Category کالم

لاہور(ایمرا نیوز)
میں کافی عرصےسےپاکستانی سیاست میں خواتین کےکردارکودیکھ رہاہوں اورمیں نےاپنی رائےقائم کی ہےکہ ہمارےنظام نےخواتین کی اکثریت کوزندگی کےتمام شعبوں میں اقلیت میں بدل دیاہے۔ پاکستان کےسیاسی نظام کودیکھتےہوئےمجھےپاکستانی سیاست میں خواتین کے لیے بہت کم ہی برابری کے مواقع نظرآتے ہیں۔ پاکستانی سیاست کوکنٹرول کرنےوالی مردوں کی طاقت خواتین کواپنی خواہشات کےبغیرسیاست میں آگے آنے نہیں دیتی خاص طورپردرمیانے درجے کی سیاست میں۔ خواتین کیلئے ہمارے ملک کی سیاست میں بہت کم مواقع ہیں کیونکہ انھیں ان کی تعلیم اور کیریئر(اگرکبھی انھیں کیریئربنانے کاموقع دیا جاتا ہے)میں ہراساں کیےجانےاورعدم تحفظ کاخطرہ ہوتاہے۔ یہ خطرات ان کیلئےحوصلہ شکنی کاباعث بنتےہیں اورنتیجےمیں 80فیصد سےزائدقابل اور تعلیم یافتہ خواتین کی جلدی شادی کردی جاتی ہےیاگھرپربیٹھا لیاجاتاہے۔ وہ اپنی صلاحیتیں دکھانے میں اپنےآپ کوبےبس محسوس کرتی ہیں۔ ہمارےنام نہادرواجوں کےباعث ان کےمقاصدختم ہوجاتےہیں اوریہ رواج نہ صرف ٹیلنٹ کو مار دیتے ہیں بلکہ اعلیٰ مقاصد کوبھی ختم کردیتے ہیں۔ جو ان رواجوں کو توڑنے میں کامیاب ہوجاتی ہیں یا مختلف وجوہات کی بناءپرگھرسےباہر قدم رکھنے پر مجبور ہوتی ہیں، بدقسمتی سے وہ کام کرنے کی جگہ پر مردوں کے معاشرے
کے باعث شکاربن جاتی ہیں جہاں خواتین کو ہراساں کرنا اپنا حق سمجھا جاتا ہے اور خواتین کو ان کی مرضی کے مطابق کام کرنا پڑتا کیونکہ وہاں باس مردہو تا ہے۔ ہمارے ملک میں روزانہ ہزاروں خواتین کو ہراساں کیا جاتا ہےلیکن ان میں سے چند ہی ان کے خلاف آواز اٹھانے کی جرات کرپاتی ہیں۔ رواں سال کے آغاز میں ایک سروے میں ورک پلیس پر ہراساں ہونے والی 300 خواتین کو شامل کیاگیاتھا، ان میں سے 35فیصد نے کہا کہ انھیں ان کے باس یا ساتھیوں نے خاموش رہنے کاکہا۔ بہت سی خواتین نے نوکری چھوڑ دی اور صرف 17 فیصد شکایات لےکراپنی تنظیموں کی انٹرنل انکوائری کمیٹی میں گئیں اور59فیصد نے کہاکہ ان کی مینجمنٹ ہراسگی کو سنجیدگی سے نہیں لیتی۔ اب ہم اپنی تمام کام کرنے والی کواتین پر ںظرڈالتے ہیں۔ پاکستان میں خواتین میں روزگار کی شرح دنیاکی نسبت کم ترین ہے یہ 4.5فیصد ہے۔ تقریباً65فیصد خواتین ڈاکٹرزکوپاکستان میں شادی کے بعدکام کرنے کی اجازت نہیں دی جاتی ۔ 80فیصدبزنس گریجویٹ شادی کے بعد گھر بیٹھ جاتی ہیں اور کم 10فیصد سے بھی کم تعلیم یافتہ اور غیرتعلیم یافتہ خواتین کاروبار کرتی ہیں۔ اسی طرح پاکستان کی وفاقی حکومت میں صرف 4.6فیصدملازمین خواتین ہیں۔ تاہم پبلک ایڈمنسٹریشن سیکٹرمیں تمام انٹری لیول آفیسرز میں تقریباً 28.5فیصد خواتین ہیں۔ 2017کیلئےسول سوپیر ئیر سروسز کے امتحانات 261امیدوار کوپوسٹنگ کیلئےنامزد کیاگیا،ان میں 17سکیل کیلئے106خواتین تھیں۔ ہمیں اپنے معاشرے میں خواتین کے کام کو براہِ راست اور غیربراہِ راست طورپر دیکھناہوگا۔ اسی طرح ہمیں اپنے سیاسی اداروں میں بھی خواتین کی تعداد کودیکھناہوگا اور غورکرناہوگا کہ کیوں خواتین کو سیاست سے دور رکھا جاتاہےسوائے ان نڈرخواتین کے جنھوں نے سیاست میں اپنی جگہ بنانے کی جرات کی۔ ہمار ے ملک کی سیاست میں خواتین کے پاس صرف 21فیصد پارلیمانی نشستیں ہیں۔ سیاسی جماعتوں کیلئے 5فیصد ٹیکٹس خواتین کیلئےمختص کرنا ضروری ہےلیکن وہ انھیں ایسی سیٹوں کیلئے نامزد کردیتے ہیں جہاں جیتنا کافی مشکل ہوتا ہے۔ 2018کے عام انتخابت میں 107سیاسی جماعتوں میں سے 94نے الیکشن میں حصہ لیا۔ ان جماعتوں نے 5768 امید وار کھڑے کیے جن میں سے صرف 305خواتین امید وار تھیں، اس کامطلب ہےکہ ضروری قانون کے باوجود 44سیاسی جماعتوں نےکسی ایک خاتون کو بھی امیدو ارنا مزدنہیں کیا۔ قومی اسمبلی میں 272نشستوں میں سے صرف60خواتین کیلئے مختص ہیں اور سینٹ میں 104میں سے 18نشستیں خواتین کیلئے ہیں۔ اسی طرح صوبائی سطح پر پنجاب اسمبلی میں 297میں سے 66نشستیں خواتین کیلئے مخصوص ہیں، سندھ اسمبلی میں 130میں سے 29خواتین کیلئے مخصوص ہیں، بلوچستان اسمبلی میں 51عام نشستوں میں سے 11خواتین کیلئے مخصوص ہیں اور کے پی کے اسمبلی میں 99ریگولر نشستوں میں سے 22خواتین کیلئے مخصوص ہیں۔ خواتین کومضبوط بنانااور برابری کے حقوق یقینی بنانا غالباًیہ ہی سب سے اچھاکام ہے جو کوئی بھی ملک ترقی کرنے کیلئے کرسکتاہے۔ اسے ذرا مزید بڑاکرنے کیلئے، ایک معاشرہ جو زندگی کے تمام شعبوں میں خواتین کی حوصلہ افزائی نہیں کرتا وہ ایک ایسے شخص کی مانند ہے جو میراتھن میں دوڑ رہاہولیکن اپنی ایک ٹانگ ہی استعمال کررہاہو۔ خواتین پرآدھامعاشرہ مبنی ہے،اور یہ خود بخود واضح ہونا چاہیئےکہ معاشرہ ترقی کرے گا اور تیز ہوگا اگرسب اکٹھےکام کریں گےبجائےاس کےکہ آدھی آبادی کچن میں ہی رہ جائے۔ تجربہ ، کیس سٹڈی اور سرویز نے ہمیشہ ثابت کیاہے کہ وہ ملک جلد ترقی کرتے ہیں جہاں خواتین تعلیم یافتہ ہوں اور ان کے ساتھ مردوں کی طرح برابری کاسلوک ہو۔ خواتین کی معاشی مضبوطی ہمارے ملک کی معیشت کیلئے اہم ہے اور اس سے پاکستان کا جی ڈی پی 30فیصد تک بڑھ سکتاہے۔ ذیل میں خواتین کی مضبوطی کیلئے کچھ نکات دیے جارہے ہیں۔ 1-ورک پلیس پرانھیں مکمل تحفظ دیاجائےاور کام کرنے کیلئے جگہ کومحفوظ بنایاجائے۔ 2-جینڈراکویلٹی ورک پلیس اور ایسے ایونٹس کاانعقاد ہونا چاہئیےجن میں خواتین حصہ لے سکیں۔ یہ بدقسمتی ہےکہ ہمارےملک کی اکثریت خواتین پرمبنی ہےلیکن اس ’’اکثریت‘‘ کواقلیت بنادیاگیاہے۔ 3- حکومت کو خواتین کی ہراسگی کے مسائل سے نمٹنا چاہیئےاور انھیں وقت پر حل کرناچاہیئئےتاکہ وہ آرام سے کام کرسکیں۔ 4- کار وبار کرنےوالی خواتین کے ساتھ پارٹنرشپ کرکےانھیں فروغ دیناچاہیئے۔-5ان کی تعلیم کی اہمیت، ان کی صحت کےمسائل حل کرکے، ان کیلئےنوکری کےمواقع پیدا کرنےاوران کےحقوق کاتحفظ کرکےپاکستان کی کمزور ہوتی معیشت کوبدلا جاسکتاہے۔ 5-نئی حکومت کو ورک پلیس پرخواتین کےتحفظ اور حقوق سے متعلق قوانین بنانے چاہیئےتاکہ وہ بغیرکسی دبائو کے کام کرسکیں۔ ہماری ویمن فورس کی خدمات قومی ترقی کیلئےصحیح طرح سےحاصل نہیں کی جارہیں اور مردوں کے معاشرے نےخواتین کی اکثریت کو اقلیت میں بدل دیاہے۔ ہمیں اس پر غور کرنے کی ضرورت ہے۔
(بشکریہ جنگ نیوز)

لاہور(ایمرا نیوز)
چوہدری فواد‘ ایاز صادق‘ شہلا رضا اور احسن اقبال کی رائے سننے میں کیا حرج ہے؟ یہ چاروں ایک دوسرے کے شدید سیاسی مخالف ہونے کے باوجود تین دن سے ڈاکٹر میاں عاطف کے معاملے میں ایک پیج پر ہیں‘ ہمیں ان کی بات بھی سن لینی چاہیے‘یہ کیا کہہ رہے ہیں ہم اس طرف آنے سے پہلے عاطف میاں کا پروفائل دیکھیں گے عاطف میاں کے والدین پاکستانی ہیں‘ابتدائی تعلیم پاکستان سے حاصل کی اور یہ1993ء میں اعلیٰ تعلیم کے لیے امریکا چلے گئے۔ میسا چیوسیٹس یونیورسٹی سے ریاضی اور کمپیوٹر سائنس میں ایم ایس سی اور پھر اکنامکس میں پی ایچ ڈی کی‘یہ امریکا کی ٹاپ یونیورسٹی پرنسٹن میں پبلک پالیسی اینڈ فنانس کے پروفیسر ہیں‘ وڈروولسن اسکول کے جولیس رابن اووٹز سینٹر کے ڈائریکٹر ہیں اور یہ پاکستان کے پہلے اور واحد معاشی ماہر ہیں جن کا نام آئی ایم ایف کے 25 بڑے معاشی ماہرین کی فہرست میں آیا۔

یہ انٹرنیشنل ڈیبٹ مارکے ماہر ہیں‘ دنیا بھر کے مقروض ملک قرضوں سے جان چھڑانے کے لیے ان سے مشورہ لیتے ہیں‘ آج سے چار پانچ سال قبل دنیا کے بڑے معاشی ماہرین نے ان کا نام نوبل انعام کے لیے پیش کرنے کا فیصلہ کیا لیکن پھر پاکستانی ہونا رکاوٹ بن گیا‘ چنانچہ یہ اس وجہ سے اس ’’آپشن‘‘ سے ڈراپ ہو گئے تاہم شاید مستقبل میں یہ امکانات دوبارہ پیدا ہو جائیں‘ عمران خان ان کے فین ہیں‘ یہ امریکا جاتے تھے تو یہ عاطف میاں سے ملتے تھے‘ یہ ان کی ذہانت اور مہارت دونوں سے بہت متاثر ہیں چنانچہ انھوں نے 2014ء کے دھرنے کے دوران 13 ستمبر کو پہلی بار عاطف میاں کا نام لیا۔ عمران خان کا کہنا تھا‘ میری حکومت آئی تو میں عاطف میاں جیسے لوگوں کو وزیرخزانہ بنائوں گا‘ عمران خان کے اعلان نے پاکستان میں جہاں عاطف میاں کو متعارف کرا دیا وہاں یہ انکشاف بھی ہوا یہ احمدیہ جماعت سے تعلق رکھتے ہیں‘ یہ جماعت پاکستان میں غیر مسلم ڈکلیئرڈ ہے‘ عمران خان پر تنقید شروع ہو گئی ‘ عمران خان نے عاطف میاں پر یوٹرن لے لیا‘ ان کا کہنا تھا ’’میں نہیں جانتا تھا یہ احمدی ہیں‘‘ عاطف میاں کے اپنے اعترافات کے مطابق یہ 2002ء میں احمدیہ جماعت میں شامل ہوئے تھے‘ والدین نے انھیں 1993ء میں اعلیٰ تعلیم کے لیے ایم آئی ٹی بھجوایا تھا۔
یونیورسٹی میں احمد شیخ نام کے ایک قادیانی مبلغ کے ساتھ ان کی ملاقات ہوئی‘ یہ قادیانیوں کے خلاف تھے لیکن یہ احمد شیخ کی شخصیت سے متاثر ہوئے‘ قادیانیت کی کتابوں کا مطالعہ کیا اور 2002ء میں قادیانیت کا فارم بھر دیا‘ یہ اس وقت مجلس خدام احمدیہ میں بھی کام کر رہے ہیں اور یہ لندن میں احمدیوں کے مرکز قادیان کے مالیاتی امور کے انچارج بھی ہیں‘والدین نے احمدیت قبول کرنے پران کی شدید مذمت کی تھی۔ ہم اگر مذہبی رجحانات سے بالاتر ہو کر دیکھیں تو بے شک عاطف میاں ایک شاندار‘ بین الاقوامی شہرت یافتہ معاشی ماہر ہیں‘ فنانشل ٹائمز نے ان کی کتاب ہائوس آف ڈیبٹ (House of Debt) کو سال کی بہترین کتاب ڈکلیئر کیا‘ عاطف میاں یہ اعزاز حاصل کرنے والے پہلے پاکستانی ہیں‘ عمران خان نے اقتدار سنبھالنے کے بعد 18 رکنی اکنامک ایڈوائزری کونسل بنائی‘عاطف میاں کو اس کونسل میں پرائیویٹ سیکٹر ممبر کی حیثیت سے شامل کیا گیا۔

