Category لاھور نامہ

لاہور(عمر خالد سے)لاہور ہائیکورٹ بار انتخابات 2018 کےچیئرمین الیکشن بورڈ راجہ جاوید اقبال نے کاغذات نامزدگی جمع کروانے کی تاریخ کا اعلان کر دیا تفصیلات کے مطابق چئیرمین الیکشن بورڈ نے آئندہ انتخابات میں تمام امیدوار کو 3 فروری تک کاغذات نامزدگی جمع کروانے کی ہدایت کی ہے  جبکہ امیدوار کاغذات نامزدگی ہائیکورٹ کے ایڈمن آفس سے حاصل کر سکتے ہیں ہائیکورٹ بار کے سالانہ انتخابات 24 فروری 2018 کو  ہوں گے۔

لاہور(ظہیر الحقسے)لاہور ہائیکورٹ نے عدالتی احکامات کے باوجود پیمرا کے فنڈز اور ان کے استعمال کی تفصیلات فراہم نہ کرنے اور عدالتی احکامات کو نظر انداز کرنے پر توہین عدالت کی درخواست پر پیمرا حکام کو  نوٹس جاری کر دیئے ہیں. ۔ تفصیلات کے مطابق لاہور ہائیکورٹ کی جسٹس عائشہ اے ملک نے جاگ ٹی وی کے فیضان اقبال خان کی توہین عدالت کی  درخواست پر سماعت کی جس میں ایگزیکٹو آفیسر سردار عرفان اشرف اور جنرل مینجر آپریشن محمد طاہر کو فریق بنایا گیا ہے درخواست  میں پیمرا کے فنڈز اور ان کے استعمال کی تفصیلات  فراہم کرنے کے عدالتی احکامات کو نظر انداز کرنے کے اقدام کو چیلنج کیا گیا.  جاگ ٹی وی کی وکیل ربیعہ باجوہ نے نشاندہی کی کہ پیمرا کو ہر سال اپنے مالی معاملات چلانے کیلئے قومی خزانے سے فنڈز  اور غیر ملکی امداد دی جاتی ہے ۔ وکیل نے بتایا کہ چئیرمین پیمرا کو ملنے والی تنخواہ اور مراعات کی تفصیلات بھی مانگی تھی.  قانون کے تحت پیمرا کی ذمہ داری ہے کہ وہ ہر سال اکائونٹس اور ان کے استعمال کے بارے میں رپورٹ مرتب کرے۔ وکیل کے مطابق ہائیکورٹ نے پیمرا حکام کو یہ تفصیلات فراہم کرنے کا حکم دیا لیکن پیمرا نے عدالتی احکامات پر عمل کرنے کے بجائے ٹال مٹول سے کام لے رہے اور تاخیری  حربے استعمال کیے جا رہے ہیں. ربیعہ باجوہ ایڈووکیٹ نے بتایا کہ تمام تر قانونی تقاضے پورے کرنے کے باوجود پیمرا حکام   جان بوجھ کر عدالتی احکامات پر عمل نہیں کیا. ربیعہ باجوہ ایڈووکیٹ کے مطابق پیمرا حکام نہ تو قانونی ذمہ داری پوری کر رہے ہیں اور نہ عدالتی احکامات پر عمل کر رہے ہیں.  وکیل کے مطابق عدالتی احکامات پر عمل نہ کرنا توہین عدالت کے زمرے میں آتا اور ہپیمرا حکام توہین عدالت کے مرتکب ہوئے ہیں جاگ ٹی وی کی وکیل نے استدعا کی کہ عدالتی احکامات کو نظر انداز کرنے پر پیمرا حکام کیخلاف توہین عدالت کی کارروائی عمل میں لائی جائے اور پیمرا کو پابند کیا جائے کہ تمام تر مطلوبہ معلومات فراہم کی جائیں. ہائیکورٹ نے پیمرا کو نوٹس جاری کر دیئے.

