Category صحت

اسلام آباد(ایم نائن ٹو)اگر انسانی طرز زندگی میں چند عام تبدیلیوں کو اپنالیا جائے تو کینسر کے خطرے کو نمایاں حد تک کم کیا جاسکتا ہے۔یہ بات آسٹریلیا میں ہونے والی ایک طبی تحقیق میں سامنے آئی۔کیو آئی ایم آر برگ ہوفر میڈیکل ریسرچ انسٹیٹوٹ کی تحقیق میں بتایا گیا کہ چند معمولی مگر صحت کے لیے فائدہ مند چیزوں کو اپنا کر کینسر سے ہونے والی لاکھوں اموات کو روکا جاسکتا ہے۔مزید پڑھیں :کینسر کی بیشتر اقسام کی ابتدائی 5 نشانیاںتحقیق میں بتایا گیا کہ تمباکو نوشی ترک کرنا، صحت بخش غذا اور الکحل سے دوری اس مرض کا شکار ہونے سے بچاتی ہے۔ان تینوں اشیاء کی وجہ سے دنیا بھر میں کینسر سے ہونے والی اموات کے 30 فیصد یا 25 لاکھ سے زائد واقعات سامنے آتے ہیں۔اسی طرح سورج کی روشنی میں بہت زیادہ رہنا اور موٹاپا کینسر سے 12 لاکھ اموات کا باعث بنتا ہے۔اس کے بعد انفیکشن، ورزش نہ کرنا اور ہارمونز کا نمبر ہے۔تاہم انفیکشن اور ہارمون تو انسان کے بس سے باہر عنصر ہیں مگر باقی چھ چیزوں میں سے کچھ کو چھوڑ کر جبکہ کچھ کو اپنا کر کینسر کے خطرے کو 40 فیصد تک کم کیا جاسکتا ہے۔محققین کا کہنا تھا کہ ہماری ناقص عادات مردوں میں کینسر سے موت کا خطرہ 41 فیصد جبکہ خواتین میں چونتیس 34 فیصد تک بڑھا دیتی ہیں۔یہ بھی پڑھیں : یہ غذا کینسر کا مریض بنانے کے لیے کافیان کا مزید کہنا تھا کہ مرد تمباکو نوشی اور الکحل کا زیادہ استعمال کرتے ہیں، سورج کی روشنی میں زیادہ وقت گزارتے ہیں اور اکثر ناقص غذا کا استعمال کرکے اپنے لیے خطرات بڑھاتے ہیں۔انہوں نے مزید بتایا کہ کینسر کے متعدد کیسز کو روکنا تو ممکن نہیں مگر نتائج سے واضح ہے کہ یہ مرض ہمیشہ بدقسمتی یا جینز کی وجہ سے انسانوں کو شکار نہیں بناتا۔درحقیقت معمولی تبدیلیاں کینسر کے مرض میں مبتلا ہونے اور مرنے کا خطرہ کم کرنے کے لیے کافی ثابت ہوتی ہیں۔اس تحقیق کے نتائج طبی جریدےانٹرنیشنل جرنل آف کینسر میں شائع ہوئے۔

دبئی(میڈیا نائن ٹو) پاکستانی فاسٹ بولر محمد عامر نے ویرات کوہلی اور انوشکا شرما کو نئی زندگی کی مبارکباد دیتے ہوئے دونوں کوبری نظر سے بچنے کی دعا دی ہے۔بھارتی اور پاکستانی کرکٹ ٹیم کے کھلاڑی کہنے کو تو روایتی حریف ہیں لیکن سرحد کے دونوں جانب کے کھلاڑیوں کو ایک دوسرے کے دکھ اور خوشی کا بھرپور احساس ہے۔ تمام کھلاڑی ایک دوسرے کی خوشیوں پر خود بھی خوش ہوتے ہیں۔ ویرات کوہلی اور انوشکا شرما کی شادی پر جہاں دونوں کو دنیا بھر سے مبارکباد دی جارہی ہے وہیں پاکستانی کرکٹروں نے بھی دونوں کی شادی شدہ زندگی کے لیے نیک تمناؤں کا اظہار کیا ہے۔
پاکستان کے فاسٹ بولر محمد عامر ان دنوں ٹی 10 لیگ کے سلسلےمیں دبئی میں موجود ہیں جہاں انہوں نے ایک انٹرویو کے دوران ویروشکا کی شادی پر اپنے خیالات کا اظہار کرتے ہوئے کہا کہ میں دونوں کی شادی پر بہت زیادہ خوش ہوں اور ویرات کوہلی کو زندگی کی نئی اننگز پر مبارکباد دیتاہوں۔ جس طرح ویرات کوہلی نے کرکٹ میں کامیابیاں حاصل کی ہیں میں خدا سے دعا کرتا ہوں کہ ان کی اور انوشکا کی شادی شدہ زندگی بھی اسی طرح کامیاب ہو۔ اس کے علاوہ عامر نے دونوں کے لیے دعا کی کہ اللہ تعالٰی دونوں کو ہر بری نظر سے بچائے۔

