Category لاھور نامہ

راولپنڈی پولیس نے مدرسے میں طالب علم کے ساتھی مبینہ نازیبا ویڈیو کیس کے مرکزی ملزم مفتی عزیز الرحمان کے دفاع میں گستاخانہ کلمات ادا کرنے والے مفتی اسماعیل طورو کو گرفتار کرلیا۔

ذرائع کے مطابق مفتی اسماعیل طورو کی ایک ویڈیو سوشل میڈیا پر وائرل ہوئی ہے جس میں وہ شاگرد کے ساتھ زیادتی کرنے والے مفتی عزیز الرحمان کے جرم کا دفاع کرتے ہوئے اتنے آگے چلے گئے کہ تمام حدیں ہی پار کردیں۔ ان کی یہ ویڈیو سوشل میڈیا پر تیزی سے وائرل ہوئی جس کے بعد سوشل میڈیا صارفین کی جانب سے ان کے خلاف ایکشن کا مطالبہ کیا جا رہا۔

جس پر راولپنڈی پولیس نے کارروائی کرتے تھانہ رتہ امرال میں محمد اسماعیل طورو کے خلاف دفعہ 298 اے کے تحت مقدمہ درج کرکے اسے گرفتار کر لیا۔ پولیس حکام کا کہنا ہے کہ ملزم کو عدالت میں پیش کرکے قانون کے مطابق کارروائی عمل میں لائی جائے گی۔

واضح رہےکہ مفتی عزیز الرحمن کی نازیبا ویڈیو لیک ہونے پر پولیس نے بدفعلی کا شکار ہونے والے نوجوان صابر شاہ کی درخواست پر مقدمہ درج کیا تھا، مقدمے میں یہ الزام لگایا گیا تھا کہ مفتی عزیز الرحمن نے اسے امتحانات میں فیل کرکے بلیک میل کیا ، امتحانات میں پاس کروانے کا لالچ دیکر مبینہ طور پر کئی ماہ تک بد فعلی کی، شکایات کرنے پر اس کی کوئی شنوائی نہ ہوئی۔ زیادتی کے کیس میں گرفتار کیے گئے مفتی عزیز الرحمان نے اعتراف جرم کرلیا ۔

مفتی نے دوران تفتیش انکشاف کیا کہ ویڈیو میری ہی ہے جو صابر شاہ نے چھپ کربنائی، طالبعلم صابر کو پاس کرنے کا جھانسہ دیکر اپنی ہوس کانشانہ بنایا، ویڈیو وائرل ہونے کے بعد خوف اور پریشانی کا شکار ہوگیا تھا، بیٹوں نے صابر شاہ کو دھمکایا اور اسے کسی سے بات کرنے سے روکا مگر طالب علم نے منع کرنے کے باوجود ویڈیو سوشل میڈیا پر وائرل کر دی۔

علامہ اقبال انٹرنیشنل ایئرپورٹ پر نئےپارکنگ اسٹینڈکا افتتاح کر دیا گیا،وفاقی وزیر ایوی ایشن غلام سرور نے علامہ اقبال انٹرنیشنل ایئر پورٹ پر تعمیر کیے گئے3منزلہ عالمی معیار کے پارکنگ کمپلیکس کا افتتاح کیا۔

تفصیلات کےمطابق وفاقی وزیر ایوی ایشن غلام سرور نے علامہ اقبال انٹرنیشنل ایئر پورٹ پر نئے تعمیر کیے گئے3منزلہ عالمی معیار کے پارکنگ کمپلیکس کا افتتاح کیا۔ لاہور ایئر پورٹ پر منعقدہ افتتاحی تقریب میں سیکرٹری ایوی ایشن ڈویژن شوکت علی اور ڈی جی پاکستان سول ایوی ایشن اتھارٹی خاقان مرتضیٰ، مینجر لاہور ایئرپورٹ اختر پرویز مرزا سمیت سی اے اے کے دیگر افسران نے بھی شرکت کی۔

