Category لاھور نامہ

انسانیت کے لیے اپنی زندگی وقف کرنے والے مشہور سماجی کارکن عبدالستار ایدھی کو آج ہم سے بچھڑے 5 برس بیت گئے لیکن دہائیوں تک انسانیت کی بلاتفریق خدمت کرنے والے ایدھی فاؤنڈیشن کے بانی چیئرمین عبدالستار ایدھی آج بھی ہر پاکستانی کے دل میں زندہ ہیں۔

عبدالستار ایدھی 1928 میں ہندوستان کے علاقے گجرات میں ایک مسلمان تاجر کے گھر پیدا ہوئے اور 1947 میں ہجرت کرکے پاکستان آئے، انہوں نے صرف 5 ہزار روپے سے اپنے پہلے فلاحی مرکز ایدھی فاؤنڈیشن کی بنیاد ڈالی، لاوارث بچوں کے سر پر دستِ شفقت رکھا اور بے سہارا خواتین اور بزرگوں کے لیے مراکز قائم کیے،چھوٹی عمر میں ہی انہوں نے اپنے سے پہلے دوسروں کی مدد کرنا سیکھ لیا تھا، یہ بات آگے کی زندگی میں ایدھی صاحب کے لیے کامیابی کی کنجی ثابت ہوئی۔

عبدالستار ایدھی نے اپنی زندگی کے 65 برس دکھی انسانیت کی خدمت میں گزارے،جس کا آغاز انہوں نے 1951 میں ایک ڈسپنسری قائم کرکے کیا۔ 6 دہائیوں تک انسانیت کی بلاتفریق خدمت کرنے والے ایدھی، انتقال سے قبل تقریباً 20 ہزار بچوں کی سرپرستی کررہے تھے، مرحوم ایدھی نے اپنی آنکھیں عطیہ کر کے مرنے کے بعد بھی دکھی انسانیت کی خدمت کی جس کی وجہ سے 2 افراد کی آنکھوں کو روشنی مل سکی۔

عظیم سماجی رہنما نے اپنی خدمات کا آغاز 1951 میں ایک ڈسپنسری قائم کرکے کیا، عبد الستار ایدھی نے صرف 5000 روپے کے ساتھ اپنا پہلا فلاح و بہبود مرکز قاٗئم کیا اور پھر ایدھی ٹرسٹ قائم کیا، ایدھی فاؤنڈیشن کی ایمبولینس سروس دنیا کی سب سے بڑی ایمبولینس سروس گردانی جاتی ہے جو پاکستان کے ہر شہر میں لوگوں کی خدمت میں مصروف ہے اسی بناء پر عبدالستار ایدھی کو 1997 میں گنیز بک آف ورلڈ ریکارڈ میں دنیا کی سب سے بڑی ایمبولینس سروس کے طور پر شامل کیا گیا۔

ہسپتال اور ایمبولینس خدمات کے علاوہ ایدھی فاؤنڈیشن نے کلینک، زچگی گھر، پاگل خانے، معذوروں کے لیے گھر، بلڈ بینک، یتیم خانے، لاوارث بچوں کو گود لینے کے مراکز، پناہ گاہیں اور سکول کھولے،پاکستان کے علاوہ ایدھی فاؤنڈیشن دنیا کے دیگر کئی ممالک میں بھی دکھی انسانیت کی خدمت سرانجام دے رہی ہے۔

عبدالستار ایدھی گردوں کے عارضے میں مبتلا تھے اور علالت کے باعث 8 جولائی 2016 کو خالق حقیقی سے جاملے،عبدالستار ایدھی کو ان کی خدمات کے اعتراف میں مکمل سرکاری اعزاز کے ساتھ سپرد خاک کیا گیا،حکومت پاکستان نے انہیں بعد از مرگ نشانِ امتیاز سے بھی نوازا،عظیم شخصیت کے اعزاز میں اسٹیٹ بینک آف پاکستان نے 50 روپے مالیت کا سکہ بھی جاری کیا۔

شہر میں قائم پناہ گاہوں سے متعلق ایک اور سروے رپورٹ تیار، حکومتی ادارہ مانیٹرنگ اینڈ ایولوایش نے سروے رپورٹ حکومت کو پیش کردی۔ رپورٹ میں پناہ گاہوں کےاندر ڈرگز کا استعمال جبکہ ایکسپائر ادویات کی موجودگی کا بھی انکشاف کیا گیا ہے۔

