Category انٹرنیشنل

ینگون: میانمار کی رہنما آنگ سانگ سوچی کو سرکاری ہیلی کاپٹر کے غلط استعمال پر مزید 7 سال قید کی سزا سنا دی گئی۔غیرملکی میڈیا کے مطابق میانمار کی نوبل انعام یافتہ رہنما آنگ سانگ سوچی کوعہدے ہٹنے کے باوجود سرکاری ہیلی کاپٹر استعمال کرنے پر مزید 7 سال قید کی سزا سنائی گئی۔میانمار کی 77 سالہ رہنما آنگ سانگ سوچی کی حکومت کو گزشتہ سال برطرف کردیا گیا تھا۔ سوچی پر کرپشن
کے متعدد مقدمات ہیں جن میں انہیں مجموعی طور پر 33 سال قید کی سزا سنائی جا چکی ہے۔ آنگ سانگ سوچی کے خاندان والوں اور حامیوں نے الزام عائد کیا ہے کہ فوجی حکومت اس طرح کی سزائیں دے کر سوچی کو ا?ئندہ سال ہونے والے انتخابات میں حصہ لینے سے روکنا چاہتی ہے۔ میانمار کی رہنما ا?نگ سانگ سوچی گزشتہ سال فوجی بغاوت کے بعد سے جیل میں ہیں

بینکک :بینکاک ائیرپورٹ پر پرواز میں دو بھارتی مسافر لڑپڑے۔میڈیا رپورٹ کے مطاسبق یہ واقعہ بینکاک ائیرپورٹ سے کلکتہ جانے والی غیر ملکی پرواز میں پیش ا?یا جس میں دو بھارتی مسافر لڑپڑے اور ایک دوسرے پر مکوں کی برسات کردی۔ایوی ایشن ذرائع کے مطابق یہ واقعہ 28 دسمبر کو پیش ا?یا جس کی ویڈیو سوشل میڈیا پر وائرل ہے۔ویڈیو میں دیکھا جاسکتا ہیکہ فضائی میزبانوں کے روکنے کے باوجود مسافروں کے درمیان دھینگا مشتی ہوئی۔

جوہانسبر گ: جنوبی افریقا میں نسل پرستانہ واقعہ میں سوئمنگ پول میں سیاہ فام بچوں کے نہانے پر جھگڑاہوگیا جہاں 2سیاہ فام بچوں کے آنے پر پہلے تمام لوگ پول سے نکل گئے، پھر بدتمیزی اور تشدد کیا گیا۔ غیر ملکی خبر رساں ادارے کے مطابق واقعہ پر جنوبی افریقا میں شدید غم وغصہ دیکھنے میں آیا جس کے پیش نظر جنوبی افریقی صدر کو نسل پرستی کیخلاف بیان جاری کرنا پڑا۔دوسری جانب افریقی پولیس نے واقعے میں ملوث تین ملزمان کو گرفتار کرلیا۔

