Category جرائم

کراچی(کرائم رپورٹر/میڈیا 92نیوز)بلدیہ ٹاو ن میں کزن سے ملنے والے نوجوان کو کزن کے شوہر نے چھری کے پے در پے وار کرکے قتل کردیا، جبکہ ایک نوجوان زخمی ہوگیا. تفصیلات کے مطابق اتحاد ٹاو ¿ن کے علاقے بلدیہ گلشن غازی ہزارہ چوک کے قریب چھری کے پے در پے وار سے ایک شخص ہلاک ہوگیا

اطلاع ملتے ہی پولیس نے موقع پر پہنچ کر لاش کو تحویل میں لے کر قانونی کارروائی کیلئے قریبی اسپتال پہنچایا، جہاں اسکی شناخت پرویز ولد رمداد کے نام سے ہوئی ، ایس ایچ او اسد اللہ منگی نے بتایا کہ مقتول اپنی کزن سے ملنے کیلئے آیا تھا کہ گھر میں موجود کزن کے شوہر عارف نے اس کو گھر میں آنے سے منع کیا اور وہاں سے بھگا دیا جس کے بعد مقتول اپنے گھر آگیا تھا کہ اسی دوران ملزم عارف نے مقتول کے گھر میں گھس کر چھری کے پے در پے وار کرکے پرویز کو قتل کردیا جبکہ اسکا بھائی شاہ زیب زخمی ہوگیا، پولیس نے کارروائی کے بعد لاش ورثاءکے حوالے کرکے ملزمان کی گرفتاری کیلئے چھاپہ مار کارروائیاں شروع کردی ہے.

کراچی(کرائم رپورٹر/میڈیا 92نیوز)کراچی کے علاقے منگھوپیر میں غیرت کے نام پر شوہر کو قتل اور بیوی کو زخمی کرنے والے ملزم کوگرفتار کر لیا گیا ہے۔

پولیس کے مطابق گذشتہ روز منگھوپیر میں فائرنگ سے روزی خان نامی شخص جاں بحق ہوگیا جبکہ زینب زخمی ہے۔

پولیس نے قتل کا مقدمہ درج کرکے تفتیش کا آغاز کیا جس پرقتل میں ملوث مرکزی ملزم عبدالغنی کو گرفتار کر لیا۔ گرفتارملزم نے دوران تفتیش بتایا کہ اس نے اپنے کزن مشتاق کے ساتھ مل کرگھر کے دروازے پر دستک دی اور دروازہ کھلتے ہی گھر میں داخل ہوگیا۔

ملزم نے بتایا کہ اس کے پاس پستول اور مشتاق کے پاس چاقو تھا، اس نے روزی خان پر فائر کیاجو اس کے سر میں لگا، دوسری گولی چل نہ سکی تو پھپھو پر چاقوں سے وار کیا۔

ملزم نے مزید بتایا کہ وہ اور اس کا ساتھی واردات کے بعد نادرن بائی پاس کی طرف فرار ہوگئے۔ واردات کے دوران عبدالغنی زخمی ہوگیا تھا جس کے باعث اس کا ساتھی مشتاق اسے معمار کے پولیس تھانے چھوڑ کر فرار ہوگیا۔

پولیس کا کہنا ہے کہ ملزم کے ساتھی مشتاق کی گرفتاری کے لیے چھاپے مارے جا رہے ہیں۔

مقتول روزی خان نے14 ماہ قبل زینب سے پسند کی شادی کی تھی،روزی خان اورزینب کوئٹہ سے بھاگ کر کراچی آگئے تھے۔

ایس ایس پی ویسٹ عمر شاہد حامد کے مطابق روزی خان اور زینب نے گزشتہ سال شادی کی تھی، ابتدائی تحقیقات میں واقعہ ذاتی دشمنی کا نتیجہ لگتا ہے۔

لاہور(سٹاف رپورٹ/میڈیا 92نیوز)لاہور میں کلمہ چوک کے قریب موٹرسائیکل سواروں کی فائرنگ سے گورنمنٹ کالج یونیورسٹی کے پروفیسر جاں بحق ہوگئے۔

پولیس کے مطابق گورنمنٹ کالج یونیورسٹی لاہورشعبہ باٹنی کےپروفیسرتنظیم اکبر چیمہ اپنی گاڑی پر جا رہے تھےکہ موٹر سائیکل سوار افراد نے انہیں روکا اورفائرنگ کرکے قتل کر دیا،پولیس نے لاش پوسٹ مارٹم کے لیے اسپتال منتقل کرکے تفتیش شروع کر دی ۔

پولیس کے مطابق مقتول کو 4گولیاں ماری گئیں،3ٹانگوں اور ایک سینے میں لگی،شواہد کے مطابق ملزم فائرنگ سےپہلےمقتول سے باتیں کرتا رہا،قتل ذاتی عداوت کا شاخسانہ لگتاہے۔

