Category جرائم

لاہور(کرائم رپورٹر/ایمرا نیوز)کاہنہ میں 12 سالہ لڑکی کی ہلاکت کا ڈراپ سین ہو گیا، مقتولہ کا قتل کوئی اور نہیں اس کا بڑا نکلاجس کو پولیس نے حراست میں لے لیا۔
نجی ٹی وی چینل دنیا نیوز کے مطابق ملزم سیف اللہ نے اپنی بہن کو موبائل فون استعمال کرنے سے منع کیا ،باز نہ آنے پر گھر کی چھت پر لے جاکر فائرنگ کر دی۔

پولیس کے مطابق ملزم نے فائرنگ کے بعد بندوق الماری میں چھپا دی تھی اور لاش کو ہسپتال منتقل کرنے کے بعد فرار ہوگیا تھا، جبکہ اہلخانہ نے واقعہ کو خودکشی کارنگ دینے کی کوشش کی۔

کالاشاہ کاکو(کرائم رپورٹر/ایمرا نیوز)راوی ریان بازار میں چو ر گودام اور 2دکانوں کے تالے توڑ کر لاکھوں روپے مالیتی سامان ، نقدی ، موبائل فون لے اڑے ، تاجر تنظیموں نے شدید احتجاج کیا، تفصیلات کے مطابق تھانہ صدر مریدکے کے علاقہ راوی ریان مین بازار سے گزشتہ شب چور الیکٹرونکس کی دکان کے تالے توڑ کرلاکھوں روپے مالیت کی اشیا، نقدی لوٹ کر فرار ہوگئے ۔حسین ٹاؤن روڈ پر محمد یونس خان کے کپڑے کے گودام سے دو لاکھ مالیت کا کپڑا چوری کر لیا گیا ۔ حسین ٹاؤن روڈ پر ہی محمد گلفام کی موبائل شاپ کے تالے تو ڑ کر موبائل فون، ایل سی ڈی اور نقدی چوری کرلی گئی۔ چوری کے واقعات پر تاجر تنظیموں نے شدید احتجاج کرتے ہوئے جلد از جلد ملزمان کی گرفتار ی کامطالبہ کیا ہے ۔

لاہور (کرائم رپورٹر/ایمرا نیوز) لاہور سیشن کورٹ میں ایک بار پھر گولیاں چل گئیں ، زمین کے تنازعے پر وکیل نے 2 وکلا کی جان لے لی ، ملزم اور مقتول دونوں آپس میں کزن ہیں ، پولیس نے ملزم کو گرفتار کر لیا۔
تفصیلات کے مطابق ، لاہور سیشن کورٹ میں 20 دن میں فائرنگ کا یہ دوسرا واقعہ سامنے آیا ہے ، ڈسٹرکٹ اینڈ سیشن جج شیخ تاثیر الرحمن کی عدالت کے باہر دو وکلا زمین کے تنازع پر آپس میں الجھ پڑے ۔ کاشف راجپوت نامی وکیل نے فائرنگ کر کے ساتھی وکیل رانا ندیم ایڈووکیٹ کی جان لے لی۔ فائرنگ کی زد میں آکر دوسرا وکیل بھی جاں بحق ہوگیا ۔ قاتل اور مقتول دونوں وکلا آپس میں رشتے دار تھے۔

پولیس کی بھاری نفری سیشن عدالت پہنچ گئی اور ملزم کو حراست میں لے لیا۔ رواں ماہ سیشن کورٹ میں فائرنگ کا یہ دوسرا واقعہ ہے۔ اس سے قبل 31 جنوری کو مخالفین کی فائرنگ سے قتل کا ملزم اور ہیڈ کانسٹیبل جاں بحق ہوگئے تھے ۔ وزیراعلٰی پنجاب شہباز شریف نے واقعے کا نوٹس لیتے ہوئے متعلقہ حکام سے رپورٹ طلب کرلی۔

دوسری جانب سیشن جج عابد حسین قریشی نے سیشن کورٹ میں فائرنگ کا نوٹس لے لیا اور کہا سکیورٹی کے باوجود اسلحہ اندر کیسے آیا ؟، عدالت نے ڈی آئی جی آپریشنز سے 2 گھنٹے میں رپورٹ طلب کر لی۔