وفاقی وزیر غلام سرور کا کہنا تھا کہ سول ایوی ایشن اتھارٹی نے ایک اور سنگ میل عبور کیا ہے، ساڑھے 7 ارب روپے کی لاگت سے لاہور ایئر پورٹ پر 3800 گاڑیوں کے پارکنگ کمپلیکس کے منصوبہ قابل تحسین ہے، ترجمان لاہورایئر پورٹ کاکہنا تھا کہ کار پارکنگ کمپلیکس انڈر گراؤنڈ دو بیسمینٹس اور ایک گراؤنڈ فلور پر مشتمل ہے،منصوبہ 2017 میں شروع ہوا اور 2020 میں مکمل کر لیا گیا تھا، جس کا آج باقاعدہ افتتاح کیا گیا ہے۔ پارکنگ ایریا کی تعمیر سے ملک کے تیسرےبڑے ایئرپورٹ پر مسافروں اور انکے عزیزواقارب کو گاڑیوں کی پارکنگ میں سہولت فراہم ہو گی۔

شہر میں بڑھتے جرائم چوری ڈکیتی و قتل کی بات کی جائے تو ایسے واقعات رکنے پر نہیں آ رہے ،کبھی ڈکیتی مزاحمت پر شہریوں کو گولی مار دی جاتی ہے تو کبھی معمولی لڑائی جھگڑے یا دیرینہ عداوت کے باعث انسانی جانوں کا ضیاع ہو جاتا ہے،ایسے ہی ایک واقعے میں نوانکوٹ کے علاقے میں خاتون کو گولی لگ گئی۔

نوانکوٹ کے علاقے چرچ چوک میں فائرنگ سےراہگیرخاتون ہلاک ہو گئی۔پولیس کے مطابق ملزم محمد لقمان اور چاند حسین کا آپس میں جھگڑا ہوا، جس پر دونوں گروپوں نے فائرنگ کردی جو راہگیر خاتون کو جا لگی ۔گولی لگنے سے خاتون یاسمین سیموئل موقع پر ہلاک ہوگئی جبکہ فائرنگ کے بعد ملزمان فرار ہوگئے۔پولیس نے ملزمان کے ساتھیوں کو گرفتار کر لیا۔ مقتولہ دو بچوں کی کی ماں تھی،مقتولہ کی لاش کو میو ہسپتال منتقل کردیاگیا۔

ابھی دوروز قبل بھی شمالی چھاؤنی کے علاقے میں گزشتہ روز ڈاکوؤں نے کولڈ ڈرنک کارنر پر ڈکیتی کی کوشش کی تھی،مزاحمت پرفائرنگ سے 22 سالہ زاہد جان کی بازی ہار گیا تھا۔ پولیس نے واقعہ کا مقدمہ تو درج کرلیا، مگر ڈکیتی کی دفعات نہ لگائیں، واقعہ کو لڑائی جھگڑے کا رنگ دے دیا ۔

پنجاب حکومت نے بلدیاتی انتخابات تو نا کرائے لیکن تاریخ کے بہترین بلدیاتی ایکٹ 2019 متعارف کرانے کا کریڈٹ لے لیا۔

تفصیلات کے مطابق لوکل گورنمنٹ 2021 ترمیمی آرڈیننس کے زریعے بلدیاتی ایکٹ 2019 کی تمام شقوں میں سینکڑوں ترامیم کا انکشاف ہوا ہے. بلدیاتی ایکٹ 2019 میں پہلی مرتبہ 44 صفحات پر مشتمل سینکڑوں ترامیم کی گئیں، دوسری مرتبہ 172صفحات جبکہ تیسری مرتبہ 22 صفحات پر مشتمل سینکڑوں کلازز میں ترامیم کی گئیں۔

پنجاب حکومت نے بلدیاتی ایکٹ میں ترامیم تو کرلیں لیکن بلدیاتی ایکٹ کے آرڈیننس کو پنجاب اسمبلی سے منظوری نہ مل سکی. پنجاب اسمبلی کی عدم منظوری کے باعث ترمیمی آرڈیننس2021 قانون نہیں رہتا.گورنر پنجاب کے جاری کردہ آرڈیننس کو 120 روز میں اسمبلی کی منظوری درکار ہوتی ہے۔ پنجاب حکومت مقررہ مدت کے دوران گورنر پنجاب کے جاری کردہ ترمیمی آرڈیننس 2021 کو ایوان سے پاس نہیں کرایا گیا۔

