Category صحت

(میڈیا 92نیوز)
بھنڈی ہر گھرمیں استعمال ہونےوالی مرغوب غذا ہے۔بھنڈی میں صحت سے متعلق کئی راز چھپے ہیں، بھنڈی میں بھرپورمقدار میں فائبرپایا جاتا ہے جو بلڈ شوگر کو کنٹرول کرتا ہے، اس میں کیلشیم پایا جاتا ہے جو ہڈیوں کو مضبوط بناتا ہے اور جوڑوں کے درد میں آرام پہنچاتا ہے، اس میں موجود لیس دار مادہ ہڈیوں کے لئے بہت مفیدہوتا ہے،بھنڈی میں وٹامن سی بھی بڑی مقدار میں پایا جاتا ہے، جو دمہ کی علامات کو پنپنے سےروکتا ہےبھنڈی کے استعمال سے گردے بھی ہر قسم کی بیماری سے محفوظ رہتے ہیں.اس کا پانی آپ کا کولیسٹرول بھی کنٹرول رکھتا ہے. بھنڈی کے پانی سے شوگر کو کنڑول کرنے کے لئے درج ذیل ٹوٹکہ اپنائیں. تازہ بھنڈیاں 4 عدد لے کر اس کا اوپری اور نچلا حصہ کاٹ دیں. بھنڈی پر چھوٹے کٹ لگادیں اور ان بھنڈیوں کو رات بھر پانی میں بھگو دیں۔صبح اٹھنے کے بعد ناشتے سے 30 منٹ پہلے بھنڈی کا پانی پی لیں. اس سے آپ کی شوگر بالکل کنٹرول ہوجائے گی۔

(میڈیا 92نیوز)
چھوٹے قد کے افراد عموماََ نہ صرف ہمارے معاشرے بلکہ دنیا بھر میں حقارت کی نظر سے دیکھتے جاتے ہیں چھوٹے قد کے حامل افراد اپنے چھوٹےقد کی وجہ سے عموماََ احساس کمتری کا شکار ہو جاتے ہیں۔چھوٹا قد رہ جانے کی کئی وجوہات ہوتی ہیں۔ طبی ماہرین عموماََ چھوٹے قد یا حد سے زیادہ لمبے قد کی وجہ سے گلے میں موجود ایک غدود کو قرار دیتے ہیں جس سے اگر رطوبت حد سے زیادہ خارج ہونے لگے تو انسان کا قد تیزی سے بڑھنے لگ جاتا ہے اور اگر یہ رطوبت مقدار سے کم خارج ہو تو قد چھوٹا رہجاتا ہے تاہم چھوٹے قد کی وجہ موروثی بھی ہو سکتی ہے۔ خواتین میں عموماََ لیکیوریا کی بیماری کی وجہ سے ان کا قد بڑھنا رک جاتا ہے۔ تاہم اب چھوٹے قد والوں کیلئے خوشخبری ہے کہ وہ اپنا قد باآسانی بڑھا سکتے ہیں۔ درج طریقوں پر عمل کر کے چھوٹے قد کے افراد اپنا قد بڑھا سکتے ہیں۔۱۔ روزانہ تین وقت(صبح ، دوپہر ، شام) دو ،دو چتری والے کیلے کھائیں ۔۲۔ 15سے 20منٹ رسہ کشی کریں ۔۳۔ انشاء اللہ 2مہینوں میں آدھ انچ قد بڑھ جائے گا۔واضح رہے کہ یہ عمل صبر آزما ہے اس لئے اس کو مستقل کریں اور اس دوران ناغہ نہ آنے دیں۔

