Category صحت

لاہور(ایمرا نیوزآن لائن) سابق وزیراعظم میاں نواز شریف کے معالج ڈاکٹر عدنان کا کہنا ہے کہ نواز شریف کو آج شریف میڈیکل سٹی لے کر جائیں گے۔سابق وزیر اعظم نواز شریف کی صحت کے معاملے پر ان کے معالج نے بتایا ہے کہ شریف میڈیکل سٹی میں ڈاکٹروں کی ایک ٹیم نواز شریف کا معائنہ کرے گی۔انہوں نے بتایا کہ نواز شریف کے شریف میڈیکل سٹی میں مختلف طبی ٹیسٹ کیے جائیں گے ،جبکہ میں خود بھی ان کا چیک اپ کروں گا۔ڈاکٹر عدنان نے یہ بھی کہا کہ نواز شریف کے مکمل طبی معائنے کے بعد اُن کے مزید ٹیسٹ کرنے کا فیصلہ ہو گا۔

پاﺅڈر، گھی اور کیمیکل سے بنا محلول ساہیوال سے لاہور لایا جا رہا تھا، فوڈ اتھارٹی
لاہور(رپورٹ :ایمرا نیوز آن لائن)جعلی دودھ کی سپلائی کا نیا طریقہ بھی بے نقاب کر دیا گیا، جعلی دودھ کے ٹینکر کو لکڑیوں اور چادروں سے ڈھانپ کر لانے کی کوشش بھی ناکام بنا دی گئی، 3ہزار لٹر جعلی دودھ کا گاڑھا محلول چھپا کر ساہیوال سے لاہور لایا جا رہا تھا۔ڈی جی فوڈ اتھارٹی کیپٹن(ر) محمد عثمان نے کہا ہے کہ تین ہزار لٹر گاڑھے محلول سے 12ہزار لٹر جعلی دودھ تیار کیا جانا تھا ۔

ضبط کیا گیا محلول تلف ، ڈرائیور فرار، گاڑی قبضے میں لے لی گئی۔ جعلی دودھ تیار کرنے کے لئے پاﺅڈر گھی اور کیمیکل سے بنا گاڑھا محلول تیار کیا گیا تھا۔ تیار جعلی دودھ کی جگہ کم حجم والا گاڑھا محلول لا کر لاہور میں صرف پانی شامل کیا جانا تھا۔ ویجیلینس ٹیم نے ریکی کر کے سپلائی کرنے والی گاڑیوں کا پتا لگایا۔ پنجاب فوڈ اتھارٹی کی ویجیلینس ٹیمیں 24گھنٹے صحت دشمن عناصر کے پیچھے ہیں۔ ڈی جی فوڈ اتھارٹی کیپٹن(ر) محمد عثمان نے کہا کہ ملاوٹ مافیا کو ڈھونڈ نکالیں گے۔

لاہور(ایمرا نیوز)

لاہور(ایمرا نیوز)

لاہور(ایمرا نیوز)

