Category انٹرنیشنل

ٹینیسی (ویب ڈیسک) امریکی ماہرین نے ایک ایسا انتہائی باریک آلہ ایجاد کر لیا ہے جو صرف چھونے پر بجلی بنا لیتا ہے اور اسے مستقبل کے ذہین لباس میں شامل کر کے انسانی جسم کی حرارت اور حرکت سے اسمارٹ فونز وغیرہ چارج کئے جا سکیں گے .اس آلے کو سیاہ فاسفورس کی نینو میٹر پیمانے جتنی انتہائی باری چادروں بلیک فاسفورس نینو شیٹس استمال کرتے ہوئے تیار کیا گیا ہے .

لاہور: قائد پاکستان عوامی تحریک طاہر القادری نے کہا ہے کہ قاتل اعلیٰ کو وزارت عظمیٰ کا حلف اٹھانا نصیب نہیں ہو گا، نواز شریف 62,63 کے ساتھ ساتھ آرٹیکل6 کے بھی مجرم ہیں، سلطنت شریفیہ کے مکمل خاتمے کیلیے تمام جماعتوں کو اکٹھا ہونا ہو گا ، سانپ ابھی زخمی ہوا ہے مرا نہیں، ملکی سلامتی کو دائو پر لگانے والے سانپوں کے سرکچلنا ہوں گے۔
نواز شریف کی نااہلی سے خوشی مگر اپوزیشن کی طرف سے وزارت عظمیٰ کا متفقہ امیدوار نہ آنے پر دکھ ہوا، نواز شریف اپنے معاشی جرائم کے باعث نااہل ہو کر سیاسی انجام سے دوچار ہو گئے مگر ابھی سانحہ ماڈل ٹائون کا حساب باقی ہے، مصر سے اوسلو پہنچنے پر استقبال کیلے آئے ہوئے عوامی تحریک اوورسیز کے کارکنان سے گفتگو اور سینٹرل ورکنگ کونسل کے اجلاس سے خطاب کرتے ہوئے انھوں نے کہا کہ علی بابا گرفت میں آ گیا، 40 چور بھی پکڑے جائیں گے۔
کرپشن پر مبنی ریفرنسز کے فیصلے آنے سے لندن میں تعمیر کیے گئے محلات اور لوٹی گئی دولت بھی واپس آئے گی، زخمی سانپ سوشل میڈیا پر انصاف اور قومی سلامتی کے اداروں کے خلاف گھٹیا مہم چلوا رہا ہے جس کا سدباب ہونا چاہیے، وزارت داخلہ، نیکٹا، ایف بی آر، پیمرا کے حکام انصاف اور قومی سلامتی کے اداروں کے خلاف توہین آمیز مہم پر خاموش کیوں ہیں؟۔

اسلام آباد (میڈیا پاکستان آن لائن )مریم نواز شریف نے سابق وزیر اعظم نواز شریف کو پنجاب ہاﺅس میں ملنے والی زبردست پذیرائی ملنے کی ویڈیو اپنے سوشل میڈیا اکاﺅنٹ پر شیئر کی ہے جس میں دیکھا جا سکتا ہے کہ لوگ کھڑے ہو کر اپنے لیڈر کا استقبال کر رہے ہیں اور پورا ہال شیر آیا،شیر آیا کے نعرو ں سے گونج اٹھا۔ٹویئڑ اکاﺅنٹ پر مریم نواز نے لکھا کہ”” آپ وزیراعظم رہے یا نہ رہیں آپ کی محبت دلوں میں رہے گی””۔

بغداد(میڈیا پاکستان) گھر سے بھاگ کر داعش میں شمولیت اختیار کرنے کے لیے عراق جانے والی لڑکی نے کہاہے کہ میں جلد ازجلد گھر واپس جانا چاہتی ہوں۔

غیر ملکی میڈیا کے مطابق ایک جرمن صحافی کو دیے گئے انٹرویو میں داعش میں شامل ہونے والی لِنڈا نامی لڑکی کا کہنا تھاکہ میں اپنے گھر،خاندان کے پاس واپس جانا چاہتی ہوں۔ میں جنگ، اسلحے اور اس شور سے دورجانا چاہتی ہوں۔ادھرجرمنی کے وفاقی پبلک پراسیکیوٹر نے بتایا کہ حکومت عراق میں گرفتار ہونے والی لنڈا اور تین دیگر جرمن جہادی خواتین کے بارے میں ابتدائی تحقیقات کر رہی ہے۔ان چاروں جرمن خواتین پر شبہ ہے کہ انہوں نے غیر ملکی دہشت گرد تنظیم میں شمولیت اختیار کی تھی۔ لنڈا کا کہنا ہے کہ اگر جرمن حکومت اسے وطن واپسی کی اجازت دے تو وہ حکام سے تعاون کے لیے تیار ہے۔واضح رہے کہ لنڈا نے ایک سال قبل گھر سے راہ فرار اختیار کرکے داعش میں شمولیت اختیار کر لی تھی

