Category انٹرنیشنل

نئی دہلی (میڈیا پاکستان آن لائن )بھارتی نائب آرمی چیف لیفٹیننٹ جنرل سراتھ چند نے اعتراف کرتے ہوئے کہاہے کہ پاکستانی اسلحہ ساز فیکٹریاں بھارت کی نسبت کئی گنا بہتر ہیں اور پاکستان بھارت سے زیادہ اسلحہ دنیا میں فروخت کرتاہے ۔
ایکسپریس ٹریبون کے مطابق نئی دلی میں کانفرنس سے خطاب کے دوران بھارتی نائب آرمی چیف لیفٹیننٹ جنرل ساراتھ چند نے کہا کہ پاکستانی دفاعی سازوسامان کی صنعت نہ صرف بھارت سے بہتر ہے بلکہ پاکستان بھارت سے زیادہ دفاعی سامان ایکسپورٹ کرتا ہے۔ جنرل ساراتھ چند نے کہا کہ بھارتی دفاعی واسلحہ ساز کمپنیاں اس قابل نہیں کہ وہ تیزی سے بدلتی ہوئی ٹیکنالوجی کے ساتھ چل سکیں بلکہ بھارت کا کسی کے بھی ساتھ کوئی مقابلہ ہی نہیں ہے۔
پاکستان کی دفاعی سازوسامان میں برتری کو تسلیم کرتے ہوئے جنرل ساراتھ چند نے کہا کہ پاکستان اسلحہ سازی کے میدان میں بھارت سے بہت آگے ہے جب کہ بھارتی دفاعی صنعتوں میں تحقیق اور ترقی کا عمل تقریباً نہ ہونے کے برابر ہے، یہاں تک کہ بھارتی دفاعی صنعتیں باہر ممالک سے درا?مد شدہ سامان کو جوڑنے میں بھی ناکام ہوئی ہیں جب کہ اس کی وجہ احتساب کا نہ ہونا ہے۔

ممبئی (میڈیا پاکستان آن لائن) خواتین کو نرم و نازک تصور کیا جاتا ہے بالخصوص اداکاراؤں کو تو کچھ زیادہ ہی نازوں پلی گردانا جاتا ہے لیکن اب بالی ووڈ اداکارہ کترینہ کیف نے بغیر ہاتھوں کو استعمال کیے پش اپس لگا کر اس تصور کو بدل کر رکھ دیا ہے۔
بالی ووڈ اداکارہ ان دنوں موروکو میں دبنگ خان کے ساتھ ٹائیگر زندہ ہے فلم کی شوٹنگ میں مصروف ہیں، جہاں سے وہ سوشل میڈیا پر اپنے خوشگوار لمحات کی یادوں میں مداحوں کو بھی شریک کرتی رہتی ہیں۔ خوشگوار لمحات کی ایک ایسی ہی ویڈیو کترینہ کیف نے سوشل میڈیا پر شیئر کی ہے جس میں انہیں پش اپس لگاتے ہوئے دیکھا جا سکتا ہے۔ ویڈیو میں دیکھا جا سکتا ہے کہ کترینہ کیف پہلے عام روٹین کی طرح پش اپس لگاتی ہیں اس کے بعد صرف ایک ہاتھ سے یہی عمل دہراتی ہیں اور بعد میں وہ دونوں ہاتھ کمر پر رکھ لیتی اور پش اپس لگانا شروع کر دیتی ہیں۔
جن لوگوں نے بھی کترینہ کی یہ ویڈیو دیکھی وہ سب حیران رہ گئے لیکن جن لوگوں نے اس ویڈیو کو آخر تک دیکھا تو وہ مزید حیران ہو گئے کیونکہ کترینہ کیف کے پش اپس درحقیقت جعلی تھے۔ ویڈیو کے اختتام پر دیکھا جا سکتاہے کہ اداکارہ لکڑی کے ایک تختے پر لیٹی ہوئی ہیں اور ان کی پشت کی طرف کھڑا ایک شخص اس تختے کو اوپر نیچے کرتا ہے جس سے یونہی لگتا ہے کہ اداکارہ بغیر ہاتھوں کے پش اپس لگا رہی ہیں۔

ریاض( میڈیا پاکستان آن لائن) سعودی شہزادہ عبدالعزیز عہدے سے ہٹائے جانیوالے نائب ولی عہد محمد بن نائف کے حق میں کھڑا ہوگیا اور مشورہ دیا ہے کہ کسی نے آپ کی کچھ مدد نہیں کرنی ، اللہ تعالیٰ سے رجوع کریں اور صدق دل سے مدد مانگیں تو آپ کو مایوسی نہیں ہوگی ۔
