Category صحت

(میڈٰیا92نیوزآن لائن) اسپتال ذرائع کا کہنا ہے کہ سابق صدر آصف علی زرداری کی کمر کی تکلیف کم نہیں ہوسکی ہے۔

ذرائع کے مطابق فزیوتھراپی کی ہیڈ ڈاکٹرمبشرہ صابر نے آصف زرداری کا معائنہ کیا، انہوں نے بتایا کہ زرداری کی ریڑھ کی ہڈی کی فزیوتھراپی شروع کی جائے گی۔

(ایمرا نیوزآن لائن) آج کل آن لائن خریداری کے رجحان میں دن بہ دن اضافہ ہوتا جارہا ہے جس کی وجہ سے بے شمار لوگ گھر بیٹھے اپنے موبائل فون سے آن لائن خریداری کرتے ہیں۔

محققین نے جرمنی سے 122 لوگوں پر نظر رکھی جو کہ آن لائن خریداری کرتے تھے جس کے بعد ان کا کہنا تھا کہ آن لائن خریداری کی عادت میں سب سے زیادہ نوجوان مبتلا ہیں۔ اس تمام تر صورتحال کو مدِنظر رکھتے ہوئے ماہرین نفسیات کا کہنا ہے کہ اب آن لائن خریداری کی عادت کو ایک نفسیاتی بیماری قرار دینا چاہیے۔

ماہرین نے وضاحت کرتے ہوئے بتایا کہ آن لائن خریداری کی عادت کو ایک نفسیاتی بیماری قرار دینے کی وجہ یہ ہے کہ اگر آن لائن خریداری کی عادت کا کسی دوسری نفسیاتی بیماریوں سے موازنہ کیا جائے تو اس میں کافی مماثلث پائی گئی ہے۔ ان کا کہنا تھا کہ بیماریوں کی بین الاقوامی درجہ بندی کا ادارہ جہاں ماہر نفسیات بیماریوں کی درجہ بندی کرتے ہیں، انہوں نے آن لائن خریداری کی عادت کو ایک الگ بیماری تسلیم نہیں کیا ہے۔

محققین نے کہا کہ آن لائن خریداری کی عادت میں مبتلا لوگوں میں ایسی مخصوص علامات موجود ہیں جسے اسے ایک الگ بیماری کی فہرست میں ڈالا جاسکتا ہے۔ جنرل کامری ہینسو سائیکائٹری کے مطالعے کے مطابق آن لائن خریداری کی عادت کو بیماری کی فہرست میں ڈالنے سے ان لوگوں کا علاج ہوسکے گا جو اس میں مبتلا ہیں۔ اس مطالعے کے مطابق آن لائن خریداری کی عادت سے دنیا کی 5 فیصد آبادی متاثر ہے۔

محققین کا کہنا ہے کہ آن لائن خریداری کی عادت میں بہت سے لوگ مبتلا ہوتے ہیں اور انہیں ہر وقت کچھ نہ کچھ خریدنے کی عادت پڑ جاتی ہے جب کہ یہ لوگ اپنی استطاعت سے زیادہ خریداری کر لیتے ہیں۔ ہینوور میڈیکل اسکول کے تفتیش کار ایسٹرڈ مولر کا کہنا ہے کہ اب آن لائن خریداری کی عادت کو ایک الگ نفسیاتی بیماری تصور کرکے اسے بیماریوں کی فہرست میں شامل کرلینا چاہیے۔ سرے کے پرائری ووکنگ اسپتال میں لت کے معالج پیمیلا رابرٹس نے انکشاف کیا ہے کہ یہ ایک خطرناک عادت ہے جو کہ انسان کے جذبات، معاشی حالات، اور تعلقات کو تباہ کرسکتی ہے۔

(ایمرا نیوزآن لائن) چہرے پر نکلنے والے مہاسوں کا براہ راست تعلق انسان کے اعضاء سے ہوتا ہے جس میں دل، پھیپھڑے، معدہ، نطامِ ہاضمہ شامل ہے۔

ماتھے، گال، یا تھوڑی پر نکلنے والے مہاسوں کو کسی کیمیکل والی چیز کے بغیر بھی ختم کیا جا سکتا ہے جس میں وٹامن بی سے بھری غذاؤں کا استعمال اور اپنے سر کے نیچے رکھنے والے تکیہ کو دھو کر بھی کیا جاسکتا ہے۔ ماہرین کے مطابق ڈپریشن اور تلی ہوئی اشیاء کا استعمال کرنے سے بھی چہرے پر مہاسے نکل آتے ہیں۔

ماہرین کا کہنا ہے کہ چہرے پر نکلنے والے مہاسے آپ کی صحت کے بارے میں بتاتے ہیں ، آئیے ہم آپ کو بتائیں کہ مہاسے نکلنے کی جگہ جسم کے کون سے اعضاءکے متاثر ہونے کی نشاندہی کرتی ہے۔