نیویارک(میڈیا پاکستان)ہیومن رائٹس واچ نے سعودی عرب سے سابق ولی عہد شہزادہ محمد بن نائف کے بارے میں وضاحت کا مطالبہ کردیا ہے۔
غیر ملکی میڈیا کے مطابق (ایچ آر ڈبلیو )انسانی حقوق کے لیے سرگرم بین الاقوامی تنظیم نے یہ مطالبہ ایسی رپورٹوں کے بعد کیا جن میں کہا گیا تھا کہ سعودی حکومت نے شہزادہ نائف کو گھر میں نظر بند کر رکھا ہے۔ جبکہ سابق سعودی ولی عہد کے ملک چھوڑنے پر بھی پابندی عائد ہے۔تاہم سعودی حکومت نے اس حوالے سے چند ہفتے قبل کہا تھا کہ ان پر کسی قسم کی کوئی پابندی نہیں اور وہ مکمل طور پر آزادی سے اپنی زندگی گزاررہے ہیں۔ یاد رہے کہ شہزادہ محمد بن نائف کو 21جون کو ان کے عہدے سے سبکدوش کرکے شاہ سلمان کے صاحبزادے محمد بن سلمان کو اس عہدے پر فائز کیاگیا تھا۔

ممبئی(میڈیا پاکستان)بالی ووڈ کی نامور اداکارہ عائشہ ٹاکیہ کے شوہر اور بھارتی سیاسی جماعت سماج وادی پارٹی کے رکن ابواعظمی کے بیٹے فرحان اعظمی کو ہندو اداکارہ سے شادی کرنے پر انتہا پسندوں کی جانب سے دھمکیاں موصول ہورہی ہیں۔

پریانکا چوپڑا نے امریکہ میں مادھوری ڈکشٹ کی حقیقی زندگی پر اپنے ذاتی پروڈکشن ہاؤس کے بینر تلے سیریل بنانے کا اعلان کر دیا
بھارتی میڈیا کے مطابق عائشہ ٹاکیہ اور فرحان اعظمی 2009میں شادی کے بندھن میں بندھے تھے،دونوں کا ایک 5سال کا بیٹا میکائل اعظمی بھی ہے، تاہم ہندو لڑکی کی ایک مسلمان سے شادی بھارتی انتہا پسندوں کو ہضم نہ ہوئی اور شادی کے 8سال بعد بھی انہوں نے اس جوڑے کی زندگی میں مشکلات کھڑی کررکھی ہیں ، فرحان اعظمی نے ممبئی پولیس میں شکایت درج کرواتے ہوئے موقف اختیار کیا ہے کہ دو روز قبل انہیں نامعلوم شخص کی جانب سے فون کال موصول ہوئی جس نے انہیں عائشہ سے شادی کرنے پر جان سے مارنے کی دھمکی دی، فرحان نے نامعلوم شخص کے متعلق بتاتے ہوئے کہا کہ اس شخص کا تعلق ممکنہ طور پر راجستھان ہندو سینا کے انتہا پسند گروپ سے ہوسکتا ہے۔
دوسری جانب عائشہ ٹاکیہ نے اس معاملے پر موقف اختیار کرتے ہوئے کہا کہ مجھے نہیں لگتا اس معاملے پر مجھے اپنی رائے پیش کرنے کی کوئی ضرورت ہے کیونکہ میں فرحان کے ساتھ شادی کرکے بہت خوش ہوں اور دوسرے لوگ ہمارے بارے میں کیا سوچتے ہیں اس بارے میں میں کچھ نہیں کہہ سکتی۔

