Category انٹرنیشنل

ریاض (فارن ڈیسک/ میڈیا 92 نیوز)سعودی عرب کے جنوب مغربی صوبے جازان کے پہاڑی علاقے میں ایک جیپ کے گہری کھائی میں گر جانے کے نتیجے میں تین بہن بھائی جاں بحق ہوگئے۔عرب ٹی وی کے مطابق یہ اندر ناک حادثہ الریث ضلع میں پیش آیا ۔جازان صوبے میں شہری دفاع کے سرکاری ترجمان یحیی القحطانی نے بتایا ہے کہ الریث ضعلے میں جیل اسود کے نزدیک ایک ٹویوٹا جیپ الٹ کر کھائی میں جاگری ۔شہری دفاع کی ٹیم نے جائے حادثہ پر پہنچ کر شہریوں کی مدد سے تین لاشوں کو نکال لیا ۔حادثے کے نتیجے میں ایک سعودی طالب علم اور اس کی دوبہنیں جان سے ہاتھ دھو بیٹھیں ۔

برازیلیا(فارن ڈیسک/ ایمرا نیوز)کانگو میں انسانی المیے کی صورتحال شدید ہو رہی ہے،تین ملین افراد کو فوری مدد کی ضرورت ہے،بحرانی صورتحال میں 7.7 ملین افراد کو خوراک کی شدید قلت کا سامنا ہے۔غیر ملکی میڈیا کے مطابق کانگو میں انسانی بحران کی صورتحال شدید ہوتی جا رہی ہے ۔یورپی یونین کے ایک اعلی سفارتکار نے خبردار کیا ہے کہ اس افریقی ملک کے مشرقی علاقوں میں تین ملین افراد کو فوری مدد کی ضرورت ہے ۔متاثرہ افراد کی یہ تعداد گزشتہ برس کے مقابلے میں دوگنا ہو چکی ہے۔بتایا گیا ہے کہ اس بحرانی صورتحال میں 7.7 ملین افراد کو خوراک کی شدید قلت کا سامنا بھی ہے ۔اس سفارتکار نے کہا ہے کہ اگر عالمی برداری نے فوری ایکشن نہ لیا تو صورتحال مزید ابتر ہو جائے گی۔

لندن(فارن ڈیسک/ میڈیا 92 نیوز)برطانوی نوجوان نے بچے کو بچانے کیلئے منجمد جھیل میں چھلانک لگادی ۔غیر ملکی میڈیا کے مطابق جیمز ڈول ان کے والد گاڑی میں جھیل کے قریب سے گزر رہے تھے کہ اچانک جیمز کی نظر جھیل میں ایک بچے پر پڑی جو ڈوب رہا تھا جس پر اس نے فوری جھیل میں چھلانک لگا کر اسے بچا لیا مگر جب اس بچے کو باہر نکالا تو معلوم ہوا کہ دراصل یہ ایک گڑیا ہے۔دونوں باپ بیٹے نے واقعے کی تمام ویڈیو ریکارڈ کی تھی تاکہ اسے ثبوت کے طور پر استعمال کیا جا سکے ۔سوشل میڈیا پر دلچسپ ویڈیو کو اب تک سیکڑوں صارف دیکھ کر لطف اندوز ہو چکے ہیں ۔

برلن(فارن ڈیسک/وقت نیوز)جرمنی کے دارالحکومت میں واقع ائیرپورٹ پر پرتگال کی نجی فضائی کمپنی کے پائلٹ کو گرفتار کر لیا گیا ،پولیس کا کہنا ہے ،پولیس کا کہنا ہے کہ مذکورہ شخص نشے میں دھت ہوکر جہاز اڑا رہا تھا اور اسی حالت میں اس نے ٹیک آف بھی کیا ۔جرمن پولیس کے مطابق انہوں نے برلن ائیرپورٹ پر اترنے والی پرتگال کی نجی ائیرلائن کو معمول کے مطابق چیک کیا تو کاک پٹ میں معاون پائلٹ نشے میں دھت پڑا تھا اور وہ اسی حالت میںساتھی کے ساتھ جہاز چلا کر پر تگال سے جرمنی لایا۔

قاہرہ(فارن ڈیسک/ وقت نیوز)فٹ بال دنیا کا سب سے زیادہ کھیلا جانے والا کھیل ہے جس کے مداح دنیا بھر میں موجود ہیں لیکن مصر سے تعلق رکھنے والا ننھا میسی ان دنوں سوشل میڈیا پر لوگوں کی توجہ کا مرکز بنا ہوا ہے۔اس 7 سالہ ننھے میسی نے فٹ بال کے ذریعے اپنی صلاحیتوں کا ایسا لوہا منوایا ہے کہ دیکھنے والے دنگ رہ گئے۔ویڈیو میں ننھا کھلاڑی فٹ بال کو کافی دیر تک اپنی ٹانگوں کے ذریعے اچھا لتا ہے اور اس دوران وہ فٹ بال کو ایک مرتبہ بھی نیچے نہیں گرنے دیتا ۔سوشل میڈیا پر اس ننھے کھلاڑی کو ہزاروں صارف دیکھ کر حیران ہو چکے ہیں ۔

