Category صحت

(ایمرا نیوز آن لائن)موجودہ دور میں اسمارٹ فونز کے استعمال میں تیزی سے اضافہ دیکھنے میں آیا ہے لیکن جہاں بھی کسی چیز کا ضرورت سے زیادہ استعمال ہونا شروع ہوتا ہے تو اس کے منفی اثرات بھی ظاہر ہونا شروع ہو جاتے ہیں۔

حال ہی میں موبائل فون استعمال کرتے دوران چہرے پر چوٹ لگنے کے واقعات کے حوالے سے کی گئی ایک تحقیق کے بعد یہ بات معلوم ہوئی کہ موبائل فون استعمال کرتے دوران چہرے پر چوٹ لگنے کے واقعات میں واضح اضافہ ہوا ہے۔

جاما اوٹولیرونگولوجی جرنل میں شائع کی جانے والی تحقیق کے مطابق موبائل فون استعمال کرتے دوران چہرے پر چوٹ لگنے کے بے شمار واقعات سامنے آئے ہیں جس میں حال ہی میں ایک خاتون کی ناک کی ہڈی ٹوٹنے کا واقعہ بھی سامنے آیا ہے۔ متاثرہ خاتون لیٹ کر موبائل فون استعمال کر رہی تھی کہ اچانک ان کے چہرے پر موبائل گرنے سے ان کی ناک کی ہڈی ٹوٹ گئی۔

رٹگرز نیو جرسی میڈیکل اسکول کے ڈاکٹر بورس کا کہنا ہے کہ انہوں نے 20 سال کی تحقیقی معلومات کا جائزہ لیا جس کے بعد انہیں یہ معلوم ہوا کہ اس کی شروعات 2006 سے ہوئی جب اسمارٹ فونز دنیا بھر میں مقبول ہونا شروع ہوئے۔

انہوں نے بتایا کہ موبائل فون کا استعمال کرنے کی وجہ سے سر اور گردن میں چوٹ لگنے کے واقعات میں گزشتہ 20 سالوں سے اضافہ ہوا ہے، اس حوالے سے ایسے بے شمار کیسز رپورٹ ہوئے ہیں جس میں موبائل فون کی وجہ سے لوگوں کی توجہ ہٹنے سے انہیں چوٹیں لگیں۔

محققین نے بتایا کہ 1998 سے 2017 تک موبائل فون کی وجہ سے 76 ہزار افراد زخمی ہوئے ہیں جب کہ اسمارٹ فونز کی مقبولیت کے بعد 2006 تک سالانہ 2000 لوگوں کو اسمارٹ فون کی وجہ سے چوٹیں لگنے کے کیسز رپورٹ ہوئے ہیں۔ موبائل فون کی وجہ سے لگنے والی چوٹوں میں زیادہ تر چہرے پر زخم اور فریکچر جیسے واقعات سامنے آئے ہیں۔ محققین کا کہنا ہے کہ لا پرواہ صارفین کو چلتے ہوئے، گاڑی چلاتے ہوئے اور لیٹ کر بات چیت کرنے کی وجہ سے چوٹیں لگیں۔

راولپنڈی:(ایمرا نیوزآن لائن)قومی ائیر لائن پی آئی اے نے دوران پرواز سگریٹ نوشی پر جرمانہ عائد کرنے کا آغاز کردیا۔
تفصیلات کے مطابق پی آئی اے نے اپنی فضائی تاریخ میں پہلی بار سگریٹ نوشی پر جرمانہ کا آغاز کرتے ہوئے رضا احسن نامی کو سگریٹ نوشی پر10ہزار روپے جرمانہ کیا ہے۔
مسافر برمنگھم سے اسلام آباد آنے والی پرواز پی کے 292 کے واش روم میں سگریٹ پی رہا تھا۔ طیارے میں دھواں پھیلنے پر عملے نے مسافر کو سگریٹ پینے سے روکا اور اسے دس ہزار روپے جرمانہ عائد کردیا۔ترجمان پی آئی اے کے مطابق مسافر کو اسلام آباد ائیرپورٹ پر جرمانہ ادا کرنے پر پاسپورٹ واپس کیا گیاہے۔

