Category صحت

پولن کی مقدار زیادہ ہونے پر بیرونی نقل و حمل محدود اور گھر سے نکلتے وقت ماسک کا استعمال ضرور کریں ،قومی ادارہ صحت
اسلام آباد(ایمرا نیوز آن لائن) قومی ادارہ صحت نے پولن الرجی کی صورت حال پر پیغام جاری کر دیا ہے جس میں کہا گیا ہے کہ ہوا میں پولن کی مقدار زیادہ ہونے پر بیرونی نقل و حمل محدود اور گھر سے نکلتے وقت ماسک کا استعمال ضرور کریں ۔ میڈیا رپورٹس کے مطابق قومی ادارہ صحت نے ملک میں پولن الرجی کی موجودہ صورت حال پر پیغام جاری کیا ہے ۔ مفاد عامہ کے پیغام میں پولن الرجی سے بچاؤ کی احتیاطی تدابیر شامل ہیں قومی ادارہ صحت کی جانب سے جاری پیغام میں بتایا گیا ہے کہ پولن موسمی الرجیز کی عام ترین وجوہات میں سے ایک ہے موسمی الرجی کو تپ کاہی یا گھاس بخار بھی کہا جاتا ہے جبکہ طبی ماہرین اسے ناک کی سوزش قرار دیتے ہیں ۔ پیغام میں کہا گیا ہے کہ عوام پولن سیزن میں خصوصی احتیاطی تدابیر اختیار کریں ۔ ہوا میں پولن کی مقدار زائد ہونے پر بیرونی نقل و حمل محدود کریں ۔گھر سے نکلنے وقت ماسک کا استعمال ضرور کریں اور پولن سیزن سے قبل الرجی سے بچاؤ کی ادویات کا استعمال شروع کر دیں ۔( جاوید)

2افراد گرفتار‘مقدمہ درج‘برآمد کردہ دودھ ضائع کر دیا گیا
اسلام آباد(ایمرا نیوز آن لائن)پنجاب فوڈ اتھارٹی (پی اے ایف)اور انتظامیہ نے 440,52لیٹر ملاوٹ شدہ دودھ کی براستہ موٹروے اسلام آباد منتقلی کو ناکام بنا دیا ہے ۔ذرائع کے مطابق مذکورہ دودھ کی منتقلی سے متعلق اطلاع ملنے پر پنجاب فوڈ اتھارٹی ،انتظامیہ اور پولیس کی بھاری نفری نے موٹرے انٹر چینج پر بروقت کاروائی کی اور مشکوک کنٹینرز کی جانچ پڑتال کی ،جانچ پڑتال کے دوران کنٹینرز سے 440,52لیٹر ملاوٹ شدہ دودھ برآمد کیا گیا ۔ذرائع کا کہنا ہے کہ حکام نے کنٹینرز میں موجود 2افراد کو گرفتار کرکے ان کے خلاف مقدمہ درج کر لیا ہے اور برآمد شدہ دودھ کو ضائع کر دیا گیا ہے۔

بلڈ پریشر کی دوا ایوسار پلس کی قیمت 180 سے بڑہ کر 480 ہو، ناروسک، ٹرائفوج، ایڈینال میں بھی 20 سے 30 فیصد کا اضافہ کردیا گیا
اسلام آباد(ایمرا نیوز آن لائن) ادویات کی قیمتوں میں ایک بار پھر اضافہ کردیا گیا ہے۔ذرائع کے مطابق بلڈ پریشر کی دوا ایوسار پلس کی قیمت 180 تھی اب بڑہ کر 480 ہوگئی جبکہ ناروسک، ٹرائفوج، ایڈینال میں بھی 20 سے 30 فیصد کا اضافہ کردیا گیا۔ذرائع نے بتایا کہ اسی طرح کچھ ادویات کی قیمتوں میں سو فیصد سے بھی زیادہ اضافہ ہوا ہے۔ادویات کی مہنگے داموں فروخت نے شہریوں کو پریشان کردیا ہے۔ 40 فیصد تک اضافے نے شہریوں کو خالی ہاتھ لوٹنے پر مجبور کردیا ہے۔ شہریوں نے حکمران وقت سے ریلیف کی اپیل کی ہے۔دوسری جانب بیماریوں سے لڑتے مریضوں کو ادویات کی قیمتوں میں اضافے نے دہرے کرب میں مبتلا کردیا ہے۔ بلڈ پریشر کی دوا کی نئی قیمت سن کر فشار خون کا نارمل رہنا ممکن نہیں رہا۔ جو کراچی میں ایک سواسی روپے سے بڑھا کر چارسواسی روپے کردی گئی ہے۔ایک بیماری، دوسرا آسمان کو چھوتی ادویات کی قیمتیں۔ حکومت نے دوائیں مہنگی کرکے مریضوں کے سر پر ایک اور پہاڑ توڑ دیا۔ ادویات کی قیمتوں میں ڈیڑھ سو فیصد سے زیادہ اضافہ کیا گیا ہے۔ادویات کی قیمتوں میں گزشتہ چند ماہ سے لگاتار اضافہ کیا جارہا ہے۔ جس کے باعث غریب شہری دوا کی قیمت سن کر میڈیکل اسٹور سے واپس لوٹ جاتے ہیں۔شعبہ طب سے تعلق رکھنےافراد کا کہنا ہے کہ ادویات کی قیمتوں میں حالیہ اضافے کی وجہ سے ایسے افراد سب سے زیادہ متاثر ہوں گے جو غربت کی لکیر سے نیچے زندگی بسر کرنے پرمجبور ہیں۔حکومت کی طرف سے ادویات کی قیمتوں میں اضافے کے بعد عوام نے سوشل میڈیا پر سخت ردعمل دیا ہے۔ لوگ ادویات کی نئی پرانی قیمتیں نیا اور پرانا پاکستان لکھ کر شیئر کررہے ہیں۔