لاہور(شیخ مبشر حسین سے)رائے ونڈ روڈ پر واقع سرگودھا کوآپریٹو ہائوسنگ سوسا ئٹی میں ہونے والی بے ضابطگیاں اور بد عنوانیاں محکمہ کوآپریٹو کے انتظامی افسران کی نگاہوں سے اوجھل ،اسسٹنٹ رجسٹرار کے ذاتی مفادات اور سیکریٹری کی پشت پناہی کے خلاف سرگودھا کوآپریٹو ہائوسنگ کے تمام ممبران سراپا احتجاج بن گئے ،فرضی اور من پسند مافیا کو پوزیشن لیٹر جاری کرنے ،ریکارڈ میں ردوبدل کرنے اور سابق لینڈ مافیا کے ساتھ ملکر سوسائٹی کے مفادات کو نقصان پہنچانے مگن سیکریٹری سوسائٹی بائی لاز کی سنگین خلاف ورزی کا مرتکب ہوا ، ریکارڈ غائب کرنے اوربائی لاز کی خلاف ورزی کرنے تک اسسٹنٹ رجسٹرار معظم خان اور کلرک میاں زاہد نا صرف مسلسل سرپرستی کرتے رہے بلکہ حال ہی میں ترقی پانے والے سرکل رجسٹرار جلیل قریشی کی ناتجربہ کاری کا فائدہ اٹھاتے ہوئے ،دونوں اہلکار اعلیٰ افسران چکمہ دینے میں کامیاب ہو گئے ،تفصیلات کے مطابق رائے ونڈ روڈ پر واقع سرگودھا کوآپریٹو ہائوسنگ سوسائٹی کے سیکریٹری مصباح ثنائی کی پلاننگ کے پیچھے اسسٹنٹ رجسٹرار معظم خان کلر ک میاں زاہد اور سوسائٹی کا ریکارڈ غائب کرنے والے اشتہاری ملک جاوید وغیر ہ نکلے ،سوسائٹی کا ریکارڈ اور فائلیں غائب کرنے والے ریاض جعفری ،ملک جاوید گروہ سے تعلق رکھنے والا مصباح ثنائی کے عزائم آخر کار ظاہر ہو گئے ،ریاض جعفری اور ملک جاوید کے عزائم کی تکمیل کرتے ہوئے اسسٹنٹ رجسٹرار معظم خان کلر ک میاں زاہد کی پشت پناہی پر سوسائٹی کا دوبارہ تیار کر دہ ڈوپلیکٹ ریکارڈ محکمہ کوآپریٹو کے آفس سے لے جانے میں کامیاب ہو گیا تو انکشاف ہونے پر مینجمنٹ کمیٹی نے محکمہ کو بتایا کہ ریکارڈ سوسائٹی آفس نہیں پہنچا بلکہ ریکارڈ مصباح ثنائی نے گھر رکھا ہوا ہے خدشہ ہے کہ اشتہاری جاوید ملک کی ایماپر ریکارڈ میں ردوبدل کیا جارہا ہے ،محکمہ کوآپریٹو کے سرکل رجسٹرار فرخ اعوان نے ریکارڈ طلب کرکے محکمہ کی تحویل میں لے لیا مگر اس سنگین بے ضابطگی پر مصباح ثنائی کے خلاف کوئی کارروائی نہ کی ،چند ماہ کے بعد دوبارہ حیران کن انکشافات سامنے آئے کہ مصباح ثنائی اپنے گھر کے ایڈریس سے نیب کے افسران کے ساتھ خط و کتابت کرکے جعلی فائلوں کی ٹرانسفر کے لئے اجازت لینے کی کوشش کر رہا ہے اور