واضح رہے بلدیاتی اداروں کے ایوان کے نمائندوں کی تعداد کا ایک مرتبہ پھر تعین کرکےترمیمی آرڈیننس جاری کیا گیا تھا۔ لوکل گورنمنٹ تھرڈ ترمیمی آرڈیننس 2021 کے مطابق میٹروپولیٹن کارپوریشن کا سربراہ میئر جبکہ ایوان بشمول 71 کونسلرز پر مشمتل ہوا تھا۔ میٹروپولیٹن کارپوریشن کے ہاؤس میں 50 کونسلرز، 2 مینارٹیز، خواتین کونسلرز 10اور لیبر کونسلرز 8 ہزار ہوئے۔ ایک کروڑ سے زائد آبادی سے زائد والی میٹروپولیٹن کارپوریشن کے ایوان کے کونسلرز کی تعداد 71 مقرر کی گئی تھی۔

مدرسے کے طالب علم سے زیادتی کرنے والے ملزم عزیز الرحمٰن نے دوران تفتیش اعتراف جرم کرلیا، اپنے کئے پر بہت شرمندہ ہوں بھٹک گیا تھا۔

تفصیلات کے مطابق ملزم عزیز الرحمٰن نے دوران تفتیش انکشاف کیا ہے کہ وہ ویڈیو میری ہی ہے جو طالب علم صابر شاہ نے چھپ کر بنائی اور میں نے صابر کو پاس کرنے کا جھانسہ دے کر زیادتی کا نشانہ بنایا۔ ویڈیو وائرل ہونے کے بعد خوف اور پریشانی کا شکار ہوگیا تھا، بیٹوں نے صابر شاہ کو دھمکایا اور اسے کسی سے بات کرنے سے روکا مگر طالب علم نے منع کرنے کے باوجود ویڈیو سوشل میڈیا پر وائرل کر دی۔

مدرسے کے منتظمین اور مہتمم ویڈیو کے بعد مدرسہ چھوڑنے کا کہہ چکے تھے اور میں مدرسہ چھوڑنا نہیں چاہتا تھا اس لئے ویڈیو بیان جاری کیا۔ ملزم عزیزالرحمٰن نے تفتیش میں انکشاف کیا کہ مقدمہ درج ہونے کے بعد ٹاؤن شپ، شیخوپورہ اور فیصل آباد میں شاگردوں کے پاس ٹھہرتا رہا، میری اور بیٹوں کی فون لوکیشن ٹریس ہوئی۔ ملزم عزیزا لرحمٰن نے بتایا کہ جب میں میانوالی میں چھپا ہوا تھا تو پولیس نے گرفتار کرلیا۔

دریں اثنا مدرسہ طالب علم بدفعلی کیس میں گرفتار مفتی عزیز الرحمان کو عدالت نے چار روزہ جسمانی ریمانڈ پر سی آئی اے کے حوالے کر دیا۔ ملزم کا میڈیکل چیک اپ اور ڈی این اے کرانے کا حکم دیا گیا ہے۔

تفصیلات کے مطابق مفتی عزیر الرحمان کی ویڈیو وائرل ہونے پر ان کیخلاف مقدمہ درج ہوا تھا، سی آئی اے کینٹ نے مفتی عزیز الرحمان کو کینٹ کچہری میں پیش کیا اور تفتیش کیلئے جسمانی ریمانڈ کی استدعا کی۔ عدالت نے مفتی عزیز الرحمان کو چار روزہ جسمانی ریمانڈ پر سی آئی اے کے حوالے کر دیا ہے جبکہ ان کا طبی معائنہ اور ڈی این اے کرانے کا بھی حکم دیا ہے۔

