Category صحت

(ایمرا نیوز آن لائن) کیا آپ نے کبھی غور کیا کہ دفاتر میں خواتین ائیرکنڈیشنر کی ہوا سے پریشان رہتی ہیں؟ کیونکہ یہ ٹھنڈی مشین ان کی ذہنی کارکردگی کو متاثر کرتی ہے۔ یہ بات امریکا میں ہونے والی ایک طبی تحقیق میں سامنے آئی۔ کیلیفورنیا یونیورسٹی کی تحقیق میں بتایا گیا کہ اے سی کو بند کرنا دفاتر میں کام کرنے والی خواتین کی ذہنی کارکردگی کو بہتر بنانے میں مدد دیتا ہے۔

تحقیق کے مطابق کمرے کا درجہ حرارت زیادہ ہونے پر خواتین ریاضی اور زبانی ٹیسٹوں میں زیادہ بہتر کارکردگی کا مظاہرہ کرتی ہیں۔ مگر مردوں کے معاملے میں ایسا نہیں بلکہ وہ سرد ماحول میں بھی اچھی کارکردگی کا مظاہرہ کرتے ہیں۔ محققین کا کہنا تھا کہ یہ پہلی تحقیق ہے جس میں مردوں اور خواتین پر درجہ حرارت سے ذہنی کارکردگی پر مرتب ہونے والے اثرات کا جائزہ لیا گیا۔

انہوں نے کہا کہ ایسی سائنسی وجوہات موجود ہیں جس سے معلوم ہوتا ہے کہ آخر مردوں اور خواتین کے درمیان اے سی کا درجہ حرارت بڑھانے یا کم کرنے کے معاملے پر جنگ کیوں جاری رہتی ہے۔ اس سے قبل یوٹاہ یونیورسٹی کی تحقیق میں دریافت کیا گیا کہ خواتین کے ہاتھ اور پیر مردوں کے مقابلے میں جلد ٹھنڈے ہوجاتے ہیں۔

اسی طرح میری لینڈ یونیورسٹی کی تحقیق میں بتایا گیا تھا کہ مردوں کا میٹابولک ریٹ خواتین کے مقابلے میں 23 فیصد زیادہ ہوتا ہے یعنی خواتین کے جسم مردوں کے جسم کے مقابلے جلد سردی سے متاثر ہوجاتے ہیں۔ اس نئی تحقیق میں محققین نے 500 طالبعلموں کی خدمات حاصل کیں اور ان پر اے سی کے اثرات کا جائزہ ستمبر 2017 سے دسمبر 2017 کے درمیان لیا گیا۔

ان رضاکاروں سے منطق، ریاضی اور زبانی ٹیسٹ ایسے کمرے میں لیے گئے جہاں کا درجہ حرارت 16 سینٹی گریڈ سے 32 سینٹی گریڈ کے درمیان تھا۔ نتائج سے معلوم ہوا کہ جب کمرے کا درجہ حرارت گرم ہوا تو طالبات نے زیادہ بہتر نتائج کا مظاہرہ کیا اور نہ صرف زیادہ سوالات کے جوابات درست دیئے بلکہ زیادہ جواب جمع کرائے۔ اس کے مقابلے میں مردوں نے سرد درجہ حرارت میں بھی اچھی کارکردگی کا مظاہر کیا مگر جب درجہ حرارت بڑھایا گیا تو ان کی کارکردگی پر منفی اثرات مرتب ہوئے۔ اس تحقیق کے نتائج جریدے پلوس ون میں شائع ہوئے۔

واشنگٹن (ایمرا نیوز آن لائن) امریکی محکمہ دفاع نے ایک انقلابی روبوٹک لباس بنانے کا دعویٰ کیا ہے جو جنگ کے موقع پر اگر زخمی سپاہی کو پہنادیا جائے تو وہ جدید ٹیکنالوجی کی مدد سے ازخود اس کا علاج کرسکے گا۔ اسے’ بیگ می بند ٹراما کیئر‘ کا نام دیا گیا ہے۔ اس کے لیے یونیورسٹی آف پٹسبرگ اسکول آف میڈیسن (یوپی ایم سی) اور کارنیگی میلون یونیورسٹی (سی ایم یو) کو 72 لاکھ ڈالر کی رقم جاری کی گئی ہے جس کے تحت اگلے چار برس میں وہ ایسا لباس تیار کریں گی۔ اس خودکار اور خودمختار نظام کو ٹراما کیئر ان رک سیک (ٹی آر اے سی آئی آر) کا نام دیا گیا ہے ۔ اس میں جدید ترین سینسر، روبوٹک اجزا اورمصنوعی ذہانت موجود ہوگی۔ یہ سب مل کر جنگ میں حادثات کے شکار سپاہیوں کو فوری اور آزادانہ طور پر طبی مدد فراہم کریں گے۔