گال: چین میں مہاسوں کے لیے بننے والی ادویات سے یہ بات سامنے آتی ہےکہ گال پر مہاسے نکلنے کا براہ راست تعلق نظامِ تنفس یعنی پھیپھڑوں سے ہوتا ہے اور پھیپھڑوں کو صحت مند رکھنے کے لیے ایروبکس سب سے بہترین سمجھی جاتی ہیں۔ بیڈ تھریڈ رپورٹ کے مطابق گالوں پر مہاسے نکلنے کی اور بھی وجوہات ہیں جن میں چہرے پر تکیے سے رگڑ اور ہیلمٹ پہننا شامل ہے۔

ماتھے: ماتھے اور بھنوؤں کے آس پاس مہاسے نکلنے کا براہ راست تعلق معدے اور مثانے سے ہوتا ہے جس کا مطلب یہ ہے کہ آپ کو نطامِ ہاضمہ کو ٹھیک کرنے کی ضرورت ہے۔ اسکن کیئربائے ایلانا کے مطابق اپنی خوراک سے پروسیسڈ فوڈ اور چربی والی چیزیں نکال دینے سے یہ مسئلہ ٹھیک کیا جاسکتا ہے جب کہ پانی کا زیادہ سے زیادہ استعمال چہرے پر مہاسے ختم کرنے کے لیے معاون سمجھا جاتا ہے۔

ناک: ماہرین کے مطابق ناک اور اس کے آس پاس مہاسے نکلنے کا تعلق دل سے ہوتا ہے۔ اگر آپ کے جسم میں کولیسٹرول کی زیادتی ہوگی تو یہ ناک کے پوروں کو بند کرنے کا باعث بنتی ہے۔ بیلامیریس کی ماہر جلد کیرینا گروس کا کہنا ہے کہ اپنی خوراک میں وٹامن بی ،بھرپور غذا کا استعمال اور پھل اور سبزیوں کو خوراک میں شامل کرنے سے کولیسٹرول کی مقدار کو معتدل رہنے میں مدد ملتی ہے۔

تھوڑی: بہت سے لوگوں کو چہرے پر تھوڑی اور اطراف میں مہاسے نکل آتے ہیں، اس کا تعلق براہ راست انسان میں دباؤ، ہارمونس اور ڈپریشن کی کیفیت سے ہوتا ہے۔ ماہرین کا کہنا ہے کہ اپنے تکیہ کا غلاف ہمیشہ نرم کپڑے کا رکھیں کیونکہ ایسا کرنے سے بھی مہاسے نکلنا کافی حد تک کم ہوجاتے ہیں۔

منہ کے اندر چھالے: اکثر لوگوں کے منہ کے اندر چھالے نکل آتے ہیں جو کہ بے حد تکلیف کا باعث بنتے ہیں۔ ماہرین کے مطابق منہ کے اندر چھالے نکلنے کا براہ راست تعلق معدے اور اعضائے ہاضمہ سے ہوتا ہے۔

اس حوالے سے بہترین خوراک بے حد معاون ثابت ہوسکتی ہےجس میں فائبر والی غذاؤں کے استعمال کے ساتھ زیادہ سے زیادہ پھل اور سبزیوں کا استعمال کرنا مفید ہے۔ ماہرین نے لوگوں کو یہ نصیحت بھی کی ہے کہ موبائل فون پر کسی کی کال ریسیو کرنے کے لیے ہیڈ فونز کا استعمال کیا جائے کیونکہ موبائل کان سے لگانا بھی مہاسوں کا سبب بنتا ہے۔

نوازشریف(ایمرا نیوزآن لائن) کی صحت سے متعلق بیان دیتے ہوئے ڈاکٹر عدنان نے کہا کہ نواز شریف کے دماغ کو خون سپلائی کرنے والی رگیں پچاس سے اسی فی صد بند ہو چکی ہیں، شوگر کی وجہ سے نواز شریف کے گردے کام نہیں کر رہے جب کہ ان کے پلیٹیلیٹس کیوں کم ہو رہے ہیں اس کی تشخیص نہیں ہو پا رہی۔

انھوں نے کہا کہ نواز شریف کی حالت انتہائی تشویش ناک ہے، انہیں پلیٹیلیٹس کی کمی کی وجہ سے دل کا دورہ بھی پڑا، حکومتی میڈیکل بورڈ بھی اس نتیجے پر پہنچا کہ نواز شریف کا علاج پاکستان میں نہیں ہو سکتا جس کی وجہ سے بورڈ نے نوازشریف کے بیرون ملک علاج کے لیے سفر کرنے کی سفارش کی، اس میں تاخیر نواز شریف کی صحت اور زندگی پرسنگین مضر اثرات مرتب کرسکتی ہے۔

میاں نوازشریف کی طبیعت21 اکتوبر کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزاررہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔ نوازشریف کو پلیٹیلیٹس انتہائی کم ہونے کی وجہ سے کئی میگا یونٹس پلیٹیلیٹس لگائے گئے لیکن اس کے باوجود اُن کے پلیٹیلیٹس میں اضافہ اور کمی کا سلسلہ جاری ہے۔

