Category جرائم

کراچی: انسانی اسمگلنگ کے مقدمے میں مطلوب ملزم کو امارات فرار ہونے کی کوشش کرتے ہوئے گرفتار کرلیا گیا۔وفاقی تحقیقاتی ادارے (ایف آئی اے) امیگریشن نے کراچی ائرپورٹ پر کارروائی کرتے ہوئے ایف آئی اے پشاور کو مقدمے میں مطلوب انسانی اسمگلر کو متحدہ عرب امارات فرار ہوتے ہوئے گرفتار کرلیا۔ملزم نقاش خان مختلف افراد کو غیر قانونی طور پر بیرون ملک بھجوانے کے مقدمے میں مطلوب تھا جب کہ اس کا نام بلیک لسٹ میں ہونے کی وجہ سے پرواز سے آف لوڈ کرکے حراست میں لیا گیا۔ذرائع کے مطابق ملزم کو ایف آئی اے پشاور کی ٹیم کے حوالے کیا جائے گا ۔

لاہور: لاہور کے ڈی آئی جی شارق جمال کی میت اسپتال لے کر آنے والی خاتون اور ایک مرد کو حراست لے لیا گیا
اس حوالے سے پولیس کا کہنا ہے کہ حراست میں لیے جانے والے افراد سے پوچھ گچھ جاری ہے۔پولیس نے بتایا کہ فلیٹ سے کھانے پینے کی چند اشیاء اور برتنوں کو معائنے کے لیے قبضے میں لے لیا ہے۔ واضح رہے کہ لاہور کے ڈی آئی جی شارق جمال ڈی ایچ اے میں واقع گھر میں مردہ پائے گئے تھے۔ذرائع کا بتانا ہے کہ واقعے کے وقت شارق جمال گھر میں اکیلے تھے۔

اسلام آباد:چیئرمین سینیٹ محمد صادق سنجرانی نے تحصیل باڑ ہ میں کمپاؤنڈ کے مرکزی گیٹ پر ہونے والے دھماکے اور فائرنگ کی شدید الفاظ میں مذمت کی ہے۔ چیئرمین سینیٹ نے دہشت گردوں کے حملے میں زخمی ہونے والے افراد کی جلد صحت یابی کیلئے دعا کی۔محمد صادق سنجرانی نے مزید کہا کہ دہشت گردانہ حملے ملک میں امن وامان کی صورتحال کو سبوتاڑ نہیں کرسکتے اور اس طرح کی بزدلانہ کارروائیاں ہمارے عزم کو متزلزل نہیں کر سکتیں۔دہشت گرد اپنے مذموم مقاصد میں کبھی بھی کامیاب نہیں ہوں گے۔ چیئرمین سینیٹ نے کہا کہ دہشت گردی کے خلاف جنگ میں اور امن کی بقا کیلئے پاکستان کی سیکیورٹی فورسز کی دی گئی لازوال قربانیاں رائیگاں نہیں جائیں گی۔پاکستان دہشت گردی کے خلاف ہمیشہ آواز اٹھاتا رہے گا۔ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اسحاق ڈار، قائد حزب اختلاف سینیٹر ڈاکٹر شہزاد وسیم نے بھی تحصیل باڑا میں کمپاؤنڈ کے مرکزی گیٹ پر ہونے والے دھماکے اور فائرنگ کی شدید الفاظ میں مذمت کی ہے اور زخمی افرادکے اہلخانہ سے دلی ہمدردی کا اظہار کیا ہے۔۔۔۔۔اعجاز خان

امریکا کی ریاست کیلیفورنیا میں 3 سالہ بچے سے حادثاتی طور پر چلنے والی گولی اس کی ایک سالہ بہن کے سر پر لگ گئی۔

غیرملکی میڈیا کے مطابق گھر پر غیر محفوظ جگہ پر موجود بندوق بچے کے ہاتھ لگ گئی اور اس سے حادثاتی طور پر گولی چل گئی۔

رپورٹس کے مطابق اطلاع ملنے پر پولیس موقع پر پہنچی جس کے بعد بچی کو اسپتال منتقل کیا گیا جہاں اس کی موت کی تصدیق کردی گئی۔