واضح رہے کہ محمد عامر نے ویروشکا کی شادی پر دونوں کو ٹوئٹر پر بھی مبارکباد دی تھی۔

لنکاشائر(ایم نائن ٹو)پلاسٹک سے بنا ارتعاش پیدا کرنے والا جوتا دنیا بھر کے کروڑوں مریضوں کے لئے امید کی نئی کرن بن سکتا ہے کیونکہ یہ ٹانگ کے اندر تھرتھراہٹ پیدا کرکے خون کا بہائو تیز کرتا ہے اور بند رگیں کھولنے میں مددگار ثابت ہوسکتا ہے۔ ابتدائی جسے پیریفرل آرٹیزینل ڈیزیز(پی اے ڈی) کہا جاتا ہے جس طرح دل کی رگوں میں چکنائی جمع ہوتی ہے۔ فلواوکس اس کا بہت آسان حل ہے جو ایک بہت سبڑے جوتے کی طرح ہے۔ جوتے سے پلاسٹک کے دو پائپ مشین میں ڈالے جاتے ہیں جو ہوا کو جوتے کے اندر سے کھینچتے اوردوبارہ کھینچتے ہیں۔ ہوا کے دبائو کی تبدیلی سے خون میں آکسیجن شامل ہوتی ہے۔ اور بند شریانوں تک جاتی ہے۔پنڈلی سے پائوں کے انگوٹھے تک مریض اپنے پائوں کو ہوا میں تیرتا محسوس کرتاہے۔ اس دوران دو گھنٹے تک مریض کو بیٹھنا پڑتا ہے اور جوتے کے اندرہوا کا دبائو چند سیکنڈ بعد تبدیل ہوتا رہتاہے۔ اس طرح مریض کے پیروں کی رگوںمیں ہلکی تھرتھراہٹ پیداہوتی ہے اورخون کا دبائو بڑھتا ہے۔

لاہور(ایم نائن ٹو) حکومت نے لاہور کے2بڑے ٹیچنگ ہسپتالوں کی ازسر نو تعمیر کافیصلہ ترک کردیا ہے۔ لیڈی ولنگڈن اورپنجاب ڈینٹل ہسپتال کی تعمیر کا منصوبہ صرف کاغذوں تک ہی محدود ہوکر رہ گیا۔ لیڈی ولنگڈن ہسپتال جوکہ 235بستروں پر مشتمل ہے یہ ہسپتال کنگ ایڈورڈ میڈیکل یونیورسٹی کیساتھ بھی منسلک ہے۔85سالہ پرانے ادارے کے حوالے سے حکومت نے اسی کی ازسر نو تعمیر کافیصلہ کیا تھا اور ایک پی سی ون جمع کرایا گیا جس میں ہسپتال کو پنجاب ڈینٹل ہسپتال کی 42کینال اراضی بھی فراہم کی جانی تھی اور اس منصوبے پر 3ارب سے 91کروڑ سے زائد کا تخمینہ لگایا گیا جہاں طبی سہولیات کا اضافہ ہونا تھا وہیں پربستروں کی تعداد350بھی کی جاتی تھی۔ اسی طرح پنجاب ڈینٹل ہسپتال کی عمارت بھی کافی پرانی ہے اور ناقابل استعمال بھی قرار کی جاچکی ہے۔ حکومت نے اس ہسپتال کی تعمیر کا فیصلہ کیا تھا اور بادامی باغ کے قریب32کنال سرکاری زمین پر اس ہسپتال اورکالج کی تعمیر کی جانا تھی جس کیلئے ایک پی سی ون بھی 3ارب30کروڑ روپے کا حکومت کو جمع کرایا گیا۔ مال سال2014-15ء میں پنجاب ڈینٹل ہسپتال کی تعمیر کیلئے سالانہ ترقیاتی سکیموں میں 741نمبر سکیم کے تحت1کروڑ روپے جبکہ سکیم نمبر140کے تحت لیڈی ولنگڈن ہسپتال کی تعمیر کیلئے1کروڑ روپے مختص کیے گئے۔ اسی طرح مالی سال2015-16 میں سکیم نمبر909کے تحت ڈینٹل ہسپتال و کالج کی تعمیر کیلئے5کروڑ لیڈی ولنگڈن ہسپتال کیلئے8کروڑ روپے رکھے گئے اسی طرح مالی سال 2016-17ء میں ڈینٹل ہسپتال کی تعمیر کیلئے50لاکھ اور لیڈی ولنگڈن ہسپتال کیلئے بھی 50لاکھ روپے رکھے گئے تھے۔رواں مالی سال میں حکومت نے دونوں سکیموں کو ختم کردیا اور سالانہ ترقیاتی سکیموں میں اس حوالے سے کوئی فنڈز مختص کیے گئے اور نہ ان سکیموں کو گزشتہ تین مالی سال سے شامل تھیں کو رواں سال ترقیاتی سکمیوں میں شامل کیا گیا۔

