Category صحت

(ایمرا نیوز آن لائن) خیبر پختونخوا میں پولیو کے 4 نئے کیسز سامنے آگئے جس کے بعد رواں برس صوبے میں پولیو کے مریضوں کی تعداد 79 ہو گئی ہے۔ ایمرجنسی آپریشن سینٹر کے مطابق لکی مروت کی تحصیل سرائے نورنگ میں 3 بچوں میں پولیو وائرس کی تصدیق ہوئی ہے جب کہ پولیو وائرس سے متاثرہ ایک بچے کا تعلق ٹانک سے ہے۔ آپریشن سینٹر کے مطابق رواں سال سب سے زیادہ پولیو کیسز لکی مروت میں سامنے آئے، رواں سال لکی مروت میں پولیس کیسز کی تعداد 27 ہو گئی ہے جب کہ دوسرے نمبر پر بنوں ہے جہاں اب تک پولیو کے 24 کیسز رپورٹ ہو چکے ہیں۔ ای او سی کے مطابق رواں سال خیبر پختونخوا میں اب تک پولیو کے 79 کیسز رپورٹ ہو چکے ہیں۔ لوئردیر میں فائرنگ سے انسداد پولیو مہم پر مامور دو پولیس اہلکار جاں بحق

اسلام آباد (ایمرا نیوز آن لائن)مچھلی انسانی صحت کیلئے کتنی فائدہ مند ہے؟
یوں تو سارا سال ہی مچھلی کھائی جاتی ہے لیکن سرد موسم کے آتے ہی مچھلی کی مانگ میں اضافہ ہوجاتا ہے اور جگہ جگہ مچھلی کے اسٹالز نظر آنے لگتے ہیں۔ سرد موسم میں ’سی فوڈ‘ کھانا ہو تو عموماً مچھلی کا ہی انتخاب کیا جاتا ہے۔ ہمارے ملک میں مچھلی کی کئی اقسام پائی جاتی ہیں مثلاً پاپلیٹ، سرمئی، بام، رہو، گلفام، ٹراؤٹ، سلور، سنگھاڑا اورتھیلہ وغیرہ۔

مچھلی کے شوقین افراد کہتے ہیں کہ سرد موسم میں گرما گرم مچھلی کھانے کا مزا ہی کچھ اور ہے، لیکن کیا آپ جانتے ہیں کہ مچھلی نہ صرف ذائقہ میں لذیذ ہوتی ہے بلکہ یہ صحت کے لیے بھی بے شمار فوائد کا مجموعہ ہے۔ طبی ماہرین مچھلی کو اس سیارے پر پائی جانے والی صحت بخش غذاؤں میں سے ایک قرار دیتے ہیں کیونکہ یہ انسانی صحت کے لیے مخصوص اور اہم ترین غذائی اجزاء مثلاًپروٹین اور وٹامن ڈی سے مالا مال ہوتی ہے۔ یہی نہیں، مچھلی کو دماغ اور جسم کے لیے ضروری غذائی جزو مثلاً اومیگا تھری فیٹی ایسڈ کا بھی اہم ترین ذریعہ سمجھا جاتا ہے۔ آئیے آج کی تحریر میں مچھلی کے بیش بہا فوائد پر بات کرتے ہیں۔

مچھلی انسانی صحت کیلئے کتنی فائدہ مند ہے؟
غذائی اجزاء کی زائد مقدار

مچھلی ایسے بہت سے غذائی اجزاء سے مالامال ہے، جن کی کمی کا سامنا آجکل زیادہ تر افراد کو کرنا پڑ رہا ہے۔ ان غذائی اجزاء میں اعلیٰ معیار کا پروٹین، آئیوڈین، مختلف وٹامنز اور منرلز شامل ہیں۔ چربی کی خاص اقسام بھی صحت بخش تصور کی جاتی ہیں، یہی وجہ ہے کہ چربی کی مخصوص مقدار رکھنے والی مچھلیاں مثلاً سامن، ٹراؤٹ، سارڈینز، ٹونا اورمیکریل انسانی جسم کو صحت بخش فوائد پہنچانے کا سبب بنتی ہیں۔ مچھلی کی ان قسموں میں وٹامن ڈی پایا جاتا ہے، جس کی کمی کاسامنا زیادہ تر افراد کو ہوتا ہے ۔