اسلام آباد (میڈیا 92نیوز) ایک نئی تحقیق کے مطابق طویل فاصلے تک دوڑنے والے اتھلیٹ کے گھٹنے کسی نارمل آدمی کے گھٹنے سے زیادہ مضبوط اور پائیدار رہتے ہیں جب کہ اتھلیٹ عام افراد کی نسبت جوڑوں کے درد سے بھی محفوظ رہے۔ میراتھن ریس میں حصہ لینے والے اتھلیٹ کے متعلق یہ تصور کیا جاتا ہے کہ ان کے گھٹنوں کے جوڑ جلدی گھس جاتے ہیں اور ان اتھلیٹ کے پاس جوڑوں کے درد سے نجات پانے کے لیے واحد حل گھٹنے تبدیل کروانا ہوتا ہے لیکن اس تصور کو 31 ممالک میں ہونے والےایک نئی تحقیق کے نتائج نے غلط ثابت کر دیا ہے، اس تحقیق کے حیران کن نتائج نے طب اور کھیل کے درمیان گہرے بندھن کو مزید مضبوط کیا ہے، اس تحقیق کے مطابق طویل فاصلے تک دوڑنے والے اتھلیٹ کے گھٹنے زیادہ مضبوط رہتے ہیں۔ امریکہ کی تھامس جیفرسن یونیورسٹی میں کی گئی اس تحقیق سے معلوم ہوا کہ جوڑوں کے درد اور سوزش کی بیماری عام افراد میں 17.9 فیصد رہی جب کہ میرا تھن ریس میں حصہ لینے والے اتھلیٹس میں حیران کن طور پر صرف 8.8 فیصد سامنے آئی ہے۔ اس تحقیق سے پہلے سائنسدانوں کا کہنا تھا کہ اتھلیٹس میں گھٹنوں اور کولہوں کی ہڈی کے فریکچر، درد اور سوزش کی بیماریاں عام افراد کی نسبت زیادہ ہوتی ہیں اور سابقہ ریسرچز میں بھی ملے جلے رجحان والے نتائج سامنے آئے تھے۔ نئی تحقیق میں سائنسدانوں کا کہنا ہے کہ میراتھن اتھلیٹس کی ہڈیوں کی کثافت، مضبوط پٹھے اور قابل رشک جسامت کی وجہ سے اتھلیٹس میں جوڑوں کے درد عام لوگوں کی نسبت نہایت ہی کم ہوتے ہیں اس کے علاوہ تحقیق میں کہا گیا کہ دوڑنے کے دوران مسلسل حرکت میں رہنے کے باعث کشش ثقل بھی کم ہو جاتی ہے شاید یہی وجہ ہے کہ گھٹنے کے درد اور اور ان کے درمیان موجود کارٹیج گھسنے سے محفوظ رہتے ہیں۔ اس تحقیق سے تو یہی ثابت ہوتا ہے کہ اگر جوڑوں کے درد سے محفوظ رہناہے تو طویل فاصلے تک دوڑنے کی عادت ڈال لی جائے تاکہ جوڑوں کے درد کے علاوہ دیگر بیماریوں سے بھی بچا جا سکے۔