نوازشریف کی صحت کے معاملے پر ایک سرکاری بورڈ بنایا گیا تھا جس کے سربراہ سروسز انسٹی ٹیوٹ آف میڈیکل سائنس (سمز) کے پرنسپل پروفیسر محمود ایاز تھے جب کہ اس بورڈ میں نوازشریف کے ذاتی معالج ڈاکٹر عدنان بھی شامل تھے۔ سابق وزیراعظم نوازشریف 16 روز تک لاہور کے سروسز اسپتال میں زیر علاج رہے جس کے بعد انہیں 6 نومبر کو سروسز سے ڈسچارج کرکے شریف میڈیکل سٹی منتقل کیا گیا تاہم شریف میڈیکل سٹی جانے کی بجائے ان کی رہائش گاہ جاتی امرا میں ہی ایک آئی سی یو تیار کیا گیا جس کی وجہ سے وہ اپنی رہائش گاہ منتقل ہوگئے۔

سابق وزیراعظم کی بیماری تشخیص ہوگئی ہے اور ان کو لاحق بیماری کا نام اکیوٹ آئی ٹی پی ہے، دوران علاج انہیں دل کا معمولی دورہ بھی پڑا جبکہ نواز شریف کو ہائی بلڈ پریشر، شوگراور گردوں کا مرض بھی لاحق ہے۔ نواز شریف کو لاہور ہائیکورٹ نے چوہدری شوگر ملز کیس میں طبی بنیادوں پر ضمانت دی ہے اور ساتھ ہی ایک ایک کروڑ کے 2 مچلکے جمع کرانے کا حکم دیا۔

دوسری جانب اسلام آباد ہائیکورٹ نے 26 اکتوبر کو ہنگامی بنیادوں پر العزیزیہ ریفرنس کی سزا معطلی اور ضمانت کی درخواستوں پر سماعت کی اور انہیں طبی و انسانی ہمدردی کی بنیاد پر 29 اکتوبر تک عبوری ضمانت دی تھی جس کے بعد اسلام آباد ہائیکورٹ نے سابق وزیراعظم کی سزا 8 ہفتوں تک معطل کردی ہے۔ خیال رہے کہ اس مقدمے میں سابق وزیراعظم کو اسلام آباد کی احتساب عدالت نے 7 سال قید کی سزا سنائی تھی۔

کراچی(میڈٰیا92نیوزآن لائن) میں اس سال اب تک کم ازکم 34 افراد ڈینگی وائرس سے جاں بحق ہو چکے ہیں اور اس بخار کی وجہ سے شہر کے اسپتالوں میں جگہ کم پڑ گئی ہے جب کہ لوگ ڈینگی میں مبتلا افراد کو پپیتے کے پتوں کا جوس یا جوشاندہ پلا کر بھی اس بیماری کا علاج کر رہے ہیں۔

لوگوں کی اکثریت کا ماننا ہے کہ پپیتے کے پتوں کا جوس یا رس ڈینگی بخار میں مبتلا افراد کے خون میں پلیٹیلیٹس بڑھانے کا سبب بنتا ہے۔ اس صورتحال میں کراچی کے ایک مشہور ریسٹورنٹ نے پپیتے کے پتوں کا جوس نکال کر لوگوں کو مفت میں دینا شروع کر دیا ہے۔ یاد رہے کہ کراچی میں اس سال اب تک کم ازکم 34 افراد اس مہلک بخار کی وجہ سے جاں بحق ہوچکے ہیں۔ ڈاکٹروں کا کہنا ہے کہ پپیتے کے پتوں کے جوس پلانے سے ڈینگی بخار میں کمی یا پلیٹیلیٹس بننے کی کوئی سائنسی توجیح ابھی تک سامنے نہیں آئی۔

پپیتے کے پتوں پر تحقیق کے نتائج کیا آئے؟: لیکن، حیران کن طور پر دی ایشین پیسفک جرنل آف ٹراپیکل بائیو میڈیسن میں 2011 میں چھپنے والی تحقیق کے مطابق پپیتے کے پتوں میں ایسے اجزاء پائے جاتے ہیں جو کہ ڈینگی سے متاثرہ مریضوں کے جسم میں ڈینگی وائرس کی افزائش کو روک دیتے ہیں۔

یہ تحقیق قائد اعظم یونیورسٹی اسلام آباد، نیوکلیئر انسٹیٹیوٹ آف فوڈ اینڈ ایگریکلچر ترناب، پی سی ایس آئی آر، پشاور یونیورسٹی اور اور لیڈی ریڈنگ اسپتال پشاور کے ماہرین نے کی اور نا صرف ایشین پیسفک جرنل آف ٹراپیکل بائیو میڈیسن بلکہ کئی امریکی جرائد میں بھی شائع ہوئی ہے۔ پاکستانی بائیو ٹیکنالوجی کے ماہرین کا دعویٰ ہے کہ پپیتے کے پتوں میں ایسے کئی اجزا موجود ہیں جو کہ ڈینگی سے متاثرہ فرد کے جسم اور خون میں ڈینگی وائرس کی افزائش کو روک دیتے ہیں جس کے نتیجے میں خون میں پلیٹلیٹس کی تعداد بڑھنا شروع ہوجاتی ہے۔