غیرملکی میڈیا کے مطابق واقعہ صبح ساڑھے 8 بجے پیش آیا، پولیس نے تحقیقات کا آغاز کردیا ہے۔

مظفر گڑھ میں 3 بہنوں کی لاشیں ملی ہیں، تینوں بچیاں گزشتہ رات لا پتہ ہوئی تھیں۔

فرانزک ٹیمیں موقع پر پہنچ گئی ہیں، مزید تحقیقات جاری ہیں۔

پولیس کا کہنا ہے کہ ابتدائی شواہد کے مطابق تینوں بہنوں کو تیز دھار آلے سے گلا کاٹ کر قتل کیا گیا ہے۔

ڈی ایس پی سٹی ریحان الرسول کے مطابق مظفر گڑھ میں تھرمل سوسائٹی سے 3 بچیوں کی لاشیں ملی ہیں۔

انہوں نے بتایا ہے کہ تینوں لڑکیوں کی عمریں 7 سال سے 11 سال کے درمیان ہیں۔

ڈی ایس پی نے بتایا ہے کہ تینوں بچیاں سگی بہنیں ہیں جو گزشتہ رات گھر سے لا پتہ ہو گئی تھیں۔

کراچی: شہر قائد کے علاقے لیاری، چاکیواڑہ میں بھائی اور بھتیجوں نے مل کر پولیس کانسٹیبل قتل کردیا۔

تفصیلات کے مطابق کراچی کے علاقے چاکیواڑہ،  گلستان کالونی میں بھائی اور بھتیجوں نے اسماعیل نامی پولیس کانسٹیبل کو فائرنگ کر کے قتل کر دیا۔

مقتول  اسماعیل گارڈن ہیڈ کوارٹرز میں تعینات تھا، پولیس حکام کے مطابق مقتول کو اس کے بھائی گل زمین اور بھتیجوں نے گولیاں مار کر قتل کیا، مقتول کو 7 گولیاں ماری گئیں۔

واقعے کی سی سی ٹی وی فوٹیج کے مطابق مقتول کے بڑے بھائی اور اس کے بیٹوں نے اسماعیل پر گلی میں تشدد کیا، جھگڑے کے دوران مقتول کے بھتیجے نے پستول نکالا اور اسماعیل پر فائر کر دیے، فوٹیج میں پولیس اہلکار اسماعیل کو زخمی حالت میں بھی مزاحمت کرتے ہوئے دیکھا گیا۔

مقتول کو گولیاں مارنے کے بعد اس پر ڈنڈوں اور سریوں کے واربھی کیے گئے، حملہ آوروں نے جاتے ہوئے مقتول کی موٹر سائیکل کو بھی آگ لگا دی۔

پولیس حکام کے مطابق پولیس کانسٹیبل کو جائیداد کے تنازع پر قتل کیا گیا ہے۔

فیصل آباد:مخالف کو بارات میں لیکر آنے پر دولہن والوں کا دولہا والوں کے ساتھ جھگڑا،جھگڑے کے دوران 1 باراتی جاں بحق خاتون سمیت 5 1باراتی زخمی ہوگئے جن میں 5افراد شدید زخمی ،پو لیس نے مقدمہ درج کر کے دولہا سمیت معتدد باراتیوں کو حراست میں لے لیا گیا،آن لا ئن کے مطا بق جڑانوالہ کا رہا ئشی عمثان ساکن ننکانہ بارات لیکر 278 گ ب میں مبیشر کے گھر آیا تھا، مخالف کو بارات میں لیکر آنے پر جھگڑا ہوا،جھگڑے کے دوران باراتی 33سالہ محبت علی جاں بحقخاتون سمیت 5 1باراتی زخمی ہوگئے جبکہ بلال،فتح بی بی،اکرم،اکبر اور محمد علی شدیدزخمی ہو گئے ،جاں بحق ہونیوالے شخص کی لاش کو آر ایچ سی سنٹر ستیانہ منتقل کر دیا گیا،زخمی ہونیوالوں کو ستیانہ ہسپتال منتقل کر دیا گیا،پولیس نے دولہا سمیت معتدد باراتیوں کو حراست میں لے لیا،پولیس تھانہ ستیانہ نے تمام حقائق کو مدنظر رکھتے ہوئے مقدمہ درج کر کے تفتیش شروع کر دی ہے