(میڈیا 92 نیوز آن لائن)موسم سرما میں ہمیں نزلا، زکام، کھانسی اور بے شمار موسمی مسائل کا سامنا رہتا ہے اور بہت سے لوگوں کو سردی زیادہ بھی محسوس ہوتی ہے۔

آئیے ان تمام تر مسائل سے نمٹنے اور موسم سرما میں ترو تازہ رہنے کے لیے آپ کو ایسے بہترین مشروبات کے بارے میں بتائیں جن کا استعمال کرکے آپ موسم سرما میں بیماریوں سے دور رہیں گے۔ یہ گرم مشروبات صحت کے ساتھ ساتھ نظامِ قوت مدافعت اور نظامِ ہاضمہ کے لیے بھی بہترین سمجھے جاتے ہیں۔

1. گرم پانی اور لیمو سے بنا مشروب: موسم سرما میں اس مشروب کا استعمال بے حد مفید ثابت ہوتا ہے۔ اس مشروب میں اینٹی انفلامیٹری اور اور اینٹی آکسیڈینٹس پائے جاتے ہیں جو کہ ہر قسم کی الرجی کے خلاف مزاحمت کا کام کرتا ہے۔

مشروب بنانے کا طریقہ کار: سب سے پہلے ایک سے ڈیڑھ کپ پانی کو ابالیں۔ پانی میں جوش آتے ہی اس میں ایک سے دو لیموں کا رس ڈالیں۔ لیمو کا رس شامل کرنے کے بعد مشروب میں ایک چٹکی ہلدی شامل کر لیجیے۔ ہلدی شامل کرنے کے بعد ایک چٹکی گُڑ شامل کرکے کپ میں نکال لیجیے۔

2. ادرک کا قہوہ: جیسا کہ ہم سب جانتے ہیں کہ ادرک نظامِ ہاضمہ کے لیے بہترین تصور کی جاتی ہے۔ موسم سرما میں ادرک کا استعمال الرجی اور گلے کی سوزش کو کم کرنے کے لیے بہترین دوا ہے۔

ادرک کا قہوہ بنانے کا طریقہ کار: سب سے پہلے ایک کپ پانی لیجیے۔ اس پانی میں 3 اونس باریک ادرک کے ٹکڑے شامل کر لیجیے۔ ادرک کو پانی میں ڈالنے کے بعد اسے اچھی طرح جوش دیجیے۔ اب اس قہوے کو چھان کر اس میں ایک چمچ شہد ملا کر پیا جا سکتا ہے۔

3.ہلدی والا دودھ: ہلدی کو ایک اینٹی بائیوٹک بھی کہا جاتا ہے۔ ہلدی میں ایسی خاصیت ہوتی ہے جو کہ جراثیم کے خلاف لڑتی ہے، یہی وجہ ہے کہ اس کا استعمال کرنے سے صحت پر بے حد مثبت اثرات مرتب ہوتے ہیں۔

ہلدی دودھ بنانے کا طریقہ: سب سے پہلے ایک کپ گرم دودھ لیجیے۔ اس گرم دودھ میں ایک چمچ ہلدی شامل کر لیجیے۔ دودھ میں ہلدی شامل کرنے کے بعد اس میں ایک چمچ شہد بھی شامل کر لیں۔ اسے اچھی طرح چمچے کی مدد سے حل کرکے پیا جا سکتا ہے۔

نوٹ: یہ معلومات مختلف انٹرنیشنل جرنلز میں شائع شدہ تحقیقات سے حاصل کی گئی ہیں۔ اگر آپ کسی الرجی یا بیماری میں مبتلا ہیں تو اپنے معالج سے ضرور مشورہ کریں۔

(ایمرا نیوزآن لائن) سائنسدانوں نے انکشاف کیا ہے کہ ہوا میں آلودگی کم ہونے کے انسانی صحت پر حیرت انگیز اور بہترین نتائج برآمد ہوتے ہیں۔