وزیر اعظم کا عامر کیانی کو وزارت صحت کے عہدے سے برطرف کرنے کا فیصلہ
وزیر صحت اپنے ذاتی کاروبار کو ترجیح دے رہے ہیں،عہدے سے الگ کر کے کمیٹی تشکیل دی جائے، وزیر اعظم کو رپورٹ پیش
سلام آباد (ایمرا نیوز آن لائن)وزیر صحت عامر کیانی اور ادویات بنانے والی کمپنیوں میں گٹھ جوڑ کا انکشاف ہوا ہے ، حکومت نے فاقی وزیر صحت کو برطرف کرنے کا فیصلہ کرلیا ،ملک بھر میں دواوں کی قیمتوں میں حالیہ اضافے کے بعد سے وزیراعظم عامر کیانی سے سخت ناخوش ہیں۔ وفاقی کابینہ نے ادویات کی قیمتوں میں 15 فیصد اضافے کی منظوری دی تھی، تاہم وزیر صحت کی نااہلی کے باعث ادویات بنانے والی کمپنیوں نے یہ اضافہ 100 فیصد کردیا۔میڈیا رپورٹ کے مطابق وزیراعظم کو ایک رپورٹ دی گئی ہے جس میں انکشاف کیا گیا ہے کہ وزیر صحت عامر کیانی اور ادویات بنانے والی کمپنیوں کا گٹھ جوڑ ہے، جس کے باعث ادویات کی قیمتوں میں یکدم یوشربا اضافہ کر دیا گیا۔ رپورٹ میں کہا گیا ہے کہ وزیر صحت عامر کیانی اپنی وزارت کے معاملات سے زیادہ اپنے ذاتی کاروبار کو ترجیح دے رہے ہیں،رپورٹ میں سفارش کی گئی ہے کہ عامر کیانی کو فوری طور پر وزارت سے الگ کر کے ایک تحقیقاتی کمیٹی تشکیل دی جائے ، وزیراعظم عمران خان نے عامر کیانی سے وزیر صحت کا عہدہ واپس لینے کا فیصلہ کیا ہے۔ تاہم اس حوالے سے حکومتی سطح سے تاحال کسی قسم کا کوئی باقاعدہ اعلان نہیں کیا گیا۔

او پی ڈیز بند ہونے سے عوام کو شدید مشکلات کا سامنا کرنا پڑا
کراچی(ایمرا نیوز آن لائن)عباسی شہید اسپتال میں ڈاکٹر وں کی ہڑتال ساتویں روز بھی جاری رہی، او پی ڈیز بند ہونے سے عوام کو شدید مشکلات کا سامنا کرنا پڑا۔تفصیلات کے مطابق۔عباسی شہید اسپتال کی انتظامیہ اور ینگ ڈاکٹرز کے درمیان ڈیڈلاک ختم نہ ہوسکا ساتویں روز بھی ڈاکٹرز نے اپنے مطالبات کے حق میں احتجاج کیا اور اوپی ڈیز کا بائیکاٹ کیا جس کے باعث عوام کو شدید مشکلات کا سامنا کرنا پڑا۔جبکہ انتظامیہ اور ڈاکٹرز ایکشن کمیٹی کے درمیان ہونے والے مذاکرات بھی ناکام ہو گئے۔ ڈاکٹرز کا موقف ہے کہ انتظامیہ نے مذاکرات کے بجائے دھمکیاں دینے لیے بلایا تھا۔ینگ ڈاکٹر وں کا کہنا ہے انتظامیہ نے کام نہ کرنے کی صورت میں نوکری سے نکالنے کی دھمکی دی ہے۔

