Category انٹرنیشنل

ہرارے(انٹرنیشنل ڈیسک/ میڈیا 92 نیوز)زمبابوے میں ایک مگرمچھ ہسپتال کے مرکزی دروازے پر آگیا جس کے باعث لوگوں میں خوف وہراس پھیل گیا اور اہسپتال میں آمدوافت بند ہوگئی ۔خبررساں ادارے اے ایف پی کے مطابق اہسپتال کے مرکزی دروازے پر اچانک ایک مگرمچھ آکر براجمان ہو گیا اور دروازے کی طرف آنے والے ہر شخص کو دیکھ کر حرکت کرنے لگا جس پر لوگوں میں خوف وہراس پھیل گیا۔

تاشقند (انٹرنیشنل ڈیسک/میڈیا 92نیوز) تاجکستان کی حکومت نے ایک کتاب شائع کی ہے جس میں خواتین کو یہ بتایا گیا ہے کہ انھیں کیا پہننا چاہیے اور کیا نہیں ۔نیوز ویب سائٹ ایشیا پلس کے مطابق تجاویز کی کتاب وزارت ثقافت کی جانب سے شائع کی گئی ہے اور اس میں ماڈلز کو سات سے 70 برس کی خوتین کے لیے مناسب لباس پہنے دکھایا گیا ہے۔اس کتاب میں بختلف باب ہیں جن میں خواتین کو کام پر جاتے وقت ،قومی اور سرکاری چھٹیوں کے موقع پر ،شادیوں اور ہفتہ وار چھٹیوں تک کے موقع کے لیے کپڑوں کے بارے میں بتایا گیا ہے ۔اس کے بعد اس کتاب کے آخر میں ایک باب ہے جس میں تاجک خواتین کو بتایا گیا ہے کہ انھیں کون سے کپڑے نہیں پہننے چاہیے۔اس میں خواتین کو سیاہ لباس اور حجاب وغیرہ پہننے سے منع کیا گیا ہے۔

واشنگٹن (فارن ڈیسک ایمرا نیوز )امریکہ کے صدر ڈونلڈ ٹرمپ نے وینز ویلا انتظامیہ کے ڈیجیٹل کرنسی یونٹ کے ساتھ تمام مالیاتی امور کوممنوع قراردے دیا ہے ۔عالمی ذرائع ابلاغ کے مطابق وائٹ ہاﺅس نے جاری کردہ بیان میں کہا گیاہے کہ صدر ٹر مپ نے وینز ویلا کے خلاف پابندیوں کی تو سیع پر مبنی حکم نامے پر دستنط کر دئیے ہیں حکم نامے کے مطابق امریکی افراد پر اور امریکاکے اندر وینز ویلا حکومت کی طرف سے یا پھر وینز ویلا حکومت کے نام پر 9جنوری 2018سے جاری کی جانے والی ڈیجیٹل کرنسی یونٹوں کے ساتھ تمام کاروائیوں کو ممنوع قراردے دیا گیاہے ۔

دبئی(فارن ڈیسک/میڈیا 92نیوز)متحدہ عرب امارات کے شہری ہر تین سال کے بعد اپنی گاڑی تبدیل کردیتے ہیں۔ اس امرکا انکشاف حال ہی میں آن لائن گاڑیوں کی خریدوفروخت کرنے والی کمپنی کی ویب سائٹ پر کئے گئے ایک سروے میں کیا گیا ۔رپورٹ کے مطابق امارات کے 60 فی صد باشندے ہر تین سال بعد اپنی گاڑی تبدیل کردیتے ہیں جب کہ 17 فی صد شہری پانچ سال میں گاڑی بدلتے ہیں ۔ایک موٹرز کمپنی کے سروسز کے شعبے کے ڈائریکٹر ماتھیوڈیویڈ سن نے بتایا کہ شورم سے نئی گاڑی فروخت کرتے ہوئے ہم گاہکوں کو یہ مشورہ دیتے ہیں کہ اسے کم سے کم 18 ماہ تک استعمال کریں ۔

