی کے علاوہ ملیریاکی تشخیص میں بھی مدد لی جا سکتی ہے۔بو سونگھنے کی خصوصی صلاحیت کی وجہ سے دنیا بھر میں کتوں کو جاسوسی سمیت کئی اہم کاموں کے لیے استعمال کیا جاتاہے۔برطانوی سائنسدانوں کی نئی تحقیق کے مطابق کتےنا صرف کینسر اور ذیابیطس کی چند اقسام کی تشخیص کر سکتے ہیں بلکہ یہ ملیریا جیسی جان لیوا بیماری کی تشخیص بھی باآسانی سونگھ کے کر سکتے ہیں۔

ماہرین نے امید ظاہر کی ہے کہ اگر کتوں کو ایسی بیماریوں کی تشخیص کے لیے چند ماہ کی تربیت دی جائے تو وہ ایسی بیماریوں کا فوری طور پر پتہ لگانے میں ڈاکٹرز کی مدد کر سکتے ہیں۔برطانیہ کی ’درہم یونیورسٹی’ کے سائنسدانوں نے ملیریا کی تشخیص کے لیے کتوں سے متعلق کام کرنے والے ایک سماجی ادارے کی مدد سے کتوں کی تربیت کی۔سائنسدانوں نے ’میڈیکل ڈٹیکشن ڈاگز آرگنائیزیشن’ کی مدد سے کتوں کی تربیت کی ہے، جو بو سونگھنے کی اپنی خصوصی صلاحیت کو استعمال کرکے ملیریا کی تشخیص کریں گے۔ماہرین کے مطابق جس طرح کتے منشیات، بم اور ہتھیار سمیت دیگر چیزوں کی تلاش کا کام کرتے ہیں، اسی طرح ان میں انسان کے کپڑے اور جسم کی بو سونگھ کر ان میں بیماریوں کا پتہ لگانے کی اہلیت بھی موجود ہے۔ماہرین نے تجربے کے لیے 600 بچوں ، جن میں ملیریا سے متاثرہبچوں کی جرابیں بھی شامل تھیں جو انہوں نے پوری رات پہن کر رکھی تھیں ، تربیت لینے والے کتوں کو دیا گیا۔کتوں نے ان کی بو سونگھ کر ان میں ملیریا سے متاثرہ بچوں کی جرابوں کو الگ کیا۔دراصل کتوں کی ناک یا قوت شامہ اس قدر طاقت ور یا تیز ہے کہ اس کی مدد سے دنیا بھر میں جان لیوا امراض کی تشخیص اور علاج کیا جاسکتا ہے۔رپورٹ میں بتایا گیا ہے کہ برطانوی ڈاکٹرز کے معاون کتے اسپتالوں میں تعینات کئے جائیں گے اور مریضوں کے جسم اور سانس کو سونگھ کر مرض کی تشخیص کرسکیں گے۔کئی خطرناک بیماریاں ایسی بھی ہیں، جن کی جانچ مشکل ہے اور ایسی بیماریوں کی علامات بھی مریضوں میں ظاہر نہیں ہوتیں۔ اس مسئلہ کے حل کیلئے ماہرین اوردرہم یونیورسٹی کے ایکسپرٹس نے کتوں کو تربیت دی ہے جو علامات کے ظہور نہ ہونے کے باوجود انسانوں میں خطرناک بیماریوں کی تشخیص کرسکتے ہیں۔

سعودی عرب(نیٹ نیوز/ایمرا نیوز) سعودی عرب کے ضلع ’میسان‘ نے بارشوں اور ژالہ باری کے بعد مکمل طور پر سفید چادر اوڑھ لی۔ اس دل فریب منظر کی تصاویر نے سوشل میڈیا پر لوگوں کی ایک بڑی تعداد کو متوجہ کر لیا۔ علاقے کے پہاڑ خوب صورت نظارہ پیش کر رہے ہیں۔ اس پر بعض صارفین نے اپنے تبصروں میں کہا ہے کہ ’ دُلہن نے اپنا سفید لباس زیب تن کر لیا‘۔