شاہ فہد کے صاحبزادے عبدالعزیز نے سلسلہ وار ٹوئیٹس میں محمد بن نائف کادفاع کیا اور ’محمد بن نائف کو نقصان نہ پہنچائیں‘ کے ٹیگ کیساتھ سابق نائب ولی عہدکو نصیحت بھی کیا کہ اسے کیا کرناچاہیے ۔ عبدالعزیز نے لکھاکہ ’آپ مجھے جانتے ہیں، میں نے آپ کو یا کسی اور کو کبھی دھوکہ نہیں دیا، حتیٰ کہ اگرپوری دنیا ہی آپ کی طرف ہو، کوئی بھی آپ کی مدد نہیں کرسکتا اورآپ یہ دیکھ بھی چکے ہیں، اللہ تعالیٰ سے رجوع کریں اور دل کی گہرائیوں سے اسی سے مدد مانگیں، مایوس نہ ہوں ، اگرآپ نے اللہ تعالیٰ سے صدق دل سے مدد مانگی تو آپ کی فتح ہوگی ۔

واشنگٹن (میڈیا پاکستان آن لائن) امریکی سینیٹ نے صدر ڈونلڈ ٹرمپ کی تمام امیدوں پر پانی پھیرتے ہوئے اوبامہ کیئر بل ختم کرنے کی مخالفت کردی۔ ڈونلڈ ٹرمپ کی اپنی ہی پارٹی کے 9 ارکان نے اوبامہ کیئر کے حق اور ٹرمپ کے نئے ہیلتھ کیئر پلان کی مخالفت میں ووٹ دے دیا۔

فاکس نیوز کے مطابق امریکی سینیٹ میں حکمران جماعت ریپبلکن کے پاس 52 ارکان ہیں جبکہ اپوزیشن پارٹی اور سابق حکمران جماعت ڈیموکریٹس کے 48 ارکان ہیں۔ اوبامہ کیئر بل منسوخ کرنے کیلئے پچاس ووٹ درکار تھے تاہم 9 ریپبلکنز نے بغاوت کردی اور اوبامہ کیئر کی حمایت کردی جس کی وجہ سے ٹرمپ کا نیا ہیلتھ کیئر پلان مسترد ہوگیا۔ بغاوت کرنے والے ریپبلکن ارکان میں سوزان کولنز ، باب کارکر، ٹام کوٹن، لنڈسے گراہم، ڈین ہیلر ، مائک لی، جیری موران، لیزا مرکووسکی اور رینڈ پال شامل ہیں۔
واضح رہے کہ ووٹنگ سے پہلے امریکی صدر ڈونلڈ ٹرمپ نے اپنے ہیلتھ کیئر بل کی مخالفت کرنے والے ارکان کو واضح الفاظ میں سنگین نتائج کی دھمکیاں دی تھیں، انہوں نے کہا تھا کہ ’’ کوئی بھی سینیٹر جو اوبامہ کیئر کے حق اور میرے بل کی مخالفت میں ووٹ ڈالے گا اسے بہت سی مشکلات کا سامنا کرنا پڑے گا‘‘۔
خیال رہے کہ اگر سینیٹ اوبامہ ہیلتھ کیئر بل ختم کرنے کی منظوری دے دیتا تو فوری طور پر ٹرمپ کیئر نافذ ہو جاتا جس میں صحت کی سہولیات کیلئے کچھ زیادہ سخت شرائط رکھی گئی ہیں۔ ٹرمپ کیئر کی پورے امریکہ میں عوامی سطح پر بھی بھرپور مخالفت کی جا رہی تھی کیونکہ اس کا براہ راست اثر مڈل کلاس اور لوئر مڈل کلاس پر پڑنا تھا۔

نیویارک(میڈیا پاکستان) امریکہ میں ایک سکول میں ٹیچر نے 9سالہ بچی کو فحش فلم دیکھتے ہوئے پکڑ لیا۔ جب ٹیچر نے اسے اس بارے پوچھ گچھ کی تو بچی نے ایسا جواب دے دیا کہ سکول انتظامیہ کے پیروں تلے زمین نکل گئی اور اسے فوری طور پر پولیس بلوانا پڑ گئی۔ دی انڈیپنڈنٹ کی رپورٹ کے مطابق اس بچی سے جب ٹیچر نے پوچھا کہ تم یہ فحش فلم کیوں دیکھ رہی ہو تو اس نے بتایا کہ ”میں باپ مجھے رات بھر تنگ کرتا رہتا ہے۔ وہ مجھے سونے نہیں دیتا۔“ بچی کی یہ بات سن کر ٹیچر دہل کر رہ گئی اور پولیس کو اطلاع دے دی۔
یہ واقعہ امریکی ریاست ٹیکساس کے شہر سین انٹونیو میں پیش آیا ہے۔تفتیش میں معلوم ہے یہ بدبخت گزشتہ ایک سال سے اپنی اس معصوم بیٹی کے ساتھ، جب اس کی عمر محض 8سال تھی، یہ کھلواڑ کرتا آ رہا ہے۔ رپورٹ کے مطابق پولیس نے بچی کے باپ 31سالہ انتھونی گیرے کو گرفتار کرکے عدالت میں پیش کر دیا جہاں اس کے خلاف بچی کے ساتھ جنسی جرائم میں ملوث ہونے کا الزام کے تحت مقدمہ چل رہا ہے اور اسے کم از کم 25سال قید کی سزا ہونے کا امکان ہے۔ کیونکہ ٹیکساس میں یہ جرم انتہائی سنگین سمجھا جاتا ہے اور اس کی کم از کم سزا 25سال قید جبکہ زیادہ سے زیادہ 99سال سے عمر قید ہے۔

