Category انٹرنیشنل

ایمسٹر ڈیم (ویب ڈیسک)افغانستان میں طالبان کے قبضے سے بعد وہاں‌ موجود غیرملکیوں کے انخلا کا عمل جلداز جلد مکمل کیا گیا.اسی سلسلے میں نیدرلینڈ کی وزیر خارجہ سگریڈ کاگ نے استعفیٰ دے دیا .تفصیلات کے مطابق افغانستان سے انخلا کے دوران بدنظمی کے باعث نیدرلینڈ حکومت نے اپنی وزیر کارجہ پر تنقید کی جس کے بعد انہوں نے استعفیٰ دے دیا.
غیر ملکی خبر رساں ادارے کے مطابق افغانستان سے انخلا کے دوران پیداہونے والے بحران پر نیدرلینڈ کی وزیر خارجہ سگریڈ کاگ کو ذمہ دار ٹھرایا گیا. نیدرلینڈ کی پارلیمنٹ نے ایک اجلاس کے دوران وزیر خارجہ کے خلاف تحریک پیش کی جس میں ان پر الزام عائد کیا گیا کہ وزیر خارجہ نے غیر ذمے دارانہ رویہ اپنایا جس کی وجہ سے افغان مہاجرین کا انخلا مکمل نہیں ہوسکا۔
وزیر خارجہ سگریڈ کاگ نے اپنے خالف تحریک کے بعد مستعفی ہونے کا اعلان کر دیا.انہوں نے کہا کہ اس بحران کا ذمہ دار یہ ایوان حکومت کو سمجھتا ہے البتہ میں نےاپنی ذمہ داریاں مکمل طور پر ادا کیں تاہم پارلیمنٹ کے فیصلے کے بعد میں بحثیت وزیر نتائج کی ذمہ داری قبول کرتی ہوں اور مستعفیٰ ہونے کا فیصلہ کرتی ہوں۔

افغان آرمی چیف قاری فصیح الدین نے طالبان کی پیشہ ور فوج بنانے کا اعلان کردیا ہے۔ انہوں نے کہا کہ فوج ملک کی سرحدوں کی حفاظت کرے گی جبکہ طالبان کے خلاف لڑنے والوں کے خلاف کارروائی کی جائے گی۔ افغان آرمی چیف نے مزید کہا کہ نئی فوج اہل افسران پر مشتمل ہوگی جن میں گذشتہ حکومت کے فوجی بھی شامل کیے جائیں گے۔
افغان آرمی چیف قاری فصیح الدین کاکہناتھاکہ نسل، مزاحمت اور جمہوریت کے دفاع کے نام پر طالبان کے خلاف لڑنے والوں کے خلاف کارروائی کی جائے گی۔ طالبان نے گذشتہ ہفتے پنجشیر میں مکمل کنٹرول حاصل کرنے کا دعویٰ کیا تھا۔ جبکہ اس اس لڑائی میں شہری ہلاکتوں کی تردید کی تھی۔ ایسے لوگ جنھوں نے تربیت حاصل کی ہے اور پیشہ ور ہیں وہ ہماری نئی فوج میں استعمال ہوسکیں گے۔ ہمیں امید ہے یہ فوج مستقبل قریب میں تشکیل دی جائے گی۔ افغانستان کے ایک مقامی اخبار کے مطابق کابل میں گذشتہ روز ایک اجلاس میں قاری فصیج الدین نے پنجشیر میں طالبان مخالف اتحاد کا ذکر نہیں کیا۔

پیرس (ویب ڈیسک) فرانس حکومت کی جانب سے داعش کے حوالے سے اہم بیان سامنے آیا ہے.تفصیلات کے مطابق فرانس نے داعش صحارا کے سربراہ کو ہلاک کرنے کا دعویٰ کیا ہے۔فرانسیسی صدر ایمانول میکرون نے سماجی رابطے کی سائٹ ٹوئٹر پرصحارا کےسربراہ عدنان ابو ولید کو ہلاک کرنے کی خبر شئیرکی.ٹویٹر پر انہوں نے لکھا کہ فرانسیسی افواج نے ایک آپریشن میں عدنان ابو ولید کو ہلاک کیا ہے.عدنان ابو ولید کی ہلاکت دہشت گردی کے خلاف جنگ میں ایک بڑی اور اہم کامیابی ہے۔اس ٹویٹ کے بعد فرانسیسی وزیر دفاع کی جانب سے بھی ٹوئٹ کی اگیا ہے جس میں انہوں نے لکھا ہے کہ عدنان ابو ولید کی ہلاکت فرانس اور اتحادی ممالک کے لیے بڑی کامیابی ہے .انہوں نے مزید کہا کہ اس لڑائی میں ہلاک یا زخمی ہونے والے فوجیوں کے ساتھ ہماری دعائیں شامل ہیں‌. ان کی قربانیاں رائیگاں نہیں جائیں گی۔

