Category بزنس

(ایمرا نیوزآن لائن) 2000ء سے 2015ء کے دوران غربت کو کم کرنے میں جن15 ممالک نے انقلابی اقدامات کیے ان میں پاکستان بھی شامل ہے۔

غربت کی شرح میں سالانہ کمی کے اقدامات کے حوالے سے دنیا کے114ممالک میں پاکستان 14ویں نمبر پر آگیا۔ 2001ء میں پاکستان کی 28.6 فیصد فیصد آبادی انتہائی غربت زدہ زندگی گزارتی تھی، جس میں سالانہ 1.8 فیصد کمی ہوئی اور یوں 4 کروڑ 14 لاکھ افراد میں سے 3 کروڑ 38 لاکھ افراد خط غربت سے نکل گئے اور 2015 ء میں صرف 76 لاکھ پاکستانی انتہائی غریب رہ گئے تھے۔

(ایمرا نیوزآن لائن) وفاقی وزیر برائے سائنس و ٹیکنالوجی فواد چوہدری کے بعد وزیراعظم عمران خان کے مشیر برائے خزانہ عبدالحفیظ شیخ نے بھی کہہ دیا ہے کہ حکومت کا کام روزگار فراہم کرنا نہیں۔

مشیرخزانہ حفیظ شیخ کہتے ہیں کہ حکومت کا کام روزگار فراہم کرنا نہیں بلکہ ادارے لوگوں کوروزگار فراہم کرتے ہیں۔ انہوں نے کہا کہ لاکھوں لوگوں کو روزگار نہیں دے سکتے البتہ روزگار کے لیے ماحول بہتر کرسکتے ہیں۔

خیال رہے کہ گزشتہ ماہ فواد چوہدری نے بھی اپنے بیان میں کہا تھا کہ نوکریوں کیلئے حکومت کی طرف نہیں دیکھا جاسکتا حالانکہ انتخابات سے قبل تحریک انصاف نے جو منشور پیش کیا تھا اس میں ایک کروڑ نوکریاں دینے کا وعدہ کیا گیا تھا۔ گزشتہ دنوں حفیظ شیخ نے ٹماٹر 17 روپے کلو دستیاب ہونے کا بیان دے کر بھی سب کو حیران کردیا تھا۔

مشیر خزانہ نے کہا کہ نجکاری کا پروگرام دوبارہ شروع کررہے ہیں، ایل این جی پاور پلانٹس، کچھ بینکس اور انشورنس کمپنیوں کی نجکاری کی جارہی ہے۔ انہوں نے کہا کہ ترقیاتی فنڈز کے اجراء کا عمل تیز کردیا گیا ہے۔

اسلام آباد میں امن اور ترقی کے موضوع پر منعقدہ سیمنار سے خطاب میں حفیظ شیخ نے کہا کہ عوام کی ترقی کے بغیر کوئی ملک ترقی نہیں کرسکتا، جن ممالک نے ترقی کی انہوں نے عوامی ترقی کو پہلی ترجیح دی، ہمسایہ ممالک کے ساتھ بہتر تعلقات کے بغیرعلاقائی ترقی نا ممکن ہے۔

انہوں نے کہا کہ ہمیں علاقائی مسائل کا سامنا ہے اور علاقائی رابطے کمزور ہیں، سرحدوں پر کسٹمز انفرا اسٹرکچر ایک جیسا نہیں ہے، پاکستان افغانستان میں حالات بہتر کرنے کی کوشش کررہا ہے، سعودی عرب اور ایران میں ثالثی کرانے کی کوشش کر رہے ہیں، امریکی صدر ڈونلڈ ٹرمپ سے کہا کہ خطے میں امن چاہتے ہیں۔

شیخوپورہ (عمر فاروق سے)- ڈپٹی کمشنر شیخوپورہ سید طارق محمود بخاری کا صبح سویرے سبزی منڈی کا اچانک دورہ. سبزیوں کی بولی کی نگرانی کی.

