Category صحت

لاہور(وقت نیوز) پھلوں اور سبزیوں کی قیمتیں آسمان کوچھونے لگی، ٹماٹرکی قیمت میں اضافہ کریلے اور بھنڈیاں بھی عوام کی پہنچ سے دور۔ پھلوں اورسبزیوں کی ناقص کوالٹی پرعوام پریشان۔ سستے بازار، مہنگے دام۔ مہنگائی کے ہاتھوں ہر کوئی پریشان۔

جہاں ہر ایک ہے غریب عوام کو لوٹنے کی دوڑمیں وہیں۔ سبزیاں اورپھل سبھی ہیں مہنگے،،مگرکوالٹی ہے انتہائی ناقص۔سبزیوں کی قیمتیں سرکاری نرخوں کے بالکل منافی ہیں۔ ایک ہفتے میں ٹماٹر کی قیمت میں 10 روپے فی کلو اضافہ ہوا۔ بھنڈی کی قیمت 120 جبکہ کریلے نے بھی سنچری مکمل کرلی۔ جبکہ پیاز 24، آلو 13، اورگھیا45 روپے فی کلومیں فروخت ہوا۔ شہری مہنگائی سے تو پریشان ہیں ہی، مگرناقص کوالٹی پربھی نالاں نظرآتے ہیں۔ مگر عوام سستی اورمعیاری اشیاءسے کوسوں دور دکھائی دیتے ہیں۔

لاہور(ہیلتھ رپورٹر/ وقت نیوز)لاہور میں جگر اور دل کے مریضوں کے لیے ترکی سے آئے دو ڈاکٹر ز پر مشتمل ٹیم نے مریضوں کا مفت معائنہ کیا ۔ڈاکٹرز کا تعلق ترکی کے ایسییدم ہسپتال گروپ سے ہے ۔شعبہ کارڈیالوجی کے اعلی تربیت یافتہ سرجن ،پروفیسر ڈاکٹر ایرسن ایرک نے دل کی بیماریوں اور سرجری کے حوالے سے مریضوں کو معلومات فراہم کیں ۔جگر ٹرانسپلانٹ رکھنے والے پروفیسر ڈاکٹر رمزی ایمیروگلو نے جگر کی مختلف بیماریوں میں مبتلا مریضوں کو چیک کیا اور طبی مشورے دیے ۔ترکی میں اعضاءکی پیوندکاری کے حوالے سے کامیابی کا تناسب نوے فیصد سے زائد ہے اور تمام تر اعضاءکی پیوندکاری رشتہ دار ڈوانرز سے کی جاتی ہے ۔ایسییدم اہسپتال سے تعلق رکھنے والے کارڈیک سرجن پروفیسر ڈاکٹر ایرسن ایرک کا ماننا ہے کہ اگر مرض کی تشخص بروقت ہو تو علاج کے چانسز بڑھ جاتے ہیں ۔پروفیسر ڈاکٹر ایرسن ایرک کارڈ یک سرجری کے شعبے میں دو دہائیوں سے زائد تجربہ رکھتے ہیں ۔انہوں نے بتایا اکثر کچھ مریضوں کا علاج پاکستان میں ممکن نہیں ہوتا اور وہ یورپ کے ممالک میں مہنگا ترین علاج کروانے کی استطاعت بھی نہیں رکھتے ۔ایسے میں ترکی تمام تر سہولیات کے ساتھ بہترین علاج مہیا کرتا ہے ۔

السر اور معدے(صحت ڈیسک/ وقت نیوز)کی تیزابیت کا قدرتی علاج تلسی کے چند پتے ہیں،جی ہاں تلسی کے پتوں کا استعمال آپ کو السر کی بیماری اور معدے کی تیزابیت سے محفوظ رکھتے ہیں۔

ماہرین طب کے مطابق کھانا کھانے کے بعد تلسی جس کا انگریزی نام Basilہے کے چند پتےچبا کر کھانے سےحیرت انگیز نتائج سامنے آئے جس میں سب سے زیادہ فائدہ تیزابیت کا خاتمہ تھا۔