دوسری جانب بہت سے اپنے من پسند افراد کو پوزیش لیٹر بھی جاری کر دیئے ہیں انکشافات منظر عام آنے پر محکمہ کے سرکل رجسٹرار جلیل قریشی نے اسسٹنٹ رجسٹرار معظم خان کو رپورٹ کے لئے کہا تو کلر ک میاں زاہد نے جلیل قریشی کی ناتجربہ کاری کا فائدہ اٹھاتے ہوئے شاطرانہ انداز میں لیٹر کا متن ہی تبدیل کر دیا اور ظاہر کیا کہ مینجمنٹ کمیٹی کو سوسائٹی کے مسائل کے لئے طلب کیا گیا ہے مگر مینجمنٹ کمیٹی کے ارکان نے لیٹر کے جواب میں دو صفحات پر مشتمل پر تحریری شکائت میں مطالبہ کیا کہ مصباح ثنائی نے بائی لاز کی سنگین خلاف ورزی کرتے ہوئے محکمہ جات میں ذاتی حیثیت میں خط لکھ کر ناصرف سوسائٹی کے مفادات کو خطرے میں ڈال دیا ہے بلکہ درجنوں من پسند افراد کو مینجمنٹ کمیٹی کی اجازت کے بغیر ہی پوزیشن لیٹر بھی جاری کر دیئے ہیں اس تحریر شکایائت کے باوجود معظم خان اور میاں زاہد نے سرکل رجسٹرار کی ناتجربہ کاری کا خوب فائدہ اٹھایا اور تمام شکایات کو سول کورٹ کی طرح تاریخوں پر تاریخیں دینی شروع کر دیں دوسری جانب سنگین قسم کے انکشافات بھی ہوئے ہیں کہ معظم خان نے مصباح ثنائی کو گرین سگنل دے دیا ہے کہ آپ کے خلا ف کارروائی کرنے کی بجائے آپ کمپین شروع کریں تاکہ الیکشن کے انعقاد کا اعلان کر دیا جائے ،اشتہاری جاوید ،نیب کی زیر حراست ملزم ریاض جعفری کے عزائم کی تکمیل کے لئے مصباح ثنائی کے ذریعے محکمہ کے اہلکار پوری کوشش کررہے ہیں ،دوسری جانب سوسائٹی کے مینجنگ کمیٹی کے ارکان نے مطالبہ کیا ہے کہ سوسائٹی کے مفادات کو نقصان پہنچانے اور بائی لاز کی سنگین خلاف ورزی پر مصباح ثنائی کو فوری طور پر معطل کیا جائے اور کام سے روکا جائے اور غیر قانونی کئے گئے کام کو ختم کیا جائے.

لاہور (سٹاف رپورٹر/میڈیا 92 ںیوز)
سابق چیئرمین پی سی بی نجم سیٹھی اور ان کی اہلیہ کے خلاف بھی گھیرا تنگ ہو گیا۔ نجم سیٹھی اور ان کی اہلیہ جگنو محسن کےاثاثہ جات کے ریکارڈ کی طلبی۔ ایف بی آر نے نیب کو ریکارڈ پیش کر دیا۔ ایف بی آر نے سال 2010 سے 2018 تک کی تمام تفصیلات جمع کرادیں۔

لاہور (سٹاف رپورٹر/میڈیا 92 ںیوز)
چیمبر آف کامرس اینڈ انڈسٹری کی “آن لائن بزنس رجسٹریشن پورٹل” کی افتتاحی تقریب صوبائی وزرا یمبر عہدیداروں اور دیگر کاروباری شخصیات کی شرکت۔ لاہور چیمبر آف کامرس اینڈ انڈسٹری کی “آن لائن بزنس رجسٹریشن پورٹل” کی افتتاح کر دیا گیا۔ پورٹل کی بدولت چیمبر اراکین کو سہولت میسر آئے گی۔ افتتاحی تقریب میں صوبائی وزرا شیخ علاوالدین عائشہ غوث پاشا صدر لاہور چیمبر طاہر جاوید ملک اور دیگر عہدیدار شریک ہوئے۔ صوبائی وزیر صنعت و تجارت شیخ علاؤالدین نے اس موقع پر خطاب کرتے ہوئے کہا کہ پنجاب صنعتی پالیسی کی تیاری آخری مراحل میں ہے چند ہفتوںمیں پالیسی لاگو کردی جائے گی۔ وزیر خزانہ پنجاب ڈاکٹر عائشہ غوث پاشا نے کہا کہ نجی شعبہ سب سے زیادہ روزگار فراہم کرتا ہے کاروباری سرگرمیوں کی راہ میں حائل رکاوٹیں دور کی جارہی ہیں۔ تقریب میں چئیر مین پی اینڈ ڈی جہانزیب خان سیکرٹری انڈسٹریز ڈاکٹر مجتبیٰ پراچہ چئیر مین پنجاب آئی ٹی بورڈ عمر سیف سمیت کاروباری شخصیات شریک ہوئیں۔

