Category صحت

اسلام آباد میں بارش کے باعث پولن کی مقدار میں کمی ہو گئی
شہر میں پولن کی مقدار 17 ہزار مکعب میٹر رہی جب کہ چار روز قبل شہر میں پولن کی مقدار 43 ہزار مکعب میٹر سے زائد ہو گئی تھی، محکمہ موسمیات
اسلام آباد(ایمرا نیوز آن لائن) اسلام آباد میں بارش کے باعث پولن کی مقدار میں کمی ہو گئی۔ دارالحکومت میں پولن کی مقدار 17 ہزار مکعب میٹر پر آ گئی۔محکمہ موسمیات کے مطابق اسلام آباد میں پولن کی مقدار میں خاطر خواہ کمی واقع ہو گئی ہے اور شہر میں پولن کی مقدار 17 ہزار مکعب میٹر رہی جب کہ چار روز قبل شہر میں پولن کی مقدار 43 ہزار مکعب میٹر سے زائد ہو گئی تھی۔اسلام آباد کے سیکٹر ای ایٹ میں 4 ہزار 231 مکعب میٹر، ایف ٹین میں 2 ہزار 382 مکعب میٹر، سیکٹر جی سکس میں 3 ہزار 815 مکعب میٹر جب کہ سب سے زیادہ سیکٹر ایچ ایٹ میں 9 ہزار 469 مکعب میٹر ریکارڈ کی گئی۔واضح رہے کہ موسم بہار کی آمد کے ساتھ ہی اسلام آباد میں پولن کی مقدار میں خطرناک حد تک اضافہ ہو جاتا ہے جس سے پولن الرجی سے متاثرہ افراد سب سے زیادہ متاثر ہوتے ہیں۔ محکمہ موسمیات کی جانب سے شہریوں کو باہر نکلتے وقت روزانہ نیا ماسک استعمال کرنے کی ہدایت کی ہے۔پولن جنگلی شہتوت اور پیلے پھولوں سے بیج نما پاڈر اڑنے سے پھیلتا ہے جب کہ دھوپ نکلنے اور ہوا چلنے سے پولن اڑ کر الرجی کا باعث بنتا ہے۔سیکٹر ایچ ایٹ میں 36 ہزار نو سو 39 فی مکعب میٹر، سیکٹر آی الیون میں سب سے زیادہ آٹھ ہزار 8 سو 24 فی مکعب میٹر ریکارڈ کی گئی، اسی طرح سنیٹر ایف ٹن میں چھ ہزار 8 سو 68 جب جی سکس میں 7 ہزار چار سو 85 فی مکعب میٹر ریکارڈ کی گئی تھی۔ تاہم اب اس میں خاطر خواہ کمی واقع ہو چکی ہے۔بہار کے موسم میں پھولوں کے ذرات جنھیں ہم زردانے بھی کہتے ہیں ہوا میں بہت زیادہ مقدار میں موجود ہوتے ہیں۔ یہ زردانے بہت چھوٹے ہوتے ہیں اور انہیں صرف مائیکرواسکوپ کی مدد سے ہی دیکھا جا سکتا ہے۔یہ زردانے جب حساس لوگوں کے جسم میں داخل ہوتے ہیں تو یہ جسم میں مختلف علامات پیدا کرتے ہیں۔ صبح 5 بجے سے 10 بجے تک بہت زیادہ مقدار میں زمینی سطح پر ہوتا ہے اسی طرح شام 5 بجے سے آدھی رات تک پولن کی تعداد زیادہ ہوتی ہے۔پولن الرجی کا موسم عموما فروری کے آخری ہفتے سے شروع ہوکر مئی کے پہلے ہفتے تک رہتا ہے۔

کراچی: (نیٹ نیوز) کراچی ائیرپورٹ پر کسٹم انٹیلی جنس حکام نے کارروائی کرتے ہوئے اسمگلنگ کی کوشش ناکام بناتے ہوئے غیر ملکی خاتون سے 11 ہزار ممنوعہ انجیکشن برآمد کر لئے۔