لاہور(جنرل رپورٹر) محکمہ پرائمری اینڈ سیکنڈری ہیلتھ کیئر کے زیر انتظام تحصیل ہیڈکوارٹر ہسپتالوں کی بحالی کا منصوبہ کھٹائی میں پڑگیا ہے۔ حکام کی سست روی کے باعث ہسپتالوں کی اپ گریڈیشن صرف کاغذوں تک ہی محدود ہے۔ اربوں کی لاگت کا تخمینہ تو لگایا گیا۔ محکمہ پرائمری اینڈ سیکنڈری ہیلتھ کیئر کی جانب سے ٹی ایچ کیو کی بحالی کیلئے تاحال کوئی پلان نہ بنایاجاسکا۔ تفصیلات کے مطابق لاہور اور پنجاب بھر میں قائم تحصیل ہیڈکوارٹر ہسپتالوں کی بحالی کے لیے پنجاب حکومت کی جانب سے 17ارب روپے کا تخمینہ لگایا گیا جس کیلئے ابتدائی طور پر رواں مالی سال کے دوران چار ارب روپے پراجیکٹ پر خرچ کئے جاچکے تھے۔ منصوبے کے تحت ٹی ایچ ہسپتالوں کی استعداد کار، بیڈز میں اضافہ، نئی عمارتیں اور ڈاکٹرز سمیت نرسز کی تعداد بھی بڑھائی جاتی تھی۔ منصوبے کے لئے محکمہ صحت کی جانب سے ایک پائی بھی جاری نہیں کی گئی۔ محکمہ پی اینڈ ڈی کے حکام کا کہنا تھا کہ محکمہ صحت کی جانب سے ٹی ایچ کیو کی بحالی کیلئے تاحال کوئی پلان نہیں بنایا گیا، پی اینڈ ڈی بورڈ کی جانب سے متعدد بار باور کرائے جانے کے باوجود کچھ نہ ہوسکا۔ محکمہ صحت کے حکام کا کہنا ہے کہ اس سے قبل وہ ڈی ایچ کیو ہسپتالوں کی بحالی پر کام کررہے ہیں۔

لاہور (میڈیا 92 نیوز) ہر دس میں سے ایک افراد ہیپاٹائٹس کے مرض میں مبتلا ہے، اس پر قابو پانے کے لئے صوبے کے مختلف ہسپتالوں میں ہیپاٹائٹس کلینک کے قیام کو یقینی بنایا جا رہا ہے۔ میو ہسپتال میں زیر تعمیر ہیپاٹائٹس کلینک کے لئے نئی آسامیاں بنا دی گئی۔پی کے ایل آئی کے تعاون سے ہیپاٹائٹس کلینک پنجاب کے مختلف سرکاری ہسپتالوں میں قائم کئے جا رہے ہیں۔ میو ہسپتال میں زیر تعمیر ہیپاٹائٹس فلٹر کلینک بیس مارچ کو مکمل کر لیا جائے گا۔ فلٹر کلینک کو چلانے کے لئے محکمے کی جانب سے نئی آسامیان بنا دی گئیں۔ میو ہسپتال میں فلٹر کلینک میں خدمات سرانجام دینے کے لئےچوبیس آسمیاں تشکیل دے دی گئیں۔ ان آسامیوں میں ایک اسسٹنٹ پروفیسر، چار سینیئر رجسٹرار،نرسنگ ستاف اور دیگر عملے کی بھرتیاں کی جائیں گی۔ بھرتیوں کے لئے محکمہ صحت کی جانب سے اشتہارات جاری کر دیے گئے۔

اسلام آباد(میڈیا 92نیوز )طبی ماہرین نے کہا ہے کہ پاکستان میں ہر سال کینسر لگ بھگ دو لاکھ مریض سامنے آرہے ہیں جس کی بڑی وجہ تمباکو نوشی ہے۔میڈیا رپورٹ کے مطابق کینسر کے موذی مرض سے 29 فیصد مریض علاج کیلئے بروقت ہسپتال نہیں پہنچ پاتے جبکہ 30 فیصد کینسر کے آخری اسٹیج پر ہسپتال کا رخ کرتے ہیں ٗپاکستان میں جگر ٗمنہ ٗ چھاتی ٗ بڑی آنت اور دماغ کا کینسر زیادہ پایا جاتا ہے۔ٗڈاکٹروں کے مطابق تمباکو نوشی کینسر پھیلانے کا بڑا ذریعہ ہے جس کی روک تھام اشد ضرور ی ہے۔ڈاکٹر وں کا کہنا ہے کہ صحت مند طرز زندگی،متوازن خوراک اور وزن پر کنٹرول سے کینسر کا خدشہ کم ہوسکتا ہے ۔ہیپاٹائٹیس سی کے مریض جگر کے کینسر میں زیادہ مبتلا ہورہے ہیں، جگر سکڑ جاتا ہے اور مریض کو پتہ ہی نہیں چلتا۔ماہرین کا کہنا ہے کہ کینسر پر قابو پانے کیلئے علاج و معالجہ کی مکمل سہولتوں کی فراہمی یقینی بنانا ہوگی، اس کے ساتھ ساتھ بھر پور آگاہی مہم بھی چلانے کی ضرورت ہے۔