محققین کا کہنا ہے کہ ہوا کے معیار کو بہتر بنا کر امراضِ قلب اور پھیپھڑوں کی بیماریوں میں 40 فیصد تک کمی کی جا سکتی ہے۔ ایک مطالعے کے بعد ماہرین کی جانب سے یہ انکشاف سامنے آیا ہے کہ آلودگی کو کم کر کے صحت پر بہترین نتائج حاصل کیے جا سکتے ہیں، انہوں نے بتایا کہ رہائشی جگہوں پر ٹریفک کے شور کو کم کرکے جب کہ آبادی سے دور منتقل کر کے فضائی آلودگی کو کم کیا جا سکتا ہے۔

تحقیق میں بتایا گیا ہے کہ ایسا کرنے سے لوگوں کی صحت صرف ایک ہی ہفتے میں بہتر ہو سکتی ہے۔ امریکن تھوراسک سوسائٹی کے پروفیسر ڈاکٹر ڈین کا کہنا ہے کہ ہمیں یہ بات تو معلوم تھی کہ فضائی آلودگی کم کرنے سے صحت پر مثبت اثرات مرتب ہوتے ہیں لیکن ہمیں یہ معلوم نہیں تھا کہ فضائی آلودگی کو کم کرنے سے صحت پر یہ اثرات اتنے کم وقت میں ہی نظر آنا شروع ہو جائیں گے۔

امریکن تھوراسک سوسائٹی کے جریدے اینالز میں شائع ہونے والے مطالعے سے یہ بات ظاہر ہوتی ہے کہ ہوا میں آلودگی کم کرنے سے بہت جلد صحت پر مثپت اثرات نمایاں ہونا شروع ہو جاتے ہیں۔ ڈاکٹرز نے کہا کہ ہمیں تحقیق سے یہ معلوم ہوا کہ آئرلینڈ کی حکومت نے جب سے عوامی مقامات اور دیگر جگہوں پر سگریٹ پینے پر پابندی عائد کی تو یہاں کے لوگوں میں دل اور پھیپھڑوں کی بیماریوں میں 30 فیصد تک کمی آئی ہے۔

طبی ماہرین نے مزید بتایا کہ اسی طرح بیجنگ میں 2008 کے اولمپکس کے دوران جب وہاں کی سڑکوں اور فیکٹریوں کو بند کیا گیا تھا تو فضائی آلودگی کی مقدار میں 62 فیصد کمی آئی تھی اور دمے کے مریضوں کے ڈاکٹر سے رجوع کرنے کے کیسز میں 58 فیصد کمی واقع ہوئی تھی۔

ماہرین کا کہنا ہے کہ جب ہم آلودہ ہوا میں سانس لیتے ہیں تو یہ جسم کے ٹشوز (مساموں) کے لیے براہ راست زہریلے ثابت ہو سکتے ہیں، جس کی وجہ سے چھوٹی عمر میں ہی کسی کو بھی دل کی بیماری کا خطرہ بڑھ سکتا ہے۔

لاہور(ایمرا نیوز آن لائن)کیا سیڑھیاں چڑھ کے وزن کم ہوسکتا ہے؟ماہرین کا کہنا ہے کہ اب وزن کم کرنا اتنا مشکل نہیں ہے کیونکہ اب سیڑھیاں چڑھ کے بھی وزن کم ہوسکتا ہے۔وزن کم کرنا ہر ایک کی زندگی کا اہم مسئلہ بن گیا ہے اور اِس کے لیے بہت سے لوگ گھریلو نسخے کرتے ہیں، کھانا پینا چھوڑ دیتے ہیں لیکن پھر بھی اُن کا وزن کم نہیں ہوتا۔دراصل وزن کا تعلق کھانے سے نہیں ہوتا ہے، اِس کے لیے مختلف قسم کی ورزش، واک یا دیگر طریقوں سے جسم کو حرکت میں رکھنا ضروری ہوتا ہے۔

بالی ووڈ اسٹار اکشے کمار کا کہنا ہے کہ وہ اپنا وزن کم کرنے کے لیے مختلف قسم کی ورزش کرتے ہیں۔ بین الاقوامی پاپ اسٹار میڈونا کا کہنا ہے کہ وہ اپنے کانسرٹس کے دوران سیڑھیاں چڑھتی اور اُترتی رہتی ہیں تاکہ اُن کا وزن نہ بڑھے۔ میڈونا کانسرٹ کے دوران سیڑھیاں اُترتے ہوئے دفتر جانے والے مرد و خواتین کا گھنٹوں بیٹھے رہنے کا کام ہوتا ہے ، اسی وجہ سے ان میں وزن بڑھنے کی شکایت رہتی ہے، ان کو چاہئے کہ دفتر میں لفٹ کا استعمال کرنے کی بجائے سیڑھیاں چڑھا اور اترا کریں، اِس سے ان کے وزن میں بھی کمی آئے گی اور آپ دماغی طور پر بھی فِٹ رہیں گے۔سیڑھیاں چڑھنے کا عمل ورزش کے طور پر روزانہ کی بنیاد پر اپنایا جا سکتا ہے۔

