Category بزنس

کراچی(ایمرا نیوز آن لائن نیوز) پاکستان دنیا میں فری لانس مارکیٹ میں تیزی سے ترقی کرنے والا چوتھا ملک بن گیا۔امریکی جریدے فوربز میں شائع گلوبل پیمنٹ پلیٹ فارم کی پایونیر گلوبل گگ اکانومی فہرست کے مطابق پاکستان فری لانس مارکیٹ میں بھارت، بنگلا دیش اور روس کے مقابلے میں آگے ہے۔رپورٹ کے مطابق فری لانس مارکیٹ میں پاکستان نے گزشتہ برس کی دوسری سہ ماہی کے مقابلے میں رواں برس 47 فیصد ترقی کی ہے۔

شائع ہونے والی فہرست کی تحقیق 3 لاکھ سے زائد فری لانسرز کے ریکارڈ پر مبنی تھی جو پایونیر نیٹ ورک سے منسلک ہیں۔رپورٹ کے مطابق دنیا بھر سے فری لانس مارکیٹ میں تیزی سے ترقی کرنے والے ممالک میں امریکا 78 فیصد ترقی کے ساتھ سرفہرست ہے جب کہ برطانیہ 59 فیصد کے ساتھ دوسرے، برازیل 48 فیصد کے ساتھ تیسرے اور پاکستان 47 فیصد کے ساتھ چوتھے نمبر ہے۔

اس کے علاوہ یوکرین 36 فیصد کے ساتھ پانچویں، بھارت 29 فیصد کے ساتھ چھٹے، بنگلا دیش 27 فیصد کے ساتھ ساتویں، روس 20 فیصد کے ساتھ آٹھویں اور سربیا 19 فیصد کے ساتھ آخری نمبر پر ہے۔رپورٹ کے مطابق تحقیق سے معلوم ہوا کہ معیشت کو فروغ دینے میں متعدد فری لانسرز وہ ہیں جو اپنے کرئیر کو مضبوط بنانے کے لیے کام کر رہے ہیں۔

پایونیر کی جنرل مینیجر ایال مولڈووین کا پاکستانی فری لانسرز کے حوالے سے کہنا ہے کہ پاکستان میں نوجوان نسل زیادہ سے زیادہ مواقع حاصل کر رہی ہے، وہاں کے متعدد فری لانسرز کی عمر 30 برس کے اندر ہے جو کہ ایک زبردست مثال ہے۔ایال مولڈووین کا کہنا تھا کہ ماضی میں دیکھا جائے تو صرف امریکا اور برطانیہ سے ہی بیرونی کام لے کر ترقی پزیر ممالک کے لیے کیا جاتا تھا لیکن اب ایشیا بھی اس میں تیزی سے ابھر کر سامنے آ رہا ہے۔

انہوں نے مزید کہا کہ ہم اب ایشیا کے ایسے بہت سے ممالک دیکھ رہے ہیں جو ایک دوسرے سےآؤٹ سورسنگ یعنی کام کا لین دین کر رہے ہیں، تاہم قوموں کے درمیان کسی بھی اشیاء کی خریدای اور سہولت کا طریقہ کار تبدیل ہو رہا ہے۔

کراچی (ایمرا نیوز آن لائن) ہفتے کی بنیاد پر سٹاک مارکیٹ میں تاریخ کی سب سے بڑی تیزی ریکارڈ کی گئی، انڈیکس 2 ہزار 585 پوائنٹس بڑھ گیا، دوسری جانب ڈالر کے مقابلے روپیہ مضبوط ہوا۔

ایک ہفتے کے دوران پاکستان اسٹاک ایکسچینج میں مجموعی طور پر حصص کے خریداروں کا پلڑا بھاری رہا۔ 100 انڈیکس 2 ہزار 585 پوائنٹس کے اضافے سے مارکیٹ 31 ہزار 350 پوائنٹس کی سطح پر بند ہوئی جس کے باعث حصص کی مالیت میں 424 ارب روپے کا اضافہ ہوا۔

اس عرصے میں بیرونی سرمایا کاروں نے 49 لاکھ ڈالر مالیت کے شیئرز فروخت کیے۔ مارکیٹ کا اوسط کاروباری حجم تین ماہ کی بلند ترین سطح 17 کروڑ 40 لاکھ تک پہنچ گیا۔ تجزیہ کاروں کے مطابق چار کاروباری سیشن میں مسلسل تیزی کے بعد آخری روز سرمایہ کاروں نے منافع کمانے کے غرض سے حصص کی فروخت کو ترجیح دی۔

