Category جرم وانصاف

لاہور(ایمرا نیوز) لاہور ہائیکورٹ نے زینب کے قاتل عمران علی کی سزائے موت کے خلاف جیل اپیل مسترد کر تے ہوئے ٹرائل عدالت کے فیصلے کی توثیق کر دی،ننھی زینب کے والد امین انصاری نے عدلیہ کا شکریہ ادا کرتے ہوئے کہا ہے کہ انہیں انصاف مل گیا ملزم جلد کیفرکردار تک پہنچے گا۔لاہور ہائیکورٹ کے جسٹس صداقت علی خان اور جسٹس شہرام سرور چوہدری پر مشتمل دو رکنی بینچ نے اپیل کی سماعت کی ،عدالتی سماعت کے موقع پر زینب کے والد حاجی امین عدالت پیش ہوئے، ایڈیشنل پراسیکیوٹر جنرل پنجاب عبدالصمد پراسیکیوشن کی ٹیم کے ہمراہ عدالت میں پیش ہوئے،انہوں نے کہا کہ مجرم عمران نے اعتراف جرم کیا،ڈی این اے رپورٹس اور تمام تر گواہوں اور ثبوتوں کی بناءپر ٹرائل عدالت نے فیصلہ سنایا ملزم کی اپیل ہی قابل سماعت نہیں ،ملزم عمران کے وکیل اسد جمال نے دلائل دیتے ہوئے کہا کہ ٹرائل عدالت نے جلد بازی میں فیصلہ سنایا،فرانزک اور ڈی این اے رپورٹس بدنیتی پر مبنی ہیں ملزم کو میڈیا ٹرائل کے باعث دباو کے تحت سزاءسنائی گئی،ملزم کے وکیل نے استدعا کی کہ انہیں تیاری کے لئے مزید مہلت دی جائے،عدالت نے مجرم عمران کے وکیل اسد جمال کوتیاری کے لئے مہلت دینے سے انکار کر دیا،عدالت نے ریمارکس دیتے ہوئے کہا کہ مجرم نے سزاءمیں کمی کی اپیل دائر کی ہے آپ ملزم کی بریت سے متعلق دلائل نہیں دے سکتے،ٹرائل عدالت کے فیصلے میں موجود خامی کی نشاندہی کریں ٹرائل عدالت کی کاروائی کو چیلنج کرنے کی اجازت نہیں دی جاسکتی،عدالت نے مزید ریمارکس دئیے کہ فیصلہ میرٹ پر ہو تو جلد کئے جانے والے فیصلے پر انگلی نہیں اٹھائی جا سکتی،ڈویژن بنچ نے ٹرائل عدالت کے فیصلے کی توثیق کرتے ہوئے سزاءکے خلاف ملزم علی عمران کی جیل اپیل مسترد کر دی،عدالتی سماعت کے بعد میڈیا سے گفتگو کرتے ہوئے زینب کے والد حاجی امین انصاری نے کہا کہ عدالتی فیصلہ قابل تحسین ہے،عدلیہ نے انہیں انصاف فراہم کیاساتھ دینے والوں کا شکریہ ادا کرتا ہوں،ایڈیشنل پراسیکیوٹر جنرل عبدالصمد نے کہا کہ ملزم کےخلاف جدید ٹیکنالوجی سے مدد حاصل کی گئی،مجرم سات یوم میں سپریم کورٹ میں اپیل دائر کرنے کا حق رکھتا ہے،مجرم کی سزاءپر کیسے عمل درآمد کرنا ہے جائزہ لینا حکومت کا اختیار ہے،انسداد دہشت گردی لاہور کی خصوصی عدالت نے مجرم عمران کو زینب قتل کیس میں جرم ثابت ہونے پرچار مرتبہ سزائے موت، عمر قید، سات سال قید اور 32 لاکھ روپے جرمانے کی سزائیں سنائی تھیں

