Category جرائم

لاہور(ایمرا نیوز آن لائن) موٹر سائیکل سوار وں کی فائرنگ، پولیس اہلکار جاں بحق لاہور کے علاقے کاہنا میں موٹر سائیکل سوار ملزمان کی فائرنگ سے پولیس اہلکار جاں بحق ہوگیا۔ڈی آئی جی آپریشنز کا کہنا ہے کہ اس طرح کی کارروائیوں سے پولیس کا مورال ڈاؤن نہیں ہو گا۔پولیس کے مطابق کاہنا کے علاقے ہلوکی میں جاں بحق ہونے والا پولیس کانسٹیبل ساجد نصیر دیگر اہلکاروں کے ہمراہ گشت پر تھا کہ انہوں نے مشکوک موٹر سائیکل سواروں کو رکنے کا اشارہ کیا۔

ملزمان نے رکنے کے بجائے پولیس اہلکاروں پر فائرنگ کر دی، گولیاں لگنے سے کانسٹیبل ساجد نصیر موقع پر ہی جاں بحق ہو گیا جبکہ ملزمان فائرنگ کرتے ہوئے باآسانی فرار ہو گئے۔پولیس اہلکار کی لاش کو ڈیڈ ہاؤس (مردہ خانے) منتقل کر کے ملزمان کی تلاش شروع کر دی گئی ہے۔ترجمان لاہور پولیس کے مطابق جاں بحق ہونے والا کانسٹیبل ساجد قصور کا رہائشی تھا اور اس کی نمازِ جنازہ آج بعد نمازِ ظہر پولیس لائنز قلعہ گجر سنگھ میں ادا کی جائے گی۔

تھانہ سرائے مغل پولیس کی کاروائی دو مغوی بچے بازیاب ملزم کو گرفتار کرلیا مزید تحقیقات شروع کردی.

پتوکی (ایمرا نیوزر/پورٹ سفیان ورک سے)
تھانہ سرائے مغل میں مقدمہ درج کر لیا گیا تفصیلات کے مطابق پتوکی  کے نواح  تھانہ سرائے مغل پولیس نے بر وقت  کارروائی کرتے ہوئے دو مغوی بچے بازیاب کر لیے اور ملزم کو موقع پر گرفتار کر لیا

ملزم قاری مجاہد کے خلاف دو بچوں انیل اور عاطف کے اغوا کا مقدمہ درج تھا.تھانہ سرائے مغل پولیس نے شیخوپورہ کے علاقہ بھکی سے دونوں بچوں کو بازیاب کروا لیا اور ملزم سے مزید تحقیقات شروع کردی

جبکہ تھانہ سراےمغل پولیس نےتھانہ سٹی پتوکی پولیس کو ملنے والے ایک لاپتہ بچے کے والدین کو ڈھونڈ کر حوالے کیااور تھانہ سرائے مغل پولیس نے کم سن علی شان کے والدین کو جڑانوالہ سے ڈھونڈ کر ان کے حوالے کیا

اس موقع پر بچوں کے والدین نے تھانہ سرائے مغل پولیس کا شکریہ بھی ادا کیا اور پولیس افسران اور اہل کاروں کو دعائیں دی 