یاد رہے کہ بعض حادثات میں بروقت طبی امداد ہی سب سے اہم کردار ادا کرتی ہے۔ بعض چوٹوں اور حادثات کے بعد وقت کی اہمیت کو ’گولڈن آور‘ بھی قرار دیا جاتا ہے اور اگر اس میں علاج ہوجائے تو زخمی کی زندگی بچانا ممکن ہوجاتا ہے۔ یہی وجہ ہے کہ دونوں اداروں میں مختلف شعبوں کے ماہرین ، ڈاکٹروں اور ہنگامی طبی مدد فراہم کرنے والوں کے تعاون سے اس منصوبے پر کام کررہے ہیں۔ اس روبوٹک لباس میں ہنگامی دوا، سرجری، سانس لینے کے عمل اور انتہائی نگہداشت کے تمام پہلوؤں کو بھی شامل کیا گیا ہے۔ ان کا مقصد ہے کہ سخت اور نرم دونوں طرح کے روبوٹک لباس ہی بنائے جائیں جس کے اندر مریض کو لیٹایا جاسکے۔

سوٹ کے اندر کئی طرح کے سینسر نصب کئے جائیں گے جن کا ڈیٹا کمپیوٹر الگورتھم میں جائے گا اور روبوٹک نظام خون میں انجیکشن اور ڈرپ کے ساتھ ساتھ دوائیں اور زخم پر مرہم لگانے کا کام بھی کرے گا۔ واضح رہے کہ روبوٹ سپاہی کو بڑے ہسپتال لے جاتے دوران تمام طبی امداد فراہم کرے گا۔ ماہرین کی کوشش ہے کہ روبوٹک لباس کو تہہ کرکے کمر پر باندھے جانے والے ایک بیگ میں سمویا جاسکے تو یہ مہم جو افراد، ہائیکنگ کرنے والوں اور کوہ پیماؤں کے کام بھی آسکے گا۔ لباس کچھ ایسا بنایا گیا ہے کہ یہ ازخود پھول جاتا ہے اور ایک طرح کی اسٹریچر کا کام بھی دیتا ہے۔ روبوٹک لباس میں رگ میں ڈرپ لگانے اور سانس کی نالی میں پائپ لگانے کی سہولت بھی ہوگی اور یہ کام ازخود انداز میں ہوگا۔ اس کے لیے پہلے سے موجود حادثے کے شکار 5000 مریضوں کی تصاویر اور ڈیٹا سے بھی مدد لی جائے گا اور کمپیوٹر نظام ان کی بنا پر دوا یا مدد دینے کا فیصلہ کرے گا۔

کراچی (ایمرا نیوز)

وفاقی حکومت نے کراچی کے تینوں بڑے اسپتالوں بشمول جناح پوسٹ گریجویٹ میڈیکل سینٹر، قومی ادارہ برائے امراض قلب ( این آئی سی وی ڈی ڈی) اور قومی ادارہ برائے امراض اطفال ( این آئی سی ایچ) کا کنٹرول سنبھال لیا ہے۔

وفاقی وزارت صحت کی جانب سے جاری کردہ نوٹیفیکیشن کے مطابق عدالتی اور وفاقی کابینہ کے فیصلوں کے بعد وفاقی حکومت نے سندھ کے 3 بڑے اسپتالوں کا انتظامی اور مالی کنٹرول سنبھال لیا ہے۔

وفاقی وزارت صحت کے اعلیٰ حکام نے بتایا کہ سپریم کورٹ کے فیصلے کی روشنی میں وفاقی حکومت کو 90 روز کے اندر کراچی کے تینوں اسپتالوں کا انتظام سنبھالنا تھا۔

ان کا کہنا تھا کہ یہ 90 روز اسی ہفتے پورے ہوگئے تھے جس کے بعد محکمہ قانون کی جانب سے کہا گیا کہ وفاق کو تینوں اسپتالوں کا کنٹرول سنبھالنے کے حوالے سے نوٹیفکیشن جاری کردینا چاہیے۔

نوٹیفیکیشن کے مطابق جناح اسپتال قومی ادارہ برائے امراض قلب اور قومی ادارہ برائے امراض اطفال کے ملازمین اور اثاثوں کا انتظام وفاقی وزارت صحت نے سنبھال لیا ہے۔

وفاقی کابینہ نے 2 اپریل کو سپریم کورٹ کے فیصلے کی روشنی میں تینوں اسپتالوں کو وفاق کے ماتحت کرنے کی منظوری دی تھی۔

