Category صحت

اسلام آباد(ایمرا نیوز آن لائن)پیدائشی طور پر بینائی سے محروم سویرا کی زندگی میں 16 برس بعد اجالا ہو گیا۔16 سالہ سویرا سرگودھا کی رہائشی ہیں جو پیدائشی طور پر دونوں آنکھوں کی بینائی سے محروم تھی، ان کی آنکھوں کا ایک این جی او نے کامیاب آپریشن کیا جس کے بعد اب ان کی بینائی بحال ہوگئی ہے۔این جی او کے ڈاکٹر نے بتایا کہ سویرا پیدائش سے ہی نابینا تھیں جن کی آنکھوں کا مفت آپریشن کیا گیا اور اب وہ ہر چیز دیکھ سکتی ہیں۔

سویرا کا کہنا تھا کہ انہیں بچپن سے ہی نظر نہیں آتا تھا جس کی وجہ سے انہیں چلنے پھرنے میں مشکلات کا سامنا تھا۔سویرا نے بتایا کہ آپریشن کے بعد بہت خوش ہوں کیونکہ اب میں سب کو دیکھ سکتی ہوں۔بیٹی کی بینائی لوٹ آنے پر خوشی سے نہال والدہ نے بتایا کہ جب سویرا نے آپریشن کے بعد آنکھیں کھولیں تو سب سے پہلے مجھے دیکھا۔این جی او کی جانب سے سویرا سمیت 5 نابینا افراد کی آنکھوں کا کامیاب آپریشن کرکے انہیں بینائی کا مفت تحفہ دیا گیا۔

لندن (ایمرا نیوز آن لائن)وزن میں صحت مندانہ طریقے اور تیزی سے کمی لانا چاہتے ہیں تو یہ 3 ورزشیں آج ہی سے شروع کر دیں، ان ورزشوں کے نتائج مثبت اور حیران کن ہیں۔امریکی ویب سائٹ ’ ہیلتھ لائن ‘ کے مطابق روزانہ کی بنیاد پر یا ہفتے میں کم از کم 3 دن ورزش کرنا انسانی جسم کے صحت مند اور بیماریوں سے دور رہنے کے لیے لازمی ہے، وزن میں کمی کے بے شمار فوائد ہیں جس میں سب سے اہم وزن میں کمی آنے کے باعث انسان میں خود اعتماد ی بحال ہوتی ہے اور پہلے سے خود پھرتیلا، ہلکا اور خوش محسوس کرتا ہے۔

وزن میں تیزی سے کمی لانے والے خواہشمند افرا دیہ 3 ورزشیں اپنا کر دنوں میں مثبت نتائج حاصل کر سکتے ہیں۔بر پیس ورزش میں بیک وقت انسان کا سارا جسم حرکت میں آجاتا ہے، جسم میں خون کی روانی بڑھ جاتی ہے ،سانس پھول جاتا ہے جس سے پھیپڑوں تک صحیح سے آکسیجن کی ترسیل ہوتی ہے۔پہلے سیدھے کھڑے ہو جائیں پھر نیچے بیٹھتے ہوئے ہاتھ اور پاؤں کو زمین پر خود کو کھڑا کریں بعد میں چھلانگ لگاتے ہوئے دوبارہ سے اوپر کی جانب سیدھے کھڑے ہو جائیں۔’امریکن کالج آف اسپورٹس اینڈ میڈیسن ‘ کے مطابق برپیس وزن میں کمی لانے کے لیے ایک بہترین آپشن ہے 180 پاؤں وزنی انسان ایک بر پیس کے ذریعے 5.1 کیلوری جلا سکتا ہے۔
رسی کودنا
رسی کودنا کھیل کا ایک سستا ترین ذریعہ بھی ہے اور کارآمد ورزش بھی ہے ، اسے خواتین کے لیے بہترین ورزش قرار دیا گیا ہے، اس ورزش سے خون کی گردش میں تیزی آتی ہے جس سے سانس پھول جاتا ہے، پھیپڑوں کوصحیح طریقے سے کام کرنے کا موقع ملتا ہے۔ اس ورزش سے 1 منٹ میں 13 کیلوریز جلتی ہیں۔
تیراکی
تیراکی سے سارا جسم متحرک ہو جاتا ہے جس سے کیلوریز جلدی سے زائل ہوتی ہیں، جم میں پٹھوں کو متحرک کرنے کے لیے باقاعدہ ایک سیشن رکھا جاتا ہے جس میں ’ککنگ‘ یعنی پٹھوں کو جھٹکا دیا جاتا ہے، جم ٹرینرز کے مطابق ککنگ چربی گھلانے کا اچھا طریقہ ہے، اس میں انسانی جسم کے کئی پٹھے شامل ہوتے ہیں، تیراکی میں ایک ساتھ انسان ٹانگوں سے ککنگ اور بازوؤں سے پانی پیچھے دھکیل رہا ہوتا ہے جس سے کیلوریز کو تیزی سے برن ہونے میں مدد ملتی ہے۔