ابہا(ایمرا نیوز) سعودی عرب کے شہر ابہا پر ایک بار پھر حوثیوں کی جانب سے میزائل حملہ کیا گیا ہے۔ اس حوالے سے عرب اتحاد کی فورسز کے ترجمان کرنل تُرکی المالکی نے بتایا کہ بُدھ کی شب مقامی وقت کے 11بج کر 35 منٹ پر حوثیوں کی جانب سے یمن کے علاقے سے ایک کروز میزائل ابہا کے انٹرنیشنل ایئر پورٹ پر فائر کیا گیا۔ تاہم اس حملے میں کسی شخص کے زخمی ہونے کی اطلاع نہیں مِلی۔
ابہا کے بین الاقوامی ہوائی اڈے کی جانب سے سرکاری اکاوٴنٹ پر کی گئی ایک ٹویٹ میں تصدیق کی گئی ہے کہ فضائی آمد و رفت کا سلسلہ معمول کے مطابق جاری ہے۔واضح رہے کہ 24 جُون 2019ء کو بھی ابہا کے ایئر پورٹ پر رات مقامی وقت کے مطابق 9:10 بجے حوثی ملیشیا کی جانب سے میزائل فائر کیا گیا تھا جس کے نتیجے میں وہاں موجود ایک شخص جاں بحق اور سات زخمی ہو گئے۔
مرنے والے شخص کا تعلق شام سے تھا۔اس حوالے سے بتایا گیا تھا کہ ایرانی حمایت یافتہ حوثی ملیشیا نے شورش زدہ یمن کے علاقے سے سعودی عرب کے ابہا ایئر پورٹ کو نشانہ بنایا، اس وقت وہاں سینکڑوں غیر مْلکی اور مقامی افراد موجود تھے۔ اس میزائل حملے کی زد میں آ کر ایک یمنی شخص زندگی سے محروم ہو گیا۔جبکہ سات افراد زخمی ہوئے۔ سعودی ٹی وی کی جانب سے بتایا گیا تھا اس حملے کے بعد کچھ گھنٹوں کے لیے مقامی اور بین الاقوامی پروازیں روک دی گئی تھیں تاہم بعد میں جہازوں کی آمد و رفت کا سلسلہ شروع ہو گیا ہے اور تمام فلائٹس شیڈول کے مطابق روانہ ہو رہی ہیں۔
اس سے قبل 12 جْون کو بھی حوثی باغیوں کی جانب سے ایک میزائل ابہا ایئرپورٹ پر فائر کیا گیا تھا جس سے وہاں کے ایک ہال میں موجود 26 افراد زخمی ہو گئے تھے جن میں تین خواتین اور دو بچے بھی شامل تھے۔ان زخمیوں کا تعلق مختلف ممالک سے تھا۔ 12 جْون کے اس حملے کے بعد حوثیوں نے پانچ ڈرونز سے دوبارہ ایئر پورٹ کو نشانہ بنایا تھا، مگر سعودی اتحادی افواج نے ان ڈرونز کو ہدف تک پہنچنے سے پہلے ہی مار گرایاتھا۔

مانچسٹر(ایمرا نیوز)غیر ملکی خبر رساں ادارے کے مطابق مانچسٹر کی رہائشی خاتون نے الزام لگایا کہ بچے اور ٹیچر کی محبت اس کی فیملی میں دراڑ ڈال رہی ہے جس بناء پر جنونی ماں نے ٹیچر کو قتل کرنے کا منصوبہ بنایا۔
خاتون کا پانچ سالہ بیٹا اپنی اسکول ٹیچر سے روزانہ فون پر بات کرتا تھا جس پر اس کی ماں نہ صرف ٹیچر کے گھر پہنچ گئی بلکہ فون اور ای میل پر بھی ٹیچر پر شدید برہمی کا اظہار کیا۔
خاتون کے بیٹے نے ماں سے اپنی ٹیچر کے لیے پھول خریدنے کی اجازت مانگی جو ماں کو ایک آنکھ نہ بھائی۔
خاتون کے ٹیچر کو قتل کرنے کے منصوبے کا پتا اس وقت چلا جب اس نے ڈاکٹر پاس جاکر اپنے منصوبے سے آگاہ کیا کہ وہ خاتون ٹیچر کو قتل کرنا چاہتی ہے کیونکہ وہ سمجھتی ہےکہ وہ جن مسائل اور پریشانی کا سامنا وہ کررہی ہے اس کی وجہ یہ خاتون ٹیچر اور اس کا رویہ ہے۔
انہی وجوہات کی بناء پر خاتون نے یہ منصوبہ بنایا جس سے وہ خاتون ٹیچر سے چھٹکارا پاکر اپنے بچے کو اپنے پاس رکھے۔
منصوبے کا پتا چلنے پر پولیس کو آگاہ کیا گیا جس پر پولیس نے خاتون کو گرفتار کرکے عدالت میں پیش کیا جہاں خاتون نے اپنے منصوبے کا اعتراف بھی کیا۔
عدالت نے قتل کا منصوبے بنانے پر خاتون کو 6 ماہ قید کی سزا سنادی۔