وفاقی وزارت صحت کے حکام کا کہنا ہے کہ اس وقت وفاقی وزارت خزانہ آنے والے بجٹ میں تینوں اسپتالوں کے لیے لیے 12 ارب روپے سے زائد رقم مختص کرنے کے حوالے سے پریشان ہے۔

دوسری جانب سندھ کے محکمہ صحت کے حکام اور تینوں اسپتالوں کے ایگزیکٹیو ڈائریکٹران نے اس حوالے سے لاعلمی کا اظہار کیا ہے۔

جناح ہسپتال کی ایگزیکٹو ڈائریکٹر ڈاکٹر سیمی جمالی کا کہنا تھا کہ انہیں اس حوالے سے سے کوئی نوٹیفکیشن موصول نہیں ہوا لیکن ان کا کہنا تھا کہ ایک نوٹیفکیشن جناح اسپتال اور دیگر دونوں اسپتالوں کو وفاق کے حوالے کرنے سے متعلق سوشل میڈیا پر وائرل ہے لیکن جب تک انہیں وفاقی حکومت کی جانب سے سرٹیفائیڈ نوٹیفیکیشن نہیں ملے گا وہ اس حوالے سے کچھ کہنے کی پوزیشن میں نہیں ہیں۔

دوسری جانب وفاقی حکومت کے ذرائع کا کہنا ہے کہ کہ تینوں اسپتالوں کے انتظام چلانے کے لئے بورڈ آف گورننس تشکیل دیا جائے گا۔

اسلام آباد(ایمرا نیوز آن لائن)خیبرپختونخوا سے مزید 2 پولیو کیسز سامنے آنے کے بعد رواں برس ملک میں پولیو کیسز کی تعداد 19 تک پہنچ گئی۔ 2019 کے ابھی صرف 5 ماہ گزرے ہیں اور خیبرپختونخوا میں سامنے آنے والے پولیو کیسز کی تعداد 8 تک پہنچ چکی ہے جو صوبے میں 2016 میں سامنے آنے والے پولیو کیسز کی مجموعی تعداد کے برابر ہے جبکہ 2017 میں صرف ایک اور 2018 میں پولیو کے صرف 2 کیسز سامنے آئے۔

حال میں منظرِ عام پر آنے والے کیسز کا تعلق ڈیرہ اسمٰعیل خان اور بنوں سے ہے۔

اس سلسلے میں قومی ادارہ برائے صحت کی پولیو وائرولوجی لیبارٹری کے ایک عہدیدار نے نام نہ ظاہر کرنے کی درخواست پر بتایا کہ پولیو وائرس سے متاثرہ 9 سالہ بچی کے نمونے 5 مئی کو حاصل کیے گئے تھے۔ اس کے ساتھ بنوں سے بھی 17 ماہ کی بچی کے نمونے 3 مئی کو حاصل کیے گئے تھے۔ ان کا مزید کہنا تھا کہ جیسے ہی وائرس کے پھیلاؤ کے 10 ہفتے مکمل ہوئے اس بات کی تصدیق ہوگئی کہ دونوں بچیاں پولیو وائرس سے متاثر ہوچکی ہیں۔

اس ضمن میں جب وزیراعظم کے فوکل پرسن برائے انسداد پولیو باب بن عطا سے رابطہ کیا گیا تو انہوں نے دونوں کیسز کی تصدیق کی، ان سے جب 9 برس کی بچی کے پولیو سے متاثر ہونے کے حوالے سے پوچھا گیا تو ان کا کہنا تھا کہ بعض اوقات ایسا ہوجاتا ہے۔ ان کا کہنا تھا کہ ’مجھے یاد ہے کہ 2008 میں ایک 26 سالہ غیر ملکی کالام آیا تھا جہاں اسے شدید بخار ہوگیا تھا، بعد میں اس بات کی تصدیق ہوگئی تھی کہ وہ پولیو وائرس سے متاثر ہوگیا تھا‘۔

تاہم وہ مکمل مفلوج ہونے سے محفوظ رہا کیوں کہ عمومی طور پر 5 سال سے بڑے افراد اس وائرس کے باعث معذور نہیں ہوتے۔ خیال رہے کہ پاکستان اور افغانستان دنیا کے وہ 2 ممالک ہیں جہاں پولیو کا مرض اب بھی موجود ہے۔ اس سال اب تک 19 پولیو کیسز کی سامنے آچکے ہیں جس میں 8 خیبرپختونخوا، 5 قبائلی علاقہ جات، 3 پنجاب اور سندھ سے بھی 3 کیس شامل ہیں۔