ماہرین کا کہنا ہے کہ یہ خیال غلط ہے کہ پپیتے کے پتوں کے رس میں موجود کوئی جزو پلیٹلیٹس کو بڑھاتا ہے بلکہ ان کے مطابق پپیتے کے پتوں کے جوس میں موجود اجزاء ڈینگی وائرس کو خون میں بڑھنے سے روک دیتا ہے جس کی وجہ سے پلیٹیلیٹس دوبارہ بڑھنا شروع ہو جاتے ہیں۔ اسی طرح انٹرنیشنل جرنل آف ہیلتھ سائنسز اینڈ ریسرچ کے ایک آرٹیکل کے مطابق پپیتے کے پتوں میں شامل اجزاء میں کارپین نامی ایک کیمیکل بھی شامل ہے جو کہ ڈینگی بخار کے خلاف مریضوں میں قوت مدافعت پیدا کرتا ہے۔

تاہم ان تمام ماہرین کا کہنا ہے کہ اس سلسلے میں مزید تحقیق کی ضرورت ہے تاکہ پپیتے کے پتوں میں پائے جانے والے اجزاء کو بہتر طور پر سمجھا جا سکے اور ان سے اس مرض کی دوا بنانے کی کامیاب کوششیں کی جائیں۔ نامور ماہر امراض خون اور بون میرو ٹرانسپلانٹ سرجن ڈاکٹر ثاقب انصاری کا کہنا ہے کہ ڈینگی بخار بہت کم لوگوں کے لیے خطرناک ثابت ہوتا ہے لیکن کچھ افراد درست اور بروقت علاج نہ کروانے کی وجہ سے اپنی جانوں سے ہاتھ دھو بیٹھتے ہیں۔

ان کا کہنا تھا کہ ڈینگی بخار کی مریض میں تصدیق ہونے پر کسی بھی بھی ماہر ڈاکٹر سے مشورہ کرنا چاہیے اور اگر جسم پر سرخ دھبے نمودار ہوں یا منہ اور جسم کے دیگر حصوں سے خون رسنا شروع ہو جائے تو ایسے مریض کو فوری طور پر کسی بڑے اور بہتر اسپتال لے جایا جانا چاہیے۔

(ایمرا نیوزآن لائن) جس طرح گاڑی ایندھن کے بغیر نہیں چل سکتی بالکل اسی طرح انسان کے لیے بھی زندہ اور صحت مند رہنے کے لیے اچھی غذا کا استعمال لازمی ہے، مگر روز مرہ کی زندگی میں ہم بہت سی غذائیں ایسی کھا رہیں جو مضرِ صحت ہونے کے ساتھ ہماری زندگی کو کم کرنے کا سبب بھی بن رہی ہیں۔

وہ کونسی غذائیں ہیں جو آپ کو آہستہ آہستہ موت کی جانب لے جارہی ہیں جن سے آپ ناواقف ہیں ؟

نمک: غذائیں جو آہستہ آہستہ آپ کو ختم کر رہی ہیں انسانی غذا کا اہم اور بڑا حصہ نمکین غذاؤ ں پر مشتمل ہوتا ہے، نمک خون کی گردش میں مدد دیتا ہے، اس کے زیادہ استعمال سے بلڈ پریشر بڑھ سکتا ہے جس سے دل کے امراض کا خطرہ بڑھ جاتا ہے۔ نمک کو ہم یکسر نظر انداز بھی نہیں کر سکتے، اس لیے اس کا روزانہ مناسب مقدار میں استعمال لازمی ہے۔

چینی میٹھی غذاؤں کے زیادہ استعمال سے بہت سے طبی مسائل پیدا ہو سکتے ہیں جن میں شوگر کی بیماری، آنکھوں کا دھندلا جانا، دل کی بیماریوں سمیت موٹاپے کا باعث بھی بنتی ہے اور موٹاپا خود کئی بیماریوں کی جڑ ہے ۔

جنک فوڈ وقتی طور پر لذیذ، دل اور آنکھوں کو بھانے والی مرغن اور تلی ہوئی غذائیں دیر پا مضر صحت اثرات رکھتی ہیں، ماہرین غذا کے مطابق جنک فوڈ آپ کو بیمار یوں میں مبتلا کر سکتا ہے جن میں چینی ، نمک، مسالے ، رنگ اور کیمیکلز کا کھانے کو ذائقے دار بنانے کے لیے غیر معمولی مقدار میں استعمال کیا جاتا ہے، جس سے دل کی بیماریاں، وزن کا بڑھنا، کینسر ، اور وقت سے پہلے ہی معدہ کمزور ہونے کی شکایت ہو سکتی ہے، جنک فوڈ کا روزانہ استعمال آہستہ آہستہ زندگی میں کمی کا باعث بن رہا ہے۔

ڈبہ پیک جوس: ڈبوں میں ملنے والا جوس ہر گز قدرتی نہیں ہوتا بلکہ اس میں صرف پیکنگ پر پھلوں کی تصویر استعمال کر کے فلیور، بے انتہا مٹھاس اور اسے دیر پا تازہ رکھنے کی غرض سے استعمال کیے گئے کیمیکلز ملائے جاتے ہیں جو صحت کے لیے نہایت مضر صحت ثابت ہوتے ہیں۔

گندم : گندم وزن بڑھانے میں اہم کردار ادا کرتا ہے کیونکہ اس میں کاربوہائیڈ ریٹس بڑی مقدار میں پایا جاتا ہے جس سے خون میں شوگر لیول سمیت انسولین کی مقدار بھی بڑھ جاتی ہےجو شوگر کی بیماری کا سبب بنتی ہے۔