x

ساندہ(ایمرا نیوز)لاہور کے علاقے ساندہ میں جعلی عامل نےعلاج کرنےکے بہانے ملائیشین خاتون سے بیس لاکھ روپے ہتھیا لیے جس پر ایف آئی اے نے جعلی عامل کو بیٹے سمیت گرفتار کر لیا۔
ڈپٹی ڈائریکٹر آصف اقبال کے مطابق ایف آئی اے سائبر کرائم ونگ نے لاہور کے علاقہ ساندہ میں کارروائی کرتے ہوئے جعلی عامل فیاض اور اسکے بیٹے فہد کو گرفتار کر لیا ہے ۔
ملزم فیاض نے بلیک میجک کے نام سے انگلش ویب سائٹ بنا رکھی ہے جسے دیکھ کر گھریلو پریشانیوں سے تنگ ملائیشین خاتون ازلینا نے فیاض سے رابطہ کیا تو ملزم نے علاج کرنے کے بہانے خاتون سے بیس لاکھ روپے ہتھیا لیے ۔
ایف آئی اے کا کہنا ہے کہ ازلینا اپنے پاکستانی شوہر کے ساتھ جعلی عامل سے ملنے گوجرانوالہ پہنچ گئی اور عامل کی طرف سے مزید رقم کے مطالبے پرایف آئی اے کو شکایت کی ۔
ملزمان کے خلاف مقدمہ درج کر لیا گیا ہے ۔

نواب شاہ(ایمرا نیوز)بی سیکشن پولیس اسٹیشن کے مطابق ریلوے گوداموں کے قریب جھاڑیوں سے دو بچوں چندہ اور گلیو کی گلہ کٹی لاشیں برآمد ہوئیں جب کہ بچوں کی ماں بھی زخمی حالت میں ملی جس کا گلا کٹا ہوا تھا اور اس کی حالت نازک ہے۔
بعد ازاں ایس ایس پی تنویر حسین تنیو نے بتایا کہ واقع کی جگہ سے کچھ فاصلے پر جھاڑیوں میں چھپے ایک شخص ویرو کو حراست میں لیا گیا جس نے دوران تفتیش اقرار کیا کہ اس کے اپنی بہو کے ساتھ ناجائز تعلقات تھے اور دونوں کو قابل اعتراض حالت میں بچوں نے دیکھ کر شور مچایا تو قریب رکھی چھری سے دونوں بچوں کے گلے کاٹ دیئے جس پر بچوں کی ماں نے مزاحمت کی تو اس کا بھی گلا کاٹ دیا۔واب شاہ: بہو سے ناجائز تعلقات کا بھانڈا پھوٹنے پر سسر نے اپنے دونوں پوتوں اور بہو کو ذبح کر دیا۔

لاہور(ایمرا نیوز) 60 سالہ شخص نے پندرہ سالہ لڑکی کو زیادتی کا نشانہ بنا ڈالا۔15سالہ لڑکی کو زیادتی کے بعد قتل کرنے والے سفاک شخص نے نجی ٹی وی کے پروگرام میں لرزہ خیز انکشافات کیے ہیں۔سفاک شخص کا کہنا ہے کہ مجھ پر شیطان آیا ہوا تھا۔میں گھر گیا، گھر میں کوئی بندہ موجود نہیں تھا تو میں نے موقع پاتتے ہی بچی کو زیادتی کا نشانہ بنایا۔
جب اس نے شور مچانے کی کوشش کی تو میں نے اس کے منہ پر تھپڑ مارا۔سفاک شخص نے مزید کہا کہ بچی مجھے تایا کہہ کر پکارتی تھی۔لیکن اس وقت میرے ذہن پر شیطان سوار تھا اس لیے مجھے کچھ سمجھ نہیں آیا۔سفاک شخص نے بچی کے زیادتی کے بعد اس کے سارے جسم پر سگریٹ سے نشان لگائے اور سگریٹ سے اس کا جسم سلگاتا رہا۔بعدازاں اس کی لاش پر تیزاب بھی پھینکا۔
لڑکی کے اہل خانہ اس واقعے پر سخت غم وغصے میں ہیں اور قانون نافذ کرنے والے اداروں سے انصاف کی اپیل کر رہے ہیں۔
بچی کی والدہ کا کہنا ہے کہ میری بچی کے ساتھ زیادتی کرنے والے درندے کو ایسی سزا ملنی چاہئیے کہ اسے اپنے گناہوں کا احساس ہو۔
خیال رہے کہ بچیوں کے ساتھ زیادتی کے واقعات میں کوئی کمی دیکھنے میں نہیں آ رہی۔بچیوں کے ساتھ زیادتی کے واقعات میں مسلسل اضافہ ہو رہا ہے۔ہ بچیوں کے ساتھ زیادتی کے واقعات میں اضافہ انتہائی افسوسناک ہے،بچوں کو جنسی تشدد کا نشانہ بنانا بزدلی کے مترادف ہے، حکومت کو اس مسئلے کو سنجیدگی سے لینا چاہیے۔
لوگوں کا کہنا ہے کہ ااگر جنسی زیادتی کے کسی ایک ملزم کو سرعام پھانسی دے دی جائے توپاکستان میں دوبارہ ایک بھی جنسی زیادتی کا کیس رپورٹ نہیں ہو گا،ایسے لوگوں کو عبرت کا نشان بنایا جانا چاہیے۔

