Category لاھور نامہ

شہریوں کو ویکسی نیشن کی سہولت 24 گھنٹے فراہم کرنے کا فیصلہ، شہر کے تمام ویکسی نیشن سینٹرز 24 گھنٹے کھلے رہیں گے۔

تفصیلات کے مطابق کورونا ویکسی نیشن سنٹر ز میں ویکسی نیشن کرنے کا دورانیہ بڑھادیا گیا ہے۔ پہلی شفٹ میں ویکسی نیشن صبح 09 بجے سے 04 بجےتک جبکہ دوسری شفٹ میں رات 09 بجے سے 01 بجے تک ویکسی نیشن کی جائے گی۔ ایکسپو سنٹر میں 24 گھنٹے ویکسی نیشن لگانے کا عمل جاری رہے گا۔

دو روز کے بعد ویکسی نیشن سنیٹر کھول دے گئے ہیں۔ عید کے دو روز کے لئے ویکسی نیشن سنیٹر کو بند کیا گیا تھا۔ آج سے ویکسی نیشن سینئر دوبارہ کھول دیا گیا ہے جبکہ شہریوں کی بڑی تعداد ویکسین کروانے پہنچ گئی۔ دوسری جانب ڈی سی لاہور مدثر ریاض ملک نےعید کے تیسرے روز شہر کے ویکسی نیشن سینٹرز کے ہنگامی دورے کیے اور انتظامات کا جائزہ لیا۔

صوبائی دارالحکومت میں کورونا وائرس کے وار بتدریج جاری ہیں۔ گزشتہ چوبیس گھنٹوں میں 16 افراد وائرس کی زد میں آکر جان بحق ہوگئے۔ شہر میں اموات کی مجموعی تعداد 3 ہزار 822 جبکہ 196 مزید افراد میں وائرس کی تصدیق ہوچکی ہے۔

شہر کے سرکاری و نجی ہسپتالوں میں کورونا کے متاثرہ 771 مریض زیر علاج ہیں۔ 579 سرکاری اور 192 نجی ہسپتالوں میں زیر علاج ہیں۔

شہر میں 206 مریضوں کی حالت تشویشناک ہونے پر وینٹی لیٹرز پر طبی سہولیات فراہم کی جا رہی ہیں۔گزشتہ چوبیس گھنٹوں میں 12 ہزار 530 افراد کی ٹیسٹنگ کی گئی۔ گزشتہ چوبیس گھنٹوں میں صوبہ بھر میں 40 افراد وائرس کی زد میں آ کر جان بحق ہوچکے ہیں۔

واسا کا گلبرگ سے فیروز پور روڈ ہڈیارہ ڈرین تک پچاس سالہ سیوریج سسٹم کی تبدیلی کے منصوبے میں کوٹ لکھپت منڈی کی اراضی پر نیا ڈسپوزل اسٹیشن بنانے کا فیصلہ، ایل ڈی اے گورننگ باڈی کا ہسپتال کے لئے مختص کوٹ لکھپت منڈی کی 118 کنال اراضی میں سے دس کنال ڈسپوزل اسٹیشن کیلئے مختص کرنے کی اصولی منظوری دے دی۔

تفصیلات کے مطابق واسا نے گزشتہ ایل ڈی اے گورننگ باڈی کے اجلاس میں ڈسپوزل اسٹیشن کیلئے اراضی کا مطالبہ کیا تھا۔ گورننگ باڈی نے کوٹ لکھپت منڈی کی اراضی کا لینڈ یوز تبدیل کرنے کی اجازت کیساتھ واسا کے مطالبے کو بھی ترجیح دی ہے۔ گورننگ باڈی نے ایم ڈی واسا کو منڈی کی اراضی پر جگہ کے تعین کی بھی ہدایت کردی ہے۔

واسا دو فیز میں گلبرگ سے ستوکتلہ اور پھر ہڈیارہ تک میگا سیور ڈالے گا۔ چودہ ارب سے زائد کا منصوبہ دو فیز میں مکمل ہوگا، واسا منصوبے کی منظوری ماسٹر پلان کے تحت ایل ڈی اے گورننگ باڈی سے لے چکا ہے۔ واسا عید کے بعد صوبائی وزیر یاسمین راشد کی سربراہی میں لاہور کی کلین کمیٹی کو بھی باقاعدہ بریفنگ بھی دے گا۔