اسلام آباد (ایمرا نیوز آن لائن نیوز) شوگر کے مریضوں کے لیے ورزش کرنا نہایت اہم عمل ہے، ورزش کے ذریعے شوگر کے مریض بلڈ پریشر اور وزن متوازن رکھنے کے ساتھ ساتھ ذیابطیس سے بھی چھٹکارہ پا سکتے ہیں۔امریکی یونیورسٹی ہارورڈ میڈیکل اسکول کی ویب سائٹ ’ ہارورڈ ہیلتھ پبلشنگ ‘ کے مطابق ذیباطیس کے مریضوں کو ایک ہفتے میں کم از کم 3 دن ورزش ضرور کرنی چاہیے ، اس سے نا صرف وزن میں کمی آتی ہے بلکہ بلڈ پریشر ، انسولین، خون میں شوگر کی مقدار میں کمی سمیت کولیسٹرول لیول بھی متوازن ہو جاتا ہے۔

ذیابطیس کے مریضوں کے لیے چہل قدمی مفید ترین ورزش ہے جو ڈاکٹرز کی جانب سے بھی تجویز کی جاتی ہے، اسے روزانہ کی بنیاد پر بھی کر سکتے ہیں، تیز قدموں سے چلنے کے فوائدبے شمار ہیں ۔
یوگا
یوگا انسانی جسم کو آرام اور سکون کی حالت میں لانے میں مفید ترین ورزش ہے، یاد رکھیے ذیابطیس کا پریشانی اور ذہنی دباؤ سے براہ راست تعلق ہے۔ ذہنی پریشانی سے بچنا چاہتے ہیں تو یوگا بہترین ورزش ہے، اس کے ساتھ ساتھ جسمانی تھکاوٹ اور اور بلڈ پریشر نارمل ر کھنے میں بھی یوگا بہترین معاون ثابت ہوتا ہے۔
تیراکی
شوگر کے مریضوں کے لیے تیراکی بھی ایک مثالی ورزش ہے، تیراکی سے سارا جسم حرکت میں آ جاتا ہے جس سے بلڈ پریشر، انسولین، شوگر لیول اور کولیسٹرول کو اپنی متوازن سطح پر ہنے میں مدد ملتی ہے۔
پائلیٹس
پائلیٹس خصوصاً وزن میں کمی لانے کے لیے مفید اور مشہور ورزش ہے، وزن میں کمی لانے والے افراد پائلیٹس کے ذریعے ہفتوں میں اپنے وزن میں کمی لا سکتے ہیں، ساتھ ہی ذیابطیس کے مریضوں کے بلڈ پریشر اور کولیسٹرول لیول میں واضح طور پر مثبت اثرات آتے ہیں۔

پائلیٹس کے کئی طریقے ہیں، پائلیٹس ورزش کے دوران کمر یاصرف کولہے زمین پر ہو تے ہیں، باقی سارا جسم ہوا میں رکھ کر جسم کو مختلف طریقوں سے حرکت دینا ہوتا ہے، اس ورزش سے مجموعی طور پر بھی انسانی جسم پر مثبت اثرات آتے ہیں۔