دوسری جانب وزیراعلیٰ پنجاب محمد شہبازشریف نےسی سی پی او لاہورسے رپورٹ طلب کرتے ہوئےملزموں کی فوری گرفتاری کا حکم دےدیا۔

لاہور(سٹاف رپورٹ/میڈیا 92نیوز) علامہ اقبال انٹرنیشنل ایئرپورٹ پر امیگریشن حکام کی کارروائی، قصور کے رہائشی بلیک لسٹ مسافر کو ایران جاتے ہوئے گرفتار کر لیا۔

ایئرپورٹ امیگریشن ذرائع کے مطابق قصور کا رہائشی مسافر مدثر حسین مشہد جاتے ہوئے ماہان ایئر کی پرواز 110 سےگرفتار کیا گیا۔ مسافر کی کلیئرنس کے دوران کمپیوٹر سسٹم نے اسے بلیک لسٹ قرار دیا۔

مدثر حسین کے خلاف 4 اگست2017میں ایف آئی آر بھی درج کی گئی۔ جس میں وہ تاحال مطلوب ہے۔ ایف آئی اے نے مسافر کو ایئرپورٹ سے گرفتار کر کے مزید تفتیش کے لیے جیل منتقل کر دیا۔

سیالکوٹ (میڈیا 92نیوز)سیالکوٹ میں ایک شخص نے گھر میں گھس کر 4 لڑکیوں پر تیزاب پھینک دیا جس پر متاثرہ لڑکیوں کو طبی امداد کیلئے ہسپتال منتقل کردیا جبکہ ملزم موقع سے فرار ہو گیا۔
تفصیلات کے مطابق تیزاب گردی کی واقعہ سیالکوٹ کے نواحی گاو¿ں پکاگڑھا میں پیش آیا جہاں ملزم نے گھرمیں گھس کر 4 لڑکیوں پرتیزاب پھینک دیاجس پر متاثرہ لڑکیوں کوعلامہ اقبال ہسپتال منتقل کردیا گیا،واقعہ میں 20 سالہ لڑکی کاچہرہ جھلس گیا۔
پولیس کے مطابق ملزم دودھ دینے کے بہانے گھرمیں داخل ہوا،ملزم نے مقدمہ درج کرکے تفتیش شروع کردی۔

لاہور(کرائم رپورٹر/M-92)شہور آرٹسٹ افتخار ٹھاکر نے کہا ہے کہ موٹروے پولیس تھیلیسیمیا کے مرض میں مبتلا بچوں کے لیے خون عطیات اورعوام الناس میں آگہی پیدا کرنے میں کلےد ی کردار ادا کر سکتی ہے ۔موٹروے پولیس کی ایمانداری ،کام سے لگن اور مدد کرنے کا جذبہ اس بیماری کے خاتمے مےں لازمی طور پر مدد گار ہو گا ۔ وہ مو ٹروے پولےس بابو صابو بلڈ نگ لاہور مےں سنٹر ل زون لاہور کے زےر اہتمام روڈ سےفٹی پروگرام مہمان کے ساتھ اےک آوور پروگرام مےں افسران سے بات چےت کر تے ہو ئے کےا ڈی آئی جی مو ٹروے پولےس مرزا فاران بےگ اےس اےس پی مسرور عالم کلاچی ، اور موٹروے پولےس افسران و ملازمان کی کثےر تعداد بھی اس مو قع پر موجود تھے۔مشہور آرٹسٹ افتخار ٹھاکر نے کہا ہے کہ صبح کا اےک مثبت خےال پورے دن کو بہتر بنا سکتا ہے ، اےک دوسرے کی مدد کر کے کی ہی ہم خو شےاں سمےٹ سکتے ہےں اور ےہی حقےقی انسا نےت ہے ۔ مو ٹروے پولےس قو می شاہرات پر مشکل مےں مبتلا افراد کی خدمت کر کے پورے معا شرے کے لےے مشعل راہ ہے ۔ انہوں نے مذےد کہا کہ روڈ سےفٹی اےک سماجی مسئلہ ہے ہم سب کو ملکر اپنی زمہ دارےوں کا ادارک کرنا ہوگا۔ افتخار ٹھاکر نے اس مو قع پر اپنے مخصوص مذاحےہ انداز مےں اپنے زندگی کے تجر بات کو بےان کےا جس سے تما م حا ضر ےن بہت محظوظ ہوئے ۔ ڈی آئی جی مو ٹروے پولےس مرزا فاران بےگ نے اپنے خطاب مےں کہا کہ موٹروے پولےس افتخار ٹھا کر کے ساتھ مل کر ھیلیسیمیا کے مرض میں مبتلا بچوں کی فلا ح و بہبود کے اور اس مر ض کی آگہی کے بارے مےں اقدامات کر ےں گے تاکہ اس موذی مر ض سے ہمارے بچوں کو نجات مل سکے ۔