نازیبا ویڈیو سکینڈل؛ تحقیقاتی افسر کے مفتی عزیز الرحمان سے متعلق اہم انکشافات
مفتی عزیر الرحمان کیخلاف متاثرہ طالب علم صابر شاہ کی درخواست پر مقدمہ درج ہوا۔ مقدمہ میں مفتی عزیز الرحمان کے دو بیٹے بھی ملزم ہیں جن پر مدعی صابر شاہ کو ڈرانے اور دھمکانے کا الزام ہے۔ مفتی عزیر الرحمان کے بیٹوں کا بھی چار روزہ جسمانی ریمانڈ دیا گیا، چار روز بعد دوبارہ عدالت کے روبرو پیش کیا جائے گا۔

دوسری جانب شریک ملزم عبداللہ نے سیشن کورٹ سے عبوری ضمانت لے لی۔ ایڈیشنل سیشن جج نعمان محمد نعیم نے ملزم کو گرفتار کرنے سے روک دیا۔ ملزم عبداللہ پر دھمکیاں دینے کا الزام ہے۔ عدالت نے ملزم عبداللہ کو شامل تفتیش ہونے کا حکم دے دیا۔ ملزم نے مفتی عزیزالرحمان کیخلاف مقدمہ میں ضمانت کرائی۔ 50 ہزار مچلکے کے عوض ملزم کی عبوری ضمانت 30 جون تک منظور کی گئی ہے۔

وزیراعظم عمران خان کاکہنا ہے کہ سے1980کےبعدپہلی مرتبہ لاہور کےزیرِ زمین پانی کی سطح کومزیدگرنے سےروک لیاہے۔

سماجی رابطے کی ویب سائٹ ٹویٹر پر اپنی ٹویٹ میں وزیراعظم عمران خان کا کہنا تھا کہ تحفظِ آب کی ہماری پالیسیز ثمربار ہورہی ہیں۔

وزیراعظم نے بتایا کہ وزیراعلیٰ پنجاب عثمان بزدار کی قیادت میں پنجاب حکومت نے مؤثر واٹر ریسائیکلنگ پالیسیز، نئےایکویفرچارجز، بارش کے پانی کے زیرِ زمین ذخائر، ٹائیمڈ ویل پمپنگ اور دیگر ٹارگیٹیڈ ایکشنز سے1980 کے بعد پہلی مرتبہ لاہور کےزیرِ زمین پانی کی سطح کومزیدگرنے سےروک لیاہے۔

اولاد اپنےوالدین کو گھرسےنہیں نکال سکے گی،ضلعی انتظامیہ نےوالدین تحفظ آرڈیننس2021 پرعملدرآمدشروع کردیا،ڈی سی لاہور کا کہنا ہے کہ اگر کوئی بھی اپنے والدین کو گھر سے نکالےگا تو سزا دی جائے گی

تفصیلات کےمطابق ڈی سی لاہور مدثر ریاض ملک نےسایہ فاؤنڈیشن گلبرک میں اولڈ ہاؤس میں قیام پذیر بزرگ افراد سے بات چیت کی اور بزرگ شہریوں کو حوصلہ دیا اور ہر قسم کی تعاون کی یقین دہانی کرائی.سایہ فاؤنڈیشن کے دورے کےدوران چیئر پرسن سندس نےڈی سی لاہور کو آپریشنز سے متعلق بریفنگ دی.

ڈی سی لاہور مدثر ریاض ملک نے سایہ فاونڈیشن کا کچن بھی چیک کیا، اس موقع پر گفتگو کرتے ہوئے ڈی سی لاہور کا کہنا تھاکہ بزرگ افراد ہماری سوسائٹی کا حسن ہیں سایہ فاونڈیشن نے بے سہارا بزرگ افراد کو بہترین سایہ فراہم کیا ہے۔ سایہ فاؤنڈیشن میں40سے50 لوگوں کےرہنےکی گنجائش ہےاس کی تزئین و آرائش کا مزید مل کر سب کام کریں گے،بزرگ افراد کو کوئی سہارا دینا چاہیے،یہ ایک بہت ہی اچھا قدم ہے، ہم سب ملکر بزرگ حضرات کو سہارا فراہم کرنے کے لئے ملکر کام کریں گے.