لاہور (ایمرا نیوز) سیشن کورٹ میں وفاقی وزیر ریلوے خواجہ سعد رفیق کے خلاف اندراج مقدمے کی درخواست پر وکلاءکو بحث کے لیے طلب کرلیا۔تفصیلات کے مطابق ایڈیشنل سیشن جج منور حسین نے آمنہ ملک کی درواست پر سماعت کی۔درخواست گزار نے موقف اختیار کیا کہ خواجہ سعد رفیق نے الحمرا ہال میں خطاب کرتے ہوئے فوج کے کمانڈ کے خلاف بیان دیا تھا۔خواجہ سعد رفیق کے بیان سے ملک دشمن قوتیں خوش ہوئی درخواست گزار نے مزید کہا کہ بیان سے خواجہ سعد رفیق نے عوام کو غرداری پر اکسایا۔وفاقی وزیر کے خلاف تھانہ سول لائن میں درخواست دی تاہم مقدمہ درج نہیں کیا گیا عدالت سعد رفیق کے خلاف مقدمہ درج کرنے کا حکم دے۔عدالت نے کاروائی کرتے ہوئے فریقین کے وکلاءکو بحث کے لیے طلب کرتے ہوئے کیس کی سماعت 24 مارچ تک ملتوی کردی۔

لاہور (ایمرا نیوز)غیرملکی منشیات اسمگلر ماڈل ٹریسا کو سکیورٹی اہلکاروں کی شہر میں میچ کی ڈیوٹی کے باعث عدالت میں پیش نہ کیا گیا۔ایڈیشنل سیشن جج نے غیرملکی ماڈل ٹریسا کو اگلے ہفتے طلب کرلیا۔تفصیلات کے مطابق سیشن عدالت میں  ائیرپورٹ سے بیرون ملک ہیروین اسمگل کرنے کے الزام میں گرفتار ملزمہ ٹریسا کے خلاف کیس کی سماعت ہوئی۔تاہم عدالت کے روبرو غیرملکی ماڈل کو جیل سے سکیورٹی معاملات کی وجہ سے عدالت میں پیش نہ کیا گیا۔جس کی وجہ سے عدالت نے کیس کی سماعت بغیر کاروائی اگلے ہفتے تک کے لیے ملتوی کردی۔غیرملکی ماڈل پر ساڈھے نو کلو ہیروین سمگ کرنے کا الزام تھا۔ملزمہ کا چالان اے این ایف حکام نے عدالت میں جمع کروا رکھا ہے۔

لاہور (ایمرا نیوز) انسداد دہشت گردی کی خصوصی عدالت نے اپنی ہی بھابھی پر تیزاب پھینکنے والے دو ملزمان بھائیوں کوچودہ روزہ  جوڈیشل ریمانڈ پر جیل بھیج دیا۔انسداد دہشت گردی کی خصوصی عدالت کے ایڈمن جج سجاد احمد نے تیزاب گردی کیس کی سماعت کی۔تفتیشی افسر  نے عدالت کو بتایا کہ ملزمان نے گھر کی تقسیم کے تنازعہ پر اپنی ہی بھابھی پر تیزاب پھینک دیا تھا جس سے رانی بی بی کا چہرہ جھلس گیا تھا ۔تفتیشی افسر نے عدالت سے استدعا کی کہ ملزمان سے تفتیش مکمل ہے جوڈیشل ریمانڈ پر جیل بھیجنے کا حکم جاری کیا جائے۔ملزمان سے تفتیش کے لیے  7 دن کا جسمانی ریمانڈ لیا گیا۔عدالت نے  دلائل سننے کے بعد ملزمان صفدر علی اور ارشد علی کو جوڈیشل ریمانڈ پر جیل بھیجنےکاحکم جاری کیا 

لاہور (ایمرا نیوز) ضلع کچہری کی عدالت نے نیشنل ایکشن پلان کے تحت کرایہ داری آرڈیننس کی  خلاف ورزی کرنے والے 3 مجرموں کو 30 ہزار روپے جرمانے کی سزا کا حکم جاری کر دیا۔جوڈیشل مجسٹریٹ عمران اصغر نے کرایہ داری آرڈیننس کیسز کی سماعت کی ۔ عدالت نے نیشنل ایکشن پلان کے تحت کرایہ داری آرڈیننس کی خلاف ورزی کرنے پر 3 ملزمان کو جرمانہ عائد کیا ۔مجرموں کے خلاف تھانہ شیرا کوٹ اور تھانہ سول لائن میں کرایہ داری آرڈیننس کا مقدمہ درج تھا۔ عدالت نے مجرموں شبیر ، ملک زاہد ، اور غلام قادر سمیت 3 مجرموں  کو جرمانے کی سزا سنائی۔پراسیکیوشن نے عدالت میں دلائل دیے کہ نیشنل ایکشن پلان کے تحت کرایہ دار کا اندراج متعلقہ تھانے میں کرایا  جانا ضروری ہے لیکن ملزموں نے کرایہ داروں کا اندراج کرائے بغیر اپنے مکان کرایہ پر دے رکھے ہیں۔ ،  پراسیکیو ٹر نے عدالت سے استدعا کی کہ ملزموں کو قانون کے مطابق سزا دی جائے