یہ کونسل حکومت کو معاشی شعبے میں مشورے دے گی‘ یہ اٹھارہ ارکان حکومتی یا ریاستی ملازم نہیں ہیں‘ یہ کسی قسم کی مراعات‘ تنخواہ اور سہولتوں کے حق دار بھی نہیں ہیں‘ میاں نواز شریف کی حکومت نے بھی اکنامک ایڈوائزری کونسل بنائی تھی‘ وہ کونسل چار سال چلتی رہی‘ ممبر آتے تھے‘ وزیر خزانہ انھیں حکومت کی معاشی فتوحات کی چھوٹی سی پریذنٹیشن دیتے تھے‘ تقریر کرتے تھے‘ کھانا کھلاتے تھے اور واپس بھیج دیتے تھے‘ یہ ارکان کے مشورے تو رہے دور یہ ان کے سوال تک نہیں سنتے تھے۔ یہ اجلاس چار سال ہوئے‘ آخری سال پانامہ کیس کی نظر ہو گیا‘ چار برسوں میں کونسل سے کوئی فائدہ نہیں اٹھایا گیا‘ عمران خان نے دعویٰ کیا ہے کونسل کی صدارت یہ خود کیا کریں گے اور ارکان کی رائے کو دیکھ کر معاشی پالیسیاں بنائیں گے‘ یہ بہت اچھا فیصلہ ہے‘ امریکا اور یورپ میں صدور اقتصادی ایڈوائزری کونسل کی صدارت کرتے ہیں اور یہ اجلاس ہر دو ماہ بعد ہوتے ہیں‘ عمران خان اگر یہ بھی کر گئے تو ملک کی معاشی سمت درست ہو جائے گی‘ ہم مقروض معیشت کے مالک ہیں‘ پاکستان کے قرضے 28 ہزار ارب روپے تک پہنچ چکے ہیں‘ گردشی قرضے 1200 ارب روپے ہیں۔
ہماری درآمدات اور برآمدات کا گیپ بھی بڑھتا چلا جا رہا ہے اور معاشی بدحالی بھی سیلاب کی طرح ہماری طرف دوڑ رہی ہے‘ پی آئی اے‘ اسٹیل مل‘ ریلوے اور واپڈا جیسی کارپوریشنیں ہر سال ہزار ارب روپے پی جاتی ہیں‘ ہمیں ان حالات میں معاشی ماہرین کی ضرورت ہے اور عاطف میاں بین الاقوامی معاشی ماہر ہیں‘ یہ اپنی خدمات مفت پیش کر رہے ہیں‘ یہ کوئی عہدہ بھی نہیں لے رہے اور یہ پاکستان میں بھی مقیم نہیں ہوں گے‘ یہ آئیں گے‘ ایڈوائزری کونسل کے اجلاس میں شریک ہوں گے‘ حکومت کو مشورہ دیں گے اور واپس چلے جائیں گے۔ ہمیں اگر ان کا مشورہ اچھا لگا تو ہم قبول کر لیں گے ورنہ انکار کر دیں گے‘ ہمارا کیا جائے گا؟ کیا ہمارے پاس اس سے بہتر کوئی آپشن موجود ہے؟ عاطف میاں سے اگر امریکا اور یورپ کے ادارے فائدہ اٹھا سکتے ہیں‘ اگر عرب دنیا کی حکومتیں‘ اگر ترکی‘ ملائیشیا اور انڈونیشیا فیس دے کر ان کی مہارت سے مستفید ہوتے ہیں تو ہم یہ خدمات مفت کیوں نہیں لے سکتے؟ ہم اگر عیسائی‘ یہودی اور بھارتی تاجروں سے تجارت کر سکتے ہیں‘ ہم ان سے علاج کرا سکتے ہیں۔

ہم ان سے مشاورت کر سکتے ہیں اور ہم اگر اپنی مذہبی کتابیں چھاپنے کے لیے یہودو نصاریٰ سے کاغذ اور سیاہی خرید سکتے ہیں تو پھر ہمیں عاطف میاں جیسا ’’نان مسلم‘‘ کیوں قبول نہیں؟ کیا یہ ملک صرف مسلمانوں کا ہے اور مسلمان بھی دیوبندی ہونے چاہئیں! ہم نے پہلے ہندوئوں کو نکالا‘ پھر پاکستانی یہودیوں کو‘ پھر چن چن کر پڑھے لکھے اور ماہر عیسائیوں کو‘ پھر مہذب‘ صلح جو اور کامیاب بزنس مین پارسیوں کو اور اب ہم ہر اس قادیانی کے پیچھے لگ گئے ہیں جو اس ملک میں کام کرنا چاہتا ہے‘کیوں؟ ملک میں اس وقت بھی تقریباً چار ملین قادیانی ہیں۔ ہمیں ان پر کوئی اعتراض نہیں لیکن عاطف میاں جیسا پڑھا لکھا اور عالمی معاشی ماہر قبول نہیں‘ کیوں؟ کیا پڑھا لکھا اور بین الاقوامی ماہر ہونا جرم ہے؟ ملک میں اگر کسی قادیانی کو اعلیٰ عہدہ نہیں ملنا چاہیے تو پھر قائداعظم محمد علی جناح نے سر ظفراللہ کو پاکستان کا پہلا وزیر خارجہ کیوں بنایا تھا‘ وہ باقاعدہ ڈکلیئرڈ قادیانی تھے لیکن وہ اس کے باوجود دنیا کے پہلے وزیر خارجہ تھے جنہوں نے اقوام متحدہ میں فلسطین کا ایشو اٹھایا‘ وہ پہلے ایشیائی اور واحد پاکستانی تھے جنہوں نے اقوام متحدہ کی جنرل اسمبلی کے اجلاس کی صدارت کی اورعالمی عدالت انصاف کے صدر بنے۔
کیا قائداعظم نہیں جانتے تھے قادیانی غیر مسلم ہیں اور یہ اسلامی جمہوریہ پاکستان کے کسی سرکاری عہدے کے اہل نہیں ہیں‘ قائداعظم نے تو اسلامی جمہوریہ کے لیے قانون بنانے کی ذمے داری بھی پاکستانی ہندو جوگندر ناتھ منڈل کے حوالے کر دی تھی ‘ وہ پاکستان کے پہلے وزیرقانون تھے لیکن آج ملک میں وہ لوگ عاطف میاں کے خلاف تحریک چلا رہے ہیں جو 1947ء تک پاکستان کے وجود کے خلاف تھے‘کیوں ‘ آخرکیوں؟۔

ہم ایک دلچسپ ملک کے دلچسپ باسی ہیں‘ ہم آج تک ملک میں ملاوٹ‘ جعلی ادویات‘ جھوٹ‘ منافقت‘ رشوت خوری‘ بے راہ روی اور کرپشن نہیں روک سکے‘ آج بھی اڑھائی کروڑ بچے اسکولوں سے محروم ہیں اور ملک میں کوئی ایک ایسا شہر نہیں جس میں پینے کا صاف پانی مل رہا ہو لیکن آپ دلچسپ ملک کے دلچسپ لوگوں کی ترجیحات ملاحظہ کیجیے‘ یہ لٹھ لے کر عاطف میاں کے پیچھے دوڑ رہے ہیں‘یہ دنیا کے نامور معاشی ماہر سے مفت مشورہ لینے کے لیے بھی تیار نہیں ہیں۔ ہم آخر چاہتے کیا ہیں؟ ہمیں اگر اس ملک میں غیر مسلم قبول نہیں ہیں‘ ہم اگر اس ملک میں کسی غیر مسلم کو برداشت کرنے کے لیے تیار نہیں ہیں تو پھر ہمیں ایک بار ہی اس کا اعلان کر دینا چاہیے‘ ہمیں پھر ایک بار ہی تمام غیر مسلموں کو جلاوطن کر دینا چاہیے تاکہ یہ مسئلہ ہمیشہ ہمیشہ کے لیے ختم ہو جائے‘ ہم اگر یہ نہیں کر سکتے تو پھر ہمیں چند بڑے فیصلے کرنا ہوںگے‘ ہمیں مذہب کو پرائیویٹ اسٹیٹس دینا ہو گا‘ ہمیں اس ملک میں رہنے والے تمام شہریوں کو مذہب‘ رنگ‘ نسل اور قبیلے سے بالاتر ہو کر برابری کے حقوق دینا ہوں گے۔
اگر رانا بھگوان داس اور جسٹس کارنیلئس سپریم کورٹ کے چیف جسٹس بن سکتے ہیں تو پھر یہ ملک کے صدر کیوں نہیں بن سکتے؟ اگرعاطف میاں پاکستانی شہری ہیں تو یہ پھر اکنامک ایڈوائزری کونسل کے رکن کیوں نہیں ہو سکتے اور پارسی اگر ملک کی تجارتی پالیسیوں کے آرکی ٹیکٹ ہو سکتے ہیں تو پھر یہ لوگ وزیر کیوں نہیں بن سکتے‘ یہ لوگ ملک کی خدمت کیوں نہیں کر سکتے؟

یہ ملک اس سرزمین پر پیدا ہونے والے تمام لوگوں کا ملک ہے‘ ہم اگر غیرمسلموں کو پیدا ہونے سے نہیں روک سکتے تو پھر ہم انھیں ملک میں کام کرنے سے کیسے روک سکتے ہیں؟ رسول اللہ ﷺ نے اگر عبداللہ بن ابی کو منافق اعظم ڈکلیئر ہونے کے باوجود ریاست مدینہ سے بے دخل نہیں کیا تھا تو پھر ہم اس ملک میں غیر مسلموں کو کام سے روکنے والے کون ہوتے ہیں؟

ہمیں اپنے دل‘ سوچ اور ظرف تینوں بڑے کرنا ہوں گے ورنہ آج ہم جب اسلام کے نام پر ان لوگوں کو نکال رہے ہیں تو کل کوئی ہم سے بڑا مسلمان ہمیں بھی اس ملک سے نکال دے گا‘ وہ ہمیں محب وطن ماننے کے لیے تیار نہیں ہو گا چنانچہ میرا خیال ہے چوہدری فواد‘ ایاز صادق‘ شہلا رضا اور احسن اقبال کی رائے سننے میں کوئی حرج نہیں‘ ہمارے علماء کرام کو یہ پہلو بھی دیکھ لینا چاہیے‘ یہ بھی سن لینا چاہیے‘ ہو سکتا ہے یہ لوگ درست کہہ رہے ہوں‘ یہ صحیح سوچ رہے ہوں۔
بشکریہ ایکسپریس