فیس بک کے مالک مار ک زکربرگ نے ہنی مون کے دوران اٹلی میں میکڈونلڈ کے برگر کھا کر بچت کی، بل گیٹس دنیا کے امیر ترین شخص مگر کلائی میں صرف 10 ڈالرز کی گھڑی، کپڑے خو دھوتے ہیں، رپورٹ

لندن (میڈیا پاکستان)دنیا کے امیر ترین اور کفایت شعار افرادکی فہرست سامنے آگئی ہے جن میں مائیکروسافٹ کے بل گیٹس ، فیس بک کے مالک مارک زکر برگ اور دیگر شامل ہیں ، مارک زکربرگ کے بارے میں انکشاف ہواہے کہ ان کے پاس لگ بھگ 70 ارب ڈالرز کے مالک ہیں اور دنیا کے پانچویں امیر ترین شخص ہیں، ان کے اثاثے اتنے زیادہ ہیں کہ روزانہ ایک نئی فراری گاڑی خرید سکتے ہیں تاہم جب انہوں نے جب انہوں نے شادی کی تو انہوں نے کسی جگہ کا انتخاب کرنے کی بجائے اپنے گھر کے احاطے کو ترجیح دی تاکہ خرچے سے بچا جاسکے، جبکہ ہنی مون کے دوران یہ جوڑا اٹلی میں میکڈونلڈ کے برگر کھا کر بچت کرتا رہا،بل گیٹس دنیا کے امیر ترین شخص ہیں مگر ان کی کلائی میں صرف 10 ڈالرز کی گھڑی ہے، جبکہ کفایت شعاری کے لیے وہ نئے فیشن یا آسان الفاظ میں مہنگے ملبوسات پہننا پسند نہیں کرتے،اسی طرح وہ ہر رات اپنے گھر میں برتن دھونا پسند کرتے ہیں کیونکہ ڈش واشر کو استعمال کرنے سے آخر کار بجلی کا خرچہ جو ہوتا ہے، علی بابا گروپ ہولڈنگ لمیٹڈ کے بانی و چیئرمین جیک ما، چین کے امیر ترین افراد میں سے ایک ہیں مگر نمود و نمائش کے سخت مخالف اور اپنی ذاتی زندگی کو لوگوں کی نگاہوں سے دور رکھنے کے حامی ہیں۔
۔ ایک رپورٹ کے مطابق دنیا میں سرمایہ دارانہ نظام کا غلبہ ہے اور لوگ دن رات دولت کمانے میں صرف کر دیتے ہیں اور امیر بن کر ہر طرح کی پرتعیش زندگی گزارنے کے خواہشمند ہوتے ہیں۔دنیا بھر میں امیر ترین افراد کے پرتعیش طرز زندگی کی داستانیں عام ہیں جیسے ان کی کشتیاں اور بلند و بالا محل سے لے کر ان کے کپڑے، زیورات اور دیگر اشیا سب کچھ مہنگے سے مہنگا ہوتا ہے۔
تاہم ایسے ارب پتی حضرات کی بھی کمی نہیں جو اربوں ڈالرز کے مالک ہونے کے باوجود عام سادہ سی زندگی گزارنے کو ترجیح دیتے ہیں اور ان کو دیکھ کر کسی کو بھی احساس نہیں ہوتا کہ یہ دنیا کے امیر ترین افراد میں سے ایک ہیں۔تو ایسے ہی کچھ افراد کا طرز زندگی جانیے جنھوں نے کروڑوں بلکہ اربوں ڈالرز کمائے ہیں مگر اپنی کفایت شعاری کے ساتھ فلاحی کام کرتے ہوئے زندگی گزارنے کو ترجیح دیتے ہیں۔
مارک زکربرگ لگ بھگ 70 ارب ڈالرز کے مالک ہیں اور دنیا کے پانچویں امیر ترین شخص ہیں، ان کے اثاثے اتنے زیادہ ہیں کہ روزانہ ایک نئی فراری گاڑی خرید سکتے ہیں، مگر فیس بک کے بانی ایک سستی واکس ویگن جی ٹی آئی چلاتے ہیں، جس کی مالیت 30 ہزار ڈالرز ہے۔اسی طرح جب انہوں نے شادی کی تو انہوں نے کسی جگہ کا انتخاب کرنے کی بجائے اپنے گھر کے احاطے کو ترجیح دی تاکہ خرچے سے بچا جاسکے، جبکہ ہنی مون کے دوران یہ جوڑا اٹلی میں میکڈونلڈ کے برگر کھا کر بچت کرتا رہا۔