کسٹم ذرائع کے مطابق دوحہ سے کراچی آنے والی غیر ملکی خاتون سے ممنوعہ گیارہ ہزار انجکشن برآمد ہوئے، خاتون سے برآمد ہونے والے انجکشن کی مالیت 3 کروڑ روپے سے زائد ہے۔

کسٹم ذرائع کا موقف ہے کہ برآمد ہونے والے انجکشن کی جانچ پڑتال کر رہے ہیں جبکہ خاتون کو حراست میں لے کر تحقیقات شروع کر دی گئیں۔

کراچی (نیٹ نیوز)

بچپن سے لڑکپن اور پھر جوانی تک کا سفر بہت سے ذہنی مسائل کے ساتھ طے ہوتا ہے، اگر ہر مرحلے پر ان مسائل سے نہ نمٹا جائے تو پھر ہر مرحلہ بہت مشکل اور تکلیف دہ ہو سکتا ہے۔

امریکہ میں 2016 میں ہونے والی ایک تحقیق میں یہ بات سامنے آئی کہ نوجوانوں میں 37 فیصد ڈپریشن کا مسئلہ بڑھ گیا ہے۔ ان میں سے زیادہ تر بچوں کو ضروری مدد نہیں ملتی جو انہیں ڈپریشن سے نمٹنے کے لیے درکار ہوتی ہے۔

حالیہ ہونے والی ایک تحقیق میں یہ بات سامنے آئی ہے کہ مل جل کر ایک ٹیم کے صورت میں کھیلے جانے والے کھیلوں کا تعلق دماغ کے لمبے عرصے تک یاداشت محفوظ رکھنے اور جذباتی رد عمل دینے والے حصے ‘ہپو کیمپال’ سے ہے۔

بالغوں میں ڈپریشن کی وجہ سے ذہن کا یہ حصہ سکڑنا شروع ہو جاتا ہے۔ تحقیق میں ٹیم اسپورٹ میں شامل 9-11 سال کی درمیانی عمر کے لڑکوں میں ڈپریشن کی شرح کم دیکھی گئی۔

امریکی انسٹی ٹیوٹ آف پیڈیا ٹرکس کی ڈاکٹر سنتھیا روبیلا کا کہنا ہے کہ مل جل کر کھیلے جانے والے کھیل کی وجہ سے ایروبک معمول کا حصہ بن جاتا ہے جس سے نہ صرف حافظے، یاداشت بلکہ مزاج میں بھی بہتری آتی ہے۔

ڈاکٹر کا کہنا تھا کہ ٹیم اسپورٹس سے بچے بہتر طریقے سے سماجی رویے سیکھ سکتے ہیں اور اسی دوران انہیں ڈپریشن سے بچنے کا موقع بھی ملتا ہے۔

اس تحقیق میں 9-11 سال کی درمیانی عمر کے 4,191 بچے شامل تھے۔ والدین سے ان کے بچوں کے حوالے سے ایک سوالنامہ بھروایا گیا جس میں ان کے بچوں کی مختلف قسم کی سرگرمیوں میں ان کی شمولیت اور ڈپریشن کی علامات کے بارے میں پوچھا گیا تھا۔

تحقیق سے حاصل ہونے والے نتائج میں ٹیم اسپورٹس میں حصہ نہ لینے والے بچوں میں ڈپریشن زیادہ پایا گیا۔

نتائج کو سائنسی روشنی میں دیکھا جائے تو ٹیم اسپورٹس میں شامل بچوں کے دماغ کا وہ حصہ بڑھتا رہتا ہے جو ڈپریشن کو قابو میں کرتا ہے تاہم سائنسدانوں کا کہنا ہے کہ اس حوالے سے مزید تحقیق کی ضرورت ہے۔