لاہور(ایمرا نیوز)
گزشتہ ہفتے دفتر ِخارجہ کے ترجمان اُس وقت بہت مشکل صورت ِحال سے دوچار دکھائی دئیے جب اُن سے واشنگٹن کی طرف سے سیکرٹری آف اسٹیٹ مائیک پومپیو اور وزیر ِاعظم عمران خان کے درمیان ایک متنازع فون کال کے ٹرانسکرپٹ پر ردعمل دینے کا کہا گیا۔ وہ اس خبر کی تصدیق نہیں کرسکتے تھے کہ یہ بات اُن کے ادارے اور وزیر ِاعظم کے لیے شرمندگی کا باعث بنتی۔ لیکن وہ اس کی تردید بھی نہیں کرسکتے تھے کیونکہ اسٹیٹ ڈپارٹمنٹ نے یہ مواد سرکاری طور پرفراہم کردیا تھا۔ چنانچہ ترجمان نے روایتی انداز میں پہلو بچانے کی کوشش کرتے ہوئے کہا، ’’ہم اس معاملے کو یہیں ختم کرنا چاہتے ہیں۔ وزیر ِخارجہ کا اس پر تفصیل سے تبصرہ آگیا ہے ۔ سیاسی طور پر ہمیں آگے بڑھنے کی ضرورت ہے ۔ ‘‘
دوسرے لفظوں میں ، اُنھوںنے اس سوال ، کہ کیا فون کال کے مواد پر پومپیو نے غلط بیانی سے کام لیا یا وزیر ِاعظم نے ، کا جواب یہ دیا کہ ’’اسے ختم کردیں اور آگے بڑھیں۔‘‘وہ شاید اس میں یہ اضافہ بھی کرنا چاہتے ، ’’ ایسا کچھ ہوا ہی نہیں۔‘‘ یہ ردِعمل ناروا ہونے کے ساتھ ساتھ ایک سنگین مسئلے کی نشاندہی کرتا ہے۔ اس سے ارباب ِاقتدار کو لاحق ایک بیماری کا پتہ چلتا ہے ۔ وہ ہر بحث کا گلا گھونٹتے ہوئے قومی ہزیمت پر مٹی ڈالنا چاہتے ہیں۔ حقائق کی تردیدکو قومی مفاد کا نام دے کر خاموشی اختیار کرنے کا کہا جاتا ہے ۔ لیکن حقائق کے پہاڑ تردید کی مٹی ڈالنے سے کہاں چھپتے ہیں؟

دنیا بھر میں سچا ئی کو چھپانے یا کسی معاملے کو مبہم رکھنے کے لیے سفارتی چالبازی سے کام لیا جاتا ہے ، لیکن بہت کم ایسا ہوتا ہے کہ اپنے ملک میں ہی ایسا کیا جائے ۔ اس حوالے سے موجودہ حکومت ماضی سے جان چھڑا کر آگے بڑھنے کی بجائے اس کے تسلسل کو تقویت دے رہی ہے ۔ لفاظی اور الجھائو کے نئے ریکارڈ قائم ہورہے ہیں۔ حقیقت سے توجہ ہٹانے کی کوششیں تیز تر ہوتی جارہی ہیں۔ ہر غلطی کا جواز ارزاں کیا جاتا ہے ۔ ہر غلط اقدام کی دلیل موجود ہے ۔ ہر احمقانہ فیصلے کو بصیرت کا بیش مہا موتی بنا کر پیش کیا جاتا ہے ۔ وہ سمجھتے ہیں کہ ہر نگاہ موتی اور کنکر کا فرق کھو بیٹھی ہے ، اور کورچشمی قومی صفت ہے ۔

کہا گیا ہے کہ محدود صلاحیتوں کے مالک، وزیر ِاعلیٰ پنجاب بہتر ہیں کیونکہ وہ دلیر شخص ہیں۔ تاحال واضح نہیں کہ وہ کس معاملے میں دلیر ہیں؟ اُنھوںنے کس شیر کے منہ میں ہاتھ ڈالا ہے ؟ فی الحال ہمیں اتنا ہی پتہ چلا ہے کہ وہ ارب پتی افراد اور طاقتور خاندانوں کی لابنگ کے نتیجے میں اوپر آئے ہیں۔ لیکن خیر، اگروزیر ِاعظم صاحب اُنہیں دلیر کہہ رہے ہیں تو مان لیتے ہیں۔عام فہم کی پامالی ہم نے ہیلی کاپٹر کے فی کلو میٹر خرچے کی مد میں بھی دیکھی۔خاور مانیکا کے معاملے پر بھی خاموشی طاری ہے ۔

پنجاب کے وزیر ِاطلاعات کے غیر محتاط بیانات کوہر حکومت اپنے لیے شرمندگی کا باعث سمجھتی ، اور کسی طور ان کا دفاع نہ کرتی۔ لیکن یہاں وہ جس کے بارے میں منہ میں جو آتا ہے کہتا چلا جا رہا ہے۔ دیگرصوبوں میں بھی یہی صورت ِحال ہے ۔ سندھ میں ایک کم تعلیم یافتہ شخص کو گورنر لگا کر صوبے کی تمام یونیورسٹیوں کا چانسلر بنا دیا گیا ۔ اب اعلیٰ تعلیم یافتہ افراد کی اسناد اُن کے دستخطوں سے جاری ہوں گی۔ حیرت ہوتی ہے کہ یہ سب کچھ ایسی جماعت کی طرف سے کیا جارہا ہے جو میرٹ کواہمیت دینے کا نعرہ لگاکر آئی ہے ۔ خیبرپختونخوا میںخالی ہونے والی ہر نشست پر اسمبلی میں پہنچنے والے بااختیار افراد کے رشتہ داروں کو ٹکٹ دیا گیا ہے ۔ چاہے یہ پرویز خٹک ہوں یا علی امین گنڈا پور، یا اسد قیصر ۔ ان کے رشتہ داراور دوست ہی امیدوار بننے کے اہل قرار پائے ہیں۔ یہاں اقربا پروری پر کسی کی پیشانی شکن آلود نہیں ۔ اس کی بجائے اس کی نشاندہی کرنے والوں پر جوابی حملے کیے جارہے ہیں۔ تنقید کا جواب تحقیر سے دینے کی پالیسی ہنوز تبدیل نہیں ہوئی ۔ مسائل کی نشاندہی پر سوشل میڈیا پر کیچڑ اچھالنے سے لے کر دھمکیاں، اور سوالات کا جواب دینے کی بجائے خاموش رہنے کی ہدایت، اور پھر حملے ۔۔۔’’یہ تو وہی جگہ ہے ، گزرے تھے ہم جہاں سے۔‘‘

اس پالیسی نے بحث کا گلا گھونٹ کر ہجو اور طعنہ زنی کو سیاست کا رائج الوقت بیانیہ بنادیا ہے ۔ سیاسی اختلافات کو ذاتی دشمنی کا رنگ دے کر نظام کو کمزور کردیا ہے ۔ اگر یہ انتقال ِا قتدار کا لمحاتی اشتعال ہوتا، یا محض جذباتی واقعات ہوتے تو انہیں یاد رکھنے، اور ان پر تبصرہ کرنے کی کوئی ضرورت نہیں تھی۔ لیکن بدقسمتی سے ایسا نہیں ہے ۔ یہ اس رویے کا پریشان کن اظہار ہے جو اس قوم کی فطرت ِ ثانیہ بن چکا ہے ۔سیاسی کارکنوں کی نئی نسل نفرت انگیز بیانیے اور جذباتی جارحیت کی پیداوار ہے ۔ اس نے دروغ گوئی ، التباسی تصورات اور خود ستائی کے ماحول میں پرورش پائی ہے ۔ اسے پتہ چل چکا ہے کہ الزام تراشی رنگ لاتی ہے ۔ یہ وہ ماحول ہے جہاں عقل اور معقولیت کی بات کرنا بھینس کے آگے بین بجانے کے مترادف ہے ، اور جہاں دلیل اور منطق اپنا سا منہ لے کر رہ جاتی ہیں۔ بالکل رومن شہنشاہوں جیسا ماحول ہے جو پریشانی پیدا کرنے والے افراد کو پرتشدد کھیلوں کی نذر کردیتے تھے ۔ ایسا کرتے ہوئے وہ اُن کی خطرناک توانائیوں کوتلف کرکے مزے سے حکومت کرتے رہتے ۔ آج بھی قوم کو اسی اکھاڑے میں دھکیل دیا گیا ہے ۔ قوم کواس مسابقت میں الجھا کر طاقت کے تمام ایوانوں پر قبضہ جاری ہے ۔

اس دلیل میں وزن ہے کہ بحث اور دلیل کا گلا گھونٹنے کی رسم کا افتتاح 2018 ء میں نہیں ہوا ۔ یہ مشق ہمارے ہاں کئی عشروں سے جاری تھی ۔ ہمارے اکثر ریاستی ادارے اپنے بارے میں ایک لفظ تک سننے کے روادار نہیں ۔ یہ بات تاریخی طور پر درست ہے ۔ ہم ایک کھلا اورلبرل سیاسی معاشرہ نہیں ہیں۔ حتیٰ کہ تاثر ہے کہ ہماری سب سے قابل ِ احترام سیاسی شخصیت، ذوالفقار علی بھٹو بھی تنقید برداشت نہیں کرتے تھے ۔ وہ دلیل اور فکر ی باز پرس کا جواب جسمانی انتقام سے دیتے تھے۔ اپنے سیاسی عروج کے زمانے میں شریف برادران کا تاثر بھی رعونت کا تھا۔ اُن کے نزدیک اہلیت کا معیار اُن سے ذاتی وفاداری تھی ۔ ہم جانتے ہیں کہ تما م آمر جواز کا جواب زور بازو سے دینے کے عادی ہوتے ہیں۔

آج فرق یہ پڑا ہے کہ اس رجحان میں شدت آگئی ہے ۔ اوریہ رجحان وقت کے ساتھ ساتھ خودبخود ختم نہیں ہوجائے گا۔ اب یہ ہماری قومی نفسیات کا حصہ ہے ۔ آپ کو آج سیاسی طور پر روادار اور برداشت کا حامل شہری ڈھونڈے سے نہیں ملتا۔ لیکن سیاسی اور جذباتی طورپر بپھرے ہوئے افراد ہر جگہ پائے جاتے ہیں۔ ذرا مخالفت کی جسارت کرکے دیکھیں۔ اس جنونی ذہنیت کی وجہ صرف سیاست نہیں ہے ۔ اگرچہ اس پر تیل سیاست نے ہی ڈالا ہے ۔ لیکن سوختگی کا سامان ہمارے ہاں رائج سماجی رویوں نے کیا ہے ۔ لیکن پھر دلیل کے دائرے سے باہر زندگی ایسی ہی مہلک ہوتی ہے ۔

قوم کو یہ رویہ اپنانے کی بھاری قیمت چکانی پڑسکتی ہے۔ ہم درست سوال پوچھنے ، اور اہم قومی معاملات پر پُرمغز بحث کرنے سے قاصر ہیں۔ ہمارے ہاں دلیل سے قائل کرنے ، یا درمیانی راستہ نکالنے کی کوئی گنجائش نہیں بچی۔ ہر طرف اشتعال کی آندھی ہے ، بپھرے ہوئے رویوںکے بگولے ہیں، تعصبات کی سنگلاخ دیواریں ہیں۔ ایک ماہر ِ نفسیات کا کہنا ہے ، ’’اگر آپ ایک مشتعل جنونی ہیں تو آپ کو الزام تراشی، تعصب اور نفرت سے لبریز فضااچھی لگے گی۔ آپ تعصب کے مقابلے پر دلیل نہیں رکھ سکتے ۔ نفرت کی آگ معقولیت کو بھسم کردیتی ہے۔ آپ اس کے راستے میں کوئی جواز نہیں رکھ سکتے ہیں۔ اگر آپ خود اس کے راستے میں آئیں گے تو اپنا نقصان کریں گے ۔ اگر آپ ایسی جگہ رہتے ہیں جہاں یہ کیفیت پائی جاتی ہے تو یقین مانیں زندگی کے لیے اس سے زیادہ زہرناک مقام کوئی نہیں۔ ‘‘ معاشی مسائل ، ناقص گورننس اور انصاف کے فقدان سے بھی زیادہ یہ زہرناک ماحول ہمارے نظام کے لیے سب سے بڑا خطرہ ہے ۔ درحقیقت یہی تمام مسائل کی جڑ بھی ہے ۔ اس نے ذہنوں کو آلودہ کرکے نفرت اور ریاکاری سکھادی ہے ۔ اس وقت عمران خان حکومت کی شروعات ہے ۔ اس کے پاس پائوں پر کھڑے ہونے کا وقت ہے ۔ یہ ان خطرناک رجحانات سے خود کو لاتعلق کرسکتی ہے ۔ یہ اپنی غلطیاں تسلیم کرنے کی بجائے قربانی کے بکرے تلاش کرنے کی روایت بدل سکتی ہے ۔ ضروری ہے کہ یہ تنقید کو احتساب اور بہتری کا ایک لازمی حصہ سمجھے۔

