Category بزنس

ایف پی پی سی آئی کی ایگزیکٹو کمیٹی کو نظر کر کے ذاتی مفادات کے حصول پر مشتمل تجاویز کو کسی صورت قبول نہیں کیا جائے گا‘ رکن ایگزیکٹو کمیٹی کا انتباع
اسلام آباد(ایمرا نیوز آن لائن ) فیڈریشن آف پاکستان چیمبرز آف کامرس اینڈ انڈسٹری کی ایگزیکٹو کمیٹی کے رکن و سابق نائب صدر FPCCIمرزا عبدالرحمان نے وزیر خرانہ اسد عمر سے مطالبہ کرتے ہوئے کہا کہ اگر حکومت کوئی نئی ٹیکس ایمنسٹی سکیم دینا چاہتی ہے تو پاکستان کے تمام ٹریڈ باڈیز کے ساتھ جامع مشاورت کر کے ایمنسٹی سکیم کا اعلان کرے تاکہ اُس ایمنسٹی سے پوری بزنس کمیونٹی اور اوور سیز پاکستانیز کو فائدہ ہو سکے نہ کہ چند افراد کو۔ انہوں نے کہا کہ دو دن پہلے ایف پی سی سی آئی نے حکومت کو ایمنسٹی سکیم کی تجاویز دینے کے لیے ایک میٹنگ بلائی تھی جس میں سے کراچی ‘ اسلام آباد اور لاہور ریجنل آفس سے صرف دس سے پندرہ افراد نے شرکت کی جب کہ ایگزیکٹو کمیٹی کا فورم تقریباً تین سو افراد پر مشتمل ہوتا ہے۔ جب تک ایگزیکٹو کمیٹی کے فورم دو تہائی اکثریت سے کوئی بھی اہم مسودہ منظور نہ ہو تو ایف پی سی سی آئی کس حیثیت میں حکومت کو ایمنسٹی سکیم پر تجاویز دے رہی ہے۔ مرزا عبدالرحمان نے کہا ہے کہ ایف پی سی سی آئی کی طرف سے دی گئی ایسی تجاویز کو مسترد کر تے ہیں جس میں ایگزیکٹو کمیٹی کی مکمل مشاورت شامل نہ ہو‘ اس سے یہ پتا چلتا ہے کہ یونائیٹڈ بزنس گروپ کے عہدیداران ایف پی سی سی آئی کے فورم کو استعمال کرتے ہوئے اپنے ذاتی مقاصد کے حصول کے لیے ایسی تجاویز کے لیے سرگرم عمل ہیں جس سے ان کے کالے دھن کو فائدہ ہو سکے۔ ایف پی سی سی آئی ملک کے تاجروں کی سب سے بڑی تنظیم ہے‘ ہم ایسے فورم کو کسی کے ذاتی مقاصد کے لیے استعمال نہیں ہونے دیں گے۔ ادھر جو بھی حکومت کو تجویز دینی ‘ چاہے وہ ایمنسٹی ہو‘ بجٹ ہو یا کچھ اور ہو اس تجویز کو پوری ایگزیکٹو کمیٹی کی تائید حاصل ہونی چاہیے اور یہی جمہوریت کا حسن ہے۔ انہوں نے صدر ایف پی سی سی آئی دارو خان اچکزئی کو بھی تجویز دیتے ہوئے کہا کہ آپ غیر جانبدار ہو کے اس ادارے کو آگے لے کے چلیں اور چند افراد کے ہاتھوں میں نہ کھیلیں۔

اسلام آباد / لاہور(ایمرا نیوز آن لائن) پاکستان کے دورے پر آئے ہوئے بین الاقوامی مالیاتی فنڈ(آئی ایم ایف) جائزہ مشن کے سربراہ انسٹرو رامیریز ریگو پاکستان کا دورہ مکمل کرکے واپس چلے گئے ہیں۔آئی ایم ایف وفد کے دورے کے دوران وزیر خزانہ اسد عمر سمیت دیگر حکام سے ہونیوالی ملاقاتوں میں آئی ایم ایف سے نئے پروگرام کیلیے جاری مذاکرات کے تناظر میں پاکستان میں آئی ہونیوالی حالیہ اقتصادی ڈویلپمنٹس پر تبادلہ خیال ہوا۔آئی ایم ایف نے دورہ مکمل ہونے کے بعد اعلامیہ جاری کردیا ہے جس میں کہا گیا ہے کہ آئی ایم ایف مشن چیف نے پاکستان میں قیام کے دوران اسلام آباد اور کراچی کے دورے کیے اور اہم حکام سے ملاقاتیں کیں۔

