Category بزنس

غیر ملکی خبر ایجنسی کے مطابق امریکی ڈالر کی قدر کو استحکام ملنے سے عامی مارکیٹ میں سونے کے نرخ 0.2 فیصد کم ہوگئے، اسپاٹ گولڈ کے نرخ 1288 ڈالر فی اونس پر آگئے جبکہ امریکی سونے کے نرخ 1290 ڈالر فی اونس رہے۔
ذرائع کے مطابق چاندی کے نرخ بڑھ گئے، اسپاٹ مارکیٹ میں تجارت 17.07 ڈالر فی اونس میں ہوئی جبکہ پلاٹینم کے نرخ کم ہوکر 974.8 ڈالر اور پلاڈیم 934.75 ڈالر فی اونس رہے۔

کراچی (میڈیا پاکستان): سیاسی بے یقینی اور حکومت کی باتوں نے سٹاک مارکیٹ میں بے یقینی اور مندی بڑھا دی، کاروبار 19 فیصد کم ہو گیا، سرمایہ کاروں کے مزید 176 ارب روپے ڈوب گئے۔
ہفتے کے پہلے روز پاکستان سٹاک ایکس چینج میں کاروبار کے آغاز سے ہی مندی کا بھی آغاز ہو گیا، ٹریڈنگ کے دوران ہنڈرڈ انڈیکس میں ایک ہزار سے زائد پوائنٹ کی کمی دیکھی گئی، تاہم کاروبار کے اختتام پر ہنڈرڈ انڈیکس نو سو پچیس پوائنٹ کی کمی سے بیالیس ہزار ایک سو تریپن پر بند ہوا، تین سو چوراسی کمپنیوں کے شئیرز کا لین دین ہوا، صرف چالیس کی قیمت میں اضافہ جبکہ تین سو چونتیس کی قیمت کم ہوئی۔
شئیرز کی مجموعی مالیت ایک سو چھہتر ارب روپے کی کمی سے اٹھاسی کھرب چودہ ارب روپے رہ گئی، کاروباری حجم میں بھی 19 فیصد کمی دیکھی گئی، مجموعی طور پر پندرہ کروڑ اکتیس لاکھ شئیرز کا لین دین ہوا۔

کراچی: پاکستان اسٹاک ایکسچینج میں کاروباری ہفتے کے پہلے روز ہی مندی دیکھی جارہی ہے۔
پاکستان اسٹاک ایکسچینج میں گزشتہ ہفتے بھی مندی دیکھی گئی اور ہنڈرڈ انڈیکس میں اتار چڑھاؤ رہا جب کہ کاروبار کے اختتام پر انڈیکس میں پوائٹس کی کمی دیکھی گئی۔
آج کاروباری ہفتے کے پہلے روز آغاز پر ہی مارکیٹ میں منفی رجحان دیکھا جارہا ہے اور ہنڈرڈ انڈیکس میں 190 پوائنٹس کی کمی دیکھی گئی ہے جس سے انڈیکس 42 ہزار 900 کی سطح سے نیچے آگیا ہے۔

مارکیٹ 43 ہزار 136 پوائنٹس کی سطح پر بند، آج ہونے والی مندی کے باعث شیئرز کی مالیت ایسی گری کہ سرمایہ کاروں کے 196 ارب روپے ڈوب گئے۔
کراچی: (دنیا نیوز) سیاسی عدم استحکام کے باعث کاورباری ہفتے کے پہلے روز سٹاک مارکیٹ میں 1 ہزار سے زائد پوائنٹس کی مندی ریکارڈ کی گئی۔ ملک میں جاری سیاسی گرما گرمی اور اس کے نتیجے میں بدلتے حالات کے اثرات پاکستان سٹاک ایکسیچنج پر نمایاں ہونے لگے، کاروباری ہفتے کے پہلے روز سٹاک مارکیٹ کا انڈیکس 1050 پوائنٹس نیجے گر گیا اور مارکیٹ 43 ہزار 136 پوائنٹس کی سطح پر بند ہوئی۔ آج ہونے والی مندی کے باعث شیئرز کی مالیت ایسی گری کہ سرمایہ کاروں کے 196 ارب روپے ڈوب گئے۔ یکم جولائی سے اب تک بیرونی سرمایہ کار 10 کروڑ ڈالر سے زائد مالیت کے شیئرز فروخت کر چکے ہیں جبکہ مالی سال 2017ء میں بیرونی سرمایہ کاروں نے 53 کروڑ ڈالر مالیت کے شیئرز فروخت کیے تھے۔ سٹاک تجزیہ کاروں کے مطابق سیاسی عدم استحکام اور بڑی کمپنیوں کے نتائج توقعات کے مطابق نہ آنے کے باعث سرمایہ کار شیئر فروخت کر رہے ہیں۔