گوجرانوالہ(کرائم رپورٹر/ایمرا نیوز)گوجرانوالہ میں تیز رفتاری کے باعث ٹریفک حادثہ میں میاں بیوی سمیت ایک ہی خاندان کے 4 افراد جاں بحق ہوگئے۔
ریسکیو ذرائع کے مطابق گوجرانوالہ کے علاقے سمن آباد میں ڈرائیور تیز رفتار کار موڑ کاٹتے ہوئے قابو نہ کرسکا جس کے نتیجے میں حادثہ پیش آیا۔
گاڑی نہر میں گرنے سے میاں بیوی اور دو بچے جاں بحق ہوئے، علاقہ مکینوں نے حادثے کے بعد اپنی مدد آپ کے تحت گاڑی نکالنے کی کوشش کی مگر وہ ناکام رہے۔
ریسکیو ٹیموں نے جائے حادثہ پہنچ کر لاشوں کو سول ہسپتال گوجرنوالہ منتقل کیا، حادثے کا شکار ہونے والے خاندان کا تعلق جڑانوالہ سے تھا۔
جاں بحق ہونے والے شخص کی شناخت ناصر کے نام سے ہوئی جبکہ گاڑی میں مقتول کی بیوی، پانچ سالہ بیٹا اور آٹھ سالہ بیٹی بھی موجود تھے۔
ریسکیو ذرائع کا کہنا ہے کہ گاڑی میں موجود فیملی وزیر آباد سے گوجرنوالہ جارہی تھی کہ تیز رفتاری میں موڑ کاٹتے ہوئے نہر میں جاگری۔

لاہور(کرائم رپورٹر/ایمرا نیوز)انٹر پول نے پاکستانی حکام کی درخواست پر معروف پولیس انسپکٹر عابد باکسر کو منگل کے روز دبئی سے کراچی پہنچادیا تاہم پاکستانی حکام اس عمل کی تصدیق نہیں کر رہے ۔عابد باکسر کی اہلیہ اور بیٹے عبد اللہ کا کہنا ہے کہ ہمیں دبئی کے امیگریشن حکام نے اس خبر کی تصدیق کی ہے ۔واضح رہے کہ عابد باکسر متعدد افراد کو جعلی پولیس مقابلوں میں مارنے میں ملوث بتا یا جاتا ہے۔ اس کے علاوہ وہ اداکارہ نرگس پر تشدد میں بھی ملوث رہا۔لاہور کا بدنام زمانہ گینگسٹر سابق پولیس انسپکٹر عابد باکسر، 90 کی دہائی میں خوف کی علامت تھا۔ کچھ روز قبل ملزم کو لاہور پولیس نے اشتہاری قراردے دیا تھا۔ عابد باکسر کی گرفتاری کیلئے ایک ماہ قبل انٹرپول کوخط لکھا گیا تھا۔ مجرم کے سر کی قیمت 3لاکھ روپے مقرر کی گئی ہے۔انسپکٹرعابدپرقتل،اقدام قتل،سمیت کئی مقد مات درج ہیں۔نرگس پر تشدد کے بعدفلم انڈسٹری میں اسے خوف کی علا مت تصور کیا جا تا رہا،اسپورٹس کے کوٹے پر بھرتی ہونے کی وجہ سے پنجاب پولیس کے اہلکار اسے ’عابد باکسر‘ کہنے لگے۔انسپکٹر عابد باکسر بھی پولیس فورس جوائن کرنے کے بعد اعلیٰ افسر وں اور حکومتی شخصیات کا منظور نظر بننے کی کوششوں میں لگ گیا، دو دہائی قبل اس پولیس افسر نے اپنے کیرئیر کا آغاز کیا تھا، تو جلد ہی ’انکاو¿نٹرز‘ میں ملز موں کو مارنے کی وجہ سے پورے صوبے میں مشہور ہوگیا۔جعلی ’انکاو¿نٹرز‘ میں لوگوں کو مارنے سمیت دیگر جرائم سامنے آنے کے بعد انسپکٹر عابد باکسر ملک سے فرار ہوگیا، 2007 کے بعد مبینہ طور پر وہ کبھی پاکستان نہیں آیا۔2007میں نوکری سے فارغ ہوا اور دبئی فرار ہوگیا۔

