Category جرم وانصاف

لاہور (میڈیا نائن ٹو ڈاٹ ٹی وی ) چیف لیسکو واجد کاظمی کے قابل ضمانت وارنٹ گرفتاری پر چیف لیسکو ہائیکورٹ پیش ہوئے،،چیف لیسکو نے عدالت کو بل درستگی کی یقین دہانی کرائی تو عدالت نے درخواست نمٹا دی۔تفصیلات کے مطابق لاہور ہائیکورٹ کے جسٹس شاہد جمیل خان نے لیسکو چیف واجد کاظمی کے خلاف توہین عدالت کی درخواست پر سماعت کی. عدالت نے سینچری پیپر بورڈ مل کی درخواست پر سماعت کی درخواستگزار مل کی جانب سے موقف اختیار کیا گیا کہ لیسکو کی جانب سے اضافی بل چارجنگ پر عدالت عالیہ سے رجوع کیا..عدالت نے  لیسکو چیف کو درخواست ہر فیصلہ کرنے کا حکم دے چکی ہے.عدالتی حکم کے باوجود لیسکو چیف نے درخواست پر فیصلہ نہیں کیا. توہین عدالت درخواست میں درخواست گزار کی جانب سے موقف اختیار کیا گیا کہ عدالت کے متعدد بار بلانے پر لیسکو چیف نے درخواست پر فیصلہ نہیں کیا. گزشتہ سماعت پر عدالت نے چیف لیسکو کے قابل سماعت ضمانت وارنٹ جاری کیے تھے جو کہ چیف لیسکو کے ہیش ہونے پر عدالت نے وارنٹ واپس لے لیے.چیف لیسکو کی بل کی درستگی کی یقین دہانی پر عدالت نے درخواست نمٹا دی۔ عدالت نے وارنٹ گرفتاری واپس بھی واپس لے لیے۔

لاہور (میڈیا نائن ٹو ڈاٹ ٹی وی )لاہورہائیکورٹ نے ڈائریکٹر واسا شیخ اکرم کے خلاف توہین عدالت درخواست پر ڈی جی واسا، سیکرٹری ہیلتھ اور دیگر فریقین سے جواب طلب کر لیا۔تفصیلات کے مطابق لاہور ہائیکورٹ کے جسٹس شاہد جمیل خان نے چوہدری شاہد کی درخواست پر سماعت کی. درخواستگزار کی جانب سے موقف اختیار کیا گیا کہ سی سی پی او لاہور کے آفس کے باہر چوک میں پر وقت گندگی کا ڈھیر لگا رہتا ہے. چوک نالے کا منظر پیش کرتا ہے.. واسا کی نااہلی کے باعث علاقہ مکین مختلف بیماریوں میں مبتلا ہو رہے ہیں.عدالت چوک کو صفائی ستھرائی کا حکم دے چکی ہے.عدالتی حکم کے باوجود صفائی کا خیال نہیں کیا جا رہا.درخواست گزار نے نشاندہی کی کہ تین دفعہ توہین عدالت کی درخواست دائر کر چکے ہیں لیکن حکم بالا غفلت کا شکار ہے.عدالت ڈائریکٹر واسا کے خلاف توہین عدالت کے تحت کارروائی کا حکم دے.عدالت نے درخواست سماعت کے لیے منظور کرتے ہوئے فریقین کو نوٹس جاری کر دیے عدالت نے درخواست پر مزید کاروائی 5 دسمبر تک ملتوی کردی۔

لاہور(M92)لاہور ہائیکورٹ میں سانحہ ماڈل ٹاو¿ن کی رپورٹ پبلک کرنے کے فیصلے کیخلاف حکومتی اپیل پرسماعت جاری ہے،حکومتی اپیل کی سماعت جسٹس عابد عزیز شیخ کی سربراہی میں فل بنچ سماعت کررہاہے،دوران سماعت سانحہ ماڈل ٹاؤن متاثرین کے وکیل بیرسٹر علی ظفر نے دلائل دیتے ہوئے کہاکہ معلومات تک رسائی کاقانون بنیادی حقوق تصورکیاجاتاہے،جوڈیشل انکوائری رپورٹ عوامی دستاویزہے،شائع کی جائے،انہوں نے کہا کہ رپورٹ شائع ہونے سے ملزمان کے ٹرائل پرکوئی اثرنہیں پڑے گا،رپورٹ کی مدد سے کسی کومجرم نہیں ٹھہرایاجاسکتا،استغاثہ کے وکیل کے دلائل جاری ہے ،ادھرحکومتی وکیل خواجہ حارث فل بنچ کے روبرو پیش نہیں ہوئے۔