دماغی صحت کا فروغ

عمر بڑھنے کے ساتھ ساتھ انسان کے دماغ کے کام کرنے کی صلاحیت بھی کم ہونے لگتی ہے۔ اگر آپ ہر عمر میں اپنے دماغی افعال کو بہتر رکھنا چاہتے ہیں تو اومیگا تھری فیٹی ایسڈ کی خاص مقدار کو آپ کی غذا میں شامل ہونا ضروری ہے۔ طبی ماہرین ہفتے میں دو بار ڈی ایچ اے (اومیگا تھری کی قسم) کا حصول دماغی صحت کے لیے بہترین تصور کرتے ہیں۔ دوسری جانب مختلف مشاہدات سے یہ بھی پتہ چلتا ہے کہ وہ افراد جو مچھلی کو باقاعدگی سے اپنی غذا میں شامل کرتے ہیں، ان میں عام افراد کی نسبت دماغی بیماریوں کا خطرہ کم پایا جاتا ہے۔

امراض قلب، فالج کے خطرے میں کمی

دنیا بھر میںقبل از وقت اموات کی دو سب سے عام وجوہات (امراض قلب اور فالج) ہیں۔ دل کو صحت مند رکھنے والی غذاؤں میں مچھلی کو سرفہرست تصور کیا جاتا ہے۔ مچھلی پر کی جانے والی مختلف تحقیقات سے یہ ثابت کیا جاچکا ہے کہ جو افراد مچھلی کا باقاعدگی سے استعمال کرتے ہیں ان میں فالج، ہارٹ اٹیک اور دیگر قلبی بیماریوں کے باعث ہونے والی اموات کا خطرہ کم پایا جاتا ہے۔

امریکا میں 40ہزار مردوں پر مشتمل ایک مطالعے کے ذریعے ثابت کیا گیا ہے کہ وہ افراد جو ہفتے میں ایک یا ایک سے زائد بار مچھلی کھاتے ہیںان میں دل کی بیماریوں کا خطرہ عام افراد کی نسبت 15فیصد کم پایا جاتا ہے۔ محققین کا کہنا ہے کہ مچھلی میں موجود اومیگا تھری فیٹی ایسڈ اسے انسانی دل کے لیے زیادہ سے زیادہ فائدہ مند غذا بناتا ہے۔

ڈپریشن سے چھٹکارا

موجودہ دور میںڈپریشن ایک عام دماغی مرض بن گیا ہے، جو کہ اداسی، مزاج کی خرابی، افسردگی، توانائی کی کمی اور جسمانی سرگرمیوں میںدلچسپی نہ ہونے جیسے مسائل کا باعث بنتا ہے۔ ڈیڑھ لاکھ سے زائد افراد پر مشتمل مطالعے کے ذریعے یہ بات سامنے آئی ہے کہ جو افراد مچھلی کا استعمال باقاعدگی سے کرتے ہیں ان میں ڈپریشن کے خطرات عام افراد کی نسبت 17فیصد کم پائے جاتے ہیں۔ ڈپریشن سے محفوظ رہنے کی خاص وجہ مچھلی میں پائی جانے والی چربی کی مخصوص قسم یعنی اومیگا تھری فیٹی ایسڈ ہی ہے۔

بچوں کی افزائش اور نشوونما

اومیگا تھری فیٹی ایسڈ کو افزائش اور نشوونما کے لیے ضروری قرار دیا جاتا ہے۔ اومیگا تھری کی ایک قسم ڈی ایچ اے (Docosahexaenoic Acid)جو کہ مچھلیوں میں پائی جاتی ہے ، وہ انسانی دماغ اور آنکھوں کے لیے اہم ہے۔ یہی وجہ ہے کہ طبی ماہرین حاملہ اور دودھ پلانے والی خواتین کو اومیگا تھری فیٹی ایسڈ پر مشتمل غذائیں تجویز کرتے ہیں۔ تاہم مچھلی کی کچھ قسموں میں پائے جانے والے mercury(جو عام طور پر دماغی مسائل کی نشوونما کا سبب بنتا ہے) کے باعث حاملہ خواتین کے لیے ہفتہ بھر میں 12اونس سے زائد مچھلی کی مقدار نقصان دہ تصورکی جاتی ہے ۔