کیا سیڑھیاں چڑھ کے وزن کم ہوسکتا ہے؟ماہرین کا کہنا ہے کہ لفٹ استعمال کرنے والوں سے زیادہ سیڑھیاں چڑھنے اترنے والے افراد زیادہ متحرک ہوتے ہیں۔ماہرین ہدایت کرتے ہیں کہ فِٹ رہنے کے لیےہفتے میں تقریباً 150 منٹ تک ورزش کرنا لازمی ہے لیکن بہت کم لوگ ایسے ہوتے ہیں جو باقاعدگی سے ورزش کرتے ہیں۔اِس مشکل کا حل بہت آسان ہے اور وہ یہ ہے کہ روزانہ سیڑھیاں چڑھیں، اِس سے آپ کی ورزش بھی ہوجائے گی، آپ کا وزن بھی کم ہوجائے گا اور آپ فِٹ بھی رہیں گے۔

(ایمرا نیوزآن لائن) ہم سب کو موسم سرما کا بے حد انتظار ہوتا ہے، اس موسم کی سوغات سے سب ہی لطف اندوز ہوتے ہیں لیکن یہ سردیاں اپنے ساتھ کچھ مسائل بھی ساتھ لاتی ہیں۔

موسم سرما میں جلد کے ساتھ ساتھ بالوں کے بھی بے شمار مسائل جنم لینا شروع ہوجاتے ہیں، آج ہم آپ کو موسم سرما میں بالوں کے مسائل اور ان کے حل کے بارے میں بتائیں گے۔

دو منہ کے بال: موسم سرما آتے ہی دو منہ کے بالوں میں اضافہ ہو جاتا ہے، اگر آپ کو بھی اس مسئلے کا سامنا ہے تو اس کا صرف ایک ہی حل ہے اور وہ یہ ہے کہ بالوں کو ایک یا آدھا انچ تراشنے سے دو منہ کے بال ختم ہو جاتے ہیں۔

خشکی و سکری: موسم سرما میں جلد خشک ہونے کے ساتھ سر کی جلد یعنی ’اسکیلپ‘ بھی خشک ہو جاتی ہے جس کے وجہ سے بالوں میں خشکی ہو جاتی ہے، اس مسئلے کے حل کے لیے نیم اور ناریل کے تیل کو ملا کر لگایا جائے، ایسا کرنے سے بالوں کی جلد نم اور سر میں خارش اور خشکی بھی ختم ہو جاتی ہے۔

روکھے اور خشک بال: سردیوں میں ہم سب کے بال روکھے، خشک اور بے جان نظر آتے ہیں، اس مسئلے کو حل کرنے کے لیے ایک انڈے میں 2 چمچ زیتون کے تیل کو اچھی طرح ملا کر سر میں لگائیں اور اسے ایک گھنٹے بعد دھو لیں، ایسا کرنے سے بال نرم اور چمکدار ہو جاتے ہیں۔

بال گرنا: موسم سرما میں تقریباً ہر کسی کو ہی یہ شکایت رہتی ہے کہ ان کے بال تیزی سے گر رہے ہیں، اس صورتحال سے بچنے کے لیے سر میں نیم گرم تیل کا مساج کرنا بے حد معاون ثابت ہوتا ہے۔

نوٹ: یہ معلومات مختلف انٹرنیشنل جرنلز میں شائع شدہ تحقیقات سے حاصل کی گئی ہیں۔ اگر آپ کسی الرجی یا بیماری میں مبتلا ہیں تو اپنے معالج سے ضرور مشورہ کریں۔