بل گیٹس دنیا کے امیر ترین شخص ہیں مگر ان کی کلائی میں صرف 10 ڈالرز کی گھڑی ہے، جبکہ کفایت شعاری کے لیے وہ نئے فیشن یا آسان الفاظ میں مہنگے ملبوسات پہننا پسند نہیں کرتے۔اسی طرح وہ ہر رات اپنے گھر میں برتن دھونا پسند کرتے ہیں کیونکہ ڈش واشر کو استعمال کرنے سے آخر کار بجلی کا خرچہ جو ہوتا ہے۔کارلوس سلم میکسیکو کے امیر ترین شخص ہیں مگر اپنی پرانی گاڑی کو خود ڈرائیو کرنا پسند کرتے ہیں تاکہ ڈرائیور کی تنخواہ کے پیسے بچائے جاسکیں۔
اسی طرح اپنے ریٹیل اسٹور پر رکھے سستے ملبوسات خریدتے ہیں جبکہ چالیس سال سے زائد عرصے سے وہ اپنے درمیانے درجے کے گھر میں مقیم ہیں۔ایمانسیو اورٹیگا’زارا’ جیسی دنیا بھر میں مقبول فیشن کمپنی کے ارب پتی مالک انتہائی کفایت شعاری سے زندگی گزارتے ہیں۔وہ نہ صرف ایک سستے اپارٹمنٹ میں اپنی اہلیہ کے ساتھ مقیم ہیں بلکہ اپنی جوانی کے زمانے سے ایک سستے کافی شاپ میں جاکر گرم مشروب پینا پسند کرتے ہیں۔
فیشن کی دنیا میں ان کی کمپنی کا بڑا نام ہے مگر وہ خود عام طور پر انتہائی سادہ قسم کے لباس میں نظر آتے ہیں جبکہ پیسے بچانے کے لیے دوپہر کا کھانا بھی کمپنی کے کیفے ٹیریا میں کھاتے ہیں۔ڈیوڈ کیروٹن امریکا کی اسٹینفورڈ یونیورسٹی کے پروفیسر اور آریسٹا نیٹ ورک کے شریک بانی ہیں، وہ 1998 میں گوگل میں سرمایہ کاری کرنے والے اولین افراد میں سے ایک ہیں، جب دنیائے انٹرنیٹ پر حکمران سرچ انجن کے بانیوں لیری پیج اور سرگئی برن نے اپنے پراجیکٹ کے بارے میں ان سے تذکرہ کیا تھا۔
اس وقت ایک لاکھ ڈالرز کی سرمایہ کاری پروفیسر ڈیوڈ کے بہت کام آئی اور اگرچہ وہ ارب پتی بننے کے خیال کو پسند نہیں کرتے مگر اب ان کے اثاثوں کی مالیت 2.9 ارب ڈالرز تک پہنچ چکی ہے۔تاہم پروفیسر ڈیوڈ نے 2006 میں ایک انٹرویو کے دوران بتایا کہ وہ پرتعیش طرز زندگی کے خلاف ہیں اور جو لوگ درجنوں باتھ رومز کے ساتھ محل نما گھر تعمیر کرتے ہیں اور دیگر لگژری اشیا کو ترجیح دیتے ہیں، ان کے اندر کچھ نہ کچھ غلط ہوتا ہے۔
ارب پتی ہونے کے باوجود یہ پروفیسر اب بھی 1986 کی واکس ویگن ویناگون ڈرائیو کرتے ہیں اور گزشتہ 30 برس سے ایک ہی گھر میں رہتے آرہے ہیں، یہاں تک کہ اپنے بال بھی خود کاٹتے ہیں اور ٹی بیگز کو بھی کئی کئی بار دوبارہ استعمال کرلیتے ہیں۔تاہم 2012 میں اپنے بچوں کی فرمائش پر مجبور ہوکر انہوں نے ہنڈا اوڈیسے گاڑی خریدی تھی۔جیک ما کی علی بابا گروپ ہولڈنگ لمیٹڈ ایک چینی ای کامرس کمپنی ہے اور اس کے بانی و چیئرمین جیک ما، چین کے امیر ترین افراد میں سے ایک ہیں مگر نمود و نمائش کے سخت مخالف اور اپنی ذاتی زندگی کو لوگوں کی نگاہوں سے دور رکھنے کے حامی ہیں۔
جیک ما کی پرورش چین کے ایک غریب کمیونسٹ گھر میں ہوئی، وہ دو بار کالج میں داخلے کے امتحانات میں ناکام ہوئے اور انہیں درجنوں ملازمتوں سے برطرف کیا گیا۔اب جبکہ وہ چین سمیت دنیا بھر میں ایک معروف شخصیت اور امیر ترین فرد بن چکے ہیں وہ اب بھی چوٹیوں کے اوپر مراقبے اور اپنے گھر میں دوستوں کے ساتھ پوکر کھیل کر لطف اندوز ہوتے ہیں۔ان کے ایک دوست اور کمپنی میں معاون چین نے ایک انٹرویو کے دوران بتایا تھا کہ جیک ما کا طرز زندگی بہت سادہ اور متعدل ہے۔