لاہور(ایمرا نیوز) پاکستان پوسٹل سروسز کے زیر نگرانی مضر صحت بھارتی گٹکا اسمگل کیے جانے کا انکشاف ہوا ہے۔میڈیا رپورٹس میں بتایا گیا ہے کہ پاکستان ریلویز نے بھارتی گٹکے کی اسمگلنگ کی کوشش ناکام بنا دی جو پاکستان پوسٹل سروسز کے پارسل میں موجود تھا۔مضر صحت نشہ آور بھارتی گٹکے اور چھالیہ کی بڑی کھیپ مسافر ٹرین سے برآمدہوئی۔
پاکستان پوسٹل سروس کے پارسلز کی صورت میں نشہ آور گٹکے بلوچستان سے سندھ سمگل کیے جا رہے تھے۔ذرائع کا کہنا ہے کہ اکبر ایکسپریس میں شامل پاکستان پوسٹل سروس کے ڈبے کی تلاشی کے دوران گٹکے اور چھالیہ برآمد ہوئی جن کی مالیت لاکھوں روپے ہے۔جب کہ ریلوے پولیس نے سمگلنگ میں ملوث دو افراد کو گرفتار کر لیا۔پاکستان پوسٹل سروس کی غیر قانونی اشیا کی ترسیل میں ملوث ہونے کی تحقیقات کرائی جائے گی۔
پوسٹل سروس اپنا سامان بغیر کسی تلاشی کے مسافر ٹرین کے ذریعے سے پارسل کرتی رہی ہے۔واضح رہے اب سے کچھ روز قبل ہی کسٹمز حکام نے لاہور اسلام آبادموٹروے پر کاروائی کرتے ہوئے افغان ٹرانزٹ ٹریڈ کی آڑ میں بھارتی سامان پاکستان اسمگل کرنے کی کوشش ناکام بنا دی تھی۔ممبر کسٹم جواد آغا کی ہدایت پر ماڈل کسٹم کلکٹر اسلام آباد کی اینٹی سمگلنگ مہم زوروشور سے جاری ہے۔
اس سلسلے میں کلکٹرکسٹمز سیما رضا بخاری اور ایڈیشنل کلیکٹر کسٹم عائشہ بشیروانی کی زیرنگرانی اسسٹنٹ کلکٹر کسٹمز فہد اقبال کی سربراہی میں خصوصی ٹیم تشکیل دی گئی۔اینٹی سمگلنگ کی اس خصوصی ٹیم نے ہفتے کے روز M2 موٹروے پر 40 فٹ لمبا کنٹینر پکڑا جو بظاہر تو خالی لگ رہا تھا لیکن اس کی خفیہ خانوں میں سمگلنگ کا مال چھپایا گیا تھا۔ کسٹم حکام نے کارروائی کے دوران سمگلنگ کا مالک قبضہ میں لے۔
کسٹمز حکام کا کہنا ہے کہ ضبط کیے گئے سامان میں بھارتی چیزیں شامل تھیں جو افغان ٹرانزٹ ٹریڈ کے ذریعے سے پہلے انڈیا سے درآمد کرکے افغانستان پہنچائی گئی اور وہاں سے انہیں پاکستان سمگل کر دیا گیا۔سمگل کیے جانے والے سامان کی مالیت 2 کروڑ روپے سے زائد ہے۔ کسٹمز حکام کو مذکورہ کارروائی سے مزید ڈیوٹی ادا کیے بغیر آنے والی گاڑیوں کا بھی سراغ ملا جن کے خلاف کارروائی جاری ہے۔