ڈاکٹر سنتھیا لابیلا کا کہنا ہے کہ وہ یہ دیکھ کر خوش ہیں کہ ڈپریشن میں مبتلا بچوں میں ٹیم اسپورٹس میں شامل ہونے کے مثبت نتائج آ رہے ہیں۔ انھیں امید ہے کہ زیادہ سے زیادہ والدین اپنے بچوں کو ایسی سرگرمیوں کا حصہ بنائیں گے۔

ان کا کہنا تھا کہ کھیلوں میں زخمی ہو جانے والے بچوں کی کہانیاں شہ سرخیوں کا حصہ بنتی ہیں لیکن والدین کے لیے یہ جاننا زیادہ ضروری ہے کہ چوٹ لگنا کھیل کا حصہ ہے لیکن ان کھیلوں سے ان کے بچوں پر مثبت ذہنی اثرات مرتب ہو سکتے ہیں۔

پاکستان سمیت دنیا بھر میں 7 اپریل کو ” ورلڈ ہیلتھ ڈے “ منایا جائے گا
دن کے منانے کا مقصد دنیا بھر کے لوگوں کو صحت کی اہمیت سے آگاہ کرنا ہے
جہانیاں( آن لائن) پاکستان سمیت دنیا بھر میں صحت کا عالمی دن ” ورلڈ ہیلتھ ڈے “ 7اپریل اتوار کو بھرپور طریقے سے منایا جائے گا اس دن کے منانے کا مقصد دنیا بھر کے لوگوں کو صحت کی اہمیت سے آگاہ کرنا ہے۔ اس سلسلے میں جہانیاں سمیت ملک بھر میںوزارت صحت،محکمہ صحت پنجاب،پاکستان میڈیکل ایسوی ایشن،دیگر طبی تنظیموں اور این جی اوز کے زیر اہتمام خصوصی تقریبات کا اہتمام کیا جائے گاجس میں صحت مند زندگی گزارنے کی سنہری اصولوں بارے آگاہی دی جائے گی اور ماہرین اپنے مقالے پیش کریں گے مقررین صحت کے حوالے سے درپیش خطرات اور دیگر متعلقہ امور پر تفصیل سے روشنی ڈالیں گے جبکہ اخبارات خصوصی مضامین شائع کریں گے۔دنیا بھر میں صحت کا عالمی دن سب سے پہلے 1950ءمیں منایا گیا 1948ءمیں عالمی ادارہ صحت (WHO) کے ذیلی ادارے ہیلتھ اسمبلی نے ہر سال 7اپریل کو صحت کا عالمی دن منانے کی منظوری دی جس کے بعد دنیا بھر میں 7اپریل کو ” ورلڈ ہیلتھ ڈے “ منایا جاتا ہے۔

