Category انٹرنیشنل

سرینگر (ایمرا نیوز/مانیٹرنگ ڈیسک) مقبوضہ کشمیر میں ہونے والی ریاستی دہشتگردی اور بھارتی جارحیت کے خلاف آج (منگل کو) دوسرے روز بھی مکمل ہڑتال کی جارہی ہے جبکہ سرینگر سمیت مقبوضہ وادی کے جنوبی حصوں میں کرفیو نافذ کردیا گیا ہے۔مقبوضہ کشمیر میں بھارتی سکیورٹی فورسز کے ہاتھوں 20 نوجوانوں کی شہادت اور 300افراد کے زخمی ہونے پر کشمیری عوام سراپا احتجاج ہیں اور وادی بھر میں ہڑتال کی جارہی ہے۔ وادی میں اسکول، کالجز اور دیگر تعلیمی ادارے بند ہیں جبکہ قابض انتظامیہ نے سرینگر سمیت جنوبی حصوں میں کرفیو نافذ کررکھا ہے۔ مشترکہ مزاحمتی قیادت سید علی گیلانی، میر واعظ عمر فاروق اور یاسین ملک گھروں میں بدستور نظر بند ہیں۔ واضح رہے کہ بھارتی فورسز نے مقبوضہ کشمیر کے ضلع اننت ناگ اور شوپیاں میں بربریت کا مظاہرہ کرتے ہوئے سرچ آپریشن کی آڑ میں 20 کشمیریوں کو شہید کردیا تھا۔

سڈنی(انٹرنیشنل ڈیسک / میڈیا 92 نیوز)برطانیہ میں سابق روسی جاسوس اور ان کی بیٹی پر ہونے والے کیمیائی حملے کے نتیجے میں اس وقت روس اور مغربی ممالک کے مابین سفارتی تنازع کے پس منظر میں آسٹریلیا نے روس کا سفر کرنے واے اپنے شہریوں کو خبردار کیا ہے کہ انہیں روس میں ہراساں کیا جاسکتا ہے ۔یہ تنبیہ گزشتہ روز جاری کی گئی ۔ایک سرکاری بیان میں کہا گیا کہ کینبرا حکومت روس کی طرف سے کھڑی کی گئی ہے کسی ٹھوس سفری رکاوٹ سے آگاہ تو نہیں تاہم آسٹریلیا اور روس نے چونکہ ایک دوسرے کے سفارت کاروں کو بے دخل کیا ہے ،اس لیے روس میں آسٹریلوی شہریوں کے ہراساں لئے جانے کے امکانات موجود ہیں ۔

بیجنگ(انٹرنیشنل ڈیسک/ وقت نیوز)چین میں اس سال دوسرا بلیو مون دیکھنے میں آیا ہے جس نے دیکھنے والوں کو خوشگوار حیرت میں ڈال دیا ہے ۔میڈیا رپورٹس کے مطابق چین میں یہ دوسری مرتبہ بلیو مون دیکھا گیا ہے جبکہ اس سے قبل 31 جنوری کو 152 سال کے بعد بلیو مون ظاہر ہوا تھا ۔ایک سال میں دوسری مرتبہ بلیو مون کے نظارے نے چینیوں کے ساتھ سائنس دانوں کو بھی حیرت میں ڈال دیا ہے ۔سائنس دانوں کا خیال ہے کہ سال میں دو مرتبہ بلیو مون کا نظارہ آنا ہمارے لئے حیران کن امر ہے اور اس بارے میں مزید تحقیقات کی جائیں گی۔