واشنگٹن(فارن ڈیسک/ وقت نیوز)امریکی آن لائن ٹیکسی کمپنی کی بغیر ڈرائیور کار کو پہلا حادثہ پیش آیا ہے جس کے نتیجے میں ایک خاتون ہلاک ہوگئی۔متعلقہ کمپنی نے سروس معطل کرنے کا اعلان کردیا ہے۔پولیس نے کہا کہ ابتدائی تحقیق کے مطابق حادثے میں خودکار ٹیکسی کی غلطی نظر نہیں آتی۔حادثہ ریاست ایریز ونا میں پیش آیا جہاں سڑک عبور کرنے والی ایک خاتون ٹیکسی کی زدمیں آکر ہلاک ہوگئی۔

نیو یارک(مانیٹرنگ ڈیسک/ایمرا نیوز)امریکی کار کمپنی فورڈ نے مستقبل میں ڈرون بنانے کا اعلان کردیا ۔ کمپنی نے اعلان کیا ہے کہ سیلکون ویلی میں وہ ریسرچ جاری رکھی ہوئی ہے اور جلد ہی اس بارے میں حتمی اعلان کیا جائے گا ۔ کمپنی سی ای او کا کہنا ہے کہ ڈرون میں سرمایہ کاری کا مقصد دیگر شعبوں میں بزنس کو وسط دینا ہے ۔ 2016میں مرسڈیز بینز نے بھی ڈرونز میں سرمایہ کاری کرنے کا اعلان کیا تھا ۔ فورڈ نے حال ہی میں اعلان کیا ہے کہ ڈرون ٹیکنالوجی مستقبل میں ٹرانسپورٹ کے شعبے میں جدت لائیں گے ۔

ڈرونز مستقبل میں اشیا کے علاوہ مسافروں کو بھی ایک جگہ سے دوسری جگہ لے جانے میں کام آئیں گے ۔ ڈرونز میں اس وقت دیگر کئی کمپنیوں نے بھی سرمایہ کاری کرنے کااعلان کررکھا ہے جس میں امریکی ٹیکنالوجی کمپنی ٹیسلا سرفہرست ہے تاہم کاریں بنانے والی کمپنیوں کی اس شعبے میں دلچسپی سے ظاہر ہوتا ہے کہ ڈرونز جلد ہی ٹرانسپورٹ کے شعبے میں جدت پیدا کردیں گے ۔ فورڈ کمپنی امریکہ میں ایک سوپچیس سال سے کاریں بنارہی ہے اور اس کی امریکہ سمیت دنیا بھرموجود ہیں ۔

دمشق(مانیٹرنگ ڈیسک ایمرا نیوز)شامی فوج نے گزشتہ روز بھی مشرقی غوطہ میں باغیوں کے ٹھکانوں پر بمباری جاری رکھی جس میں مزید50 شہری جاں بحق اور 190 زخمی ہوگئے۔
غوطہ میں بمباری سے ہلاکتیں 724 ہوگئی ہیں جن میں 170 بچے شامل ہیں۔ اقوام متحدہ نے ہلاکتوں کی تحقیقات کا حکم دیدیا ہے جب کہ مشرقی غوطہ کے ایک حصے پر شامی فوج اور اس کے اتحادیوں کے قبضہ کی اطلاعات ہیں۔ اسد دستوں نے مشرقی غوطہ کے ایک تہائی سے زائد حصے سے باغیوں کو باہر نکال دیا ہے۔
دریں اثناء شام کے مشرقی علاقے غوطہ میں امدادی قافلے داخل ہوگئے جو محصور شہریوں کو راشن، ادویات اور دیگر ضروری اشیا تقسیم کریں گے جب کہ غوطہ میں شامی فوج کی پیش قدمی جاری ہے جس نے مزید علاقے پر کنٹرول حاصل کر لیا ہے۔
اقوام متحدہ کے مطابق مشرقی غوطہ میں 46 ٹرک داخل ہوئے ہیں جن پر امدادی سامان لدا ہوا ہے۔ بتایا گیا ہے کہ امدادی ٹرک سب سے زیادہ متاثرہ شہر دوما لے جائے جا رہے ہیں۔
امریکی صدر ڈونلڈ ٹرمپ نے شامی انتظامیہ کے مشرقی الغوطہ پر حملوں کے موضوع پر مصر کے صدر عبدالفتاح السیسی کے ساتھ ٹیلی فونک گفتگو کی۔ بیان میں مزید کہا گیا ہے کہ سربراہان نے معصوم شہریوں پر حملوں پر بات چیت کی ہے۔
خبر ایجنسی کے مطابق ترک فوج نے شامی علاقے عفرین میں کرد باغیوں پر بمباری جاری رکھی جس میں دو بچوں سمیت 13 افراد جاں بحق اور متعدد زخمی ہوگئے