لاہور(میڈیا پاکستان) متعدد وارداتوں میں شہریوں کو لاکھوں روپے کی نقدی، زیورات اور دیگر قیمتی اشیاء سے محروم کردیا گیا۔ مزنگ میں بشیر کے گھر سے دو ڈاکو فیملی کو یرغمال بناکر 4لاکھ20ہزار کی نقدی اور قیمتی سامان لے گئے۔ نصیر آباد میں کاشف کی فیملی کو یرغمال بناکر2لاکھ45ہزار روپے اور زیورات لوٹ لئے گئے ۔ ریس کورس میں مقصود کی فیملی سے ڈاکو2لاکھ45ہزار کی نقدی اور زیورات لوٹ کرفرار ہوگئے۔نیوانازکلی میں ظفر کے گھر سے فیملی کو یرغمال بناکر2 لاکھ روپے اور موبائل فون، ملت پارک میں بابر کی فیملی کو یرغمال بناکر2لاکھ10ہزار روپے اورموبائل فون جبکہ فیصل ٹاؤن میں اعجاز ، مناواں میں گوہر کی گاڑیاں اور اکبری میں محمود، مسلم ٹاؤن میں جمیل، نواب ٹاؤن میں نذر، ہربنس پورہ میں فیصل اور ہنجروال میں ارشد کی موٹرسائیکلیں چویرکرلیں گئیں۔

لاہور(میڈیا پاکستان) شادی کی تقریب میں کسی کے پاس آٹومیٹک پستول تھی تو کسی کے پاس رائفل۔ آتشیں اسلحہ سے لیس قانون شکن افراد جو اپنی طاقت کے نشے یا اثر و رسوخ کے گھمنڈ میں مبتلا تھے، اندھا دھند فائرنگ کرتے رہے اور علاقہ گولیوں کی تڑتڑاہٹ سے گونجتا رہا لیکن قانون کے رکھوالوں کو خبر تک نہ ہوئی۔
میڈیا پر خبر نشر ہوئی تو وزیر اعلیٰ پنجاب شہباز شریف اور آئی جی پنجاب عارف نواز خان نے واقعہ کا نوٹس لے لیا اور سی سی پی او لاہور سے 24 گھنٹے میں واقعہ کی مکمل رپورٹ طلب کرتے ہوئے ملزموں کی فوری گرفتاری کا حکم دے دیا۔

لاہور(میڈیا پاکستان) ڈکیتی کی وارداتوں میں ڈاکوؤں نے شیراکوٹ کے علاقے میں حمید کی فیملی سے 4لاکھ نقدی اور موبائل فون ٹاؤن شپ کے لاقے میں رضا کے گھر سے3لاکھ35ہزار نقدی اور قیمتی سامان اچھرہ کے علاقہ میں احسان کے گھرسے 2لاکھ45لاکھ ہزار نقدی زیورات اور موبائل فون فیکٹری ایریا کے علاقہ میں اعجاز کے گھرسے2لاکھ10ہزار نقدی اور زیورات نواں کوٹ کے علاقہ میں کاشٹ کے گھر سے 1لاکھ نقدی اور موبائل فون برکی کے علاقہ میں موسی کی فیملی سے موبائل فون اور90ہزار نقدی لوٹ لی۔علاوہ ازیں لندن سے آنیوالی خاتون سے شمالی چھاؤنی کے علاقے میں پولیس کی وردی میں ملبوس4ڈاکوؤں نے تلاشی کے بہانے گن پوائنٹ پر لاکھوں روپے مالیت کی غیر ملکی کرنسی اور زیورات لوٹ کر لے گئے۔

لاہور(میڈیا پاکستان) سی ٹی ڈی نے دریائے راوی کے قریب ساندہ کے علاقے میں کارروائی کرتے ہوئے 5 دہشت گردوں کو ہلاک کر دیا جب کہ 3 ملزمان اندھیرے کا فائدہ اٹھاتے ہوئے فرار ہو گئے۔ایکسپریس نیوز کے مطابق سی ٹی ڈی نے مصدقہ اطلاع پر ڈیرہ سائیں کے قریب ساندہ کے علاقے میں پناہ لئے ہوئے دہشت گردوں کی اطلاع پر کارروائی کی، دہشت گردوں اور سی ٹی ڈی کے اہلکاروں کے درمیان ڈیڑھ گھنٹے تک فائرنگ کا تبادلہ جاری رہا جس کے تنیجے میں 5 دہشت گرد ہلاک جب کہ 3 اندھیرے کا فائدہ اٹھا کر فرار ہونے میں کامیاب ہو گئے جن کی گرفتاری کے لئے سرچ آپریشن جاری ہے۔
سی ٹی ڈی ذرائع کے مطابق ہلاک دہشت گردوں کے قبضے سے بارود، کلاشنکوف اور موٹر سائیکلیں برآمد ہوئیں جبکہ ہلاک ہونے والے ایک دہشت گردی کی شناخت ضرار کے نام سے ہوئی ہے جو بہاولپور کا رہائشی ہے۔