دوسری جانب ایک ہفتے کے دوران اوپن مارکیٹ ڈالر 1 روپے 50 پیسے کمی کے بعد 157 روپے 90 پیسے میں فروخت ہوا جبکہ انٹر بینک میں ڈالر 1 روپے 43 پیسے کمی کے بعد 157 روپے 52 پیسے میں بند ہوا۔

کراچی (ایمرا نیوز) : ڈالر کی قیمت میں ایک روپے کی کمی ہوئی جس کے بعد روپیہ تگڑا ہو گیا۔ تفصیلات کے مطابق فاریکس ڈیلرز کے مطابق انٹر بینک میں ڈالر 1 روپے سستا ہو گیا جس کے بعد ڈالر کی قیمت 158.25 روپے سے کم ہوکر 157.25 روپے ہو گئی ہے۔ خیال رہے کہ گذشتہ روز انٹربینک میں امریکی ڈالر 27 پیسے سستا ہوا تھا۔ یاد رہے کہ اگست 2018ء میں پی ٹی آئی حکومت برسراقتدار آئی تو ڈالر 122 روپے کا تھا۔
مئی 2019ء میں ڈالر 151 روپے اور جون میں مُلکی تاریخ کی بلند ترین سطح 164روپے پر پہنچ گی تھا۔ تاہم جولائی میں ڈالر کی قیمت میں اضافہ رُک گیا اور پھر آہستہ آہستہ چند پیسوں کے فرق کے ساتھ اس کی قیمت نیچے آتی چلی گئی۔ پاکستان تحریک انصاف کے دور حکومت کے ایک سال مکمل ہونے پر ملک پر قرضوں میں اضافہ ہوا، زرمبادلہ ذخائر اور روپے کی قدر میں کمی ریکارڈ کی گئی تھی۔یک سال کے دوران انٹربینک میں ڈالر 28 فیصد اضافے سے 158 روپے 95 پیسے کا ہوگیا جبکہ اوپن مارکیٹ میں امریکی کرنسی 29 فیصد اضافے سے 159 روپے 40 پیسے پر فروخت ہونے لگی، ڈالر کے بڑھتے دام نے مہنگائی میں اضافہ کیا تو سٹیٹ بینک نے ایک سال کے اندر ہی شرح سود 5.75 فیصد اضافے سے 13.25 کر دیا۔ پی ٹی آئی حکومت نے 18 اگست 2018ء سے اب تک معیشت کو بہتر کرنے کے لیے سعودیہ عرب، متحدہ عرب امارات، چین اور دیگر ذرائع سے قرض لئے، بیرونی قرضہ جو 96 ارب ڈالر تھا مارچ 2019ء تک 105 ارب ڈالر تک پہنچ گیا جبکہ ابھی ان قرضوں میں آئی ایم ایف، ورلڈ بینک اور ایشین ڈویلپمنٹ بینک کا قرض شامل نہیں، اگر ان اداروں کی جانب سے موصول ہونے والے قرض کو بھی شامل کر لیا جائے تو ایک محتاط اندازے کے مطابق ان قرضوں میں لگ بھگ 5 ارب ڈالر کا مزید اضافے کا امکان ہے۔

خیبر پختونخوا(ایمرا نیوز)تیل و گیس کا ذخیرہ پاکستان آئل فیلڈ نے دریافت کیا جس سے یومیہ ایک کروڑ 82 لاکھ مکعب فٹ گیس نکلے گی۔
پاکستان آئل فیلڈ کے مطابق ذخیرے سے یومیہ ایک ہزار 844 بیرل تیل بھی نکلے گا۔
پی او ایف حکام کا کہنا ہے کہ تیل و گیس کے اس ذخیرے سے کمرشل پروڈکشن دسمبر 2019 میں شروع ہو گی۔

