Category لاھور نامہ

شوقین شہریوں کےلئے اچھی خبر،نمبرپلیٹس بنانے والی کمپنی نے اپنے نام کی من پسند نمبر والی وینیٹی پلیٹس شروع کرنے کے لئے محکمہ ایکسائز کو مراسلہ بھجوا دیا۔سابقہ حکومت میں وینٹی نمبرپلیٹس کا منصوبہ شروع کیا جانا تھا لیکن کمپنی کی جانب سے تاخیرسےکی وجہ عملدرآمد نہ ہوسکا تھا۔

چند ماہ قبل محکمہ ایکسائز کی جانب سے این آر ٹی سی کو نمبرپلیٹس بنانے کا کنٹریکٹ دیا تھا جس پرٹرائل بیسز پرروزانہ اجرا کیا جارہا ہے جبکہ جلد ہی افتتاح کے بعد روزانہ اوسطا 20ہزار پلیٹس جاری کی جائیں گی۔متعلقہ کمپنی نے اپنے نام، من پسند نمبر والی وینیٹی پلیٹس شروع کرنے کے لئے مراسلہ محکمہ ایکسائز کو بھجوا دیا ہے۔ جلد وینیٹی پلیٹس کے منصوبہ کا آغاز کیا جائے تاکہ شہریوں کومن پسند ناموں والی پلیٹس فراہم کی جاسکیں۔ من پسند نمبروں والی پلیٹس سے محکمہ ایکسائز کی کمائی میں اضافہ ہوگا۔

ایکسائزحکام کا کہنا ہے کہ نمبرپلیٹس بنانے والی کمپنی کی جانب سے وینٹی پلیٹس شروع کرنے کی سمری سیکریٹری ایکسائز کوبھجوا دی گئی ہے۔وینٹی پلیٹس سے کیا کیا فوائد ہوسکتے ہیں اسی حوالے سے تمام ڈائریکٹرز سے مشاورت بھی کی جائےگی اور ای چالاننگ کے لئے سیف سٹیز کی رائے بھی لی جائے گی۔

واضح رہے سابقہ دور حکومت میں وینٹی نمبرپلیٹس کا منصوبہ شروع کیا جانا تھا لیکن کمپنی کی جانب سے تاخیر کی وجہ عملدرآمد نہ ہوسکا تھا۔

سید پور کے قریب نامعلوم ملزم نے بجلی گھر میں گھس کر دو افراد کو قتل کردیا۔پولیس نے شبے میں گرڈمیں ملازمت کرنیوالے ایک نوجوان کو حراست میں لے لیا۔

ملتان روڈ سیدپور سٹاپ پر بجلی گھر میں دو افراد کو قتل کردیا گیا،پولیس کے مطابق دو ملازمین کو نامعلوم شخص نے فائرنگ اور چھریوں کے وار کرکے قتل کیا۔مقتولین کی شناخت 60 سالہ اسحاق مسیح اور 38سالہ امجد کے نام سےہوئی ہے۔اسحاق گرڈ اسٹیشن میں خاکروب اور امجد کنٹرول روم کا انچارج تھا جبکہ مقتولین قاضی ٹاؤن اور بکر منڈی کے رہائشی تھے۔

فرانزک ٹیموں نے موقع سے تمام شواہد اکھٹے کرلیے۔ذرائع کے مطابق گرڈ سٹیشن میں کام کرنیوالا ملازم عثمان جلدی گھر چلا گیا تھا،پولیس نے عثمان کو شبے کی بنیاد پر گھر سے حراست میں لیکر تحقیقات شروع کردی ہیں۔عثمان کا چند روز قبل امجد سے جھگڑا بھی ہوا تھا۔

سبزہ زار میں نامعلوم افراد نے گھر میں گھس کر میاں بیوی کو چھریوں کے وار کر کے قتل کر دیا،پولیس نے موقع سے شواہد اکٹھے کر کے کارروائی شروع کر دی۔

پولیس کے مطابق سبزہ زار کے علاقے نیو ٹاون کے رہائشی میاں بیوی کو تیز دھار آلہ سے گھر میں گھس کر قتل کیا گیا، 60 سالہ سید انیس اور پنتالیس سالہ ناصرہ بی بی کی لاشیں الگ کمروں میں تھیں،انیس کو رسیوں سے باندھ کر قتل کیا گیا،پولیس کے مطابق سید انیس نے پہلی بیوی کی وفات کے بعد ناصرہ سے دوسری شادی کی تھی۔

مقتولہ ناصرہ بی بی سے کوئی اولاد نہ تھی جبکہ مقتول کی پہلی بیوی سے دو بیٹے ہیں جو برطانیہ میں رہائش پذیر ہیں،پولیس نے موقع سے شواہد اکٹھے کر کے مقتولین کی لاشیں پوسٹ مارٹم کے لئے مردہ خانے منتقل کر دی ہیں، اہل محلہ کے لوگوں کا کہناتھا کہ یہ ریٹائر ملازم تھے کسی کے ساتھ کوئی رنجش نہیں تھی ان کی۔

پنجاب حکومت نے عید پر لاک ڈاؤن کے دوران نیا نوٹی فکیشن جاری کر دیا، جس میں کہا گیا ہے کہ لاک ڈاؤن کے دوران تمام مارکیٹس، کاروبار،دفاتر اور دکانیں بند رہیں گی اور چاند رات بازاروں ،مہندی، چوڑیوں اور کپڑوں کے سٹالز پر پابندی ہوگی۔