محکمہ موسمیات کا الرجی سے متاثرہ افراد کو غیر ضروری طور پر گھروں سے نہ نکلنے کا مشورہ
شہر کی فضا میں پولن کی مجموعی مقدار 41 پزار ،مکعب میٹر کی انتہائی سطح پر پہنچ گئی ہے،محکمہ موسمیات
اسلام آباد ( ایمرا نیوزآن لائن ) موسم بہار کی آمد کے ساتھ ہی اسلام آباد میں پولن کی مقدار میں اضافہ ہو گیا۔ محکمہ موسمات نے الرجی متاثرہ افراد کو غیر ضروری طور پر گھروں سے نہ نکلنے کا مشورہ دے دیا۔موسم بہار کی آمد کے ساتھ ہی اسلام آباد میں پولن کی مقدار میں اضافہ ہو جاتا ہے جس سے پولن الرجی سے متاثرہ شہریوں کی صحت شدید متاثر ہوتی ہے۔ محکمہ موسمیات کی جانب سے شہریوں کو باہر نکلتے وقت روزانہ نیا ماسک استعمال کرنے کی ہدایت کر دی۔محکمہ موسمیات کے مطابق شہر کی فضا میں پولن کی مجموعی مقدار 41 پزار ،مکعب میٹر کی انتہائی سطح پر پہنچ گئی ہے۔ اسلام آباد کے سیکٹر ای ایٹ میں 6 ہزار 795 مکعب میٹر پولن ریکارڈ کی گئی جب کہ ایف ٹین میں 4 ہزار 465 مکعب میٹر، سیکٹر جی سکس میں 5 ہزار 613 مکعب میٹر اور سب سے زیادہ سیکٹر ایچ ایٹ میں 24 ہزار 723 مکعب میٹر ریکارڈ کی گئی۔پولن جنگلی شہتوت اور پیلے پھولوں سے بیج نما پاؤڈر اڑنے سے پھیلتا ہے جب کہ دھوپ نکلنے اور ہوا چلنے سے پولن اْڑ کر الرجی کا باعث بنتا ہے۔بہار کے موسم میں پھولوں کے ذرات جنھیں ہم زردانے بھی کہتے ہیں ہوا میں بہت زیادہ مقدار میں موجود ہوتے ہیں۔ یہ زردانے بہت چھوٹے ہوتے ہیں اور انہیں صرف مائیکرواسکوپ کی مدد سے ہی دیکھا جا سکتا ہے۔یہ زردانے جب حساس لوگوں کے جسم میں داخل ہوتے ہیں تو یہ جسم میں مختلف علامات پیدا کرتے ہیں۔ صبح 5 بجے سے 10 بجے تک بہت زیادہ مقدار میں زمینی سطح پر ہوتا ہے اسی طرح شام 5 بجے سے آدھی رات تک پولن کی تعداد زیادہ ہوتی ہے۔پولن الرجی کا موسم عموماً فروری کے آخری ہفتے سے شروع ہوکر مئی کے پہلے ہفتے تک رہتا ہے۔#/s#

کوئٹہ (ایمرا نیوز آن لائن) کوئٹہ میں ڈاکٹروں پر تشدد کے خلاف ڈاکٹرتنظیموں نے سرکاری اور نجی ہسپتالوں میں او پی ڈیز پر تالہ لگا دیا جس کے باعث مریضوں کو پریشانی کا سامنا کرنا پڑرہا ہے تاہم حکومت کی جانب سے کوئی اقدام نہیں اٹھا یا گیا ڈاکٹر تنظیموں کاکہنا ہے کہ اگر ہمارے مطالبات تسلیم نہ ہوئے تو ہم سخت احتجاج کرنے پر مجبور ہونگے آئے روز ڈاکٹروں کے ہڑتال کے باعث صوبے کے دور دراز علاقوںسے آنے والے مریض رل گئے تفصیلات کے مطابق کوئٹہ میں ڈاکٹروں پر تشدد اور دیگر مطالبات کے حق میں ڈاکٹر تنظیموں نے تمام سرکاری اور نجی ہسپتالوں میں دو دن کیلئے ہڑتال شروع کر دی ہڑتال کے باعث مریضوں کو سخت مشکلات کاسامنا کرنا پڑرہا ہے ایمر جنسی کے علاوہ باقی تمام شعبے بن کر دیئے گئے ہیں اور ڈاکٹروں پر تشدد کے خلاف ینگ ڈاکٹرز کا سول ہسپتال میں احتجاجی مظاہرہ کیا اور ڈاکٹرز نے احتجاجا او پی ڈی پر تالہ لگا دیاگیا ینگ ڈاکٹرز ایسو سی ایشن کے صدر حمل بگٹی نے میڈیاسے بات چیت کرتے ہوئے کیا ڈاکٹرز کو تحفط ملنے تک احتجاج جاری رکھیں گے مظاہرہ ڈاکٹروں پر تشدد سمیت ہمارے دیگر مطالبات پر ہے8 مہینے گزر گئے لیکن حکومت تحفظ دینے میں ناکام رہی سپریم کورٹ نے 400 ڈاکٹرز کو مستقل کرنے کا آڈر دیا لیکن اب تک عملدرآمد نہیں ہواگر حکومت سنجیدہ نہیں ہوا ہم سخت لائحہ عمل اپنائے گے آئے روز ڈاکٹروں کے ہڑتال کے باعث صوبے کے دور دراز علاقوںسے آنے والے مریض رل گئے تفصیلات کے مطابق کوئٹہ میں ڈاکٹروں پر تشدد اور دیگر مطالبات کے حق میں ڈاکٹر تنظیموں نے تمام سرکاری اور نجی ہسپتالوں میں دو دن کیلئے ہڑتال شروع کر دی ہڑتال کے باعث مریضوں کو سخت مشکلات کاسامنا کرنا پڑرہا ہے ایمر جنسی کے علاوہ باقی تمام شعبے بن کر دیئے گئے ہیں۔