لاہور (ایمرا نیوز آن لائن) انٹر بینک مارکیٹ میں‌ ڈالر 22 پیسے سستا ہو گیا. سٹاک مارکیٹ میں 631 پوائنٹس کے اضافے کے بعد مارکیٹ 31 ہزار کی سطح عبور کر گئی۔مارکیٹ میں آج کاروبار کے آغاز پر ڈالر سستا ہو گیا، انٹر بینک میں ڈالر کے ریٹ میں 22 پیسے کی کمی دیکھنے میں آئی جس کے بعد ڈالر 158 روپے35 پیسے پر ٹریڈ ہوتا رہا۔ دوسری جانب سٹاک مارکیٹ میں آج کاروبار کے آغاز پر تیزی دیکھنے میں آئی ، 631 پوائنٹس اضافے کے بعد 100 انڈیکس 31 ہزار 604 پوائنٹس کی سطح پر آگیا۔تجزیہ کاروں کا کہنا ہے کہ حکومت معاشی پالیسیوں پر مستقل طور پر عملدرآمد یقینی بنائے تو روپے کی قدر مزید مستحکم ہو سکتی ہے۔

کراچی (ایمرا نیوز آن لائن) سٹاک ایکسچینج میں زبردست تیزی دیکھنے میں آئی، اسٹاک مارکیٹ میں 900 سے زائد پوائنٹس کا اضافہ ہوا، 100 انڈیکس 30 ہزار 500 پوائنٹس کی حد عبور کرگیا۔یاد رہے گزشتہ روز مسلسل 7 کاروباری سیشن میں گراوٹ کے بعد پاکستان اسٹاک ایکسچینج میں تیزی کا رجحان دیکھنے میں آیا، ایک وقت میں مارکیٹ 800 پوائنٹس سے زائد بڑھ گئی مگر اختتام پر 100 انڈیکس 797 پوائنٹس کی تیزی کے بعد 29 ہزار 562 پوائنٹس کی سطح پر بند ہوا جس سے حصص کی مالیت 140 ارب روپے سے زائد بڑھ گئی۔

تجزیہ کاروں کے مطابق مسئلہ کشمیر پر عالمی برادری کی پاکستانی موقف کی حمایت، اسٹاک مارکیٹ میں اسلامی فناننسنگ کے متعارف ہونے کی خبر اور کئی کمپنیوں کے شیئرز کی کم مالیت کو دیکھتے ہوئے سرمایا کاروں نے حصص کی جم کر خریداری کی ہے۔

لاہور (ایمرا نیوز آن لائن) ایجنٹ مافیا کو لگام ڈالنے کیلئے حکومت نے پلان تیار کر لیا ہے۔ گاڑیوں کی رجسٹریشن اور ٹوکن ٹیکس ادائیگی کیلئے آن لائن سسٹم متعارف کروانےکا فیصلہ کیا گیا ہے۔محکمہ ایکسائزحکومت کو 90 روز میں آن لائن سسٹم سے متعلق رپورٹ پیش کرے گا۔

واضح رہے اس سے قبل پنجاب میں پراپرٹی ٹیکس کا سسٹم بھی نیشنل بینک کے ذریعے آن لائن ہے، اور اس ہی طرز پر گاڑیوں کی رجسٹریشن اور اور ٹوکن ٹیکس کی ادائیگی کا نیا نظام بھی متعارف کروایا جائے گا۔تفصیلات کے مطابق اس نئے نظام کے بعد کار مالکان کو ٹیکس کی ادائیگیوں کیلئے ایکسائز دفاتر میں نہیں جانا پڑے گا اور وہ بغیر کسی پریشانی رقم بینک میں جمع کروا سکیں گے۔