چاکلیٹس: کہتے ہیں کہ چاکلیٹ خود ایک علاج ہے ، ایتھلیٹ اور کھلاڑی ان چاکلیٹ ’ انرجی بارز ‘ کو وقتی طور پر انرجی کے حصول اور موڈ اچھا کرنے کی غرض سے استعمال کرتے ہیں، بچے اور خواتین بھی اسے بے حد پسند کرتی ہیں مگر یہ صحت مند غذا نہیں، چاکلیٹ میں غیر معمولی مٹھاس، فرکٹوز کارن سیرپ، پریزرویٹوز کیمیکل پائے جانے کے سبب یہ مضر صحت ہیں اور انرجی حاصل کرنے کے لیے اچھا آپشن نہیں ہیں۔

ڈیری پروڈکٹس: ہر کام مشینوں سے لینے والا آج کا انسانی جسم اب پہلے کے مقابلے میں لیکٹوز پائے جانے والی غذاؤں کو ہضم نہیں کر سکتا، بہت سے لوگ اب ڈیری پروڈکٹس کے استعمال کے بعد مائیگرین یا پیٹ درد کی شکایت کرتے ہیں، تازہ شفاف دودھ کے بجائے ڈیری پروڈکٹس کا استعمال کینسر، انفیکشن اور دمہ کا سبب بن سکتا ہے۔ دودھ کا استعمال کرنا چاہتے ہیں تو تازہ اور سادہ دودھ کو اپنی غذا کا حصہ بنائیں۔

ریفائن آٹا: سفید آٹا انسانی صحت کے لیے مضر صحت ہے، ریفائن آٹے میں و ٹامنز، پروٹین، فائبر موجود نہیں ہوتا جس کے استعمال سے قبض، وزن میں اضافہ، قوت مدافعت میں کمی اور تھائیرائیڈ کی شکایت ہو سکتی ہے۔

ماجرین: ناشتے کے لیے اہم جز سمجھے جانے والے ماجرین میں ہائیڈروجنیٹ ویجیٹیبل آئل استعمال کیا جاتا ہے جو اصلی نہیں ہوتا، ماہرین غذائیت کے مطابق ماجرین دل کی بیماریوں، شریانوں میں چربی جمنے، کولیسٹرول میں اضافے اور معدے کے کینسر کا سبب بن سکتا ہے۔

پروسیسڈ گوشت اور دیگر غذائیں: مارکیٹ میں ٹن کے ڈبوں میں پیک کیمیکل کے ذریعے محفوظ کی گئی غذائیں، پھل ، مشروبات ، ساسیجز، کھانوں میں استعمال ہونے والی چٹنیاں اور مسالے اور غیر موسمی سبزیاں با آسانی دستیاب ہیں، ان کا استعمال نہایت مضر صحت ہے ، ان کے استعمال سے شوگر، کینسر اور دل کی بیماریاں بڑھ سکتی ہیں۔

آرٹیفشل مٹھاس: شوگر کے مریضوں کے لیے آج کل مارکیٹ میں شوگر فری کے نام پر مٹھایاں، مشروبات سمیت ہر طرح کی غذائیں دستیاب ہیں جن کا استعمال نہایت مضر صحت ہے، ان میں موجود ’ایسپارٹم‘ اور ’نیوٹیم‘ پائے جانے کے باعث کیلوریز میں کمی ضرور آتی ہے مگر ان کا استعمال شوگر کے مریضوں کے لیے ہر گز مناسب نہیں۔

ماہرین غذا کےمطابق ان آرٹیفیشل غذاؤں میں عام غذاؤں سے زیادہ شوگر استعمال کی جاتی ہے، شوگر کے مریضوں کو آرٹیفیشل مٹھاس استعمال کرنے کے بجائے اپنی غذا میں اعتدال سے کام لینا چاہئے، قدرتی مٹھاس جیسے کہ شہد اور پھل کا استعمال کرنا چاہئے۔

اسلام آباد(ایمرا نیوزآن لائن) سابق وزیراعظم نواز شریف کا نام ایگزٹ کنٹرول لسٹ (ای سی ایل) سے نکالنے سے متعلق کابینہ کی ذیلی کمیٹی تاحال کوئی فیصلہ نہ کرسکی۔

قومی احتساب بیورو (نیب) نے اس معاملے پر اپنی رائے دینے انکار کرتے ہوئے کہا ہے کہ وفاقی حکومت کسی بھی شخص کا نام ای سی ایل سے نکالنے کی مجاز ہے۔نیب نے نوازشریف کا نام ای سی ایل سے نکالنے پر حکومتی خط پر نہ کوئی اعتراض کیا اور نہ ہی اس کی منظوری دی۔

ذیلی کمیٹی کا اجلاس : نواز شریف کا نام ای سی ایل سے نکالنے کے معاملے پر وفاقی کابینہ کی ذیلی کمیٹی برائے ایگزٹ کنٹرول لسٹ کا اجلاس وزیر قانون بیرسٹر فروغ نسیم کی زیرصدارت جاری ہے۔ اجلاس میں نواز شریف کے ذاتی معالج ڈاکٹر عدنان اور (ن) لیگ کے ڈپٹی سیکریٹری جنرل عطا تارڑ شریک ہیں جب کہ نیب کے دو نمائندے اور وزیراعظم کے معاون خصوصی برائے احتساب بیرسٹر شہزاد اکبر بھی اجلاس میں شریک ہیں۔