لاہور(کرائم رپورٹر/ایمرا نیوز)لاہور کی سیشن کورٹ میں نامعلوم افراد کی فائرنگ کے نتیجے میں ایک وکیل جاں بحق جبکہ ایک زخمی ہو گیا۔

ذرائع کے مطابق دو وکیلوں کا آپس میں جھگڑا ہوا جس کے بعد فائرنگ کا واقعہ پیش آیا۔ وزیراعلیٰ پنجاب شہبازشریف نے سیشن کورٹ میں فائرنگ کے واقعہ کا نوٹس لے لیا۔

پولیس کے مطابق جاں بحق وکیل کی شناخت رانا اشتیاق کے نام جبکہ زخمی ہونے والے وکیل کی شناخت آصف کے نام سے ہوئی ہے۔

ذرائع کے مطابق دونوں وکیل آپس میں قریبی رشتہ دار تھے، واقعہ ذاتی دشمنی کا شاخسانہ لگتا ہے۔پولیس نے فائرنگ کرنے والے ملزم کاشف کو گرفتار کرلیا ہے۔

ادھروزیراعلیٰ پنجاب شہبازشریف نے سیشن کورٹ میں فائرنگ کے واقعہ پر افسوس کا اظہار کیا اور واقعے کی انکوائری کا حکم دیتے ہوئے سی سی پی او لاہور سے رپورٹ طلب کرلی ہے۔

شہباز شریف نے کہا کہ ملزمان کے خلاف قانون کے تحت کارروائی عمل میں لائی جائے۔

لاہور(کورٹ رپورٹر/میڈیا 92نیوز)ضلع کچہری لڑکیوں کی نازیبا تصاویر کے ذریعے بلیک میل کرنے اور سوشل میڈیا پر اپ لوڈ کرنے کے کیس کا ملزم حماد خورشید 4 روزہ جسمانی ریمانڈ پر ایف آئی اے کے حوالے کر دیا۔جوڈیشل مجسٹریٹ امتیاز باجوہ نے ملزم کا 4 دن کا جسمانی ریمانڈ منظور کیا۔ایف آئی اے انسپکٹر منعم چوہدری نے عدالت کو بتایا کہ ملزم حماد خورشید اقرا طارق کی تصاویر ایڈٹ کر کے انہیں بلیک میل کرتا تھا۔ملزم لڑکی کی تصاویر ختم کرنے کےلئے ایک لاکھ روپے کی ڈیمانڈ بھی کر رہا تھا۔ملزم نے لڑکی کی تصاویر لڑکی کے رشتہ داروں کو بھی وٹس ایپ کیں۔ملزم کی وجہ سے لڑکی کی معاشرے میں تذلیل ہوئی۔ملزم سے اس کے استعمال میں موبائل فون، لیپ ٹاپ اور ڈیٹا کی ریکوری کرنی ہے۔ایف آئی اے نے عدالت سے استدعا کی کہ ملزم سے تصاویر کی ریکوری اور تفتیش کے لئے 14 دن کا جسمانی ریمانڈ منظور کیا جائے۔عدالت نے تفتیش کے لئے ملزم کو 4 دن کے جسمانی ریمانڈ پر ایف آئی اے کے حوالے کر دیا

پشاور(کرائم رپورٹر/میڈیا 92نیوز)خیبرپختونخوا حکومت آئندہ دو روز میں مشال خان قتل کیس میں 26 ملزمان کی بریت کے خلاف پشاور ہائی کورٹ میں اپیل دائر کر دے گی۔

صوبائی حکومت کی جانب سےجاری اعلامیہ کے مطابق صوبائی ایڈوکیٹ جنرل لطیف یوسفزئی کو مشال خان قتل کیس میں 26 ملزمان کی بریت کے فیصلے کے خلاف اپیل دائر کرنے کی ہدایت کر دی گئی ہے۔