تلسی کے پتوں کے چند روز استعمال سے جسم غذا کو قبول کرنے اور اسے جلد ہضم میں مددگار ہوتا ہے۔

مسلسل تیزابیت کا شکار رہنے والے مریض السر کا شکار ہوجاتے ہیں ایسے افراد تلسی کے چند پتے بعد از غذا چبا کر کھائیں تو ان تکالیف سے محفوظ رہتے ہیں ۔

ترشہ شکن یا antacid کی شکایت میں بھی ان پتوں کا استعمال حیران کن نتائج دیتا ہے اور مریض کو اس وبال سے چھٹکارا مل جاتا ہے۔

نیویارک(صحت ڈیسک/ وقت نیوز)گرمیوں میں انسان کو پانی کی پیاس زیادہ لگتی ہے تاہم سخت گرمی کے باعث زیادہ مقدار میں پانی پینے کے باوجود انسانی جسم میں کمی رہ جاتی ہے ۔لیکن ماہرین صحت کے مطابق تربوز میں ایسی جزیات پائی جاتی ہیں ،جو نہ صرف گرمی کم کرنے میں مدد دیتی ہیں ،بلکہ وہ انسانی جسم میں پانی کی نمکیات کو بھی کنٹرول کرتی ہیں ۔تربوز میں پائی جانے والی وٹامن اے،سی،بی 6 ،منرلز اور لائکوپین جزیات نہ صرف کینسر اور نضام ہاضمہ کی بیماریوں کو روکنے میں مدد فراہم کرتی ہیں بلکہ تربوز میں پائی جانے والی یہ خصوصیات دل کے امراض کے لیے بھی فائندہ مند ہوتی ہیں ۔تربوز نہ صرف گرمی اور انسانی جسم میں پانی کی نمکیات کو ختم کرنے میں مددگار ہوتا ہے ،بلکہ اس میں شامل خصوصی جزیات تیزابیت اور اسٹریس کو بھی ختم کرنے میں مدد دیتی ہیں ۔تربوز پیشاب کی روانی کو بڑھانے میں مدد دیتا ہے مگر گردوں پر بوجھ ڈالتا ہے ۔اسی طرح یہ پھل جگر کے افعال جیسے امونیا کے اخراج میں بھی مددگار ثابت ہوتا ہے جس میں خرابی کی صورت میں اضافی سیال مواد بڑھتا ہے اور گردوں پر دباﺅ بڑھ جاتا ہے ۔تربوز میں شامل اینٹی آکسائیڈ نٹ جز جلد کو سورج کی شعاعوں سے ہونے والے نقصان سے بچنے سے بچاتا ہے ،جب کہ وٹامب اے اور سی جلد اور بالوں کی حفاظت میں بھی مددگار ہوتی ہیں ،جو تربوز میں پائی جاتی ہیں ۔

نیویارک(ٹیکنالوجی ڈیسک / میڈیا 92 نیوز)سمندر کی تہہ میں موجود پتھروں میں چھپی رہنے والی ایک مچھلی کے نظام انہضام میں تحقیق کاروں کو ذیابیطس کے مکمل خاتمے کا علاج مل گیا تحقیق کاروں کے مطابق میکسیکو کے موسمندر میں پائی جانے والی بصارت سے محروم ایک مخصوص مچھلی میں انسولین سے مزاحمت اور خون کے شوگر لیول میں اضافہ دیکھنے میں آیا ہے ۔یہ علامات انسانوں میں ذیابیطس کی قسم دوم کے مریضوں میں بھی پائی جاتی ہیں جب کہ ان مچھلیوں کا جنیاتی تغیر بھی ذیابیطس کے قسم دوم کے مریضوں سے مماثلت رکھتا ہے ۔حیرت انگیز طور پر یہ مچھلیاں ذیابیطس قسم دوم کے خلاف مزاحمت کا ایک مضبوط نظام رکھتی ہے جس سے انسانوں میں ذیابیطس کے مکمل علاج کی امید پیدا ہوگئہ ہے ۔ہارورڈ میڈیکل یونیورسٹی کے محققین نے ٹیٹرا میکسیکین مچھلیوں پر لکھے تحقیقی مقالے میں بتایا ہے کہ عمومی طور ’ہائی شوگر لیول ‘ کی وجہ سے بلند فشار خون اور خون کی نالیوں میں توڑ پھوڑ جیسی پیچیدگیاں پیدا ہوجاتی ہیں لیکن حیرت انگیز طور پر ان مچھلیوں میں ایسانہیں پایا گیا بلکہ شوگر لیول میں اضافہ صحت کے لیے فائندہ مند نظر آتا ہے ۔سائنس جریدے نیچر میں شائع ہونے والے ایک محفوظ نظام کے سبب یہ مچھلیاں شوگر لیول زیادہ ہونے کے باوجود اس کی پیچیدگیوں سے محفوظ رہتی ہے ۔اس راز کو جاننے کیلئے تحقیق کا آغاز کردیا گیا ہے ۔