اسلام آباد(ایمرا نیوز آن لائن)رواں مالی سال 2018-19کے پہلے آٹھ ماہ میں جولائی تا فروری کے دوران چین کے ساتھ کی جانے والی باہمی تجارت کے تجارتی خسارہ میں 11.93 فیصد کی نمایاں کمی واقع ہوئی ہے۔ وزارت تجارت کی رپورٹ کے مطابق جاری مالی سال میں جولائی تا فروری 2018-19کے دوران پاک چین باہمی تجارت کا تجارتی خسارہ میں 1.74 ارب ڈالر یعنی 12فیصد کے قریب کمی سے تجارتی خسارہ 4.48 ارب ڈالر تک کم ہوگیا جبکہ گزشتہ مالی سال میں جولائی تا فروری 2017-18کے دوران پاک چین باہمی تجارت کا تجارتی خسارہ 6.22 ارب ڈالر رہا تھا۔

ضمنی مالیاتی بل کے تحت اس قانون کا اطلاق ٹیکس گوشوارے رکھنے والوں پر نہیں ہوگا،
محمد حماد اظہر
اسلام آباد(ایمرا نیوز آن لائن)وفاقی وزیر ریونیو محمد حماد اظہر نے وضاحت کردی کہ بینک اکاؤنٹس سے رقم نکلوانے پر مقررہ ٹیکس کی حد میں کوئی ردو بدل نہیں کیا گیا۔ دوسرے ضمنی مالیاتی بل برائے 2019 میں مذکوہ قانون کے دائرہ کار سے ٹیکس گوشوارے رکھنے والوں کو استثنیٰ دیا گیا ہے۔سماجی روابط کی ویب سائٹ ٹوئٹر پر ٹوئٹ کرتے ہوئے حماد اظہر کا کہنا تھا کہ ’بینک اکاؤنٹس سے رقم نکلوانے کی حد پر اور اس پر عائد ٹیکس میں کوئی تبدیلی نہیں کی گئی۔انہوں نے بتایا کہ دوسرے ضمنی مالیاتی بل کے تحت اس قانون کا اطلاق ٹیکس گوشوارے رکھنے والوں پر نہیں ہوگا اور صرف نان فائلرز کو اس ٹیکس کی ادائیگی کرنی ہوگی۔دوسری جانب فیڈرل بورڈ آف ریونیو (ایف بی آر) کا کہنا تھا کہ حکومت نے بینکس اکاؤنٹس سے رقم نکلوانے یا اس پر ٹیکس ادائیگی کی حد پر نظرِ ثانی نہیں کی اور بینکوں کے ذریعے انجام دیے جانے والے دیگر مالی معاملات مثلاً پے آرڈرز، ڈیمانڈ ڈرافٹس وغیرہ بھی کوئی تبدیلی نہیں کی۔اس بارے میں ایف بی آر کے ترجمان نے ذرائع ابلاغ میں آنے والی خبروں کی تردیدی کرتے ہوئے کہا کہ حکومت نے یہ رعایتی اقدام اس لیے اٹھایا تا کہ بینک کے ذریعے کمرشل امور انجام دیے جائیں جو قابلِ ستائش ہے۔

بجلی کے پنکھوں کی ملکی برآمدات میں 20.95 فیصد کا نمایاں اضافہ ہوگیا
اسلام آباد (ایمرا نیوز آن لائن) فروری 2019کے دوران بجلی کے پنکھوں کی ملکی برآمدات میں 20.95 فیصد کا نمایاں اضافہ ہوا ہے۔ ادارہ برائے شماریات پاکستان (پی بی ایس) کے اعدادو شمار کے مطابق فروری 2019کے دوران بجلی کے پنکھوں کی برآمدات 358 ملین روپے تک بڑھ گئیں جبکہ جنوری 2019کے دوران 296 ملین روپے کے پنکھے برآمدات کئے گئے تھے۔ اس طرح جنوری 2019کے مقابلہ میں فروری 2019کے دوران بجلی کی پنکھوں کی قومی برآمدات میں 62 ملین روپے یعنی 20.95 فیصد کا نمایاں اضافہ ریکارڈ کیا گیا ہے۔