وٹامن ڈی کا اہم ذریعہ

وٹامن ڈی انسانی جسم میں ایک اسٹیرائڈ ہارمون کی طرح کام کرتا ہے (تقریباً41.6امریکی آبادی اس ہارمون کی کمی کا شکار ہے)۔ مچھلی کی کئی اقسام مثلاًسامن اور خار ماہی (ہیرنگ) وٹامن ڈی کا بہترین ذریعہ سمجھی جاتی ہیں۔113گرام پکی ہوئی سامن مچھلی کی مقدار میں 100فیصد وٹامن ڈی پایا جاتا ہے۔ وہ افراد جو روزانہ دھوپ سے فائدہ حاصل نہیں کرپاتے، ان کے لیے لازمی ہے کہ وہ وٹامن ڈی کے حصول کے لیے مچھلی کو اپنی خوراک کا لازمی حصہ بنائیں تاکہ ان کے جسم میں وٹامن ڈی کی کمی نہ ہو۔

اسلام آباد(ایمرا نیوز آن لائن)دلہن بننے والی ہیں؟ موسمبی کا استعما ل لازمی کریں موسم سرما کا مزیدار کھٹا میٹھا پھل موسمبی صحت اور خوبصورتی کے لیے یکساں مفید ہے،اگر آپ دلہن بننے والی ہیںتو چکنی اور خشک جلد دونوں کے لیے مفید پھل موسمبی آپ کی جلد کو دِنوں میں تروتازہ اور جاذب نظر بنا سکتا ہے ۔

ماہرین غذائیت کے مطابق موسمبی میں پروٹین اور کاربز سے زیادہ وٹامن سی اور فائبر پایا جاتا ہے جس کے باعث اس پھل کا استعمال معدے کی صحت اور جلد کو براہ راست خوبصورت بناتا ہے ۔

ماہرین کے مطابق چہرے کی جلد کا معدے سے براہ راست تعلق ہے، آپ جو کھاتے ہیں تو اس کا اثر آپ کے چہرے کی جلد پر بھی آتا ہے ، اسی لیے اگر آپ دلہن بننے والی ہیں تو اس پھل کا استعمال لازمی کریں ۔

موسمبی سے کلینزنگ کریں:

اگر آپ کے پاس بہت کم دن رہ گئے ہیں تو آج ہی کھانے کے ساتھ موسمبی کا بیرونی استعمال بھی شروع کر دیں، اس کے لئے موسمبی کو درمیان میں سے کاٹ کر دو حصے کر لیں اور اب اس کے ساتھ گول گول دائروں میں گھماتے ہوئے چہرے ، گردن بازؤں سمیت ہاتھوں پر کلینزنگ کریں، اس عمل کو روزانہ 8 سے10 منٹ دہرائیں، چند دِنوں ہی میں واضح طور پر رنگ گورا اور جِلد کیل مہاسوں سے پاک ہو جائے گی۔

جلد پر سورج کی شعاؤں کے نتیجے میں پڑنے والے سیاح دھبوں کا علاج

دلہن بننے والی ہیں؟ موسمبی کا استعما ل لازمی کریں
دن کے اوقات میں باہر نکلنے کی وجہ سے ہاتھ ، پاؤں ، بازو اور چہرے پر اکثر کالے دھبے پڑ جاتے ہیں جو وقت کے ساتھ کافی نمایاں نظر آنے لگتے ہیں ، ان سے چھٹکارہ حاصل کرنا آسان بات نہیں ، مگر آپ پریشان نہ ہوں ، اس کا حل بھی موسمبی میں موجود ہے۔

ایک موسمبی لیں اور اسے چھیل لیں ، اب اس میں ایک چٹکی ہلدی اور ایک چائے کا چمچ شہد ملائیں، انہیں اچھی طرح ملا کر چہرے پر 5 سے 7 منٹ تک لگائیں اور دھو لیں، اس عمل کو ہفتے میں 2 سے 3 بار دہرائیں، اس فیس ماسک سے جلد صاف شفاف اور کھلتی ہوئی نظر آئے گی اور چہرے ، ہاتھ ، پاؤں اور گردن کی رنگت ایک جیسی ہو جائے گی۔

