Category دلچسپ و عجیب

سکھر(نیٹ نیوز/ایمرا نیوز)سکھر میں مبینہ طور پر مہنگے آلو فروخت کرنے پر گاہک نے ریڑھی بان سبزی فروش کو تشدد کا نشانہ بنایا، تشدد کرنے والے شخص کو گرفتار نہ کرنے پر سب انسپکٹر کو معطل کردیا گیا۔پنو عاقل شاہی بازار میں مہنگے آلو دینے پر نامعلوم شخص نے ریڑھی بان پر تشدد کیا، ریڑھی بان کا کہنا ہے کہ نامعلوم شخص ریڑھی سے آلو اٹھا کر پھینکتا رہا، تشدد کیا اور سنگین نتائج کی دھمکیاں دیتا رہا۔راہ گیروں نے ریڑھی بان کو تشدد سے بچایا، ایس ایس پی اسد رضا نے تشدد کرنے والے شخص کو گرفتار نہ کرنے پر سب انسپکٹر کو معطل کر دیا۔سکھر میں مبینہ طور پر مہنگے آلو فروخت کرنے پر گاہک نے ریڑھی بان سبزی فروش کو تشدد کا نشانہ بنایا، تشدد کرنے والے شخص کو گرفتار نہ کرنے پر سب انسپکٹر کو معطل کردیا گیا۔پنو عاقل شاہی بازار میں مہنگے آلو دینے پر نامعلوم شخص نے ریڑھی بان پر تشدد کیا، ریڑھی بان کا کہنا ہے کہ نامعلوم شخص ریڑھی سے آلو اٹھا کر پھینکتا رہا، تشدد کیا اور سنگین نتائج کی دھمکیاں دیتا رہا۔راہ گیروں نے ریڑھی بان کو تشدد سے بچایا، ایس ایس پی اسد رضا نے تشدد کرنے والے شخص کو گرفتار نہ کرنے پر سب انسپکٹر کو معطل کر دیا۔

چین(نیٹ نیوز) کے ساحلی شہر شنگھائی سے تعلق رکھنے والے 5 سالہ بچے کی 15 صفحات پر مشتمل سی وی نے سوشل میڈیا پر دھوم مچا رکھی ہے۔

ننھے بچے کی 15 صفحات پر مشتمل سی وی ایک نجی اسکول میں داخلے کے لیے بنائی گئی تھی۔

سی وی میں بچے کی منفرد شخصیت، مشاغل اور نت نئے تجربات کے بارے میں تفصیل سے بیان کیا گیا ہے۔

سی وی میں بچے کے پیار کرنے والے خاندان اور تعلیمی اقدار کے بارے میں بھی سیکشن موجود ہیں۔ اس کے علاوہ 2018 میں اس بچے نے کتنی کتابیں پڑھیں وہ بھی سی وی میں درج ہے۔

ہانگ کانگ کے اخبار ساؤتھ چائنا مارننگ پوسٹ کے مطابق سی وی میں بچے کی جانب سے دعویٰ کیا گیا ہے کہ اس نے 10 ہزار کتابیں پڑھ رکھی ہیں۔

یہ سی وی چین میں سماجی رابطے کے پلیٹ فارم پر شیئر کی گئی تھی۔ سی وی پر تبصرے کرتے ہوئے کچھ لوگوں کا کہنا تھا کہ بچے کے والدین اس کم عمری میں اس سے کچھ زیادہ ہی توقع رکھتے ہیں۔

ایک اور انٹرنیٹ صارف نے لکھا کہ بچے کے والدین نے اس کا بچپنا برباد کر دیا ہے لیکن کچھ لوگوں نے اسے سراہتے ہوئے یہ بھی کہا ہے کہ والدین نے بچے کا شاندار مستقبل طے کر دیا ہے۔

شنگھائی کے نجی اسکولوں میں داخلے کے لیے انتہائی درجے کی مسابقت پائی جاتی ہے، والدین اپنے بچوں کو بہترین اسکولوں میں داخلوں کے لیے اسی مسابقتی دوڑ کا حصہ بنا دیتے ہیں۔

تاہم اخبار کے مطابق فروری میں شنگھائی حکام نے پرائمری اسکولوں کو داخلے کے مرحلے کے لیے بچوں کی سی وی اور والدین کو جانچنے سے منع کر دیا تھا۔

نیپال(نیٹ نیوز)
نیپال میں کتوں کے دن کے موقعے پرپولیس ڈوگز کے اعزاز میں تقریب کا انعقاد کیا گیا ۔

تقریب میں پولیس میں ذمہ دارانہ فرائض سر انجام دینے والے کتوں کو کو میڈلز سے نوازا گیا ۔

کتوں نے اس موقعے پر اپنے ساتھی سپاہی کی مدد سے پریڈ بھی کی اورہاتھ اُٹھا کر سیلوٹ کرتے ہوئے افسران کا شکریہ بھی ادا کیا۔