پاک سوزوکی موٹرکمپنی کے بعد از ٹیکس منافع میں66 فیصدکمی واقع ہوگئی
اسلام آباد( آن لائن )پاک سوزوکی موٹرکمپنی کے بعد از ٹیکس منافع میں66 فیصدکمی واقع ہوئی ہے۔ پاکستان سٹاک ایکسچینج (پی ایس ایکس) کو بھیجے گئے کمپنی کے مالیاتی اعدادوشمار کے مطابق سال2018 کیلئے پاک سوزوکی موٹرکمپنی کا خالص منافع1.30 ارب روپے رہا ہے جبکہ دوران سال کمپنی کی فی آمدن 15.77 روپے رہی ہے۔ رپورٹ کے مطابق سال2017 کے دوران کمپنی نے3.83 ارب روپے کا بعد از ٹیکس منافع کمایا تھا اور فی حصص آمدن46.49 روپے ریکارڈ کی گئی تھی۔ اس طرح سال2017 کے مقابلہ میں سال2018 کے دوران پاک سوزوکی موٹر کمپنی کے بعد از ٹیکس منافع میں2.53 ارب روپے یعنی66 فیصد کی کمی ریکارڈ کی گئی ہے جبکہ کمپنی کی فی حصص آمدن میں بھی20.72 روپے کی کمی ریکارڈ کی گئی ہے۔

وقت نے ثابت کردیا کہ فیڈریشن چیمبر بزنس کمیونٹی کی وکالت کرنے میں بری طرح ناکام رہا ہے: احمد جواد
بزنس مین پینل کا اس بار منظم اور جارہانہ سرپرائز ہوگا ۔یو بی جی انتظار کرے : ترجمان بزنس مین
کراچی(ایمرا نیوز آن لائن) FPCCI میںبزنس مین پینل کے ترجمان احمد جواد نے کہا ہے کہ ایف پی سی سی آئی دن بدن زوال کا شکار ہے ملائیشیا اور سعودی قیادت کے دوروںکے موقع پر فیڈریشن چیمبر کے عہدیداران کو شامل نہ کرنا اس بات کی عکاسی کرتا ہے برسراقتدار گروپ یو بی جی کی ڈکٹیٹر شپ ایف پی سی سی آئی پر قابض ہے یہ ان کی ناکام پالیسیز کا نتیجہ ہے کہ حکومت پاکستان ایف پی سی سی آئی کی قیادت کو اہم ایشوز اور معاملات میں اعتماد میں نہیں لے رہی۔ بزنس کمیٹی کے لئے باعث تشویش ہے کےہ پریمیئر ادارے کا معیار حکومت کی نظروں میں گرتا جا رہا ہے تو یہ ادارہ بزنس کمیونٹی کے مسائل کے حل کے لیے کیا ایڈوکیسی کرے گا۔یوبی جی کے لیڈر یہ بات سمجھ لیں کہ بزنسمین پینل کی فیڈریشن چیمبر میں43 فیصد نمائندگی ہے لہٰذا یوبی جی کسی خام خیالی میں نہ رہے اور اس سال یو بی جی کو ایک سرپرائز ملے گا اور اس دفعہ الیکشن کمیشن میرٹ پر بنے گا اور اس کمیشن کوپوری ای سی اور جی بی ممبران کا اعتماد حاصل ہو گا۔ ایس ایم منیر اینڈ کمپنی کو اپنی مرضی کے الیکشن کمیشن بنانے نہیں دیں گے ایسے افراد کو الیکشن کمیشن بنایا جائے گا جو دونوں گروپس کے لئے قابل قبول ہو گا اور منظم دھاندلی نہیں کرنے دی جائے گی ۔