لندن(صحت ڈیسک/ میڈیا 92 نیوز)برطانوی ماہرین صحت کا کہنا ہے کہ روزانہ تین سے پانچ کپ کافی پینے سے جگر کے کینسر اور اس کے غیر فعال ہونے کا خطرہ 40 فیصد تک کم ہو جاتا ہے ۔رائل سوسائٹی آف میڈیسن لندن کی جانب سے کی گئی تحقیق سے معلوم ہوا ہے کہ اعتدال کیساتھ کافی کا استعمال جگر کیلئے مفید ہے ۔یونیورسٹی کالج لندن کے پروفیسر گریم الیگز ینڈر نے بتایا کہ جگر کے امراض بڑھ رہے ہیں اس لئے یہ معاملہ اہم ہے کہ کس طرح دنیا کا من پسند مشروب ’کافی ‘جگر کے امراض کیخلاف معاون ثابت کیا جائے۔انہوں نے کہا کہ کافی پینے سے جگر کے امراض لاحق ہونے کا خطرہ کم ہو سکتا ہے۔

بیجنگ(انٹرنیشنل ڈیسک/ میڈیا 92 نیوز)اکثر لوگ پیروں میں سوجن کی شکایت کرتے نظر آتے ہیں اور بعض اوقات یہ سوجن اتنی بڑھ جاتی ہے کہ لوگوں کو پیروں میں درد کی شکایت شروع ہوجاتی ہے جب کہ کچھ لوگ سوجن کے باعث چلنے پھرنے سے بھی قاصر ہوجاتے ہیں ۔لوگوں کی بڑی تعداد اکثر یہ سمجھتی ہے کہ وہ لوگ جو زیادہ چلتے پھرتے نہیں اور بیٹھے رہتے ہیں ان کے پیروں میں سوجن ہوجاتی ہے ۔یہ بڑی حد تک صحیح بھی ہے لیکن پیروں کی سوجن کے پیچھے اور کئی وجوہ ہوتی ہیں جن پر وقت رہتے تو جہ نہ دی گئی تو یہ کسی بڑی بیماری کا پیش خیمہ ثابت ہو سکتی ہیں ۔

لاہور(ہیلتھ رپورٹر/ایمرا نیوز)ایمرا نیوز میں مختلف بیماریوں میں پولیس افسرواہلکاروں کی مبتلا کی خبر اشاعت کے بعد آئی جی پنجاب پولیس نے فوری ایکشن لیتے ہوئے پنجاب پولیس کے60ہزار اہلکاروں کی سکریننگ مکمل کرلی گئی، سکریننگ کے دوران6600پولیس اہلکاروں کی سکریننگ کا عمل جاری ہے ، ابتدائی طورپر60ہزار کے قریب پولیس اہلکاروں کی سکریننگ کا عمل مکمل کیا گیا ہے جس میں 6600پولیس اہلکار ایسے ہیں جو ہیپاٹائٹس اے بی اور سی میں مبتلا ہیں ،

آئی جی پنجاب کی جانب سے احکامات جاری کیئے گئے ہیں کہ مرض میں مبتلا اہلکاروں کیلئے صحت کارڈز جاری کئے جائیں ، محکمہ صحت کے ساتھ معاہدہ کرلیا گیا ہے اور تمام ادویات اولیس ترجیح پر دی جائیںگی ۔ آئی جی پنجاب کا ویلفیئربرانچ کو فوری ہیلتھ کارڈ بنانے کا حکم جاری کردیا ، جو اہلکار متعلقہ تھانے یا ہسپتال تک نہیں پہنچ پائیںگے ادویات ان کو گھر تک پہنچائی جائے گی۔