واشنگٹن (ویب ڈیسک)افغانستان میں طالبان کےقبضے کے بعد وہاں حکومت سازی کے معاملات جاری ہیں .دنیا کی نظر اس وقت افغانستان پر ہے کہ اب وہ کیا حکمت عملی اختیار کرتے ہیں‌.اس حوالے سے امریکا کی جانب سے بیانات جاری ہیں .تازہ ترین صورتحال کے مطابق امریکا نے کہا ہے کہ افغانستان کے معاملے پر سب ایک ہی اور درست سمت پر چل رہے ہیں اس بات کو یقینی بنانے کے حوالےسے پاکستانی قیادت رابطے میں ہیں.
امریکی محکمہ خارجہ کے ترجمان نیڈ پرائس کا اس حوالے سے کہنا ہے کہ ہے افغانستان سے حاصل ہونے والے فوائد کا تحفظ سب کے حق میں ہے۔ ان کا مزید کہنا تھا کہ طالبان سے جو توقعات عالمی برادری اور امریکا کو ہیں وہی پاکستان کو بھی ہیں ۔انہوں نے پاکستان کی سیاسی حکمت عملی کی تعریف کرتے ہوئے کہا کہ پاکستان نےہمیشہ تمام دھڑوں پر مشتمل افغان حکومت کی بات کی ہے.پاکستان نے ہمیشہ خواتین اور اقلیتوں کا تحفظ کی بات کی ہے.

چین نے آئندہ 5 سال میں پلاسٹک کی آلودگی پرقابو پانے کیلئے منصوبہ متعارف کرایا ہے جس کا مقصد 2025 تک سفید آلودگی پر مؤثر طریقے سے قابوپانا ہے۔ قومی ترقی واصلاحاتی کمیشن اوروزارت حیاتیاتی ماحول وماحولیات کی طرف سے مشترکہ طورپرجاری ایکشن پلان میں 14 ویں پانچ سالہ منصوبے (2025-2021) کے دوران پلاسٹک کی پیداوار اور استعمال میں کمی،پلاسٹک کے متبادل کی تیاری اورکچرا کنڈیوں میں پلاسٹک کے کچرے کی مقدار اور ماحول میں اس کے اخراج میں کافی حد تک کمی کے تفصیلی اقدامات وضع کیے گئے ہیں۔
پلان کے مطابق 2025 تک ریٹیل،ای کامرس اور ایکسپریس ڈیلیوری جیسے کلیدی شعبوں سے ڈسپوز ایبل پلاسٹک کے بلاجواز استعمال میں زبردست کمی کی توقع ہے۔ ملک میں پلاسٹک کے متبادل جیسے بانس، لکڑی،کاغذ اور ڈی گریڈایبل پلاسٹک کے استعمال کو فروغ دیا جائے گا۔ان اقدامات کے تحت ڈی گریڈایبل پلاسٹک ٹیکنالوجیز پرتحقیق کو فروغ اوراس سے متعلقہ صنعتوں کی منظم ترقی کی حوصلہ افزائی کی جائےگی۔