لاہور(M92)چیف جسٹس لاہورہائیکورٹ مسٹرجسٹس سید منصور علی شاہ نے پنجاب میں گونگے بہرے بچوں پر تشدد کا نوٹس لیتے ہوئے سپیشل ایجوکیشن کی ہر بس کے ساتھ دو غیرمسلح پولیس اہلکار تعینات کرنے کا حکم دے دیا ہے ۔چیف جسٹس نے اس سلسلے میں عدالتی اوقات کار کے بعد لاہور ہائی کورٹ کے جی او آر کیمپ آفس میں پیش کی جانے والی درخواست پرآئی جی پنجاب پولیس کو حکم دیا ہے کہ گونگے بہرے بچوں کی ہر بس کے ساتھ غیرمسلح دو پولیس اہلکار تعینات کئے جائیں ۔فاضل جج نے حکم دیا ہے کہ آج 17نومبر سے آئی جی پولیس بسوں کے ساتھ غیرمسلح اہلکاروں کی تعیناتی یقینی بنائیں،فاضل جج نے سیالکوٹ کے ڈی پی او، ڈپٹی کمشنر اور سیکرٹری محکمہ سپیشل ایجوکیشن پنجاب کوبھی طلب کرلیا ہے اور انہیں ہدایت کی ہے کہ وہ 4 دسمبر کو حاضر ہوکر رپورٹ پیش کریں ۔عدالت نے چیف سیکرٹری پنجاب سے بھی رپورٹ طلب کرلی ہے ۔گزشتہ شام سید مقداد نقوی ایڈووکیٹ کی انسانی حقوق کی یہ درخواست لے کر جی او آر ون میں ہائی کورٹ کے کیمپ آفس پہنچے تو سکیورٹی اہلکاروں نے انہیں گیٹ پر ہی روک لیا تاہم معاملے کی حساسیت کی اطلاع ملنے پر چیف جسٹس نے درخواست گزار کو اندر بلا لیا، درخواست گزار نے موقف اختیار کیا کہ ڈسکہ میں گورنمنٹ اسپیشل ایجوکیشن سنٹر کے طلباءوطالبات پر سرکاری بس میں تشدد کیا گیا جس کی ویڈیو میڈیا اور سوشل میڈیا پر وائرل ہو گئی، بس کنڈیکٹرز مظہر اور مزمل نے طلباءوطالبات کو تشدد کا نشانہ بنایا، کنڈیکٹرز نے طلباءکو گالیاں دیں اور معصوم طالبات کے بال بھی کھینچے، کنڈکٹرز کے اس اقدام سے گونگے بہرے بچوں میں خوف پھیلا، انہوں نے مزید موقف اختیار کیا کہ گونگے بہرے بچوں پر لاہور میںتشدد کے واقعات پہلے بھی رپورٹ ہو چکے ہیں، گونگے بہرے بچوں پر سرکاری کنڈکٹرز کا تشدد غیرانسانی سلوک ہے، انہوں نے استدعا کی کہ گونگے بہرے بچوں پر تشدد کے واقعات میں ملوث افراد کیخلاف کارروائی کی جائے اور مستقبل میں تشدد روکنے کے لئے خصوصی اقدامات کا حکم دیا جائے، ابتدائی سماعت کے بعد عدالت نے معاملے کا نوٹس لیتے ہوئے آئی جی پولیس کو حکم جاری کیا ہے کہ آج17 نومبر سے پنجاب بھر میں محکمہ سپیشل ایجوکیشن کے طلبا و طالبات کی ہر بس کے ساتھ دو غیرمسلح پولیس اہلکار تعینات کئے جائیں اور عدالتی حکم پر فوری عملدرآمد کو یقینی بنایا جائے، عدالت نے 4 دسمبر کو ڈی پی او سیالکوٹ، ڈپٹی کمشنر اور سیکرٹری محکمہ سپیشل ایجوکیشن کو رپورٹ سمیت ذاتی حیثیت میں پیش ہونے کا حکم دیا ہے۔عدالت نے اس کیس کی مزید سماعت کے لئے4دسمبر کی تاریخ مقرر کی ہے ۔

