Category بزنس

(ایمرا نیوزآن لائن) معیشتوں کی درجہ بندی کرنے والے ادارے موڈیز نے 5 پاکستانی بینکوں کا آؤٹ لُک (مستقبل کا منظر نامہ) منفی سے مستحکم کردیا۔

موڈیز کی جانب سے جن بینکوں کا آؤٹ لُک منفی سے مستحکم کیا گیا ہے ان میں نیشنل بینک آف پاکستان سمیت دیگر 4 بینک (حبیب بینک لمیٹڈ، الائیڈ بینک لمیٹڈ، مسلم کمرشل بینک، یونائیٹڈ بینک لیمٹڈ) شامل ہیں۔

موڈیز کے مطابق پاکستانی بینکوں نے حکومتی سیکیورٹیز میں بھاری سرمایہ کاری کر رکھی ہے، جس کے باعث بینکس کی ریٹنگز حکومت کے ساتھ منسلک ہوگئی ہے اور حکومتی آؤٹ لُک میں بہتری بینکوں کی بہتری کا بھی باعث بن رہی ہے۔ اس سے قبل موڈیز نےادائیگیوں کا توازن مزید بہترہونے پر گزشتہ دنوں پاکستان کا معاشی آوٹ لُک بھی منفی سے مستحکم کرتے ہوئے ریٹنگ “بی تھری” برقرار رکھی تھی۔

موڈیز کی جاری کردہ رپورٹ کے مطابق پاکستان کی ریٹنگ بی تھری پر برقرار رکھی ہے تاہم مستقبل کا منظر نامہ اب منفی نہیں بلکہ مثبت ہوگیا ہے۔ موڈیز کے مطابق اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

لاہور(ایمرا نیوز آن لائن) ملکی زرمبادلہ ذخائر 8 ماہ کی بلند ترین سطح 16 ارب ڈالر کے قریب پہنچ گئے۔

تفصیلات کے مطابق درآمدات کو لگام ڈلنے اور بیرونی سرمایاکاری میں اضافے کے ساتھ اب زرمبادلہ ذخائرمیں بھی بہتری آنے لگی، سٹیٹ بینک کے مطابق ملکی زرمبادلہ ذخائر 15 ارب 99 کروڑ ڈالر ہو گئے ہیں۔

ماہرین کا کہنا ہے کہ رواں مالی سال صرف سٹیٹ بینک کے زرمبادلہ ذخائر 1 ارب 80 کروڑ ڈالر کے ساتھ 9 ارب ڈالر سے تجاوز کرگئے ہیں جو دو ماہ کے درآمدی بل کے لیے کافی ہیں۔

تجزیہ کار کہتے ہیں کہ ملکی زرمبادلہ ذخائر میں اضافہ روپے کی قدر میں استحکام کی ضمانت دے رہا ہے۔

لاہور (ایمرا نیوز آن لائن)لاہور الیکٹرک سپلائی کارپوریشن (لیسکو) نے 160 یونٹ پر صارف کو ایک لاکھ روپے سے زائد کا بجلی کا بل بھجوا دیا۔لاہور کے علاقے چوہنگ میں لیسکو نے 160 یونٹ پر شہری محمد اسحاق کے نام پر 1لاکھ 219 روپے کا بل بھجوا دیا۔

لیسکو حکام کے مطابق صارف نے میٹر آہستہ کروا رکھا تھا اور ایم این ٹی رپورٹ پر بل ڈالا گیا ہے۔دوسری شہری محمد اسحاق کا کہنا ہے کہ میرا میٹر بالکل ٹھیک ہے اسے جہاں سے چاہیں چیک کروا لیں، اکتوبر میں 5 ہزار 670 روپے کا بل آیا تھا۔

امریکہ(ایمرا نیوز آن لائن)امریکی جریدے نیو یارک ٹائمز نے عالمی بینک کے مصالحتی نظام کو نقائص پر مبنی قرار دے دیا۔ نیو یارک ٹائمز کی رپورٹ کے مطابق عالمی بینک کے مصالحتی نظام سے غریب ممالک کی قیمت پر امیر ممالک کو فائدہ پہنچایا جا رہا ہے۔ریکوڈک کیس کا حوالہ دیتے ہوئے امریکی اخبار نے لکھا کہ اس کیس میں پاکستان پر 5 ارب 90 کروڑ ڈالر کا جرمانہ اس کی مثال ہے، پاکستان کو ایسے کیس میں جرمانہ کیا گیا جو منظور ہوا نا اس پر عمل درآمد ہوا۔