قندھار (ویب ڈیسک)افغانستان میں طالبان کا قبضہ ہونے کے بعد ملک میں مظاہروں کا سلسلہ جاری ہے.تفصیلات کے مطابق افغانستان میں طالبان کا اصل گڑھ سمجھے جانے والے قندھار میں ان کے خلاف احتجاج و مظاہرے کیے جا رہے ہیں‌.غیرملکی خبر رساں ادارے کے مطابق ہزاروں افراد نے قندھار میں طالبان کے خلاف احتجاج کیا.ان احتجاج اور مظاہروں کے پیچھے اصل وجہ طالبان کی جانب سے قندھار میں شہریوں کو ایک سابقہ فوجی کالونی کو 3 دن میں خالی کرنے کا حکم ہے .اس حکم کے خلاف 3 ہزارسے زائد خاندانوں نے گورنرہاؤس کے سامنے ظاہرے کیے جس میں بچے بڑے تمام عمر کے لوگ شامل تھے۔
احتجاج کے دوران مظاہرین کی جانب سے گورنر ہاؤس کے سامنے سے گزرنے والی اہم شاہراہ کو بلاک کردیا .طالبان کی جانب سے خالی کرائی جانے والی کالونی میں زیادہ تران خاندانوں کا تعلق ہو جوسابقہ فوجی افسران تھے.جن میں کئی ریٹائرڈ جرنیل بھی شامل ہیں۔

روسی صدرولادیمیر پیوٹن کاوزیراعظم عمران خان کوٹیلی فون ۔ دوران گفتگوافغانستان کی صورتحال پر تبادلہ خیال کیا گیا۔ وزیراعظم ہاؤس سے جاری اعلامیے کے مطابق وزیراعظم عمران خان اور صدر پیوٹن نے دوطرفہ تعاون پرتبادلہ خیال کیا۔ وزیراعظم نے علاقائی سکیورٹی، خوشحالی کیلئےافغانستان میں امن واستحکام کی اہمیت کو اجاگر کیا۔
دونوں رہنماؤں نے افغانستان کی تازہ ترین پیش رفت ، دوطرفہ تعاون اور شنگھائی تعاون تنظیم (ایس سی او) میں تعاون پر تبادلہ خیال کیا۔
وزیراعظم نے علاقائی سلامتی اور خوشحالی کے لیے افغانستان میں امن و استحکام کی اہمیت پر زور دیا۔ انہوں نے افغانستان کو انسانی امداد کی فوری فراہمی اور معاشی بحران سے بچانے کی ضرورت پر زور دیا۔وزیراعظم عمران خان نے بین الاقوامی برادری کو افغانستان میں موجودرہنے کی ضرورت پرزور دیا۔ انہوں نے اس بات پر بھی زوردیا کہ افغان عوام کو اس اہم موڑ پر نہیں چھوڑنا چاہیے۔وزیر اعظم نے اس بات پر زور دیا کہ پاکستان اور روس کے درمیان افغانستان کی ابتر صورت حال پر قریبی رابطہ اور مشاورت انتہائی اہمیت کی حامل ہے۔
دوطرفہ تناظر میں وزیر اعظم نے مختلف شعبوں میں بڑھتے ہوئے تعاون پر زور دیا اور مجموعی تعلقات کو مزید اپ گریڈ کرنے کے پاکستان کے عزم کا اعادہ کیا۔ انہوں نے اس بات پر زور دیا کہ تجارت اور سرمایہ کاری اور توانائی کے تعاون کو مضبوط کرنا روس کے ساتھ تعلقات کی بنیاد ہے۔وزیراعظم نے پاکستان گیس پائپ لائن منصوبے کو جلد از جلد عملی جامہ پہنانے کے حکومتی عزم کی بھی اعادہ کیا۔
وزیراعظم نے صدر پیوٹن کو دورہ پاکستان کی دعوت دی ۔ صدر پیوٹن نے وزیراعظم عمران خان کو دورہ روس کی دعوت دی ۔ پاکستان اورروس کےتعلقات اہم علاقائی اوربین الاقوامی اموراوردوطرفہ تعاون پرتبادلہ خیال کیاگیا.دونوں رہنماؤں کا قریبی روابط قائم کرنےپراتفاق ۔

واشنگٹن(ویب ڈیسک) امریکی وزیر خارجہ انٹونی بلنکن نے کہا ہے کہ پاکستان عالمی برادری کے مطالبات تسلیم کئے جانے تک طالبان حکومت کو تسلیم نہ کرے۔