جیو نیوز سے گفتگو میں ایڈوکیٹ جنرل خیبر پختونخوا لطیف یوسفزئی کا کہنا تھا کہ اپیل کا ڈرافٹ تیار کیا جا رہا ہے اور آئندہ دو روز میں اپیل پشاور ہائی کورٹ میں دائر کر دی جائے گی ا نہوں نے کہا کہ 26 ملزمان کی بریت کے خلاف حکومت پہلے ہی مشترکہ اپیل میں شامل ہوچکی ہے ۔

کراچی(کرائم رپورٹر/میڈیا 92نیوز)کراچی کےعلاقے ڈیفنس میں اینٹی کار لفٹنگ سیل پولیس کے ہاتھوں انتظار قتل کیس کی تحقیقات کے لیے نئی جے آئی ٹی تشکیل دے دی گئی۔ جوائنٹ انٹیروگیشن ٹیم نے فریقین کو پیر کو طلب کرلیا۔

پولیس ذرائع کے مطابق جے آئی ٹی کی تشکیل کا حکم نامہ جاری کردیا گیا ہے جس میں آئی ایس آئی (کم سے کم میجر درجے کا افسر)، ملٹری انٹیلی جنس (کم سے کم میجر درجے کا افسر)، انٹیلی جنس بیورو (ایس پی درجے کا افسر)، رینجرز اور اسپیشل برانچ شامل ہے۔

پولیس کی جانب سے ڈی آئی جی ساؤتھ جوائنٹ انٹیروگیشن ٹیم میں شامل کئے گئے ہیں۔ جےآئی ٹی میں پیش ہونے کیلئے مقتول انتظار کے والد کو نوٹس جاری کردیا گیا ہے جس کے مطابق اشتیاق احمد کو 19 فروری کو ایک بجے جے آئی ٹی کے سامنے پیش ہونے کا تحریری حکم جاری کیا گیا ہے۔

پولیس ذرائع کے مطابق جے آئی ٹی کا اجلاس پیر 19 فروری کی دوپہر پولیس ہیڈ آفس میں ایڈیشنل آئی جی سی ٹی ڈی کے دفتر میں ہوگا۔

انتظار قتل کیس کے حوالے سے اس سے قبل بھی جے آئی ٹی تشکیل دی گئی تھی جس پر ایک فریق نے عدم اعتماد کیا تھا۔

انتظار کوٹ 13 جنوری کی رات ڈیفنس کے علاقے میں چیکنگ کے دوران اینٹی کار لفٹنگ سیل کے عملے نے فائرنگ کرکے قتل کردیا تھا۔

فائرنگ کرنے میں براہ راست ملوث ایس ایس پی اینٹی کار لفٹنگ سیل مقدس حیدر کے گن مین شامل تھے۔ اس کیس میں نو پولیس افسران اور اہلکار گرفتار ہیں۔

(کرائم رپورٹر/میڈیا 92نیوز)بلدیہ ٹاو ن میں کزن سے ملنے والے نوجوان کو کزن کے شوہر نے چھری کے پے در پے وار کرکے قتل کردیا، جبکہ ایک نوجوان زخمی ہوگیا. تفصیلات کے مطابق اتحاد ٹاو ¿ن کے علاقے بلدیہ گلشن غازی ہزارہ چوک کے قریب چھری کے پے در پے وار سے ایک شخص ہلاک ہوگیا ،اطلاع ملتے ہی پولیس نے موقع پر پہنچ کر لاش کو تحویل میں لے کر قانونی کارروائی کیلئے قریبی اسپتال پہنچایا،

جہاں اسکی شناخت پرویز ولد رمداد کے نام سے ہوئی ، ایس ایچ او اسد اللہ منگی نے بتایا کہ مقتول اپنی کزن سے ملنے کیلئے آیا تھا کہ گھر میں موجود کزن کے شوہر عارف نے اس کو گھر میں آنے سے منع کیا اور وہاں سے بھگا دیا جس کے بعد مقتول اپنے گھر آگیا تھا کہ اسی دوران ملزم عارف نے مقتول کے گھر میں گھس کر چھری کے پے در پے وار کرکے پرویز کو قتل کردیا جبکہ اسکا بھائی شاہ زیب زخمی ہوگیا، پولیس نے کارروائی کے بعد لاش ورثاءکے حوالے کرکے ملزمان کی گرفتاری کیلئے چھاپہ مار کارروائیاں شروع کردی ہے.