اوٹاوا(فارن ڈیسک/ وقت نیوز)انسانی طاقت کے یوں تو کئی مظاہرے آپ نے دیکھے ہوں گے لیکن اس فولادی شخص نے تو ٹنوں وزنی کارکو کھلونے کی طرح گھما کر دیکھنے والوں کو حیران کر دیا ہے۔جی ہاں کینیڈا سے تعلق رکھنے والی اسٹرونگ مین نے 5 منٹ کے دورانیہ میں بھاری بھرکم کار کو کسی کی مدد کے بغیر 13 بار گھماتے ہوئے ایسا کارنامہ انجام دیا کہ اس کا نام عالمی ریکارڈ بک میں شامل کرلیا گیا ہے ۔چین کے ایک شو میں پیش کئے گئے اس حیرت انگیز مظاہرے کے دوران جین کیرون نامی شخص نے کار کورول کی صورت میں گھمانا شروع کیا ،تو حاغرین کو اپنی آنکھوں پر یقین نہ آیا ۔اس شخصکو عالمی ریکارڈ پر سرٹیفکیٹ سے بھی نوازا گیا ہے۔

دبئی(فارن ڈیسک/میڈیا 92 نیوز)متحدہ عرب امارات میںمصر کے سابق بادشاہ کنگ فاروق کی گھڑی نیلامی کے دوران10 کروڑ روپے میں فروخت ہوئی ہے۔اماراتی میڈیا کے مطابق کنگ فاروق کی قیمتی گھڑی جسے 3.3 ملین درہم میں نیلام کیا گیا یہ مشرقی وسطی کی تاریخ میں نیلام ہونے والی مہنگی ترین گھڑی بن گئی ہے اور یہ رقم پاکستان روپوں میں 10 کروڑ 37لاکھ 45 ہزار بنتی ہے۔سونے سے بنی یہ گھڑی معروف گھڑی ساز سوئس کمپنی نے اس وقت کے مصری بادشاہ کے لیے خصوصی طور پر تیار کی تھی کیوں کہ کنگ فاروق نادرونایاب گھڑیاں اور لگثرری گاڑیاں رکھنے کے شوقین تھے۔

بیجنگ(انٹرنیشنل ڈیسک/ میڈیا 92 نیوز)اکثر لوگ پیروں میں سوجن کی شکایت کرتے نظر آتے ہیں اور بعض اوقات یہ سوجن اتنی بڑھ جاتی ہے کہ لوگوں کو پیروں میں درد کی شکایت شروع ہوجاتی ہے جب کہ کچھ لوگ سوجن کے باعث چلنے پھرنے سے بھی قاصر ہوجاتے ہیں ۔لوگوں کی بڑی تعداد اکثر یہ سمجھتی ہے کہ وہ لوگ جو زیادہ چلتے پھرتے نہیں اور بیٹھے رہتے ہیں ان کے پیروں میں سوجن ہوجاتی ہے ۔یہ بڑی حد تک صحیح بھی ہے لیکن پیروں کی سوجن کے پیچھے اور کئی وجوہ ہوتی ہیں جن پر وقت رہتے تو جہ نہ دی گئی تو یہ کسی بڑی بیماری کا پیش خیمہ ثابت ہو سکتی ہیں ۔

وارسا(انٹرنیشنل ڈیسک/ وقت نیوز)پولینڈ کے 32 سالہ ایڈم کرلائکیل اپنے عجیب وغریب چہرے کی وجہ سے انسٹاگرام اور فیس بک پر مشہور ہوگئے ہیں کیونکہ انہوں نے اپنا چہرہ رنگ کرگہراسرمئی اور بالوں کو سفید کرلیا ہے جس کی وجہ سے وہ کسی تصویر کے نگیٹیو کی طرح دکھائی دیتے ہیں ۔ایڈم کا کہنا ہے کہ وہ اب تک اپنے 90 فیصد جسم پر ٹیٹو بنواچکے ہیں تاہم ان کا مقصد اس شرح کو 99 فیصد تک پہنچانا ہے۔انہیں اس بات کی کوئی پروا نہیں کہ دوسرے ان کے بارے میں کیا سوچتے ہیں کیونکہ وہ جو کچھ بھی کررہے ہیں ،وہ صرف اپنی خوشی کیلیے کررہے ہیں تاکہ جب وہ مریں تو اپنی ساری خواہشیں پوری کرچکے ہوں ۔22 سالہ ایڈم کو آنتوں کا کینسر ہو گیا تھا۔

گلاسگو(انٹرنیشل ڈیسک / میڈیا 92 نیوز)سکاٹ لینڈ میں گزشتہ شب آسمان پر دیکھا گیا ایک ایسا دلکش اور حسین منظر جس نے ناصرف فضا ءکورنگین بنادیا بلکہ ہر دیکھنے والا آنکھیں جھپکنا بھی بھول گیا۔اسکاٹ لینڈ کے مختلف مقامات پر رنگوں کے ایسے انوکھے نظارے دیکھنے میں آئے جس نے دیکھنے والوں کو اپنے سحر میں جکڑلیا ۔اس قدرتی منظر میں رنگوں کے اس انوکھے ملاپ اور رقص کر تی لہروں کے قدرتی نظارے کو لوگوں نے اپنے کیمرے کی آنکھ میں محفوظ کرلیا ۔