جنیوا(مانیٹرنگ ڈیسک) اقوام متحدہ نے شام کے شہر غوطہ میں بشار الاسد حکومت کی بمباری کو جنگی جرم قرار دیتے ہوئے عالمی عدالت میں مقدمہ چلانے کا اعلان کردیا۔

غیرملکی خبر ایجنسی کے مطابق اقوام متحدہ کے ہائی کمشنر برائے انسانی حقوق زید رعد الحسین نے کہا کہ شام کے شہر غوطہ میں بشار الاسد حکومت کی بمباری جنگی جرائم ہے جس پر عالمی عدالت میں مقدمہ چلایا جائے گا۔

جنیوا میں انسانی حقوق کونسل کے اجلاس سے خطاب کرتے ہوئے زید رعد الحسین نے کہا کہ ان جرائم کا ارتکاب کرنے والے ملزمان سن لیں کہ ان کی شناخت کی جارہی ہے اور مستقبل میں ان پر مقدمہ چلانے کے لیے دستاویزات تیار کی جارہی ہیں، جنگی بندی کی قرارداد پر اتفاق رائے کے باوجود مشرقی غوطہ میں عام شہریوں پر مسلسل بمباری اور گولہ باری کی جارہی ہے، ہم ساری صورت حال کا مشاہدہ کررہے ہیں جو نہ صرف جنگی جرائم بلکہ انسانیت کے خلاف جرائم کے زمرے میں آتی ہے، شہریوں کو سرنڈر کرنے یا موت میں سے کسی ایک راستے کا انتخاب کرنے پر مجبور کیا جارہا ہے۔

گزشتہ دو ہفتوں سے غوطہ میں جاری شامی اور روسی افواج کی بمباری میں 650 سے زائد شہری جاں بحق اور ہزاروں زخمی ہوچکے ہیں جن میں بڑی تعداد میں بچے بھی شامل ہیں۔

اقوام متحدہ کی سلامتی کونسل نے گزشتہ ماہ شام میں ایک ماہ کے لیے جنگ بندی کی قراداد بھی منظور کی تھی لیکن شامی اور روسی حکومتوں نے اقوام متحدہ کی دھجیاں اڑا دیں اور قرارداد منظور ہونے کے تھوڑی ہی دیر بعد دوبارہ بمباری کی گئی جس کا سلسلہ وقفے وقفے سے مسلسل جاری ہے۔

غوطہ میں ہزاروں شہری بیمار اور زخمی ہیں جو طبی امداد کے منتظر ہیں لیکن شامی حکومت کی مسلسل بمباری کی وجہ سے امدادی تنظیموں کے لیے شہر میں داخل ہونا ناممکن ہوگیا ہے۔ 100 مریضوں کی حالت تشویش ناک ہے جنہیں ترجیحی بنیاد پر علاقے سے انخلا اور فوری طبی امداد کی ضرورت ہے۔ شامی فوج نے غوطہ میں پمفلٹ بھی گرائے ہیں جن میں شہریوں کو سرنڈر کرنے یا موت میں سے کسی ایک کا انتخاب کرنے کا حکم دیا گیا ہے۔

علاوہ ازیں شامی فوج نے مشرقی غوطہ پر قبضے کے لیے مزید پیش قدمی کی ہے۔ بشارالاسد فورسز نے شدید بمباری کے بعد دو دیہات میں باغیوں کو شکست دے کر قبضہ مکمل کر لیا ہے۔