لاہور(ایمرا نیوز آن لائن)ہم سب کو موسم سرما کا بے حد انتظار ہوتا ہے، اس موسم کی سوغات سے سب ہی لطف اندوز ہوتے ہیں لیکن یہ سردیاں اپنے ساتھ کچھ مسائل بھی ساتھ لاتی ہیں۔موسم سرما میں جلد کے ساتھ ساتھ بالوں کے بھی بے شمار مسائل جنم لینا شروع ہوجاتے ہیں، آج ہم آپ کو موسم سرما میں بالوں کے مسائل اور ان کے حل کے بارے میں بتائیں گے۔

موسم سرما آتے ہی دو منہ کے بالوں میں اضافہ ہو جاتا ہے، اگر آپ کو بھی اس مسئلے کا سامنا ہے تو اس کا صرف ایک ہی حل ہے اور وہ یہ ہے کہ بالوں کو ایک یا آدھا انچ تراشنے سے دو نہ کے بال ختم ہو جاتے ہیں۔
خشکی و سکری

موسم سرما میں جلد خشک ہونے کے ساتھ سر کی جلد یعنی ’اسکیلپ‘ بھی خشک ہو جاتی ہے جس کے وجہ سے بالوں میں خشکی ہو جاتی ہے، اس مسئلے کے حل کے لیے نیم اور ناریل کے تیل کو ملا کر لگایا جائے، ایسا کرنے سے بالوں کی جلد نم اور سر میں خارش اور خشکی بھی ختم ہو جاتی ہے۔

سردیوں میں ہم سب کے بال روکھے، خشک اور بے جان نظر آتے ہیں، اس مسئلے کو حل کرنے کے لیے ایک انڈے میں 2 چمچ زیتون کے تیل کو اچھی طرح ملا کر سر میں لگائیں اور اسے ایک گھنٹے بعد دھو لیں، ایسا کرنے سے بال نرم اور چمکدار ہو جاتے ہیں۔

موسم سرما میں تقریباً ہر کسی کو ہی یہ شکایت رہتی ہے کہ ان کے بال تیزی سے گر رہے ہیں، اس صورتحال سے بچنے کے لیے سر میں نیم گرم تیل کا مساج کرنا بے حد معاون ثابت ہوتا ہے۔

نوٹ: یہ معلومات مختلف انٹرنیشنل جرنلز میں شائع شدہ تحقیقات سے حاصل کی گئی ہیں۔ اگر آپ کسی الرجی یا بیماری میں مبتلا ہیں تو اپنے معالج سے ضرور مشورہ کریں۔

(ایمرا نیوزآن لائن) سندھ اور خیبر پختونخوا میں پولیو کے مزید 3 کیسز سامنے آگئے جس کے بعد ملک میں پولیو کیسز کی تعداد 94 ہوگئی۔

محکمہ صحت کے حکام کے مطابق خیبر پختونخوا کے جنوبی ضلع ڈی آئی خان میں 18 ماہ اور لکی مروت میں 4 ماہ کے بچے میں پولیو وائرس کی تصدیق ہوئی ہے۔ رواں سال صوبے بھر میں پولیو کیسز کی تعداد 68 تک جا پہنچی ہے۔

محکمہ صحت خیبر پختونخوا نے صوبے بھر میں پولیو کے بڑھتے ہوئے کیسز کے پیش نظر 16 دسمبر سے 3 روزہ انسداد پولیو مہم شروع کرنے کا فیصلہ کیا ہے جس میں 60 لاکھ سے زیادہ بچوں کو پولیو سے بچاؤ کے قطرے پلانے کا ہدف مقرر کیا گیا ہے۔

دوسری جانب صوبہ سندھ میں بھی ایک اور پولیو کیس سامنے آیا ہے۔ محکمہ صحت سندھ کے مطابق لاڑکانہ کی تحصیل ڈوکری میں 9 ماہ کے حسنین میں پولیو وائرس کی تصدیق ہوئی ہے جس کے بعد اب تک رواں برس سندھ سے 14 پولیو کیسز سامنے آچکے ہیں۔

خیال رہے کہ رواں برس ملک میں پولیو کیسز میں تشویشناک اضافہ دیکھنے میں آیا ہے اور اب تک سامنے آنے والے پولیو کیسز کی تعداد 94 ہوگئی ہے، یہ شرح 2015 سے بھی زیادہ ہے جب ملک میں 54 پولیو کیسز رپورٹ ہوئے تھے۔