ان کے پسندیدہ مشاغل میں اب بھی ٹائی چی اور کنگفو ناولز پڑھنا ہے اور مجھے نہیں لگتا کہ وہ دنیا کے امیر ترین شخص بن کر بھی بدلیں گے کیونکہ ان کا انداز بدلنے والا نہیں یا وہ پرانی سوچ کے حامل شخص ہیں۔ڈیوڈ کارپ معروف بلاگنگ پلیٹ فارم ٹمبلر کے بانی اور سی ای او ہیں جن کی کمپنی کی مالیت اربوں ڈالرز ہے تاہم اس کے باوجود وہ سادہ طرز زندگی کو ترجیح دیتے ہیں۔
انہوں نے اپنی دولت سے سب سے بڑی عیاشی جو کی وہ نیویارک کے علاقے بروکلین میں 1700 اسکوائر فٹ کا گھر تھا جس کے لیے 16 لاکھ ڈالرز خرچ کیے تاہم اب بھی اس کا آدھا حصہ خالی پڑا ہے۔دلچسپ بات یہ ہے کہ ڈیوڈ اپنی دولت اتنی کفایت شعاری سے خرچ کرتے ہیں کہ ان کے پاس پہننے کے لیے زیادہ کپڑے تک نہیں۔فوربس کو دیے گئے ایک انٹرویو کے دوران ان کا کہنا تھا کہ میرے پاس کوئی کتاب نہیں اور میرے پاس زیادہ کپڑے بھی نہیں۔
ڈیوڈ کے بقول میں ہمیشہ اس وقت حیران رہ جاتا ہوں جب لوگ اپنے گھروں کو ان چیزوں سے بھر لیتے ہیں جن کا کوئی زیادہ فائدہ بھی نہیں ہوتا۔عظیم پریم جی ٹیکنالوجی سروسز فراہم کرنے والی بڑی کمپنی ویپرو کے چیئرمین عظیم پریم جی بھارت کے دولتمند ترین افراد میں سے ایک ہیں، مگر وہ دولت خرچ کرنے سے نفرت کرتے ہیں۔16.1 ارب ڈالرز کے مالک عظیم پریم عام طور پر فضائی سفر کے دوران سستی ترین کلاس کا انتخاب کرتے ہیں اور ایئرپورٹ سے اپنے دفتر جانے کے لیے آٹو رکشہ لینا پسند کرتے ہیں۔
وہ اپنے دفاتر میں اتنی کفایت شعاری سے کام لیتے ہیں کہ ٹوائلٹ پیپر تک کی مانیٹرنگ کرتے ہیں اور اکثر اپنے ملازمین کو یاد دلاتے رہتے ہیں کہ دفتر سے جانے سے قبل تمام اضافی لائٹس بند کرکے جائیں۔ان کی کمپنی کے ایک عہدیدار کے مطابق عظیم پریم جی نے انکل اسکروج (معروف کارٹون جو بطخ کی شکل کا امیر ترین فرد ہوتا ہی) کو سانتا کلاز جیسا بنا دیا ہے۔
دلچسپ بات یہ ہے کہ عظیم پریم جی چاہیں تو ایک جیٹ طیارہ بھی خرید سکتے ہیں مگر وہ گاڑی تک خریدنے کے روادار بھی نہیں ۔جان کوم واٹس ایپ جیسی کامیاب سوشل میڈیا سائٹ کے بانی جان کوم اب اربوں ڈالرز کے مالک ہیں تاہم آغاز میں وہ بہت غریب تھے۔جان کوم کی پیدائش یوکرائن کے شہر کیف میں ہوئی اور وہ اپنے خاندان کے ہمراہ اس وقت امریکا منتقل ہوئے جب ان کی عمر 16 سال تھی جہاں اس خاندان کو مشکلات کا سامنا کرنا پڑا اور گزر بسر کے لیے حکومتی امداد لینا پڑی۔
جان کوم لڑکپن سے ہی پیسہ بچانے کے عادی تھے اور جب ان کی ویب سائٹ واٹس ایپ کو فروری 2014 میں فیس بک نے 19 ارب ڈالرز کے عوض خریدا تو انہوں نے فیس بک پر دبا ڈالا کہ وہ ان کی بارسلونا جانے والی پرواز سے پہلے معاہدے کرلے۔دلچسپ بات یہ ہے کہ انہوں نے اس پرواز کا ٹکٹ رعایتی اسکیم میں لیا تھا جسے وہ ضائع نہیں کرنا چاہتے تھے۔ٹم کوکایپل کمپنی کے سی ای او ٹم کوک کو کون نہیں جانتا اور اب بھی وہ امریکا کی سیلیکون ویلی کے سب سے زیادہ تنخواہ لینے والے چیف ایگزیکٹو ہیں مگر ان کے طرز زندگی کو دیکھ کر یہ اندازہ لگانا ناممکن ہے کہ وہ کروڑوں ڈالرز کے مالک ہیں۔
ٹم کوک عام لوگوں کی نظروں سے دور رہ کر زندگی گزارنے کو ترجیح دیتے ہیں، انہوں نے اپنے آبائی علاقے میں 19 لاکھ ڈالرز کے عوض گھر خریدنے کے سوا آج تک کسی پرتعیش چیز پر زیادہ رقم خرچ نہیں کی۔ان کا کہنا ہے، میں چاہتا ہوں کہ لوگ مجھے ایسے فرد کے طور پر جانیں جو جہاں سے تعلق رکھتا تھا وہی رہا اور اپنی ذات کو یہاں کے ماحول میں رکھنے سے مجھے ایسا کرنے میں مدد ملے گی، دولت کبھی بھی میرے لیے آگے بڑھنے کا عزم نہیں رہی۔