مارکیٹ میں ٹریڈنگ کے دوران 100 انڈیکس میں 360 پوائنٹس کا اضافہ ہوا جس کے بعد 100 انڈیکس 44 ہزار 260 کی سطح عبور کرگیا۔
گزشتہ روز پاکستان اسٹاک ایکسچینج میں کاروبار کے اختتام پر 100 انڈیکس 3 فیصد تک گرا ، مارکیٹ میں کاروبار کے اختتام پر ایک ہزار 389 پوائنٹس کی کمی ہوئی اور انڈیکس 43 ہزار 899 کی سطح پر بند ہوا۔

الحاج فاموٹرز نے پاکستان میں پہلی بار مکمل اسمبل کردہ کار وی ٹو متعارف کرادی ہے، فا وی ٹوپہلی چینی پسنجر کار ہے جسے مکمل طور پر پاکستان میں ہی اسمبل کیا گیا ہے۔فا وی ٹوکار کی تعارفی تقریب گزشتہ روز فا موٹرز کے پلانٹ پر منعقد کی گئی جہاں الحاج فا موٹرز کے منیجنگ ڈائریکٹر بلال آفریدی بھی موجود تھے جبکہ تقریب میں ملک بھر سے کار ڈیلرز اور وینڈرز کی ایک بڑی تعداد بھی شریک تھی۔ فا چین کی تیزی سے ترقی کرتی ہوئی آٹو موٹیو کمپنی ہے جس نے پاکستان میں الحاج کے ساتھ سن2007میں الحاق کیا تھا۔اس وقت الحاج فا کی 50ہزار اسکوائر میٹر پھیلے پلانٹ میں 600سے زائد ملازمین کام کررہے ہیں جبکہ سنگل شفٹ میں پلانٹ کی پیداواری صلاحیت 10ہزار سالانہ ہے۔ الحاج فا موٹرز کے پاس مجموعی طور پر 1لاکھ5ہزار اسکوائر میٹر کا رقبہ ہے جس میں سے 50ہزار اسکوائر میٹر پر پلانٹ قائم کیا گیا ہے۔اس موقع پر خطاب کرتے ہوئے الحاج فا کے ایم ڈی بلال آفریدی نے کہا کہ ابتدائی طور پر اس پلانٹ پر ڈھائی ارب روپے کی سرمایہ کاری کی گئی تھی جبکہ بعد ازاں مزید ایک ارب تیس کروڑ روپے کی سرمایہ کاری سے اسمبلی پلانٹ کے سیٹ اپ کو مزید بہتر بنانے کے ساتھ ساتھ ای ڈی پینٹ ٹیکنالوجی حاصل کی گئی ،انہوں نے کہاکہ الحاج فا کی جانب سے ملک بھر کے بڑے شہروں میں تھری ایس سروس فراہمی کے ساتھ ساتھ تین سالہ یا 60ہزار کلو میٹر تک کی وارنٹی بھی مہیا کی جارہی ہے۔الحاج فا کا دعوی ہے کہ مقامی طور پر اسمبلنگ کی سہولت سے انہیں اپنے صارفین کی بہتر خدمت کرنے اور معیاری کاروں کی فراہمی میں مدد دے گی ،کمپنی کا ارادہ ہے کہ سال 2020تک پلانٹ کی پیداواری استعداد کو 15ہزار یونٹس سالانہ تک لے جانے کے ساتھ ساتھ نئے ماڈلز بھی متعارف کرائے جائیں۔