Category صحت

لاہور (ایمرا نیوز آن لائن) پنجاب میں 24 گھنٹوں کے دوران ڈینگی کے مزید 348 کیسز سامنے آگئے۔ڈینگی کنٹرول پروگرام کے مطابق ملک بھر میں 3 ہزار 674 افراد ڈینگی سے متاثر ہیں اور صرف پنجاب میں تعداد 2 ہزار 158 ہوگئی ہے۔

پنجاب میں 24 گھنٹوں کے دوران ڈینگی کے 348 نئے کیسز رپورٹ ہوئے ہیں جن میں سے راولپنڈی میں 127، اسلام آباد 198 جب کہ لاہور سمیت 4 دیگر شہروں سے 19 کیسز سامنے آئے۔

ڈینگی کنٹرول پروگرام کےمطابق لاہور میں لاہور میں ڈینگی سے متاثرہ مریضوں کی تعداد 53 ہوگئی ہے۔

لاہور میڈیا 92(آن لائن)
ایک تحقیق کے مطابق یہ بات سامنے آئی ہے کہ برطانیہ میں نصف سے زیادہ حاملہ خواتین موٹاپے یا زائد وزن کا شکار ہوتی ہیں۔

نیشنل میٹرنٹی اینڈ پیرنٹل یونٹ کی جاری کردہ رپورٹ کے مطابق حاملہ خواتین اپنی پریگیننسی کی شروعات میں ہی زائد وزن کے مسئلے سے دوچار ہوتی ہیں جس کی تعداد میں مزید اضافہ ہوا ہے۔

این ایچ ایس کے مطابق زیادہ وزن ماں اور بچے دونوں کی صحت کے لیے پیچید گیوں کا باعث بن سکتا ہے۔

اس نئی رپورٹ کے مطابق 714,000 جن حاملہ خواتین کو لے کر یہ رپورٹ بنائی گئی ان میں 309,854 خواتین پہلے سے ہی وزن بڑھنے کے مسئلے سے دوچار تھیں اور 18,379 ایسی تھیں جن میں موٹاپا کسی بیماری کا اشارہ دے رہا تھا۔

این ایچ ایس کے مطابق دوران حمل زائد وزن اسقاط حمل، پیدائش سے پہلے موت کا سبب بھی بن سکتا ہے۔ اگر حاملہ عورت خصوصا 30 سال سے زائد عمر کی عورت کا باڈی ماس انڈیکس تین گنا زیادہ بڑھ جائے تو یہ ہائی بلڈ پریشر کے ساتھ ذیابیطس کا خطرہ بھی بڑھا دیتا ہے۔

رائل کالج کے بچوں کے ماہر ڈاکٹر کے مطابق زائد وزن والے والدین کے بچے بھی موٹاپے کا شکار ہوسکتے ہیں اور ایسے بچوں میں ٹائپ ٹو ذیابیطس کا خطرہ بھی زیادہ ہوتا ہے۔

دوران حمل خواتین اور ڈلیوری کے بعد بہترین معاونت فراہم کرنے سے ماں اور بچے دونوں کی صحت کے حوالے سے اچھے نتائج حاصل کئے جاسکتے ہیں۔

کراچی(ایمرا نیوز آن لائن)کراچی سمیت ملک کے مختلف شہروں میں ڈینگی وائرس زور پکڑ گیا جس کے باعث ہزاروں افراد ڈینگی بخار میں مبتلا ہیں۔ترجمان انسداد ڈینگی پروگرام کے مطابق ڈینگی کے کیسز سب سے زیادہ کراچی سے سامنے آئے ہیں جس میں مخلتف علاقوں کی درجہ بندی کی گئی ہے۔درجہ بندی کے مطابق سب سے زیادہ کیسز شہر کے ضلع غربی سے رپورٹ ہورہے ہیں، دوسرے نمبر پر ضلع جنوبی ڈینگی کی آماج گاہ بنا ہوا ہے، تیسرے نمبر پر ضلع وسطی میں ڈینگی مچھروں نے شہریوں کو نشانے پر لے رکھا ہے جب کہ چوتھے نمبر پر ضلع شرقی، پانچویں نمبر پر کورنگی اور چھٹے نمبر پر ضلع ملیر ہے۔