لاہور،اسلام آباد(ایمرا نیوز آن لائن )
حکومت پنجاب نے صوبائی سلیکشن بورڈ کی سفارشات کی روشنی میں 15خواتین ڈاکٹروں سمیت مختلف محکموں کے 155 افسروں کو گریڈ 18 سے 19 ویں گریڈ میں ترقی دینے کے احکامات جاری کر دئیے ۔ترقی پانے والوں میں محکمہ تعلیم، محکمہ صحت سمیت دیگر محکموں کے افسران شامل ہیں۔ ذرائع کے مطابق محکمہ تعلیمات (سکولز ایجو کیشن) کے 140 سے زائد ہیڈ ماسٹرز اور فزیالوجی ڈیپارٹمنٹ کے 8 ڈاکٹرز کو ترقی دے دی گئی جبکہ محکمہ صحت کے افسران ارمغان مرزا، عمر جنجوعہ،ڈاکٹر مدیحہ

اشرف، ڈاکٹر عزیز ممتاز، ڈاکٹر شمائل،ڈاکٹر طاہرہ سلیم،ڈاکٹر حوریہ، ڈاکٹر ڈاکٹر ثنا صابر، ڈاکٹر فضانیہ شبیر، ڈاکٹر عبدالرحمن ، محکمہ سپیشل ایجوکیشن کے عبدالحمید، مشتاق احمد، ساجد چیمہ کو گریڈ19میں ترقی دے دی گئی ۔ علاوہ ازیں ڈپٹی کمشنر میانوالی شعیب خان جدون کوتبدیل کرکے افسر بکار خاص بنانے جبکہ تعیناتی کے منتظر ناصر محمود بشیر کو ڈپٹی کمشنرمیانوالی تعینات کر دیا گیا ۔دریں اثنا محکمہ اوقاف پنجاب نے 5افسروں کے تبادلوں اور تعیناتیوں کے احکامات جاری کر دئیے ۔ احکامات کی روشنی میں تعیناتی

کے منتظر ذیشان نسیم کو منیجر اوقاف اوکاڑہ ، شمشیر اختر کومنیجر اوقاف مظفر گڑھ سرکل ، شہبازکو منیجر اوقاف شور کوٹ جبکہ تعیناتی کے منتظر اظہر فرید کو منیجر ساہیوال سرکل تعینات کرنے کے علاوہ اقطال چغتائی کو منیجر شیخوپورہ تعینات کر دیا گیا ۔علاوہ ازیں وفاقی حکومت نے خاتون ڈسٹرکٹ اینڈ سیشن جج مس صدف یوسف کو جج سپیشل کورٹ کسٹمز ٹیکسیشن انسدادسمگلنگ کراچی مقرر کردیا گیا ۔علاوہ ازیں حکومت نے پولیس کے گریڈ 21 کے افسر غلام نبی میمن جو کہ آئی بی میں اپنی خدمات

انجام دے رہے تھے کی خدمات سندھ کے سپرد کر دی ہیں۔ادھر آئی جی پنجاب نے پی ایس او ٹو آئی جی پنجاب حسن اسد علوی کو ڈی پی او میانوالی، ایس پی انویسٹی گیشن او کاڑہ راجہ شاہد نذیر کو ایس پی پی ایچ پی راولپنڈی، تقرری کے منتظر بلال قیوم کو ایس پی انویسٹی گیشن اوکاڑہ، تقرری کے منتظر اکرم خان نیازی کو ایڈیشنل ایس پی راول

ٹاؤن راولپنڈی، تقرری کی منتظراے ایس پی حنا منور کو ایس ڈی پی او صدر جہلم ،ایس ڈی پی او صدر جہلم معظم علی کو ایس ڈی پی او قلعہ دیدار سنگھ گوجرانولہ اور تقرری کے منتظر خالد محمود کو ایس ڈی پی او صفدر آباد شیخوپورہ تعینات کرنے کے احکامات جاری کیے ہیں۔

لاہور(ایمرا نیوزآن لائن)
مہنگائی کے ستائے عوام پر ایک اور بم گرانے کی تیاری ،پنجاب بھر کے سرکاری ہسپتالوں کی آمدن بڑھانے کیلئے آئندہ مالی سال میں علاج معالجہ کی فیسوں اور ٹیسٹوں کے ریٹس میں اضافہ کی تجویز پھر سے زیر غور ہے ۔محکمہ خزانہ میں ریسورس کمیٹی کے اجلاس میں محکمہ صحت کی جانب سے ٹیچنگ ہسپتالوں ، ڈی ایچ کیو اور ٹی ایچ کیو
ہسپتالوں میں ٹیسٹوں کی فیس لاگو کرنے کی تجویز دی گئی ۔محکمہ صحت کے حکام کی جانب سے ٹیسٹوں کے ریٹ بڑھانے کی تجویز پر وزرانے شدید مخالفت کر دی ۔ذرائع کے مطابق 20مئی کو محکمہ خزانہ سول سیکرٹریٹ میں ایک ریسورس کمیٹی کا اہم اجلاس ہوا جس میں صوبائی وزیر صحت پروفیسر یاسمین راشد ، صوبائی وزیر صنعت و