لاہور: (نیٹ نیوز/ایمرا نیوز) بولیویا میں کھوپڑیوں کا دن منایا گیا۔ لوگوں نے کھوپڑیوں کو پھولوں سے سجایا۔ مقامی لوگوں کا ماننا ہے یہ دن ان کے لیے خوشحالی لائے گا۔بولیویا کے شہر لاپاز میں کھوپڑیوں کا میلہ سج گیا، یہ فیسٹیول یہاں کے لوگوں کا قدیم رواج ہے، انہیں یقین ہے اس طرح خوشحالی آتی ہے۔ میلے میں شریک لوگ کھوپڑیوں پر پھول چڑھاتے اور انہیں کھانا بھی کھلاتے رہے۔ایمارا ایسا علاقہ ہے جہاں بولیویا کے قدیم النسل لوگ رہتے ہیں اور اپنی روایات پر سختی سے عمل کرتے ہیں۔

جوہانس برگ:(نیٹ نیوز/ایمرا نیوز) دنیا بھر میں فالتو کنٹینروں کی بھرمار ہے اور ان کے استعمال کے مختلف پہلو سامنے آتے رہتے ہیں لیکن جنوبی افریقا کے شہر جوہانسبرگ میں ڈرائیو لائنز اسٹوڈیو کے نام سے ایک مختلف طرز کی عمارت دکھائی دیتی ہے جسے 140 کنٹینروں سے تیار کیا گیا ہے۔اس سے پہلے اسی شہر میں طالب علموں کے لیے کنٹینر پر رہائشی کمرے تیار کیے گئے جن کی کامیابی کے بعد پورے خاندان کے لیے کنٹینر بلڈنگ بنائی گئی ہے۔ اس عمارت میں اپارٹمنٹس ہیں، سیڑھیاں اور لفٹس بھی ہیں۔ کنٹینر بلڈنگ کو کچھ اس طرح مرتب کیا گیا ہے کہ اس میں ایک جانب کشادگی اور دوسری جانب بچوں کے کھیلنے کی جگہ بھی رکھی گئی ہے تاہم یہ گھر 300 سے 600 مربع فٹ وسیع ہیں۔عمارت سازی کے لیے 140 مختلف رنگوں کے کنٹینروں کا انتخاب کیا گیا۔ دھاتی کنٹینر سردی گرمی روکنے میں بہت خراب واقع ہوتے ہیں اس لیے ان میں انسولیشن مٹیریل لگانے کے بعد اوپر تلے رکھا گیا۔ اس کے بعد ہوا اور بارش سے انہیں گرنے اور پھسلنے سے بچانے کے لیے تمام ضروری اقدامات کیے گئے یہاں تک کہ سات منزلہ عمارت وجود میں آگئی۔ اس کے بعد گھروں میں کھڑکیاں اور دیگر اندرونی تزئین و آرائش کی گئی۔ہر گھر میں باورچی خانہ، کھانے کا کمرہ ، بیڈ روم اور باتھ روم بنائے گئے ہیں ۔ گراؤنڈ فلور پر کچھ دکانیں اور گھر نکالے گئے ہیں جبکہ بقیہ فلور صرف رہائش کے لیے مختص ہیں۔

واشنگٹن: (نیٹ نیوز/ایمرا نیوز) امریکی ریاست واشنگٹن کے مختلف شہروں میں گزشتہ دنوں ہونے والی طوفانی بارشوں نے جہاں تباہی مچا دی اور سڑکیں ندی نالوں کا منظر پیش کرنے لگیں وہیں میسن کاؤنٹی میں واقع سکوکومش دریا سے درجنوں مچھلیاں نکل کر ہائی وے پر آ گئیں، مچھلیوں کا سڑک پر دھرنا دیکھ کر مسافر بھی حیران رہ گئے۔رپورٹ کے مطابق سیلابی ریلے کی وجہ سے کئی گاڑیاں پھنس گئیں، ایسے میں مچھلیوں کی سڑک پر تیرنے کی ویڈیوز نے سوشل میڈیا پر دھوم مچا دی اور لوگ دلچسپ تبصرے کرنے لگے۔ سیلابی ریلے سے سڑکوں اور متعدد عمارتوں کو بھی نقصان پہنچا تاہم کسی جانی نقصان کی اطلاع نہیں ملی۔ انتظامیہ کی جانب سے مختلف مقامات پر ایمرجنسی نافذ کر دی گئی ہے۔

لاہور(نیٹ نیوز/ایمرا نیوز) سام سنگ نے کتاب کی طرح فولڈ ہونے والا اسمارٹ فون متعارف کرادیا۔سام سنگ کی جانب سے لچکدار موبائل اسکرین ٹیکنالوجی متعارف کرائی گئی ہے .