لکنت یا ہکلانا ، بولنے میں ایک مسئلہ ہے، جس مں آواز یا الفاظ کو بار بار دہرانا، یا بولتے ہوئے لمبا کر دینا شامل ہے جس سے بولنے کے تسلسل میں رکاوٹ آتی ہے اور سننے والے کو سمجھنے میں دقت کا سامنا کرنے کے علاوہ بولنے والے کو خفت اور شرمندگی کا سامنا کرنا پڑتا ہے۔ بولنے میں اس رکاوٹ کے ساتھ کئی دوسری ظاہری علامات کا ساتھ بھی ہو سکتا ہے جیسا کہ پلکوں کو تیز تیز جھپکنا یا ہونٹوں کو الفاظ کے اٹکنے کی صورت میں جھٹکے لگنا۔ لکنت کی وجہ سے دوسروں کے ساتھ بات کرنے میں رکاوٹ پیدا ہوتی ہے، جس سے اکثر اس مسئلہ کا شکار شخص کی زندگی کئی مسائل کا شکار ہو سکتی ہے۔

ایک شخص کے لیے لکنت کی علامات مختلف اوقات میں واضح طور پر مختلف ہو سکتی ہیں۔ عموماً لوگوں کے سامنے بات کرتے ہوئے یا فون پر بات کرتے ہوئے یہ علامات شدت اختیار کر جاتی ہیں اور انسان زیادہ ہکلانے لگتا ہے، جبکہ گانا گاتے، پڑھتے اور اکیلے میں بات کرتے ہوئے یہ ہکلانا عارضی طور پر کم ہو جاتا ہے۔

لکنت کا شکار افراد
لاکھوں افراد ایسے ہیں جو ہکلاتے ہیں، اور یہ مسئلہ ہر عمر کے افراد کو متاثر کرتا ہے۔ زیادہ تر یہ بچوں میں ہوتا ہے جب ان کی عمر 2 سے 5 سال کے بیچ ہوتی ہے اور وہ بولنے میں مہارت حاصل کر رہے ہوتے ہیں۔ اندازہ ہے کہ تمام بچوں میں سے 5 فیصد بچے زندگی کے کسی نہ کسی مرحلے پر ہکلاہٹ کا شکار ہوتے ہیں جو کہ کچھ ہفتوں سے کچھ سالوں پر محیط ہو سکتی ہے۔ لڑکوں میں لڑکیوں کی نسبت لکنت کا شکار ہونے کا تناسب دگنا ہے۔ کئی بچے بڑھتی عمر کے ساتھ لکنت سے نجات حاصل کر لیتے ہیں۔ بالغوں میں لکنت کے شکار افراد کا تناسب 1فیصد سے کم ہے۔