ہربنس پورہ میں تین بچوں کی ماں کو سسرال والوں نے پٹرول چھڑک کر زندہ جلا دیا۔

تفصیلات کے مطابق زندہ جلائی جانے والی گڑیا بی بی اکثر سسرالیوں کے تشدد کے کا شکار رہتی تھی جبکہ گڑیا بی بی کا شوہر شہزاد نشے کا عادی تھا۔ ذرائع کے مطابق گڑیا بی بی کے سسرال والوں ا ور اس کے شوہر نے پہلے گڑیا بھی کو مل کر مارا پیٹا،بعدازاں آئس نشے کے عادی شہزاد نے گڑیا بی بی پر پٹرول چھڑک دیا اور آگ لگا دی۔

افسوسناک واقعے کے بعداہل علاقہ نے شدید زخمی حالت میں خاتون کو1122 کے ذریعے جناح ہسپتال منتقل کر دیا تھا تاہم گڑیا بی بی زخموں کی تاب نہ لاتے ہوئے دم توڑ گئیں،ڈاکٹروں کا کہنا ہے کہ گڑیا بی بی کو شدید تشویش ناک حالت میں لایا گیا تھا اور ان کاجسم مکمل طور پر جل چکا تھا۔

لاہور: ماڈل ٹاؤن کورٹس کی جوڈیشل مجسٹریٹ نے ترک ڈرامے ‘ارطغرل غازی’ کے مرکزی کردار انگین التان دوزیتان کے ساتھ مبینہ فراڈ کے الزام میں گرفتار کاشف ضمیر کو 2 روزہ جسمانی ریمانڈ پر پولیس کی تحویل میں دے دیا۔

رپورٹ کے مطابق کرائم انویسٹی گیشن ایجنسی (سی آئی اے) نے کاشف ضمیر کا چہرہ ڈھانپ کر انہیں مجسٹریٹ کے سامنے پیش کی۔

تفتیشی افسر نے تفتیش مکمل کرنے کے لیے ملزم کے جسمانی ریمانڈ کی درخواست جمع کرائی تھی۔

جس پر جوڈیشل مجسٹریٹ نوشابہ یوسف نے سی آئی اے کی جانب سے گرفتار کیے گئے ملزم کا 2 روزہ جسمانی ریمانڈ منظور کرلیا۔

جوڈیشل مجسٹریٹ نے تفتیشی افسر کو کاشف ضمیر کو 21 جون کو دوبارہ پیش کرنے کی ہدایت بھی کی۔

خیال رہے کہ سی آئی اے نے 17 جون کو ترک اداکار کی شکایت پر گرفتار کیا تھا جنہوں نے الزام عائد کیا تھا کہ ملزم نے غیر قانونی فوائد حاصل کرنے کے لیے ان کا غلط استعمال کیا۔

ٹک ٹاکر کو ریس کورس پولیس نے مقدمہ درج کرنے کے بعد گرفتار کیا تھا۔

ترک اداکار نے اپنی شکایت آن لائن درج کرائی تھی جس میں انسپکٹر جنرل پولیس (آئی جی پی) پنجاب سے ٹک ٹاکر، جو چوہدری گروپ آف کمپنیز کا مالک ہونے کا دعویٰ کرتا ہے، کے خلاف کارروائی کی درخواست کی تھی۔

سی آئی اے نے کاشف کے خلاف لاہور اور سیالکوٹ میں مزید رجسٹرڈ کیسز کو ٹریس کیا، جس سے ان کا عادی جعلساز ہونا ثابت ہوتا ہے۔

یاد رہے کہ ترک ڈرامے ‘ارطغرل غازی’ میں مرکزی کردار ادا کرنے والے اداکار انگین التان دوزیتان 2 روزہ دورے پر گزشتہ سال 10 دسمبر کو پاکستان کے شہر لاہور پہنچے تھے۔