ترجمان انسداد ڈینگی سیل کے مطابق کراچی میں ڈینگی وائرس سے متاثرین کی تعداد 2 ہزار سے تجاوز کر گئی ہے جب کہ رواں برس شہر میں اس وائرس سے 8 افراد ہلاک ہوچکے ہیں۔ادھر پشاور سمیت خیبر پختونخوا کے دوسرے اضلاع میں ڈینگی وائرس سے متاثرہ افراد کی تعداد 1600 سے تجاوز کر گئی ہے۔

محکمہ صحت کے اعداد و شمار کے مطابق پشاور میں 61 افراد میں ڈینگی وائرس کی تصدیق ہوئی ہے۔رپورٹ کے مطابق ایبٹ آباد میں 9، بٹگرام میں9، ہری پور میں 5، مانسہرہ میں 8، ڈینگی کے کیسز سامنے آئے ہیں جب کہ سوات میں 10 اور مردان میں 4 ڈینگی کیسز رپورٹ ہوئے ہیں ۔

لوئردیر میں 12 شانگلہ میں 3، بونیر اور لکی مروت میں ایک ایک ڈینگی وائرس کا کیس رپورٹ ہوا ہے ۔محکمہ صحت خیبرپختونخوا کے مطابق پشاور میں ڈینگی کا شکار ہونے والے بیشتر مریضوں کا تعلق شیخ محمدی سر بند اور شیخان کے علاقوں سے ہے۔

دوسری جانب 24 گھنٹوں کے دوران اسلام آباد سمیت پنجاب کے مختلف شہروں میں مزید 208 افراد میں ڈینگی وائرس کی تصدیق ہوئی ہے۔محکمہ صحت پنجاب کے مطابق راولپنڈی سے 116، اسلام آباد سے 76 افراد اور لاہور سے 45 افراد میں ڈینگی وائرس کی تصدیق ہوچکی ہے۔رپورٹ کے مطابق پنجاب میں ڈینگی وائرس سے متاثرہ افراد کی تعداد 1869 ہو چکی ہے۔

لاہور (میڈیا 92 آن لاین)
چکن دنیا میں سب سے زیادہ کھائے جانے والا گوشت ہے لیکن خبردار یہ کینسر کا شکار بھی بناسکتا ہے۔

غیر ملکی خبررساں ادارے کے مطابق یہ دعویٰ برطانیہ میں ہونے والی ایک طبی تحقیق میں سامنے آیا ہے۔

آکسفورڈ یونیورسٹی کی تحقیق میں بتایا گیا کہ بہت زیادہ چکن کھانے کی عادت خون کے کینسر اور مردوں میں مثانے کے کینسر کا شکار بناسکتی ہے۔

اس تحقیق کے دوران 4 لاکھ 75 ہزار سے زائد درمیانی عمر کے افراد کی غذائی عادات کا جائزہ 2006 سے 2014 تک لیا گیا۔

تحقیق کے دوران ان افراد کی غذائوں کے ساتھ ان امراض کا تجزیہ بھی کیا گیا جن کے وہ شکار ہیں اور ان میں سے 23 ہزار میں کینسر کی تشخیص ہوئی۔

تحقیق کے مطابق چکن کھانے کی عادت اور خون و مثانے کے کینسر کے درمیان تعلق موجود ہے۔

اب تک چکن کو سرخ گوشت کا صحت بخش متبادل تصور کیا جاتا تھا، سرخ گوشت کا بہت زیادہ استعمال بھی مختلف اقسام کے کینسر کا خطرہ بڑھا سکتا ہے۔

اس تحقیق کے محققین نے تسلیم کیا کہ اس حوالے سے مزید تحقیق کی ضرورت ہے تاکہ چکن اور کینسر کے درمیان تعلق کی وضاحت ہوسکے۔

محققین کا کہنا تھا کہ ہمارا خیال تھا کہ نتائج سے معلوم ہوگا کہ سرخ گوشت سفید گوشت کے مقابلے میں بلڈ کولیسٹرول لیول پر زیادہ منفی اثرات کرتا ہوگا مگر یہ جان کر حیران رہ گئے کہ ایسا نہیں بلکہ دونوں اقسام کے گوشت کولیسٹرول پر ایک جیسے ہی اثرات مرتب کرتے ہیں۔