رپورٹ میں ریکوڈک کے حوالے سے مصالحتی پینل کے فیصلے کو کان کنی کے اصولوں کی خلاف ورزی قرار دیتے ہوئے کہا گیا ہے کہ عالمی بینک کے مقرر کردہ مصالحتی پینل میں اس شعبے کا ماہر کوئی نہیں تھا۔نیو یارک ٹائمز کے مطابق عالمی بینک کے پینل کی جانب سے آسٹریلین کمپنی کو 15 سال تک ٹیکس ہالی ڈے دینے کا فیصلہ بغیر شواہد کے دیا گیا، عالمی بینک کے پینل نے خود ہی فیصلہ کر لیا کہ آسٹریلین کمپنی کتنا منافع کما سکتی تھی۔

عالمی بینک کی جانب سے نیو یارک ٹائمز کی رپورٹ پر ردعمل میں کہا گیا ہے کہ مقدمات کا فیصلہ آزاد خود مختار ٹربیونل کرتے ہیں اور ٹربیونل کے ممبران کا چناؤ عمومی طور پر فریقین کرتے ہیں۔ورلڈ بینک کی جانب سے کہا گیا ہے کہ پاکستان اور آسٹریلوی کمپنی کے کیس میں ممبران کا چناؤ فریقین نے کیا،

ٹربیونل کے صدر کا چناؤ بھی فریقین نے ہی کیا، فیصلہ کالعدم قرار دینے کے لیے پاکستان کی درخواست عالمی بینک کی ویب سائٹ پر موجود ہے۔یاد رہے کہ 2012 سے بین الاقوامی فورم پر لڑی جانے والی قانونی جنگ کا فیصلہ ورلڈ بینک نے جولائی میں جاری کیا تھا جس میں پاکستان پر تقریباً 6 ارب ڈالر کا جرمانہ عائد کیا گیا تھا۔

(ایمرا نیوزآن لائن) ہمایوں سعید،عدنان صدیقی اورعائزہ خان کی شاندار اداکاری پر مبنی پاکستان شوبزانڈسٹری کا ڈرامہ ’میرےپاس تم ہو‘ اس وقت سب سے زیادہ دیکھے جانے والے ڈراموں میں شمار کیاجارہاہے اورملکی تاریخ کے سب سے بہترین سیریل میں شامل ہوگیاہے۔
ہمایوں سعید اور عدنان صدیقی ایک دوسرے کےحریف کے طور پراپنے ڈرامے کے کردار کوبخوبی نبھارہے اوردونوں کی بہترین اداکاری نےلوگوں کی توجہ اپنی جانب کھینچ لی ہیں دوسری طرف لوگوں کی جانب سےبھی ڈرامے کی خوب پذیرائی کی جارہی ہے۔
گزشتہ شب اداکار ہمایوں سعید نے اپنے ٹویٹر اکاونت سے ایک ویڈیو شئیر کی جس میں اداکار عدنان صدیقی اپنے گھر کے باہر نظرآرہے ہیں اور اس موقع پر وہ ویڈیو پیغام میں بتاتے ہیں کہ ڈرامہ ’میرے پاس تم ہو‘ کی شہرت اس قدر ہے کہ ان کےپاس کھڑا ایک شخص جوکہ بظاہرقوت گویائی اورسماعت سے محروم ہے، وہ بھی ڈرامے کوبھرپور انجوائے کررہاہے۔
اس موقع پر عدنان صدیقی اس شخص کی جانب سب کو متوجہ کرتے ہوئے کہتے ہیں کہ وہ کچھ کہنا چاہاتا ہے جس وہ قوت گویائی سے محروم شخص ڈرامے کاایک سین پرفارم کرکے دکھاتا ہے اور بتایا ہے کہ ’میرے پاس تم ہو‘ اس کا پسندیدہ ڈرامہ ہے۔
ایک بار پھر سوشل میڈیا صارفین ٹویٹر پر ڈرامے کے حوالے سےدلچسپ باتیں کرتے نظرآئے۔
اس سے قبل ڈرامے کے ایک ڈائیلاگ ’دو ٹکے کی عورت‘ نے سوشل میڈیاپر طوفان برپا کردیا تھا۔ سوشل میڈیا صارفین کی جانب سےڈرامے کے رائٹرخلیل الرحمان نامناسب الفاظ کےاستعمال پرپہلے ہی تنقید کی زد میں تھے، ایک مرتبہ پھرسوشل میڈیاصارفین کے عتاب کا نشانہ بن گئےجبکہ اداکار ہمایوں سعید کی ڈائیلاگ ’دو ٹکے کی عورت‘ کی ادائیگی دیکھنے والوں کے دل میں گھر کر گئی۔
سرچ انجن گوگل پر’دو ٹکے کی عورت‘ لکھاجائے توسوشل میڈیاویب سائٹس پر موجود ویڈیوز، میمز،پوسٹس اورڈرامے سے متعلق جائزے بھی سرچ میں نظرآئیں گے۔
ناظرین کی جانب سےمشہور ہونے والےمکالمےکودھوکا دینے والےساتھی کےساتھ کیے جانے والا مناسب رویہ کے طور پر بھی دیکھا جارہاہے جبکہ سوشل میڈیاپرمزاح کاسامان بھی بن گیا۔
سوشل میڈیا صارفین نےمشہور ڈائیلاگ پرمزاح کرتے ہوئے دلچسپ ردعمل کااظہار کیاتھا۔