غلطی ہوجاتی ہے، اس میں کوئی غلط بات نہیں۔ لیکن اس کا ڈھٹائی سے دفاع کرنا نفرت انگیز با ت ہے ۔ غلطی تسلیم کرنے کی بجائے حقائق کو الٹنے کی کوشش کرنا، اور پریشان کن سچائی کے مقابلے میں جذباتی مناظر میں رنگ بھرنا کبھی بھی مسائل حل نہیں کرتا ۔ آپ تمام لوگوں کو ایک مرتبہ بے وقوف بناسکتے ہیں، اور کچھ لوگوں کو ہمیشہ بے وقوف بناسکتے ہیں۔ لیکن تمام لوگوں کو ہمہ وقت بے وقوف نہیں بناسکتے ہیں۔ ماضی کے حکمران ، چاہے وہ سویلین تھے یا فوجی، کو ابراہم لنکن کے اس مقولے کا علم تھا لیکن وہ اسے نظر انداز کرگئے ۔ وزیر ِاعظم عمران خان نے بھی اپنے اپوزیشن کے دنوں میں اس کا کئی مرتبہ حوالہ دیا ۔ بہتر ہوگا کہ وہ اسے جلی حروف میں لکھ کر اپنے دفترکے باہر آویزاں کردیں اور اپنے وزرا سے ایسا کرنے کا کہیں۔
(بشکریہ جنگ نیوز)

لاہور(ایمرا نیوز)
اس سے ملو یہ میرا دوست ہے

آپ سے مل کر بہت خوشی ہوئی

اس بیچارے نے دو دن سے روٹی نہیں کھائی

کیا مطلب؟

صحیح کہہ رہا ہوں ، کل ایک گلاس پانی پیا تھا، آج صبح تھوڑے سے بھنے ہوئے چنے کھائے

اللہ تعالیٰ اپنا رحم کرے

اب تو یہ عادی ہو گیا ہے ، کیونکہ اس بیچارے کی عمر اسی طرح بسر ہو رہی ہے ، کبھی روٹی کھائی، کبھی نہ کھائی اسے کوئی فرق نہیں پڑتا۔

ان کے کتنے بچے ہیں

تین ہیں

ان کی عمریں کتنی ہیں

وہ کافی بڑے ہیں

وہ کس حال میں ہیں؟

اللہ کا شکر ہے وہ ٹھیک ٹھاک ہیں، کھاتے پیتے ہیں

اگر بچوں کو باپ کی فکر نہیں تو بطور دوست تمہارا یہ فرض بنتا ہے کہ تم ان کا خیال رکھو

میں تو کافی خیال رکھتا ہوں مگر اس کی تو قسمت ہی پھوٹی ہوئی ہےاور ظاہر ہے کہ قسمت سے تو جنگ نہیں لڑی جا سکتی

میں ان کے لئے کھانا منگواتا ہوں

یہ نہیں کھا سکے گا اسے بلڈ پریشر کی تکلیف ہے ڈاکٹر نے منع کیا ہوا ہے

چائے وغیرہ منگوا لیتا ہوں

وہ پھر بغیر چینی کے منگوانا اسے شوگر کی تکلیف بھی ہے

تمہاری ان سے دوستی کب کی ہے

بیس پچیس سال ہونے کو آئے ہیں

مگر اس دوستی کا فائدہ

کیوں؟

کیا تم نے کبھی اپنے دوست کی حالت بہتر بنانے کی کوشش کی ہے؟

میںنے تمہیں بتایا نا کہ انسان حالات کے خلاف جنگ کر سکتا ہے ۔ قسمت کے خلاف نہیں لڑ سکتا اور اس کی تو قسمت ہی پھوٹ گئی ہے میرے سارے رشتے دار غریب ہیں حسب توفیق ان کی کچھ نہ کچھ مدد کرتا رہتا ہوں اس سے انہیں اپنی حالت سنبھالنے میں مدد ملتی ہے کیونکہ ابھی ان کی قسمت ان کے خلاف نہیں ہوئی تم اس کے کپڑے دیکھ رہے ہو؟

ہاں دیکھ رہا ہوں

مجھے شرم آتی ہے اسے ان کپڑوں میں اپنے ساتھ لے کر پھرتے ہوئے مگر میں کیا کر سکتا ہوں

تم کچھ نہیں کر سکتے؟

میں نے کہا نا کہ انسان اللہ تعالیٰ کے آگے بے بس ہو جاتا ہے۔

اگر تمہارے یہ دوست برا نہ مانیں تو میرے پاس کچھ پیسے میری ضرورت سے زائد ہیں میں انہیں بطور قرض حسنہ دے سکتا ہوں جب کبھی ان کی حالت بہتر ہو یہ مجھے لوٹا دیں۔

ارے بھائی تمہارے قرض سے اس کی حالت میں تبدیلی نہیں آ سکتی قرض تو اس نے کئی بینکوں سے لے رکھے ہیں۔

میرا قرض اس نوعیت کا نہیں اس کی واپسی کے بارے میں تردد نہیں کرنا پڑے گا

ارے یار اس کا مسئلہ وہ نہیں ہے جو تم سمجھ رہے ہو

تو پھر کیا مسئلہ ہے؟

اس کی قسمت پھوٹ گئی ہے تم اس کیلئے صرف دعا کرو

ویسے ان کی یہ حالت کب سے ہے؟

گزشتہ چند برسوںسے، اس سے پہلے اللہ کا بڑا فضل تھا۔

اس وقت یہ کیا کیا کرتے تھے؟

یہ اس وقت ایک بینک میں کلرک تھا۔ قریباً تین ہزار روپیہ تنخواہ تھی یہ رقم اس کے اور اس کے بچوں کے لئے اگرچہ کافی نہیں تھی مگر پھر بھی گھر کا خرچ چل جاتا تھا یہ دن میں دو وقت پیٹ بھر کر کھانا کھاتا تھا بیوی بچوں کے ساتھ ہنستا کھیلتا تھا خوش رہتا تھا اور پھر دیر سے دفتر پہنچتا تھا مگر اب تو نیند بھی اس کی آنکھوں سے دور رہتی ہے ۔

مگر پھر ہوا کیا؟

پھر ہوا یہ کہ اس کی قسمت پھوٹ گئی اس نے سوچا کہ اتنی تنخواہ میں گزارا ذرا مشکل سے ہوتا ہے چنانچہ اس نے ایک اور جگہ پارٹ ٹائم نوکری کر لی جس سے اس کے حالات بہتر ہو گئے اس نے ہر ماہ تھوڑی بہت رقم پس انداز بھی کرنا شروع کر دی حتیٰ کہ اس کے پاس تھوڑا سا سرمایہ جمع ہو گیا!

پھر؟

پھر اس نے ایک دوست کے ساتھ شراکت کر کے ایک چھوٹا موٹا کاروبار شروع کیا جس میں اسے خاصا منافع ہوا۔

پھر؟

پھر اس نے وسیع پیمانے پر کاروبار کا آغاز کیا بینکوں سے لاکھوں کروڑوں روپے کے قرضے لئے اور یوں یہ بیچارا دن بدن امیر سے امیر تر ہوتا گیا۔ اس وقت اس کی کروڑوں کی جائیداد ہے بڑی بڑی کمپنیوں کے میجر شیئرز اس کے پاس ہیں اور اس کا شمار تمہارے ملک کے امیر ترین لوگوں میں ہوتا ہے۔

مگر تم تو کہہ رہے تھے کہ انہوں نے دو دن سے روٹی نہیں کھائی کپڑوں کی حالت خستہ ہے ۔ ایک ہفتہ سے سوئے نہیں ۔

ہاں صحیح کہہ رہا تھا۔ اس بیچارے کے پاس اب ان چیزوں کے لئے وقت ہی نہیں ہے ۔ کاروبار کی پریشانیاں اسے گھیرے رکھتی ہیں ان پریشانیوں نے اسے طرح طرح کی امراض میں مبتلا کر دیا ہے یہ جو کھانا چاہتا ہے کھا نہیں سکتا جو پہننا چاہتا ہے پہن نہیں سکتا ۔ حتیٰ کہ یہ سونا چاہتا ہے مگر یہ سو نہیں سکتا۔یہ جو امیر ترین آدمی ہے یہ غریب ترین شخص ہے اس نے زندگی میں بہت اچھے دن دیکھے ہیں تم اس کے لئے دعا کرو۔
(بشکریہ جنگ نیوز)

لاہور(ایمرا نیوز)
امریکی وزیر خارجہ مائیک پومپیو بمع امریکی افواج کے کمانڈر جنرل جوزف ڈن فورڈ آج اسلام آباد میں جلوہ افروز ہوا چاہتے ہیں۔ امریکی وزیر خارجہ بُرے موڈ میں، پاکستان کے سنگین حالات میں ’’ڈومور‘‘ کی فہرست تھمانے آرہے ہیں۔ پاکستانی وزیر خارجہ شاہ محمود قریشی نے دو روز پہلے ہتھیارڈال دیئے، ’’امریکہ سے تعلقات میں بہتری کے لیے افغانستا ن میں امریکی ضرورتوں کا ادراک کرنا ہوگا‘‘۔ موجودہ حالات میں اس سے زیادہ کچھ کہنا ممکن نہ تھا۔ ایک سال پہلے وزیر خارجہ خواجہ آصف کا بیان، ’’امریکہ جو چار آنے دے رہا ہے وہ بند کر دے، ہم گزارہ کر لیں گے‘‘، اس وقت یہ بیان دینا ممکن تھا کہ اقتصادی حالات بہتر تھے۔ سیاسی استحکام کی ہائی پروڈکٹ اقتصادی نمو ۔کسی ملک میں اقتصادی خوشحالی، درخشانی، تابندگی نہیں دیکھی جہاں سیاسی ابتری، افراتفری آماجگاہ بنا لے۔

’’اسلحہ کے لیے چین، چین کیلئے آپ کا یہ خادم بھٹو‘‘، یہ سنہری الفاظ 1971ء میں چین روانہ ہونے سے پہلے ذوالفقار علی بھٹو کے تھے، ایسے موقع پر جبکہ شرپسند اور غدار مشرقی پاکستان کی اندر کی چولیں ہلا چکے تھے۔ پاکستان بھارت کے خلاف جنگ کی دہلیز پر، 23سالہ وطنی زندگی جان بلب ہونے کو۔ چین سے اسلحہ ملا ضرور، کام آیا یا نہیں؟ تاریخ میں سب درج ہے۔ المیہ، پاکستان بچ نہ پایا، آج ایسے قصہ پارینہ جیسے رات گئی، بات گئی۔ سانحہ مشرقی پاکستان کے 57سال بعد، پاکستان اسی طرز پر، تاریخی اقتصادی بحران میںمملکت جاں بلب۔ بحران سے نکلنے کا واحد باعزت راستہ، چینی خزانے کا منہ، کیا پاکستان کے لیے کھلنے کو؟ اور کیا بحران سے نکل پائیں گے، چین لڑکھڑاتے اقتصادی توازن میں کیش رقم ڈال کر، استحکام کی کنجی بن پائے گا؟ بہت دماغ لڑایا، زمین آسمان کے قلابے ملائے۔ چین کی آغوش کے علاوہ کہیں بھی تو جائے اماں نہیں ہے۔ ’’پیسے کے لیے چین، چین کے لیے عمران خان، کیا فٹ کیس ہے‘‘۔ آنے والے چند ہفتوں میں سب کچھ عیاں ہوجائے گا۔ پچھلے پانچ سال چین کے دم سے راوی نے چیّن لکھا کہ نواز شریف چین سے چیّن لانے میں کامیاب رہے، ہمارا اقتصادی بھرم قائم رہا۔

اقتصادی بحالی ہوا چاہتی تھی کہ یکدم 2014ء سے یکے بعد دیگرے سیاسی بھونچال شروع ہوئے۔ نواز شریف حکومت ختم، خود بمع بیٹی جیل۔ نئی حکومت قائم ہوئی تو اقتصادی بحران ساتھ ہی تھا۔ 2014ء شروع ہنگاموں کا ٹارگٹ ایک ہی، ملک کا سب سے بڑا مسئلہ نواز شریف سے چھٹکارا، نواز شریف آج جیل میں، مگر ملک شدید بحران میں۔ قطع نظر کہ ذمہ داری کس کے کندھوں پر، وطن عزیز گھمبیر و عمیق قیمت ادا کرنے کے خطرے سے دوچار ہے۔ امریکہ کو جانچنے کے لیے،ہمارے ساتھ کیا سلوک رواں رکھے گا، افلاطونی فلسفہ درکار نہیں۔ مملکت اسلامیہ الباکستانیہ نہتی، عاجز، مار کھانے کے لیے اس سے ابتر کبھی بھی نہ تھی۔ تھوڑا سا دباؤ، بازو کے فقط ایک مروڑ نے ہڈیاں چٹخا دینی ہیں۔ بڑے سے بڑے مطلوبہ نتائج حاصل کرنا، امریکہ کے لیے ممکن رہے گا۔ صدر ٹرمپ کی سالِ نو پر پاکستان بارے ٹویٹ سے لیکر چند دن پہلے کولیشن سپورٹ فنڈ میں 300 ملین ڈالر (8ماہ میں 800ملین ڈالر) کی معطلی، اقتصادی بحران میں دھکیلنے اور مکمل بدحالی کی گرفت میں لانے کی عملیات کا ایک تسلسل ہے۔ ڈومور منوانا آسان سے آسان تر ہے۔IMF کے بیل آؤٹ پیکیج کی جانب جانے سے پہلے وزیر خارجہ مائیک پومپیو کا فرمان جاری۔ مفہوم اتنا کہ IMF پیکیج کی موجودگی میں چین کو Sovereign Guarantte دی جا سکے گی اور نہ ہی فنڈ انشورنس گارنٹی کے لیے استعمال ہوگا۔ عمران حکومت کے اقتدار سنبھالنے سے بہت پہلے، ہمارے اداروں نے خطرے کو بھانپتے ہوئے، اسلامی ترقیاتی بینک سے متبادل اقتصادی امدادی مد میں چار بلین ڈالر کا پیکیج (تقریباً)منظور کروا رکھا تھا۔ اسلامی ترقیاتی بینک پر سعودی اثر و رسوخ بین ہی اس طرح جیسے IMF امریکی ہدایات و اشاروں پر۔ مان لیں کہ اسلامی ترقیاتی بینک سے ملنے والی امداد، امریکی اشاروں سے منسلک و پابند رہنی ہے۔