ٹم کوک نے گزشتہ دنوں یہ اعلان بھی کیا تھا کہ وہ مرنے سے پہلے اپنی دولت کا زیادہ تر حصہ خیراتی اداروں کے نام کردیں گے اور بس اپنے بھتیجے کے تعلیمی اخراجات کو ہی اپنے پاس رکھیں گے۔سرگئی برن گوگل کے شریک بانی سرگئی برن دنیا کے امیر ترین افراد میں سے ایک ہیں اور یہ کہنا کچھ عجیب سا لگے گا کہ متعدد نجی طیاروں کا مالک فرد کفایت شعار ہے مگر حقیقت تو یہ ہے کہ سرگئی برن خود تسلیم کرچکے ہیں کہ انہیں دولت خرچ کرنا پسند نہیں۔
اپنے ایک انٹرویو کے دوران ان کا کہنا تھا کہ اپنے والدین سے میں نے کفایت شعار رہنا سیکھا اور میں متعدد آسائشات کے بغیر بھی بہت خوش ہوں۔انہوں نے کہا کہ وہ موقع بہت دلچسپ ہوتا ہے جب میں پلیٹ میں ایک ذرہ تک چھوڑ کر اٹھنا پسند نہیں کرتا۔ میں اب بھی عام اشیا کی قیمتوں کا جائزہ لیتا ہوں اور خود کو مجبور کرتا ہوں کہ کم سے کم خرچ کروں اگرچہ میں کنجوس نہیں مگر متعدد آسائشات نہ ہونے کے باوجود خود کو خوش باش محسوس کرتا ہوں۔وہ اب بھی رعایتی قیمتوں پر اشیا خریدتے ہیں اور فلاحی کام کرنا پسند کرتے ہیں، 2013 میں انہوں نے اور ان کی (سابقہ) اہلیہ این ووجکیکی نے 219 ملین ڈالرز اس مقصد کے لیے خرچ کیے۔

بیجنگ (میڈیا پاکستان آن لائن) چین نے بھارت کو اب تک کی سب سے سنگین دھمکی دیتے ہوئے کہا ہے کہ پہاڑ کو ہلانا تو آسان ہے لیکن چین کی پیپلز لبریشن آرمی کو ہلانا آسان نہیں ہے۔
چینی وزارت دفاع کے ترجمان ’وو کیان‘ نے ایک پریس بریفنگ کے دوران کہا کہ چینی فوج کی دفاعی صلاحیتوں میں بتدریج اضافہ ہو رہا ہے، اور وہ اچھے طریقے سے اپنی علاقائی سالمیت اور خود مختاری کی حفاظت کر سکتی ہے۔
انہوں نے واضح کیا کہ بھارت کو تمام معاملات تقدیر کے حوالے نہیں کرنے چاہئیں اور احمقوں کی جنت میں نہیں رہنا چاہیے اور مسئلے کے حل کی طرف بڑھنا چاہیے۔ ووکیان کا کہنا تھا کہ چینی فوج نے سکم بارڈر پر ہنگامی اقدامات مکمل کرلیے ہیں جس کے بعد محاصرے اور مشقوں پر زیادہ سے زیادہ توجہ مرکوز کر رہی ہے۔
انہوں نے بھارت کو پیغام دیا کہ ہم بھارت کو کہیں گے کہ اپنی غلطی سدھارنے کیلئے حقیقت پسندانہ اقدامات اٹھائے اور چین کے ساتھ مل کر سرحدوں کو محفوظ بنائے اور امن عمل میں کردار ادا کرے۔
واضح رہے کہ بھارت نے کچھ عرصہ قبل بھوٹان کے کہنے پر سکم بارڈر پر بھاری فوج کے ساتھ چین کے علاقے میں مداخلت کی جس کے بعد سے دونوں ملکوں میں تنازعہ شدت اختیار کرتا جا رہا ہے۔

بیجنگ(میڈیا پاکستان) مایہ ناز کینیڈین گلوکار جسٹن بیبر کا پوری دنیا گھومنے کا خواب ادھورا رہ گیا کیونکہ چینی حکومت نے انہیں ’بداخلاق فنکار‘ قرار دیتے ہوئے چین میں کنسرٹ کرنے پر پابندی عائد کردی۔