جوہانسبرگ(میڈیا پاکیستان) پاناما کیس کے فیصلے اور وزیر اعظم نواز شریف کی نااہلی پر جنوبی افریقہ بھر میں پاکستان تحریک انصاف کے رہنماﺅں نے جشن منایا،کیک کاٹے اور مٹھائیاں تقسیم کی گئیں۔پاکستان تحریک انصاف کے رہنما چودھری شمریز احمد دھکڑنے کارکنوں اوردوستوں میں مٹھائی تقسیم کی،اسی طرح جنوبی افریقہ منتانہ پریٹوریا کے رہنمااس موقع پر میڈیا سے گفتگو کرتے ہوئے رہنماﺅں نے کہا کہ نواز شریف، ان کے بچوں اور قریبی ساتھیوں کے خلاف پانامہ کیس میں سپریم کورٹ کے فیصلہ کو تاریخی قرار دیتے ہوئے کہا ہے کہ پوری قوم کو اس پر فخر ہونا چاہئے، تکبر پر بالاخر اللہ کی پکڑ ہوتی ہے اور قدرت کی لاٹھی بے آواز ہے۔ آج ثابت ہو گیا ہے کہ ہزاروں افراد کی بجائے پانچ آدمی بھی اللہ تعالیٰ کے بعد ملک کو صحیح سمت کی طرف لے جا سکتے ہیں۔ فیصلہ کا خیرمقدم کرتے ہوئے تحریک انصاف کے رہنماﺅں نے مزید کہا کہ یہ پاکستان کے مستقبل کیلئے نہایت اہم ہے اور اس سے کرپشن فری پاکستان کی ابتدا ہو گئی ہے، فاضل ججوں نے عدلیہ کا وقار مزید بلند کر دیا ہے اور پاکستان کی سیاسی سمت کا بھی تعین ہو گیا ہے اور عدلیہ مخالف لوگوں کے مند بند ہو گئے ہیں جو اپنی انا کی تسکین اور اپنے جرائم پر پردہ ڈالنے کیلئے عدلیہ کو تنقید کا نشانہ بناتے ہیں۔جے آئی ٹی کے ارکان کی بھرپور محنت، حوصلے اور ثابت قدمی کی بھی کھلے دل سے تعریف کرتے ہوئے کہا کہ وہ ہر قسم کی تنقید، الزام تراشی اور دباو¿ کو جس طرح خاطر میں نہیں لائے وہ قابل تحسین ہے۔ یاسین گھمن نے کیک کاٹا اور دوستوں کے ساتھ مل کر نواز شریف کی نا اہلی کا جشن منایا۔

استنبول (میڈیا پاکستان) ترک صدر رجب طیب ایردوآن نے کہا ہے کہ قبلہ اول کے حوالے سے اسرائیل کے مکروہ حربے مسجد اقصیٰ کو مسلمانوں سے چھیننے کی منظم سازس کا حصہ ہیں۔ اسرائیل سوچے سمجھے منصوبے کے تحت قبلہ اول مسلمانوں کے ہاتھ سے چھیننا چاہتا ہے۔

چودھری نثارمیں اتنی اخلاقی جرات نہیں کہ وہ وزارت چھوڑ دیں،معلوم نہیں وزیرداخلہ کوکون سے سرخابی پر لگ گئے ہیں:سعید غنی
غیر ملکی میڈیا کے مطابق استنبول میں حکمران جماعت کے اجتماع سے خطاب کرتے ہوئے ترک صدر نے کہا کہ مسجد اقصیٰ کے نمازیوں کو دہشت گرد قرار دے کراسرائیل اس سازش میں ہے کہ قبلہ اول مسلمانوں کے ہاتھ سے نکل جائے، مگر اسرائیل کے اس طرح کے تمام حربے ناقابل قبول ہیں۔انہوں نے کہا کہ مسجد اقصیٰ کی تقسیم اور اس میں فلسطینیوں کو عبادت سے روکنے کے اسرائیلی حربے کسی صورت میں قابل قبول نہیں ہیں۔ انہوں نے دفاع قبلہ اول اور عالم اسلام کے تمام سلگتے مسائل کے حل کے لیے ملی یکجہتی کی ضرورت پر زور دیا اور کہا کہ قبلہ اول کے دفاع پر عالم اسلام میں کوئی اختلاف نہیں اور پوری مسلم امہ مسجد اقصیٰ اور القدس کی بنیاد پر متحد ہوسکتی ہے ۔

ہرارے(میڈیا پاکستان) زمبابوے میں ایک پادری نے کسی کو قرض دے رکھا تھا لیکن جب وہ قرض خواہی کے لیے اس قرض دار کے گھر گیا تو اس کے ساتھ ایسا شرمناک کام کر دیا گیا کہ کوئی مرد اس کا سوچ بھی نہیں سکتا۔ میل آن لائن کی رپورٹ کے مطابق پادری اس گھر میں گیا تو وہاں 3لڑکیاں21سالہ سینڈرا نکوبے، 23سالہ ریاموہیتسی اور 25سالہ مونگیوی پوفو موجود تھیں۔ ان تینوں لڑکیوں نے پادری کو پکڑ لیا اور اندر لیجا کر اس کے ساتھ جنسی زیادتی کر ڈالی۔