عید پربھی ڈاکو سرگرم ، ماڈل ٹاؤن میں ڈکیتی مزاحمت پر شہری زخمی ہو گیا جس کو طبی امداد کے لیے جنرل ہسپتال منتقل کیا گیا ہے۔

تفصیلات کے مطابق ماڈل ٹاون کے علاقے میں ڈاکوؤں نے دوران ڈکیتی مزاحمت پرشہری علی رضا پر فائرنگ کر دی پیٹ پر گولی لگنے کے باعث حالت تشویشناک ہونے پر زخمی جنرل ہسپتال منتقل کیا گیا۔ پولیس کا کہنا ہے کہ سیف سٹی کیمروں کی مدد سے ڈاکوؤں کو ٹریس کیا جارہا ہے۔

ڈی آئی جی آپریشن ساجد کیانی نے واقعے کا نوٹس لیتے ہوئے ملزمان کی گرفتاری کے لیے ایس پی ماڈل ٹاؤن کو احکامات بھی جاری کر دیے ہیں اور ہدایت کی ہے کہ واقعےمیں ملوث ڈاکوؤں کو فوری تلاش کر کے گرفتار کیا جائے اور قانون کے کٹہرے میں لایاجائے۔

واضح رہے کہ شہر میں چوری و ڈکیتی کی بڑھتی وارداتوں کی وجہ سے عوام بہت پریشان ہیں اور حکومت سے مطالبہ کر رہے ہیں کہ جرائم پیشہ عناصر کے خلاف گھیرا تنگ کیا جائے تاکہ شہریوں کی زندگیاں محفوظ رہ سکیں۔

شہر میں لاک ڈاون کا چوتھا روز،شہر میں چھوٹے تاجر کاروبار میں مصروف، خواتین کی بڑی تعداد بازاروں میں شابنگ کے لئے امڈ آیا جبکہ کاروباری افراد بھی خوب کمائی کرنے کرتے نظرآرہے ہیں۔

تفصیلات کے مطابق کورونا وائرس کے بڑھتے ہوئے کم نہیں ہوئے، لاک ڈاون نافذ ہونے باوجود لاہور شہر میں مارکیٹس اور بڑی دکانیں بند ہیں مگر چھوٹے تاجروں کی چاندی ہوگئی، حکومتی احکامات کو نظرانداز کرتے کاروبار کرنے میں مصروف ہیں،دکانیں کھلی ہونے پرخواتین کی بڑی تعداد بازاروں میں شابنگ کے لئے امڈ آئی، شہری اپنی اور دوسری کی صحت کوخطرے میں ڈال کرخریدای کرنے میں مشغول ہیں۔

لاہور میں مختلف علاقے ایسے ہیں جہاں چھوٹے تاجروں نے کاروبار کرنے کے لئے شڑآدھے نیچے کئے ہوئے ہیں تو کسی نے خریداروں کو دکان میں بٹھا کر شٹر کوبند کیاہوا ہے،کورونا ایس اوپیز کی کھلم کھلا دھجیاں اڑاجارہی ہیں،ماسک کا استعمال بلکل نہیں کیاجارہا جس کے باعث کورونا کے مزید پھیلنے کااندیشہ ہے۔

کورونا ویکسی نیشن سے پہلے اور بعد میں کن احتیاطی تدابیر پر عمل انتہا ئی ضروری ہے؟
چھوٹے تاجر خوش بھی دکھائی دے رہے ہیں اور ان کا کہناتھا کہ کورونا کے خوف کی وجہ سے گھروں میں بند ہوکر نہیں رہ سکتے،دکانیں کھلی ہونے پر شہریوں کی بڑی تعداد اپنے بچوں کے ساتھ عید کی شاپنگ کرنے بازاروں میں پہنچ چکی ہے،شہریوں بھی مہلک وائرس کو سنجیدہ نہیں لے رہے، جوتوں، کپڑوں اور دیگر دکانیں آج کھلی رہیں،انتظامیہ کی جانب سے لاک ڈاون پر عمل بھی کرایا جارہا اور خلاف ورزی پر مقدمات بھی کئے جارہے ہیں۔