(میڈیا 92 نیوز)
برازیل کے ماہرین نے ایک ایسا سادہ بایو سنسر بنایا ہے جو صرف آدھے گھنٹے میں ملیریا کی شناخت کرسکتا ہے اور اس سنسر کو حمل بتانے والے سادہ ٹیسٹ کی طرح استعمال کیا جاسکتا ہے۔طیف نگاری (کروماٹو گرافی) کی طرز پر بنائی جانے والی یہ پٹی (اسٹرپ) کسی بھی شخص میں فوری طور پر ملیریا شناخت کرسکتی ہے۔ اس کے ذریعے پلازموڈیم فلکی پرم طفیلیے (پیراسائٹ) کی شناخت کرسکتی ہے جو ملیریا کی سب سے خطرناک اور شدید کیفیت کی وجہ بنتا ہے۔دلچسپ بات یہ ہے کہ اگر اسے متاثرہ شخص کے تھوک یا خون کے نمونے والے ایک محلول میں ڈبویا جائے تو یہ فوری طور پر ملیریا سے خبردار کرسکتا ہے۔ اس وقت ملیریا معلوم کرنے والے جتنے بھی ٹیسٹ ہیں وہ ایک سے تین دن میں ملیریا کے ہونے یا نہ ہونے کو ظاہر کرتےہیں۔بالفرض اگرخون کے نمونے میں اس پٹی کو ڈبویا جائے تو اس کا رنگ تبدیل ہوجائے گا جو ایک پروٹین (ایچ آر پی ٹو) کی نشاندہی کرتا ہے۔ یہ پروٹین خون میں ملیریا پیراسائٹ داخل ہونے کے فوراً بعد ہی خارج ہونا شروع ہوجاتا ہے اور اسٹرپ سے اس کا جائزہ لیا جاسکتا ہے۔جب اس پٹی کو تجربہ گاہ میں آزمایا گیا تو اس نے خون میں ملیریا کو اس وقت بھی بھانپ لیا جب اس میں ایچ آر پی ٹو کی معمولی مقدار موجود تھی جس سے ظاہر ہوتا ہےکہ یہ ملیریا کو شروعات میں ہی شناخت کرسکتا ہے۔ تمام ڈاکٹر متفق ہیں کہ ملیریا کی فوری تشخیص سےعلاج آسان ہوجاتا ہے۔واضح رہے کہ ملیریا اس وقت بھی دنیا کے خوفناک امراض میں شامل ہے اور افریقا میں بالخصوص ہرسال لاکھوں افراد اس کی بھینٹ چڑھ جاتے ہیں جن میں بچے بھی شامل ہیں۔دوسرے مرحلے میں بیمار اور صحت مند افراد پر اس سنسر کو آزمایا گیا تو اس کے حیرت انگیز نتائج برآمد ہوئے ۔ بایو سنسر کی سب سے اہم بات یہ ہے کہ اس کی قیمت صرف 50 روپے ہے جو غریب ممالک کے لیے کسی نعمت سے کم نہیں۔

لاہور(جنرل رپورٹر/ایمرا نیوز) کل کینسر کا عالمی دن ہیں محکمہ صحت اور حکومت پنجاب رواں سال بھی کینسر ہسپتال نہ بنا سکی۔کینسر کے ہزاروں مریضوں کے لیے بیڈز کی تعداد انتہائی کم جبکہ گزشتہ سال لاہور سمیت کینسر کے 12 ہزار سے زائد مریضوں نے شہر کا رخ کیا۔کینسر کے مریضوں کے لیے میو اور جنا ح ہسپتال میں 60،60 بیڈز موجود ہیں۔