ملتان سمیت پنجاب کے کئی شہروں میں ڈینگی کے حملہ کا خدشہ
اسپیشل برانچ کا ڈینگی سے بچنے کے لیے ہنگامی اقدامات کرنے کی سفارش محکمہ صحت کے اقدامات پر بھی تشویش کا اظہار، ڈینگی الرٹ جاری کردیا گیا
ملتان(ایمرا نیوز آن لائن) اسپیشل برانچ نے ملتان سمیت پنجاب کے کئی شہروں میں ڈینگی کے حملہ کا خدشہ ظاہر کر دیا۔اسپیشل برانچ نے اپنی رپورٹ میں ڈینگی سے بچنے کے لیے ہنگامی اقدامات کرنے کی بھی سفارش کی جب کہ ڈینگی کے حوالے سے محکمہ صحت کے اقدامات پر بھی تشویش کا اظہار کیا گیا ہے۔پنجاب میں موسم بدلتے ہی ڈینگی وائرس بھی پھیلنے کا خدشہ پیدا ہو گیا۔ اسپیشل برانچ کی رپورٹ کی روشنی میں ملتان سمیت پنجاب کے 5 شہروں میں ڈینگی الرٹ جاری کر دیا گیا جب کہ ڈینگی کی روک تھام کے لیے متعلقہ اضلاع کے محکمہ صحت کو بھی ہدایات جاری کردی گئی ہیں۔رپورٹ میں ہدایت کی گئی ہے کہ لاروا برآمد ہونے والے علاقوں میں اسپرے کیا جائے جب کہ گندگی اور کھڑے پانی کا نکاسی نظام بھی بنایا جائے۔اسپیشل برانچ نے سرکاری اسپتالوں میں رپورٹ ہونے والے مریضوں کی روزانہ کی بنیاد پر رپورٹ مرتب کرنے کی ہدایت کر دی۔واضح رہے کہ ملتان میں گزشتہ6 ماہ کے دوران 889 مریضوں میں ڈینگی کی تصدیق ہوئی۔اس سے قبل اسپیشل برانچ نے ڈینگی کنٹرول پروگرام سرویلنس ٹیموں کی کارکردگی کی رپورٹ بھی پیش کی تھی اور لاہورمیں 10 ہزارسے زائد ڈینگی مچھر کی افزائش کے پوائنٹس نے سرویلنس ٹیم کی کارکردگی پر سوالیہ نشان لگا دیا تھا۔اسپیشل برانچ نے ڈینگی کی افزائش کی رپورٹ اور سفارشات متعلقہ حکام کو بھجوائی تھیں جس میں لاہور، راولپنڈی، ملتان، گجرانوالہ اور شیخوپورہ میں ڈینگی بریڈنگ اسپاٹس کی نشاندہی کی تھی۔رپورٹ میں بتایا گیا کہ لاہور میں 10 ہزار 662 پوائنٹس ڈینگی مچھر کی افزائش کے لیے آئیڈیل ہیں۔ راولپنڈی میں 5 ہزار 590 اور گجرانوالہ میں 11 سو 61 مقامات پر ڈینگی مچھر کی افزائش ہوسکتی ہے۔اسی طرح ضلع ملتان میں 440 اور ضلع شیخوپورہ میں 238 مقامات ڈینگی کی افزائش کے لیے آئیڈیل ہیں۔رپورٹ میں کہا گیا تھا کہ موسمی تبدیلی کے باعث ڈینگی مچھر کے افزائش کے مقامات میں اضافہ ہوسکتا ہے۔ جن علاقوں میں ڈینگی کے مریض رپورٹ ہوئے وہاں درختوں کے نیچے کھڑے پانی کو بھی چیک کیا جائے۔

دبئی(ایمرا نیوزآن لائن)سابق صدر پرویز مشرف کو طبیعت بہتر ہونے پر ہسپتال سے گھر منتقل کردیا گیا ۔پرویز مشرف دبئی کے ایک ہسپتال میں زیر علاج تھے ، انہیں گزشتہ دنوں طبیعت بگڑنے پر ہسپتال منتقل کیا گیا تھا۔ سابق صدر ریگولرچیک اپ کیلئے اگلے ہفتے پھر ہسپتال جائیں گے ۔

لاہور(میڈیا 92 نیوز) میاں صاحب کی ٹیسٹ رپورٹ نارمل ہے، ترجمان وزیراعلیٰ پنجاب کا ٹویٹ، شہباز گل کے مطابق جناح ہسپتال کے سینئر یورالوجسٹ ڈاکٹر نوید اقبال نے نواز شریف کا جیل میں معائنہ کیا۔ سابق وزیر اعظم کو پانی زیادہ پینے کا مشورہ دیا ہے جبکہ گوشت اور انڈے کم کھانے کی ہدایت کی گئی ہے۔ شہباز گل نے مزید کہا کہ مریم نواز دو روز تک والد کی بیماری پر پراپیگنڈا کرتی رہی ہیں۔ ان کا مزید کہنا تھا عوام کو گمراہ کرنا بند کردیں، ترجمان وزیراعلیٰ نے نواز شریف کے گردوں کی ٹیسٹ رپورٹ بھی جاری کر دی۔