امریکی ایوان نمائندگان کی خارجہ امور کی کمیٹی کے اجلاس میں افغانستان سے متعلق بریفنگ کے دوران انٹونی بلنکن نے کہا کہ ہمیں افغانستان سے انخلا کے لیے ایک ڈیڈ لائن وراثت میں ملی تھی لیکن اس کے لیے کوئی منصوبہ نہیں ملا تھا، سابق امریکی صدر ڈونلڈ ٹرمپ کے فروری 2020 میں طالبان کے ساتھ معاہدے اور امریکی فوجیوں کے انخلا کے بعد نائن الیون کے بعد سے طالبان مضبوط ترین فوجی پوزیشن میں تھے جب کہ ہمارے پاس 2001 کے بعد زمین پر سب سے کم تعداد میں فوجی موجود تھے، صدارت کا عہدہ سنبھالتے ہی صدر بائیڈن کو فوری طور پر اس بات کا انتخاب کرنا پڑا کہ وہ افغانستان میں جنگ کا خاتمہ کریں یا اسے مزید بڑھاوا دیں۔
انٹونی بلنکن نے کہا کہ اگر ہم سابق امریکی حکومت کی جانب سے کئے گئے وعدے پر عمل نہ کرتے تو افغانستان میں ہماری افواج اور ہمارے اتحادیوں پر حملے دوبارہ شروع ہو جاتے، بائیڈن انتظامیہ نے افغانستان میں بدترین حالات کے لیے تیاری کر رکھی تھی لیکن ہم یہ سوچ بھی نہیں سکتے تھے کہ امریکی افواج کی موجودگی میں کابل میں مغرب کی حمایت یافتہ حکومت اور اس کی فوج اس طرح پسپا ہوجائے گی۔ اگر 20 سال کے دوران اربوں ڈالر کی امداد، ساز و سامان اور تربیت بھی افغان سکیورٹی فورسز اور حکومت کو مستحکم نہیں کرسکی تو پھر وہاں مزید کیوں رہا جاتا۔
پاکستان کے ساتھ امریکا کے تعلقات پر نظرثانی سے متعلق پوچھے گئے سوال پر امریکی وزیر خارجہ نے الزام عائد کیا کہ ماضی میں پاکستان نے افغانستان میں حکومت کے قیام سے متعلق کئی اقدامات کئے، وہ طالبان کے ارکان خاص طور پر حقانی نیٹ ورک کے رہنماؤں کو پناہ دینے میں ملوث رہا، یہ ہی وہ ملک ہے جو ہمارے ساتھ انسداد دہشت گردی کے مختلف نکات پر تعاون بھی کرتا رہا۔ افغانستان کے حوالے سے پاکستان کے بہت زیادہ مفادات ہیں جن میں سے کچھ ہمارے مفادات سے متصادم ہیں، ہم آئندہ دنوں میں اس بات پر غور کریں گے کہ گزشتہ 20 برسوں میں پاکستان نے کیا کردار ادا کیا ہے اور ہم مستقبل میں پاکستان کا کیا کردار دیکھنا چاہتے ہیں۔

امریکی وزیر خارجہ نے کہا کہ طالبان افغانستان سے جانے کے خواہشمندوں کے محفوظ انخلا ، خواتین، بچیوں اور اقلیتوں کے حقوق کا احترام کریں، پاکستان کو ان مقاصد کے حصول کے لیے عالمی برادری کے ساتھ کھڑا ہونے کی ضرورت ہے۔ پاکستان اس وقت تک افغانستان میں طالبان کی حکومت کو قانونی طور پر تسلیم نہ کرے جب تک وہ عالمی برادری کے مطالبات کو نہ مان لیں۔

کابل(ویب ڈیسک) طالبان حکومت کے وزیر خارجہ مولوی امیر خان متقی سے چین کے ایلچی وانگ یو نے ملاقات کی اور انسانی ہمدردی کی بنیاد پر مالی امداد کا اعلان کیا ہے۔ امارت اسلامیہ افغانستان کے ترجمان ڈاکٹر محمد نعیم نے سماجی رابطے کی ویب سائٹ پر اپنی ٹوئٹ میں بتایا کہ عبوری حکومت کے وزیر خارجہ مولوی امیر اللہ متقی سے افغانستان کے لیے چین کے خصوصی ایلچی وانگ یو نے اہم ملاقات کی۔