پناہ گاہوں میں سہولیات سے متعلق کیے گئے سروے میں حکومتی ادارہ مانیٹرنگ اینڈ ایولوایش نے اپنی رپورٹ میں لکھا ہے کہ پناہ گاہوں میں ڈرگز بھی لائی جارہی ہیں۔ رپورٹ کے مطابق نے سروے میں 9.6 فیصد لوگوں نے پناہ گاہوں کے اندر ڈرگز لے جانے کی نشاہدہی کی۔ رپورٹ میں پناہ گاہوں میں قائم ڈسپنسریز میں ایکسپائر ادویات کی موجودگی کا بھی کا انکشاف کیا گیا ہے۔ سبزی منڈی کے قریب پناہ گاہ میں آگ بجھانے والے آلات بھی ایکسپائر ہوچکے ہیں۔

سبزی منڈی پناہ گاہ میں لوگوں کے لیے واٹر کولر بھی فنکشنل نہیں ہے۔ رپورٹ میں پناہ گاہوں میں مقیم لوگوں سے متعلق بھی سروے کیا گیا جس میں زیادہ تر رکشہ ڈارئیور قیام کرتے ہیں۔ رپورٹ میں کہا گیا ہے کہ پناہ گاہوں میں آنے والے افراد کھانے کی سروس سے مطمئن ہیں جبکہ پناہ گاہوں میں صفائی اور عملہ کے رویے سے بھی لوگ مطمئن ہیں۔

دوسری جانب محکمہ سوشل ویلفیئر کے حکام کا کہنا ہے کہ رپورٹ میں ایکسپائر ادویات کی نشاہدہی کے بعد ایکسپائر ادویات اور آگ بجھانے والے تبدیل کردئیے گئے ہیں اور پناہ گاہ کے اندر ڈرگز اشیا لانے کی ہرگز اجازت نہیں ہے۔

نشتر کے علاقہ میں چوبیس سالہ نوجوان نے گھریلو تنازع پر زہر کھا کر زندگی کا خاتمہ کر لیا،خودکشی کرنے والے نوجوان کی شناخت شہروز مشتاق کے نام سے ہوئی ہے۔

پولیس کے مطابق نشتر کے علاقہ کے رہائشی شہروز مشتاق نے گھریلو تنازع پر خود کشی کرلی،گزشتہ رات میاں بیوی کے درمیان تلخ کلامی ہوئی،جھگڑے کے بعد شہروز نے گولیاں کھا کر زندگی کا خاتمہ کیا،خودکشی کرنے والا شہروز تین بچوں کا باپ یے،شہزوز کے گھر بیس روز قبل جڑواں بچوں کی پیدائش ہوئی،پولیس نے ضروری کارروائی کے بعد لاش ورثاء کے حوالے کر دی۔

ایک اور افسوسناک واقعے میں لاہور کے علاقے سمن آباد سٹیشن سے 35 سالہ شخص کی لاش ملی ہے ،مرنے والے35 سالہ شخص کی شناخت جماعت علی کے نام سے ہوئی،دو دن سے گھر سے لاپتہ تھا، شوگر کا مریض تھا ۔پولیس کارروائی کے بعد نعش کو ایدھی ایمبولینس کے ذریعے مردہ خانہ منتقل کر دیا گیا۔

شاہدرہ فضل پارک کے علاقے میں بوسیدہ مکان کی چھت گرنے کے باعث ماں بیٹی زخمی ہو گئیں۔ ریسکیو نے امدادی کارروائیاں کرتے ہوئے زخمی ماں بیٹی کو اسپتال منتقل کردیا۔

ریسکیو کے مطابق انھیں اطلاع ملی کہ فضل پارک شاہدرہ کے علاقے تین مرلہ گھر کی چھت گر گئی جس پر ریسکیو اہلکاروں نے موقع پر پہنچ کر امدادی کارروائیاں کرتے ہوئے ملبہ ہٹایا۔ چھت گرنے کے باعث ماں بیٹی زخمی ہو گئیں، زخمیوں میں تیس سالہ خدیجہ اور دو سالہ ام حبیبہ زخمی شامل ہیں۔