انگین التان دوزیتان نجی کاروباری کمپنی کی دعوت پر لاہور پہنچے تھے، دورے کے دوران انہوں نے کاشف ضمیر کی چوہدری ٹیکسٹائل انڈسٹریز کے ساتھ معاہدے بھی کیے تھے اور مذکورہ کمپنی نے انہیں اپنا سفیر بھی مقرر کیا تھا۔

جس کے کچھ روز بعد یہ خبریں گردش کرنا شروع ہوئیں کہ ترک اداکار کو پاکستان بلانے والے کاشف ضمیر ریکارڈ یافتہ ملزم ہے اور 8 مقدمات میں ملوث ہے۔

بعدازاں فروری میں انگین التان دوزیتان نے چوہدری گروپ آف انڈسٹریز کے مینجنگ ڈائریکٹر کاشف ضمیر کے ساتھ معاہدہ منسوخ کردیا تھا۔

انگین التان دوزیتان کی پریس ریلیز میں کہا گیا تھا کہ کاشف ضمیر نے طے کی گئی مدت کے باوجود معاہدے کے کسی بھی شرائط کو پورا نہیں کیا اور اسی لیے ہم نے یکطرفہ طور پر معاہدہ منسوخ کردیا ہے۔

اس میں مزید کہا گیا تھا کہ تحریری معاہدے کے مطابق متعلقہ کمپنی، متفقہ رقم کا نصف حصہ پریس کانفرنس اور معاہدے پر دستخط کرنے سے قبل ادا کرنے کی پابند تھی لیکن ایک ماہ گزر جانے کے باوجود ابھی تک کوئی ادائیگی نہیں کی گئی۔

اس سے قبل گزشتہ برس ستمبر میں ترک اداکار اسلام آباد کی نجی ہاؤسنگ سوسائٹی کے برانڈ ایمبیسڈر بنے تھے اور ایک ویڈیو میں انگین التان دوزیتان نے کہا تھا کہ ‘میں بلیو ورلڈ سٹی کا برانڈ ایمبیسڈر بننے پر بہت پرجوش ہوں اور جلد پاکستان آؤں گا’۔

تاہم ارطغرل غازی کے مرکزی کردار نے بلیو ورلڈ سٹی کو غیر قانونی قرار دیے جانے کی وجہ سے اپنا معاہدہ منسوخ کردیا تھا جس کی وجہ سے ان کا اس وقت متوقع دورہ پاکستان بھی ملتوی ہوگیا تھا۔

پنجاب پولیس نے مدرسے کے طالب سے مبینہ بدفعلی کی وائرل ویڈیو کا مقدمہ درج ہونے کے بعد جامعہ منظور الاسلامیہ کے برطرف عہدیدار مفتی عزیز الرحمٰن کو گرفتار کرلیا۔

سی آئی اے ماڈل ٹاؤن کے ڈی ایس پی حسنین حیدر کی سربراہی میں ٹیم نے میانوالی میں چھاپا مار کر مفتی عزیز الرحمٰن کو گرفتار کیا۔

پولیس ملزم کو لاہور منتقل کرنے کے بعد ایک سے 2 روز میں عدالت میں پیش کردے گی۔

میانوالی سے مرکزی ملزم کو گرفتار کرنے کے بعد پولیس نے مفتی عزیز الرحمٰن کے ایک بیٹے عتیق الرحمٰن کو کاہنہ کے ایک مدرسے جبکہ دوسرے بیٹے کو لکی مروت سے گرفتار کیا۔

علاوہ ازیں پولیس کی جانب سے دیگر ملزمان لطیف الرحمٰن اور عبداللہ کی گرفتاری کے لیے بھی چھاپے مارے جارے رہے ہیں۔

دوسری جانب انسپکٹر جنرل پنجاب پولیس انعام غنی نے ایک ٹوئٹر پیغام میں کہا کہ ‘ہم مجرم کو گرفتار کرنے میں کامیاب ہوگئے ہیں’۔