(میڈیا 92 ںیوز)
برطانیہ میں ہونے والی ایک نئی تحقیق کے اعداد و شمار کے مطابق پہلی مرتبہ پروسٹیٹ کینسر کی وجہ سے مرنے والے مردوں کی تعداد چھاتی کے کینسر سے مرنے والی خواتین کے مقابلے میں زیادہ ہو گئی ہے۔

عوام کی بڑی تعداد میں بڑھتی ہوئی عمر کے باعث زیادہ مردوں کو یہ بیماری متاثر کر رہی ہے۔

برطانوی ادارے پروسٹیٹ کینسر یو کے کے مطابق بریسٹ کینسر کی تشخیص اور علاج میں بہتری آنے کی وجہ سے بہت فائدہ ہوا ہے اور پروسٹیٹ کینسر پر تحقیق کرنے کے لیے زیادہ رقم مختص کرنے سے ممکنہ طور پر کافی فائدہ اٹھایا جا سکتا ہے۔

پروسٹیٹ کینسر کا نیا علاج واقعی ’انقلابی‘ ہے

خاموش بیماری جو لاکھوں جانیں لے جاتی ہے

اس وقت برطانیہ میں سب سے مہلک کینسر پھیپھڑوں اور آنتوں کا ہے اور تیسرا نمبر پروسٹیٹ کینسر کا ہے۔

2015 کے اعداد و شمار کے مطابق پروسٹیٹ کینسر سے مرنے والوں کی تعداد 11819 تھی جبکہ بریسٹ کینسر سے مرنے والوں کی تعداد 11442 تھی۔

گذشتہ دس سالوں میں پروسٹیٹ کینسر سے مرنے والوں کی تعداد میں اضافہ تو دیکھنے میں آیا ہے لیکن متاثرہ مردوں کے تناسب میں تقریباً چھ فیصد کمی دیکھنے میں آئی ہے۔

بریسٹ کینسر سے مرنے والوں کی تعداد میں دس فیصد کمی آئی ہے۔

43 سالہ گیری پیٹیٹ نے پانچ سال قبل معمول کا میڈیکل ٹیسٹ کرایا جس میں ان کا پروسٹیٹ کینسر تشخیص ہوا۔ ان کی جسم میں سوائے ایک چیز کے ایسے کوئی واضح علامات نہیں تھے جس سے ظاہر ہو کہ انھیں کینسر ہے۔ لیکن خون کے ٹیسٹ کرانے کے بعد انھوں نے مزید چند ٹیسٹ کرائے جن کے بعد ان کے کینسر کی نشاندہی ہوئی۔

چند ہفتوں بعد ہی گیری کا سات گھنٹے پر محیط آپریشن ہوا جس میں ان کے کینسر کو جسم سے نکال دیا گیا۔

گیری کا کہنا تھا کہ وہ بہت خوش قسمت میں اور وہ چاہتے ہیں کہ مردوں میں اس مہلک بیماری کی آگاہی کو پھیلائیں۔

‘مردوں میں ابھی بھی اس بیماری کے بارے میں بات کرنا معیوب سمجھا جاتا ہے اور وہ اس کا ذکر کرنے سے شرمندہ ہوتے ہیں لیکن یہ ان کی اپنی بہتری کے لیے ضروری ہے کہ وہ اس کا ٹیسٹ کرائیں۔’

(میڈیا 92 ںیوز)

ہوائی سفر انسان کے لیے ہمیشہ ہی بہت پرجوش رہا ہے، انسان چاہے کتنی بار ہوائی سفر کرے ہر بار اس کے لیے جہاز میں سفر کرنا ایک نیا تجربہ ہوتا ہے تاہم جہاز میں سفر کے دوران مسافروں کو متعدد مسائل بھی درپیش ہوتے ہیں جن میں جہاز کے عملے کا مسافروں کے ساتھ غیر مہذب سلوک اور غیر معیاری کھانے کی فراہمی قابل ذکر ہیں۔