عارضہ جگر میں مبتلا 10 سالہ بچے عبدالرحمان کو بہن نے جگر کا عطیہ دیا،ڈاکٹرز نے 13 گھنٹے کے طویل آپریشن کے پاکستان۔میں پہلی بار ہیپٹک کومہ کی اسٹیج پر جگر کی پیوندکاری کو کامیابی سے سرانجام دے دےا
کراچی(آن لائن)گمبٹ انسٹیٹیوٹ آف میڈیکل اینڈ ہیلتھ سائنسز میں جگر ٹرانسپلانٹ کا آپریشن کامیاب، عارضہ جگر میں مبتلا ہیپٹک کومہ کے مریض 10 سالہ بچے عبدالرحمان کو بہن نے جگر کا عطیہ دیا۔ڈاکٹرز نے 13 گھنٹے کے طویل آپریشن کے پاکستان۔میں پہلی بار ہیپٹک کومہ کی اسٹیج پر جگر کی پیوندکاری کو کامیابی سے سرانجام دے دیا۔تفصیلات کے مطابق گمس ہسپتال میں زیرعلاج سجاول سے تعلق رکھنے والے دس سالہ بچے عبدالرحمان کا جگر ٹرانسپلانٹ کا آپریشن کامیاب ہوگیا عبدالرحمان 6 بہنوں کا اکلوتا بھائی اور عارضہ جگر میں مبتلا ہیپٹک کومہ کی اسٹیج میں زندگی کی جنگ لڑرہا تھا۔ہیپٹک کومہ کی حالت میں جگرکی پیوندکاری کا مرحلہ انتہائی مشکل ہوتا ہے تاہم گمس اسپتال کے ڈاکٹرز نے اس مشکل کو کام کو بھی کامیابی سے سرانجام دے دیا۔عبدالرحمٰن کو اسکی بڑی بہن کیجانب سے جگرعطیہ کیاگیا اور13گھنٹے تک جاری رہنے والے اس آپریشن میں پاکستان کی تاریخ میں پہلی مرتبہ جگرکی پیوندکاری انتہائی نامساعد حالات میں مکمل کرلی گئی۔جبکہ گمس اسپتال اس سے قبل بھی 60سے زائد جگروگردوں کی کامیاب پیوندکاریاں کرچکاہے۔#/s#
٭٭٭٭٭

(میڈیا 92نیوز آن لائن)
نئے پاکستان میں ادویات کی قمیتں آسمان سے باتیں کرنے لگی بیمار اور مریض طبقہ ادویات کی قمیتیں دیکھ کر مزید زھنی مرض میں مبتلا ھونے لگے شہریوں کا شدید اتجاج پرائم منسٹر پاکستان عمران خان سے فوری نوٹس لینے کا مطالبہ کیا گیا ھے.