انہوں نے بتایا کہ پولیس اس معاملے کو ایک ٹیسٹ کیس کے طور پر دیکھے گی، ملزم سے تفتیش کرے گی، سائنسی اور پروفیشنل تحقیقات کر کے مقدمہ چلایا جائے گا اور ملزم کو عدالت سے سزا دلوائی جائے گی۔

آئی جی پنجاب کا کہنا تھا کہ ‘ہم چاہتے ہیں ہمارے بچے ان استحصال کرنے والوں سے اور مستقبل کے لیے ہمارا معاشرہ محفوظ رہے’۔

خیال رہے کہ گزشتہ ہفتے سوشل میڈیا پر وائرل ہونے والی ویڈیو میں مفتی عزیز الرحمٰن کو ایک لڑکے سے مبینہ بدفعلی کرتے دیکھا گیا تھا۔

بعدازاں طالبعلم کی شکایت پر مفتی عزیز الرحمٰن کے خلاف پاکستان پینل کوڈ کی دفعہ 377 (غیر فطری جرائم) اور دفعہ 506 (مجرمانہ دھمکی دینے کی سزا) کے تحت مقدمہ درج کرلیا گیا تھا۔

17 جون کو درج پہلی انفارمیشن رپورٹ (ایف آئی آر) کے مطابق متاثرہ طالب علم نے بتایا کہ اسے جامعہ منظور الاسلامیہ میں 2013 میں داخلہ ملا تھا۔

انہوں نے کہا تھا کہ امتحانات کے دوران مفتی عزیز الرحمٰن نے ان پر اور ان کے دوست طالب علم پر امتحان کے دوران کسی اور کو امتحان دلانے کا الزام لگایا تھا اور ساتھ ہی مجھ پر وفاق مدارس میں 3 سال تک امتحانات دینے پر پابندی عائد کردی گئی۔

شکایت کنندہ نے مزید کہا تھا کہ انہوں نے مفتی عزیز الرحمٰن سے معاف کردینے کی التجا کی لیکن مفتی عزیز الرحمٰن نے کہا کہ اگر جنسی حرکتوں سے انہیں ‘خوش’ کردوں تو کچھ سوچ سکتے ہیں۔

شکایت کنندہ نے مزید کہا تھا کہ ان کے پاس جنسی زیادتی کا نشانہ بننے کے سوا کوئی چارہ نہیں تھا، مفتی عزیز الرحمٰن نے دعویٰ کیا تھا کہ ان پر پابندی ختم ہوجائے گی اور امتحانات میں بھی پاس ہو جاؤ گے۔

شکایت کنندہ کے مطابق ‘تین سال گزر گئے اور اس عرصے میں ہر جمعے کو بدفعلی کرتے لیکن مجھ پر پابندی ختم ہوئی نہ امتحانات میں پاس ہوا بلکہ مزید بلیک میل کرنا شروع کردیا مدرسے کی انتظامیہ کو شکایت کی تو انہوں نے ماننے سے انکار کردیا کہ مفتی عزیز الرحمٰن ‘بزرگ اور نیک سیرت شخص’ ہیں بلکہ انتظامیہ نے الٹا مجھے ہی جھوٹا قرار دے دیا۔

شکایت کنندہ نے بتایا تھا کہ اس کے بعد مفتی عزیز الرحمٰن کی بدفعلی کی ریکارڈنگ پیش کی اور وفاق المدارس العربیہ کے ناظم کو دکھائی جس کے بعد مفتی عزیز الرحمٰن نے مجھے جان سے مار دینے کی دھمکیاں دیں۔

دوسری جانب سوشل میڈیا پر وائرل مفتی عزیز الرحمٰن نے اپنے پیغام میں کہا تھا کہ انہیں اس معاملے میں گھسیٹا جارہا ہے اگر وہ ‘ہوش میں’ تھا تو لڑکا موبائل فون کا استعمال کرتے ہوئے انہیں بتائے بغیر کیسے ویڈیو بنا سکتا تھا۔

مفتی عزیز الرحمٰن نے کہا تھا کہ یہ ایک سازش ہے تاکہ انہیں مدرسے سے ہٹایا جائے۔