ذرائع کے مطابق اجلاس میں حکومتی اراکین نے مؤقف اپنایا کہ نواز شریف کےعلاج سےمتعلق بیرون ملک روانگی کے لیے نیب کا واضح موقف درکار ہے تاہم اجلاس میں موجود نمائندوں نے واضح مؤقف دینے سے انکار کردیا جس پر ذیلی کمیٹی نے پراسیکویرٹر جنرل نیب کو طلب کر لیا۔ ذرائع کے مطابق نیب حکام اجلاس میں مکمل ریکارڈ ساتھ نہیں لائےجس پر کمیٹی نے اجلاس ڈھائی بجے تک ملتوی کیا اور نیب کے رویے پر برہمی کا اظہار کرتے ہوئے واضح مؤقف پیش کرنے کی ہدایت دی۔

ذرائع نے بتایا کہ کمیٹی نوازشریف کا نام ای سی ایل سے نکالنے کے بارے میں کوئی فیصلہ نہیں کرسکی ہے اور اب اس حوالے سے اجلاس رات ساڑھے 9 بجے ہوگا۔ کمیٹی کے سربراہ بیرسٹر فروغ نسیم کا کہنا تھا کہ اس حوالے سے میرٹ پر فیصلہ کیا جائے گا۔ شہباز شریف کے نمائندے کابینہ کی ذیلی کمیٹی میں جائیں گے، مریم اورنگزیب

پاکستان مسلم لیگ (ن) کی ترجمان مریم اورنگزیب کا کہنا ہے کہ امید ہے حکومتی سطح پر ای سی ایل سے نام نکالنے کے امور کو جلد نمٹایا جائے گا۔ مریم اورنگزیب کا کہنا ہے کہ نواز شریف کو بیرون ملک لےجانے کے لیے ائیر ایمبولینس کا انتظام کرلیاگیا، ائیر ایمبولینس بدھ کو پہنچے گی۔ مریم اورنگز یب کا کہناہے کہ نواز شریف کی نازک صحت دیکھتے ہوئے ڈاکٹرز نے ائیر ایمبولینس کاکہا ہے،ان کے پلیٹیلیٹس کی تعداد قابلِ سفر سطح پر لانےکے لیے ڈاکٹرز کام کررہے ہیں، نوازشریف کی طبیعت ٹھیک نہیں،ڈاکٹرزکی تشویش ہر لمحہ بڑھتی جا رہی ہے۔

’نوازشریف کی بیرون ملک روانگی پر پوری کابینہ راضی نہیں‘: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ کابینہ کے تمام اراکین نواز شریف کو بیرون ملک جانے کی اجازت دینے کے حامی نہیں ہیں۔ قومی احتساب بیورو (نیب) لاہور کی حراست میں میاں نوازشریف کی طبیعت 21 اکتوبر کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزاررہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔

نوازشریف کو پلیٹیلیٹس انتہائی کم ہونے کی وجہ سے کئی میگا یونٹس پلیٹیلیٹس لگائے گئے لیکن اس کے باوجود اُن کے پلیٹیلیٹس میں اضافہ اور کمی کا سلسلہ جاری ہے۔ نوازشریف کے لیے قائم میڈیکل بورڈ کے سربراہ سروسز انسٹی ٹیوٹ آف میڈیکل سائنس (سمز) کے پرنسپل پروفیسر محمود ایاز تھے۔ سابق وزیراعظم کی بیماری تشخیص ہوگئی ہے اور ان کو لاحق بیماری کا نام اکیوٹ آئی ٹی پی ہے، دوران علاج انہیں دل کا معمولی دورہ بھی پڑا جبکہ نواز شریف کو ہائی بلڈ پریشر، شوگراور گردوں کا مرض بھی لاحق ہے۔

اسی دوران نواز شریف کو لاہور ہائیکورٹ نے چوہدری شوگر ملز کیس میں طبی بنیادوں پر ضمانت دی اور ساتھ ہی ایک ایک کروڑ کے 2 مچلکے جمع کرانے کا حکم دیا۔ دوسری جانب اسلام آباد ہائیکورٹ نے 26 اکتوبر کو ہنگامی بنیادوں پر العزیزیہ ریفرنس کی سزا معطلی اور ضمانت کی درخواستوں پر سماعت کی اور انہیں طبی و انسانی ہمدردی کی بنیاد پر 29 اکتوبر تک عبوری ضمانت دی اور بعد ازاں 29 اکتوبر کو ہونے والی سماعت میں اسلام آباد ہائیکورٹ نے سابق وزیراعظم کی سزا 8 ہفتوں تک معطل کردی۔ خیال رہے کہ العزیزیہ اسٹیل ملز کیس میں سابق وزیراعظم کو اسلام آباد کی احتساب عدالت نے 7 سال قید کی سزا سنائی تھی۔