انہوں نے کہا کہ سُرخ یا سفید کسی بھی قسم کے گوشت کا اعتدال میں رہ کر استعمال کرنا نقصان دہ کولیسٹرول کو کنٹرول کرنے میں مدد دیتا ہے جس سے امراض قلب اور ہارٹ اٹیک کا خطرہ کم ہوتا ہے۔

تحقیق میں بتایا گیا کہ درمیانی عمر میں غذائی پروٹین جیسے دودھ، مرغی، مکھن اور پنیر وغیرہ سے ہارٹ فیلیئر کا خطرہ 49 فیصد بڑھا دیتے ہیں جب کہ مچھلی اور انڈوں میں موجود پروٹین سے یہ خطرہ نہیں بڑھتا۔

تحقیق میں بتایا گیا کہ حیوانی پروٹین کے زیادہ استعمال یہ خطرہ 43 فیصد جبکہ نباتاتی پروٹین کے استعمال سے 17 فیصد تک بڑھ جاتا ہے۔

فن لینڈ کی ایسٹرن فن لینڈ یونیورسٹی کی تحقیق میں بتایا گیا کہ بیشتر غذائی ذرائع سے حاصل ہونے والی پروٹین کا زیادہ استعمال ہارٹ فیلیئر کا خطرہ کسی حد تک بڑھا سکتا ہے، صرف مچھلی اور انڈے اس خطرے کا باعث نہیں بنتے۔

لاہور(وقت آن لائن)
دوران حمل درد کی صورت میں پیراسیٹامول کا استعمال سب سے زیادہ محفوظ تصور کیا جاتا تھا لیکن برسٹل یونیورسٹی کی تازہ ترین ریسرچ رپورٹ میں انکشاف کیا گیا ہے کہ دوران حمل پیراسیٹامول کے استعمال سے نومولود میں اے ڈی ایچ ڈی کا خطرہ یعنی بیہیوریل نقائص کاخدشہ ہوتا ہے۔

برسٹل یونیورسٹی کے ریسرچرز کی تحقیقی رپورٹ دیتے ہوئے ڈیلی مرر نے خبر دی ہے کہ جو خواتین دوران حمل پیراسیٹامول لیتی ہیں ان کے بچوں میں یہ نقائص پیدا ہوسکتے ہیں۔

ریسرچرز نے یہ رپورٹ برسٹل کے 14 ہزار بچوں کے قبل از سکول آئی کیو ٹیسٹ کے تجزیئے کے بعد تیار کی ہے۔

خواتین نے بتایا کہ جب وہ 7 ماہ کی حاملہ تھیں تو انہوں نے پیراسیٹامول استعمال کیا تھا جب کہ بعض نے حمل کے آخری تین ماہ کے دوران درد شکنی کیلئے اس کا استعمال کیا تھا۔

ریسرچرز نے یہ بھی انکشاف کیا ہے کہ ای سگریٹ استعمال کرنے والی خواتین مشکل سے حاملہ ہوتی ہیں، سائنسدانوں نے حاملہ خواتین کے پیرا سیٹا مول کے استعمال کی وجہ سے بچوں میں ہائپر ایکٹیویٹی اور کسی چیز پر توجہ مرکوز کرنے میں مشکلات کا بھی پتہ چلایا ہے۔

کراچی (ایمرا نیوز آن لائن)کراچی ے قومی ادارہ برائے صحت اطفال سے نومولود بچی کو اغوا کرلیا گیا۔قومی ادارہ برائے صحت اطفال سے گزشتہ شام 6 روز کی بچی کو اغوا کیا گیا، بچی زینت کے اہل خانہ کے مطابق 6 روز قبل زینت لیاری جنرل اسپتال میں پیدا ہوئی تھی تاہم بچی کی طبیعت خراب ہونے پر 12 ستمبر کو این آئی سی ایچ منتقل کیا گیا تھا۔