الحاج فا کی نئی V2 hatchback تیرہ سو سی سی انجن کی حامل ہے جسے مکمل طور پر سی بی یو کی صورت میں در آمد کیا گیا ہے ،کمپنی نے پاکستان میں اپنا آپریشن سات ایکڑ زمین سے شروع کیا گیا تھا اور اب کمپنی کے آپریشنز 27ایکڑ رقبے یک پھیل گئے ہیں جو کہ کمپنی کے اس عزم کو ظاہر کرتی ہے کہ ہم یہاں بھاگنے کیلئے نہیں بلکہ کام کرنے کیلئے آئے ہیں۔فا کے ایم ڈی کا کہنا تھا کہ ہم نے اپنی کاروں میں لگږری سہولیات کے باوجود ان کی قیمت انتہائی مناسب سطح پر رکھی ہیں اور اب ہمارا شمار انتہائی مناسب قیمت پر معیاری اور لگږری کاریں بنانے والی کمپنی کے طور پر کیا جاتا ہے اور صارفین کا ہم پر اعتماد ہے، ان کا کہنا تھا کہ مقامی طور پر اسمبل کردہ V2کی قیمت در آمدی سی بی یو کے مقابلے میں انتہائی کم ہے جبکہ اس کے کم طاقت کے انجن کے باعث خریداروں کو ٹیکس اور رجسٹریشن کی مد میں بھی بچت ہوگی۔بلال آفریدی کا کہنا تھا کہ ایندھن کی بچت کے حوالے سے بھی یہ ایک آئیڈیل کار ہوگی جو کہ شہروں میں ایک لٹر میں15تا 16کلو میٹر جبکہ ہائیوے پر 18کلو میٹر تک کا مائلیج فراہم کرے گی ،انہوں نے بتایا کہ رواں سال تک کے اختتام تک ہم V2کے ماہانہ 500یونٹس بنائینگے جبکہ ہمارا منصوبہ ہے کہ یہاں تیار کردہ رائٹ ہینڈ ڈارئیو کاروں کو جلد ہی چین اور دیگر ممالک کو بھی بر آمد کریں۔

کراچی (میڈیا پاکستان): برآمدات میں اضافے کے باوجود مالی سال کے پہلے ماہ کا تجارتی خسارہ 55 فیصد سے بھی زیادہ بڑھ گیا، بجٹ میں درآمدی ٹیکسوں میں اضافے کا بھی فائدہ نہیں ہوا، درآمدات میں کمی کی بجائے 36 فیصد اضافہ ہو گیا۔
مالی سال کے پہلے ماہ کے دوران 3 ارب 20 کروڑ 40 لاکھ ڈالر کے تجارتی خسارے کا سامنا رہا، جو گزشتہ جولائی سے 55.5 فیصد زیادہ ہے، پاکستان ادارہ شماریات کے مطابق ملکی برآمدات کا حجم 1 ارب 63 کروڑ 10 لاکھ ڈالر رہا، جو گزشتہ جولائی سے 10.58 فیصد زیادہ ہے، تاہم دوسری طرف جولائی کے دوران پیٹرولیم مصنوعات اور دوسری اشیا کا درآمدی بل 4 ارب 83 کروڑ 50 لاکھ ڈالر سے بھی تجاوز کر گیا، جو گزشتہ مالی سال کے اس عرصے سے 1 ارب 30 کروڑ ڈالر زیادہ ہے۔
گزشتہ مالی سال کے دوران بھی ملکی تجارتی خسارے کا حجم 32 ارب 57 کروڑ 80 لاکھ ڈالر کی ریکارڈ سطح تک پہنچ گیا تھا، جبکہ اس سال جولائی کا تجارتی خسارہ گزشتہ مالی سال کے اوسط ماہانہ خسارے سے بھی 18 فیصد زیادہ ہے۔