(ایمرا نیوزآن لائن) دنیا میں بہت سے لوگ ایسےہیں جن کے خون میں شکرکی مقدار زیادہ ہوجاتی ہے اور وہ اس بات سے بے خبر ہوتے ہیں، کیونکہ ہمیں یہ بات معلوم ہی نہیں ہے کہ خون میں شکر کی مقدار کے اضافے کی کیا علامات ہوتی ہیں۔

نیشنل انسٹیٹیوٹ آف ڈائبیٹیز ، ڈائجسٹو اینڈ کڈنی ڈیزیز کے مطابق تقریباً 25 فیصد افراد ایسے ہیں جو کہ ذیابیطس کی بیماری میں مبتلا ہیں اور انہیں اس بات کا علم ہی نہیں ہوتا۔

خون میں شکر کی مقدار میں اضافے کا سبب؟ ہم یہ سوچتے ہوں گے خون میں شکر کی مقدار میں اضافہ زیادہ میٹھا کھانے کی وجہ سے ہوتا ہے لیکن زیادہ شکر کے ساتھ ساتھ زائد کاربوہائیڈریٹس کا استعمال بھی خون میں موجود شکر کی مقدار کو بڑھاتا ہے جبکہ تناؤ کی کیفیت بھی خون میں شکر کی مقدار کے اضافے کا سبب بنتی ہے۔

خون میں شکر کی مقدار بڑھ جانے کی علامات جس شخص کو ذیابیطس یعنی شوگر کی تشخیص ہو چکی ہے وہ لوگ ان علامات سے بخوبی واقف ہوں گے مگر اکثریت ان سے لاعلم ہے۔

آئیے ہم آپ کو خون میں شکر یعنی شوگر کی مقدار بڑھ جانے کی چند علامات بتائیں۔

تھکاوٹ: خون میں شکر کی مقدار میں اضافے کی ایک علامت تھکاوٹ بھی ہے۔ ڈاکٹرز کا کہنا ہے اکثر خون میں شکر کی مقدار کم ہونے کی وجہ سے بھی تھکاوٹ ہوتی ہے۔

لیکن اگر کسی شخص کو روزانہ کھانا کھانے کے فوراً بعد تھکاوٹ محسوس ہو تو یہ علامت خون میں شکر کی مقدار زیادہ ہونے کی ہے۔ نیشنل انسٹیٹیوٹ آف ڈائبیٹیز اینڈ ڈاجیسٹو کڈنی کی ماہر ذیابیطس ڈاکٹر ہیٹیپوگلو کا کہنا ہے کہ ہم نے اکثر لوگوں کو یہ کہتے سنا ہوگا کہ کھانے کے بعد ان کو فوراً سونے کا دل کرتا ہے، بہت سے لوگ میٹھا یا آلو سے بنی کوئی چیز کھانے کے بعد کہتے ہیں کہ ہمیں نیند آرہی ہے۔ یہ علامت خون میں شکر کی مقدار زیادہ ہونے کی وجہ سے ہوسکتی ہیں اور ایسی صورت میں آپ کو فوراً اپنے ڈاکٹر کے مشورے سے ٹیسٹ کروانے چاہییں۔

آنکھوں میں دُھندلاہٹ: ماہرین ذیابیطس کا کہنا ہے کہ خون میں شکر کی مقدار زیادہ ہونے کی وجہ سے یہ جسم کے کسی بھی حصے کو متاثر کر سکتی ہے۔ خون میں شکر کی زائد مقدار آنکھوں کے درمیانی حصے کو جزوی طور پر متاثر کرتی ہے جس کی وجہ سے انسان کو دھندلا نظر آنے لگتا ہے۔ تاہم، یہ جزوی طور پر دھندلاہٹ آنکھوں کو ہمیشہ کے لیے نقصان نہیں پہنچاتی۔

زخم دیر سے ٹھیک ہونا ماہرِ ذیابیطس ڈاکٹر ہیٹیپوگلو کا کہنا تھا کہ خون میں شکر کی زائد مقدار جسم کے دورانِ خون کے نظام کو بھی متاثر کرتی ہے جس کی وجہ سے جسم پر لگنے والی چوٹ یا زخم دیر سے ٹھیک ہوتا ہے۔

دانتوں کی بیماریاں ہمارے منہ میں موجود لعاب اور خون میں گلوکوس موجود ہوتا ہے لیکن اس گلوکوس کی مقدار اگر زیادہ ہوجائے تو اس وجہ سے منہ میں خطرناک بیکٹیریا جنم لیتے ہیں جس کی وجہ سے دانت گرنا، یا دانتوں سے جُڑی بیماریاں ہونے لگتی ہیں۔ اگر آپ کو ان علامات کا سامنا ہے توپریشانی ہوئے بغیر فوراً ڈاکٹر سے رجوع کریں کیونکہ کسی بھی بیمار ی کی بروقت تشخیص جان بچا سکتی ہے۔

اسلام آباد(ایمرا نیوزآن لائن) احتساب عدالت نے جعلی بینک اکاؤنٹس کیس میں سابق صدر آصف زرداری کی علاج کے لیے کراچی منتقلی کی درخواست مسترد کردی جب کہ عدالت نے سابق صدر اور ان کی ہمشیرہ فریال تالپور کے جوڈیشل ریمانڈ میں 26 نومبر تک توسیع کر دی۔