(ایمرا نیوزآن لائن) وزیراعظم عمران خان کے مشیر برائے خزانہ ڈاکٹر عبدالحفیظ شیخ نے کہا کہ رواں مالی سال کے پہلے 4 ماہ میں براہ راست غیرملکی سرمایہ کاری میں 238 فیصد اضافہ ہوا۔

حکومتی معاشی ٹیم وزیراعظم عمران خان کے مشیر برائے خزانہ ڈاکٹر عبدالحفیظ شیخ، وفاقی وزیر برائے اقتصادی امور حماد اظہر اور فیڈرل بورڈ آف ریونیو (ایف بی آر) کے چیئرمین شبر زیدی نے مشترکہ پریس کانفرنس کی۔

پریس کانفرنس کرتے ہوئے مشیر خزانہ حفیظ شیخ نے کہا کہ ملک میں معاشی کارکردگی پر ایک بحث چل رہی ہے اور معاشی کارکردگی پر حکومت اور اپوزیشن کا مختلف مؤقف ہے لیکن دیکھنا یہ ہوگا کہ آزاد عالمی اداروں کی پاکستانی معیشت سے متعلق کیا رائے ہے۔

انہوں نے کہا کہ برآمدات بڑھ رہی ہیں، ڈالر آنے سے خوشحالی ہوگی، کرنٹ اکاؤنٹ خسارے میں بتدریج کمی آرہی ہے، اگر سود کی ادائیگی ہٹا دیں تو مالی خسارہ ختم ہو گیاہے جبکہ تجارتی خسارہ کم ہورہا ہے اور بین الاقوامی سرمایہ کاری بڑھ رہی ہے۔

ان کا کہنا ہے کہ ورلڈ بینک کے صدر نے پاکستان کی اقتصادی کارکردگی کو سراہا، ایشیائی ترقیاتی بینک نے پاکستان کے لیے اپنے پروگرام میں 3 ارب ڈالر کا اضافہ کیا، آئی ایم ایف دنیا کا سب سے بڑا مالی ادارہ ہے اور آئی ایم ایف کی ٹیم نے پاکستان کی اقتصادی کارکردگی پر اطمینان کا اظہار کیا، آئی ایم ایف نے کہا پاکستان نے وعدوں پر مکمل عملدرآمد کیا۔

مشیر خزانہ کے مطابق موڈیز نے پاکستان کے بارے میں اپنی رپورٹ جاری کی ہے اور ریٹنگ کو منفی سے ہٹا کر مستحکم قرار دیا ہے، موڈیز کی رپورٹ نے پوری دنیا کو ہماری معاشی اقدامات سے آشکار کیا ہے، پاکستان میں بیرونی سرمایہ کاروں نے ایک ارب ڈالر کی پورٹ فولیو سرمایہ کاری کی۔

حفیظ شیخ نے بتایا کہ براہ راست بیرونی سرمایہ کاری میں 236 فیصد اضافہ ہوا، پچھلے سال کے مقابلے میں ساڑھے 600 ملین ڈالر کی سرمایہ کاری ہوئی، اسٹاک مارکیٹ 40 ہزار پوائنٹس کی سطح عبور کر چکی ہے اور بلومبرگ نے پاکستان کی اسٹاک مارکیٹ کو دنیا کی بہترین کارکردگی والی اسٹاک مارکیٹ قرار دیا ہے۔

ان کا کہنا تھا کہ ہمارے ٹیکس محصولات میں گزشتہ سال کے مقابلے میں 16 فیصد اضافہ ہوا، حکومت نے اخراجات پر زبردست کنٹرول قائم رکھا ہے، اسٹیٹ بینک کے ذخائر میں خاطر خواہ اضافہ ہوا ہے اور گزشتہ 5 ماہ میں نان ٹیکس محصولات میں 100 فیصد اضافہ ہوا۔