آنکھوں کے گرد حلقوں کا علاج

دلہن بننے والی ہیں؟ موسمبی کا استعما ل لازمی کریں
اگر آپ کی آنکھوں کے گرد سیاح حلقے موجود ہیں، آنکھوں کے نیچے ’ آئی بیگز ‘ بن جاتے ہیں تو اس کے لیے ایک چمچ موسمبی کا رس، دو چمچ پسا ہواکیلا، ایک چمچ کھیرے کا رس اور ایک وٹامن ای کا کیپسو ل لیں اور ان چاروں اجزا کو اچھی طرح یکجان کر لیں اور 5 منٹ کے لیے فریج میں رکھ دیں۔

اب اس مرکب میں روئی ڈبو کر اپنے آنکھوں پر رکھیں اور 10 سے 12 منٹ تک رکھے رہنے دیں، بعد ازاں ان روئی کے پھالوں سے آنکھوں کے گرد مساج کریں اور آنکھیں دھو لیں۔اس عمل کو روزانہ دہرائیں ، حیران کن نتائج سے آپ بھی حیران رہ جائیں گی۔

لندن(ایمرا نیوز آن لائن): سیب کھاؤ اور ڈاکٹر بھگاؤ کی مثل ہم سنتے آئے ہیں جس میں بڑی حد تک صداقت بھی ہے لیکن اب روزانہ دو سیب کھانے سے کولیسٹرول میں بھی کمی واقع ہوسکتی ہے۔
یہ بات ایک نئے مطالعے سے سامنے آئی ہے جس میں کہا گیا ہے کہ خون میں مضرِ صحت یا ’برے کولیسٹرول‘ کے شکار خواتین و حضرات اگر چند ہفتوں تک روزانہ دو سیب کھائیں تو اس سے چار سے پانچ فیصد تک کولیسٹرول کم ہوجاتا ہے۔ اس کی وجہ یہ ہے کہ سیب میں ریشہ (فائبر) اور پولی فینولز موجود ہوتے ہیں۔

سیب اور کولیسٹرول میں کمی کا تعلق اب تک سامنے نہیں آسکا لیکن سائنس دانوں کا اصرار ہے کہ شاید بعض قسم کے پولی فینولز کولیسٹرول گھٹانے کی وجہ بنتے ہیں۔ وجہ کوئی بھی ہو کولیسٹرول کی دل دشمنی بالکل واضح ہے۔ یہ خون کی شریانوں میں چربی جمع کرکے اسے تنگ کرتی ہے جس سے خون کی روانی شدید متاثر ہوتی ہے۔ اس طرح امراضِ قلب اور فالج جیسے خطرات پیدا ہوجاتے ہیں۔

برطانیہ میں ریڈنگ یونیورسٹی سے وابستہ پروفیسر جولی لوگرو نے درمیانی عمر کی 40 خواتین اور حضرات کو دو حصوں میں تقسیم کیا۔ ان میں سے ایک گروہ کو سیب کا رس دیا گیا اور دوسرے کو روزانہ دو سیب کھلائے گئے۔ چھ ہفتے بعد جن افراد نے سیب کھایا تھا ان میں برے کولیسٹرول کی چار سے پانچ فیصد مقدار کم ہوگئی۔

اگرچہ یہ فرق قدرے کم ہے لیکن کسی دوا کے بغیر محض غذا کے ذریعے کولیسٹرول میں کمی ایک بہترین عمل ہے جس کے ذریعے علاج بالغذا کی راہیں کھل سکتی ہے۔
دیگر ناقدین کا کہنا ہے کہ اس مطالعے میں بہت کم لوگ شامل کیے گئے ہیں اور ضروری ہے کہ دیگر تمام عوامل کو شامل کرتے ہوئے ایک بڑی آبادی پر اس کے اثرات دیکھے جائیں۔