احتساب عدالت اسلام آباد کے جج اعظم خان نے جعلی بینک اکاؤنٹس سے متعلق میگا منی لانڈرنگ اور پارک لین کیسز کی سماعت کی جس سلسلے میں فریال تالپور کو عدالت میں پیش کیا گیا جب کہ سابق صدر آصف زرداری کو عدالت پیش نہ کیا جا سکا۔ لطیف کھوسہ ایڈووکیٹ نے آصف زرداری کو بیماری کے باعث علاج کی غرض سے کراچی منتقل کرنے کی درخواست پر دلائل دیے جس میں ان کا کہنا تھا کہ آصف زرداری کی پوری میڈیکل ہسٹری کراچی میں ہے، بہتر علاج بھی وہیں ممکن ہے۔

نیب پراسیکیوٹر نے درخواست کی مخالفت کرتے ہوئے کہا کہ آصف زرداری کو پمز اسپتال منتقل کرکے اسے سب جیل کا درجہ دیا گیا ہے جہاں انہیں تمام طبی سہولیات مہیا کی جا رہی ہیں، اگر انہیں پرائیویٹ ڈاکٹر کی معاونت چاہئے تو حکومت کو درخواست دیں۔

لطیف کھوسہ نے کہا ایک مریض کو یہ باہر بھجوانے کو تیار ہیں اور آصف زرداری کو اپنا معالج اور ملک میں مرضی کا علاج کرانے کی اجازت نہیں دے رہے، آصف زرداری نے حکومت سے پہلے کوئی بھیک مانگی ہے نہ اب مانگیں گے، عدالت اسپتال منتقلی کا حکم دے سکتی تھی اب باقی سہولیات کے لیے حکومت کو ہی درخواست دیں، علاج کے لیے کراچی منتقلی کی درخواست قابل سماعت ہی نہیں، آصف زرداری کو حکومت کے بنائے گیے میڈیکل بورڈ کی سفارشات پر ہی اسپتال منتقل کیا گیا، حکومت کو درخواست دینا بھیک مانگنا نہیں ہوتا۔

بعد ازاں عدالت نے آصف زرداری اور فریال تالپور کے جوڈیشل ریمانڈ میں 26 نومبر تک توسیع کردی جب کہ آصف زرداری کی کراچی منتقلی کی درخواست پر فیصلہ محفوظ کرلیا۔ عدالت نے کچھ دیر بعد فیصلہ سناتے ہوئے ہوئے آصف زرداری کی علاج کے لیے کراچی منتقلی کی درخواست مسترد کردی۔

کراچی(ایمرا نیوزآن لائن) سندھ ہائیکورٹ نے کراچی میں دودھ کی قیمت 94 روپے فی لیٹر برقرار رکھنے کا حکم دے دیا۔

سندھ ہائیکورٹ میں مہنگا دودھ فروخت ہونے پر حکام کے خلاف توہین عدالت کی درخواست کی سماعت ہوئی جس دوران درخواست گزار عمران شہزاد نے عدالت کو بتایا کہ شہر میں دودھ مہنگے داموں فروخت کیا جارہا ہے اور بیشتر علاقوں میں 110 روپے فی لیٹر فروخت ہورہا ہے لہٰذا آل کراچی ملک ریٹلرز ایسوسی ایشن کے خلاف توہین عدالت کی کارروائی جائے۔ اس موقع پر ڈیری فارم ایسوسی ایشن نے مؤقف اپنایا کہ جس ایکٹ کے تحت دودھ کی قیمت مقرر کی جارہی ہے وہ ختم ہوچکا ہے۔

دورانِ سماعت اسسٹنٹ کمشنر نے مہنگا دودھ فروخت کرنے والوں کے خلاف کارروائی کی رپورٹ عدالت میں جمع کرائی جس کے مطابق زائد قیمتوں پر دودھ فروخت کرنے والوں کے خلاف سخت کارروائی کی جارہی ہے، 24 اکتوبر سے اب تک زائد قیمت پر دودھ فروخت کرنے والوں کے خلاف کارروائی کی جس میں 33 لاکھ 66 ہزار روپے سے زائد جرمانے کیے، اس کے علاوہ مقررہ قیمت سے زائد قیمت پر دودھ فروخت کرنے والے 4 افراد کو جیل بھیجا گیا۔

عدالت نے 5 دسمبر کو دودھ کی قیمت سے متعلق ایکٹ اور قانون سازی سے متعلق رپورٹ طلب کرلی اور شہر میں دودھ کی قیمت 94 روپے فی لیٹر برقرار رکھنے کا حکم دیا ہے۔ دوسری جانب کراچی میں عدالتی حکم اور سرکاری افسران کی کارروائی کے باوجود بیشتر علاقوں میں دودھ 100 سے 110 روپے لیٹر تک فروخت کیا جارہا ہے۔ دودھ فروشوں نے سرکاری نرخ ماننے سے انکار کرتے ہوئے کہا ہےکہ منڈی سے دودھ مہنگا خرید کی وجہ سے اسے اضافی نرخ پر فروخت کرنے پر مجبور ہیں۔