انہوں نے مزید کہا کہ ٹیکس گوشوارے جمع کرانے والوں کی تعداد میں 50 فیصد اضافہ ہوا، حکومت چاہتی ہے کہ ملک میں نوکریاں ملیں، روزگار کے مواقع پیدا ہوں، کم آمدنی والے افراد کو تعمیرات کے لیے سبسڈی دینے کا فیصلہ کیا ہے۔

حفیظ شیخ کا کہنا ہے کہ بین الاقوامی ادارے حکومت کی نہیں پاکستان کی تعریف کررہے ہیں، ہمیں امید ہے کہ دوبارہ آئی ایم ایف کے پاس نہیں جانا پڑے گا، حکومت کا مفاد پاکستان کے مفاد پر حاوی نہیں ہے، یہ میرٹ کی بنیاد پر چلنے والی حکومت ہے، اداروں کو مضبوط کیا جارہا ہے، ایکسچینج ریٹ کے اندر حکومت کی مداخلت نہیں، ایف بی آر میں اصلاحات کی جارہی ہیں۔

وفاقی وزیر برائے اقتصادی امور حماد اظہر کا کہنا تھا کہ جیسے جیسے معاشی اشاریے بہترہوتے جائیں گے تو لارج اسکیل مینوفیکچرنگ بھی بہترہوجائے گی، لارج اسکیل مینوفیکچرنگ کا معیشت میں 15 فیصد حصہ ہے، مجموعی معیشت میں اس سال 3 فیصد گروتھ ہوگی، دیگر معیشت کی طرح لارج اسکیل مینوفیکچرنگ بھی بہتر ہوگی۔ انہوں نے کہا کہ موسم اور بھارت سے تجارت بند ہونے سے اشیائے ضروریہ میں کمی آئی ہے۔

گزشتہ روز معیشتوں کی درجہ بندی کرنے والے ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا تھا۔ موڈیز کی جاری کردہ رپورٹ کے مطابق پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا جسے اب موڈیز نے مستحکم کردیا ہے۔

(ایمرا نیوزآن لائن) معیشتوں کی درجہ بندی کرنے والے ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا۔

موڈیز کی جاری کردہ رپورٹ کے مطابق پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا جسے اب موڈیز نے مستحکم کردیا ہے۔ رپورٹ کے مطابق امریکی کاروباری اور مالیاتی کمپنی موڈیز نے ادائیگیوں کا توازن مزید بہتر ہونے کے پیشِ نظر آوٹ لُک بہتر کیا ہے۔

موڈیز کے مطابق اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

کراچی: کاروباری ہفتے کے پہلے روز یعنی پیر کے دن پاکستان اسٹاک ایکسچینج میں تیزی دیکھی جارہی ہے، دن کے آغاز پر ہی 100 انڈیکس 450 پوائنٹس اضافے کے بعد 39 ہزار 740 پوائنٹس پر پہنچ گیا۔ تفصیلات کے مطابق گزشتہ ہفتے پاکستان اسٹاک ایکسچینج میں زبردست تیزی کے بعد نئے ہفتے کے پہلے روز یعنی پیر کے دن بھی مارکیٹ میں تیزی کا رجحان دیکھا جارہا ہے، دن کے آغاز پر 100 انڈیکس میں 200 سے زائد پوائنٹس کا اضافہ دیکھا گیا۔ ایک گھنٹے بعد 100 انڈیکس میں مزید 250 یعنی کل 450 سے زائد پوائنٹس کا اضافہ ہوا جس کے بعد انڈیکس 39 ہزار 740 پوائنٹس کی سطح عبور کر گیا۔

100 انڈیکس میں 39 ہزار کی سطح گزشتہ ہفتے عبور ہوگئی تھی اور یہ 8 ماہ بعد ہوا تھا۔ گزشتہ ہفتے میں 100 انڈیکس میں 13 سو 61 پوائنٹس کا اضافہ ہوا تھا۔ جمعے کے روز 500 سے زائد پوائنٹس کے اضافے کے بعد 100 انڈیکس 39 ہزار 287 پوائنٹس پر بند ہوا تھا۔ گزشتہ ہفتے سرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔ کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی۔

(ایمرا نیوزآن لائن) وزیراعظم عمران خان کے مشیر برائے صنعت و تجارت عبدالرزاق داؤد نے کہا ہے کہ رواں مالی سال کے پہلے 5 ماہ میں برآمدات میں 4.8 فیصد اضافہ ہوا ہے۔