لاہور(میڈیا 92نیوز/مانیٹرنگ ڈیسک)آشیانہ ہاﺅسنگ سکینڈل میں گرفتارسابق ڈی جی ایل اے احد چیمہ، شاہد شفیق سمیت دیگر ملزموں کو احتساب عدالت میں پیش کردیا گیا۔دوران سماعت ملزمان اور نیب کے وکلا میں سخت جملوں کاتبادلہ ہوا اس پراحتساب عدالت نے جج نے ریمارکس دیتے ہوئے کہا کہ ایساہو گاتو میں اٹھ کر چلا جاﺅں گا۔تفتیشی افسر نیب نے عدالت کو بتایاکہ احد چیمہ نے اختیارات کا ناجائز استعمال کیا اور شاہد شفیق نے جعلی دستاویزات سے کنٹریکٹ حاصل کئے۔تفتیشی افسر کا کہناتھا کہ دیگر ملزمان نے بھی آشیانہ سکیم میں بے ضابطگیاں کیں، احد چیمہ نے آشیانہ ہاﺅسنگ سکیم میں فراڈ کیا۔مقدمے کی مزیدسماعت جاری ہے۔

لاہور(میڈیا 92نیوز/مانیٹرنگ ڈیسک)لاہور ہائیکورٹ نے زینب قتل کیس کے مجرم عمران کی سزائے موت کیخلاف اپیل خارج کردی۔تفصیلات کے مطابق لاہور ہائیکورٹ کے جسٹس صداقت علی خان پر مشتمل بنچ نے زینب قتل کیس کے مجرم عمران کی سزائے موت کیخلاف اپیل کی سماعت کی۔دوران سماعت مجرم عمران کے وکیل نے دلائل دینے کیلئے مہلت کی استدعاکی۔جسٹس صداقت علی خان نے مہلت کی استدعا مستردکرتے ہوئے کہا کہ زینب کیس کی کارروائی میں تاریخ نہیں دیں گے۔جسٹس شہرام سرور نے ریمارکس دیتے ہوئے کہ مجرم عمران کوڈی این اے میچ ہونے پرپکڑاگیا،1187افرادمیں صرف عمران کاڈی این اے میچ ہوا،عدالت کا کہناتھا کہ مجرم عمران نے سزامیں کمی کی اپیل کی،آپ بریت کی بات کررہے ہیں؟،تفتیش میں ثابت ہو چکا ہے عمران ہی اصل مجرم ہے۔جسٹس صداقت علی نے ریمارکس دیتے ہوئے کہا کہ عدالتیں بروقت فیصلہ کریں توآپ کواعتراض نہیں کرناچاہئے،عدالت نے زینب قتل کیس کے مجرم عمران کی سزائے موت کیخلاف اپیل خارج کردی۔

اسلام آباداسلام آباد (بیورو رپورٹ/میڈیا 92نیوز) ملک بھرمیں 5 سال کے دوران بچوں سے زیادتی کے 17 ہزار 862 واقعات رپورٹ ہونے کا انکشاف ہواہے۔

ایکسپریس نیوزکے مطابق اسپیکرایازصادق کی زیرِصدارت قومی اسمبلی کا اجلاس ہوا، جس میں وزارت انسانی حقوق نے ملک بھرمیں بچوں کے ساتھ جنسی زیادتی سے متعلق رپورٹ پیش کی، یہ رپورٹ اوراس میں موجود اعداو شمارنجی تنظیم سے حاصل کیے گئے تھے۔

وزارت انسانی حقوق نے اپنے تحریری جواب میں ایوان کوبتایا کہ گزشتہ 5 برس کے دوران ملک بھرمیں بچوں سے زیادتی کے 17 ہزار862 واقعات رپورٹ ہوئے۔ لڑکیوں سے زیادتی کے 10 ہزار620 جب کہ لڑکوں سے زیادتی کے 7 ہزار 242 واقعات رپورٹ ہوئے۔