لاہور ( کورٹ پورٹر/میڈیا 92 ںیوز)
گزشتہ روز سیشن کورٹ میں فائرنگ کا افسوسناک واقعہ پیش آیا
جس کے نتیجے میں پولیس اہلکار سمیت 2 افراد جاں بحق ہوئے۔ اس واقعہ کے پیشِ نظر آج سیشن کورٹ میں داخلی اور خارجی راستوں پر پولیس کی بھاری نفری تعینات کردی گئی ہے۔ چیکنگ کا نظام بھی مزید سخت کردیا گیا ہے۔ دوسری جانب ذرائع کے مطابق سیشن جج لاہور کو فائرنگ کے واقعہ کے حوالے سے رپورٹ پولیس تاحال ارسال نہ کرسکی۔

لاہور (سٹاف رپورٹر/میڈیا 92 ںیوز)

خود مختار اور خوشحال پاکستان کی منزل کا حصول ہمارا مشن ہے حکومت کی ٹھوس معاشی پالیسیوں کے باعث معیشت میں نمایاں بہتری آئی ہے

معیشت کو مضبوط بنانے کے حوالے سے حکومت نے موثر اقدامات اٹھائے ہیں ۔ورثے میں ملنے والی بیمار معیشت کی بحالی پاکستان مسلم لیگ(ن) کی حکومت کا عظیم کارنامہ ہے حکومت کی موثر ترقیاتی حکمت عملی کے باعث معاشی و تجارتی سرگرمیوں کو فروغ ملاہے
سرمایہ کاری بڑھنے سے روزگار کے لاکھوں نئے مواقع پیدا ہورہے ہیں چائنہ پاکستان اکنامک کوریڈور پاکستان کی ترقی اور خوشحالی کاعظیم الشان منصوبہ ہے سی پیک کے تحت پاکستان بھر میں بہت سے منصوبے مکمل ہوچکے ہیں

دنیا پاکستان میں منصوبوں کی تیز رفتاری سے تکمیل پر حیران ہے چین پاکستان اقتصادی راہداری کا منصوبہ حقیقی معنوں میں ایک گیم چینجر ثابت ہواہے

سی پیک نے پاکستان میں غیرملکی سرمایہ کاری کے دروازے کھول دیئے ہیں۔سی پیک کے عظیم الشان سرمایہ کاری پیکیج پر چین کے صدر، وزیراعظم اور چینی عوام کے شکرگزار ہیں عظیم دوست چین کا ایسا عظیم تحفہ ہے جسے پاکستان کے عوام کبھی فراموش نہیں کر سکتے ۔ سی پیک کے تحت ہونے والی سرمایہ کاری سے دونوں ممالک کے عوام کے باہمی روابط بھی بڑھے ہیں . ملک و قوم کی تقدیر بدل دیں گے۔
سی پیک ایک اٹل حقیقت بن چکا ہے اور خطے سے دہشت گردی و انتہاپسندی کے خاتمے اور غربت میں کمی لانے کے حوالے سے بھی اہم کردار ادا کریگا۔
اقتصادی راہداری سے اقتصادی و سماجی ترقی کا نیا دور شروع ہوگا، پاکستان تجارتی و معاشی سرگرمیوں کا محور بنے گا۔ سی پیک منصوبہ تاریخ کا دھارا موڑ دے گا ۔

عوام کی ترقی کے مخالفین نے سی پیک کے عظیم منصوبے کو روکنے کی کوشش کی ۔ ذاتی ایجنڈے کی خاطر قومی مفادات کو نقصان پہنچانے والے ملک و قوم کے خیر خواہ نہیں ۔
وزیراعلیٰ پنجاب شہبازشریف نے صوبے کی ترقی کیلئے بے مثال اقدامات کیے ہیں۔وزیراعظم کے مشیر برائے خزانہ مفتاح اسماعیل