تجارت میاں اسلم اقبال، وزیر سکول ایجوکیشن مراد راس ، وزیر خزانہ ہاشم جواں بخت،سیکرٹری پرائمری اینڈ سکینڈری ہیلتھ کیئر زاہد اختر زمان ، سیکرٹری سپیشلائزڈ ہیلتھ کیئر اینڈ میڈیکل ایجوکیشن کیپٹن (ر) ثاقب ظفر، سیکرٹری خزانہ اور دیگر افسروں نے شرکت کی ۔اجلاس میں محکمہ صحت کے حکام کی طرف سے ٹیچنگ او رسرکاری ڈی

ایچ اور ٹی ایچ کیو ہسپتالوں میں چارجز میں اضافے کی تجویز پیش کی گی ۔ محکمہ صحت کے حکام نے کہا کہ ہسپتالوں کے ریونیو میں اضافہ کیلئے لازمی ہے کہ ٹیسٹوں کی مفت سہولت ختم کر کے مریضوں سے فیس وصول کی جائے ۔میٹنگ میں موجود وزرا نے اس تجویز پر تحفظات کا اظہا رکیا او ر اسکی حمایت نہیں کی، انکاکہناتھا کہ حالیہ مہنگائی کی لہر سے عوام پریشان ہیں اور ان حالات میں مفت علاج کے دروازے بند کرنا زیادتی ہو گی ۔تاہم محکمہ صحت بضد ہے کہ یوزر چارجرز میں اضافہ کیا اور پیسے

وصول کئے جائیں۔ سیکرٹری پرائمری اینڈ سکینڈری ہیلتھ کئیر زاہد اختر زمان نے کہا کہ اجلاس میں فیسوں کے حوالے سے تجویز پیش کی گئی لیکن اس حوالے سے کوئی حتمی فیصلہ نہیں کیا گیا ۔واضح رہے کہ چند ماہ قبل محکمہ سپیشلائزڈ ہیلتھ کیئر اینڈ میڈیکل ایجوکیشن نے یوزرچارجز میں اضافہ کر دیا تھا اور میڈیا پر خبریں نشر ہونے کے

بعد اضافے کے نوٹیفکیشن کو معطل کر دیا گیا اور سابق وائس چانسلر یونیورسٹی آف ہیلتھ سائنسز پروفیسر محمود شوکت کی سربراہی میں کمیٹی بھی تشکیل دی گئی جو اس حوالے سے کام کر رہی ہے ۔

پشاور (میڈیا 92 نیوز آن لائن ) خیبر پختونخوا میں ڈاکٹرزکونسل کی جانب سے دی جانیوالی والی ہڑتال کی کال واپس لے لی گئی ہے ، حکومت کے ساتھ کامیاب مذاکرات کے بعد ڈاکٹرز نےگزشتہ کئی دنوں سے جاری ہڑتال ختم کرکے آؤٹ ڈور پیشمنٹ ڈیپارٹمنٹس اور دیگر طبی سروسز بحال کردی ہیں۔

ڈاکٹرز کونسل کی طرف سے کہا گیاہے کہ آج سے صوبے کے تمام اسپتالوں کی اوپی ڈیز کھول دی گئیں ہیں۔

گزشتہ شب ہونے والے مذاکرات کے پہلے دور کو حکومت اور ڈاکٹرز دونوں نے کامیاب قراردیاہے ۔مذاکرات میں طے پانے والے معاہدے کے مطابق ڈاکٹرز کے مسائل کو حل کرنے کے لئے دو کمیٹیاں بنائی جائنگی۔

ڈاکٹر ضیاء الدین کے مسئلہ پر کمیٹی کمشنر پشاور اور ہوم سیکریٹری کی سربراہی میں کمیٹی4 ہفتوں میں رپورٹ فائنل کرے گی۔ ۔محکمہ صحت خیبر پختونخوا کی طرف سے ڈاکٹرز کو جاری کیئے گئے شوکاز نوٹس واپس لینے کا اعلان کیا گیاہے ۔

ڈی ایچ اے اور آر ایچ اے پر مزید پیش رفت منسٹیریل کمیٹی سفارشات کے آنے کے بعد ہی ہوگی۔ کمیٹی میں خیبر پختونخوا ڈاکٹرز کونسل (کے پی ڈی سی) کے نمائندے بھی شامل ہوں گے۔