بچی کے باپ ابراہیم کے مطابق گزشتہ شام زینت کی دادی اسےدیکھنے آئی سی یو میں گئی تو پتہ چلا بچی غائب ہے جب کہ اسپتال انتظامیہ نے انہیں جو بچے دکھائے ان میں زینت نہیں تھی۔

بچی کے اہل خانہ نے صدر تھانے میں درخواست جمع کرادی جس کے بعد پولیس نے سی سی ٹی کی مدد سے تحقیقات کا آغاز کردیا ہے۔

ملتان (ایمرا نیوز/ رپورٹ‌سرفرازاحمدسے)
پاکستان کیمسٹ ایسوسی ملتان ڈویژن کے صدر محمد اختر بٹ نے کہا کہ انسانی زندگی بچانے والی ادویات کی قیمتوں میں کمی کا اعلان کرنے کے بعد قیمتوں میں مزید اضافہ غریب اور متوسط طبقے سے ظلم اور بدعہدی کی بھرمار مزمت کرتے ہیں.

موجودہ دور میں ہاسپٹل میں ادویات کی قلت ٹیسٹوں کی فیس اور پرچی فیس. میں اضافے کی مستقبل میں مثال نہیں ملتی مہنگائی بے روزگاری سے جرائم میں اضافے نے عوام کا جینا حرام کر دیا انسانی زندگی بچانے والی بیشتر ادویات کی شدید قلت کی وجہ سے بلیک مارکیٹنگ ایک مستقل درد سر مریض دھکے کھاتے ہیں اور مایوسی ھو کر بدعاییں دیتے ہیں.

انسانی زندگیوں سے کھیلنا کسی بھی مہزب معاشرے کو زیب نہیں دیتا بار ھا دفعہ متعلقہ زمے داران کو اپیل کرتے ہیں لیکن کوئی شنوائی نہیں ھوتی افسوس سے کہنا پڑتا ھے کے ملٹی نیشنل کمپنیوں نے ناجائز منافع خوری کی وجہ سے یہ وطیرہ بنا لیا ھے جن کے خلاف محکمانہ کاروائی اشد ضروری ہے ھم حکمرانوں سے اپیل کرتے ہیں کہ ادویات کی قیمتوں میں کمی کا اور قلت کا فلفور نوٹس لیں تاکہ عوام سکھ کا سانس لے سکیں

اسرائیل (ایمرا نیوز آن لائن) اسرائیل میں باحجاب خاتون ڈاکٹر کو بھرتی نہ کرنے پر عدالت نے کلینک پر جرمانہ عائد کر دیا۔اسرائیل کے علاقے نتانیا میں واقع دانتوں کے ایک کلینک میں باحجاب ڈاکٹر کو بھرتی کرنے سے انکار کیا جس پر اسرائیلی عدالت نے کلینک پر 11 ہزار ڈالرز سے زائد کا جرمانہ عائد کردیا۔

اسرائیلی اخبار کی رپورٹ کے مطابق خاتون ڈینٹل ڈاکٹر نے کلینک انتظامیہ کے ساتھ اپنی بات چیت ریکارڈ کرلی جس میں سُنا گیا کہ اگرچہ ان کا تاثر اچھا رہا لیکن مریض نہیں چاہیں گے کہ وہ باحجاب ڈاکٹر سے علاج کرائیں۔تل ابیب ریجنل لیبر کورٹ کے فیصلے کے مطابق کلینک انتظامیہ کی جانب سے ڈاکٹر کی خدمات سے انکار کرنا غیر قانونی اور متعصبانہ رویہ ہے۔

آڈیو ریکارڈنگ کے مطابق کلینک کے مالک اور ڈائریکٹر نے انٹرویو کے دوران اس بات کی تجویز پیش کی تھی کہ خاتون ڈاکٹر کو کام کے دوران حجاب ختم کرنا ہوگا۔خاتون ڈاکٹر نے اس سے انکار کیا جس پر بعد میں انہیں بتایا گیا کہ ان کی خدمات درکار نہیں۔

سرگودھا (ایمرا نیوز آن لائن) سرگودھا میں ایک خاتون کے ہاں 6 صحتمند بچوں کی پیدائش ہوئی ہے۔سرگودھا کے ایک نجی اسپتال میں خاتون کے ہاں چھ بچوں کی پیدائش ہوئی پر اہلخانہ خوشی سے نہال ہو گئے۔