نئی دہلی :بھارتی وزیراعظم نریندر مودی کی والدہ ہیرابین مودی 100 سال کی عمر میں انتقال کرگئیں، وہ کئی دنوں سے ہستال میں زیر علاج تھیں۔بھارتی ویب سائٹ کی رپورٹ مطابق نریندر مودی کی والدہ احمد آباد کے ہستال میں زیر علاج تھیں، جہاں گزشتہ رات ان کی طبیعت بگڑ ی، جس کے بعد نریندر مودی ہسپتال پہنچے لیکن کچھ گھنٹوں بعد گزشتہ رات 3 بجے کے قریب ان کی والدہ چل بسیں۔ہیرا بین کی آی رسومات ادا کردی گئیں ہیں۔بھارتی وزیراعظم نے ٹوئٹر پر اپنی والدہ کے انتقال کی تصدیق کرتے ہوئے انہیں خراج عقیدت پیش کیا۔ان کا کہنا تھا کہ ’ماں کی ایک بات ہمیشہ یاد رہے گی کہ ذہانت سے کام لو اور زندگی پاکیزگی کے ساتھ گزارو۔‘نریندر مودی کی والدہ گجرات کے علاقے مہسانا میں 18 جولائی 1923 کو پیدا ہوئیں تھیں، ان کی ایک بیٹے اور چار بیٹے ہیں، نریندر مودی اپنے بہن بھائیوں میں تیسرے نمبر پر ہیں، ہیرا بین مودی نریندر مودی کے چھوٹے بھائی پنکج مودی کے ساتھ گاندھی نگر کے قریب رہائش پذیر تھیں۔ رواں سال اپنی والدہ کی 100ویں سالگرہ کے موقع پر نریندر مودی نے ایک بلاگ لکھا جس کا مضمون ’ماں‘ تھا، انہوں نے کہا کہ ا?ج میں خوشی کے ساتھ بتانا چاہتا ہوں کہ میری والدہ 18 جون کو اپنے سوویں سال میں داخل ہو رہی ہیں،میرے والد اگر آج ہوتے تو وہ بھی گذشتہ ہفتے 100 سال کے ہو چکے ہوتے، 2022 میرے لیے بہت خاص ہے کیونکہ میری والدہ اپنی زندگی کے سال 100واں سال شروع کررہی ہیں اور میرے والد کو 100 سال مکمل ہوگئیہیں۔’انہوں نے اپنی زندگی کے لیے والدین کا شکریہ ادا کرتے ہوئے لکھا کہ ’آج میری زندگی میں جو کچھ ہے، میری شخصیت میں جو بھی اچھا ہے، وہ ماں اور باپ کا دیا ہوا تحفہ ہے۔ آج جب میں دہلی میں بیٹھا ہوں تو کتنا کچھ پرانا یاد آ رہا ہے۔‘ #/s#