ویٹی کن سٹی (ایمرا نیوز)پوپ نے اپنے دورِ پاپائیت کے پہلے پانچ برسوں کے دوران شام میں ہونے والے خون خرابے کی مسلسل مذمت کی ہےعیسایئوں کے مذہبی پیشوا پوپ فرانسس نے دنیا بھر کے رہنماؤں سے اپیل کی ہے کہ وہ شام میں خون ریزی کے فوری خاتمے کے لیے اقدام کریں۔اٹلی کے شہر روم میں سینٹ پیٹرز سکوائر میں عیسائیوں کے مذہبی تہوار ایسٹر کے حوالے سے اپنے روایتی خطاب میں انھوں نے کہا کہ شام کے عوام بظاہر نہ ختم ہونے والی جنگ سے تھک چکے ہیں۔پوپ فرانسس نے اپنے خطاب میں انسانی حقوق کے قوانین، اور پناہ گزینوں کے مسائل پر بھی زور دیا اور کہا کہ انھیں (پناہ گزینوں کو) اکثر آج کل کا ’ضیاع کا ماحول‘ مسترد کر دیتا ہے۔اس سے قبل کل شب پوپ فرانسس نے بیسیلیکا میں دس ہزار زائرین کی تقریب میں شرکت کی تھی۔ عشایے ربانی کے دوران انھوں نے آٹھ افراد کا بپتسمہ بھی کیا جن میں ایک نائجیرین پناہ گزین جان اوگاہ بھی شامل ہے۔ جان اوگاہ نے اٹلی کی ایک سپر مارکیٹ میں گدا گری کے دوران ایک ڈکیتی کو ناکام بنایا تھا۔انھوں نے خدا سے دعا کی کہ وہ جنوبی سوڈان اور کانگو کے زخموں کو مندمل کر دے۔ انھوں جزیرہ نما کوریا میں امن مذاکرات پر بھی زور دیا۔۔پوپ نے اپنے دورِ پاپائیت کے پہلے پانچ برسوں کے دوران شام میں ہونے والے خون خرابے کی مسلسل مذمت کی ہے۔ 2013 میں انھوں نے مغرب کی جانب سے وہاں کی جانے والی فوجی مداخلت کی مخالفت کی تھی۔
اتوار کے روز انھوں نے دوسرے خطوں کا بھی ذکر کرتے ہوئے کہا: ’ہم سرزمینِ مقدس میں مفاہمت چاہتے ہیں۔ ہم یمن کے نہتے لوگوں اور تمام مشرقِ وسطیٰ میں جاری شورش کا خاتمہ چاہتے ہیں تاکہ تقسیم اور تشدد پر مکالمہ اور باہمی عزت غالب آئے۔‘
پوپ نے شمالی و جنوبی کوریا کے تعلقات کے بارے میں کہا کہ انھیں امید ہے کہ مذاکرات سے اس جزیرہ نما میں طویل عرصے سے جاری کشیدگی کا خاتمہ ہو گا اور امن و یگانگت کو فروغ ملے گا۔
انھوں نے کہا: ‘جو لوگ براہِ راست ذمہ دار ہیں، انھیں فراست و بصیرت ملے تاکہ وہ کوریا کے لوگوں کی بھلائی کا کام کر سکیں اور بین الاقوامی برادری کے ساتھ اعتماد کا رشتہ قائم کر سکیں۔’پوپ نے یوکرین اور وینزویلا میں جاری تشدد ختم کرنے کی امید بھی ظاہر کی

دمشق / ورجینیا(ایمرا نیوز/مانیٹرنگ ڈیسک) امریکی صدر ڈونلڈ ٹرمپ نے شام سے اپنی افواج واپس بلانے کا اعلان کردیا۔امریکی میڈیا کے مطابق ڈونلڈ ٹرمپ کا کہنا تھاکہ شام میں امریکی افواج کا کام داعش کو شکست دینا تھا۔ فوج نے یہ کام بخوبی انجام دے دیا ہے۔ وہ ریاست ورجینیا کے شہر رچمونڈ میں تقریب سے خطاب کر رہے تھے۔ امریکی صدر نے کہاکہ فوجی اہلکار جلد اپنی سرزمین پر واپس پہنچ جائیں گے۔ بریفنگ کے دوران صحافیوں نے امریکی محکمہ خارجہ کے ترجمان ہیدر نوئرٹ سے سوال کیا کہ صدر نے شام سے فوج واپس بلانے کا اعلان کیا ہے، فوجی کب وطن واپس پہنچیں گے، نوئرٹ نے صدر کے اعلان سے لاعلمی کا اظہار کیا۔دریں اثنا شام میں ایک امریکی سمیت 2 اتحادی فوجی ہلاک ہوگئے، امریکی حکام نے شامی شہر منبج میں ایک امریکی فوجی کی ہلاکت کی تصدیق کر دی ہے۔ جبکہ 5 اہلکار زخمی بھی ہوئے۔ شامی حکومت نے باغی گروہ جیش الاسلام کو غوطہ چھوڑنے کیلیے 72 گھنٹے کی ڈیڈ لائن دیدی۔شامی ٹی وی کے مطابق جمعے کو شامی حکومت نے باغی گروہ جیش الاسلام کو غوطہ چھوڑنے کیلیے 72 گھنٹے کی ڈیڈ لائن دے دی ، اس گروپ کے کچھ ارکان ابھی تک مشرقی غوطہ میں واقع قصبے دوما میں ہی ہیں۔دمشق کے نواحی علاقے مشرقی غوطہ میں موجود آخری باغی گروہ نے ایسی رپورٹوں کو مسترد کیا ہے کہ اس نے دوما کا قصبہ چھوڑنے کے حوالے سے روس سے کوئی معاہدہ کیا ہے۔