لندن(میڈیا نائن ٹو ڈاٹ ٹی وی)مصنوعی دانتوں کی بتیسی کا استعمال ہڈیوں کی کمزوری بڑھانے کا باعث بن سکتا ہے۔میڈیارپورٹس کے مطابق یہ دعویٰ برطانیہ میں ہونے والی ایک طبی تحقیق میں سامنے آیا۔کنگز کالج لندن کی تحقیق میں بتایا گیا کہ مصنوعی بتیسی کے استعمال کی وجہ سے مخصوص غذائوں کا استعمال نہ کرنا اس کی ممکنہ وجہ ہوسکتی ہے کیونکہ اس وجہ سے اہم غذائی عناصر جسم کا حصہ نہیں بن پاتے۔تحقیق کے مطابق اگرچہ مصنوعیبتیسی چبانے کے عمل کو بہتر کردیتی ہے مگر اس کے چبانے کی طاقت قدرتی دانتوں کے مقابلے میں بہت زیادہ کم ہوتی ہے۔تحقیق کے مطابق بیس سے کم قدرتی دانتوں والے افراد، چاہے مصنوعی بتیسی استعمال کریں یا نہ کریں، وہ صحت بخش اجزاء کا استعمال کم کرتے ہیں، جس کی وجہ مخصوص غذائوں کو صحیح طرح چبانے میں ناکامی ہوتی ہے۔محققین کا کہنا تھا کہ نتائج سے عندیہ ملتا ہے کہ اڈھیر عمر یا معمر افراد کو نہ صرف اپنے چبانے کی صلاحیت کو برقرار رکھنے کی ضرورت ہے بلکہ کھانے کو موثر طریقے سے بھی چبانا چاہیے، تاکہ مسلز کے حجم کے لیے ضروری اجزاء جسم کا حصہ بن سکیں اور جوڑوں کے امراض کا خطرہ کم ہوسکے۔انہوں نے بتایا کہ منہ کی صحت اور ہڈیوں کی کمزوری کے درمیان تعلق پر پہلے زیادہ کام نہیں کیا گیا۔تحقیق کے مطابق مصنوعی دانتوں کا استعمال مسلز اور ہڈیوں کی کمزوری میں اہم کردار ادا کرتا ہے۔اس تحقیق کے دوران پچاس سال یا اس سے زائد عمر کے 18 سو افراد کی صحت کا جائزہ لیا گیا جو مصنوعی دانتوں کا استعمال کرتے تھے۔