ترجمان طالبان کا کہنا تھا کہ ملاقات میں چین کے ایلچی برائے افغانستان وانگ یو نے نئی حکومت کے قیام پر مبارک باد دی اور نیک تمناؤں کا اظہار کیا۔
اس موقع پر چین کے ایلچی نے کورونا ویکسین کی 30 لاکھ خوراکیں اور انسانی ہمدردی کی بنیاد پر ڈیڑھ کروڑ ڈالر کی مالی امداد کی فراہمی سے آگاہ کیا۔
ترجمان طالبان کے مطابق ملاقات کے دوران چین کے خصوصی ایلچی نے افغانستان کے ساتھ انسانی، معاشی، سیاسی تعاون اور تعلقات قائم رکھنے کے عزم کا اعادہ بھی کیا۔
امارت اسلامیہ افغانستان کے وزیر خارجہ مولوی امیر خان متقی نے چین کی مالی امداد پر شکریہ ادا کرتے ہوئے کہا کہ چین اور افغانستان ہمسائیہ ممالک ہیں اور دوطرفہ تعلقات کی ترقی دونوں فریقوں کے مفاد میں ہے۔واضح رہے کہ 8 ستمبر کو چین کے وزیر خارجہ وانگ یی نے پاکستان، ایران اور تاجکستان، ازبکستان اور ترکمانستان کے ہم منصبوں کے ساتھ ویڈیو کانفرنس کے دوران افغان شہریوں کے لیے 3 کروڑ 10 لاکھ ڈالر کی مالی امداد کی پیشکش کی تھی جو غذائی قلت اور کورونا وبا پر خرچ کی جائے گی۔

متحدہ عرب امارات نے متعدد ممالک کے مسافروں کو وزٹ ویزہ آن آرائیول کی سہولت فراہم کرنے کا اعلان کردیا ہے۔ متحدہ عرب امارات کی جانب سے گذشتہ ماہ اگست میں وزٹ ویزوں کا اجرا دوبارہ شروع کرچکا ہے۔
غیرملکی اخبار کے مطابق دنیاکے70ممالک کے مسافردبئی پہنچنےپر ویزہ حاصل کرسکتے ہیں جس میں انہیں 90 دن کا وزٹ ویزہ دیا جائے گا اور ملٹی پل انٹری کی اجازت بھی ہوگی،جن ممالک کے مسافروں کو یہ یہ سہولت فراہم کرنے کا اعلان کیا گیا ہے ان میں ارجنٹائن، آسٹریا، جزائر بہاماس، بارباڈوس، بیلجیئم، برازیل، بلغاریہ، چلی، کولمبیا، کوسٹاریکا، کروشیا، قبرص، جمہوریہ چیک ، ڈنمارک، ال سلواڈور، ایسٹونیا، فن لینڈ، فرانس، جرمنی، یونان، ہونڈراس، ہنگری، آئس لینڈ، اٹلی، کیریبتی، لیٹویا، لیکٹنسٹائن، لیتھوانیا، لکسمبرک، مالدیپ، مالٹا، مونٹی نیگرو، ناروے، نیدرلینڈ، ناورو، پیراگوئے، پیرو سمیت پولینڈ، پرتگال، رومانیہ، روسی فیڈریشن، سینٹ ونسنٹ و گریناڈائنز، سان مارینو، سربیا، سیچلس، سلوواکیہ، سلووینیا، جزائر سلیمان، جنوبی کوریا، اسپین، سویڈن، سوئزرلینڈ اور یوراگوئے شامل ہیں۔

امارات کے حکام کا کہنا ہے کہ اندورا، آسٹریلیا، برونائی، کینیڈا، چین، ہانگ کانگ، چین، جاپان، قازقستان، مکاؤ، چین، ملائشیا، ماریشس، موناکو،نیوزی لینڈ، جمہوریہ آئرلینڈ، سان مارینو، سنگاپور، یوکرین، برطانیہ اور شمالی آئرلینڈ، ریاست ہائے متحدہ امریکہ اورویٹی کن سٹی کے شہریوں کو بھی دبئی آنے کےلیے پہلے سے ویزہ لینے کی ضرورت نہیں ہو گی۔ ان ممالک کے مسافروں کو دبئی انٹرنیشنل ایئرپورٹ پہنچتے ہی 30 دن کا وزٹ ویزہ بنا کسی فیس کے جاری کردیا جائے گا۔