علاقے میں شدید بارشوں کے بعد تیز اور ٹھنڈی ہوائیں چلتی رہیں جس کے نتیجے میں وہاں پہاڑوں اور سڑکوں کے درمیان اور درختوں پر موجود اولے کئی گھنٹے تک منجمد رہے۔میسان کے علاقے کے مشہور ترین پہاڑوں میں جبل ابراہیم، العصیدہ، الحدب حصیر، اعذب، الخیالہ، قرن جعدہ، ملتح، حسیل، کوبان، بیضان اور جاوان شامل ہیںجبکہ ضلع کے معروف دیہات الحنشہ، اہل السائلہ، اہل الہضبہ، آل شعیث، حسیکہ، الحراء، مرقنہ، الکتمہ، الحدب ہیں۔میسان کا ضلع پھلوں اور سبزیوں کی کاشت کے حوالے سے معروف ہے۔ ان میں انگور، انار، کھیرا، کدو، انجیر، ٹماٹر، لوبیا، آڑو، ناشپانی اور سیب شامل ہیں۔علاوہ ازیں علاقے میں گندم اور جو کی پیداوار بھی ہوتی ہے۔

لاہور: (نیٹ نیوز/ایمرا نیوز) برطانیہ کے ہیری پوٹر تھیم پارک میں رنگارنگ لائٹ شو کا انعقاد کیا گیا۔ ہیری پوٹر فلم سیریز کے دیوانوں کی کمی نہیں جو جادوئی مناظر سے بھرپور اس فلم سے جڑی ہر چھوٹی بڑی شے سے نہایت دلچسپی رکھتے ہیں۔رپورٹ کے مطابق برطانیہ میں قائم کردہ ہیری پوٹر تھیم پارک اپنی مثال آپ ہے جہاں پہنچ کر آپ کو ایسا محسوس ہو گا کہ جیسے آپ فلم کے مناظر میں پہنچ گئے ہوں۔ گزشتہ روز جادوئی دنیا کو سب سے بڑے سکول ہوگورڈز کے قلعے پر سجایا گیا جو ہیری پوٹر سیریز کے دیوانوں کی توجہ کا مرکز بن گیا۔دیوہیکل عمارت پر کہیں تو پراجیکشن سے روشنیاں بکھیری جا رہی تھیں تو کہیں دیگر روشنیاں اسے مزید دلکش بنارہی تھیں۔ اس لائٹ شو کو دیکھنے کیلئے سینکڑوں افراد نے تھیم پارک کا رُخ کیا جن میں بچے اور بڑے تمام ہی افراد جی بھر کر لطف اندوز ہوئے۔

لندن:(نیٹ نیوز/ایمرا نیوز) برطانوی ماڈل اور جائیدادوں کی خرید و فروخت میں معاونت کرنے والی 33 سالہ روکسی سائکس اپنے اتارے ہوئے موزے اور جوتے فروخت کرکے ہر سال ڈیڑھ کروڑ روپیہ کماتی ہیں۔ اس کی وجہ یہ ہے کہ ان کے پیروں کو غیر معمولی طور پر خوبصورت قرار دیا گیا ہے اور ان کے لاکھوں مداح ان کے موزے اور جوتے خریدتے ہیں۔جب لوگوں نے ان کے پیروں کی تعریف کی تو روکسی کو خیال آیا کہ کیوں نہ وہ اپنے خوبصورت پاؤں سے وابستہ اشیا فروخت کرکے رقم کمائے اور اس کے بعد انہوں نے بہت سستی جرابیں خرید کر چند دن پہن کر انہیں مہنگے داموں فروخت کرنا شروع کردیا۔

اب روکسی سائکس پہنی ہوئی جرابوں کا جوڑا 20 پاؤنڈ اور پسینہ بھرے جوتے 200 پاؤنڈ میں فروخت کرتی ہیں۔انسٹاگرام پر دیکھتے ہی دیکھتے ان کے 10 ہزار فالوورز جمع ہوگئے ہیں۔ اس کے بعد روکسی نے کاروبار شروع کردیا۔ انہوں نے کہا کہ ایک مہینے میں وہ 8 ہزار برطانوی پاؤنڈ یا 15 لاکھ روپے کے لگ بھگ کما لیتی ہیں۔ روکسی انسٹا گرام پر اپنے چہرے سے زیادہ پیروں کی تصاویر پوسٹ کرتی ہیں۔روکسی ایک روز پہننے کے بعد موزے فروخت کرتی ہیں اور ایک ماہ پہننے والے جوتے بیچنے کے لیے ویب سائٹس کا سہارا لیتی ہیں یہاں تک کہ ان کے پاؤں کے ایک انگوٹھے ہلانے کی ویڈیو بھی 100 ڈالر کمالیتی ہے۔