لاہور (ایمرا نیوز آن لائن نیوز) کھانسی کسی بھی انسان کو بے چین کردیتی ہے اور کھانسی کو ختم کرنے کے لیے ہم اکثر گھر میں کئی ٹوٹکوں کا بھی استعمال کرتے ہیں، شہد، ادرک، دارچینی سے ہم کافی حد تک کھانسی پر قابو پا لیتے ہیں مگر کیا آپ جانتے ہیں کہ کھانسی کے علاج کے لیے ’اناناس‘ نہایت ہی مفید ثابت ہوتا ہے؟اناناس ایک ایسا پھل ہے جو بہت خوش ذائقہ ہوتا ہے اور اسی لیے سب اسے کھانا پسند کرتے ہیں، اناناس کے اندر ایسے ’اینٹی آکسیڈینٹ‘ پائے جاتے ہیں جو کہ قوت مدافعت کو مضبوط بناتے ہیں جب کہ یہ نظامِ ہاضمہ کے لیے بھی نہایت ہی مفید ہے۔

ان تمام فوائد کے علاوہ اناناس کھانسی اور نزلے کے لیے بے حد فائدے مند پھل ہے، اس میں موجود الزائم ’برومیلین‘ میں یہ خاصیت ہوتی ہے کہ یہ الرجی اور انفیکشن کو ٹھیک کر دیتا ہے۔ماہر خوراک ڈاکٹر ایڈوینا راج کا کہنا ہے کہ ’ اناناس میں موجود الزائمز کھانسی، نزلے اور انفیکشن کے خلاف بہت معاون ثابت ہوتے ہیں‘ ۔اناناس کے ذریعے کھانسی کا علاج کرنے کا طریقہ۔

1۔ اناناس کا رس اور شہد۔اس کو ملانے کے بعد گرم گرم پینے سے بہت جلد آپ کی کھانسی دور ہوجائے گی۔2۔ اناناس کا رس، شہد، نمک اور کالی مرچ۔کھانسی کو دور کرنے کے لیے آپ ایک کپ اناناس کا رس، ایک چمچہ شہد، ایک چٹکی نمک اور ایک ہی چٹکی کالی مرچ لیجیے۔ان تمام چیزوں کو اب اچھی طرح یکجا کیجیے اور اسے دن میں 3 مرتبہ پینے سے کھانسی بہت جلد ٹھیک ہوجائے گی۔

ملتان (ایمرا نیوز آن لائن)ملتان میں دفعہ 144 کے تحت ڈینگی اسٹاف نے ایئر کولرز چلانے والے دکانداروں کے خلاف کارروائی کرتے ہوئے متعدد ایئر کولرز قبضے میں لے لیے ہیں۔ڈپٹی کمشنر ملتان عامر خٹک کی ہدایت پر’ ائیر کولرز بند کرو‘ مہم کے تحت ڈیرہ اڈا کے اطراف میں واقع مارکیٹوں میں کارروائی کی گئی۔حکام کی جانب سے کی جانے والی کارروائی میں

ایئرکولرز چلانے والے دکانداروں کے ایئر کولرز قبضہ میں لے لئے گئے جو اب انہیں جنوری 2020ء میں واپس کیے جائیں گے ۔واضح رہے کہ ملتان انتظامیہ کا کہنا ہے کہ ایئرکولرز کا پانی ڈینگی پھیلا سکتا ہے اس لئے اس کے خلاف کارروائی کی جا رہی ہے ۔

نیو یارک(ایمرا نیوز آن لائن) امریکہ میں ایک خاتون کو اس وقت ہسپتال میں ایمرجنسی روم میں لے جانا پڑا جب اس کی جلد اور خون کی رنگت نیلی ہوگئی۔این بی سی نیوز کی رپورٹ کے مطابق رہوڈ آئی لینڈ کے میرام ہاسپٹل کے ڈاکٹروں کا کہنا تھا کہ 25 سالہ خاتون نے آکر کہا میں بہت کمزور اور نیلی ہوگئی ہوں اور اس کی وجہ یا غلطی ایسی ہے جو پاکستان میں بھی اکثر افراد سے ہوجاتی ہے اور وہ ہے دانتوں کے درد سے نجات کیلئے متاثرہ حصے کو سن کر دینے والے جیل کا بہت زیادہ استعمال۔ طبی جریدے دی نیو انگلینڈ جرنل آف میڈیسن میں اس جیل کا غیرمعمولی اور خطرناک سائیڈ ایفیکٹ بیان کیا گیا ہے۔