واضح رہے کہ ڈپٹی کمشنر لاہور مدثر ریاض ملک نے ہدایات جاری کرتے ہوئے کہا کہ تمام اسسٹنٹ کمشنرز مارکیٹوں، دکانوں پر لاک ڈاون کے احکامات پر عمل درآمد کروائیں، پبلک ٹرانسپورٹ میں کورونا ایس او پیز پر عمل درآمد کروانے کے لئےسختی کی جائے ، کورونا ویکسی نیشن سنٹرز پر ماسک کے استعمال اور سماجی فاصلہ کو یقینی بنایا جائے۔

ڈپٹی کمشنر لاہور مدثر ریاض کا مزید کہناتھا کہ مساجد میں نماز عید کے دوران کورونا ایس او پیز پر عمل درآمد کروایا جائے،ڈی سی لاہور نے کہا کہ تمام اسسٹنٹ کمشنرز اپنی تحصیل میں فلیگ مارچ کو یقینی بنائیں ، شہر کے کسی بھی ہوٹل میں ان اور آؤٹ ڈور ڈائٹنگ نہ ہونے دی جائے۔

بارش کے باوجود لاہور کے ائیرکوالٹی انڈیکس میں اضافہ ہوا ہے، شہر کا مجموعی ائیر کوالٹی انڈیکس 155 ریکارڈ کیاگیا، لاہور آلودہ شہروں کی فہرست میں تیسرے نمبر پر ہے۔

شہر کے ائیر کوالٹی انڈیکس میں اضافہ ریکارڈ کیا گیا ہے، فیز 8 ڈیفنس میں سب سے زیادہ ائیر کوالٹی انڈیکس 187 ریکارڈ کیا گیا ،کوٹ لکھپت 183، ماڈل ٹاؤن 174، لمز یونیورسٹی 165، عسکری ہائیٹس 163، ایف سی کالج 159، مراتب علی روڈ گلبرگ 158 جبکہ ایمپریس روڈ گلبرگ میں 155 ائیر کوالٹی انڈیکس ریکارڈ کیا گیا ہے.

محکمہ ماحولیات کی جانب سے شہریوں کو گھروں سے باہر نکلتے وقت ماسک پہننے اور احتیاطی تدابیر اختیار کرنے کی ہدایات کی گئی ہیں۔

لاہور کے 21 ہائر سکینڈری سکولوں میں زیر تعلیم ہزاروں طلبا کا مستقبل داؤ پر لگ گیا، شہر کے پچاس فیصد سکولوں میں گریڈ بیس کے پرنسپلز تعینات نہیں جبکہ 80 فیصد سکولوں میں طلبا کو پڑھانے کیلئے ماہرین مضامین ہی دستیاب نہیں۔

ڈسٹرکٹ ایجوکیشن اتھارٹی لاہور کی نااہلی کے باعث شہر کے 21 ہائر سکینڈری سکولوں میں زیر تعلیم ہزاروں طلبا کا مستقبل داؤ پر لگ گیا، 50 فیصد سکولوں میں گریڈ 20 کے پرنسپلز ہی تعینات نہیں جبکہ 80 فیصد سکولوں میں انٹرمیڈیٹ کے طلبا کو منتخب مضامین پڑھانے کیلئے سبجیکٹ اسپیشلسٹ ہی فراہم نہیں کیے جاسکے۔

گورنمنٹ ہائر سکینڈری سکول مانگا، چوہنگ، جلوموڑ، اتوکی اعوان، پائلٹ وحدت روڈ، شاہدرہ اور دھرم پورہ میں پرنسپلز کی آسامیاں خالی ہیں، جبکہ انٹرمیڈیٹ کیلئے سوشیالوجی، ایجوکیشن، اردو، شماریات، سوکس، ہوم اکنامکس، فزکس، کیمسٹری، فزیکل ایجوکیشن کے ماہر اساتذہ دستیاب نہیں۔

مذکورہ سکولوں میں 20 سے زائد مضامین کی آپشن دینے کے باوجود 3 سے زائد سبجیکٹ اسپیشلسٹ تعینات نہیں ہیں۔