مفتاح اسماعیل کا کہنا تھا کہ
پنجاب کی ترقی سب کیلئے رول ماڈل بن چکی ہے شہبازشریف نے انتھک محنت اورمثالی اقدامات سے صوبے کو بدل کررکھ دیا ہے

لاہور (سٹی رپورٹر/میڈیا 92 ںیوز)

پنجاب لینڈ ڈویلپمنٹ کمپنی میں بے ضابطگیاں اور کرپشن ہونے کے خلاف پنجاب اسمبلی میں تحریک التوا جمع

تحریک التوا تحریک انصاف کی سعدیہ سہیل رانا کی جانب سے جمع کرائی گئی پنجاب لینڈ ڈویلپمنٹ کمپنی، آشیانہ ہاوسنگ سوسائٹیز میں بے ضابطگیاں، مبینہ کرپشن قوانین کے برعکس اقدامات سے متعلق مزید کئی انکشافات بے نقاب ہو گئے۔

حکومتی افسروں نے ہی اربوں روپے کے نقصان سے متعلق انکشافات کئے حکومت پنجاب نے پنجاب لینڈ ڈویلپمنٹ کمپنی کے 3 افسرمعطل کر دئیے۔

سی ای او بریگیڈئیر(ر)امجد علی جان کو 28نومبر،چیف انجینئرعارف بٹ یکم جنوری، منیجر فنانس علی وقاص کو 13جنوری کو معطل کیا گیا

پنجاب لینڈ ڈویلپمنٹ کمپنی کے سابق چیف ایگزیکٹو آفیسر کی جانب سے چیف سیکرٹری کو خط تحریر کیا گیا تھا کہ کمپنی کاانٹرنل آڈٹ ، آڈٹ کمیٹی بورڈ موجود ہی نہیں متعدد پراجیکٹس میں کہیں ٹیکس کی ادائیگیاں نہ کی گئیں۔

اس حوالے سے آڈیٹر جنرل نے بھی متعدد اعتراضات اٹھائے یہ بھی انکشاف ہوا کہ 6500اپارٹمنٹس بنانے کا خرچہ ساڑھے 13ارب روپے آتا ہے لیکن جو زمین کی قیمت کاسا ڈویلپرز کو دی گئی وہ تقریباً 20ارب روپے سے بھی زائد ہے۔

لاہور (سٹاف رپورٹر/میڈیا 92 ںیوز)

اورنج ٹرین کے راستے میں آنے والی تاریخی عمارتوں کی مرمت و بحالی تاخیر کا شکار ہونے کے خلاف پنجاب اسمبلی میں تحریک التوا جمع

تحریک التوا تحریک انصاف کی نبیلہ حاکم کی جانب سے جمع کرائی گئی

اورنج ٹرین کے راستے میں آنے والی تاریخی عمارتوں کی مرمت تاخیر کاشکار ہے ۔

صرف بدھو کے مقبرے کی مرمت کا کام مکمل ہوسکا۔ بدھو کے مقبرے کی لینڈ سکیپ کا کام ہونا باقی ہے۔

چوبرجی کی مرمت و بحالی کا کام مکمل نہ ہوسکا۔ 4 میں سے دو میناروں پر مغلیہ طرز کی فریسکو پینٹنگ کا کام ابھی باقی اندرونی حصہ کا کام تاخیر کا شکار ہے۔

زیب النساء اور دائی آنگہ کے مقبرے پر کام ہونا بھی باقی ہے۔

ٹھیکیداروں کی جانب سے کام سست روی کا شکار ہوگیا۔ منصوبہ تاخیر کا شکار ہونے سے اب مارچ کی بجائے جون میں مکمل ہوگا۔

لاہور(کورٹ رپورٹر/میڈیا 92 ںیوز)
سیشن کورٹ میں 2 گروپوں میں تصادم کا افسوسناک واقعہ پیش آیا جس کے نتیجے میں ایک شخص جاں بحق ہوگیا۔ پولیس کی بھاری نفری عدالت کے باہر پہنچ گئی۔
ذرائع کے مطابق لاش کو مردہ خانے منتقل کیا جارہا ہے جبکہ عدالت کو چاروں اطراف سے گھیر لیا گیا ہے۔