Category انٹرنیشنل

غیر ملکی خبر ایجنسی کی رپورٹ کے مطابق چینی صدر شی جن پنگ کی دعوت پر ایرانی صدر ابراہیم رئیسی تین روزہ دورے پر چین پہنچے جہاں انہوں نے اپنے چینی ہم منصب شی جن پنگ سے ملاقات کی۔

ملاقات کے موقع پر چینی صدر شی جن پنگ کا کہنا تھا کہ ایران کو جوہری معاہدے کا جلد اور مناسب حل نکلنا چاہیے، جوہری معاملے پر ایرانی حقوق کے تحفظ کیلئے ایران کی حمایت کرتے ہیں، ایران جوہری معاہدہ بحالی کے مذاکرات میں تعمیری شمولیت جاری رکھیں گے۔

چینی صدر شی جن پنگ نے کہا کہ بین الاقوامی اور علاقائی حالات کی تبدیلی کے باوجود ایران سے تعاون کو فروغ دیں گے۔

شی جن پنگ کا کہنا تھا کہ تجارت، زراعت اور انفرا اسٹرکچر کے شعبوں میں ایران سے تعاون بڑھانے کے خواہاں ہیں، ایران سے اعلیٰ معیار کی مزید زرعی مصنوعات درآمد کریں گے۔

سعودی جنرل اتھارٹی آف سول ایوی ایشن نے نوٹیفکیشن جاری کردیا ہے۔

سعودی ایوی ایشن کے مطابق تمام پروازیں عمرہ زائرین کے لیےکوئی بھی سعودی انٹرنیشنل ائیرپورٹ استعمال کرسکتی ہیں۔

سعودی ایوی ایشن نے پروازوں کو نئے نوٹیفکیشن پر سختی سے عملدرآمد کی ہدایت کی ہے۔

سعودی ایوی ایشن کا کہنا ہےکہ احکامات کی خلاف ورزی کرنے والی ائیرلائنز کے خلاف سخت کارروائی ہوگی۔

خیال رہےکہ اس سے قبل عمرہ ویزا کے حامل مسافر صرف جدہ اور مدینہ ائیرپورٹ سے سفرکرتے تھے، اب زائرین کو دمام، قسیم اور  ریاض سمیت تمام ائیرپورٹس سے آمد اور روانگی کی سہولت ہوگی۔

غیر ملکی میڈیا کے مطابق امریکی وزیر خارجہ انٹونی بلنکن نے کہا کہ امریکا ایسے تمام یکطرفہ اقدامات کی مخالفت کرتا ہے جو کشیدگی بڑھانے اور دو ریاستی حل کے امکانات کو نقصان پہنچانے کا باعث ہیں۔

خیال رہے کہ اتوار کے روز اسرائیل نے مقبوضہ مغربی کنارے کی 9 بستیوں کو قانونی حیثیت دینے اور مزید 10 ہزار یونٹس کی تعمیر کا اعلان کیا تھا۔

دوسری جانب اقوام متحدہ کے انسانی حقوق کے ماہرین نے پیر کے روز عالمی برادری سے مطالبہ کیا تھا کہ اسرائیل کے فلسطینیوں کی رہائش گاہوں کو منہدم کرنے کے اقدامات میں اضافے کو روکا جائے۔

آکلینڈ :نیوزی لینڈ کی حکومت نے سمندری طوفان ’’ گیبریل ‘‘ کی تباہی کے باعث ملکی تاریخ میں تیسری بار قومی ہنگامی حالت کا اعلان کر دیا، ایمرجنسی کا اطلاق نارتھ لینڈ، آکلینڈ، ٹائراوہیٹی، بے آف پلینٹی، وائیکاٹو اور ہاکس بے کے علاقوں پر ہوگا۔

غیر ملکی خبر رساں ادارے کے مطابق ایمرجنسی منیجمنٹ کے وزیر کیران میک اینلٹی نے ایمرجنسی سے متعلق اعلامیے پر دستخط کیے، پانچ شمالی علاقوں میں پہلے ہی ہنگامی حالت کا اعلان کیا جا چکا ہے۔