درحقیقت Benzocaine نامی یہ جیل خون میں آئرن کی مقدار بڑھا دیتا ہے جس سے اس کی ساخت بدل جاتی ہے اور وہ آکسیجن کو لے جانے کی صلاحیت سے محروم ہوجاتا ہے، ناکافی آکسیجن کے بغیر خون کے عام سرخ خلیات نیلے ہو جاتے ہیں جس کے بعد جلد اور ناخنوں پر بھی یہ رنگت غالب آجاتی ہے۔ اس کیس میں جب مریضہ کے جسم سے خون کو نکالا گیا تو اس کی رنگت گہری نیوی بلیو تھی، ڈاکٹروں نے فوری طور پر ایک دوا کا استعمال کرایا جس سے خون میں آئرن اپنے معمول کی سطح پر چلا گیا۔

ملتان (ایمرا نیوز آن لائن)معدے کے امراض میں استعمال ہوینوالی رینٹی ڈائن دوا میں کینسر کا باعث بننے والے اجزاء کی موجودگی کا انکشاف ہوا ہےجس پر ڈرگ ریگولیٹری اتھارٹی آف پاکستان نے اس دوا پر عارضی پابندی عائد کر دی ہے۔

امریکی ادارےایف ڈی اے کا کہنا ہےکہ Ranitidine نامی دوامیں ممکنہ طور پر کینسر کی وجہ بننےوالاکیمیکل پایاگیاہے‘زینٹک و دیگراس قسم کی دواؤں میں خطرناک اجزا کی موجودگی سےمتعلق تحقیقات کررہےہیں۔

لاہور وقت (آنلائن)
وزیر اعظم عمران خان نے ملک میں سگریٹ کی غیر قانونی تجارت کا نوٹس لیتے ہوئے کریک ڈاؤن کا حکم دیا ہے۔

وزیراعظم ہاؤس کی جانب سے بھیجے گئے مراسلے میں وزارت صحت اور فیڈرل بورڈ آف ریونیو کے حکام کو ملک گیر کریک ڈاؤن کی ہدایات جاری کی گئی ہیں۔

مراسلے میں کہا گیا ہے کہ سگریٹ کی غیرقانونی تجارت سےملکی خزانےکو ٹیکس چوری کی مد میں نقصان ہو رہا ہے اس لیے متعلقہ ادارے ایسے افراد کے خلاف فوری کارروائی کریں۔

وزارت صحت اور فیڈرل بورڈآف ریونیو حکام کو اپنی ماہانہ کارکردگی رپورٹ وزیراعظم آفس میں جمع کرانےکا بھی حکم دیا گیا ہے۔

(ایمرا نیوز آن لائن)
دنیا میں 3کروڑ سے زائد لوگ روزانہ ادویات کا استعمال کرتے ہیں جن میں کوئی شخص دوا کو کھانے کے بعد کھاتاہے اور کوئی کھانے سے پہلے جب کہ دوا کو صحیح وقت پر کھانے کے حوالے سے زیادہ تر لوگوں تذبذب کا شکار رہتے ہیں مگر اب جدید سائنسی تحقیق نے لوگوں کی اس پریشانی کا جواب دےدیا ہے۔

سائنس میں ’کرونوتھراپی‘ سے مراد یہ ہے کہ دوا کھانے کا صحیح وقت دوا کی تاثیر اور کارکردگی پر اثر انداز ہوتا ہے، دوا کھانے کا صحیح وقت اس دوا کی کارکردگی کو بہترین بنا دیتا ہے، چاہے وہ سر درد کی گولی ہو، بد ہضمی کی ہو یا وہ کیمو تھراپی ہی کیوں نہ ہو، دوا کو وقت پر لینے سے بہترین نتائج حاصل ہو سکتے ہیں۔