میڈیکل ٹیچنگ انسٹیٹیوشنز(ایم ٹی آئی) کے حوالے سے کمیٹی سپریم کورٹ کے احکامات کی روشنی میں سفارشات مرتب کرے گی ۔سیکیورٹی ایکٹ کو ضروری سفارشات کے ساتھ مکمل اتفاق رائے کے ساتھ اسمبلی میں پیش کیا جائے گا۔

طے پانے والے معاہدے کے تحت ٹرانسفر پوسٹنگ کے حوالے سے تحفظاتی کمیٹی ڈاکٹرز کے تحفظات دور کرنے کے لئے سفارشات مرتب کرے گی۔

واضح رہے منگل کی شب وزیراعلیٰ ہاؤس میں ڈاکٹروں کے نمائندوں اور وزیراعلیٰ خیبرپختونخوا محمود خان کے درمیان مذاکرات ہوئے جس میں صوبائی وزیر اطلاعات شوکت یوسفزئی، چیف سیکرٹری، سیکریٹری ہیلتھ کمشنر پشاور اور وزیراعظم کے معاون خصوصی افتخار درانی اور خیبر پختونخوا ڈاکٹرز کونسل کے رہنماؤں نے شرکت کی۔

ڈاکٹرز کونسل اور حکومت کے درمیان ہونے والے مذاکرات کے موقع پر وزیر اعلیٰ محمود خان نے ڈاکٹروں کے تمام مطالبات سنے اور انہیں یقین دلایا کہ حکومت ڈاکٹروں کے ساتھ اچھا برتاؤ کرنا چاہتی ہے ان کو سہولیات دینا چاہتی ہے کیونکہ ڈاکٹر اسی معاشرے کا حصہ ہیں، ہمارے بچے ہیں ،ہمارے بھائی ہیں ،ہمارے بڑے ہیں اور میں چاہتا ہوں کے میری حکومت میں ڈاکٹروں کی عزت ہو، اسپتالوں میں غریب مریضوں کو علاج کی بہترین سہولیات میسر ہوں۔

انہوں نے کہا کہ ڈاکٹر ایک معزز پیشہ ہے اور ہم چاہتے ہیں کہ سرکاری اسپتالوں کو غریب عوام کے لئے بہترین سہولیات میسر ہوں۔

وزیراعلیٰ نے کہا کہ بدقسمتی سے جو واقعہ ہوا ہے اس پر افسوس بھی ہے اور یہ واقعہ ذاتی طور پر ہوا ہے اس لیے اس کو پختون روایت کے مطابق حل ہونا چاہیے۔

(ایمرا نیوز آن لائن)
ملتان انتظامیہ میڈیسن مارکیٹ گھنٹہ گھر ملتان کی پارکنگ کی جگہ پر نزولِ لینڈ پر قبضہ واگزار کروانے میں بے بس ہو گئی۔ ان خیالات کا اظہار محمد اختر بٹ ڈویژنل چیرمین پاکستان کیمسٹ ایسوسی ایشن ملتان نے میڈیا 92 نیوز سے خصوصی بات چیت کے دوران کیا۔ انہوں نے کہا کہ ایم ڈی اے کو لکھے گئے ADCR کی جانب سے لکھے گئے خط کا جواب بھی نہیں دیا گیا۔
جس کو اے سی سٹی ملتان قاضی منصور نے جواز بنا رکھا ھے نہ تو ایم ڈی اے کو ریماینڈر دیا جا رھا اور نہ ہی اس کو اہمیت دی جا رہی ہے۔انہوں نے۔مزید بتایا کہ اس بارے پرائم منسٹر کمپلینٹ سیل، چیف منسٹر پنجاب، ڈپٹی کمشنر ملتان کو تحریری طور پر دے رکھی ہیں جن کے ساتھ تمام ریکارڈ بھی فراہم کیا گیا ھے۔ ڈپٹی کمشنر ملتان کے آرڈر جس میں 1935 والی جگہ گندے نالے کی بحالی کے آڈر موجود ہیں۔

جس کیخلاف قبضہ مافیا نے کمشنر ملتان کو اپیل کی جس کی انکوائری ایڈیشنل کمشنر ملتان تنویر اقبال نے کی۔ اور قبضہ مافیا کے خلاف رپورٹ لکھی۔ واضح رہے کہ قبضہ مافیا کی طرفبسے اس جگہ کا حکم امتناعی بھی خارج ہو چکا ہے۔ جس کے بعد عمل درآمد کی درخواست ڈی سی ملتان کو دی لیکن کوئی کاروائی نہیں ھوئی بلکہ اس کے برعکس غیر قانونی طور پر نزولِ لینڈ پر قبضہ والی جگہ چار دکانوں کے شٹر گیٹ لگا کر پارکنگ والی جگہ پر مزید قبضہ کر لیا گیا ۔