صدر پاس پنجاب رانا عطاء محمد کا کہنا ہے کہ بہترین تعلیمی سہولیات نہ ہونے کے باعث شہر کے ہائر سکینڈری سکولز بند ہونے کا خدشہ ہے۔

دوسری جانب پنجاب ایجوکیشن فاؤنڈیشن نے پارٹنر سکولوں کو کروڑوں روپے کے فنڈز جاری کرنے کا اعلان کردیا، ساڑھے سات ہزار سکولوں کو مرحلہ وار فنڈز جاری کیے جائیں گے۔پنجاب ایجوکیشن فاؤنڈیشن تین ماہ کے بقایاجات کی مد میں فنڈز جاری کرے گا۔

واضح رہےکہ لاہور سمیت ملک بھر میں کورونا کے باعث تعلیمی ادارے بند ہیں۔ این سی او سی کے مطابق تعلیمی ادارے 23 مئی تک بند رہیں گے۔

نماز عید کے اجتماعات کی مانٹیرنگ کیلئے کمیٹیاں تشکیل دیدی گئی ہیں جو نماز عید سے پہلے کورونا ایس اوپیز پر عملدرآمد کے حوالے سے علمائے کرام سے ملاقاتیں بھی کریں گی۔

این سی او سی نے عیدالفطر کیلئے گائیڈلائنز کی منظوری دے دی جس کے تحت عید کی نماز کورونا ایس او پیز کے ساتھ کھلی جگہوں پر پڑھائی جائے، اگر مسجد کے اندر نماز پڑھانا ضروری ہو تو دروازے اور کھڑکیاں کھلی رکھیں۔

گائیڈ لائنز میں کہا گیا ہےکہ مسجد یا کسی بھی کھلی جگہ پر رش کم کرنے کے لیے نماز دو سے تین بار پڑھائی جائے اور نماز عید کا خطبہ محدود رکھا جائے، بیمار، بزرگ اور 15 سال سے کم عمر بچے نماز میں آنے سے گریز کریں، عید کی نماز کے لیے آنے والے ماسک لازمی پہنیں۔

دوسری جانب لاہور کی ضلعی انتظامیہ این سی او سی کی گائیڈ لائنز پر عملدرآمد یقینی بنانے کیلئے متحرک ہوگئی۔ انتظامیہ کی جانب سے علمائے کرام کو درخواست کی گئی ہے کہ وہ نمازیوں کو گھروں سے جائے نمازیں لانے کی ہدایات کریں جس کے بعد مختلف مساجد سے جائے نمازیں ساتھ لانے کیلئے اعلانات بھی کروانے شروع کردیئے گئے ہیں، علمائے کرام کی جانب سے نمازیوں کو ماسک بھی پہن کر مسجد آنے کی درخواست کی گئی ہے۔

انتظامیہ کی جانب سے علمائے کرام کو تنگ جگہوں پر قائم مساجد کے باہر کھلی جگہوں پر نماز عید کے اجتماعات کرنے کا کہا گیا ہے ۔علماء کو ہدایات کی گئیں ہیں کہ مساجد میں چھ فٹ کا فاصلہ یقینی بنایا جائے، نماز عید کا خطبہ بھی مختصر رکھا جائے۔

علمائے کرام کو یہ بھی کہا گیا ہے کہ وہ نمازیوں کو گلے ملنے اور ہاتھ ملانے سے بھی گریز کی ہدایت کریں۔

باغبانپورہ میں گھریلو تنازع پر 24 سالہ نوجوان نے خود کو آگ لگا کر زندگی کا خاتمہ کر لیا،پولیس نے لاش پوسٹ مارٹم کے لیے مردہ خانے منتقل کر دی۔

تفصیلات کے مطابق خودسوزی کا واقعہ باغبانپورہ کے علاقہ داروغہ والا میں پیش آیا، جہاں 24 سالہ رضوان نے اپنے جسم پر پٹرول چھڑک کر آگ لگا لی، آگ کی زد میں آ کر نوجوان بری طرح سے جھلس گیا اور موقع پر ہی دم توڑ گیا، اطلاع ملنے پر پولیس اور امدادی ٹیمیں موقع پر پہنچ گئیں، پولیس نے متوفی کی لاش پوسٹ مارٹم کے لیے مردہ خانے منتقل کر دی ہے۔