(میڈٰیا پاکستان):ایکسپو سینٹر میں 3 روزہ ٹیکسٹائل مشینری کی نمائش کا آغاز ہوگیا، 109 کمپنیاں ، 419 بین الاقوامی برانڈز شامل ہیں۔الیکٹرک اور دیگر متعدد اقسام موجود تھیں۔
ایکسپو سینٹر میں جاری 3 روزہ نمائش میں ملکی و غیرملکی صنعتی تاجروں نے شرکت کرتے ہوئے نمائشی ٹیکسٹائل مشینری میں گہری دلچسپی کا اظہار کیا۔ حاضرین کا کہنا تھا کہ جو مشینری وہ بیرون ممالک سے پاکستان امپورٹ کرتے ہیں وہی مشینری ہمیں پاکستان میں بہتر کوالٹی اور کم دام میں میسر ہے۔
نمائش میں لائی گئی مشینری میں ایمبرائیڈری، گارمنٹس سلائی، الیکٹرک اور دیگر متعدد اقسام موجود تھیں۔ حاضرین کا یہ بھی کہنا تھا کہ اپنے ہی ملک میں ایسی سہولیات سے ملکی خزانے میں بہتری بھی آئے گی۔

محکمہ ایکسائز کا غیرنمونہ نمبرپلیٹس والی گاڑیوں کے خلاف آپریشن
(میڈیا پاکستان):محکمہ ایکسائزکاغیرنمونہ نمبرپلیٹس والی گاڑیوں کیخلاف آپریشن کیا گیا ۔ شہرکے7مقامات پرناکہ بندی کرکے سینکڑوں گاڑیوں کی غیرنمونہ نمبرپلیٹس اتارلی گئیں۔ ٹوکن ٹیکس نادہندہ درجنوں گاڑیاں بند کردی گئیں۔
ای ٹی اوزکی سربراہی میں تین سےسات بجے تک غیرنمونہ نمبرپلٹس ،ٹوکن ٹیکس اورنان رجسٹرڈگاڑیوں کیخلاف فیکٹری ایریا،گارڈن ٹاؤن ،اللہ ہوچوک ،ناصرباغ، ریوازگارڈن ،چائنہ چوک اورشملہ پہاڑی پرناکہ بندی کی گئی ۔ناکہ بندی کے دوران سینکڑوں سرکاری وغیرسرکاری گاڑیوں کی نمبرپلیٹس اتار لی گئیں۔
ٹوکن ٹیکس نادہندہ اورنان رجسٹرڈدرجنوں گاڑیاں بندکی گئیں۔ ڈائریکٹرچوہدری آصف کا کہنا تھا کہ شہری اپنی گاڑیوں کو نمونہ نمبرپلیٹس لگا کرسڑکوں پرآئیں۔

لاہور(میڈیا پاکستان) ملک بھر میں گاڑیوں کی طلب (car demands)میں مسلسل اضافہ ہو رہا ہے ، سی پیک کے حوالے سے بڑی گاڑیوں اور ٹرکوں کی مانگ بھی مسلسل بڑھ رہی ہے۔
تفصیلات کے مطابق ملک میں چھوٹی گاڑیوں کی مانگ میں مسلسل اضافہ ہو رہا ہے ، 2015-16 میں کے دوران ایک لاکھ اسی ہزار گاڑیاں فروخت ہوئیں جو گزشتہ برس کی نسبت 19 فیصد زائد ہے۔
1300 سی سی اور اس سے زائد کیٹیگری کی فروخت ہونے والی گاڑیوں کی تعداد 57 ہزار کے قریب رہی جوکہ گزشتہ برس کی نسبت کئی گناہ زائد ہے۔