اختر بٹ نے بتایا کہ پی ایم کنمپلیٹ سیل چیف منسٹر پنجاب ڈی سی صاحب ملتان کمشنر کی جانب سے تمام شکایات اے سی سٹی ملتان کے حوالے کر دی گئیں جن کا جواب بھی نہیں دیا گیا۔اختر بٹ کے مطابق جب بھی ملاقات کی کوشش کی تو زبانی کلامی باتوں سے ٹرخا دیا جاتا رھا موصوف ٹیلیفون سننا تو درکار میرا نمبر ہی بلاگ کر دیا گیا سوال یہ ہے کہ سٹیٹ کی پراپرٹی پر قبضے کی نشاندہی بمعہ ثبوت فراہم کرنے کے باوجود انتظامیہ کیوں ایکشن نہیں لے رہی۔

انتظامیہ بے بس ھے صرف سیاسی مداخلت کی وجہ سے اگر یہی انصاف ھے تو قبضہ مافیا مزید مضبوط ہو گا ھم کمشنر ملتان ڈپٹی کمشنر ملتان سے اپیل کرتے ہیں کہ اس کیس کا فوری نوٹس لیا جائے اور نزول لینڈ پر قبضہ واگزار ھو سکے اور کروڑوں روپے کی جگہ عوام الناس کے کام آ سکے اگر اب بھی اس ایشو کو نظر انداز کیا گیا تو ایک وفد چیف منسٹر پنجاب سے ملاقات کرے گا یا اس کیس کو ھایکورٹ میں لیجانے پر مجبور ہو گا۔

واشنگٹن(ایمرا نیوز آن لائن)
ذٰیابیطس کا مرض اتنا عام ہے کہ اب دنیا دو طرح کے لوگوں میں بٹ گئی ایک وہ جو ذیابیطس کے شکار ہیں اور دوم وہ جو اس مرض سے آزاد ہیں۔ یہی وجہ ہے کہ اس کے علاج کےلیے کئی میدانوں پر کام ہورہا ہے جن میں سے ایک نئی پیشرفت الٹراساؤنڈ کی صورت میں سامنے آئی ہے۔

ماہرین کا خیال ہے کہ اگر الٹراساؤنڈ لہروں کو لبلبے پر ڈالا جائے تو اس سے لبلبے کو بی ٹا خلیات (سیلز) کی پیداوار کے قابل بنایا جاسکتا ہے۔ اس طرح غیرمضراور دوا سے پاک ایک ایسا طریقہ وضع ہوسکے گا جس سے ٹائپ ٹو ذیابیطس کا علاج کیا جاسکے گا۔

ہم جانتے ہیں کہ ٹائپ ٹو ذیابیطس میں لبلبہ شکر گھلانے والا اہم جزو انسولین کم کم خارج کرنے لگتا ہے جس سے خون میں شکر کی مقدار بڑھ جاتی ہے جو تمام جسم اور اعضا کو متاثر کرنا شروع کردیتی ہے اور اس کمی کو دور کرنے کے لیے انسولین کے ٹیکے لگانا ایک معمول بن جاتا ہے۔
جارج واشنگٹن یونیورسٹی کے سائنسدانوں نے حالیہ ایک میٹنگ میں کہا ہے کہ انہوں نے چوہے کے بدن میں لبلبے کے رخ پر الٹراساؤنڈ ڈال کر لبلبے کو تحریک دی کہ وہ بی ٹا خلیات بناسکے۔ اس عمل میں جلد اور لبلبے کو کوئی نقصان نہیں پہنچا۔ بی ٹا خلیات میں انسولین بنتی ہے، جمع رہتی ہے اور ضرورت کے وقت خارج ہوتی رہتی ہے اور خون میں شکر کے لحاظ سے اپنا ردِ عمل ظاہر کرتی ہے۔

پہلے ایک تجرباتی ڈش میں بی ٹا خلیات رکھ کر اس پر الٹراساؤنڈ ڈالی گئی تو وہ انسولین بنانے لگے ۔ اس کے بعد زندہ چوہوں میں اس کے تجربات کئے گئے اور ایک میگا ہرٹز فری کوئنسی کی الٹراساؤنڈ پانچ منٹ تک لبلبے کی جانب پھینکی گئی۔ تجربے سے پہلے اور بعد میں چوہوں کے خون کے نمونے لیے گئے۔ حیرت انگیز طورپر الٹراساؤنڈ کے عمل سے گزرنے والے چوہوں کےلبلبے سے انسولین کی خاطرخواہ مقدار خارج ہوئی جس کی نشاندہی خون کے نمونوں میں نوٹ کی گئی۔