نیوزی لینڈ کے شمال میں سمندری طوفان گیبریل کے ٹکرانے سے تقریبا 38,000 گھر بجلی سے محروم ہوگئے ہیں، آکلینڈ میں حکام نے شہریوں کے انخلاء کے لئے درجنوں مراکز قائم کیے ہیں اور شدید بارش اور آندھی کی وارننگ جاری کی ہے جبکہ سینکڑوں پروازیں بھی منسوخ کر دی گئی ہیں۔

آکلینڈ ایئرپورٹ حکام کے مطابق بین الاقوامی اور قومی پروازوں کا جلد دوبارہ شروع ہونے کا امکان ہے لیکن اگر موسمی حالات خراب ہوئے تو اس میں تبدیلی آ سکتی ہے ۔

خیال رہے کہ سمند ری طوفان گیبریل آکلینڈ اور آس پاس کے علاقوں میں ریکارڈ بارشوں کے چند ہفتوں بعد آیا ہے جس نے سیلاب کو جنم دیا اور چار افراد کی جان بھی لے لی ہے۔ 

غیر ملکی میڈیا کے مطابق ملکہ کنسورٹ کمیلا زکام کی علامات محسوس کر رہی تھیں جس پر ان کا کورونا ٹیسٹ کروایا گیا جو مثبت آیا ہے۔

رپورٹس میں بکنگھم پیلس کے حوالے سے بتایا گیا ہے کہ کورونا کی تصدیق کے بعد ملکہ کمیلا پارکر نے اپنی آئندہ ایک ہفتے کی مصروفیات منسوخ کردی ہیں۔

نئی دہلی: بھارت میں ہر 16 منٹ میں ایک خاتون کے ساتھ جنسی زیادتی کی جاتی ہے جب کہ ہر 30 گھنٹے میں اجتماعی زیادتی کا ایک واقعہ رونما ہوتا ہے۔کشمیر میڈیا سروس میں خواتین کے دن پر شائع ہونے والی ایک رپورٹ میں کہا گیا ہے کہ بھارت دنیا میں خواتین کے لیے بدترین جگہ ہے جہاں ایک گائے کا تو تحفظ ہے لیکن خواتین کی عزتیں محفوظ نہیں۔رپورٹ میں مزید کہا گیا ہے کہ بھارت میں خواتین کو عام طور پر دوسرے درجے کا شہری سمجھا جاتا ہے جب کہ اقلیتوں بشمول مسلمان، دلت اور عیسائی خواتین ذہنی طور پر انتہائی ذہنی دباؤ اور ذلت کا شکار ہیں۔رپورٹ میں انکشاف کیا گیا ہے کہ دارالحکومت نئی دہلی سب سے زیادہ غیر محفوظ شہروں میں سے ایک ہے۔ یوپی سے لے کر راجستھان اور کیرالہ سے لے کر مدھیہ پردیش تک میں ملک بھر کے مجموعی کیسز میں سے دو تہائی سے زیادہ رپورٹ ہوئے ہیں جب کہ کولکتہ میں جنسی زیادتی کے سب سے کم واقعات رپورٹ ہوئے ہیں۔رپورٹ کے مطابق نیشنل کرائم ریکارڈ بیورو نے 2020 میں بھارت میں روزانہ 77 جنسی زیادتی کے واقعات کی تصدیق کی ہے جب کہ 2020 میں جنسی زیادتی کے مجموعی 28 ہزار 046 واقعات رونما ہوئے۔ 2019 میں یہ تعداد 32 ہزار، 2018 میں 33 اور 2017 میں 32،559 تھی۔بھارت میں مودی سرکار میں جنسی زیادتی کے اتنے کیسز سامنے آئے ہیں کہ عالمی سطح پر بھی ہندوستان کو ریپستان کہا جانے لگا ہے۔