زارئع کا کہنا ھے ادویات کی قیمتوں میں سو سے دو سو فیصد اضافہ کرنے والے ڈرگ مافیا اور اس کی سرپرستی کرنے والی ڈرگ ریگولیٹری اتھارٹی کے سابق سی ای او اور وفاقی وزیر صحت عامر کیانی اور کمپنیوں کی طرف سے انھیں نذرانہ جمع کر کے دینےوالے پی پی ایم ایے کہ اہم رہنما شفیق عباسی زاہد سعید اور ادریس وغیرہ اور دیگر افسروں کے خلاف جے آئی ٹی تشکیل دی جائےجبکہ سپریم ایڈوائزری کونسل پیشنٹ پروٹیکشن کونسل آف پاکستان نے مطالبہ کیا ھےکے مریضوں کے لوٹے 400 ارب روپے بھی ا ن سے واپس لیے جائیں

(ایمرا نیوز آن لائن)
نیو اور لینز: سائنس دان مردوں کے لیے مضر اثرات سے پاک مانع حمل دوا بنانے میں کامیاب ہوگئے جس کے انتہائی حوصلہ افزا نتائج سامنے آئے ہیں۔ ریاست نیو اورلینز میں ہونے والی طبی کانفرنس میں ماہرین نے انکشاف کیا ہے کہ مردوں کے لیے بنائی جانے والی نئی مانع حمل گولی نے ابتدائی حفاظتی مرحلہ کامیابی سے مکمل کر لیا ہے۔ 40 مردوں پر کی گئی یہ تحقیق نہ صرف نہایت کامیاب رہی بلکہ کورس کی تکمیل کے بعد ان مردوں کے ہارمون کی سطح بھی عمومی سطح پر واپس آگئی۔

سائنس دانوں کا کہنا ہے کہ واشنگٹن یونیورسٹی اور بائیو میڈ کی تخلیق کردہ دوا کی ایک گولی پورے 24 گھنٹے اسپرم بنانے والے ہارموں پروجیسٹن کو روک دے گا۔ پروجیسٹن مردانگی سے متعلق ہارمون ہے جس کے فوطوں سے خارج ہونے کا عمل رک جانے سے اسپرم نہیں بنیں گے اور سب سے خاص بات یہ کہ اس دوا کے کوئی مضر اثرات بھی نہیں۔ماہرین کا کہنا ہے کہ محدود تجربے میں حوصلہ افزا نتائج ملے ہیں کہ دوا بچوں کی پیدائش پر قابو پانے میں کس طرح مددگار ثابت ہو پائے گی، اس کے لیے دوا کو بڑے پیمانے پر اور زیادہ عرصے کے لیے تجرباتی طور استعمال کرایا جائے گا، یہی وجہ ہے کہ اس دوا کو بازار میں لانے میں ابھی ایک دہائی تک کا عرصہ لگ سکتا ہے۔

واضح رہے کہ عورتوں کے لیے مانع حمل گولی 50 سال پہلے برطانیہ میں بنائی گئی تھی تاہم مردوں کے لیے مانع حمل دوا پر پہلی مرتبہ تجربات کیے جا رہے ہیں۔

فیصل آباد(ایمرا نیوزآن لائن رپورٹ عمر خالد سے) فیصل آباد میں محکمہ صحت نے عوام کو مچھروں کے رحم وکرم پر چھوڑ دیا، شہر میں ڈینگی اور ملیریا کا خطرہ بڑھ گیا۔شہریوں نے مچھروں کا مقابلہ کرنے کے لیے مچھر دانیوں کی خریداری شروع کر دی، جس کے بعد اہم شاہراہوں کے کنارے مچھر دانیوں کی عارضی دکانیں لگ گئیں۔شہر میں مچھروں کی بہتات سے پریشان لوگوں نے محکمہ صحت کی جانب سے مؤثر اقدامات نہ ہونے کے بعد اب خود مچھروں سے نپٹنے کے لیے تیاریا ں شروع کر دی ہیں، اس لیے اکثر شہری مچھر دایناں اور مچھر مار اسپرے خریدتے دکھائی دیتے ہیں۔مچھر دانیوں کی طلب میں اضافے کے ساتھ سڑکوں کے کنارے عارضی دکانیں بھی قائم ہو گئی ہیں، جہاں بازار سے بارعایت مچھر دانیاں دستیاب ہیں۔مچھروں کی یلغار سے بچنے کے لیے شہریوں کی کوششیں اپنی جگہ لیکن مچھروں کے تدراک کے لیے محکمہ صحت کو مؤثر اقدامات کرنے چاہئیں۔