پھلروان کی رہائشی خاتون غزالہ بی بی کے ہاں چار بیٹوں اور دو بیٹیوں کی پیدائش پر اہلخانہ نے مٹھائیاں تقسیم کیں۔اہل خانہ کے مطابق خوش نصیب جوڑے کے ہاں 7 سال کے بعد اولاد ہوئی ہے جب کہ ڈاکٹرز کے مطابق ماں اور بچے صحت مند ہیں۔

اسلام آباد (ایمرا نیوز آن لائن) گرمیوں کے موسم میں زیادہ پانی پینے اور تازہ پھل کھانے کی خاص تاکید کی جاتی ہے، کیونکہ یہ دونوں منرلز اور غذائیت سے بھرپور ہیں، جو شدید گرمی میں بھی انسانی جسم کو تروتازہ رکھتے ہیں۔ لیکن ایک اہم سوال جو اکثر لوگ پوچھتے ہیں وہ یہ ہے کہ کیا پھل کھانے کے بعد پانی پی سکتے ہیں یا نہیں؟

میڈیا رپورٹس کے مطابق ایک بھارتی ماہر غذائیت ’پوجا مکھیجا‘ کا اپنی رپورٹ میں کہنا ہے کہ کافی عرصے سے ایک طویل بحث جاری تھی کہ پھلوں کو کھانے کا بہترین وقت کون سا ہے؟ تحقیق کے بعد ماہرین نے بتایا کہ پورے دن میں پھل کو کسی بھی وقت کھایا جاسکتا ہے، یہ صحت کے لیے بہترین ہے۔ لیکن یہ سوال اب بھی وہیں کا وہیں ہے کہ کیا پھل کھانے کے بعد پانی پینا صحیح ہے؟

اس حوالے سے کچھ لوگوں کا خیال ہے کہ پھل کھانے کے فوراً بعد پانی پینے سے سختی سے پرہیز کیا جانا چاہیے کیونکہ ایک عام بات جو اس سے متعلق کہی جاتی ہے وہ یہ ہے کہ پھلوں کے کھانے کے بعد فوراً پانی پینا پیٹ میں درد کی وجہ بن سکتا ہے کیونکہ پھلوں میں بہت زیادہ مقدار میں شوگر (فریکٹوز کی شکل میں) پائی جاتی ہے، اس لیے پھلوں پر پانی پینے سے معدے میں مختلف قسم کے انفیکشنز ہونے کا خطرہ بڑھ سکتا ہے۔

دوسری جانب ماہرین اس بات پر متفق ہیں کہ کچھ پھلوں کو کھانے کے بعد پانی بالکل نہیں پینا چاہیے جیسے کہ ’تربوز‘۔ یہ پیٹ میں جذب اور عمل انہضام کو سست کر دیتا ہے جس سے پیٹ میں تیزابیت ہوجاتی ہے۔ ماہرین کا کہنا ہے کہ پیٹ کے حساس مریض جب تربوز کے اوپر پانی پیتے ہیں تو انہیں شدید بے چینی کا سامنا کرنا پڑتا ہے۔

ایک اور ماہرین صحت کا کہنا ہے کہ کیلا کھانے کے بعد پانی (خصوصاً ٹھنڈا پانی) پینا صحت کے لیے نقصان دہ ہے، کیونکہ کیلا اپنی موروثی خصوصیات کی وجہ سےکھانا ہضم کرنا مشکل بنا دیتا ہے۔ البتہ کیلا کھانے کے 15 سے 20 منٹ بعد پانی پیا جاسکتا ہے۔

اس کے علاوہ رپورٹ میں کہا گیا ہے کہ ترشہ پھلوں (citrus fruits) اور زیادہ پانی پر مشتمل پھلوں کے بعد بالکل بھی پانی نہیں پینا چاہیے لیکن پھلوں کے ہضم ہونے کے بعد یعنی کم از کم آدھے گھنٹے یا ایک گھنٹے بعد پانی پی سکتے ہیں۔