سری نگر: بھارتی سپریم کورٹ نے مقبوضہ کشمیر میں کالے قانون کے تحت خصوصی حیثیت کے خاتمے کے بعد بی جے پی کے حق میں کی گئی متنازع حلقہ بندیوں پر مسلمانوں اور اپوزیشن جماعتوں کی جانب سے دائر کی گئی درخواست کو مسترد کردیا۔بھارتی میڈیا کے مطابق درخواست گزاروں حاجی عبدالغنی خان اور محمد ایوب مٹو نے مو قف اختیار کیا کہ 2026 سے پہلے ملک میں کہیں بھی ری ڈرائنگ یا حلقہ بندی پر پابندی ہے لیکن اس کے باوجود کمیشن نے نہ صرف حلقہ بندیاں کیں بلکہ اس پورے عمل میں بد نیتی اور غیر منصفانہ طریقے سے مودی کی جماعت بھارتیہ جنتا پارٹی کو فائدہ پہنچایا تاکہ وہ زیادہ سے زیادہ نشستیں حاصل کرسکے۔ کمیشن نے جموں کے لیے 43 اور کشمیر کی اسمبلی کے لیے 47 نشستیں یعنی مجموعی طور پر 114 نشستیں مختص کیں جن میں سے 24 ریزرو نشستیں آزاد کشمیر کے لیے تفویض کردیں جو کہ پاکستان کا حصہ ہے۔ مقبوضہ کشمیر کی دیگر 90 حلقوں پر انتخاب ووٹنگ سے ہوگا۔حد بندی کمیشن نے یہ متنازع سفارش بھی کی کہ پاکستان کے علاقے آزاد کشمیر کے مہاجرین اور دو تارکین وطن کو بھی اسمبلی میں بطور ارکان نامزد کیا جائے۔سپریم کورٹ میں درخواست گزاروں نے اس عمل کو سراسر غیر آئینی قرار دیتے ہوئے مو قف اختیار کیا کہ تھا کہ آرٹیکل 370 کی منسوخی کے باوجود ملک بھر میں حلقہ بندیاں 1971 کی مردم شماری کی بنیاد پر طے کی گئی تھیں جس کے تحت 2026 تک مردم شماری تک کوئی تبدیلی نہیں کی جاسکتی۔تاہم حکومتی وکیل نے کہا کہ 2019 میں کی گئی قانون سازی کے تحت جموں و کشمیر کی ریاستی اسمبلیوں اور وفاقی پارلیمنٹ کی حد بندی کمیشن کا قیام عمل میں لایا گیا تھا اس لیے یہ اقدام بالکل درست ہے۔جس پر سپریم کورٹ نے حکومتی مو قف کو درست قرار دیتے ہوئے جموں وس کشمیر میں حلقہ بندیوں کے خلاف مسلمانوں اور اپوزیشن کی درخواست کو مسترد کی دیا

انقرہ: ترکیہ میں ہولناک زلزلے کے بعد غیرمعیاری تعمیرات پر کارروائیاں شروع کر دی گئی ہیں۔میڈیارپورٹ کے مطابق ترکیہ میں ایک سو تیرہ افراد کیخلاف مقدمہ درج کیا گیا ہے، جس کے بعد بارہ سے زائد بلڈرز کو گرفتار کیا گیا ہے، ترکیہ سے فرار ہونے کی کوشش کرنے والا ریئل اسٹیٹ ڈویلپر بھی گرفتار کیے جا چکے ہیں۔ترکیہ اور شام میں ہولناک زلزلے سے اموات چونتیس ہزار سے بڑھ گئی ہیں، ترکیہ میں انتیس ہزار سے زائد اور شام میں ساڑھے چار ہزار سے زائد افراد چل بسے ہیں، ترکیہ میں اسی ہزار سے زائد افراد زخمی، ترکیہ میں دس لاکھ سے زائد افراد بے گھر ہو گئے جبکہ ترکیہ میں سترہ سو سے زائد آفٹرشاکس ریکارڈ کیے گئے ہیں۔واضح رہے ترکیہ اور شام میں گزشتہ ہفتے آنے والے زلزلے میں ہلاک ہونے والے 5 ہزار افراد کو اجتماعی طور پر دفن کیا جاچکا ہے ، مزید قبروں کی کھدائی کا کام جاری ہے۔اقوام متحدہ کی رپورٹ کے مطابق شام میں 53 لاکھ لوگ بے گھر ہو سکتے ہیں جبکہ زلزلے سے ہلاکتوں کی تعداد دوگنا یا اس سے زیادہ ہونے کا امکان ہے۔