ان حالات میں امریکی وزیر خارجہ پاکستان قدم رنجا فرمانے کو۔ گوبنیادی اور اصل منزلِ مقصود،بھارت ہے۔ بھارت یاترا سے پہلے پاکستان کی خبر گیری اور مطالعاتی ایجنڈے پر وعدے وعید نے پومپیو کے دورہ بھارت کو نہ صرف چار چاند لگانے ہیں، بھارت میں امریکی عزائم پروان چڑھانے میں ممدو معاون رہنا ہے۔ لمبی بحث کہ سوویت یونین کی ٹوٹ پھوٹ نے امریکہ اور بھارت کا ایک جان دوقالب بننا یقینی تھا۔ امریکی اور بھارتی مفادات منطبق ہوچکے ہیں۔ امریکہ ہمیشہ کے لیے ایشیا اور خطے میں بھارتی خوشنودی مقدم رہنی ہے۔ مت بھولیں کہ پومپیو کی وزیر اعظم پاکستان کو مبارکبادی فون کال پر دو ملکوں میں سفارتی تضاد دیکھ چکے ہیں۔ امریکی ترجمان نے بار بار،بغیر لفظ چبائے پاکستانی مؤقف کی تردید کی۔ پاکستان کو تیور جتلانا ہی تو تھا۔ یہ کوئی راکٹ سائنس نہیں کہ وزیر اعظم اور ان کے چند قریبی رُفقاء کے ساتھ عسکری قیادت کے 8گھنٹے میل جول، ملاقاتوں میں کیا گفتگو رہی ہوگی،کیا بیتنی تھی؟ یقیناً تشویشناک حالات میں سنجیدہ گفت و شنید رہنی تھی۔ تصاویر میں دونوں اطراف کے تنے چہروں پر چھائی سنجیدگی، تفکرات خدشات کی شدت اُجاگر کر رہی تھی۔ ایک بات ثبت کہ کابینہ کی پہلی 3میٹنگز میں نئی حکومت کو حالات کی سنگینی کا قطعاً ادراک نہ تھا۔ ضروری، سطحی مسائل میں اُلجھی نظر آئی۔ گزشتہ روز آرمی چیف جنرل قمر جاوید باجوہ کی وزیر اعظم سے ملاقات ہو یا GHQ میں وزیر اعظم اور ان کے ساتھیوں کے ساتھ فُل ورکنگ دن کی گزر اوقات، فکر و فاقہ، تفکرات، خدشات آنے والے دنوں میں لاحق مشکلات اور پریشانیوں کا بندوبست کرنا اور سول ملٹری سر جوڑ حل ڈھونڈنے کے لیے غور و خوض کرنا، انتہائی ضروری تھا۔ سوشل میڈیا پر وزیر اعظم وفد کے تنے چہرے، اُڑے رنگ، گو مخالفین مزاحیہ انداز میں تبصروں سے نواز رہے ہیں۔ مجھے یقین ہے کہ حالات حاضرہ کی پُر پیچ اور گھمبیر سنگینی نے حاضرین مجلس پر متفکرانہ سنجیدگی، طاری رکھنا تھی۔ عسکری قیادت کو کابینہ کی پہلی تین میٹنگز میں ترجیحات کے تعین نے متفکر کرنا تھا۔ فرق صاف ظاہر ہے، GHQ سے واپسی پر وزیر اعظم اور کابینہ کے بیانات، معمولات،ترجیحات میں تبدیلی نمایاں آ چکی ہے۔ وزیر خزانہ اسد عمر جو کئی ہفتوں سے ٹامک ٹوئیوں، جانچ پڑتال اور معلومات اکٹھی کرنے میں مصروف تھے۔ بریفنگ سے اگلے دن اسد عمر کا نپا تلا بیان، ادراکی بیانیہ ہی تو ہے۔

’’ہمیں وہ کچھ کرنا ہوگاجو فنانشل ایکشن ٹاسک فورس FATF کرنے پر زور دے رہے ہیں، یہ سب کچھ کرنا ہمارے اپنے بہترین مفاد میں ہے‘‘۔ پچھلے سال یہی کچھ مطالبہ چین کے زیر نگرانی منعقدہ ’’برکس‘‘ اعلامیے میں سامنے آیا۔ امریکہ کے پھیلائے جال بلکہ شکنجے سے نکلنے کے بظاہر تمام طریقے ناقص ہوچکے۔ راہیں مسدود نظر آتی ہیں۔ 25سال ہم بذریعہ سیٹو (SEATO)،سینٹو (CENTO) اور کئی دوسرے معاہدے امریکی اتحادی رہے۔ 35سال کرائے پر اور بحیثیتCLIENT ریاست کام کیا اور اب نیا اور آخری دور بحیثیت دشمن اپنا جہاں پیدا کرنا ہے۔ پچھلے سال سے جاری ترکی کے خلاف اقتصادی جنگ، ترکی جیسے مستحکم ملک سہار نہیں پارہے۔ پاکستان گھمبیر معاملات سے کیسے نبردآزما ہوگا؟ جنرل مشرف اور کولن پاول فون کال آج بدروح بن کر عمران خان پومپیو ملاقات ہمارے سامنے ہے۔ سارے مطالبات من و عن مانے تو مرتے ہیں، رد کرتے ہیں تو مرتے ہیں۔ کل یوم دفاع، نئے جوش و جذبے سے منانے کو ہیں۔2018ء کے الیکشن قوم کو مزید تلخی دے گئے۔ ایک طرف سنگین اقتصادی بحران دوسری طرف منقسم قوم، کیسے نبرد آزما ہونگے؟ آج امریکی وزیر خارجہ اپنے جوائنٹ چیفس آف اسٹاف جنرل جوزف ڈن فورڈ کے ساتھ، اسلام آباد پہنچنے کو۔

کم سے کم امریکی آداب کا تقاضا، جامع مدعا اس وقت سامنے نہیں آئے گا جب تک باہمی گفت و شنید باقاعدہ اختتام پذیر نہیں ہو جاتیں۔ اتنا یقین کہ دباؤ کئی گنا بڑھ جائے۔ افغان پالیسی میں ملفوف چین کے قدم جمنے سے پہلے اکھاڑنے کے لیے باقاعدہ اجزائے ترکیبی منوائی جائے گی۔ ایران کا مکو ٹھپنے کے لیے کرنے کے کام دیں گے۔ پاکستان کا مؤقف واضح کہ افغانستان میں امریکی افواج جنگ ہار چکیں۔ اپنا بوریا بستر سمیٹیں اور ویت نام طرز پر ذلت و خواری کا طوق گلے میں ڈالے واپس امریکہ سدھاریں جبکہ امریکی وزیر خارجہ کو اس بات کا ادراک ہے کہ پاکستان آئی ایم ایف بیل آؤٹ پیکیج کے لیے تمام شرائط ماننے پر رضامند ہوجائے۔ اعصابی جنگ کا ماحول رہنا ہے۔ امریکہ کو پاکستان کے معاشی بحران کی شدت، وسعت، گہرائی اچھی طرح معلوم ہے۔ امریکی وزیر خزانہ کے فوراً بعد چینی وزیر خارجہ پاکستان میں ہوں گے۔ دونوں ملکوں نے امریکی شرائط سے نبٹنے کا طریقہ کار وضع کرنا ہے۔ اس میں انکار نہیں کہ پاکستان کا استحکام اور مضبوطی چین کی شہ رگ بن چکی ہے۔ ہمارا استحکام چین کی جتنی ضرورت آج، ماضی میں کبھی نہیں رہی۔ ایرانی وزیر خارجہ ظریف کا دورہ پاکستان بھی کم و بیش انہی حدود وخطوط اور معاملات سے منسلک رہا ہوگا۔ باوجودیکہ پاکستان غیر محسوس طریقے سے ایران کے خلاف امریکی پالیسیوں کی ممکنہ مدد کر رہا ہے۔ جنرل راحیل شریف کی قیادت میں اتحادی فوجیں ایران کی پشت پناہ پر موجود یمنی حوثیوں سے لڑ رہی ہیں۔ پاکستان نے کسی نہ کسی طریقے ایران کے ساتھ تعلقات استوار رکھے، پابندیوں میں حاصل آزادی رکھی۔ ایران بارے امریکہ کے کچھ مزید مطالبات رہنے ہیں۔ پچھلے 3سالوں سے روس، چین، ایران اور پاکستان کا نیا تزویراتی بلاک وجود میں آچکا ہے۔ پاکستان اسی زنجیر کی کمزور مگر اہم کڑی ہے۔ امریکہ اس کڑی کے ذریعے زنجیر توڑنے کو۔ ہمارے عسکری اور سیاسی قائدین کے لیے کڑا امتحان۔ امریکہ پاکستان کو فکس کرنے کو،پاکستان اپنی جان بچانے کو۔ اے میرے قوم! اپنی اپنی سیٹ بیلٹس کَس لیں کہ آنے والے دنوں کا سفر ہچکولوں کے علاوہ کچھ نہیں۔ اللہ پاکستان کا حامی و ناصر۔
(بشکریہ جنگ نیوز)