ریسکیو نے زخمیوں کو طبی امداد کے لیے میو ہسپتال منتقل کردیا ہے۔ ابتدائی تحقیقات کے مطابق تین مرلہ گھر کی چھت ٹی آر گارڈر کی مدد سے بنائی گئی تھی، چھت بوسیدہ ہونے کے باعث زمین بوس گوئی جبکہ ڈاکٹرز کا کہنا تھا کہ زخمیوں کی حالت خطرے سے باہر ہے۔

لاہور میں گرمی بڑھتے ہی لیسکو کی طلب 4600 میگاواٹ سے تجاوز کر گئی ہے لیکن اسے نیشنل گرڈ سٹیشن سے صرف 4400 میگاواٹ بجلی فرائم کی جارہی ہے۔

لیسکو شارٹ فال کی وجہ سے مختلف علاقوں میں بدترین لوڈشیڈنگ کا سلسلہ جاری ہے۔ نیشنل ٹرانسمیشن اینڈ ڈسپیچ کمپنی کا ٹرانسمیشن سسٹم اوورلوڈ ہونے سے ٹرپنگ اور غیر اعلانیہ لوڈ شیڈنگ کا سلسلہ جاری ہے۔

سسٹم اوورلوڈنگ کی وجہ سے شمالی لاہور اور اندرون لاہور میں بدترین لوڈشیڈنگ کا سلسلہ شروع ہو چکا ہے۔ سسٹم اوورلوڈ ہونے کی وجہ سے لیسکو کے متعدد گرڈ سٹیشنز پر ٹرپنگ ہونے لگی ہے۔

راوی سرکٹ سے نکلنے والے لیسکو کے گرڈ سٹیشنز پر گزشتہ روز سے بجلی کی آنکھ مچولی جاری ہے۔ موچی گیٹ، بادامی باغ، چاہ میراں اور بھاٹی گرڈ سٹیشن پر بھی ٹرپنگ جاری ہے۔

متعدد علاقوں میں گھنٹوں بجلی بند رہنا معمول بن گیا ہے۔ ٹرپنگ کی وجہ سے مختلف علاقوں میں بجلی بندش سے صارفین کو مشکلات کا سامنا ہے۔

میٹرک کے امتحانات کی ڈیٹ شیٹ جاری، پہلا پرچہ 29 جولائی کو ہوگا، لاہور بورڈ پہلے روز پانچ مضامین کے پرچے لے گا۔

تفصیلات کے مطابق لاہور بورڈ نے میڑک امتحانات کی ڈیٹ شیٹ جاری کر دی ہے،میٹرک کے امتحانات کا انعقاد 29 جولائی سے ہوگا،میٹرک کے امتحانات 9 اگست تک جاری رہیں گے،لاہور بورڈ کے تحت دسویں کے امتحان کے پہلے روز پانچ مضامین کے پرچے ہوں گے،دو شفٹوں میں ہونے والے ان امتحانات کی تفصیلات بورڈ کی ویب سائٹ پر بھی جاری کر دی گئی ہے جبکہ طلباء کی رول نمبر سلپس آئندہ ہفتے سے جاری ہوں گے۔

لاہور: ٹریفک وارڈنز نے سڑک پر پڑے 10 لاکھ روپے شہری کو لوٹا دیے۔

تفصیلات کے مطابق لاہور کے ایک ٹریفک وارڈن نے ایمانداری کی اعلٰی مثال قائم کردی، اور شہر کے علاقے قادری چوک پر روڈ پر پڑے 10 لاکھ روپے بحفاظت شہری کو واپس کر دئیے۔

پیسوں کے مالک سردار محمد خان نامی شہری نے بتایا کہ موٹرسائیکل پر جاتے ہوئے 10 لاکھ روپے گر گئے، دو گھنٹے بعد شہری اپنے پیسوں کو تلاش کرتے ہوئے پریشانی میں وارڈن کے پاس آیا اور واقعہ بیان کرتے ہوئے آبدیدہ ہوگیا، جس پر وارڈنز نے جانچ پڑتال کے بعد شہری کے 10 لاکھ روپے واپس کر دئیے۔

وارڈن زبیر نے بتایا کہ کانسٹبل صبح صادق کے ہمراہ ڈیوٹی پر موجود تھا کہ ہمیں پیسوں سے بھرا شاپر ملا، جسے ہم نے محفوظ کرلیا اور پیسوں کے اصلی مالک کے انتظار میں اسی جگہ کھڑے رہے۔ شہری سردار محمد کو پیسے ملتے ہی اس کی آنکھوں میں آنسو آگئے اور دعائیں دیتے ہوئے کہا کہ وارڈنز بلا شبہ ایماندار فورس ہے۔