برازیلیہ:برازیل کے آئیکون فٹ بالر، تین بار ورلڈ کپس کے فاتح اور دنیا کے مقبول ترین کھیل کے ’ماسٹر مائنڈ‘ سمجھے جانے والے پیلے 82 سال کی عمر میں انتقال کر گئے۔ ذرائع ابلاغ کی رپورٹس کے ان کی بیٹی نے سماجی رابطے کی ویب سائٹ انسٹاگرام پر
موت کی تصدیق کر تے ہوئے اپنے ایک پیغام میں لکھا ’ہم جو کچھ بھی ہیں وہ آپ کی بدولت ہیں، ہم آپ سے بے انتہا پیار کرتے ہیں، ابدی راحت میں رہیں۔پیلے کینسرکے عارضے میں مبتلا تھے۔پیلے کی آخری رسومات پیر اور منگل کو سینٹوس میں ان کے گھر میں ادا کی جائیں گی۔ میڈیا کے مطابق عوام پیلے کو ان کے آبائی شہر کی سڑکوں پر پریڈ کر کے خراج تحسین پیش کرسکیں گے۔پیلے کو 1999 میں عالمی اولمپک کمیٹی کی جانب سے صدی کا بہترین کھلاڑی قرار دیا گیا، پیلے دنیا کی تاریخ کے واحد فٹبالر ہیں جنہوں نے 1958، 1962 اور 1970 کے 3 ورلڈ کپ جیتے۔او ری (دی کنگ) کے نام سے مشہور، کھلاڑی نے 1977 میں ریٹائر ہونے سے قبل اپنے افسانوی شاندار کیریئر میں ایک ہزار سے زیادہ گول کیے۔ان کی صحت تیزی سے گر رہی تھی، وہ گردے کے مسائل اور بڑی آنت کے کینسر سے میں مبتلا تھے، کیموتھراپی کے بعد ستمبر 2021 میں ان کی ا?نت کی سرجری ہوئی۔23 اکتوبر 1940 برازیل کے جنوب مشرقی شہر تریس آرا ئوس میں پیدا ہونے والے پیلیکا اصل نام ایڈسن ارانتیس ڈو نیسکیمینٹو تھا پیلے اپنے غریب خاندان کی کفالت کے لیے سڑکوں پر مونگ پھلی بیچتے ہوئے بڑے ہوئے۔ان کے والدین نے ان کا نام مشہور امریکی موجد تھامس ایڈیسن کے نام پر رکھا۔لیکن جلد ہی ان کا پیلے پڑ گیا، ان کا یہ نام پڑنے کی وجہ واسکو ڈی ساؤ لورینکو جہاں ان کے والد فٹ بالر کھیلا کرتے تھے اس کے ایک گول کیپر بائل کا نام غلط لینے کی وجہ سے پڑا۔پیلے نے اپنے کھیل کے ذریعے 15 سال کی عمر میں دنیا کو حیران کردیا جب انہوں نے سینٹوس کے ساتھ بطور پیشہ ور فٹ بالر کھیلنا شروع کیا، انہوں نے کلب کو کئی ٹائٹل جتوائے جن میں 1962 میں بینفیکا اور 1963 میں اے سی میلان کے خلاف بیک ٹو بیک انٹرکونٹینینٹل کپ بھی شامل تھے۔وہ کھیل کے دوران اپنی ذہانت کی وجہ سے مشہور تھے، انہیں برازیل میں مشہور ’سامبا فٹ بال‘ کھیل میں اپنی شاندار صلاحیتوں کا مظاہرہ کرنے پر ’قومی خزانہ‘ قرار دیا گیا، انہوں نے سینٹوس (1956-74)، برازیل کی قومی ٹیم اور نیویارک کاسموس (1975-77) کے لیے ایک ہزار 363 میچوں میں ایک ہزار 281 گول اسکور کیے۔وہ پہلے عالمی فٹ بال اسٹار تھے جنہوں نے اس کھیل کو بڑے تجارتی پاور ہاؤس میں تبدیل کرنے میں اہم کردار ادا کیا۔پیلے میکسیکو میں ہونے والے 1970 کے ورلڈ کپ میں شہرت اور عظمت کی بلندی پر پہنچے جہاں انہوں نے اس ٹیم میں شاندار کھیل کا مظاہرہ کیا جسے اب تک تاریخ کی سب سے بہترین ٹیم سمجھا جاتا ہے۔ اپنی بیماری کے باعث پیلے پبلک مقامات پر بہت کم نظر ا?تے تھے وہ اکثر واکر یا وہیل چیئر استعمال کرتے تھے۔پیشاب کے انفیکشن کی وجہ سے انہیں کئی بار ہسپتال میں داخل کرایا گیا، 2021 اور 2022 میں بڑی آنت کے کینسر کی وجہ سے زیر علاج رہے لیکن انہوں نے اپنی صحت کے مسائل کو اپنی بہترین حس مزاح پر غالب نہیں ا?نے دیا۔انہوں نے ستمبر 2021 میں بڑی آنت کے کینسر کی سرجری کے بعد انسٹاگرام پر پوسٹ کیا کہ میں اپنے چہرے پر مسکراہٹ کے ساتھ اس میچ کو کھیلوں گا۔وہ 2020 میں دل کا دورہ پڑنے سے اپنے دیرینہ دوست اور حریف میراڈونا کی 60 سال کی عمر میں موت سے سخت مایوس اور متاثرہ ہوئے۔ان کے انتقال پر انہوں نے لکھا دنیا نے ایک لیجنڈ کھو دیا، مجھے امید ہے ایک دن ہم آسمان پر ایک ساتھ فٹ بال کھیلیں گے۔ #/s#