لاہور (M92) ماڈل ٹاؤن کچہری کے جوڈیشل مجسٹریٹ نے ون ویلنگ اور تیز رفتاری کے مقدمات میں ملوث 40ملزموں کو عدالت میں پیش نہ ہونے پر عدالتی اشتہاری قرار دے دیا ہے۔جوڈیشل مجسٹریٹ محمد رمضان ڈھڈی نے ون ویلنگ اور تیز رفتاری کے مقدمات میں ملوث 40ملزموں کو عدالت میں پیش نہ ہونے پر عدالتی اشتہاری قرار دیتے ہوئے پولیس کو حکم دیا کہ ملزمان کو گرفتار کر کے عدالت میں پیش کیا جائے،لٹن روڈ،اور اچھر پولیس نے ملزمان کے خلاف درج مقدمات کا چلان پیش کیا،پراسیکیوشن کے وکیل نے عدالت کو بتایا کہ ملزمان ون ویلنگ اور تیز رفتاری کے مقدمات میں ملوث ہیں،ملزمان ضمانتیں کروانے کےبعد روپوش ہوچکے ہوئے ہیں،ملزمان کو عدالت کی جانب سے متعدد بار طلبی کے نوٹسز بھی بھجوائے جا چکے ہیں،ملزمان طلبی نوٹسز کے باوجود عدالت میں پیش نہیں ہو رہے ہیں،لہذا ملزمان کے خلاف قانون کے مطابق کارروائی کیا جائے،عدالت نے تمام دلائل سننے کے بعد ملزمان کو اشتہاری قرار دیتے ہوئے ملزمان کے ضامنوں کے خلاف بھی کارروائی کا حکم دے دیا،ملزمان میں ندیم احمد، محمد ارشاد، یعقوب علی، عادل، نوید اشفاق،شفقت رسول، عمر خان، مزمل، محمد نعمان، عرفان علی، کاشف اور نجیب خان سمیت دیگر ملزمان شامل ہیں۔

لاہور (M92) لاہور ہائیکورٹ نے پنجاب کے نائب تحصیلداروں کو اپ گریڈ نہ کرنے کےخلاف درخواست پر محکمہ فنانس سے 24 نومبر کو جواب طلب کر لیا۔ تفصیلات کے مطابق لاہور ہائیکورٹ کے جسٹس جواد حسن نے ارشاد اللہ اور دیگر کی درخواستوں پر سماعت کی جس میں درخواست گزار کی طرف سے موقف اختیار کیا گیا کہ پنجاب کے پٹواریوں اور تحصیلداروں کو اپ گریڈ کر دیا گیا لیکن نائب تحصیلداروں کو اپ گریڈ کرنے کے حوالے سے امتیازی سلوک کیا گیا ہے۔ درخواست میں کہا گیا ہے کہ قانون کے تحت کسی کے ساتھ امتیازی سلوک کی کوئی گنجائش نہیں ہے۔ درخواست میں استدعا کی گئی کہ نائب تحصیلداروں کو میرٹ پر اپ گریڈ کرنے کا حکم دیا جائے۔

لاہور( M92) لاہورہائیکورٹ نے نادرہ کی جانب سے شہری کو شناختی کارڈ جاری نہ کرنے کے خلاف درخواست پر  چیرمین نادرہ کو 30 دن میں فیصلہ کرنے کا حکم دے دیا. تفصیلات کے مطابق لاہورہائیکورٹ کے جسٹس جواد حسن نے اٹلس خان کی درخواست پر سماعت کی. درخواستگزار کی جانب سے ایڈوکیٹ سلیم چوہدری عدالت میں پیش ہوئے اور موقف اختیار کیا کہ درخواستگزار کی 4 ماہ پہلے شناختی کارڈ کی معیاد ختم ہوئی.نادرہ کی جانب سے نیا شناختی کارڈ جاری نہیں کیا جا رہا. درخواستگزار نے موقف اختیار کیا کہ 4 ماہ سے نادرہ آفس کے چکر لگا رہا ہوں. عدالت سے استدعا کی گئی کہ عدالت نادرہ کو نیا شناختی کارڈز جاری کرنے کا حکم دے. عدالت نے درخواست پر چیرمین نادرہ کو درخواست گزار کا موقف سن کر فیصلہ کرنے کا حکم دیتے ہوئے درخواست نمٹا دی