سی ٹی او لاہور منتظر مہدی کا ایمانداری کا مظاہرہ کرنے پر وارڈنز کو شاباش، تعریفی اسناد بھی جاری کیں او کہا کہ ٹریفک وارڈنز نے ایمانداری کی اعلیٰ مثال قائم کی، جو اس دوران میں ناپید ہے۔

انتظامیہ کا ایک اور انوکھا کارنامہ،شہری کو ویکسین لگائے بغیر ہی سرٹیفکیٹ جاری کردیا گیا۔

تفصیلات کے مطابق شہری نے بتایا کہ اسے ایسٹرازینیکاکاکارڈ جاری ہواویکسین لگوانے گیا تو ویکسین ختم ہونےکےباعث نہیں لگ سکی،دوبارہ ویکسین لگوانے آیا تو انتطامیہ نے بتایا کہ آپکو ویکسن لگ چکی ہے، جب شہری نے وضاحت کی کہ اسے ویکسین نہیں لگی تو اسے محکمہ صحت سےمسئلہ حل کرانےکاکہاگیا۔ محکمہ صحت میں گیاتوانہوں ایکسپوجاکرمسئلہ حل کرانےکاکہہ دیا،ویکسین لگی نہیں توانتظامیہ کیسےسرٹیفکیٹ جاری کرسکتی ہے۔

واضح رہے کہ موڈرنا ویکسین صرف ایکسپوویکسی نیشن سینٹر اور ایل ڈی اے سپورٹس کمپلیکس میں لگائی جارہی ہے ،موڈرنا ویکسین بیرون ملک جانے والے افراد کو لگائی جا رہی ہے۔انتظامیہ کا کہنا ہے کہ ایکسپو سینٹر24 گھنٹے فنکشنل رہے گا جبکہ ویکسین کی وافر مقدار موجود ہے۔

رائیونڈ کےعلاقے میں کپڑے کی سفائرفیکٹری میں شارٹ سرکٹ کےباعث آگ لگ گئی جس سےلاکھوں روپےمالیت کاسامان خاکستر ہوگیا،ریسکیونےموقع پر پہنچ کرآگ بجھائی۔

تفصیلات کے مطابق سفائر فیکٹری میں لگی آگ پر ڈیڑھ گھنٹہ کے آپریشن کے بعد قابو پا لیا ، آپریشن میں ریسکیو کی پانچ گاڑیاں اور پندرہ ریسکیور نےحصہ لیا ۔ریسکیوحکام کی ابتدائی تحقیقات کے مطابق سفائر فیکٹری میں کپڑے کے گودام میں شارٹ سرکٹ ہونے کے باعث آگ لگی۔ فیکٹری میں آگ لگنے کے باعث کوئی جانی نقصان نہ ہوا مگر گودام میں موجود لاکھوں روپے مالیت کا سامان جل کر راکھ ہو گیا ۔

نشتر کالونی مویشی منڈی میں ایک طرف سہولیات کا فقدان ہے تو دوسری طرف نوسرباز بھی سرگرم ہیں، نوسربازوں نے رحیم یار خان سے آئے محمد حلیم کو 2 لاکھ روپےکا چونا لگادیا،نوسرباز 2 لاکھ 20 ہزار کی بجائے 20 ہزار تھما کر 5 بکرے لے اڑے۔

تفصیلات کےمطابق عیدالاضحیٰ کی آمد آمد ہے اور قربانی کا جانور خریدنے اور فروخت کرنے والوں نے مویشی منڈیوں کا رخ کرلیا ہے جبکہ نوسرباز بھی میڈیوں میں منڈلارہے ہیں،نشتر کالونی مویشی منڈی میں ایک طرف سہولیات کا فقدان ہے تو دوسری طرف نوسرباز بھی سرگرم ہیں، نوسربازوں نے رحیم یار خان سے آئے محمد حلیم کو 2 لاکھ روپےکا چونا لگادیا،نوسرباز 2 لاکھ 20 ہزار کی بجائے 20 ہزار تھما کر 5 بکرے لے اڑے، متاثرہ بیوپاری محمد حلیم نے وزیراعلیٰ پنجاب سے نقصان کے ازالہ کی اپیل کی ہے۔