میری لینڈ(میڈیانائن‌ٹو ڈاٹ ٹی وی) امریکی سائنس دان نے کہا ہے کہ روزہ دماغ کے لیے بہترین ہے اور باقاعدگی سے روزہ رکھنا آپ کو ذہین اور چاق و چوبند بناسکتا ہے۔میری لینڈ کے شہر بیتیسڈا میں واقع عمررسیدگی کے قومی مرکز سے وابستہ مارک میٹسن کہتے ہیں کہ فاقہ یا روزہ آپ کے دماغ پر مثبت اثر ڈالتا ہے اور اس سے دماغ کے خلیات (نیورونز) کے درمیان مزید روابط بنتے ہیں۔
انہوں نے تجرباتی طور پر 40 چوہوں کو دو گروہوں میں تقسیم کیا اور ان میں سے ایک گروہ کو ایک دن کھانا نہیں دیا گیا اور دوسرے دن کھلایا گیا جبکہ دوسرے گروہ کو معمول کے تحت بلاتعطل کھانا دیاجاتا رہا لیکن انہیں 24 گھنٹوں میں فاقہ زدہ چوہوں کے برابر کیلوریز دی گئی تھیں۔
اس کے بعد سائنسدانوں کی ٹیم نے بھوکے رہنے والے چوہوں کے دماغ کا جائزہ لیا تو معلوم ہوا کہ ان کے دماغ میں ایک کیمیکل بی ڈی این ایف کی افزائش بڑھ گئی اور ان کا دماغ زیادہ فعال ہوگیا۔ اس بنا پر وہ دماغی کام کرنے والے افراد کو مشورہ دیتےہیں کہ وہ ہفتے میں ایک یا دو دن روزہ رکھیں تو اس کے بہت سےفوائد حاصل ہوسکتےہیں۔
اگرچہ کیلوریز کی کمی بیشی اور دماغی صلاحیت کےدرمیان تعلق عشروں قبل معلوم ہوچکا تھا لیکن ڈاکٹر مارک نے اس پر نئے سرے سے تحقیق کی ہے۔ وہ کہتے ہیں کہ اگر ہفتے میں دو روز تک روزہ رکھا جائے تو ایک جانب تو دماغی خلیات کے آپس کے کنیکشن مضبوط ہوتے ہیں۔ اس کے علاوہ دماغ میں ایک مضر پروٹین امائی لائیڈ جمع ہونے کا عمل سست پڑجاتا ہے جس کا اضافہ الزائیمر اور دیگر خطرناک بیماریوں کی وجہ بنتا ہے۔
ہم نہیں جانتے کہ ایسا کیوں ہوتا ہے لیکن ڈاکٹرمارک کے مطابق روزے سے دماغ ایک طرح کا ردِ عمل ظاہر کرتا ہے جو الزائیمر جیسے مرض کو دور کرنے میں مددگار ثابت ہوتا ہے۔ دوسری جانب بی ڈی این ایف کیمیکل ذیادہ پیدا ہوتا ہے جس سے موڈ بہتر رہتا ہے اور ڈپریشن میں کمی واقع ہوتی ہے۔
اگر آپ دس سے بارہ گھنٹے کچھ نہیں کھاتے تو جگر میں جمع گلائکوجن (ایک طرح کا گلوکوز) ختم ہوجاتا ہے اور اس کے بعد جگر چربی استعمال کرنا شروع کردیتا ہے جو کیٹونزمیں تبدیل ہوجاتی ہے۔ اب یہ کیٹون دماغ پرمثبت اثر ڈالتے ہیں۔ اس کے علاوہ یادداشت، سمجھے اور سیکھنے کی صلاحیت بہتر بنا کر پورے دماغ پراچھا اثر ڈالتے ہیں۔ اس لیے جگر میں گلائکوجن کو ختم کرنا ضروری ہے جو 12 گھنٹے فاقے سے ہی ممکن ہے۔
اسی بنا پر ورزش بھی جگر میں گلائکوجن ختم کرنے میں مدد دیتی ہے اور ورزش کا معمول دماغ کو بہت اچھا بناتا ہے لیکن اس کا اثر روزے کے مقابلےمیں قدرے سست ہوتا ہے۔