بیجنگ: چین نے الزام عائد کیا ہے کہ امریکا نے فضائی حدود کی خلاف ورزی کرتے ہوئے گزشہ ایک برس کے دوران 10 سے زائد غبارے بھیج کر ان کی قومی سلامتی کو خطرے میں ڈالا۔اس بات کا انکشاف چین کی وزارت خارجہ کے ترجمان وانگ وینبن نے بیجنگ میں ہفتہ وار نیوز بریفنگ میں کیا۔ یہ پوچھے جانے پر کہ چین نے اپنی فضائی حدود میں اس طرح کی دراندازی کا کیا جواب دیا تو ترجمان نے جواب دیا کہ ہمارا ردعمل ذمہ دارانہ اور پیشہ ورانہ تھا۔چین کی وزارت خارجہ کے ترجمان نے غباروں سے متعلق مزید وضاحت نہیں دی کہ یہ کس نوعیت تھے اور کن مقاصد کے لیے بھیجے گئے تھے اور کیا چین نے سفارتی سطح پر اس پر آواز اْٹھائی تھی۔ خیال رہے کہ چین کا یہ دعویٰ اس وقت سامنے آیا ہے جب امریکا نے 4 فروری کو جنوبی کیرولائنا کے ساحل پر ایک چینی جاسوس غبارے کو مار گرایا اور کل اور آج کینیڈا کی فضا ئو ں میں پرواز کرنے والے دو مشکوک شے کو بھی نشانہ بنایا گیا۔ابھی یہ واضح نہیں کہ کینیڈا کی فضا ئو ں میں پرواز کرنے والی یہ مشکوک شے کیا تھی تاہم امریکا و کینیڈا نے اس مشکوک شے کا الزام بھی چین پر عائد کیا ہے۔ کینیڈا پر اْڑنے والی مشکوک شے کو بھی امریکی طیاروں نے مار گرایا تھا۔اس طرح ایک ہفتے کے دوران امریکا نے 2 غباروں اور 2 مشکوک شے کو فضا میں تباہ کیا ہے۔ کینیڈا میں تباہ کی جانے والی مشکوک شے کے ملبے سے اس کی نوعیت کا جائزہ لیا جا رہا ہے تاہم ابھی تعین نہیں ہوسکا ہے۔یاد رہے کہ 4 فروری کو امریکی طیاروں نے جس جاسوسی غبارے کو مار گرایا تھا اس پر چین نے مو قف دیا تھا کہ یہ ایک نجی کمپنی کی ملکیت تھا جو موسمیاتی تبدیلیوں پر تحقیق کے لیے پرواز کر رہا تھا لیکن دوسری طرف چین نے غبارے کو مار گرانے کو اپنی قومی سلامتی پر حملہ بھی قرار دیا تھا

آسٹریلین کرکٹ ٹیم کے کپتان ایرون فنچ نے بین الاقوامی کرکٹ سے بھی ریٹائرمنٹ کا اعلان کرتے ہوئے کہا کہ مجھے احساس ہوا میں اگلے سال کے ٹی 20 ورلڈ کپ تک نہیں کھیل سکوں گا اور ریٹائر ہونے کا یہی درست وقت ہے تاکہ ٹیم کے مستقبل کی تیاری ہو سکے۔

آسٹریلیا نے پہلی بار 2021 میں ایرون فنچ کی کپتانی میں متحدہ عرب امارات میں ٹی 20 ورلڈکپ جیتا تھا لیکن وہ گزشتہ سال اپنے ہی ملک میں ہونے والے ورلڈکپ میں ناکام ہوئے۔

ایرون فنچ نے 5 ٹیسٹ، 146 ایک روزہ میچز اور 103 ٹی 20 بین الاقوامی میچز میں آسٹریلیا کی نمائندگی کی، انہوں نے مجموعی طور پر 8 ہزار 804 رنز بنائے اور ان کے انٹرنیشنل کیریئر میں 17 ایک روزہ اور 2 ٹی 20 سنچریاں بھی شامل ہیں۔

فنچ نے 76 ٹی 20 اور 55 ایک روزہ میچز میں آسٹریلیا کی کپتانی بھی کی جبکہ وہ گزشتہ سال ستمبر میں ایک روزہ کرکٹ سے ریٹائر ہوگئے تھے۔