نیویارک(ٹیکنالوجی ڈیسک/ وقت نیوز)مائیکروسافٹ نے اپنی ٹرمز آف سروسز کو یکم مئی سے اپ ڈیٹ کرنے کا اعلان کیا ہے اور اس کے متعدد پلیٹ فارمز پر ”نازیبا زبان “کا استعمال آپ کی رکنیت کے خاتمے کا باعث بن سکتی ہے خصوصاً ویڈیو کا لنگ ایپ اسکائپ پر ۔مائیکروسافٹ نے اپنی سروسز میں لوگوں کے برے وریے پر پابندی لگانے کا اعلان کیا ہے اور اس حوالے سے فہرست بھی جاری کی ہے ۔مائیکروسافٹ کے نئے ضابطہ اخلاق کے مطابق ہماری شرائط کو تسلیم کرنے کی صورت میں آپ ہماری سروسز کے دوران ان اصولوں پر عمل کریں یعنی عوامی سطح پر ڈسپلے یا ہماری سروسز کو نامناسب مواد بشمول عریانیت ،بدزبانی ،گالم گلوچ ،پر تشدد مواد یا مجرمانہ سرگرمیوں کے لیے استعمال نہیں کر سکتے ۔آسان الفاظ میں اپنے پیاروں سے بات کرتے ہوئے آپ کو خیال رکھنا ہے کہ منہ سے ایسا کچھ نہ نکلے جس پر مائیکروسافٹ آپ کو اسکائپ سے نکال باہر نہ کردے ۔کمپنی کے مطابق اگر آپ اصولوں کی خلاف ورزی کریں گے تو ہم سروسز کی فراہمی روک سکتے ہیں یا آپ کا مائیکروسافٹ اکاﺅنٹ ختم کرسکتے ہیں ،اسی طرح ای میل ،فائل شیئر نگ یا انسٹنٹ مسیج جیسے کمیونیکشن کی ڈیلیوری بلاک کرسکتے ہیں یا بغیر کسی وجہ کے آپ کے پبلش مواد کو ہٹا سکتے ہیں یا شائع ہونے سے ہی ورک سکتے ہیں ۔تاہم یہ واضح نہیں کہ مائیکروسافٹ یہ تعین کیسے کرے گی کہ کسی صارف نے اصولوں کی خلاف ورزی کرتے ہوئے کن الفاظ کا استعمال کیے ہیں ۔تاہم اس حوالے سے مبینہ خلاف ورزیوں پر تحقیقات کی جائے گی اور کمپنی کے پاس مسلئے کو حل کرنے کے لیے مواد پر نظر ثانی کا حق ہوگا،تاہم اس کے بقول ہم تمام سروسز کو مانیٹر کریںگے اور ایسا ارادہ بھی نہیں ۔اس سے عندیہ ملتا ہے کہ کمپنی اس وقت حرکت میں آئے گی جب اسے کسی جانب سے شکایت موصول ہو گی۔

غزہ (ایمرا نیوز)اسرائیلی قبضے کے خلاف احتجاج کرنے والے فلسطینی شہریوں پر صیہونی فورسز نے فائرنگ کردی جس کے نتیجے میں 15 فلسطینی شہید اور ایک ہزار سے زائد افراد زخمی ہوگئے۔

فلسطینی عوام ہر سال 30 مارچ کو اپنی سرزمین پر اسرائیلی قبضے کے خلاف احتجاجاً ’یومِ ارض‘ مناتے ہیں، اس روز مختلف ریلیاں نکالی جاتی ہیں اور مظاہرے بھی کیے جاتے ہیں۔

42 ویں سالانہ یوم ارض کے سلسلے میں اس بار بھی فلسطین کے مختلف علاقوں میں اسرائیلی قبضے کے خلاف احتجاجی ریلیاں نکالی گئیں تاہم مظاہرین پر اسرائیلی فوج کی جانب سے فائرنگ کے واقعات میں 15 فلسطینی شہید ہوگئے۔

عرب میڈیا رپورٹ کے مطابق سب سے زیادہ کشیدگی غزہ اور اسرائیل کی سرحد کے قریب دیکھی گئی جہاں ہزاروں فلسطینی اسرائیلی قبضے کے خلاف احتجاج کررہے تھے۔

فلسطینی وزارت صحت کے مطابق غزہ کی پٹی کے شمال میں جبالیہ کے علاقے میں فورسز سے جھڑپ کے نتیجے میں 25 سالہ نوجوان محمد نجار کو پیٹ میں گولی لگی اور وہ شہید ہوگیا۔

اس کے علاوہ 38 سالہ محمود معمار اور 22 سالہ محمد ابو عمر کو رفح میں شہید کیا گیا۔

شہید ہونے والے دیگر 11 فلسطینیوں کی شناخت 19 سالہ احمد، 33 سالہ جہاد فرینیح، 33 سالہ محمود سعدی رحمی، 22 سالہ عبدالفتح عبدالنبی، 20 سالہ ابراہیم ابو شعار، عبدالقادر الاہجویری، ساری ابو اودیح ، ہمدان ابو امشیح، جہاد ابو جاموس، بدر السباغ اور ناجی ابو ہجائر کے ناموں سے ہوئی۔