نیو یارک: افغانستان کے سابق صدر حامد کرزئی ک نے کہا کہ بہتر ہے کہ وسیع تر ڈائیلاگ کے ذریعے تمام طبقات پرمشتمل حکومت قائم کی جائے اور آئین بنایا جائے۔ امریکی میڈیا کو دیے گئے ایک انٹرویو میں انہو ں نے کہا کہ وہ افغانستان کو امریکا، روس اور چین کے درمیان اختلافات کا مرکز دیکھنا نہیں چاہتے کیونکہ جو 19 ویں اور20 ویں صدی میں ہوا وہی اب ہوتا نظر آ رہا ہے۔انہوں نے کہا کہ طالبان اور ملک کیلئے یہی بہتر ہے کہ وسیع تر ڈائیلاگ کے ذریعے تمام طبقات پرمشتمل حکومت قائم کی جائے اور آئین بنایا جائے۔انہوں نے کہا کہ طالبان کے سینیئر لیڈرز سے بات ہوتی رہتی ہے، اصولی طورپر طالبان بھی وسیع تر ڈائیلاگ پر متفق ہیں اس لیے وہ پر امید ہیں کہ ایسا ہوگا۔حامد کرزئی نے کہا کہ وہ نہیں چاہتے کہ افغانستان میں حکومت ٹوٹ جائے تاہم نمائندہ حکومت قائم ہونی چاہیے۔ موجودہ صورتحال کی ذمہ داری امریکا اور افغانستان دونوں ہی پرعائد ہوتی ہے۔انہوں نے مطالبہ کیا ہے کہ بائیڈن انتظامیہ افغانستان کے منجمد فنڈز بحال کرے، یہ نہیں ہونا چاہیے کہ دہشتگردی سے بدترین متاثرغریب ترین افراد کی رقم امریکا میں نائن الیون کے متاثرین کو دے دی جائے۔انہوں نے کہا کہ بائیڈن انتظامیہ کو چاہیے کہ وہ افغانستان میں استحکام لائے، دہشتگردی کا خاتمہ کرنے کے نام پر لڑی گئی جنگ حقیقت میں افغان عوام کے خلاف تھی اوراسی لیے انہوں نے طالبان کی حمایت کی تھی۔ان کا کہنا تھا کہافغانستان میں کرپشن کا ذمہ دار امریکہ ہے۔افغان عوام ملکی صورتحال اور سمت پرتشویش کاشکار ہیں، مگر جلد صورتحال بہتر ہوجائے گی۔

واشنگٹن / بیجنگ :کورونا کا خطرہ بڑھنے کے بعد امریکا نے بھی چین پر پابندیاں لگا دیں، اٹلی، جاپان، ملائیشیا، تائیوان اور بھارت کے بعد اب امریکہ نے چین سے آنے والے مسافروں کے حوالے سے سخت اقدامات کیے ہیں۔ دوسری جانب چین نے آئندہ ہفتے سے اپنی سرحدیں دوبارہ کھو لنے کا اعلان کر دیا ۔ غیر ملکی خبر رساں ادارے کے مطابق امریکہ نے چین سے آنے والے مسافروں کے لیے کووڈ ٹیسٹ لازم قرار دے دیا ہے، امریکی محکمہ صحت نے اپنے بیان میں کہا ہے کہ فضائی مسافروں کو روانگی سے دو دن پہلے کورونا ڈ ٹیسٹ کرانا ہوگا، جن لوگوں کا پرواز سے 10 دن پہلے مثبت نتیجہ آئے گا وہ منفی ٹیسٹ کے نتائج کی بجائے کرونا سے صحت یاب ہونے کی دستاویزات فراہم کر سکتے ہیں۔ بیان میں کہا گیا ہے کہ صورتحال کی نگرانی کے ساتھ ضرورت کے مطابق اپنے رد عمل کو ایڈجسٹ کرے گا۔دوسری جانب چین نے اعلان کیا ہے کہ وہ اگلے ہفتے اپنی سرحدیں دوبارہ کھول رہا ہے، بیجنگ کا موقف ہے کہ کورونا وائرس کے قوانین کو ’سائنسی‘ بنیادوں پر لاگو کیا جانا چاہیے لیکن کچھ ممالک اور میڈیا پروپیگنڈا کر رہے ہیں۔جاپان میں گذشتہ سات دنوں کے دوران چین جا کر آنے والے تمام مسافروں کا کووڈ ٹیسٹ کیا جائے گا، جن لوگوں کا ٹیسٹ مثبت آتا ہے اگر ان میں علامات ظاہر ہوں تو سات دن ، نہیں تو پانچ دن کے لیے قرنطینہ کر دیا جائے گا، جبکہ چین آنے اور جانے والی پروازوں کی تعداد بھی محدود رہے گی۔بھارت میں چین اور چار دیگر ایشیائی ممالک سے سفر کرنے والے افراد کو پہنچنے سے پہلے منفی کوویڈ ٹیسٹ کرانا ہوگا۔ مسافروں کو قرنطینہ میں رکھا جائے گا اگر ان میں علامات یا ٹیسٹ مثبت آیا۔