لاہور(ایمرا نیوز)
کسی ملک کے لئے اس سے بڑی آزمائش اور بدقسمتی اور کوئی نہیں ہوسکتی کہ وہ بڑی طاقتوں کی پراکسی وار کا میدان بن جائے ۔ افغانستان اس لئے تباہ وبرباد ہوگیا کہ وہ سوویت یونین اور امریکہ یا پھر پاکستان اور ہندوستان کی پراکسی وار کا میدان بن گیا۔ یمن کو دیکھ لیجئے ۔ اس لئے تباہ ہوگیا کہ ایران اور سعودی عرب کی پراکسی وار وہاں برپا ہوئی۔ شام کی حالت ملاحظہ کیجئے ۔ تباہی سے اس لئے دوچار ہوا کہ پہلے ایران و سعودی عرب اور پھر امریکہ و سوویت یونین کی پراکسی وار کا میدان بن گیا۔ الحمدللہ پاکستان ، افغانستان ہے، شام اور نہ یمن ۔ پاکستان ، پاکستان ہے ۔ بیس کروڑ سے زائد انسانوں کا ایٹمی پاکستان ۔ مذکورہ ممالک سے پاکستان یوں بھی مختلف ہے کہ وہاں پر آمریتوں یا بادشاہتوں کے برعکس پاکستان میں کنٹرولڈ اور لولی لنگڑی سہی لیکن بہر حال جمہوریت ہے ۔ لیکن بدقسمتی یہ ہے کہ پاکستان اس وقت دو بڑی (امریکہ اور چین) اور دو علاقائی یعنی سعودی عرب اور ایران کی پراکسی وار کا مرکز بنتا جارہا ہے ۔یہ بات اب امریکی چھپارہے ہیں اور نہ چینی کہ اقتصادی اور اسٹرٹیجک حوالوں سے ان کی جنگ برپا ہے اور اس میں بھی دو رائے نہیں کہ ان دونوں کی جنگ کی فرنٹ لائن اسٹیٹ پاکستان بن گیا ہے ۔ اقتصادی میدان میں چین امریکہ کو چیلنج کرنے لگا ہے جبکہ اب امریکہ نے بھی اس میدان میں جوابی اور جارحانہ وار شروع کردئیے ہیں ۔ تزویراتی میدان میں امریکہ ایک طرف افغانستان میں قدم جما کر چین کی نگرانی کرنا چاہ رہا تھا اور دوسری طرف جنوبی چین کے ساتھ لگے سمندر میں مقامی پراکسیوں کی مدد سے اس کے راستے میں بیٹھ گیا تھا۔ گوادر بندرگاہ تک رسائی دے کر پاکستان نے چین کا سمندر کے معاملے میں مسئلہ حل کردیا ۔ اب اگر امریکہ کسی وقت اپنے مقامی اتحادیوں کے تعاون اور بحری بیڑوں کی مدد سے سائوتھ چائنا سی (South China Sea) میں ناکہ بندی کی کوشش کرے بھی تو چین کے پاس گوادر کی صورت میں سمندر تک رسائی کا متبادل روٹ موجود رہے گا۔ اسی طرح امریکہ سمجھتا ہے کہ افغانستان میں اگر وہ قدم نہیں جما سکا اور چین کی نگرانی کے خواب کے شرمندہ تعبیر ہونے کی بجائے الٹا اس کے تعاون کا محتاج ہوگیا ہے تو اس کی وجہ بھی پاکستان ہے کیونکہ امریکیوں کی سوچ کے مطابق پاکستان نے اس کے ساتھ افغانستان میں حسب توقع تعاون نہیں کیا ۔ چنانچہ جہاں امریکی ماضی میں پاکستان کو خطے میں اپنے پراکسی اور اتحادی کی نظر سے دیکھتے تھے ، اب چین کے پراکسی اور اپنے اسٹرٹیجک مخالف کی نظر سے دیکھنے لگے ہیں ۔ دوسری طرف چینی ماضی میں پاکستان کو صرف انڈیا کے تناظر میں اپنا معتمد اتحادی سمجھتے تھے لیکن اب وہ اسے امریکہ اور انڈیا کے ساتھ اپنی جنگ کے لئے فرنٹ لائن اسٹیٹ کے طو رپر بھی دیکھنے لگے ہیں ۔ اس کی ایک واضح مثال یہ ہے کہ ماضی میں پاکستان اور بالخصوص بلوچستان میں صرف پاکستان کے دشمن سرگرم عمل رہتے تھے لیکن اب چین اور سی پیک کے دشمن بھی وہاں سرگرم عمل ہوگئے ہیں ۔ اسی طرح ماضی میں افغان سرزمین کو صرف پاکستان کے خلاف استعمال کیا جاتا تھا لیکن اب وہاں چین مخالف قوتیں بھی سرگرم عمل ہوگئی ہیں اور دونوں میں اتحاد بھی نظر آرہا ہے ۔اسی طرح ماضی میں چینی پاکستان اور افغانستان کے اندرونی حالات سے کوئی سروکار نہیں رکھتے تھے لیکن اب وہ ان دونوں ممالک کی اندرونی صورتحال سے متعلق بھی اتنے متفکر رہتے ہیں جتنے کہ خود اپنے ملک سے متعلق رہتے ہیں۔ گویا کچھ عرصہ قبل تک پاکستان چین اور امریکہ کے مابین پل تھا لیکن اب وہ دونوں کی جنگ یا کشمکش کا میدان بنتا جارہا ہے ۔ دوسری طرف ماضی میں اگر امریکی پاکستان کو خطے میں اپنا اتحادی اورا سٹرٹیجک اثاثہ سمجھتے تھے تو اب پاکستان کے مقابلے میں اس نے یہ حیثیت ہندوستان کو دے دی ہے ۔ جو کردار ماضی میں سوویت یونین کے مقابلے میں پاکستان نے ادا کیا تھا ، امریکیوں نے چین کے خلاف اس کردار کے لئے ہندوستان کو چن لیا ہے ۔دوسری طرف پاکستان کا مخمصہ یہ ہے کہ ایک تو چین ابھی تک عالمی سطح پر پوری طرح امریکہ کا متبادل نہیں بنا ۔نہ تووہ عالمی سفارتی محاذ پر پاکستان کی وہ مدد کرسکتا ہے جو امریکہ کرتا رہا اور نہ اقتصادی محاذ پر ۔اسی طرح امریکہ کے ساتھ پاکستان کا تنائو تومخاصمت میں تبدیل ہوگیا ہے لیکن خود چین اس حد تک امریکہ کے ساتھ مخاصمت بڑھانے سے گریز کررہا ہے اور ہنوز پاکستان کو بھی اس کا مشورہ یہی ہے کہ امریکہ سے بنا کے رکھو۔ گویا پاکستان کا معاملہ بڑی حد تک مدعی سست گواہ چست والا ہے ۔ چین امریکہ کے ساتھ بھی تجارت کررہا ہے اور ہندوستان کے ساتھ بھی لیکن پاکستان کا معاملہ بلیک اینڈ وائٹ میں چل رہا ہے ۔اسی طرح ہندوستان اس تیزی کے ساتھ روس سے دور نہیں گیا جس تیزی کے ساتھ وہ امریکہ کے قریب گیا ہے ۔ ہم نے امریکہ پر واضح کر دیا کہ اب ہمارا رخ اس کی بجائے روس اور چین کی طرف ہے لیکن اس رفتار کے ساتھ ان دونوں کے ساتھ معاشی اور دفاعی حوالوں سے اپنے تعلقات اس قدر مضبوط نہیں کرسکے ، جس قدر ہونے چاہئیں تھے۔ اسی طرح روس امریکہ کا مخالف ضرور ہے لیکن خطے میں وہ اب بھی پاکستان سے زیادہ ہندوستان اور ایران کے قریب ہے ۔ خطے کی سطح پر چین، روس اور امریکہ کے گیم میں ایران ہمارا اتحادی ہوسکتا تھا لیکن برادر عرب ملک کی وجہ سے پاکستان اور ایران کی وہ قربت نہیں جو ہونی چاہئے بلکہ تادم تحریر ایران ، پاکستان کی نسبت ، ہندوستان کے زیادہ قریب ہے ۔
مذکورہ تناظر میں دیکھا جائے تو پاکستان اس وقت پل صراط پر سفر کررہا ہے اور معمولی سی بے احتیاطی بھی بڑے نقصان کا موجب بن سکتی ہے ۔ دوسری طرف المیہ یہ ہے کہ پاکستان داخلی طور پر تبدیلی کے دور سے گزر رہا ہے اور جو قیادت لائی گئی ہے ، وہ مذکورہ حوالوں سے ناتجربہ کار بھی ہے اور خارجہ پالیسی کبھی ا س کی ترجیحات میں بھی شامل نہیں رہی ۔ اس سے بھی بڑا المیہ یہ ہے کہ چینی صدر کے دورے اور سی پیک کے معاملات پر پی ٹی آئی کا جو رویہ رہا ہے ، اس کی وجہ سے چینی قیادت شاکی ہے اور شاید یہی وجہ ہے کہ چینی صدر کی بجائے پاکستان کے نئے وزیراعظم کو صرف وزیراعظم کے فون پر اکتفا کیا گیا ۔ نیازی حکومت نے سی پیک کے منصوبوں سے متعلق وفاقی کابینہ کی سطح پر جو فیصلہ کیا ، اس سے متعلق یہ بات یقین سے کہی جاسکتی ہے کہ چینی اس پر خوش نہیں ہوں گے ۔ اب اگر امریکہ بھی برہم ہو، ہندوستان کے ساتھ مل کر وہ مزید دبائو بھی بڑھادے اور دوسری طرف چین کے ساتھ قربت اور تعاون کا سفر بھی سست پڑ جائے تو خاکم بدہن پاکستان تو بہت بری طرح پھنس جائے گا۔ یہی وہ تناظر ہے جو نئی حکومت کو سمجھانے کی ضرورت ہے۔ بہر حال جو ہونا تھا ہوچکا ہے لیکن اب ہونا یہ چاہئے کہ نئی حکومت کی ان معاملات کی طرف خصوصی توجہ دلائی جائے ۔ وزیرخارجہ کے لئے شاہ محمود قریشی ہی موزوں ترین تھے ۔ نئی حکومت کی ٹیم میں وہ واحد شخص ہیں جو ان نزاکتوں کو سمجھتے ہیں لیکن مسئلہ یہ ہے کہ وہ اپنی قیادت کو چیلنج نہیں کرسکتے ۔ مختصر عرصے میں پہلے ہندوستانی وزیراعظم کے رابطے کو احمقانہ طریقے سےڈیل کیا گیا اور پھر امریکی سیکرٹری خارجہ کی ٹیلی فون کال کا تنازع کھڑا کردیا گیا ۔ تب تک تو یہ رعایت دی جاسکتی تھی کہ چلیں بندہ نیا ہے اور ابھی پوری طرح بریفنگ نہیں ہوئی لیکن افسوس کہ جی ایچ کیو میں آٹھ گھنٹے گزارنے اور خارجہ امور سے متعلق تفصیلی بریفنگ لینے کے بعد بھی اگلے روز اینکرپرسنز کی موجودگی میں فرانسیسی صدر کی فون کال کا احمقانہ ڈرامہ بن گیا۔ فرانسیسی سفارت خانے نے واضح کردیا کہ رابطہ صرف ان کی طرف سے ہوا تھا اور اس وقت صدر کی کال نہیں آئی تھی بلکہ صدر کی کال کے لئے وقت اور طریق کار کے تعین کے لئے پاکستانی دفتر خارجہ کو کال کی گئی تھی لیکن وہاں یہ ظاہر کیا گیا کہ جیسے فرانسیسی صدر کی کال آرہی ہے اور وہ ان سے بات نہیں کررہے ہیں ۔ ظاہر ہے اس طرح کی حرکتیں باہر کے ممالک اور ان کے سفارتخانے اپنی توہین سمجھتے ہیں ۔ ہم دعا گو ہیں اور توقع کررہے ہیں کہ نئے پاکستان کی پرانی قیادت ،نئے وزیراعظم کو سفارتی نزاکتیں بھی سمجھادےگی کیونکہ اگر ایسا ہی چلتا رہا تو پھر سوال یہ ہے کہ کیسے چلے گا اور کب تک چلے گا؟
(بشکریہ جنگ نیوز)

لاہور(ایمرا نیوز)
سب سے پہلے یہ حقیقت ہمارے سامنے ہونی چاہئے اور اسے تسلیم بھی کر لینا چاہئے کہ کے پی کے میں تحریک انصاف کی حکومت سے پہلے بھی وہاں کی پولیس پنجاب پولیس سے کئی گنا بہتر تھی کیونکہ وہاں کے لوگ تاریخی، ثقافتی، سماجی، نفسیاتی، جذباتی، جینیاتی، ماحولیاتی طور پر ہم یعنی اہل پنجاب سے بے حد مختلف ہیں جس کی تفصیلات میں جانے کی ضرورت نہیں کیونکہ جس میں تھوڑا بہت تاریخی شعور موجود ہو گا، وہ بہ آسانی سمجھ جائے گا کہ میں کیا کہنا چاہتا ہوں۔ مختصراً یہ کہ کے پی کے کی پولیس تو پہلے سے ہی ’’اپنی حدود‘‘ میں رہنے کی عادی تھی جس پر عمدگی کے ساتھ مزید توجہ دی گئی تو وہ اچھی سے بہت اچھی اور خوب سے خوب تر ہو گئی لیکن میرا خیال ہے ہماری پیاری پنجاب پولیس کا معاملہ ذرا مختلف ہے۔پنجاب پولیس کو سیاسی مداخلت سے پاک کرنے کا خیال ہے تو بہت پیارا اور پاکیزہ لیکن شاید اتنا ہی پیچیدہ بھی ہے اور تضادات سے بھرپور بھی کیونکہ کسی نے ابھی تک پنجاب پولیس کو ڈی پولیٹیسائز کرنے کی وضاحت نہیں کی۔ پہلی بات تو یہ کہ عام طور پر تو پہلے بھی ہمارے اکثر نام نہاد عوامی نمائندے یعنی ایم این اے، ایم پی اے حضرات ان کے باسز نہیں تقریباً محکوم بلکہ کچھ تو ٹائوٹ ٹائپ ہی ہوتے ہیں جو مل جل کر ایک خاص قسم کی ’’انڈر سٹینڈنگ‘‘ کے ساتھ ہی ’’کاروبار
حیات‘‘ چلاتے ہیں۔ بہت ہی کم ایم این اے، ایم پی اے وغیرہ اتنے بااثر ہوتے ہیں کہ پولیس افسران کو ڈکٹیٹ کرا سکیں، باقی بیچارے تو بمشکل اپنے اپنے بھرم بچاتے پھرتے ہیں۔دراصل یہ سارا مسئلہ ’’پہلے مرغی یا انڈا‘‘ وغیرہ جیسا مسئلہ ہے کہ اصولاً تو منتخب نمائندوں کو ہی حاکم اور پولیس ملازموں کو ہی ملازم ہونا چاہئے لیکن یہاں تو کرپشن اور ناکردگی دونوں حوالوں سے ہی ___’’دونوں طرف ہے آگ برابر لگی ہوئی‘‘ ان کا آپس میں تعلق کتنا اور کیسا ہوگا؟ یا ہو سکتا ہے؟پہلے تو کوئی غریب لاوارث بے آسرا صحیح غلط پولیس شکنجے میں پھنسنے کے بعد ایم این اے، ایم پی اے کی منت ترلے کر کے کچھ ریلیف لے لیتا تھا، اور نہیں تو تھانے میں چھتروں گالیوں میں ہی کوئی ریلیکسیشن مل جاتی تھی، اب اگر بغیر کسی ’’چیک‘‘ کے یہ سہارا بھی جاتا رہا تو عام آدمی کا بنے گا کیا؟ اگر چیک اینڈ بیلنس اندر خانے ہی ہو گا تو اس محاورے کا کیا بنے گا کہ ’’بھینسیں بھینسوں کی بہنیں ہوتی ہیں‘‘ اور اکثریت ایک دوسرے کو پوری طرح پروٹیکٹ کرے گی۔ امکان یہ تو نہیں کہ پولیس کو سیاسی مداخلت سے پاک کرنے کے بعد معاملات مزید پلید ہو جائیں کیونکہ جن کے مونہوں کو مدتوں سے بے لگام طاقت کے استعمال کا خون لگا ہے، وہ اوور نائٹ نارمل ہو کر عوام کے ہمدرد بن جائیں گے___ کم از کم میری سمجھ سے تو بالکل ہی باہر ہے۔ابھی گزشتہ کل کے کالم میں میں نے اس خبر کا حوالہ دیا ہے جس کے مطابق اہم اداروں نے پنجاب کے 45ارب پتی موجودہ اور سابق پولیس افسروں کے خلاف انکوائری شروع کر دی ہے تو وہ کون سی ریفارمز ہوں گی جو پنجاب پولیس کے اس کلچر کو تبدیل کر دیں گی جن میں نواز شریف نے مجرموں تک کو بھرتی کرنے سے گریز نہ کیا تھا۔ میں ماضی کے ایک نیک نام آئی جی پولیس عباس خان کی اس مشہور زمانہ رپورٹ کا حوالہ دے رہا ہوں جس میں انہوں نے بتایا تھا کہ ’’وزیر اعلیٰ‘‘ نواز شریف نے اپنا ووٹ بینک بنانے کے لئے کس طرح پولیس کا چہرہ اور کردار بگاڑا۔ایک اور اہم بات یہ کہ ’’لامحدود‘‘ قسم کے اختیارات دے کر جب آپ کسی کو ’’انتہائی محدود‘‘ معاوضہ، اجرت یا تنخواہ دیں گے تو کس قسم کے نتائج کی توقع رکھنی چاہئے؟ RAT RACEکی لپیٹ میں آئے ہوئے اس معاشرہ میں کوئی ولی اللہ ہی ہو گا جو خود اپنے اور اہل خانہ کے پیٹوں پر پتھر باندھ کر دیانتداری سے اپنے فرائض سرانجام دے گا۔آپ ایک سینئر پولیس افسر کی تنخواہ کا سوچیں، پھر اس کے ڈیوٹی آورز دھیان میں لائیں۔ نہ کوئی ماں نہ باپ، نہ بہن نہ بھائی، نہ خوشی نہ غمی، صرف 2میاں بیوی اور تین بچے جو کسی مناسب پرائیویٹ سکول میں پڑھ رہے ہوں۔ شام کو قاری صاحب اور ایک آدھ ٹیوٹر بھی آتا ہو تو کوئی مجھے سمجھا دے کہ ایس ایس پی صاحب کی ’’خالص‘‘ تنخواہ میں یہ ممکن ہے؟ایک طرف قانون شکن قانون سازدوسری طرف اوور ورکڈ اور انڈر پیڈ قانون نافذ کرنے والےدرمیان میں کسی بھی قسم کے ڈسپلن، کوالٹی ایجوکیشن اور تربیت سے محروم بگٹٹ بے سمت عوام تو میں سوائے اس کے اور کچھ نہیں کہنا چاہتا کہ ’’پولیس ریفارمز‘‘ سننے میں تو بہت سریلا اور سہانا لگتا ہے لیکن اس سے بڑا چیلنج ممکن نہیں….. یہ الٹی گنگا بہانے سے مختلف نہ ہو گا کیونکہ کے پی کے اور پنجاب کی پولیس اور عوام میں اتنا ہی فرق ہے جتنا ایک ہی جسم کے مختلف اعضا میں ہوتا ہے۔
(بشکریہ جنگ نیوز)