اپنے بیان میں عبدالرزاق داؤد کا کہنا تھا کہ رواں مالی سال کے پہلے 5 مہینوں میں پاکستانی برآمدات کا حجم 9 ارب 55 کروڑ ڈالر رہا، گزشتہ سال اسی عرصے میں پاکستانی برآمدات کا حجم 9 ارب 11 کروڑ ڈالر تھا۔ انہوں نے کہا کہ رواں مالی سال کے پہلے 5 ماہ میں برآمدات میں 45کروڑ 70 لاکھ ڈالر کا اضافہ ہوا جو کہ 4.8 فیصد ہے۔

عبدالرزاق داؤد کا کہنا تھا کہ رواں مالی سال کے پہلے 5 ماہ میں درآمدات کا حجم 19 ارب 4 کروڑ ڈالر رہا جو کہ گزشتہ مالی سال کے پہلے 5 ماہ میں 23 ارب 59 کروڑ ڈالر تھا، گزشتہ مالی سال کے اسی عرصے کے مقابلے میں درآمدات میں 4 ارب 55 کروڑ ڈالر کی کمی ہوئی، مالی سال کے ابتدائی 5 ماہ میں گزشتہ مالی سال کی نسبت درآمدات 19.3 فیصد کم ہوئی۔

مشیر تجارت کے مطابق مالی سال کے ابتدائی 5 ماہ میں تجارتی خسارہ 9 ارب 50 کروڑ ڈالر رہا، گزشتہ سال اسی عرصے میں تجارتی خسارہ 14 ارب 48 کروڑ ڈالر تھا اور یہ گزشتہ سال کے اسی عرصے کے تجارتی خسارے میں 4 ارب 98 کروڑ ڈالر کی کمی ہوئی ہے جوکہ 34.42 فیصد ہے۔

انہوں نے بتایا کہ رواں مالی سال نومبر کے دوران برآمدات 2 ارب ڈالر سے زائد رہیں، گزشتہ مالی سال نومبر کے مقابلے میں رواں مالی سال نومبر کے دوران برآمدات میں 9.6 فیصد اضافہ ہوا ہے جبکہ رواں مالی سال نومبر کے دوران تجارتی خسارے میں بھی 17.53 فیصد کمی ہوئی ہے۔

خیال رہے کہ گزشتہ روز فیڈرل بورڈ آف ریونیو (ایف بی آر) کے چیئرمین شبر زیدی نے کہا تھاکہ نومبر میں 334 ارب روپے محصولات اکھٹے کیے ہیں جو کہ گزشتہ سال کے 5 ماہ میں اکھٹے کیے گئے ریونیو سے17فیصد زیادہ ہیں۔

لاہور(رپورٹ:-ذیشان علی + ایمرا نیوز آن لائن)تاجر تنظیمیں ایف بی آر اور شیڈول بنکوں کے درمیان صارفین کی معلومات اور اکاﺅنٹس کی تفصیلات کے تبادلے پرشدید برہم ، تفصیلات کے مطابق شیڈول بینکس نے اپنے اکاﺅنٹس ہولڈر کی تفصیلات ایف بی آر کو دینے پر آمادگی کا اظہار کر دیا ہے۔کمرشل بنکوں نے ایف بی آر کو شہریوں کے اکاﺅنٹس کی تفصیلات فراہم کرنے پر آمادگی ظاہر کر دی۔یومیہ پچاس ہزار یا ماہانہ 10لاکھ روپے نکلوانے یا ایک کروڑ روپے جمع کروانے یا ماہانہ اڑھائی لاکھ روپے کریڈٹ کارڈ سے ادائیگی یا5لاکھ روپے سے زائد سالانہ نفع حاصل کرنے والوں کی تفصیلات سے فراہم کی جائیں گی۔ کمرشل بنکوں سے تفصیلات کے مطابق چیئرمین ایف بی آر شبر زیدی اور چیف ایگزیکٹو کے درمیان27نومبر کو کراچی میں معاہدہ طے پایا گیا، معاہدہ میں بنکوں کی جانب سے عدالت میں پٹیشنرز واپس لینے پر بھی آمادگی ظاہر کی گئی، معاہدے کے مطابق یومیہ 50ہزار یومیہ یا ماہانہ 10لاکھ روپے نکلوانے یا ایک کروڑ روپے جمع کروانے یا ماہانہ اڑھائی لاکھ روپے کریڈٹ کارڈ سے ادائیگی یا5لاکھ روپے سے زائد سالانہ نفع حاصل کرنے والوں کی تفصیلات سے فراہم کی جائیں گی۔