احمد جواد نے آج ایک پریس ریلیز جاری کرتے ہوئے کہاریجنل آفس پنجاب میں پچھلے 3 ماہ سے کوئی قابل ذکر ایکٹیو یٹی نہیں ہو رہی اسی طرح پشاور بلوچستان گوادر کے ریجنل دفاتر خالی نظر آتے ہیںاور بزنس کمیونٹی کے لئے کوئی مسائل حل نہیں کئے کیے جا رہے ۔محض بیان بازی اور پریس ریلیز سے بزنس کمیٹی کے مسائل حل نہیں ہوں گے۔ پچھلے چار سالوں میں ایف پی سی سی آئی میں محض کاغذی اصلاحات آئی ہیں عملی کاہم نہیں ہوئے ۔ انھوں نے کہا کہ ملکی برآمدات کو 6 ارب ڈالر کا ٹیکا لگانے والے آج کس منہ سے بزنس کمیونٹی کے نام نہاد لیڈر بنے ہوئے ہیں۔ تاریخ ایسے شخص کو معاف نہیں کرے گی جس نے اپنا اصل کام چھوڑ کر تاجروں کی سیاست کی ملکی برآمدات کو بھی نقصان پہنچایا اور تاجروں کو بھی رسوا کیا۔احمد جواد نے کہاکہ ٹریڈ باڈیز کی فیڈریشن چیمبر کے ساتھ سالانہ ممبر شپ تجدید نو اور ایوارڈز سے ملنے والے فنڈز کا پیسہ کن کاموں پر استعمال ہو رہا ہے نہ ہی وہ پیسہ ا صلاحات پر لگ رہا ہے اور نہ ریسرچ اینڈ ڈویلپمنٹ پر استعمال ہو رہا ہے محض تنخواہوں اور بینک بیلنسز کے لئے اس فنڈ کو ضائع کیا جا رہا ہے۔ ایف پی سی سی آئی میں ریسرچ نام کی کوئی چیز نہیں ہے لاہور چیمبر اور کراچی چیمبر فیڈریشن چیمبر کی نسبت کہیں بہتر کام کر رہے ہیں۔ ایف پی سی سی آئی میں اپنی قدر و قیمت کھودی ہے پچھلے چار سالوں میں ایف پی سی سی آئی کی دی ہوئی بجٹ تجویز کا ایک مطالبہ بھی نہیں مانا گیا چونکہ ایف پی سی سی آئی میں میرٹ نہیں ہے اور اقرباءپروری ہے اور ہر بار منتخب حکومت کے گن گائے جاتے ہیں جاتے ہیں پہلے مسلم لیگ (نون ) کی تعریفیں کی جاتی تھی اور آج کل پی ٹی آئی کی تعریفوں کے پل باندھے جاتے ہیں۔ احمد جواد نے کہا کہ اس سال بزنس مین پینل ایک بھرپور سرپرائز دے گی اس کو پوری بزنس کمیونٹی سراہے گی۔

کے ایس ای 100 انڈیکس کاروبار کے آغاز پر ہی 174ج پوائنٹس گر گئی
کراچی(ایمرا نیوز آن لائن) پاکستان اسٹاک ایکسچینج میں منفی رجحان موجود ہے۔ کے ایس ای 100 انڈیکس کاروبار کے آغاز پر ہی 174ج پوائنٹس گر گئی۔ کاروباری ہفتہ کے پہلے روز پاکستان اسٹاک ایکسچینج کا آغاز منفی زون میں ہوا اور کاروبار کے آغاز پر ہی کے ایس ای 100 انڈیکس 174 پوائنٹس کی کمی کے ساتھ 38 ہزار 357 پوائنٹس تک گر گیا تھا۔کے ایس ای 100 انڈیکس میں کاروبار کا آغاز 38 ہزار 531 پوائنٹس پر ہوا تھا۔ تاہم کچھ ہی دیر میں مارکیٹ منفی زون میں ٹریڈ کرتی نظر آئی۔رپورٹ فائل ہوتے وقت 100 انڈیکس 82 پوائنٹس کمی کے ساتھ 38 ہزار 447 پوائنٹس پر ٹریڈ کر رہا تھا۔ابتدائی ایک گھنٹے کے دوران 10 انڈیکس میں 4,929,840 شیئرز کی لین دین ہوئی جس کی مالیت پاکستانی روپوں میں 411,185,756 بنتی ہے۔گزشتہ ہفتہ کے آخری روز جمعہ کو کے ایس ای 100 انڈیکس 147 پوائنٹس اضافہ کے ساتھ 38 ہزار 531 پوائنٹس پر پہنچ گئی تھی جب کہ 4.4 ارب روپے مالیت کے 8.45 کروڑ شئیرز کا کاروبار کیا گیا۔