اسلام آباد (ایمرا نیوز) : حکومت کی ایک سالہ کارکردگی پر نجی ٹی وی چینل کے پروگرام میں بات کرتے ہوئے ماہر معیشت ڈاکٹر اشفاق حسن نے کہا کہ جس طرح کے چیلنجز کا موجودہ حکومت کو سامنا تھا اتنی جلدی کوئی مثبت پیش رفت کی اُمید کرنا تھوڑا زیادہ اُمید لگانا ہے۔ بہت زیادہ چیلنجز تھے ، یہ چیلنجز جان بوجھ کر دئے گئے تھے تاکہ پاکستان تحریک انصاف ک حکومت کے راستے میں زیادہ سے زیادہ کانٹے بچھائے جائیں اور ان کے لیے زیادہ سے زیادہ مشکلات کھڑی کی جائیں۔
انہوں نے کہا کہ کچھ لوگوں نے موجودہ حکومت کی راہ میں یہ کانٹے جان بوجھ کر اس لیے بچھائے گئے تھے تاکہ ہم باہر سے بیٹھ کر تنقید کر سکیں۔ ان کے پاﺅں میں کانٹے چُبھ رہے ہوں اور ہم باہر سے بیٹھ کر کہیں کہ دیکھیں یہ آئے تھے، اور کیا کام دکھا رہے ہیں ، انہوں نے کچھ بھی نہیں کیا۔
اس میں کوئی شک نہیں ہے کہ بہت زیادہ چیلنجز کا سامنا تھا ۔ لیکن بات یہ ہے کہ ان چیلنجز کا سامنا کرنے کے لیے یہ حکومت اُس طرح کی مین پاور اکٹھا کرنے میں ناکام رہی جس کی ضرورت تھی۔
ڈالر کی ذخیرہ اندوزی کے لیے حکومت کی تجویز کردہ اسکیم ڈالرڈینومینیٹد بانڈز کے حوالے سے بات کرتے ہوئے ماہر معیشت ڈاکٹر اشفاق حسن نے کہا کہ اس حوالے سے وزارت خزانہ میں بات ہو رہی ہے ، گورنر اسٹیٹ بینک کا ماننا ہے کہ اس طرح ہم لوگوں کو سیونگ کی ترغیب دیں گےا۔ اس اسکیم کو ڈالر ڈینومینیٹڈ اسکیم کا نام دیا جائے گا جس کے مطابق اگر آپ 160 روپے جمع کروائیں تو وہ کہے گا کہ آپ نے ایک ڈالر مالیت کی سیونگ کی ہے۔انہوں نے گورنر اسٹیٹ بینک کی اس تجویز کردہ اسکیم سے متعلق مزیدبتایا.

کراچی(ایمرا نیوز)کراچی: مرکزی بینک کے مطابق ملکی زرمبادلہ کے ذخائر میں 55 کروڑ ڈالر کا اضافہ ہوگیا۔
اسٹیٹ بینک پاکستان کی جانب سے جاری اعلامیے میں بتایا گیا ہےکہ زرمبادلہ کے ذخائر 55 کروڑ ڈالر اضافے سے 15 ارب 57 کروڑ ڈالر ہوگئے ہیں۔
اسٹیٹ بینک کے مطابق ایشیائی ترقیاتی بینک سے 50 کروڑ ڈالر ملنے پر زرمبادلہ ذخائر بڑھے ہیں جس کے بعد مرکزی بینک کے ذخائر 53 کروڑ ڈالر اضافے سے 8.26 ارب ڈالر ہوگئے ہیں جب کہ شیڈول بینکوں کے ذخائر 2 کروڑ ڈالر اضافے سے 7.31 ارب ڈالر ہوگئے ہیں۔

کراچی (ایمرا نیوز لاہور) گورنر اسٹیٹ بینک باقر رضا نے کہا ہےکہ آج ہم مشکل معاشی حالات کا سامنا کررہے ہیں لیکن یقین دلاتا ہوں کہ ملک درست سمت میں آگیا ہے۔

کراچی میں اسٹیٹ بینک میں یوم آزادی کی تقریب سے خطاب کرتے ہوئے باقر رضا نے کہا کہ ہمارے رہنماؤں کی کاوشوں اور قربانیوں کا نتیجہ پاکستان ہے، آزاد ہوئے تو سب سے بڑا مسئلہ مالیاتی انتظام کا ادارہ نہیں تھا، 1948 میں اسٹیٹ بینک نے پہلا نوٹ چھاپ کر اقتصادی سفر کا آغاز کیا۔

انہوں نے کہا کہ آج ہمارا وطن مشکل صورتحال میں ہے، ہم مشکل معاشی حالات کا سامنا کررہے ہیں، مشکل حالات میں لڑکر ہی کامیابی حاصل کی جاسکتی ہے، یقین دلاتا ہوں کہ ملک درست سمت میں آگیا ہے، اب ہمیں ایک قوم ہو کر اس سارے سلسلے کو جاری رکھنا ہے۔

گورنر اسٹیٹ بینک کا کہنا تھا کہ مشکلات کے باوجود اسٹیٹ بینک نے معاشی معاملات ٹھیک کرنے کی کوشش کی ہے۔