وفاقی تحقیقاتی ادارے ایف آئی اے کے امیگریشن سیل نے کراچی ایئر پورٹ پر کارروائی کرتے ہوئے ایک ایرانی شہری کو گرفتار کر لیا جو جعلی پاکستانی سفری دستاویزات پر ملازمت کے لیے قطر جانے کی کوشش کر رہا تھا۔

جاسم نامی ملزم کے موبائل فون کے معائنے کے دوران ڈیٹا میں ایرانی شہریت کی دستاویزات بھی موجود تھیں۔

ملزم اپنے پاس موجود پاکستانی سفری دستاویزات پر درج رہائشی پتے اور اہلِ خانہ کی تفصیلات کے حوالے سے جوابات دینے سے قاصر رہا۔

دورانِ تفتیش یہ انکشاف سامنے آیا ہے کہ ملزم نے پاکستانی سفری دستاویزات مبینہ طور پر انسانی اسمگلر کی مدد سے حاصل کی تھیں۔

ملزم کو حراست میں لیے جانے کے بعد مزید کارروائی کے لیے ایف آئی اے کے انسدادِ انسانی اسمگلنگ سرکل منتقل کر دیا گیا ہے

وفاقی تحقیقاتی ادارے ایف آئی اے کے عملے نے ایک کارروائی کے دوران جنسی ہراسگی اور بلیک میلنگ میں ملوث ملزم کو بلوچستان کے شہر لورالائی سے گرفتار کر لیا۔

ملزم احسان اللّٰہ نے شکایت کنندہ کی قابلِ اعتراض تصاویر موبائل فون کے ذریعے شیئر کی تھیں۔

ایف آئی اے حکام کے مطابق ملزم نے قابلِ اعتراض مواد کی آڑ میں شکایت کنندہ کو بلیک میل کر کے اس سے پیسے بھی وصول کیے۔

ملزم گزشتہ کئی ماہ سے شکایت کنندہ کو بلیک میل کر رہا تھا، جس کے قبضے سے موبائل، سمز اور لیپ ٹاپ برآمد کر لیا گیا ہے۔

ملزم کے موبائل کو قبضے میں لے کر فرانزک کے لیے بھجوا دیا گیا ہے۔

ملزم کے خلاف پیکا ایکٹ کے تحت مقدمہ درج کر لیا گیا ہے جبکہ اس سے تفتیش بھی کی جا رہی ہے۔

راولپنڈی:راولپنڈی میں قرض دینے والی آن لائن کمپنیوں کی دھمکیوں سے تنگ شہری نے خودکشی کرلی۔ پنڈی کے رہائشی مسعودنامی شخص نے آن لائن کمپنی کا قرض چکانے کیلئے دوسری کمپنی سے 22 ہزار روپے قرض لیا، آن لائن کمپنیوں کے نمائندوں نے بلیک میل کرنا شروع کردیا اور دھمکیاں دیں۔مرحوم کی بیوہ نے بتایاکہ آن لائن کمپنیوں نے موبائل سے ذاتی ڈیٹا لیک کرنے کی دھمکی دی، میرے شوہر قرض کی دلدل میں پھنستے گئے اور ذہنی اذیت کا شکار ہوگئے جس کے بعد انہوں نے دلبرداشتہ ہوکر گلے میں پھندا لگا کر خود کشی کرلی۔مسعود کی بیوہ نے ویڈیو بیان میں بتایاکہ 6 ماہ قبل میرے شوہر کی نوکری ختم ہوگئی تھی، گھر کا کرایہ اوربچوں کی فیس کیلئے آن لائن 13 ہزار روپے قرض لیا، ایک ہفتے بعد آن لائن کمپنی نے تنگ کرنا شروع کردیا اور رقم سود کے ساتھ 50 ہزار تک بڑھا دی۔