لاہور(ایم نائن ٹو ڈاٹ ٹی وی)پاکستان میں ذہنی امراض کےلئے قائم سب سے بڑا ہسپتال ”پنجاب انسٹیٹیوٹ آف مینٹل ہیلتھ“ اس وقت افرادی قوت کی شدید قلت سے دوچار ہے حکومت کی طرف سے منظور کردہ سیٹوں میں سے 70فیصد سیٹیں عرصہ دراز سے خالی پڑی ہیں اتنے بڑے ہسپتال میں صرف74ڈاکٹرکام کررہے ہیں۔ ہسپتال میں کل244ڈاکٹروں کی اسامیاں ہیں ان میں سے 170پوسٹیں پر تعیناتی ہی نہیں کی جارہی۔ ڈاکٹروں کی شدید قلت کے باعث1400بستروںپر مشتمل ہسپتال کا روزمرہ کا کام متاثر اورعلاج معالجہ میں مشکلات پیش آرہی ہیں۔ ذہنی امراض کے حوالے سے بڑا ہسپتال ہونے کے باوجود اس کے حالات ابتر ہوگئے ہیں۔ حکومت کی طرف سے اتنے بڑے ہسپتال کے لئے 244آسامیاں منظوری کی گئی ہے لیکن ان میں سے 170سیٹیں عرصہ دراز سے خالی پڑی ہیں۔ ا ن میں اے ایم ایس او ڈی ایم ایس کی کل10میں سے 6خالی ہیں اورصرف4ڈاکٹر ان اہم انتظامی پوسٹوں پر کام کررہے ہیں۔ میڈیکل سپیشلسٹ کی دو سیٹیں خالی ہیں۔ ہسپتال میںایک بھی انستھیزیا، پتھالوجی اور ریڈیالوجی کے سپیشلسٹ ڈاکٹر موجود نہیں ہے۔ ہسپتال میں جنرل کیڈرمرد ڈاکٹروں کی 165سیٹیں منظور ہیں حیران کن طور پر صرف46سیٹیوں پر ڈاکٹرکام کررہے ہیں جبکہ119پوسٹیں اس کیڈر میں مختلف گریڈ کی خالی پڑی ہیں۔ اسی طرح جنرل کیڈر خواتین کی مختلف گریڈ کی62سیٹیں ہیں جن میں سے39پوسٹیں خالی پڑی ہیں اور23ڈاکٹر کام کررہے ہیں اسی طرح ڈینٹل سرجن کی دو میں سے ایک سیٹ خالی ہے۔اس حوالے سے ایگزیکٹو ڈائریکٹرڈاکٹر ناصر بھٹی سے رابطہ کرنے کی کوشش کی گئی تو انہوںنے متعدد کوششوں کے باوجود بھی کوئی موقف ریکارڈ نہ کروایا۔

لا ہور(میڈیا نائن ٹو ڈاٹ ٹی وی )سالمولینا وائرس جانوروں کی انٹریوں کی بیماریوں کے نتیجے میں پھیلنے والا وائرس ہے، اس وائرس سے بچوں میں ڈائریا، قے اور معدے کے شدید درد کی بیماریاں پیدا ہوتی ہیں۔،بچوں کے معروف دودھ ’’لیکٹالس ‘‘میں سالمولینا وائرس کے انکشاف پر ڈی جی فوڈ اتھارٹی نورالامین مینگل نےمعاملے کا نوٹس لیتے ہوئے پنجاب میں بچوں پر اس کے اثرات کے حوالے سے سروے کرنے کی ہدایت کی اور اگلے 3روز میں سروے مکمل کر نے کی ہدایات جاری کیں۔ رپورٹ مکمل ہونے کے مارکیٹ میں موجود سپلائی کو اٹھوانے کے حوالے سے مزید فیصلہ کیا جائے گا۔ڈائریکٹر جنرل پنجاب فوڈ اتھارٹی نورا لامین مینگل نے تفصیلات سے آگاہ کرتے ہوئے بتایا کہ بچوں کے معروف دودھ’’لیکٹالس ‘‘میں سالمولینا وائرس کے انکشاف پر پنجاب میں بچوں پر اثرات کے حوالے سے سروے کرنے کا فیصلہ کیا ہے اور اگلے 3روز میں سروے مکمل کر کے رپورٹ کی روشنی میں کاروائی عمل میں لائی جائے گی جبکہ لیکٹالس دودھ کے استعمال سے دیگر ممالک میں متعدد بچوں کے متاثر ہونے کی شکایات سامنے آئی ہیں۔ مضر صحت ، غیر معیاری فارمولا ملک کی روک تھام کیلئے پنجاب فوڈ اتھارٹی ریگولیشن بنا چکی ہے اس سلسلے میں پنجاب فوڈ اتھارٹی سروے رپورٹ کی روشنی میں تمام سپلائی مارکیٹ سے سیمپل فوری اٹھوانے سمیت مزیدلائحہ عمل مرتب کرے گی۔انہوں نے مزید واضع کیا کہ سالمولینا وائرس جانوروں کی انٹریوں کی بیماریوں کے نتیجے میں پھیلنے والا وائرس ہے، اس وائرس سے بچوں میں ڈائریا، قے اور معدے کے شدید درد کی بیماریاں پیدا ہوتی ہیں۔