جسے infinity flex display کا نام دیا گیا ہے۔فون کی اسکرین کا سائز 7.3 انچ ہے، اس فون کو کتاب کی طرح فولڈ کیا جاسکتا ہے اور کھولنے کی صورت میں یہ ٹیبلٹ کی شکل اختیار کرلیتا ہے۔فون کو فولڈ کرنے کے بعد اس کی فرنٹ اسکرین پاکٹ اسمارٹ فون کی طرح آن ہوجائے گی۔سام سنگ کی جانب سے فون سے متعلق دیگر معلومات نہیں دی گئی ہیں البتہ فون جلد ہی صارفین کے لیے مارکیٹ میں پیش کرنے کا کہا گیاہے۔

روس(نیٹ نیوز/ایمرا نیوز) سیلفی لینے کا شوق آج کل بچوں بڑوں سب کو ہے لیکن کبھی کبھی یہ سیلفیز کسی کا بڑا بھاری نقصان بھی کروا دیتی ہیں۔ایسا ہی کچھ حال ہی میں روس میں ہوا، جہاں چار لڑکیوں نے سیلفی کے شوق میں آرٹ گیلری کا لاکھوں ڈالرز کا نقصان کردیا۔رپورٹس کے مطابق یہ واقعہ روس کے شہر یکاترن برگ کے انٹرنیشنل آرٹس سینٹر مین ایونیو میں 27 اکتوبر کو پیش آیا، جہاں نمائش کے دوران دیوار گرنے سے قیمتی فن پارے ٹوٹ گئے۔

واضح رہے کہ لڑکیوں کے سیلفی لینے کے دوران جو دیوار گری، اس پر مشہور مصوروں سیلوا ڈور ڈالی (Salvador Dalí) اور فرانسسکو گویا (Francisco Goya) کے فن پارے آویزاں کیے گئے تھے۔ترجمان روسی وزارت داخلہ کے مطابق چاروں لڑکیاں سیلفی لینے میں اس قدر مگن تھیں کہ وہ میوزیم میں رکھے قیمتی فن پارے سے جا ٹکرائیں۔دوسری جانب میوزیم کے ایک ترجمان کا کہنا تھا کہ اس لاپروائی پر لڑکیوں کے خلاف قانونی چارہ جوئی کی جانی چاہیے۔

بیجنگ:(نیٹ نیوز/ایمرا نیوز) چین میں پالتو کتے نے پولٹری فارم میں گھس کر 600 مرغیوں کو ہلاک کردیا۔

بین الاقوامی خبر رساں ادارے کے مطابق چین میں پالتو کتے کے مالک کو اس وقت پریشانی کا سامنا کرنا پڑ گیا جب کتا پڑوس میں موجود مرغیوں پولٹری فارم میں گھس گیا اور پوری رات میں 600 مرغیوں کو چبا ڈالا۔پولٹری فارم کا مالک صبح جاگا تو مرغیاں مردہ حالت میں پڑی ہوئی تھیں، پہلے تو مالک نے سمجھا کہ شاید کسی وبائی مرض کے اچانک حملے یا زہریلا دانا پانی موت کا سبب ہوگا تاہم جب مرغیوں کے گلے پر کتے کے دانتوں کے نشانات دیکھے تو اصل قاتل کا پتا چلا۔کتے کے مالک کا کہنا تھا کہ کسی پالتو کتے کا ایک رات میں 600 مرغیوں کا شکار کرلینا ناقابل فہم بات ہے جس پر پولٹری فارم کے مالک نے پولیس سے رجوع کرلیا اور کتے کے مالک کے خلاف 13 ہزار چینی یوآن (ڈھائی لاکھ پاکستانی روپے) کے ہرجانے کا دعویٰ دائر کردیا۔
پولیس نے پولٹری فارم کے مالک کی شکایت پر کتے اور مالک کو گرفتار کرلیا ہے، کتے کے مالک نے موقف اختیار کیا ہے کہ پولٹری فارم کے مالک نے حفاظتی اقدامات نہیں کیے تھے جس کی وجہ سے کتا بہ آسانی پولٹری ہاؤس میں داخل ہو گیا۔

آسٹریلیا(نیٹ نیوز/ایمرا نیوز) آسٹریلیا میں نوجوانوں نے حراستی مرکز سے فرار ہونے کی کوشش میں اسے آگ لگا دی ۔غیر ملکی خبر ایجنسی کے مطابق آسٹریلیا کے شہر ڈارون میں حراستی مرکزسے کچھ نوجوانوں نے فرار ہونے کی کوشش کی جن کی عمریں 14 سے 17 سال کے درمیان تھیں۔اس دوران انہوں نے حراستی مرکز کو آگ بھی لگا دی ، تاہم موقع پر موجود سیکیورٹی اہلکاروں نے فرار کی کوشش ناکام بنا دی۔