لاہور(ایمرا نیوز آن لائن)منہ سے بدبو آنا ایک بہت ہی ناگوار احساس ہوتا ہے نا صرف سامنے والے شخص کے لیے بلکہ اس سے انسان خود بھی شرمندہ ہوجاتاہے۔سب سے پہلے ہم سمجھاتے ہیں کہ منہ سے بدبو آخر کیوں آتی ہے؟اس کی کوئی ایک وجہ نہیں بلکہ بے شمار وجوہات ہو سکتی ہیں۔ ڈاکٹرز کے مطابق مسلسل منہ سے بدبو آنے کی وجہ وہ جراثیم ہوتے ہیں جو منہ کے اندر موجود ہوتے ہیں۔

یہ بیکٹیریا انسان کے منہ کے اندر ایسی گیس پیدا کرتے ہیں جس کی وجہ سے منہ سے بدبو آنے لگتی ہے۔دراصل جب انسان کچھ بھی کھاتا ہے تو یہ بیکٹیریا منہ میں موجود شکر اور اسٹارچ کو توڑتے ہیں جس کی وجہ سے بدبو آتی ہے۔

ماہرین طب کے مطابق منہ سے بدبو آنا ایک بیماری ہے جسے سائنسی اصطلاح میں ’ہیلیٹوسس‘ کہتے ہیں۔ ڈاکٹرز کا کہنا ہے کہ اگر مسلسل منہ سے بدبو آئے تو فوراً دانتوں کے ڈاکٹر سے رجوع کرنا چاہیے۔یہ تو ہم نے آپ کو منہ سے بدبو آنے کی کچھ وجوہات بتائیں ہیں لیکن اسے پڑھ کر آپ کو پریشان ہونے کی بالکل ضرورت نہیں ہے۔

کیونکہ آج ہم آپ کو اس بیماری کو حل کرنے کے کچھ ایسے ٹوٹکے بتائیں گے جو انسان باآسانی گھر میں کرکے منہ کی بدبو سے چھٹکارا حاصل کرسکتا ہے۔
پانی کا زیادہ استعمال
ڈاکٹرز کا کہنا ہے کہ اگر آپ کم پانی پیتے ہیں جس سے منہ خشک رہتا ہے تو اس حالت میں منہ میں بدبو آنے کے امکانات میں اضافہ ہوجاتا ہے۔
خشک منہ کی وجہ سے ہمارے منہ میں تھوک بنانے والے ہارمونز یا گلینڈز متاثر ہوتے ہیں۔ اس لیے ہم سب کو چاہیے کے ہم اپنا منہ ہائیڈریٹ یعنی نم رکھیں۔
یونائیٹڈ اسٹیٹس فوڈ اینڈ نیوٹریشن بورڈ کے مطابق خواتین کو دن بھر میں 3.7 لیٹرز جب کہ مردوں کو 2.7 لیٹرز پانی پینا ضروری ہے۔
سبز چائے
سبز چائے میں اینٹی آکسیڈنٹس پائے جاتے ہیں جو کہ بیکٹیریا کے خلاف مزاحمت کرتے ہیں۔
ڈاکٹرز کے مطابق سبز چائے میں ’ Epigallocatechin-3-gallate ‘ جُز پایا جاتا ہے جو مسوڑھوں کے مسائل اور منہ سے بدبو ختم کرنے میں معاون ثابت ہوتا ہے۔
ٹی ٹری تیل کا استعمال
منہ میں موجود بیکٹیریا کچھ ایسی گیس کا اخراج کرتے ہیں جس کی وجہ سے منہ میں بدبو آتی ہے لیکن ایک تحقیق کے مطابق ٹی ٹری تیل کا استعمال کرنا ان بیکٹیریا کی تعداد کو کافی حد تک کم کرتا ہے۔
ایک کپ گرم پانی میں چند قطرے ٹی ٹری تیل کے شامل کر کے اچھی طرح منہ میں گھما کر کلیاں کرنا بہت معاون ثابت ہوتا ہے۔
دار چینی کا تیل
اگر آپ کے بھی منہ سے بدبو آتی ہے تو گرم پانی میں دار چینی کے تیل کے کچھ قطرے شامل کرکے اچھی طرح اس سے کلیاں کیجیے ایسا کرنے سے آپ خود فرق محسوس کریں گے۔
دارچینی کے تیل میں یہ خاصیت ہوتی ہے کہ وہ منہ اور مسوڑھوں کے مسائل کو حل کرنے میں بے حد مددگار ثابت ہوتا ہے۔
خوشبو دار مصالحہ جات
ایسے مصالحہ جات جو خوشبو دار ہوتے ہیں ان میں لونگ،سونف اور الائچی سرِفہرست ہے۔
اگر آپ کے منہ سے بدبو آتی ہے اور آپ پریشان ہیں تو اپنے منہ میں ایک الائچی چپا کر تھوڑی دیر رکھ لیجیے ایسا کرنے سے منہ کی بدبو اسی وقت ختم ہوجاتی ہے۔