لاہور(میڈیا نائن ٹو ڈاٹ ٹی وی) پنجاب کے تمام سرکاری ہسپتالوں میں لاہور جنرل ہسپتال بیک وقت 2ایم آر آئی مشینوں سے مریضوں کو مستفید کرنے والا پہلا ادارہ بن گیا ہے جبکہ پنجاب انسٹیٹیوٹ آف نیوروسائنسز میں3ٹیسلاجیسی جدید ایم آرآئی مشین (MRI3TESLA)نصب کردی گئی جو پاکستان کے کسی بھی سرکاری ہسپتال میں اپنی نوعیت کی پہلی مشین ہے جسے مریضوں کےلئے فنکشنل بنادیا گیا ہے۔ پرنسپل پوسٹ گریجوایٹ میڈیکل انسٹیٹیوٹ پروفیسر غیاث النبی طیب نے بتایا کہ وزیراعلیٰ پنجاب محمد شہبازشریف کے26کروڑ روپے کے خصوصی فنڈ سے غریب اور نادار مریضوں کو یہ سہولت حاصل ہوگی، انہوںنے کہا کہ ایل جی ایچ میں دیگر بیماریوں کے علاوہ نیوروسرجری سے متعلق ایسے کیسز آتے ہیں جنہیں فوری طورپر ایم آر آئی (ٹیسٹ) جیسی سہولتوں کی ضرورت ہوتی ہے اور پنجاب حکومت کی خصوصی کاوش سے اب جنرل ہسپتال میں زیادہ سے زیادہ مریض اس سہولت سے مستفید ہوسکیں گے۔

لاہور(میڈیا نائن ٹو ڈاٹ ٹی وی ) نمک ایسی چیز ہے جس کے بغیر کسی کھانے کو ذائقے دار نہیں بنا جاسکتا ہے اور بیشتر افراد کھانوں میں اس کی زیادہ مقدار چھڑکنا پسند کرتے ہیں۔مگر یہ عادت آپ کے لیے جان لیوا بھی ثابت ہوسکتی ہے۔یہ بات ایک طبی تحقیق میں سامنے آئی۔تحقیق کے مطابق بہت زیادہ نمک کھانا دنیا بھر میں لاکھوں اموات کا باعث بنتا ہے۔تحقیق میں بتایا گیا کہ زیادہ نمک کھانا دل اور گردوں کو نقصان پہنچاتا ہے۔تحقیق کے مطابق نمک کی زیادہ برقرار کھانے کے نتیجے میں گردے جسم میں پانی کی مناسب مقدار برقرار رکھنے کے لیے زیادہ کام کرتے ہیں، جس کے نتیجے میں ان پر بوجھ بڑھ جاتا ہے جبکہ یہ عادت گردے کے اس حصے کو بھی نقصان پہنچاتی ہے جو کچرے کو فلٹر کرتا ہے۔تحقیق میں یہ بھی دریافت کیا گیا کہ زیادہ نمک کھانے سے 45.4 فیصد اموات امراض قلب، فالج اور ذیابیطس کے باعث ہوتی ہیں۔یہ بتانے کی ضرورت نہیں کہ زیادہ نمک کھانا ہائی بلڈ پریشر کا خطرہ بڑھاتا ہے جو کہ امراض قلب اور فالج کا مرکزی عنصر ہے۔اسی طرح نمکین غذاؤں کا شوق ذیابیطس کا خطرہ دوگنا تک بڑھا دیتا ہے خاص طور پر ان افراد میں یہ امکان چار گنا زیادہ ہوتا ہے جو جینیاتی طور پر اس مرض کے لیے آسان شکار ثابت ہوتے ہیں۔تحقیق کے مطابق دن بھر میں صرف آدھا چمچ اضافی نمک کھانا ذیابیطس تائپ ٹو کا خطرہ 65 فیصد تک بڑھا دیتا ہے۔اس تحقیق کے نتائج طبی جریدے جرنل آف دی امریکن میڈیکل ایسوسی ایشن میں شائع ہوئے۔