غیر ملکی میڈیا کے مطابق ورلڈ ٹوئر کے سلسلے میں ہی جسٹن بیبر نے ملائشیا، ہانگ کانگ، جاپان ، سنگاپور اور دیگر علاقائی ممالک میں شوز کیے، مگر چین کی حکومت نے گلوکار کو ’بداخلاق فنکار‘ قرار دیتے ہوئے ان کے شوز پر پابندی عائد کردی۔بیجنگ میونسپل بیورو آف کلچر نے اپنی ویب سائٹ پر بیان جاری کیا کہ حکومت ایک بداخلاق فنکار کو اپنے ملک میں شو کرنے کی اجازت نہیں دے سکتی ، بیان میں گلوکار کی بداخلاقیاں بیان نہیں کی گئیں۔حکومت کی جانب سے بیان جاری کیے جانے کے بعد جسٹن بیبر کے شائقین نے چینی حکومت سے ان پر پابندی کا سبب بھی پوچھا، مگر کلچر بیورو نے گلوکار پر پابندی کی دیگر وجوہات بتائے بغیر صرف اسے بداخلاق فنکار قرار دیا، اور کہا ایسے فنکار کو ملک میں کنسرٹ کرنے کی اجازت نہیں دی جا سکتی۔

قطیف(میڈیا پاکستان) سعودی پولیس نے قطیف میں فائرنگ کے تبادلے کے بعد 3 مطلوب دہشت گردوں کو ہلاک کردیا۔غیر ملکی خبر رساں ادارے کے مطابق سعودی عرب کے شہر قطیف کے ضلع سیہات میں پولیس نے دہشت گردوں کی موجودگی کی اطلاع پر کارروائی کی تو دہشت گردوں نے ان پر فائرنگ کر دی، پولیس کی جانب سے جوابی کارروائی میں 3 مطلوب دہشت گرد مارے گئے جن کے قبضے سے 3 مشین گنیں، پستول، 10 کلو سے زیادہ بارودی مواد بھی قبضے میں لے لیا گیا۔سعودی حکام کے مطابق ہلاک ہونے والے دہشت گرد پولیس اور کیش وین پر حملوں، اغوا اور ہتھیاروں کی اسمگلنگ میں مطلوب تھے۔

نئی دہلی(میڈیا پاکستان) پاکستان اور بھارت کو ایک دوسرے کا ازلی دشمن کہا یا سمجھا جاتا ہے لیکن یہ بھی حقیقت ہے کہ کبھی یہ دونوں ملک ایک ہوا کرتے تھے۔ آج بھی دونوں ممالک اور ان کے عوام میں بہت سی چیزیں مماثل پائی جاتی ہیں۔ تاہم بعض ایسی چیزیں بھی ہیں جن میں تقسیم کے بعد کوئی ایک ملک آگے بڑھ گیا تو دوسرا پیچھے رہ گیا، لیکن ہم ایک دوسرے کی ان چیزوں پر تو نظر رکھتے ہیں جن میں وہ ہم سے پیچھے رہ گئے مگر وہ چیزیں نہیں دیکھتے جن میں دوسرا ہم سے آگے بڑھ گیا۔ بھارتی اخبار انڈیا ٹائمز نے اپنے ایک آرٹیکل میں پاکستان کی 10ایسی ہی چیزیں بیان کی ہیں جن میں پاکستان بھارت سے آگے ہیں اور بھارت کو پاکستان سے وہ چیزیں سیکھنے کی ضرورت ہے۔ یہ آرٹیکل اگرچہ 2سال قبل شائع ہوا لیکن آپ اسے سدابہار کہہ سکتے ہیں کیونکہ آج بھی اس سے دوسرے ملک کی اچھی چیزوں سے سبق حاصل کرنے کی ترغیب ملتی ہے اور ہمیشہ ملتی رہے گی۔ انڈیا ٹائمز نے لکھا ہے کہ ”پاکستان اقلیتوں سے حسن سلوک میں بھارت سے بہت آگے ہے۔ وہاں ہندوﺅں کو دہشت گرد نہیں کہا جاتا اور وہاں رہنے والے سکھ بھی اسلام کے خلاف بغض نہیں رکھتے۔ ہم پاکستان کے متعلق بہت سی فرضی کہانیاں سنتے ہیں اور افسوس کا مقام ہے کہ ان پر یقین بھی کر لیتے ہیں لیکن حقیقت یہ ہے کہ اقلیتوں سے پاکستان میں جو سلوک کیا جاتا ہے ہمیں اس سے سبق حاصل کرنا چاہیے۔
انڈیا ٹائمز نے پاکستانی عوام کو دنیا کے ذہین ترین لوگ قرار دیتے ہوئے کہا ہے کہ ”ہم بھارتی لوگ پاکستانی کرکٹرز کا اس وقت مذاق اڑاتے ہیں جب ان سے کرکٹ میچ کے آخر پر گفتگو کرنے کے لیے کہا جاتا ہے اور وہ انگریزی نہیں بول پاتے۔لیکن کیا آپ جانتے ہیں کہ پاکستانی قوم دنیا کی چوتھی ذہین ترین قوم ہے؟ انسٹیٹیوٹ آف یورپین بزنس ایڈمنسٹریشن نے 125ممالک پر مشتمل”رائے شماری“ کا اہتمام کیا جس کے نتائج نے ثابت کیا کہ ذہانت میں پاکستان کے لوگ دنیا میں چوتھے نمبر پر آتے ہیں۔ اس پول کے مطابق سائنسدانوں اور انجینئرز کی تعداد کے لحاظ سے پاکستان دنیا کا ساتواں بڑا ملک ہے۔پاکستانی قوم اتنی ذہین کیوں ہے؟ کیونکہ گزشتہ پانچ سالوں میں پاکستان میں شرح خواندگی 250فیصد کی حیران کن رفتار سے بڑھی ہے۔ ہمیں ان دونوں چیزوں میں بھی پاکستان سے سبق حاصل کرنا چاہیے۔“چوتھے نمبر پر انڈیاٹائمز نے پاکستان کے قومی ترانے کو دنیا کا مترنم ترین ترانہ قرار دیتے ہوئے لکھا ہے کہ ”کرکٹ کی وجہ سے ہم پاکستان کے قومی ترانہ اکثر سنتے رہتے ہیں۔ متاثر کن، خوبصورت اور تحریک دینے والی شاعری اور انتہائی مترنم دھن نے پاکستان کے قومی ترانے کو دنیا کا نمبرون ترانہ بنا دیا ہے۔ پاکستان کے پاس ایک ساتھ بہت سارے لوگوں کے قومی ترانہ پڑھنے کا ریکارڈ بھی ہے۔ ہم بھارتیوں کے لیے شرم کا مقام ہے کہ ہم لوگ مل کر اپنا قومی ترانے کا ایک مصرعہ بھی نہیں پڑھ سکتے۔“
انڈیا ٹائمز نے پاکستان کی موسیقی اور ٹی وی ڈراموں کو بھی بہترین قرار دیتے ہوئے لکھا ہے کہ ”ہم بھارتی مانیں یا نہ مانیں لیکن جو صوفی میوزک ہم اکثر گنگناتے ہیں وہ دراصل اسلامی ملک پاکستان کا ہے۔ حتیٰ کہ ہمارے ایم ٹی وی پر جو کوک سٹوڈیو چل رہا ہے یہ بھی ہم نے پاکستانی کوک سٹوڈیو کی نقل کی ہے۔ آپ کو اصلی پاکستانی کوک سٹوڈیو سننا چاہیے، کیونکہ اس میں گائے ہوئے گیت اتنے خوبصورت ہیں کہ ان کی خوبصورتی بیان نہیں کی جا سکتی۔اسی طرح ہمارے ٹی وی ڈراموں کے برعکس پاکستان کے ٹی وی ڈرامے اس قدر جاندار ہوتے ہیں کہ ہم ان سے متاثر ہوئے بغیر نہیں رہ سکتے۔ ان دونوں چیزوں میں بھی ہمیں پاکستان سے سیکھنا چاہیے۔“
انڈیا ٹائمز نے مزید لکھا ہے کہ ”پاکستان میں دنیا کا سب سے بڑا ہاتھ سے لگایا ہوا جنگل ”چھانگا مانگا“ ہے اور دنیا کے کم عمر ترین سول جج کا اعزاز بھی پاکستان کے پاس ہے۔ اس سول جج کا نام محمد الیاس ہے جولاہور کی عدالت میں 1952ءمیں جج تعینات ہوا۔ تب اس کی عمر محض 20سال اور 9ماہ تھی۔ پاکستان کے پاس دنیا کے سب سے بڑے ایمبولینس نیٹ ورک کا اعزاز بھی ہے جس کا نام ایدھی ایمبولینس ہے اور یہ دنیا کا سب سے بڑا ایمبولینس نیٹ ورک ایدھی فاﺅنڈیشن کے زیرانتظام کام کر رہا ہے۔ 10ویں نمبر پر خواتین کے تحفظ میں بھی پاکستان ہم سے بدرجہا بہتر ہے۔ بدقسمتی سے خواتین کے ساتھ جنسی زیادتیوں میں بھارت کا درجہ بہت نیچے ہے۔ اس کے برعکس پاکستان میں خواتین کے تحفظ کی حالت بہت بہتر ہے۔ درحقیقت پاکستانی قوم میں کچھ ایسی سرگرمیاں پائی جاتی ہیں جو وہاں خواتین کی آزادی اور ان کے تحفظ کو یقینی بناتی ہیں۔ ان میں ایک یہ ہے کہ وہاں مرد خواتین کے محافظ کا کردار ادا کرتے ہیں۔ اس حوالے سے بھی ہم مسلم ممالک کے متعلق ایک فرضی کہانی سنتے رہتے ہیں کہ ہر مسلمان ملک میں خواتین کے ساتھ ظالمانہ سلوک کیا جاتا ہے۔ حقیقت یہ ہے کہ پاکستان ان مسلم ممالک میں سے نہیں ہے۔ لہٰذا آئندہ پاکستان میں خواتین کی زبوں حالی پر بات کرتے ہوئے اپنے حقائق درست کر لیں۔ بھارت میں خواتین کے ساتھ جو سلوک روا رکھا جاتا ہے اس سلسلے میں بھی ہمیں پاکستان سے سبق حاصل کرنا چاہیے تاکہ یہاں کی خواتین بھی اسی طرح محفوظ رہ سکیں۔“