لاہور(M92) پنجاب بھر میں 600 سے   زائد سول ججز کی آسامیوں کے لیے تحریری امتحان کا آغاز ہو گیا تحریری امتحان 15 نومبر سے 22 نومبر تک  لیا جائے گا .تفصیلات کے مطابق 600 سول ججز کی بھرتی کے لیے ساڑھے آٹھ ہزار سے زائد امیدواران امتحان میں حصہ لے رہے ہیں.. پنجاب کے تین بڑے شہروں لاہور راولپنڈی اور ملتان میں امتحانی سنٹرز بنائے گئے ہیں.. پنجاب میں کل 32 امتحانی سنٹرز بنائے گئے ہیں جن میں سے 24 سنٹرز لاہور میں ہیں. لاہور سے کل امیدواران کی تعداد 5036 ہے جن میں سے 1161 خواتین وکلا بھی شامل ہیں.چیف جسٹس سید منصور علی نے امتحانی سنٹر کا دودہ کیا اور انتظامات کو تسلی بخش قرار دیا.تحریری امتحان میں کامیاب  امیدواروں کے انٹرویو لیے جائیں گے اور اسکے بعد کامیاب امیدواران کا اعلان کیا جائے گا…

لاہور(M92) ماڈل ٹاﺅن کچہری کی جوڈیشل مجسٹریٹ افشاں سدرہ نے عدالتی احکامات پرعملدرآمد نہ کرنے پر لاہور کے 7تھانوں اچھرہ، نشتر کالونی، غالب مارکیٹ، جوہر ٹاﺅن ، لٹن روڈ، ٹاﺅن شپ اور کاہنہ کے 26سب انسپکٹرز کی تنخواہ بند کرنے کا حکم جاری کردیا اور سی سی پی او اکاﺅنٹ آفس سے عملدرآمد کی رپورٹ طلب کرلی۔ فاضل عدالت نے چوری، ڈکیتی، شراب برآمد گی، جعلی چیک، ساﺅنڈ ایکٹ کیسز کے ملزموں کے گواہوں کو پیش نہ کرنے پر اچھرہ تھانہ کے سب انسپکٹرز محمد سرور، محمد اسلم، محمد اقبال، خالد پرویز، ذوالفقار علی، محمد جمیل، محمد نواز، رشید احمد اور ثنا اللہ نشتر کالونی تھانہ کے سب انسپکٹر دوست محمد، غالب مارکیٹ تھانے کے سب انسپکٹر محمد جمیل، مقبول احمد اور محمد عنصر، جوہرٹاﺅن تھانے کے سب انسپکٹر محمد یاسین ، لٹن روڈ تھانے کے سب انسپکٹرز نذیر احمد، محمد افضل، عبدالخالق، منظور حسین، اعجاز احمد، واجد، نصیر خان، خلیل احمد اور احمد اصغر،ٹاﺅن شپ تھانے کے سب انسپکٹر محمد اقبال اور محمد ذوالفقار اورکاہنہ تھانے کے سب انسپکٹر رحمت علی اور رشید احمد کی تنخواہ بھی بند کرنے کا حکم جاری کیا۔

لاہور(M92) ممبر پنجاب سروس ٹربیونل کے جج میں یار دلانہ نے عدالتی حکم پر عملدرآمد نہ کرنے پر چیف سیکرٹری پنجاب اور سیکرٹری صحت سے توہین عدالت کی درخواست پر28نومبر کو جواب طلب کرلیا۔ فاضل عدالت میں ایڈیشنل پرنسپل ننکانہ ہسپتال کے ڈاکٹر محمد یعقوب کے وکیل زوہیب عمران ایڈووکیٹ نے موقف اختیار کیا کہ ٹربیونل نے سیکرٹری صحت اورچیف سیکرٹری کو حکم دیا تھا کہ ڈاکٹرمحمد یعقوب کا تبادلہ جو شاہ کوٹ ہسپتال کیا گیا ہے اس کو روک دیں لیکن عدالت کے حکم امتناعی کے باوجود دونوں افسروں نے عدالت کے احکامات پر عملدرآمد نہیں کیا جس سے یہ توہین عدالت کے مرتکب ہوئے ہیں۔ ان کے خلاف توہین عدالت کی کارروائی کی جائے اس پر ٹربیونل نے دونوں افسروں سے 28نومبر کو درخواست کا جواب دینے کےلئے نوٹس جاری کردیا۔