لاہور(ایمرا نیوز)
گدھ عجب پرندہ ہے جس میں کئی خوبیاں ہیں، سیاہ چمکدار بڑے بڑے پر، اس کی چونچ بھی عقاب جیسی اور اڑان بھی اونچی ہے، مضبوط قوت مدافعت، نگاہ اس قدر تیز کہ دور تک۔۔ بہت دور تک دیکھ سکتا ہے، زبردست ہاضمہ کہ بڑے سے بڑے جانور کے گلے سڑے گوشت کو نگلنے میں اس کا کوئی ثانی نہیں، تحقیق یہ بتاتی ہے کہ لاکھوں سال پہلے عقاب اور گدھ ایک ہی نسل سے تھے مگر پھر ایسا کیا ہوا کہ گدھ اور عقاب الگ الگ ہو گئے۔

دونوں پرندوں میں ایک بہت نمایاں فرق ہے اور شاید یہی فرق عقاب کو گدھ سے بہت ممتاز کر دیتا ہے اور وہ ہے خود شکار کر کے کھانا جبکہ گدھ کسی اور کے شکار کے مردار پر گزارہ کرتا ہے۔

عالمی سامراجی نظام میں ہم ایک اہم جزو ہیں۔ پرواز کے لیے پر موجود ہیں، اڑان اونچی بھرنے کا ارادہ رکھتے ہیں، عقاب سی نگاہ اور بلندی کا جنوں رکھتے ہیں لیکن اس تخیل سے دور کہ ہم عالمی سطح پر کس نام سے پکارے جائیں۔۔۔ وہ جو اپنا شکار خود کرتے ہیں یا وہ جو کسی کے مارے ہوئے شکار کو نوچتے ہیں۔
ہماری پالیسیوں کی صورتحال اس وقت کچھ ایسی ہی ہے۔ ہم آزاد معیشت کے دور میں قرضوں کی زنجیریں پہنے کبھی چین اور کبھی امریکہ کی پالیسیوں کے ہاتھوں اسیر اور کہیں مبہم خارجہ پالیسی اور وقتی فیصلوں کے ہاتھوں مجبور ہیں۔ امریکہ بہادر کچھ اور، کچھ اور کے مطالبے کر رہا ہے اور وہ کچھ اور، ہمارے بس میں ہوتے ہوئے بھی بس میں نہیں ہے۔

عالمی گدھ ہمارے اردگرد منڈلا رہے ہیں اور ہمسائے ہمیں نوچنے کو تیار بیٹھے ہیں۔ صاحب بہادر ایک طویل فہرست ہاتھ میں تھامے شاید حتمی فیصلے کرنے آ رہے ہیں تو دوسری جانب ہمارا بہترین دوست اس معاملے پر اُن کا ہمنوا ہے کہ اپنا گھر تو سیدھا کرنا ہو گا۔ ایسے میں نوزائیدہ سیاسی جماعت جو اقتدار تو رکھتی ہے، کیا اختیار بھی؟ اس کا جواب آنے والے دنوں میں مل جائے گا۔

خبریں بری نہیں کہ پنڈی کے بڑے گھر میں پشت پر ہاتھ رکھ کر ہر فیصلے کے پیچھے کھڑے ہونے کا عندیہ دیا گیا ہے۔ بہت ہی خوش کن، بہت ہی سہانا اور دل کو لبھانے والا تصور کہ سویلین بالادستی ہی اصل وعدہ ہے مگر۔۔۔
سیاسی حکومت کے پاس آنے والوں کو دینے والے جوابوں میں کیا ہو گا، خالی نعرے؟ کیا ہم مطالبات کی فہرست پر عملدرآمد کو تیار ہوں گے؟ ہمیں آئندہ چند مہینوں میں نہیں دنوں میں مضبوط معیشت کے لیے ہنگامی اقدامات کرنے ہیں، مضبوط دفاع کو یقینی بنانا ہے جس کے لیے نئی حکومت کو پیسے چاہییں۔ دمڑی نہ ملی تو چمڑی والی کیفیت سے دو چار یہ مملکت کیا کرے کہ ارباب خوش ہو جائیں۔ ایسے میں ہم محض مقبول فیصلے کر رہے ہیں۔

ہمیں یہ سوچنا ہے کہ شاہین بننے کے لیے کیا کرنا ہو گا۔ تحقیق تو بتاتی ہے کہ سفید پشت والے گدھ مردار پر سب سے پہلے پہنچتے ہیں۔ خدا نہ کرے کہ ہماری معیشت کسی مردار کا گوشت بن جائے۔
(بشکریہ صحافی نیوز)