جہانیاں(ایمرا نیوز آن لائن) پاکستان سمیت دنیا بھر میں صحت کا عالمی دن ” ورلڈ ہیلتھ ڈے “ 7اپریل اتوار کو بھرپور طریقے سے منایا جائے گا اس دن کے منانے کا مقصد دنیا بھر کے لوگوں کو صحت کی اہمیت سے آگاہ کرنا ہے۔ اس سلسلے میں جہانیاں سمیت ملک بھر میںوزارت صحت،محکمہ صحت پنجاب،پاکستان میڈیکل ایسوی ایشن،دیگر طبی تنظیموں اور این جی اوز کے زیر اہتمام خصوصی تقریبات کا اہتمام کیا جائے گاجس میں صحت مند زندگی گزارنے کی سنہری اصولوں بارے آگاہی دی جائے گی اور ماہرین اپنے مقالے پیش کریں گے مقررین صحت کے حوالے سے درپیش خطرات اور دیگر متعلقہ امور پر تفصیل سے روشنی ڈالیں گے جبکہ اخبارات خصوصی مضامین شائع کریں گے۔دنیا بھر میں صحت کا عالمی دن سب سے پہلے 1950ءمیں منایا گیا 1948ءمیں عالمی ادارہ صحت (WHO) کے ذیلی ادارے ہیلتھ اسمبلی نے ہر سال 7اپریل کو صحت کا عالمی دن منانے کی منظوری دی جس کے بعد دنیا بھر میں 7اپریل کو ” ورلڈ ہیلتھ ڈے “ منایا جاتا ہے۔

ادویات کی قیمتوں میں سو فیصد اضافے کو لاہور ہائیکورٹ میں چیلنج کر دیا گیا
لاہور (ایمرا نیوز آن لائن)ادویات کی قیمتوں میں سو فیصد اضافے کو لاہور ہائیکورٹ میں چیلنج کر دیا گیا ہے۔ درخواست میں نشاندہی کی گئی کہ حکومتی فیصلے کے بر عکس ادویات ساز کمپنیوں نے 100 فیصد اضافہ کیا ہے۔ ادویات کی قیمتوں میں اضافے کیخلاف مقامی وکیل ندیم سرور نے لاہور ہائیکورٹ سے رجوع کیا ہے اور درخواست میں نشاندہی کی گئی کہ حکومت نے ادویات کی قیمتوں میں 5 سے 15 فیصد اضافہ کی منظوری دی. درخواست گزار کت مطابق حکومتی فیصلے کے برعکس فارماسوٹیکل کمپنیوں نے قیمتوں میں 100 فیصد تک اضافہ کردیا۔ درخواست میں بتایا گیا کہ ادویات ایک بنیادی ضرورت کی حیثیت رکھتی ہے اور اس کی قیمتوں میں سو فیصد اضافے سے شہریوں کیلئے ادویات خریدنا بھی مشکل ہوگئی ہے۔ درخواست گزار نے نکتہ اٹھایا کہ علاج و معالج کی سہولتیں دینا اور ادویات کی قیمتیں کو کنٹرول میں رکھنا حکومت کی ذمہ داری ہے لیکن حکومت اپنی اس ذمہ داری کو پوری کرنے میں ناکام ہے۔ درخواست گزار وکیل نے استدعا کی کہ ادویات کی قیمتوں میں اضافہ کرنے والی فارماسوٹیکل کمپنیوں کے خلاف کارروائی کرنے کا حکم اور سو فیصد اضافہ کالعدم قرار دیا جائے۔ (ایم خالد)