کراچی(کرائم رپورٹر/میڈیا 92نیوز)کراچی کے علاقے منگھوپیر میں غیرت کے نام پر شوہر کو قتل اور بیوی کو زخمی کرنے والے ملزم کوگرفتار کر لیا گیا ہے۔

پولیس کے مطابق گذشتہ روز منگھوپیر میں فائرنگ سے روزی خان نامی شخص جاں بحق ہوگیا جبکہ زینب زخمی ہے۔

پولیس نے قتل کا مقدمہ درج کرکے تفتیش کا آغاز کیا جس پرقتل میں ملوث مرکزی ملزم عبدالغنی کو گرفتار کر لیا۔ گرفتارملزم نے دوران تفتیش بتایا کہ اس نے اپنے کزن مشتاق کے ساتھ مل کرگھر کے دروازے پر دستک دی اور دروازہ کھلتے ہی گھر میں داخل ہوگیا۔

ملزم نے بتایا کہ اس کے پاس پستول اور مشتاق کے پاس چاقو تھا، اس نے روزی خان پر فائر کیاجو اس کے سر میں لگا، دوسری گولی چل نہ سکی تو پھپھو پر چاقوں سے وار کیا۔

ملزم نے مزید بتایا کہ وہ اور اس کا ساتھی واردات کے بعد نادرن بائی پاس کی طرف فرار ہوگئے۔ واردات کے دوران عبدالغنی زخمی ہوگیا تھا جس کے باعث اس کا ساتھی مشتاق اسے معمار کے پولیس تھانے چھوڑ کر فرار ہوگیا۔

پولیس کا کہنا ہے کہ ملزم کے ساتھی مشتاق کی گرفتاری کے لیے چھاپے مارے جا رہے ہیں۔

مقتول روزی خان نے14 ماہ قبل زینب سے پسند کی شادی کی تھی،روزی خان اورزینب کوئٹہ سے بھاگ کر کراچی آگئے تھے۔

ایس ایس پی ویسٹ عمر شاہد حامد کے مطابق روزی خان اور زینب نے گزشتہ سال شادی کی تھی، ابتدائی تحقیقات میں واقعہ ذاتی دشمنی کا نتیجہ لگتا ہے۔

لاہور ( مہدریاض بھٹی/ایمرا نیوز )مسلم لیگ ق کے چیف آرگنائزر محمد بشارت راجہ ان کے بھائی سابق تحصیل ناظم پوٹھوار حامد نواز راجہ، داماد شجاع اقبال راجہ بشارت راجہ کی بھانجیاں و چیئر مین یونین کونسل 86 دھمیال معین سلطان راجہ کی بہنیں سعدیہ سہیل، نادیہ شجاع و دیگر کو نیو ہوپ ویلفئیر آرگنائزیشن کی چئیر پرسن و بشارت راجہ کی اہلیہ سیمل راجہ کی جانب سے فیملی عدالت میں مسلم فیملی لاءآرڈیننس کے سیکشن 5 کی خلاف ورزی کرنے اور مسلم فیملی کورٹ ایکٹ 1964 کے تحت دائر دعوہ جات اور سول دعوے میں فاضل عدالتوں نے طلب کر لیا۔ بشارت راجہ اور انکے بھائی حامد نواز راجہ کو فیملی جج وجیہ خواج نے 19 فروری اور نادیہ شجاع، سعدیہ سہیل ، شجاع اقبال و دیگر کو سول جج عمران اسحاق نے 27 فروری کو طلب کیا ہے۔ فاضل عدالتوں کی جانب سے طلبی کے لئے باقاعدہ سمن جاری کر دئیے گئے ہیں۔یہاں یہ امر بھی قابل زکر ہے کہ مسلم لیگی راہنماوں محمد بشارت راجہ و حامد نواز راجہ کو فیملی جج وجیہ خواج کی عدالت کیجانب سے پہلے بھی طلب کیا گیا تھا مگر عدالتی حکم کے باوجود پیش نہ ہونے پر فاضل عدالت کی جانب سے بذریعہ اخبارات، چسپانگی و سمن بشارت راجہ و حامد نواز راجہ کی طلبی کے احکامات جاری کر دئے گئے ہیں۔