اس کام کی نگراں ڈاکٹر تانیہ سنگھ نے ایک انکشاف یہ بھی کیا کہ انسولین کے اخراج کے باوجود خون میں شکر کی مقدار کم نہیں ہوئی اور یہ وہ معمہ ہے جسے سمجھنے کی بھرپور کوشش کی جارہی ہے۔ سائنسدانوں نے یہ انکشاف بھی کیا ہے کہ انسولین دیگر بہت سے کام بھی کرتا ہے جن میں ہاضمے کے خامرے (اینزائم) اور دیگررس کا اخراج بھی شامل ہیں۔ اس طرح معلوم ہوا کہ لبلبہ دیگر کئی اہم کام بھی کرتا ہے۔

اردو کے عظیم شاعر مرزا غالب آموں کے بڑے شوقین ہوا کرتے تھے۔ اس پھل کے بارے میں ان کا مشہور قول ہے کہ آم میٹھے اور ڈھیر سارے ہونے چاہیں۔

مگر کیا آپ کسی ریڑھی پر سے آم لیتے ہوئے بتا سکتے ہیں کہ یہ آم میٹھا اور ذائقہ دار ہوگا یا پھیکا؟

یقیناً سننے میں ناممکن لگتا ہوگا مگر یہ ایسا کوئی خاص مشکل بھی نہیں۔

اس موسم میں آموں کی متعدد اقسام بازار میں ملنے لگتی ہیں جن میں سے میٹھے اور خوش ذائقہ پھل منتخب کرنے کے لیے آپ کو بس درج ذیل چند عام چیزوں کو آزما کر دیکھنا ہوگا۔

چھو کر دیکھنا

پکے ہوئے اور میٹھے آم چھونے میں معمول سے زیادہ نرم ہوتے ہیں بالکل آڑو کی طرح، مگر اتنے بھی نرم نہیں کہ آپ کی انگلیاں اس کے اندر دھنسنا شروع ہوجائیں، تو آم کو اٹھا کر دیکھیں کہ وہ تھوڑا نرم محسوس ہو تو وہ کھانے کے لیے مناسب ہے، تاہم اگر آپ کچھ دنوں تک آم کھانے کا ارادہ نہیں رکھتے تو ایسے آم منتخب کریں جو سخت ہوں تاکہ وہ گھر میں پوری طرح پک جائے۔

آنکھوں سے جائزہ

اچھا آم کسی فٹ بال جیسی ساخت کا ہوتا ہے تو ایسے پھل کا انتخاب کریں جو گول مٹول ہے، خاص طور پر اس کی ڈنڈی والی جگہ پر کبھی سپاٹ یا پتلا آم منتخب نہ کریں کیونکہ وہ کھٹے ہوسکتے ہیں، جبکہ جھریوں بھرے چھلکوں والے پھل کو بھی لینے سے گریز کریں کیونکہ اب ان کا ذائقہ زیادہ اچھا نہیں رہا ہوگا۔
سونگھ کر دیکھیں

پکے ہوئے آموں سے تیز اور میٹھی مہک اس کے اوپری ڈنڈی کے پاس آرہی ہوتی ہے، ایک پکے ہوئے آم کی مہک کسی حد تک خربوزے جیسی یا انناس جیسی بھی ہوسکتی ہے۔ آسان الفاظ میں میٹھے اور ذائقے دار آموں کی مہک بہت اچھی ہوتی ہے، اسی طرح چونکہ اس پھل میں قدرتی مٹھاس کافی زیادہ ہوتی ہے تو قدرتی طور پر اس میں مختلف خوشبوئیں ہوسکتی ہیں، اگر وہ ترش یا الکحل جیسی ہو تو یہ اس بات کی علامت ہے کہ یہ پھل پک کر خراب ہونے والا ہے، اسے لینے سے گریز کریں۔

رنگت سے جاننا ممکن؟

ویسے آموں کو رنگ کے مطابق چننا اس کے میٹھے ہونے کے حوالے سے کوئی بہت زیادہ بہترین ذریعہ نہیں کیونکہ مختلف نسلوں کے رنگ الگ ہوتے ہیں، جیسے شوخ پیلا، سبز یا دیگر، جس سے اس کے پکے ہونے یا میٹھے ہونے کا معلوم ہونا مشکل ہوتا ہے۔ اس کے مقابلے آموں کی مختلف اقسام اور ان کے سیزن سے واقفیت سے آپ زیادہ اچھا اندازہ لگاسکتے ہیں کہ آپ کس قسم کے پھل کو تلاش کررہے ہیں۔