ڈچ تحقیق نے یہ بات ثابت کی ہے کو خون کو پتلا کرنے والی دوائی جن میں ایسپرین شامل ہے انہیں لینے کا بہترین وقت رات ہے، اگر ان ادویات کو صبح میں لیا جائے گا تو اس سے دل کا دورا پڑنے اور فالج کے خطرات بڑھ جاتے ہیں۔

ویروک یونیورسٹی میڈیکل اسکول کے ماہر پروفیسر کا کہنا ہے کہ ہمارے جسم میں ایک گھڑی موجود ہے جو کہ تمام حرکات کو کنٹرول میں رکھتی ہے، جسم کو معلوم ہوتا ہے کہ ہم کب اٹھ رہے ہیں، کب بیٹھ رہے ہیں اور کب ہم کوئی دوائی کھا رہے ہیں، ان تمام باتوں کا یہ نتیجہ نکلتا ہے کہ کچھ دوائیوں کا دن میں اثر ہوتا ہے اور کچھ دوائیوں کا رات میں۔

دوائی کھانے کا صحیح وقت کیا ہو سکتا ہے؟ آئیے ہم آپ کو بتائیں۔

تحقیق کے مطابق بلند فشار خون یا بلڈ پریشر کو کنٹرول میں رکھنے کی ادویات کو کھانے کا بہترین وقت رات ہے، اس کے برعکس اگر یہ ادویات آپ صبح میں لیں گے تو اس کا اثر اس طرح نہیں ہوگا جیسے ہونا چاہیے۔

سینے میں جلن یا تیزابیت کی ادویات کو لینے کا بہترین وقت شام کے 6 بجے ہے، کیونکہ ہمارا معدہ 7بجے کے بعد مزید تیزاب بناتا ہے تو شام میں دوا کھانے سے تیزاب بننے کا عمل معتدل ہوجاتا ہے۔

جوڑوں میں تکلیف کے لیے استعمال کی جانے والی ادویات کو کھانے کا صحیح وقت دن ہے، دن میں ان دوائیوں کو کھانے سے صحت پر زیادہ اچھے اثرات مرتب ہوتے ہیں۔

لاہور وقت (آن لائن)
آج کل کے لوگوں کا سب سے بڑا مسئلہ سفید بال ہیں، یہ ایک ایسا مسئلہ ہے جس کی شکایت صرف بوڑھے افراد نہیں بلکہ اب نوجوان لڑکے لڑکیاں بھی کرتے نظر آتے ہیں۔ کیمیکلز سے بنے بازاری مصنوعات کا استعمال بالوں کی سفیدی تو دور کر دیتا ہے لیکن کچھ عرصے بعد وہی سفید بال دوبارہ آجاتے ہیں۔

ماہرین کا کہنا ہے کہ خوبصورت، سیاہ چمکدار بال صحت کی نشانی ہوتے ہیں اور جب بال سفید ہونا شروع ہوجائیں تو یہ ایک پریشانی کی بات ہے۔

سفید بال ہمیشہ کے لیے ختم کرنے کے چار آسان اور گھریلو نسخے ہیں جن کے ذریعے سفید بالوں سے نجات پائی جاسکتی ہے۔

آلو کے چھلکے

آلو ایک ایسی سبزی ہے جس کا استعمال ہر گھر کے کچن میں تقریباً ہر روز ہوتا ہے۔ جہاں آلو کے بے شمار فوائد ہیں وہیں اس کے چھلکے بھی بہت سارے گھریلو نسخوں میں استعمال کیے جاتے ہیں۔

آلو کے چھلکوں کے فوائد میں ایک یہ بھی شامل ہے کہ یہ بالوں کا رنگ برقرار رکھنے میں قدرتی رنگ کا کام کرتے ہیں۔ اس کا استعمال فوراً بالوں کو کالا نہیں کر دیتا بلکہ یہ آہستہ آہستہ بالوں کو سفید سے کالا کرتا ہے اور اس میں کئی ماہ کا عرصہ بھی لگ جاتا ہے۔