لاہور(ایمرا نیوز)
بالفرض بیرسٹر اعتزاز احسن مقابلے سے دستبردار ہو جائیں تو مولانا فضل الرحمن صدارتی انتخاب جیت سکتے ہیں؟ خواب دیکھنے پر پابندی نہیں لیکن سینٹ‘ قومی اور صوبائی اسمبلیوں میں ووٹوں کے تناسب سے واقف ہر معقول شخص کا جواب نفی میں ہے۔1993ء میں صدارتی معرکہ برپا ہوا تو مسلم لیگ کو سینٹ میں برتری حاصل تھی اور پنجاب میں پوزیشن کم و بیش موجودہ عددی تناسب سے ملتی جلتی۔ پیپلز پارٹی خوفزدہ تھی اور اسٹیبلشمنٹ کی یہ خواہش کہ صدر کوئی غیر متنازعہ شخص ہو۔ ایئر مارشل اصغر خان کا نام دونوں جماعتوں کے متفقہ امیدوار کی حیثیت سے سامنے آیا اور متحدہ عرب امارات کے امیر شیخ زید بن سلطان النہیان نے تجویز پیش کی کہ مسلم لیگ اور پیپلز پارٹی مدت اقتدار کو نصف نصف بانٹ لیں۔ میاں نواز شریف پہلے تو اپنے امیدوار یعنی بیرسٹر وسیم سجاد کے نام پر ڈٹے رہے جو چیئرمین سینٹ کے طور پر قائم مقام صدر تھے مگر جب انہیں بازی ہاتھ سے نکلتی محسوس ہوئی تو انہوں نے نوابزادہ نصراللہ خان کا دروازہ کھٹکھٹایا اور درخواست کی کہ وہ دونوں جماعتوں کے متفقہ امیدوار بن جائیں۔ نواب صاحب محترمہ بے نظیر بھٹو سے وعدہ کر چکے تھے کہ وہ سردار فاروق احمد خان لغاری کو ووٹ دیں گے چنانچہ ساری کوششیں رائیگاں گئیں اور پیپلز پارٹی کا امیدوار بھاری اکثریت سے کامیاب ہو گیا۔ یہ بے نظیر بھٹو کی حکمرانی کا کرشمہ تھا‘ فاروق لغاری کی شخصیت کا اعجاز یا پیر پگارا ‘ نوابزادہ نصراللہ خان اور حامد ناصر چٹھہ کی طرف سے میاں نواز شریف اور ان کے امیدوار کو نیچا دکھانے کی شعوری کوششوں کا نتیجہ؟ میرے خیال میں سارے عوامل یکجا ہوئے۔ 1990ء کے عشرے میں حکومت اور اپوزیشن کے مابین محاذ آرائی اور تصادم جبکہ پچھلے ایک عشرے کے دوران دونوںبڑی پارٹیوں میں مک مکا کا نتیجہ عوامی مسائل سے حکومت کی یکسر بے رخی اور لوٹ مار کے کلچر میں روز افزوں اضافے کی صورت میں برآمد ہوا‘ قومی معیشت تباہ ہوئی اور گورننس کا بیڑا غرق ہو گیا۔1990ء کے عشرے میں اسٹیبلشمنٹ محاذ آرائی اور تصادم کے کلچر کو فروغ دینے میں شریک جرم تھی جبکہ پچھلے دس سال کے دوران وہ تماشائی۔ اب مگر حالات مختلف ہیں وہ ملک میں فی الوقت محاذ آرائی اور تصادم چاہتی ہے نہ خاموش تماشائی کا کردار ادا کرنے پر آمادہ۔25جولائی کے بعد وہ حکومت سازی میں فریق بنی نہ اس نے قومی معاملات کو حالات کے رحم و کرم پر چھوڑا۔ پنجاب میں بدترین ہارس ٹریڈنگ کی روک تھام ان عقابی نگاہوں کے طفیل ممکن ہوئی جو آزاد ارکان اسمبلی پر لگی تھیں اور جس کا احساس تحریک انصاف کے بعض زود رنج ارکان کو بھی تھا، وہ ارکان جو ایسی صورت میں اپنی پرچی اور وفاداری کی قیمت وصول کرنے میں مضائقہ نہیں سمجھتے۔ لوگ جو بھی کہیں مگر آصف علی زرداری ماضی کے تلخ تجربات کی بنا پر اب مسلم لیگ(ن) کی سودے بازی کی پوزیشن مضبوط کرنے کے حق میں ہیں نہ شریف خاندان کو یہ موقع دینے کے لیے تیار کہ وہ متفقہ امیدوار کے نام پر پیپلز پارٹی میں نقب زنی کرے اور رضا ربانی ایسے شخص کو سامنے لائے جس پر لیبل تو پیپلز پارٹی کا لگا ہو مگر حسن انتخاب وہ میاں نواز شریف کا نظر آئے۔ سول بالادستی کے نام پر جو ہمیشہ اپنے قومی اداروں کے خلاف وکیل استغاثہ کا کردار اداکرے۔ مولانا فضل الرحمن کا صدارتی امیدوار بننا بذات خود قابل اعتراض ہے وہ موجودہ اسمبلیوں کو تسلیم کرتے ہیں نہ ا رکان اسمبلی کے حلف اٹھانے کے حق میں تھے۔1993ء میں صدارتی انتخاب کے مرحلہ پر بعض حلقوں نے پیپلز پارٹی کے حلیف اور پنجاب میں حکمران دھڑے (جونیجو لیگ) کے سربراہ چودھری حامد ناصر چٹھہ کو اکسایا کہ وہ اپنے آپ کو بطور امیدوار پیش کریں بے نظیر بھٹو مجبور ہوں گی اور اپوزیشن متفق۔ مگر چٹھہ صاحب نے صاف جواب دیا کہ امیدوار نامزد کرنا اکثریتی پارٹی کا حق ہے ہم اس کے اتحادی ہیں اس تعلق اور پوزیشن کو ہم بلیک میلنگ کے لیے استعمال نہیں کریں گے۔ مجھے انہوں نے کہا’’یہ بدترین موقع پرستی ہے جس کی توقع لوگ مجھ سے نہ کریں‘‘۔ مولانا نے مگر ثالثی کمیٹی کے سربراہ بن کر موقع سے بھر پور فائدہ اٹھایا اور اعتزاز احسن کے الفاظ میں نکاح خواں دولہا بن گیا۔ مذہبی رہنما کے طور پر انہوں نے یہ بھی نہ سوچا کہ لوگ کیا کہیں گے اور پارلیمنٹ کے وہ ارکان انہیں ووٹ کیوں دیں گے جو ان کے نظریات اور تصورات سے متفق ہیں نہ شخصیت سے متاثر اور نہ ایوان صدر اور ایوان وزیر اعظم کے مابین تصادم اور محاذ آرائی کے خواہش مند۔2002ء میں عام انتخابات کے بعد ایم ایم اے تیسری بڑی سیاسی جماعت کے طور پر اُبھری اور سترہویں آئینی ترمیم کی منظوری مشکل ہو گئی تو بعض حلقوں نے ایم ایم اے کی قیادت کو یہ پٹی پڑھائی کہ وہ پرویز مشرف کی مجبوری سے فائدہ اٹھا کر بھر پور سودے بازی کرے چنانچہ ایک فارمولا منظر عام پر آیا جس کے تحت ڈپٹی وزیر اعظم‘ چیئرمین سینٹ اور کابینہ میں سینئر وزیر کے علاوہ غالباً ڈپٹی سپیکر کے مناصب ایم ایم اے کو سونپے جا سکتے تھے۔ مولانا شاہ احمد نورانی ایسے کسی معاہدے کے حق میں نہیں تھے‘ ان کا خیال تھا کہ ہم اپوزیشن کی نشستوں پر بیٹھ کر حق نمائندگی ادا کریں اور عوام کو یہ تاثر نہ دیں کہ چند مناصب کے عوض مذہبی جماعتوں نے ایک فوجی آمر کو باوردی صدر کے طور پر قبول کر لیا۔ جب یہ فارمولا مولانا نورانی کو پیش کرتے ہوئے ایم ایم اے کی لیڈر شپ نے چکمہ دیا کہ فوجی قیادت مولانا فضل الرحمن کو بطور ڈپٹی وزیر اعظم‘ آپ کو بطور چیئرمین سینٹ قبول کرنے پر آمادہ ہے تو مولانا نے پیشکش کو پائے حقارت سے ٹھکراتے ہوئے کہا ’’حضرات آپ مجھے بے وقوف سمجھتے ہیں یا جنرل پرویز مشرف کو احمق۔ آپ نہیں جانتے کہ چیئرمین سینٹ قائم مقام صدر کے فرائض بھی انجام دیتا ہے۔ کیا ایک داڑھی والے شخص (اشارہ صدر رفیق تارڑ کی طرف تھا) کو ایوان صدر سے نکال کر فوجی آمر مجھے وہاں دیکھنا پسند کرے گا اور کیا اس کا آقا ولی نعمت (امریکہ) مجھے قبول کر سکتا ہے‘‘۔ مولانا مگر بضد ہیں کہ اگر پیپلز پارٹی ان کا ساتھ دے تو وہ صدر بن سکتے ہیں اور محمود اچکزئی اور میاں نواز شریف کے ایجنڈے کے مطابق عمران خان اور فوجی قیادت کے سینے پر مونگ دلنے کے لئے تیار۔ کوششیں جاری ہیں اور پیپلز پارٹی مولانا کو دستبردار کرانے کے لیے کوشاں ہے لیکن یہ امکان پھر بھی نہیں کہ اپوزیشن کا متفقہ امیدوار اگر اعتزاز احسن ہو تو صدارتی معرکہ سر کیا جا سکتا ہے یہ عدم استحکام کی خواہش مند قوتوں کی خواہش تو ہو سکتی ہے ‘ اعتزاز احسن کو عارف علوی سے بہتر امیدوار سمجھنے والے دوستانِ اعتزاز کی بھی‘ مگر زمینی حقائق بالکل مختلف ہیں۔ اعتزاز احسن اگر عوام کا موڈ اور حالات کا رخ پہچاننے کی صلاحیت سے مالا مال ہوتے، چند سال قبل کرپشن و نااہلی کے الزامات سے لت پت پی پی قیادت کی وفاداری کا دم بھرتے رہنے کے بجائے نوجوان نسل کی امیدوں کے مرکز تحریک انصاف کا رخ کرتے‘ تو شائد آج اس منصب کے سب سے زیادہ حقدار قرار پاتے مگر اعتزاز احسن کو بس مس کرنے کا ہنرخوب آتا ہے ۔ عدلیہ تحریک کے دوران انہیں جو عروج ملا وہ اسے برقرارنہ رکھ سکے اور دوبارہ پیپلز پارٹی کی کان نمک میں جا کر نمک ہو گئے ورنہ آدمی وہ کام کے ہیں۔ آصف علی زرداری نے اعتزاز احسن کو صدارتی امیدوار نامزد کرنے سے قبل ان کی ناکامی کا اہتمام کیا ۔میاں شہباز شریف کو ووٹ نہ دینے کے بعد مسلم لیگ سے یہ توقع کرنا کہ وہ پیپلز پارٹی کے امیدوار کو ووٹ دے گی‘ اک معمہ ہے سمجھنے کا نہ سمجھانے کا۔ لیکن اسی کا نام سیاست ہے اور آصف علی زرداری کو مخدوم جاوید ہاشمی سیاست کا پی ایچ ڈی قرار دے چکے ہیں۔ڈاکٹر آصف زرداری نے ڈاکٹرعارف علوی کی کامیابی کی راہ ہموار کی‘ کامرانی کے بعد تحریک انصاف کو ان کاشکریہ ضرور ادا کرنا چاہیے۔
(بشکریہ روزنامہ 92 نیوز)

لاہور(ایمرا نیوز)
یار تم نے اپنا گھر بہت خوبصورت بنایا ہے۔

بھئی تم جانتے ہو اس پر میری کتنی دولت اور کتنا وقت صرف ہوا ہے۔

اس کا نقشہ تم نے کہاں سے حاصل کیا تھا۔

حاصل کیا تھا؟ تمہارا دماغ چل گیا ہے۔ یہ نقشہ ایک بین ا لاقوامی شہرت کے ماہر تعمیرات سے بنوایا تھا۔ چالیس لاکھ روپے تو صرف اس کی فیس ادا کی تھی۔

چالیس لاکھ روپے صرف نقشے کی فیس کے طور پر ادا کئے تھے؟

ہاں اس میں حیرانی کی کون سی بات ہے تم جانتے ہو اس مکان کی تعمیر پر کتنی لاگت آئی ہے؟

کتنی لاگت آئی ہے۔

چلو چھوڑو تم سن کر بیہوش ہوجائو گے بس اتنا جان لو کہ اس میں جو کچھ تمہیں نظر آرہا ہے وہ سب کا سب امپورٹڈ اسٹف ہے۔

کیا تم اس گھر میں خوش ہو۔

کیا مطلب خوش کیا بہت خوش ہوں۔

یہ تو تم بھی جانتے ہو کہ تم نے یہ گھر رزق حلال سے نہیں بنایا۔

ہاں جانتا ہوں مگر پھر۔

کیا تمہارا ضمیر تمہیں ملامت نہیں کرتا۔

ضمیر، ضمیر انسان کو گناہوں سے نہیں روکتا، قانون پر عملدرآمد روکتا ہے، سو کبھی کبھی میرا مزا بھی کراکرا ہوجاتا ہے۔

اگر تم اینٹی کرپشن والوں کی نظروں میں آگئے۔

تو کیا ہوگا؟

پکڑے جائو گے اور کیا ہوگا۔

تم بھی بہت بھولے ہو، کوئی اور بات کرو۔

کیا تم نے کبھی سوچا کہ اتنے کروفر سے رہنے کے باوجود معاشرہ تمہیں اچھی نظروں سے نہیں دیکھتا۔

کون سا معاشرہ؟

ارے بھئی وہی معاشرہ جس میں تم رہتے ہو، جس میں تمہارے عزیز و اقرباء تمہارے محلے دار تمہارے دوست احباب بھی شامل ہیں۔

یہ سب تو مجھے دیکھ کر سجدے میں چلے جاتے ہیں۔

یہ سب کچھ اوپر اوپر سے ہے، اندر سے وہ لوگ تمہیں پسند نہیں کرتے۔

اندر کی بات جب تک اندر ہی رہے اس سے ہمیں کیا نقصان پہنچتا ہے۔

اچھا چلو ضمیر کو بھی چھوڑو اینٹی کرپشن والوں کو بھی چھوڑو، معاشرے کو بھی چھوڑو، تم یہ بتائو کہ مذہب پر ایمان رکھتے ہو۔

ہاں نمازیں پڑھتا ہوں ، روزے رکھتا ہوں، ہر مہینے باقاعدگی سے گیارہویں شریف کا اہتمام کرتا ہوں۔

لیکن اگر تمہارے رزق میں حرام کی ملاوٹ ہے تو ان میں سے کوئی چیز تمہارے کسی کام نہیں آئے گی۔

یار کیوں مجھے ڈراتے ہو۔

نہیں اس میں ڈرانے والی کوئی بات نہیں ،میں امر واقعہ بیان کررہا ہوں۔ ان لوگوں کے لئے سخت وعید ہے جو حرام مال سے اپنے لئے گھر بناتے ہیں اور دنیا کی آسائشیں خریدتے ہیں۔

یار تم کیوں مجھے خوفزدہ کرنے پر تل گئے ہو۔

تمہیں خوفزدہ نہیں کررہا، صرف بطور دوست اپنا فریضہ انجام دے رہا ہوں۔ تم جانتے ہو کہ قبر جو پہلے ہی بہت تنگ ہوتی ہے ایسے لوگوں کے لئے اور زیادہ تنگ ہوجائے گی۔

اور…..اور کیا ہوگا؟

اور یہ کہ دوزخ کے فرشتے ایسے بدبختوں کو جلتے ہوئے الائو میں پھینک دیں گے اور جب ان کے جسم جل کر راکھ ہوجائیں گے تو انہیں نیا جسم عطا کیا جائے گا اور اس کے بعد دوبارہ آگ کے الائو میں ڈال دیا جائے گا اور یہ عمل کروڑوں سال تک جاری رہے گا۔

کیا تم یہ سچ کہہ رہے ہو؟

میں نے اس معاملے میں جھوٹ بول کر خود جہنم کی آگ میں جلنا ہے۔ تم اب عمر کے آخری حصے میں ہو، طرح طرح کے عوارض میں گرفتار ہو کسی بھی وقت سانس تمہارا ساتھ چھوڑ سکتا ہے کیوں چند لمحوں کی آسائش کے لئے خود کو کروڑوں سال کے عذاب میں ڈالتے ہو، قارون کتنا امیر آدمی تھا لیکن جب وہ مرا تو اس کا مال و دولت اس کے کام نہیں آیا اس وقت وہ پڑا دوزخ کی آگ میں جل رہا ہوگا۔

تم نے میری آنکھیں کھول دی ہیں، تم میرے محسن ہو، مجھ سے اب اس گھر میں ایک لمحے کے لئے بھی نہیں رہا جارہا تم مجھے بتائو میں کیا کروں؟

خدا کا شکر ہے کہ تم نے میری باتوں کو دھیان سے سنا اور ان کا اثر بھی قبول کیا۔ اب تم اس عذاب سے اسی صورت میں نکل سکتے ہو کہ اپنے رزق حلال میں سے ایک چھوٹی سی کٹیاخرید کر یا کرائے پر لے کر اس میں رہو یقین جانو تمہیں اس کٹیا میں زیادہ سکون ملے گا۔

اور موجودہ گھر کا کیا کروں؟

یہ تم میرے نام کردو، میں تمہاری خاطر سارے عذاب سہہ لوں گا آخر حق دوستی تو ادا کرنا ہی پڑتا ہے۔
(بشکریہ جنگ نیوز)