لاہور(ایمرا نیوز آن لائن)2023 تک پولیو کے خاتمے کا سرٹیفکیٹ حاصل کر لیں گے۔ وزیراعظم کے معاون خصوصی برائے صحت ڈاکٹر ظفر مرزا کا کہنا ہےکہ 2023 تک پولیو کے خاتمے کا سرٹیفکیٹ حاصل کر لیں گے۔

ڈاکٹر ظفر مرزا نے کہا کہ انسداد پولیو مہم میں کوئی غیر ذمہ داری نظر آئی تو سخت ایکشن لیں گے، 2020 میں ہم پاکستان میں بڑھتے ہوئے پولیو کیسز کو روک پائیں گے۔

وزیراعظم کے معاون خصوصی برائے صحت نے مزید کہا کہ 2022 کے آخر تک پولیو ختم کر چکے ہوں گے یا اس کے قریب ہوں گے جب کہ 2023 تک پولیو کے خاتمے کا سرٹیفکیٹ حاصل لیں گے۔

لاہور(ایمرا نیوز آن لائن)’کشمش‘ خشک میوہ جات میں سے ایک ہے جسے انگور کو خُشک کرکے تیار کیا جاتا ہے، کشمش ایک ایسا میوہ ہے جو وٹامنز، معدنیات، فائبر اور دیگر غذائی اجزاء سے مالا مال ہے ۔اس کا ایک فائدہ یہ بھی ہے کہ اِس کو کھانے سے آپ کی نہ تو چربی بڑھے گی اور نہ ہی آپ کو کولیسٹرول کی شکایت ہوگی۔

ایک تحقیق کے مطابق معلوم ہوا ہے کہ کشمش میں دیگر خشک میووں کے مقابلے میں اینٹی آکسیڈینٹ کی مقدار زیادہ تعداد میں پائی جاتی ہے کیونکہ کشمش کو انگور سے تیار کیا جاتا ہے لہٰذا اگر سردیوں میں آپ روزانہ ایک مُٹھی کشمش کھالیں تو اِس سے آپ کو بہت سے فوائد ہوں گے۔

سردیوں میں روزانہ کشمش کھانے کا ایک فائدہ یہ بھی ہے کہ اِس سے آپ کا نظامِ ہاضمہ بہتر ہوتا ہے، کشمش میں موجود فائبر آپ کے ہاضمے کو بہتر کرتے ہیں اور اِس کے ساتھ ہی زہریلے اور غیر ضروری مادوں کو آپ کے نظام ہاضمہ میں آنے سے روکتے ہیں۔

کشمش کھانے سے آنتیں بھی صاف ہوتی ہیں، اِس لیے ضروری ہے کہ موسمِ سرما میں کشمش کو اپنی روزانہ کی غذا میں شامل کیا جائے۔

تیزابیت سے نجات:
موسمِ سرما میں ’کشمش‘ کو کیوں اپنی غذا میں شامل کرنا چاہیے؟
کشمش میں قدرتی طور پر فائدہ مند معدنیات پائے جاتے ہیں جیسے پوٹاشیم، کاپر، آئرن اور میگنیشیم جو تیزابیت سے نجات دلاتی ہیں اور معدے میں تیزابیت کی سطح کو متوازن رکھنے میں بھی معاون ثابت ہوتے ہیں۔

دِل کی بیماریوں کے لیے فائدہ مند:

موسمِ سرما میں ’کشمش‘ کو کیوں اپنی غذا میں شامل کرنا چاہیے؟
کشمش میں سوڈیم کی مقدار کم ہوتی ہے جبکہ پوٹاشیم اچھی مقدار میں پایا جاتا ہے جو دِل کے پٹھوں کے خلیوں سمیت پٹھوں کے کام کے لیے بھی بہت ضروری ہے۔