نیو اسلام آباد ائیرپورٹ پر ایبولا وائرس کی تشخیص کرنے والا تھرمو اسکینر خراب، وائرس پھیلنے کا خدشہ پیدا
اسلام آباد(ایمرا نیوز آن لائن)نیواسلام آباد ائیرپورٹ پر ایبولا وائرس کی تشخیص کرنے والا تھرمو اسکینر خراب ہونے سے وائرس پھیلنے کا خدشہ پیدا ہوگیا۔ تفصیلات کے مطابق جنوبی افریقہ سے آنے والے مسافروں کو تھرمو اسکینر سے چیک کرنا لازمی ہوتا ہے تاکہ ایبولا وائرس کی تشخیص ہوسکے اور اس سلسلے میں اسلام آباد ائیرپورٹ پر ایک تھرمو اسکینر نصب کیا گیا تھا جو ناکارہ ہوگیا ہے۔تھرمو اسکینر خراب ہونے کی وجہ سے مسافروں کی وائرس چیکنگ کا عمل رک گیا ،جس کے باعث وفاقی دارالحکومت سے وائرس پھیلنے کا خدشہ ہے۔ذرائع کا کہنا ہے کہ تھرمو اسکینر خراب ہونے کےساتھ محکمہ صحت کاعملہ بھی ائیرپورٹ سے غائب ہے۔واضح رہے کہ عالمی ادارہ صحت کی ہدایت پر 2014 میں بےنظیر بھٹو ائیرپورٹ پر ایبولا وائرس کی چیکنگ کے لیے تھرمو اسکینر لگایا گیا تھا۔

عوام کو ریلیف پہنچانا ذمہ داری ہے ‘بذاتِ خود جائزہ لے رہا ہوں‘مریضوں کو پریشانی کا سامنا ہے،ذمہ داران کو نہیں چھوڑوں گا
وفاقی وزیر صحت عامر محمود کیانی
اسلام آباد(ایمرا نیوز آن لائن) وفاقی وزیر برائے قومی ادارہ صحت (این ایچ ایس) عامر محمود کیانی نے ادویات کی قیمتوں میں اضافے پر ادویات بنانے والی کمپنیوں کےخلاف ملک بھر میں کریک ڈاؤن کا حکم دے دیا ہے ۔نجی ٹی وی سے گفتگو کرتے ہوئے وفاقی وزیر صحت عامر محمود کیانی نے کہا کہ حالانکہ ڈرگ ریگولیٹری اتھارٹی پاکستان(ڈریپ) اس معاملے کو دیکھ رہی ہے لیکن بحیثیت حکومتی نمائندے کہ عوام کو ریلیف پہنچانا میری ذمہ داری ہے اور میں ان کو جوابدہ ہوں۔انہوں نے کہا کہ میں بذاتِ خود اس معاملے کا جائزہ لے ہوں اور ادویات کی قیمتوں میں غیر قانونی اور بلاجواز اضافہ برداشت نہیں کیا جائے گا۔عامر کیانی کا کہنا تھا کہ کچھ کمپنیوں کو ادویات کی قیمتوں میں اضافے کی اجازت دی گئی تھی لیکن دیکھا گیا کہ کچھ دوسری کمپنیوں نے خود سے قیمتوں میں اضافہ کیا‘۔’میں انہیں نہیں چھوڑوں گا کیوں کہ اس کی وجہ سے مریضوں کو پریشانی کا سامنا ہے، اس کے علاوہ ہم نے ایک آنلائن سہولت بھی متعارف کروانے کا فیصلہ کیا ہے جس کے ذریعے عوام قیمتوں کی تصدیق کرسکیں گے۔واضح رہے کہ ادویات کی قیمتوں میں اضافے سے حکومت کو سخت تنقید کا سامنا کرنا پڑ رہا ہے۔