نیو یارک:امریکہ میں جاری برفانی طوفان نے تباہی مچادی۔ شدید برفباری کے باعث مختلف حادثات میں 70 افراد ہلاک ہو گئے۔امریکہ میں برفانی طوفان کے باعث نظام زنگی معطل ہو گیا ہے۔ جبکہ مختلف حادثات میں اموات کی تعداد 70 تک جا پہنچی ہے۔امریکی میڈیا کا کہنا ہے کہ خراب موسم کے باعث امریکا بھر میں ایک لاکھ 22 ہزار گھروں کو بجلی کی فراہمی معطل ہوگئی۔امریکی میڈیا کے مطابق نیویارک کے مغربی علاقے 4 فٹ برف تلے دبے ہیں۔ نیویارک کے شہر بفلو میں لوگوں کو ا?ج بھی گھروں میں رہنے کی ہدایت جاری کی گئی۔ رپورٹ کے مطابق نیویارک کے مغربی علاقوں ا?ج مزید 9 انچ برف پڑنے کا امکان ہے، مغربی نیویارک میں ا?ج درجہ حرارت منفی 2 سے منفی 6 ڈگری تک رہنے کا امکان ہے۔

واشنگٹن اقوام متحدہ کی سلامتی کونسل کی جانب سے افغان خواتین پر عائد پابندیوں پر اظہار تشویش کرتے ہوئیان کے اوپرعائد پابندیاں ختم کرنے کا مطالبہ کیا گیا ہے۔یواین کی سلامتی کونسل کی جانب سے جاری ایک بیان میں کہا گہا ہے کہ افغانستان میں طالبان حکومت کی جانب سے خواتین پر عائد کی گئیں پابندیاں عالمی برادری کی توقعات کی برعکس ہیں۔سلامتی کونسل کی جانب سے کہا گیا ہے کہ یہ پالیسیاں انسانی حقوق اور بنیادی آزادیوں کیاحترام کی راہ میں رکاوٹ ہیں، خواتین کے این جی اوز کے لئے کام کرنے پر پابندی پر بھی تشویش ہے۔سلامی کونسل نے طالبان حکومت سے مطالبہ کیا ہے کہافغانستان میں خواتین کومساوی اور با معنی نمائندگی دے جائے۔ لڑکیوں کے اسکول کھولے جائیں۔خواتین پر لگائی گئی پابندیاں اور اقدامات واپس لیے جائیں۔اقوام متحدہ کے سیکرٹری جنرل انتونیو گوتریس نے کہا کہ خواتین اور لڑکیوں پر پابندیاں بلاجواز ہیں، انہیں ختم کرنا چاہیے۔واضح رہے کہ افغانستان میں طالبان نے خواتین کے این جی اوز کے لئے کام کرنے پر پابندی عائد کر دی ہے جبکہ لڑکیوں کے لئے یونیورسٹیوں اوراسکولوں کے دروازے بھی بند کیے گئے تھے۔

ممبئی :  بھارتی ہندو انتہاپسند حکمران جماعت تونیشا شرما کی خود کشی کو ہندو انتہاپسند حکمران جماعت نے ’لوجہاد‘ کا نتیجہ قرار دے دیا۔ ڈرامے کی شوٹنگ کے سیٹ پر خود کشی کرنے والی اداکارہ تونیشا شرما کے دوست اورساتھی اداکار شیزان خان کو اداکارہ کی والدہ کے الزامات کے بعد گرفتار کرلیا گیا تھا۔ریاست مہاراشٹر میں بی جے پی کے وزیر گریش مہاجن نے ایک بار پھر مسلمان دشمنی کا مظاہرہ کرتے ہوئے تونیشا شرما کی خود کشی کو ’ لو جہاد‘ قرار دیتے ہوئے کہا کہ ہم اس کے خلاف سخت قانون لائیں گے اور تونیشا شرما کے خاندان کو انصاف دلائیں گے۔اسسٹنٹ کمشنر پولیس پہلے ہی اعلان کرچکے ہیں کہ اس معاملے میں ’لو جہاد‘ کا کوئی پہلو سامنے نہیں آیا ہے۔دوسری جانب شیزان خان کی بہنوں شفق ناز اور فلک ناز کا جو خود بھی اداکاری کے شعبے سے وابستہ ہیں سوشل میڈیا پر بیان سامنے آگیا۔ شیزان خان کی بہنوں نے میڈیا اور مداحوں سے مشکل وقت میں انہیں اور تونیشا کے خاندان کو تھوڑا وقت دینے کی اپیل کی۔