مظاہرے شروع ہونے سے قبل غزہ کا ایک کسان وحید ابو صمور، خان یونس کے علاقے میں اپنے کھیت میں موجود تھا کہ اسرائیل کی جانب سے فائر کیے گئے شیلز کی زد میں آکر شہید ہوگیا۔

علاوہ ازیں اسرائیلی فوج نے دعویٰ کیا ہے کہ دو مسلح فلسطینی سرحدی باڑ کے قریب پہنچ گئے تھے اور انہوں نے اسرائیلی فورسز پر فائرنگ کی جس پر سیکیورٹی اہلکاروں نے جوابی فائرنگ کی اور دونوں مارے گئے۔

اسرائیلی ڈیفنس فورسز نے ٹینکوں اور جنگی طیاروں کے ذریعے حماس کے تین ٹھکانوں کو بھی نشانہ بنایا۔

یاد رہے کہ فلسطینی حکام نے آئندہ ہفتے گریٹ مارچ آف ریٹرن ( واپسی کا عظیم مارچ) کرنے کا اعلان کیا تھا جس کے تحت قابض اسرائیل کے خلاف بطور احتجاج مظاہرین کو سرحد پر کیمپوں میں 6 ہفتوں کے لئے قیام کرنا تھا۔

فلسطینیوں کے احتجاج کے پیش نظر سرحد پر اسرائیلی ٹینک اور اسنائپر تعینات کردیے گئے ہیں جب کہ غزہ اسرائیل سرحد پر مختلف مقامات پر مظاہرین موجود ہیں اور احتجاج کا سلسلہ طویل ہوسکتا ہے

لندن(فارن ڈیسک/ وقت نیوز)یوں تو غصے کوپی جانا ایک احسن عمل قراردیا جاتا ہے لیکن حال ہی میں نئی تحقیق میں ماہرین نے انکشاف کیا ہے کہ اگر آپ مستقل غصہ پی جانے کے عادی ہیں اور اپنے غصے کا اظہار نہیں کرتے تو آپ کینسر کا شکار ہو سکتے ہیں ۔ماہرین کا کہنا ہے کہ اگر آپ اپنے جذبات کو چھپا کررکھتے ہیں اور ان کا اظہار نہیں کرتے تو آپ اپنے آپ کو کینسر کا آسان شکار بنارہے ہیں ۔انہوں نے بتایا کہ یہ خطرہ اس صورت میں اور بھی بڑھ جاتا ہے جب آپ اپنے غصہ کا اظہارنہیں کرتے اور اسے پی جاتے ہیں۔

واشنگٹن(فارن ڈیسک/ وقت نیوز)امریکہ میں سوبرس سے زائد ان دادیوں نے اپنی جسمانی فٹنس کا ثبوت پیش کرتے ہوئے میراتھن میںحصہ لیا اور اپنی پھرتی سے دیکھنے والوں کو حیران کردیا ۔دوڑ شروع ہوتے ہی ان معمر خواتین نے ایک دوسرے سے آگے نکلنے کے لئے ایسے بھاگنا شروع کیا کہ بوڑھے تو بوڑھے نوجوان بھی اپنی حیرت چھپانے میں ناکام دکھائی دیئے۔جن میں 100 سال کیOrville Rogers نے 60 میٹر ریس جیتنے کا ریکارڈ بھی اپنے نام کرلیا ۔اس عمر میں بھی انہتائی پھر تیلی سے ریس لگائی یہ خواتین اپن جسمانی فٹنس کا راز باقاعدگی سے ایکسر سائز اور صحتمند غذا کا استعمال بتاتی ہیں۔

ماسکو(فارن ڈیسک/ وقت نیوز)روسی صدر ولاد یمیر پیوٹن نے سائبر یا کے شہر کیمیروو میں ہونے والی آتشزدگی کے بعد اس شہر کا دورہ کیا ہے ۔ جرمن خبررساں ادارے کے مطابق پیوٹن نے ونٹرچیری کمپلیکس کے باہر پھول رکھے اور ایک خصوصی یادگاری تقریب میں شریک ہوئے۔واضح رہے کہ اتوار کے دن اس کمپلیکس میں آگ لگنے کی وجہ سے 64 افراد ہلاک ہوگئے تھے جن میں زیادہ تر بچے شامل تھے ۔حکام نے بتایا ہے کہ اس حادثے کے بعد چالیس بچے ابھی تک لاپتہ ہیں ۔صدر پیوٹن نے اس شاپنگ مالی کی سکیورٹی اقدامات کو تنقید کا نشانہ بناتے ہوئے کہا کہ ذمہ داران کو سزا دی جائے گی۔