آلو کو چھیلنے کے بعد تمام چھلکے ایک جگہ جمع کرلیں اس کے بعد انہیں 2 کپ پانی میں ڈال کر اچھی طرح پکالیں، تقریباً 10 منٹ پکانے کے بعد چولہا بند کردیں اور اسے ٹھنڈا ہونے کے لیے رکھ دیں۔ ٹھنڈا ہونے کے بعد اس کو بالوں میں لگالیں اور 30 منٹ کے لیے لگا رہنے دیں۔ اس کے بعد سادہ پانی سے سر دھولیں۔

گھی

گھی کا استعمال صرف پراٹھے، حلوہ اور دیگر مزے دار چیزیں بنانے کے لیے نہیں ہوتا بلکہ گھی کا ایک کام بالوں کے رنگ کو برقرار رکھنا بھی ہے۔

گائے کے دودھ سے بنا گھی بالوں میں اچھی طرح لگالیں، جیسے تیل لگایا جاتا ہے۔ ایک گھنٹہ گھی کو بالوں میں لگا چھوڑ دیں اس کے بعد سر دھولیں، یہ نسخہ ہفتے میں دو مرتبہ دہرانے سے آپ کے بالوں کی سفیدی ہمیشہ کے لیے دور ہوجائے گی۔

کافی

سفید بالوں سے چھٹکارا حاصل کرنے کے لیے کافی ایک بہترین اور کامیاب dyeing agent ہے جس کا باقاعدگی سے استعمال ناصرف بالوں کا رنگ برقرار رکھتا ہے بلکہ بالوں کو صحت مند اور چمکدار بھی بناتا ہے۔

بالوں کی لمبائی کے حساب سے 2 سے 3 چمچے کافی کا پاؤڈر لیں (اس بات کا خیال رکھا جائے کہ جو کافی لی جارہی ہے اُس میں کوئی ذائقہ نہ ہو اور اس کا رنگ گہرا ہو) اس کو 100 سے 150 ملی گرام پانی میں مکس کرلیں۔ اس کے بعد اسے بوائل ہونے کے لیے رکھ دیں اور اس وقت تک پکائیں جب یہ مکسچر گاڑھا ہوجائے۔

چولہا بند کرنے کے بعد اس کو ٹھنڈا ہونے کے لیے رکھ دیں، ٹھنڈا ہونے کے بعد اسے سر میں لگائیں اور 45 منٹ کے بعد سر دھولیں۔

آملہ

وٹامن سی سے بھرپور آملہ بالوں کے لیے بہترین ہے، یہ نا صرف بالوں کو کالا کرتا ہے بلکہ اس کا استعمال بالوں کو تیزی سے بڑھاتا ہے اور بال چمکدار اور گھنے بناتا ہے۔

آملہ پاؤڈر کو ناریل کے تیل میں شامل کرنے کے بعد اسے پکنے کے لیے رکھ دیں، جب یہ اچھی طرح پک جائے تو اسے ٹھنڈا ہونے کے لیے رکھ دیں اور پھر 30 سے 40 منٹ کے لیے بالوں میں لگا رہنے دیں۔ اس کے بعد سادہ پانی سے سر دھولیں۔ یاد رہے کہ صابن یا شیمپو کا استعمال بالکل نہیں کرنا۔

چار چمچے آملے کے پاؤڈر میں دو چمچ پانی اور ایک چمچہ لیموں کا رس شامل کرلیں، اس آمیزے کو اچھی طرح مکس کرکے پیسٹ بنالیں اور تقریباً ایک گھنٹے کے لیے اسے چھوڑ دیں۔ پھر اس پیسٹ کو بالوں میں اچھی طرح لگا کر 20 سے 25 منٹ تک لگا رہنے دیں اور اس کے بعد پانی سے اچھی طرح دھولیں۔