ایک مطالعے کے مطابق، کشمش قلبی امراض کے لیے بہت مفید ہے، یہ بلڈ پریشر کو کنٹرول کرنے میں مدد کرتی ہے اور ساتھ ہی دِل کی دیگر بیماریوں کو بھی کنٹرول کرنے میں بھی مدرگار ثابت ہوتی ہے لیکن دِل کے مریضوں کے لیے ضروری ہے کہ کشمش کو اپنی غذا میں شامل کرنے سے پہلے ایک بار اپنے معالج سے مشورہ ضرور کرلیں۔

کینسر کا خطرہ کم ہوتا ہے:

موسمِ سرما میں ’کشمش‘ کو کیوں اپنی غذا میں شامل کرنا چاہیے؟
کشمش کھانے سے کینسر کا خطرہ بھی کم ہوتا ہے، کشمش میں اینٹی آکسیڈینٹ موجود ہوتے ہیں جو جسم میں موجود اُن فری ریڈیکلز سے لڑتے ہیں جن کی وجہ سے کینسر ہونے کا خدشہ ہوتا ہے، لہٰذا اگر روزانہ کی غذا میں کشمش کو شامل کیا جائے تو آپ اِس جان لیوا مرض سے بھی دور رہ سکتے ہیں۔

پُر کشش جلد:

موسمِ سرما میں ’کشمش‘ کو کیوں اپنی غذا میں شامل کرنا چاہیے؟
سردیوں میں جلد خُشک اور خراب ہوجاتی ہے جس کی وجہ سے خاص طور پر خواتین بہت پریشان رہتی ہیں۔ سردیوں کے موسم میں بھی اپنی جلد کو خوبصورت رکھنے کے لیے ضروری ہے کہ روزانہ کشمش کھائی جائے کیونکہ کشمش جلد کو تر و تازہ اور پُرکشش بنانے میں بھی اہم کردار ادا کرتی ہے، کشمش میں وٹامن سی، سیلینیم اور زنک موجود ہوتے ہیں جو حسین جلد کے لیے بہت ضروری ہیں، کشمش میں موجود اینٹی آکسیڈینٹ جلد کو جوان اور صحت مند رکھتے ہیں۔

لاہور(ایمرا نیوز آن لائن)سردیوں کے موسم میں جب گرما گرم سوپ کی بات کی جائے تو ہم سب کے منہ میں پانی آجاتا ہے، یہ موسم اپنے ساتھ بے شمار سوغات بھی ساتھ لے کر آتا ہے اور اس سے ہم سب خوب لطف اندوز بھی ہوتے ہیں۔موسم سرما کی اپنی مخصوص سوغات میں گاجر کا حلوہ، خشک میوے جات سے بنے میٹھے اور گرما گرم سوپ سرِفہرست ہیں۔

آج ہم آپ کی سردیوں کو مزید مزیدار بنانے کے حوالے سے گرما گرم ٹماٹر کے سوپ کی ترکیب بتاتے ہیں۔جی ہاں! اس ترکیب کے ذریعے گھر بیٹھے گرما گرم ٹماٹر کا سوپ تیار کر سکتے ہیں۔

ٹماٹر کا سوپ بنانے کے لیے اجزاء

1. ایک بڑا چمچ زیتون کا تیل 2. ایک باریک کٹی ہوئی پیاز 3. آٹھ باریک کٹے ہوئے بڑے ٹماٹر 4. 400 ملی لیٹر مکس سبزیوں سے بنی یخنی 5. چار بڑے چمچ ٹماٹو کیچ اپ
6. چار چٹکی اوریگانو 7. نمک اور کالی مرچ حسبِ ذائقہ 8. دہی گارنشنگ کے لیے
ٹماٹر کا سوپ کی ترکیب
1. سب سے پہلے ایک پین میں زیتون کا تیل ڈال کر درمیانی آنچ پر گرم کیجیے اور تیل گرم ہونے کے بعد اس میں باریک کٹی پیاز کو ہلکا سا بھون لیجیے اتنی کہ وہ نرم ہوجائے۔