لکنت کیوں ہوتی ہے؟
گو کہ لکنت کی وجوہات کے حتمی میکنزم کو ابھی تک درست طریقے سے نہیں سمجھا جاسکا، لیکن لکنت کی دو اقسام زیادہ عام ہیں [ لکنت کی ایک تیسری قسم جسے سائیکوجینک کا نام دیا جاتا ہے، جذباتی صدمے یا سوچنے اور دلیل دینے کے دوران ہو سکتی ہے۔ ایک دور میں یہ سمجھا جاتا تھا کہ ہر قسم کی لکنت کی وجہ سائیکوجینک ہے، لیکن موجودہ دور میں سائیکوجینک قسم انتہائی کم پائی جاتی ہے]۔
نشوونمائی لکنت [ڈیویلپمنٹل ]
اس قسم کی لکنت بچوں میں اس مرحلے کے دوران ہوتی ہے جب وہ بولنا اور زبان سیکھ رہے ہوتے ہیں۔یہ لکنت کی سب سے عام قسم ہے۔کچھ ماہرین اس بات پر یقین رکھتے ہیں کہ اس کہ وجہ بچوں کے زبان اور بولنا سیکھنے کے دوران ان کے بولنے کی ڈیمانڈ اور سیکھنے کے عمل کا فرق/گیپ ہے۔اس قسم کی لکنت موروثی بھی ہوتی ہے۔
دماغی مسائل کی وجہ سے لکنت [نیوروجینک]
اس قسم کی لکنت کی وجہ کوئی دورہ، دماغی صدمہ، یا کسی اور قسم کی دماغی چوٹ ہو سکتی ہے۔اس قسم کی لکنت دماغ کو بولنے کے لیے ضروری مختلف عوامل کے ابلاغ میں مشکل پیش آنے کی وجہ سے ہوتی ہے، جس کی وجہ دماغ اور اعصاب کے مابین سگنل کی متواتر ترسیل میں درپیش مسائل ہوتے ہیں۔
لکنت کی تشخیص
لنکت کو عموماً زبان اور بولنے کے ماہر – سپیچ لینگوئج پیتھالوجسٹ ، تشخیص کرتے ہیں۔ان ماہرین کو ایسے لوگوں کو ٹسٹ اور علاج کرنے کے لیے مہارت سکھائی جاتی ہے جو آواز، بولنے اور زبان کے مسائل /خرابی میں مبتلا ہوتے ہیں۔یہ ماہرین مختلف عوامل پر غور کرتے ہیں جن میں کیس کی ہسٹری، لکنت کے دوران بچے کا طرزِ عمل، بچے کی زبان دانی اور اس کی بات کر سکنے یا بولنے کی صلاحیتوں کا اندازہ لگانا اور بچے کی زندگی پر اس لکنت کے اثرات کا اندازہ لگانا شامل ہیں۔
بچے کی لکنت کا اندازہ لگاتے ہوئے یہ ماہرین اس بات کا تعین کرتے ہیں کہ کیا بچہ اس کا مستقل شکار رہے گا یا وقت کے ساتھ اس سے نجات پا جائے گا۔اس بات کا تعین کرتے ہوئے یہ ماہرین خاندان میں پائی جانے والی علامات کو بھی بغور دیکھتے ہیں کہ آیا خاندان میں پہلے بھی اس مسئلہ کا شکار بننے والے موجود ہیں اور آیا خاندانی تاریخ میں پہلے بھی کوئی ایسا کیس سامنے آ چکا ہے؟ کیا بچے کو لکنت کا شکار ہوئے چھ ماہ سے زیادہ کا وقت گزر چکا ہے؟ اور آیا کیا بچ زبان اور بولنے سے متعلق اور مسائل کا شکار ہے یا نہیں؟