لاہور(مانیٹرنگ ڈیسک،ایمرا نیوز)ملک میں غیر شادی شدہ خواتین کی تعداد کم کرنے کے لیے متحدہ عرب امارات (یو اے ای) کی انتظامیہ نے دو بیویاں رکھنے والے اماراتی مردوں کو گھر کے لیے الاؤنس دینے کا فیصلہ کرلیا۔
خلیج ٹائمز کی رپورٹ کے مطابق یو اے ای کے وزیر انفراسٹرکچر ڈویلپمنٹ ڈاکٹر عبداللہ بِلحیف النُعامی نے وفاقی قومی کونسل کے اجلاس میں اعلان کیا کہ وزارت نے دوسری بیویوں کے لیے اماراتی مردوں کو شیخ زید ہاؤسنگ پروگرام سے الاؤنس دینے کا فیصلہ کیا ہے۔
انہوں نے کہا کہ ’دوسری بیوی کے لیے بھی رہائش کے پہلی بیوی جیسے انتظامات ہونے چاہیے۔‘

کونسل کے اجلاس میں اراکین کا کہنا تھا کہ گھر کے لیے فراہم کیے جانے والے الاؤنس سے یو اے ای میں غیر شادی شدہ خواتین کی تعداد کم کرنے میں مدد ملے گی۔
کونسل کے رکن حماد الرَحومی نے کہا کہ ’وزارت کو گھر حاصل کرنے کے مواقع فراہم کرکے مرد کی دوسری خاتون سے شادی کے عمل کو سہل کرنا چاہیے۔‘
رپورٹ میں کہا گیا کہ کونسل اراکین نے کہا کہ گھر کے مسائل کو حل کرنے کے ساتھ انتظامیہ کو سماجی اسٹرکچر میں کمزور ہونے سے بچانے میں بھی مدد کرنی چاہیے، کیونکہ گھر حاصل کرنے میں پیش آنے والی مالی دشواری سے مردوں کو بیک وقت ایک سے زائد بیویاں رکھنے میں مشکلات کا سامنا کرنا پڑتا ہے۔

وزیر انفراسٹرکچر ڈویلپمنٹ کا کہنا تھا کہ ’اس حوالے سے یہ تجویز سامنے آئی تھی کہ پہلی بیوی کے گھر کے ساتھ ہی منسلک دوسرا گھر دوسری بیوی کو فراہم کیا جائے گا۔‘
تاہم بعد ازاں وزارت نے اس تجویز کو مسترد کردیا کیونکہ اس سے دوسری بیوی سے ناانصافی کا تاثر ملتا ہے۔
ڈاکٹر عبداللہ بِلحیف النُعامی نے کہا کہ ’یہ غیر مناسب ہے کہ دوسری بیوی کو ایسا گھر دیا جائے جو پہلی بیوی کے گھر کے برابر نہ ہو۔

امریکا(فارن ڈیسک/میڈیا 92نیوز)امریکا میں ایوسی ایٹڈ پریس کےایک حالیہ سروے سے یہ بات سامنے آئی ہے کہ امریکی صدر نسل پرست انسان ہیں۔

امریکا کی کل آبادی کے نصف حصے سے اس سروے میں رائے لی گئی تھی جن میں سیاہ فام اور ہسپانوی نژاد امریکی بھی شامل تھے۔

سروے میں رائے دینے والے افراد میں سے 57فیصد نے اظہار کیا کہ ٹرمپ کی مسلمانوں کے بارے میں پالیسی اچھی نہیں ہے جبکہ 56فیصد افراد نے اظہار کیا کہ ٹرمپ کی پالیسیاں ہسپانوی نژاد امریکیوں کے لیے اچھے نتائج نہیں دے رہی ہیں۔

سروے میں ایک تہائی افراد نے اظہار کیا کہ افریقی نژاد امریکیوں کے لیے ٹرمپ کی پالیسیاں اچھی نہیں ہیں اور ان کے نسل پرست ہونے کا تاثر زور پکڑتا جارہا ہے۔

سروے میں صرف35فیصد سفید فاموں کو ملک کی سمت درست لگتی ہے جبکہ وائٹ ہاؤس نے سروے کے نتائج پر فوری تبصرے سے گریز کیا ہے۔