2. اب اس میں باریک کٹے ٹماٹر، سبزیوں کی یخنی، کیچ اپ، اوریگانو، نمک اور کالی مرچ ڈال کر اُبلنے کے لیے چھوڑ دیں۔

3. اُبال آنے کے بعد سوپ کو ہلکی آنچ پر چھوڑ کر ڈھکن رکھ کے 15 منٹ تک پکنے دیجیے۔

4. 15 منٹ پکنے کے بعد اسے ٹھنڈا کیجیے اور پھر اچھی طرح بلینڈ کر لیجیے۔

5. سوپ کو بلینڈ کرنے کے بعد اسے دوبارہ ہلکا گرم کر کے دھنیا اور دہی سے گارنش کرنے کے پینے کے لیے پیش کیجیے۔

(ایمرا نیوزآن لائن) کینو سے جلد کی خوبصورتی برقرار رکھنے کے حوالے سے سب ہی جانتے ہیں لیکن سرد موسم میں اس رسدار سے بالوں کی حفاظت اور چمک کا بھی خاص خیال رکھا جا سکتا ہے، یہ ہم میں سے کم افراد ہی جانتے ہیں۔

طبی ماہرین کے مطابق کینو میں وافر مقدار میں قدرتی طور پر وٹامن سی ملتا ہے جس سے ناصرف انسان کا دفاعی نظام مضبوط ہوتا ہے بلکہ جسم میں پروٹین کولیگن کی مقدار بھی مستحکم رکھنے میں مدد ملتی ہے جو جلد کے ساتھ بالوں کے لیے بھی بہت اہم ہے۔ اس کے علاوہ کینو میں وٹامن اے بھی پایا جاتا ہے جو بالوں کی نمی برقرار رکھنے میں مدد دیتا ہے۔

موسم سرما میں جلد کے ساتھ بال بھی خشک ہو جاتے ہیں جس سے بالوں کی چمک اور خوبصورتی متاثر ہوتی ہے۔ اس سے چھٹکارا حاصل کرنے کے لیے بیوٹیشنز کا کہنا ہے کہ اگر موسم سرما میں کینو کا سیرم پورے بالوں میں لگایا جائے تو بال نرم و ملائم اور چمکدار ہو جائیں گے۔

کینو کا سیرم تیار کرنے کے لیے ایک پورے کینو کو چھلکے سمیت گرینڈر میں گرینڈ کر دیں جس کے بعد اسے بالوں کی جڑوں سے لے کر جہاں تک لمبائی ہو بالوں کی وہاں تک لگائیں اور پھر کچھ دیر بعد بالوں کو دھولیں۔ کینو کا سیرم بالوں میں استعمال کرنے سے موسم سرما میں بالوں کی خوبصورتی برقرار رہے گی۔

اسلام آباد ہائیکورٹ(ایمرا نیوز آن لائن) نے طبی بنیادوں پر پاکستان پیپلز پارٹی کے صدر آصف علی زرداری کی ضمانت منظور کر لی۔

عدالت نے آصف زرداری کی ضمانت ایک کروڑ روپے کے مچلکوں کے عوض منظور کرتے ہوئے انہیں ضمانتی مچلکے داخل کرانے کی ہدایت کی ہے۔ یاد رہے کہ سابق صدر آصف علی زرداری جعلی بینک اکاؤنٹس کیس میں جوڈیشل ریمانڈ پر اڈیالہ جیل میں قید تھے جنہیں طبیعت ناساز ہونے پر 23 اکتوبر کو پمز منتقل کیا گیا جہاں وہ اب تک زیر علاج ہیں۔

پاکستان پیپلز پارٹی کی جانب سے سابق صدر آصف علی زرداری کی طبی بنیادوں پر ضمانت کے لیے درخواست اسلام آباد ہائیکورٹ میں دائر کی گئی تھی۔ چند روز قبل اسلام آباد ہائیکورٹ نے آصف علی زرداری کے لیے پاکستان انسٹی ٹیوٹ آف میڈیکل سائنسز (پمز) اسپتال کے میڈیکل سپرنٹنڈٹ (ایم ایس) کو نیا میڈیکل بورڈ تشکیل دینے کا حکم دیا تھا۔