لکنت کا علاج
گو کہ اس وقت لکنت کا کوئی علاج موجود نہیں، لیکن کچھ طریقہ کار موجود ہیں ۔یہ طریقہ کار مریض کی عمراور دیگر عوامل پر منحصر ہیں۔اگر آپ کا بچہ لکنت کا شکار ہے تو بہتر یہی ہے کہ آپ فوراً اس کے ماہرین سے رابطہ کریں اور لکنت کے مسئلہ اور شدت کا تعین کروائیں تاکہ اس کے مطابق طریقہ کار اپنایا جا سکے۔
بہت چھوٹے بچوں میں شروع میں کی گئی تشخیص اور اس سے متعلق طریقہ کار اختیار کرنے سے ڈیویلپمنٹل لکنت کو زندگی بھی کا مسئلہ بننے سے روکا جا سکتا ہے۔ مخصوص حکمت عملی اپنا کر بچوں کو مثبت کمیونیکیشن کے ذریعے اعتماد دلا کر بھی اس مسئلہ پر قابو پانے میں مدد لی جا سکتی ہے۔کچھ محقق اس بات پر متفق ہیں کہ لکنت کا شکار بچوں کی ہر تین ماہ بعد چیکنگ اور ان کے ہکلانے کی سطح اور شدت کا تعین کرنا چاہے کہ آیا اس میں اضافہ یا کمی ہوئی ہے۔ان طریقہ جات میں اکثر والدین کوبچوں میں روانی سے بولنے سے متعلق سکھانا بھی شامل ہے۔والدین کی حوصلہ افزائی کی جاتی ہے کہ وہ؛
• بچے کو گھر میں آرام دہ اور پر سکون ماحول فراہم کریں اور اسے بولنے کے لیے وافر مواقع فراہم کریں تاکہ وہ زیادہ بول سکے۔بچوں سے باتیں کریں، خاص کر اس وقت جب بچہ کسی چیز کی بارے میں بہت پرجوش ہو اور با ت کرنا چاہ رہا ہو۔
• جب بچہ ہکلا رہا ہو، تب اس کی جانب منفی رویہ اپنانے سے سختی سے گریز کریں۔ بچے کا مذاق نہ اڑائیں اور نہ ہی اس کی نقل اتاریں۔ جب بچہ روانی سے بولے تو اس کی حوصلہ افزائی کریں۔
• بچَے کو کسی خاص طریقے سے بولنے پر مجبور کرنے سے احتراز کریں۔خاص کر جب آپ دیکھ رہے ہوں کہ اسے ایسا کرنے میں مشکل کا سامنا کرنا پڑ رہا ہے۔
• آہستہ، سست روی اور آرام سے بات کریں۔اس طریقہ سے بچے پر تیز بات کرنے کا پریشر نہیں پڑے گا اور وہ کسی دباو کے بغیر آسانی سے پکلائے بغیر بات کرسکے گا۔
• جب بچہ بات کرے تو اس کی بات کو دھیان سے سنیں اور وہ جو بات یا لفظ کہنا چاہ رہا ہے اسے اس بات اور لفظ کو مکمل کرنے دیں۔بچے کا فقرہ مکمل کرنے کی کوشش نہ کریں اسے خود سے فقرہ اور لفظ مکمل کرنے دیں۔اس کے علاوہ بچے کو یہ بھی بتائیں کہ وہ ہکلاتے ہوئے بھی اپنی بات اور اپنا مدعا دوسروں تک پہنچا سکتا ہے۔
• اگر بچہ ہکلانے کے بارے میں بات کرے تو اس سے کھل کر اس موضوع پر بات کریں۔ اسے بتائیں کہ بات کرتے ہوئے درمیان میں رکاوٹ آجاتی ہے۔
لکنت کے لیے تھراپی

موجودہ دور کی کئی تھراپیز / طریقہ علاج جو کہ بچوں اور نوجوانوں میں لکنت کو دور کرنے کے لیے اپنائی جا رہی ہیں، کا بنیادی مقصد ایسے طریقوں کو سکھانا ہے جن سے ہکلاہٹ میں کمی ہو، مثلاً آہستگی سے بولنا، سانس کی رفتار کو برقرار رکھتے ہوئے اس پر قابو پانا، اور آہستہ آہستہ چھوٹے الفاظ سے مڑے الفاظ اور بڑے جملوں کو بولنے کی مشق کرنا ہے۔ ان تھراپیز کی مدد سے ہکلاہٹ یا لکنت کا شکار ہونے کے دوران ہونے والی گھبراہٹ پر قابو پانے میں بھی مدد ملتی ہے۔

اسلام آباد(مانیٹرنگ ڈیسک/ایمرا نیوز)چین میں ایک 46 سالہ شخص 6 ماہ تک شدید سر درد، دورے اور متلی برداشت کرنے کے بعد جب اسپتال پہنچا تو ڈاکٹر اُس کے دماغ میں کیچوے کے تیس انڈے دیکھ کر دنگ رہ گئے۔برطانوی میڈیا کے مطابق ان میں سے کئی انڈوں میں سے ٹیپ ورم کے بچے بھی –> نکل پڑے تھے جن کی لمبائی ایک سینٹی میٹر تک پہنچ گئی تھی۔

ماہرین کو یقین ہے کہ یہ کیڑے کچا گوشت کھانے کی وجہ سے مریض کے دماغ میں پہنچے۔ڈاکٹروں نے آپریشن کرکے بڑی احتیاط سے تمام انڈے اُس کے دماغ سے نکال لیے ، دماغ میں رہ جانے والے کیڑوں کو بعد میں دواؤں کے ذریعے ختم کیا گیا۔