گیس کی قیمتوں میں پھر 145فیصد تک اضافے کا مطالبہ
سوئی ناردرن گیس پائپ لائن لمیٹیڈ اور سوئی سدرن گیس کمپنی لمیٹیڈ نے گیس کی قیمتوں میں اضافے کے لیے درخواست دائر کر دی ، اضافہ کی صورت میں گیس کی موجودہ فی ایم ایم بی ٹی یو قیمت 501.17 سے بڑھ کر ایک ہزار 229 روپے تک پہنچ جائے گی
اسلام آباد(ایمرا نیوز آن لائن) آئندہ مالی سال کے لیے گیس یوٹلٹیز کی آمدن کی ضروریات کو پورا کرنے کے لیے یکم جولائی 2019 سے گیس کی قیمتوں میں 145فیصد تک اضافے کا مطالبہ کیا ہے۔ رپورٹ کے مطابق سوئی ناردرن گیس پائپ لائن لمیٹیڈ اور سوئی سدرن گیس کمپنی لمیٹیڈ نے گیس کی قیمتوں میں اضافے کے لیے درخواست دائر کی ہے اور یہ اقدام ایک ایسے موقع پر کیا گیا ہے جب اکتوبر 2018 میں گیس کی قیمتوں میں 35 فیصد اضافے کے سبب تحریک انصاف کی حکومت کو شدید سیاسی دباؤ کا سامنا ہے۔اس تمام تر عمل کے دوران اب تک دو کمپنیوں کے 4 منیجنگ ڈائریکٹرز کو ہٹایا جا چکا ہے۔آئل اینڈ گیس ریگولیٹری اتھارٹی(اوگرا) نے اعلان کیا ہے کہ پنجاب اور خیبر پختونخوا میں خدمات انجام دینے والی سوئی ناردرن گیس پائپ لائنز لمیٹیڈ نے مالی سال 20-2019 کے لیے یکم جولائی سے 144 فیصد اضافے کی تجویز پیش کرتے ہوئے 723روپے اضافے کے ساتھ قیمت ایک ہزار 224 روپے فی ایم ایم بی ٹی یو کرنے کی تجویز دی ہے۔ریگولیٹر کا کہنا ہے کہ سوئی ناردرن گیس کمپنی نے 19مارچ کو نظرثانی شدہ درخواست دائر کی جس میں اپنے قدرتی گیس کے کاروبار میں 722.51روہے فی ایم ایم بی ٹی یو اضافے کی درخواست کی گئی جو یکم جولائی 2019 سے نافذ العمل ہو گی۔اگر یہ اضافہ کیا جاتا ہے تو گیس کی موجودہ فی ایم ایم بی ٹی یو قیمت 501.17 سے بڑھ کر ایک ہزار 229 روپے تک پہنچ جائے گی۔اس کے ساتھ ساتھ کمپنی نے آر ایل این جی کی ڈومیسٹک صارفین کو منتقلی کی مد میں فی ایم ایم بی ٹی یو 111.32روپے اور ایل پی جی کے کاروبار کے لیے 6ہزار 84روپے فی ایم ایم بی ٹی یو اضافے کا مطالبہ کیا ہے۔دلچسپ امر یہ ہے کہ سوئی ناردرن گیس پائپ لائن لمیٹیڈ نے موجودہ قیمت 5.1 روپے فی یونٹ میں 14 فیصد یا 66روپے اضافہ کردیا ہے جس سے قیمت 566.97روپے فی یونٹ تک پہنچ گئی ہے جہاں وہ موجودہ مالی سال سمیت دو سال کی ا?مدنی کی ضروریات میں کمی کو پورا کرنے کی کوشش کررہی ہے۔