اس موقع پراسسٹنٹ کمشنر شیخوپورہ شبیر حسین بٹ اور سیکرٹری مارکیٹ کمیٹی بلال احمد بھٹی بھی موجود تھے. ڈپٹی کمشنر شیخوپورہ نے کہا کہ حکومت پنجاب کے جاری کردہ نرخ ناموں پر عملدرآمد ہر صورت یقینی بنایا جاٸے اس سلسلے میں سپیشل پراٸس مجسٹریٹ کو ہدایت جاری کر دی گٸیں ہیں کہ ناجاٸز منافع خوروں کے خلاف کریک ڈاون کیا جاۓ تاکہ عوام کو زیاد سےزیادہ ریلیف فراہم کیا جا سکے انہوں نے مزید کہا کہ عوام کو مہنگائی کی چکی میں پسنے نہیں دیں گے

انہوں نے کہا کہ تمام سپیشل پراٸس مجسٹریٹس کو ناجاٸز منافع خوروں کے خلاف کارواٸیوں کو تیز کر نے کے احکامات جاری کر دیے ہیں اور اس سلسلے میں کسی قسم کی غفلت برداشت نہی کی جاۓ گی

کراچی(ایمرا نیوزآن لائن) اسٹیٹ بینک نے پانچ ہزار روپے کے نوٹ پر پابندی کی تردید کردی۔

مرکزی بینک کے ترجمان کی جانب سے جاری بیان میں کہا گیا ہےکہ پانچ ہزار روپے کے نوٹ پر پابندی عائد نہیں کی جارہی ہے اور پانچ ہزار کے نوٹ کو بند کرنے کی کوئی تجویز بھی زیر غور نہیں ہے۔

کراچی(ایمرا نیوز آن لائن) گورنر اسٹیٹ بینک رضا باقر صحافی کے ٹماٹر کی قیمت سے متعلق پوچھے گئے سوال پر ناراض ہوگئے۔کراچی میں پریس کانفرنس کے دوران گورنر اسٹیٹ بینک نے ایکسپورٹرز کے لیے رعایتی قرضہ دینے کا اعلان کیا۔رضا باقر نے امپورٹرز کے لیے 10ہزار ڈالرز تک پیشیگی ادائیگی کی اجازت دینے کا اعلان کرتے ہوئے کہا کہ چھوٹے امپورٹرز کے لیے بھی پیشگی ادائیگی پر رعایت دیں گے، اسٹیٹ بینک نے 3 سے 6 فیصد رعایتی شرح پر ایکسپورٹرز کے لیے قرض میں 100 ارب روپے کا اضافہ کردیا ہے۔

ان کا کہنا تھا کہ اس فیصلے کا زرمبادلہ کے ذخائر پر محدود اثر ہوگا، ایکسپورٹ رعایتی قرض میں مزید شعبے بھی شامل کیے جائیں گے۔اس موقع پر ایک صحافی نے گورنر اسٹیٹ بینک سے ٹماٹر کی قیمت کے متعلق سوال پوچھا تو انہوں نے جواب دیا کہ مجھ سے ٹماٹر کی قیمت نہ پوچھیں۔واضح رہےکہ ان دنوں ملک بھر میں سبزیوں کی قیمتوں میں ہوشربا اضافہ دیکھا جارہا ہے جن میں خصوصاً ٹماٹر کی قیمت آسمان سے باتیں کررہی ہے۔

اس حوالے سے گزشتہ روز مشیر خزانہ عبدالحفیظ شیخ سے ٹماٹر کی قیمت سے متعلق استفسار کیا گیا تو انہوں نے جواب دیا تھا کہ ٹماٹر 17 روپے کلو میں دستیاب ہیں۔

(ایمرا نیوزآن لائن) اسٹیٹ بینک آف پاکستان نے سکھ مذہب کے بانی بابا گرونانک کے 550 ویں جنم دن کے موقع پر یادگاری سکہ جاری کردیا۔

گورنر اسٹیٹ بینک نے ایک سادہ تقریب میں سکے کی رونمائی کی جس میں پاکستان سکھ کونسل کے پیٹرن ان چیف سردار رمیش سنگھ خالصہ اور اسٹیٹ بینک کے دیگر اعلی افسران نے شرکت کی۔ اسٹیٹ بینک نے سکے کی قیمت بابا گرونانک کے جنم دن کے مناسبت سے 550روپے مقرر کی ہے۔