(ایمرا نیوزآن لائن) عام طور پر ہم نے یہی سنا ہے کہ 40 سال کی عمر تجاوز کرنے کے بعد انسان کے خون میں کولیسٹرول کی مقدار بڑھ جاتی ہے اور اس پر قابو پانے کے لیے انہیں کولیسٹرول کے ٹیسٹ کرانا بے حد ضروری ہیں۔

لیکن ماہرین کے حالیہ مطالعے نے یہ بات تجویز کی ہے کہ نوجوان یعنی 20 سال کی عمر سے لے کر 30 سال کے نوجوانوں کو بھی کولیسٹرول کا ٹیسٹ لازمی کرانا چاہیے۔

کوئنز یونیورسٹی اور جرمنی کے سائنسدانوں نے حال ہی میں ایک تحقیق کی ہے جس کے بعد ان کا کہنا ہے کہ نوجوانوں کو بھی کولیسٹرول کا ٹیسٹ کرانا چاہیے۔

ماہرین نے بتایا کہ تحقیق سے بات ثابت ہوئی ہے کہ نوجوانی میں کولیسٹرول کے ٹیسٹ کرانے کے بہترین نتائج سامنے آتے ہیں، اگر نوجوان 20 سال کے بعد سے ہی کولیسٹرول کا ٹیسٹ اور اس کی مقدار کا معائنہ کراتے ہیں تو ان میں امراض قلب کے خطرات بے حد کم ہو جاتے ہیں۔

ماہرین نے بتایا کہ 20 سے 30 سال کے افراد اگر اپنے خون میں کولیسٹرول کی مقدار کا ٹیسٹ کراتے رہیں گے تو وہ امراضِ قلب کے خطرات سے بچنے کے لیے کوئی نا کوئی اقدامات کر سکیں گے۔

ڈاکٹرز نے اس بات کی بھی وضاحت کی ہے کہ وہ لوگ جو صحت مند زندگی گزار رہے ہیں ان کے لیے بھی کولیسٹرول کی مقدار کا ٹیسٹ کرانا ضروری ہے کیونکہ ہو سکتا ہے کہ ان میں وراثتی اعتبار سے امراضِ قلب کے خطرات موجود ہوں۔

حالیہ تحقیق پریسٹیجیس میڈیکل جنرل دی لینسٹ میں شائع کی گئی ہے۔: واضح رہے کہ امراضِ قلب ایک جان لیوا بیماری ہے، انسان کے خون میں کولیسٹرول کی مقدار بڑھ جانے کی وجہ سے امراضِ قلب اور فالج جیسی بیماریوں کے خطرات بے حد بڑھ جاتے ہیں۔

(میڈیا 92 نیوز آن لائن) 21 ویں صدی کی نوجوان نسل کے حوالے سے حال ہی میں ایک سروے کیا گیا ہے جس سے سامنے آنے والے نتائج جان کر آپ حیران ہو جائیں گے۔

برطانیہ کے ٹاک ٹاک ٹی وی کی جانب سے 18 سے 23 سال کی عمر کے 2000 برطانوی نوجوانوں سے ایک سروے فارم پُر کرایا گیا۔سروے کے بعد یہ معلوم ہوا کہ 21 ویں صدی کے یہ نوجوان دن کے 39 منٹ یہ سوچ کر گزارتے ہیں کہ انہیں ناشتے میں کیا کھانا چاہیے جب کہ نوجوان 33 منٹ یہ سوچ گزارتے ہیں کہ انہیں آج کیا پہننا چاہیے۔

اس سروے سے یہ بھی معلوم ہوا کہ برطانیہ کے نوجوان دن کے 37 منٹ آگے کا سوچ کر یعنی (دن میں خواب دیکھ) کر گزارتے ہیں۔سروے میں بتایا گیا کہ اس طرح نوجوان مجموعی طور پر سال کے 9 دن صرف یہ تمام چیزیں سوچ کر ضائع کر دیتے ہیں کہ انہیں کیا پہننا، کیا کھانا اور کیا کرنا ہے۔