دوسری جانب سوئی سدرن گیس کمپنی لمیٹیڈ نے موجودہ قیمت 591.67 فی یونٹ میں 106.54روپے اضافے کا مطالبہ کیا ہے جس سے فی یونٹ قیمت 698.21 ہو جائے گی۔متعدد پیٹرولیم پالیسیوں کے سبب گیس کی مقامی قیمتیں تیل کی عالمی قیمتیوں سے منسلک ہیں۔وزیر اعظم عمران خان یہ بات کہہ چکے ہیں کہ کمپنیوں کو گیس چوری اور بدانتظامی کی وجہ سے 50ارب ڈالر کے خسارے کا نقصان کا سامنا کرنا پڑ رہا ہے۔گیس کی قیمتیں سال میں دو مرتبہ تبدیل کی جاتی ہیں، پہلی مرتبہ یکم جولائی اور پھر جنوری میں ہوتی ہیں، ملک میں انتخابات اور سیاسی تبدیلی کے سبب قیمتیں یکم جولائی کی جگہ 27ستمبر 2018 کو تبدیل کی گئی تھیں، اس موقع پر 35فیصد اضافہ کیا گیا تھا تاکہ اضافی 116ارب روپے کی آمدنی حاصل کی جا سکے جبکہ ڈومیسٹک صارفین کو 143فیصد تک قیمتوں میں اضافے کا سامنا کرنا پڑا تھا۔

لاہور(ایمرا نیوزآن لائن) وزیر اعظم نے پنجاب حکومت کو گندم خریداری کیلئے موثر اقدامات کرنے کی ہدایات کردی ۔ پنجاب میں گندم کی کٹائی شروع ہونے میں دو ہفتے باقی ہیں جس کیلئے وزیر اعظم نے پنجاب حکومت کو ہدایات جاری کی ہیں کہ گندم کی خریداری کیلئے بہتر اقدامات کیے جائیں گے تاکہ کسان کو کسی قسم کی پریشانی کا سامنا نہ کرنا پڑے ۔وزیر اعظم نے پنجاب میں گندم خریداری کے حوالے سے انتظامات کے حوالے سے بریفنگ لینے کے بعد احکامات جاری کیے کہ تمام سٹیک ہولڈرز کے ساتھ میٹنگ کی جائے جس سے گندم کی خریداری کیلئے موثر اقدامات کیے جائیں اور گندم کی برآمد کیلئے لائحہ عمل تیار کیا جائے تاکہ پنجاب میں اضافی گندم کو بیرون ملک فروخت کیا جا سکے ۔ کسان کو گندم خریداری مراکز پر پہنچانے اور مراکز پر بہتر ماحول فراہم کیا جائے ۔صوبہ میں بڑی فصلوں جن میں گندم،چاول،گنا،مکئی کی پیداوار بڑھانے کیلئے اقدامات کیے جائیں کیونکہ پاکستان ایک زرعی ملک ہے اور زرعی پیداوار میں اضافہ سے ملکی معیشت کی مضبوطی میں مدد ملے گی۔ اس کیلئے پنجاب حکومت کو اقدامات اٹھانے کیلئے احکامات دئیے گئے ہیں تاکہ کم لاگت سے زیادہ پیداوار حاصل کی جا سکے ۔واضح رہے اس وقت صوبہ میں 35لاکھ ٹن سے زائد گندم پڑی ہے اور نئی گندم آنے سے ذخیرہ کرنے کے ساتھ ساتھ دیگر مسائل پیدا ہو جائیں گے ۔ محکمہ خوراک پنجاب کے پاس گندم محفوظ کرنے کیلئے 36اضلاع میں 6442 چھوٹے بڑے گودام موجود ہیں جن میں محض 21لاکھ76ہزار ٹن گندم محفوظ کی جا سکتی ہے ۔گزشتہ مالی سال میں پنجاب حکومت نے 36لاکھ23ہزار میٹرک ٹن گندم خریدی کی جبکہ رواں مالی سال 38لاکھ ٹن گندم خریداری کاہدف زیر غور ہے ۔گزشتہ سال خریداری کے بعد پنجاب میں 72لاکھ ٹن گندم ذخیرہ کر لی گئی تھی ۔