اس سکے کی ایک جانب سری گرونانک دیو جی کی عبارت اور ننکانہ صاحب کی عمارت کنندہ ہے جب کہ دوسری جانب روایت چاند ستارہ ، جاری ہونے کا سال اور اسلامی جمہوریہ پاکستان کنندہ ہے۔ سکے پر گرونانک کی سن پیدائش اور وفات کا سال 1469-2019 بھی درج ہے۔

یاد رہے کہ پاکستان نے بابا گرونانک کے 550 ویں جنم دن پر کرتار پور راہدری کا بھی افتتاح کیا ہے جس کے ذریعے اب بھارت میں بسنے والے سکھ بغیر ویزہ پاکستان میں گورودوارہ آسکتے ہیں۔

(ایمرا نیوزآن لائن) ملک بھر میں سبزیوں کی قیمتوں میں ہوشربا اضافہ ہوگیا ہے جس کے باعث اب سبزی بھی عوام کی قوت خرید سے باہر ہوگئی۔

وفاقی دارالحکومت اسلام آباد کی مارکیٹوں میں بھی سبزیوں کی قیمتوں کو پر لگ گئے ہیں جہاں ٹماٹر فی کلو 270 سے 300 روپے، آلو فی کلو 120 سے 150 روپے اور پیاز فی کلو 100 روپے میں فروخت کی جارہی ہے۔ دوسری جانب کراچی میں بھی شہری سبزیوں کی ہوشربا قیمتوں سے پریشان ہیں جہاں ٹماٹر 260 سے 300 روپےفی کلو تک فروخت ہورہے ہیں جبکہ پیاز 80 روپے فی کلو اور آلو 50 روپے فی کلو فروخت ہورہے ہیں۔

روز مرّہ کھانے میں استعمال کی جانے والی سبزی ادرک اور لہسن کی قیمتیں بھی آسمان سے باتیں کر رہی ہیں، ادرک اور لہسن 200 سے 400 روپے فی کلو میں فروخت ہورہاہے۔ کوئٹہ میں بھی ٹماٹر160سے 200 روپےفی کلو میں فروخت ہورہا ہے جب کہ پیاز 80 ، آلو 40 سے 50روپےفی کلو ،لہسن اورادرک 400 روپےفی کلو، مٹر 200 روپے، شملہ مرچ 160روپے اوربھنڈی 120روپے میں فروخت کی جارہی ہے۔

سبزی کی بڑھتی قیمتوں کو حوالے سے عوام کا کہنا ہے کہ مارکیٹ اور بازار میں سبزیوں کے ریٹس مختلف ہیں، عوام نے حکومت سے مطالبہ بھی کیا ہے سبزیوں کی بڑھتی ہوئی قیمتوں کو کنٹرول کیا جائے۔

کراچی (ایمرا نیوز آن لائن) کراچی میں ٹماٹر کی قیمت 300 روپے کلو ہوگئی کراچی میں ٹماٹر کی قیمت ایک بار پھر بڑھ گئی، 25 روپے اضافے کے بعد ٹماٹر 300 روپے کلو ہوگیا ہے۔

پرائس کنٹرول کمیٹیاں سرکاری نرخ کا اطلاق کرانے میں بری طرح ناکام ہیں اور سبزی منڈی سمیت شہر بھر میں کہیں بھی سبزیوں کی سرکاری قیمتوں پر عملدرآمد نہیں ہورہا۔

جاپان(ایمرا نیوز آن لائن)جاپان کی کچھ کمپنیوں نے مختلف وجوہات کی بناء پر خواتین ملازمین کو عینک لگاکر کام کرنے سے روک دیا ملازمت پیشہ خواتین کام کے دوران عینک لگائیں یا نہ لگائیں؟ جاپان میں یہ ایک جذباتی موضوع بن چکا ہے کیونکہ کچھ کمپنیوں نے خواتین ملازمین کو عینک پہن کر کام پر آنے سے منع کردیا ہے۔رپورٹس کے مطابق جاپان کی کچھ کمپنیوں نے مختلف وجوہات کی بناء پر خواتین ملازمین کو عینک لگاکر کام کرنے سے روک دیا تھا۔پابندی عائد کرنے والی کمپنیوں میں سے ایک ریٹیل کمپنی کا کہنا ہے کہ ’شورومز میں عینک لگائی ہوئی خاتون اسسٹنٹ کا کسٹمرز پر ٹھنڈا تاثر جاتا ہے‘۔