خاتون کی انگلیوں پہ خراش اور سوجن کے نشانات پائے گئے ہیں ، بائیں کان کے سامنے اور گال پہ بھی خراش کے نشانات ہیں، رپورٹ
لاہور(ایمرا نیوز آن لائن )لاہور میں مبینہ طور پر شوہر کے تشدد کا نشانہ بننے والی خاتون کی میڈیکل رپورٹ سامنے آگئی ہے۔ میڈیکل رپورٹ میں تشدد کی تصدیق کی گئی ہے۔ رپورٹ متاثرہ خاتون کی میڈیکل رپورٹ میں 6 مختلف انجریز کی نشاندہی کی گئی ہے ۔رپورٹ میں بتایا گیاہے کہ خاتون کی انگلیوں پہ خراش اور سوجن کے نشانات پائے گئےہیں ، بائیں کان کے سامنے اور گال پہ بھی خراش کے نشانات ہیں۔رپورٹ میں لکھا گیاہے کہ جھگڑے کے بعد خاتون کے بائیں کان سے کم سنائی دے رہا ہے۔رپورٹ میں درج ہے کہ بائیں آنکھ میں سرخی مائل نشان ہے لیکن بینائی کا کوئی مسئلہ نہیں ہے۔ سر اور گردن کے درمیانی حصے پہ بھی زخموں کے نشانات ہیں ۔جسم پہ آنے والے زخم کسی تیز آلے کے ہوسکتے ہیں ۔مزید حقائق کے لئے بائیں ہاتھ اور سر کے ایکسرے کروانے کی ضرورت ہے۔دوسری طرف متاثرہ خاتون کا مجسٹریٹ کو دیا گیا 164کا بیان بھی سامنے آگیاہے۔ ہم نیوز نے خاتون کے بیان کی کاپی بھی حاصل کرلی ہے ۔ متاثرہ خاتون نے اپنے بیان میں کہا فیصل 24 مارچ کو دو دوستوں کے ساتھ گھر میں داخل ہوا اور نشے کی حالت میں تھا۔شراب پینے کا شوہر نے مجھے بھی کہا اور میں نے انکار کیا۔دوستوں کے چلے جانے کے بعد شوہر نے پانی کے پائپ سے پاں باندھ کر تشدد کیا۔اس واقعے کو تین میرے ملازمین نے بھی دیکھا۔یاد رہے 27 مارچ کو خبر سامنے آئی تھی کہ لاہورکے علاقہ ڈیفنس میں ایک شخص نے مبینہ طور پر رقص نہ کرنے پر اپنی بیوی کو تشدد کا نشانہ بنایا ہے۔پولیس نے رقص نہ کرنے پر بیوی کو تشدد کا نشانہ بنانے والے ملزم فیصل کو ساتھیوں سمیت گرفتار کر لیا تھا۔ ملزم کے قبضہ سے استرا، برش اور دیگر سامان بھی برآمد کیے گئے۔

لاہور (نیٹ نیوز) محکمہ صحت کی ٹاسک فورس کے چوہنگ کے علاقے ملتان روڈ اور جوہر ٹاؤن میں چھاپے۔ ادویہ کی معروف کمپنیوں کا کروڑوں روپے مالیت کا جعلی خام مال برآمد کر کے فیکٹریوں کو سیل کر دیا گیا۔ جعلی ادویہ تیار کرنے والوں کے گرد گھیرا تنگ۔ محکمہ صحت کی ٹاسک فورس کی چوہنگ کے علاقے ملتان روڈ اور جوہر ٹاؤن میں کارروائیاں۔ ادویہ بنانے والی معروف کمپنیوں کے جعلی خام مال بنا کر سمگلنگ کی کوشش ناکام بنا دی۔ پیٹ درد کی ادویہ، انزائم، پوٹاشیم کلورائیڈ اور سوڈیم کلورائیڈ کا جعلی خام مال برآمد کرلیا گیا۔ ٹاسک فورس نے خام مال قبضے میں لے کر فیکٹریوں کو سربمہر کر دیا۔ مالکان اور ذمہ داروں کے خلاف متعلقہ تھانوں میں ایف آئی آر درج کروا دی گئیں۔کارروائیوں میں میں شوکت وہاب، کمال سکندر، ماریہ، بلال یاسین، عمران حسین، ثناء اللہ اور امامہ حسین نے حصہ لیا۔

لاہور(نیٹ نیوز)

لاہور سمیت پنجاب میں 2 ماہ میں ٹائیفائیڈ کے مرض میں تیزی سے اضافہ ہوا ہے۔

محکمہ صحت پنجاب کی رپورٹ کے مطابق پنجاب میں 2 ماہ میں ٹائیفائیڈ کے 57 ہزار 716 کیسز رپورٹ ہوئے جس میں لاہور سرفہرست ہے۔

رپورٹ میں بتایا گیا کہ جنوری سے فروری تک 7 ہزار 345 مریض ٹائیفائیڈ میں مبتلا ہوچکے ہیں جب کہ شیخوپورہ میں ٹائیفائیڈ کے 5 ہزار 530 اور اوکاڑہ میں 3 ہزار 483 کیسز سامنے آئے ہیں۔

طبی ماہرین نے شہریوں کو ہدایت دی کہ ٹائیفائیڈ سے بچنے کےلیے پانی اُبال کر پیئیں اور مضر صحت غذا سے اجتناب کریں۔