پولیس کا کہنا ہے کہ ابتدائی تفتیش کے دوران واقعہ گھریلو تنازعے کا نتیجہ معلوم ہوتا ہے، تاہم مختلف پہلوؤں پر تحقیقات کی جا رہی ہیں ۔

کورونا کے جان لیوا وار جاری،ہلاکتوں کی تعداد میں ایک بار پھر اضافہ ہو گیا۔ حالت تشویشناک ہونے کے باعث کئی مریضوں کو وینٹی لیٹر پر منتقل کر دیاگیا۔

تفصیلات کے مطابق کورونا کے جان لیوا وار جاری ہیں اور ایک مرتبہ پھرہلاکتوں کی تعداد میں اضافہ ہو گیا ہے۔شہر میں کورونا مزید43 قیمتی زندگیاں نگل گیا،24 گھنٹوں میں کورونا کے 704 نئے مریضوں کی تصدیق ہوئی ہے۔سرکاری و پرائیویٹ ہسپتالوں میں 879 مریض داخل ہیں کورونا کے 560 مصدقہ مریضوں کاعلاج جاری ہے،224 مریضوں کی حالت تشویشناک ہونے کے باعث انہیں وینٹی لیٹر پر منتقل کر دیاگیا ہے۔

ملکی مجموعی صورتحا ل کی بات کی جائے تو24گھنٹوں میں کورونا وائرس سے مزید 113 افراد جاں بحق ہوگئے، جس کے بعد اموات کی تعداد 19 ہزار 106 ہوگئی۔ پاکستان میں کورونا کے تصدیق شدہ کیسز کی تعداد 8 لاکھ 64 ہزار 557 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 84 نئے کیسز رپورٹ ہوئے، پنجاب میں 3 لاکھ 20 ہزار 851، سندھ میں 2 لاکھ 93 ہزار 426، خیبر پختونخوا میں ایک لاکھ 24 ہزار 979، بلوچستان میں 23 ہزار 534، گلگت بلتستان میں 5 ہزار 401، اسلام آباد میں 78 ہزار 382 جبکہ آزاد کشمیر میں 17 ہزار 984 کیسز رپورٹ ہوئے۔

ملک بھر میں اب تک ایک کروڑ 22 لاکھ 67 ہزار 310 افراد کے ٹیسٹ کئے گئے، گذشتہ 24 گھنٹوں کے دوران 38 ہزار 883 نئے ٹیسٹ کئے گئے، اب تک 7 لاکھ 66 ہزار 492 مریض صحتیاب ہوچکے ہیں جبکہ 4 ہزار 859 مریضوں کی حالت تشویشناک ہے۔

ناقص میٹریل اور بوسیدہ سسٹم کی مناسب دیکھ بھال نہ ہونا کےباعث گلشن راوی مین بلیوارڈ پر واسا کی چون انچ کی سیوریج لائن ایک مرتبہ پھر بیٹھ گئی۔

تفصیلات کےمطابق گلشن راوی میں بلیوارڈ اردو نگر ڈپو کے سامنے میں سیوریج لائن بیٹھ گئی ، گزشتہ رات سیور لائن بیٹھ جانے کے بعد واسا نے متاثرہ علاقے کو سیل کردیا ۔ واسا نے مین روڈ پر رکاوٹیں لگا کر سیوریج لائن کی مرمت کا کام شروع کردیا ہے ۔ اس سے قبل بھی مین بلیوارڈ گلشن راوی پر متعدد مرتبہ سیوریج لائن بیٹھ چکی ہے ۔

واسا آپریشنز اور ڈرینج ونگ کی ناقص پلاننگ اور بروقت مرمتی کام نہ ہونے کےباعث یہ واقعہ پیش آیا ہے، ڈی ایم ڈی آپریشنز واسا غفران احمد کا کہنا ہے کہ مرمتی کام شروع کردیا گیا ہے جلد سیوریج لائن بحال کردی جائے گی۔