خاتون نے بچے کو اپنا دودھ پلانے کی تصویر فیس بک پر لگادی، لیکن اس میں ساتھ ہی اور کیا شرمناک کام کررہی ہے؟ ایسا کام کہ تصویر نے انٹرنیٹ پر طوفان برپا کردیا، لوگوں کا غصہ آسمان پر جاپہنچا کیونکہ۔۔۔
پولیس نے واقعے کی رپورٹ کیے جانے پر تینوں لڑکیوں کو گرفتار کرکے عدالت میں پیش کر دیا ہے۔ پراسیکیوٹر نے عدالت میں بتایا کہ ”پادری جب گھر پر گیا تو لڑکیوں نے اسے کہا کہ اندر آ کر رقم لے لو۔ جب وہ اندر گیا تو انہوں نے اس پر حملہ کر دیا۔ دو لڑکیوں نے اسے پکڑ کر لٹائے رکھا جبکہ تیسری اس کے ساتھ زیادتی کرتی رہی۔“ رپورٹ کے مطابق لڑکیوں نے عدالت کو بتایا کہ ”یہ پادری علاقے میں خواتین کو برہنہ حالت میں دیکھا کرتا تھا جب وہ نہا رہی ہوتی تھیں۔ منع کرنے پر یہ کہتا کہ میں نیک آدمی ہوں، میرے دیکھنے سے کچھ نہیں ہوتا۔ ہم یہ دیکھنا چاہتی تھیں کہ آیا یہ واقعی نیک ہے اور واقعی خواتین کو برہنہ دیکھ کر اسے کچھ محسوس ہوتا ہے یا نہیں۔ یہ جھوٹ بولتا ہے۔جب ہم نے اسے پکڑا اور چھونا شروع کیا تو فوری طورپراس کے جھوٹ کا پول کھل گیا۔ ہم صرف یہی جاننا چاہتی تھیں، اس کے بعد ہم نے اسے چھوڑ دیا تھا۔ ہم نے اس کے ساتھ زیادتی نہیں کی۔ اس حوالے سے یہ جھوٹ بول رہا ہے۔“

لاہور(میڈیا پاکستان آن لائن ) لاہور چیمبر کے صدر عبدالباسط نے کہا ہے کہ پاکستان معاشی قوت کے طور پر ابھر رہا ہے، جنوبی ایشیا میں پاکستان کا اہم ٹریڈ پارٹنر بن سکتا ہے، چین پاکستان اکنامک کاریڈور میں روس کی دلچسپی خوش آئند ہے، یہ صرف گیم چینجر ہی نہیں بلکہ اس نے ورلڈ آرڈر تبدیل کردیا ہے، اس کی تکمیل کے بعد خطے میں ترقی و خوشحالی کا نیا دور شروع ہوگا۔
ان خیالات کا اظہار انہوں نے آئیگور کولسوو اور الینا ایم خولود پر مشتمل دورکنی روسی وفد سے گفتگو کرتے ہوئے کیا ۔انہوں نے کہا کہ باہمی تجارت بڑھانے کے لیے دونوں ممالک کو سیکٹرز کی مطابقت سے ٹھوس اقدامات اٹھانے چاہئیں۔ پاکستان اور روس کے تاجر مشترکہ منصوبہ سازی کے ذریعے باہمی تجارتی و معاشی تعلقات مستحکم کریں گے۔ عبدالباسط نے کہا کہ کراچی میں سٹیل ملز کے قیام پر پاکستانی قوم روس کی شکرگزار ہے ، یہ سٹیل مل نہ صرف ملک بھر میں سٹیل مصنوعات کی رسد کا اہم ذریعہ ہے بلکہ ملک کی معاشی ترقی میں بھی کردار ادا کررہی ہے۔ اگرچہ دونوں ممالک کے درمیان تجارت کا حجم بڑھ رہا ہے مگر یہ تسلی بخش نہیں لہذا اس سلسلے میں مشترکہ اقدامات اٹھانے کی ضرورت ہے، روس ایک بڑی اور پاکستان کے لیے بہت اہم مارکیٹ ہے پاکستان روس کو ٹیکسٹائل، گارمنٹس، چاول، لیدر مصنوعات، کھیلوں کا سامان اور آلات جراحی اور فارماسیوٹیکل مصنوعات وغیرہ کی برآمد بڑھاسکتا ہے جبکہ روس پاکستان کو پاور ایکویپمنٹ، سٹیل، یوریا اور کیمیکلز بڑی مقدار میں برآمد کرسکتا ہے۔
انہوں نے کہا کہ پاکستان کے آئل اینڈ گیس سیکٹر میں روس کے سرمایہ کاروں کے لیے وسیع گنجائش ہے جس سے انہیں بھرپور فائدہ اٹھانا چاہیے،دونوں ممالک کے تاجروں پر زور دیا کہ وہ فوڈ پراسیسنگ، آئل، گیس، معدنیات، توانائی، انجینئرنگ، آٹوموبیل اور انڈسٹریل کیمیکلز سمیت دیگر شعبوں میں مشترکہ منصوبہ سازی کا آغاز کریں۔