کراچی (ایمرا نیوز) ایف آئی اے سائبر کرائم سرکل کراچی نے نجی ٹی وی کی خاتون اینکر پرسن کی شکایت پر نجی ٹی وی چینل کے اینکر کو حراست میں لے لیا ہے۔میڈیا رپورٹس میں بتایا گیا ہے کہ سائبر کرائم حکام کے مطابق خاتون اینکر کی عریاں تصاویر سوشل میڈیا پر جاری کرنے کی شکایت پر کاروائی کی گئی۔
ایف آئی اے زرائع کا کہنا ہے کہ نجی ٹی چینل کی خاتون اینکر پرسن نے ایف آئی اے سائبر کرائم سرکل کی پورٹل پر ایک شکایت تحریر کی کہ سوشل میڈیا پر مختلف اکاؤنٹس کے زریعے سے ان کی تصاویر کو ایڈیٹ کر کے عریاں حالت میں اپلوڈ کیا جا رہا ہے جس پر ایف آئی اے سائبر کرائم سرکل کی ایک خاتون سب انسپکٹر سبین کو تفتیش سونپی گئی جس نے خاتون اینکر کے بیان اور ان کی جانب سے پیش کیے گئے شواہد کی روشنی میں نجی ٹی وی چینل کے اینکر پرسن ارشاد جاگیرانی کو حراست میں لے کر ایف آئی اے سائبر کرائم سرکل منتقل کیا۔

لاہور(ایمرا نیوز) پاکستان مسلم لیگ ن کی رہنما اور ایم پی اے راحیلہ خادم حسین بجلی چوری کرتے ہوئے پکڑی گئی۔میڈیا رپورٹس میں بتایا گیا ہے کہ لیسکو زرائع کا کہنا ہے کہ راحلیہ خادم حسین کی کارکس کالونی مغلپورہ میں واقع رہائشگاہ پر بوگس میٹر لگا کر بجلی چوری کی جا رہی تھی۔لیسکو چیف مجاہد پرویز چٹھہ کی ہدایت پر ایسٹرن سرکل کے سپرنٹنڈنٹ انجینئیر محمد رشید چوہدری کی نگرانی میں انگوری باغ سب ڈویژن میں رات گئے کاروائی کی گئی ہے۔
میڈیا رپورٹس میں مزید بتایا گیا ہے کہ ابتدائی اندازے کے مطابق خاتون رکن اسمبلی نے 5لاکھ روپے سے زائد کی بجلی چوری کی ہے۔ایس ای ایسٹرن سرکل محمد رشید چوہدری کا کہنا ہے کہ خاتون رکن اسمبلی کے خلاف اندارج مقدمہ کے لیے استغاثہ تھانہ مغلپورہ میں جمع کروا دیا ہے۔
لیسکو چیف کی ہدایت پر بجلی چوروں کے خلاف بلا امتیاز آپریشن کر رہے ہیں۔اس سے قبل گذشتہ سال ایک میڈیا رپورٹ میں بتایا گیا تھا کہ 22 اکتوبر 2019ء کو وزیر اعظم کی سربراہی میں اہم اجلاس ہوا۔
اجلاس میں بجلیچوروں کے خلاف فوری طور پر کریک ڈاؤن کرنے کا فیصلہ کیا گیا ۔ وزیراعظم نے کا کہنا تھا کہ کسی دوسرے کی چوری اور بد انتظامی کا خمیازہ عوام بھگتیں یہ قابل قبول نہیں۔ وزیراعظم کو بریفنگ میں بتایا گیا کہ بجلی چوری کی روک تھام کے سلسلے میں حکومت پنجاب کی جانب سے وزیرِ اعلیٰ کی زیرِ نگرانی خصوصی ٹاسک فورس بنا دی گئی ہے۔ ضلعی سطح پر متعلقہ ڈی سی اوز بجلی چوری کے خلاف کریک ڈاؤن کی نگرانی کریں گے۔
اس سلسلے میں دیگر صوبوں کو بھی ہدایت جاری کر دی گئی ہے۔ اس سلسلے میں بجلی چوروں کے خلاف آپریشن لاہوراور پنجاب میں شروع کیا گیا۔تاحال صوبہ بھر میں یہ آپریشن جاری ہے۔مزید بتایا گیا کہ مسلم لیگ ن کے سابق صوبائی رکن اسمبلی اور رہنما اختر بوسال کو بجلی چوری کرتے ہوئے رنگے ہاتھوں پکڑ لیا گیا۔گیپکو حکام کا کہنا تھا کہ مسلم لیگ ن کے سابق رکن صوبائی اسمبلی بجلی چوری میں ملوث تھے جن کے خلاف کاروائی کرتے ہوئے غیر قانونی کنکشن کاٹ دئیے گئے ہیں جبکہ سابق ایم پی اے سمیت 6 افراد کے خلاف مقدمہ بھی درج کیا جائے گا۔