فضائی سفر کے دوران عملے کی جانب سے مسافروں کو غیر معیاری کھانے کی فراہمی پر کئی خبریں منظر عام پرآچکی ہیں تاہم اب ایک معروف فضائی کمپنی سے تعلق رکھنے والی ائیرہوسٹس شریاس بی نے اتنے ہولناک انکشاف کیے ہیں جنہیں جان کر لوگ جہاز میں پیش کیے جانے والے کھانے سے فاقہ کرنا بہتر سمجھیں گے۔

عرب ٹی وی کے مطابق شریاس بی کا کہنا ہے کہ جہاز میں مسافروں کو پیش کیا جانے والا کھانا گوشت اور سبزی خور دونوں طرح کے انسانوں کے لیے غیر صحت مند ہوتا ہے۔

انہوں نے کہا کہ مسافرکے سامنے ٹرے میں آنے والا کھانا کچن میں نہیں بلکہ طیارے میں تیار کیا جاتا ہے جو اکثر 12 گھنٹے پہلے یا روانگی سے چند روز قبل بھی تیار ہوتا ہے، ایئر ہوسٹس نے طیارے میں ناشتہ کرنے سے خاص طور پر خبردار کیا کہ طیارے میں مسافر جو ہاف فرائی انڈا یا آملیٹ کھاتے ہیں وہ صرف انڈا نہیں ہوتا بلکہ وہ انڈے اور دیگر متبادل اشیا کا مرکب ہوتا ہے۔

شریاس نے بتایا کہ جہاں تک پھلوں کا تعلق ہے تو انہیں مسافروں کو پیش کرنے سے کئی گھنٹے پہلے کاٹا جاتا ہے تاہم فضا میں ہوا کا دباؤ ان کو ایسا رکھتا ہے کہ وہ تازہ نظر آئیں ، مسافروں کی اکثریت اس حقیقت کا ادراک نہیں رکھتی کہ فضا میں طیارے کے اندر سطح سمندر سے تقریباً 8000 فٹ کی بلندی کا دباؤ ہوتا ہے اس سے نہ صرف کان پر دباؤ اور مزاحمت کا مسئلہ پیش آتا ہے بلکہ یہ زمین پر ہماری موجودگی کے مقابلے میں چکھنے اور سونگھنے کے حواس کو بھی سن کردیتا ہے۔

انہوں نے مزید بتایا کہ یہ عمل کھانے کے ذائقے اور مہک پر گہرا اثر ڈالتا ہے اسی لیے فضائی کمپنیوں کو کھانا فراہم کرنے والے اداروں نے حالیہ چند برس میں مسافر کے ذائقے کی حس کو مطمئن کرنے کے لیے کھانوں میں مسالوں، نمک اور تیل کی مقدار کو دانستہ طور پر بڑھادیا ہے۔ اسی وجہ سے فضائی عملہ اپنا کھانا ساتھ لانے کو ترجیح دیتا ہے۔

ایک اور ایئر ہوسٹس نے نام ظاہر نہ کرنے کی شرط پر بتایا کہ طیارے میں پیش کیے جانے والے مشروبات سے بھی خبردار رہنا چاہیے، کیونکہ چائے تیار کرنے کے لیے استعمال کیا جانے والا پانی اُسی معیار کا ہوتا ہے جو بیت الخلا کے اندر استعمال ہوتا ہے۔

ایئرہوسٹس نے مزید بتایا کہ کچھ عرصے قبل ماہرین کے ذریعے طیارے میں استعمال ہونے والے پانی کا جراثیم کے لحاظ سے معائنہ کیا گیا تو ماہرین نے کسی بھی گرم پانی یا چائے سے گریز کیا، البتہ پیک کیے ہوئے پانی اور برف کے استعمال میں کوئی ضرر نہیں۔