ان خبروں کی وجہ سے جاپان میں ملازمت پیشہ خواتین کے حقوق کے حوالے سے سوشل میڈیا پر ایک بحث چھڑ گئی ہے۔نپون ٹی وی نیٹ ورک اور بزنس انسائڈر نے سب سے پہلے اس مسئلے کو اٹھایا اور انہوں نے یہ جاننے کی کوشش کی کہ مختلف کمپنیوں کی خواتین کو عینک پہننے سے کیوں منع کیا گیا ہے۔انہوں نے بتایا کہ ائیرلائین کی خواتین ملازمین کو حفاظتی وجوہات کی بناء پر منع کیا گیا جبکہ ایسے شعبے سے منسلک خواتین جنہیں میک اپ کی ضرورت ہوتی ہے انہیں اس لیے منع کیا گیا کیوں کہ عینک ان کی خوبصورتی کے درمیان رکاوٹ بن جاتا ہے۔

یہ واضح نہیں تھا کہ آیا یہ پابندی کمپنیوں کی پالیسی ہے لیکن یہ سوشل میڈیا پر زیر بحث موضوع بن چکا ہے۔جاپان میں عینک پہننے پر پابندی کے حوالے سے سوشل میڈیا پر ہیش ٹیگ مقبول ہوگیا ہے اور اس موضوع پر خوب ٹوئٹس بھی کیے جارہے ہیں۔کیوٹو یونیورسٹی آف فارن اسٹڈیز کی عمرانیات کے پروفیسر کمیکو نیموٹو کا کہنا ہے کہ خواتین کے کام کے دوران عینک پہننے پر پابندی کی وجہ بے معنی ہے۔انہوں نے مزید کہا کہ یہ تمام رپورٹس جاپان کے لوگوں کی پرانی سوچ اور روایات کی عکاسی کرتی ہیں، کمپنیاں خواتین کی کارکردگی کے بجائے ان کی ظاہری حالت کو زیادہ ترجیح دے رہی ہیں۔

اس سے قبل بھی جاپان میں خواتین کے دفاتر میں ہیلز پہننے کے حوالے سے متنازع خبریں سامنے آئی تھیں۔جاپانی اداکار اور مصنف یومی اشیکاوا نے اس حوالے سے ایک مہم شروع کی تھی جس میں انہوں نے مطالبہ کیا تھا کہ کام کی جگہ پر ہیلز پہننے کی پابندی کو ختم کیا جائے، اس مہم کی سوشل میڈیا پر بےحد حمایت کی گئی تھی۔

لاہور(وقت نیوزآن لائن) پنجاب حکومت نے مصنوئی مہنگائی پر قابو پانے کے لیے فارمر مارکیٹس کے قیام اور بڑے شہروں میں ہوم ڈلیوری سسٹم شروع کرنےکافیصلہ کرلیا۔

چیف سیکریٹری پنجاب یوسف نسیم کھوکھر نے قیمتوں پر قابو پانے کے حوالے سے اجلاس کی صدارت کرتے ہوئے کہا کہ قیمت ایپ کے ذریعے اب اشیاء خوردونوش کی سرکاری نرخوں پرآن لائن خریداری ممکن ہوسکےگی۔ انہوں نے کہا کہ لاہور، راولپنڈی، فیصل آباد، گوجرانوالہ اور ملتان میں ہوم ڈلیوری سسٹم بطورپائلٹ پراجیکٹ شروع کیا جائے گا جب کہ آئندہ ہفتے سے مختلف اضلاع کی 30 منڈیوں میں فارمرمارکیٹس کا آغاز کردیاجائے گا۔

چیف سیکریٹری پنجاب کا کہنا تھا کہ ان مارکیٹس میں کسان براہ راست سستی سبزیاں، پھل اور دیگر غذائی اجناس فروخت کرسکیں گے، بعدازاں ہرضلع میں تحصیل کی سطح پر دو فارمر مارکیٹیں قائم کی جائیں گی۔ چیف سیکریٹری نے افسران کو عام دکانداروں کی بجائے ہول سیلرز پر زیادہ کڑی نظر رکھنے کی ہدایت کرتے ہوئے کہا کہ انتظامی افسران منڈیوں میں نیلامی کی خود نگرانی کریں۔