تفصیلات کے مطابق پنجاب حکومت نے عید پر لاک ڈاؤن سےمتعلق نیا نوٹی فکیشن جاری کر دیا، جس میں کہا گیا ہے کہ شہروں میں ٹرانسپورٹ کی اجازت آج شام 6 بجے تک ہے، آج شام 6 بجے سے15 مئی تک بین الصوبائی اور بین اضلاعی ٹرانسپورٹ بند ہو گی تاہم رکشہ ، ٹیکسیز ،نجی گاڑیوں کو50فیصد گنجائش کیساتھ سفر کی اجازت ہوگی۔

نوٹی فکیشن میں کہا گیا ہے کہ لاک ڈاؤن کے دوران تمام مارکیٹس، کاروبار،دفاتر اور دکانیں بند رہیں گی اور چاند رات بازاروں ،مہندی، چوڑیوں اور کپڑوں کے سٹالز سمیت انڈور،آؤٹ ڈور ریسٹورنٹس پر مکمل پابندی عائد ہوگی، ریسٹورنٹس پر صرف ٹیک آویز کی اجازت ہو گی۔

سیکریٹری ہیلتھ کئیر پنجاب نے کہا تمام میڈیکل سٹور، فارمیسیز،میڈیکل فیسیلیٹیز 24گھنٹےکھلےرہیں گے ، پیٹرول پمپ،تندور ، دودھ دہی کی دکانیں 24 گھنٹے کھلے رکھنےکی اجازت ہوگی تاہم گروسری سٹورز ،کریانہ ،بیکری،آٹا چکیاں ، مٹھائی ،پھل ،سبزی ،گوشت کی دکانیں صبح 9 سے شام 6 بجے تک کھولنے کی اجازت ہوگی۔

نوٹی فکیشن کے مطابق ڈرائی کلینرز، منی ایکسچینج کمپنیز، کورئیر سروسز شام 6 بجےتک کھولنے ، غلہ منڈی،سبزی پھل،مویشی منڈیوں ، آٹوورکشاپ،تیل ڈپو،یوٹیلیٹی سروسز،کال سینٹرز میں شام 6بجےتک کام کی اجازت ہوگی۔

سیکریٹری ہیلتھ کئیر نے کہا کہ تمام پارک اور سیرو تفریح والےمقامات اور سرگرمیوں پرپابندی ہوگی ، 8فیصدسےزائدشرح والےشہروں میں پابندیاں مزید سخت ہوں گی ، ان شہروں میں تفریخی مقامات،پارکس،شاپنگ مالز،ریسٹورنٹس، پکنک پوائنٹس بند ہوں گے جبکہ اسپورٹس،ثقافتی تہواراور اجتماعات پر مکمل پابندی عائدہوگی۔

نوٹی فکیشن کے مطابق ٹرین سروس 70فیصدمسافروں کے ساتھ جاری رہےگی، ضلعی انتظامیہ اور پولیس ملکر ایس او پیز کا اطلاق یقینی بنائیں گے، شہری ما سک کی پوری طرح پابندی کریں گے۔

دنیا بھر میں سماجی روابط کی ویب سائٹس اور ویڈیو شیئرنگ ایپس نئی نسل اور شہرت کے دلدادہ افراد کی من پسند مصروفیت بن چکی ہے، جہاں سوشل میڈیا سماج پر مثبت اثر ڈال رہا ہے تو اسی سوشل میڈیا کے معاشرے پر منفی اثرات بھی پڑرہے ہیں۔

حافظ آباد میں اصلی پسٹل سے ٹک ٹاک کے جنون میں گولی چل جانے سے جاں بحق ہونے والے کم سن ابرار کی نعش پولیس نے ضروری کارروائی کے بعد گھر والوں کے حوالے کر دی.

خاندانی ذرائع کے مطابق مبینہ طور پر پستول سے خود پر فائر کرنے کی ٹک ٹاک بناتے ہوئے جاں بحق ہوا، ابرار اپنے کزن کے ساتھ ٹک ٹاک بنا رہا تھا۔ ضروری کاروائی کے بعد بچے کی نعش اس کے گھر پہنچا دی گئی۔

ابرار 4 بہنوں کا اکلوتا بھائی تھا اور سب سے چھوٹا تھا، ابرار کے والدین نے واقعہ کو اتفاقیہ قرار دے کر قانونی کارروائی سے انکار کردیا۔

وزیر اعلی پنجاب نے ایکسپو سنٹر میں 300 آکسیجن بیڈ ہسپتال بنانے کی ہدایت کر دی ہے۔ایکسپو سنٹر میں آکسیجن بیڈ ڈ ہسپتال بنایا جائے گا۔وزیر اعلی نے محکمہ سپیشلائزڈ ہیلتھ کیئر کو اس ہسپتال کے انتظامات کرنے کی ہدایت کر دی ہے جبکہ وزیر اعلی پنجاب سردار عثمان بزدار نے محکمہ خزانہ کو اس ہسپتال کے لئے بجٹ فراہم کرنے کی ہدایت بھی کر دی ہے۔یہ ہسپتال وینٹیلیٹرز ہسپتال کی بجائے صرف آکسیجن بیڈ ز پر مشتمل ہو گا، ہسپتال میں کورونا کے آکسیجن کے مریضوں کو داخل کیا جائے گا۔

دنیابھر کے مسلمانوں کیلئے بڑی خبر، سعودی عرب نے حج سےمتعلق بڑا اعلان کردیا
واضح رہے کہ کورونا کےباعث ملک بھر میں مزید 78 افراد جان کی بازی ہارگئےجبکہ کورونا کے 3 ہزار 447 نئے کیسز رپورٹ ہوئے ہیں۔

نیشنل کمانڈ اینڈ آپریشن سینٹر کے اعداد شمار میں بتایا گیا ہےکہ ملک بھر میں کورونا سے اموات کی مجموعی تعداد 18 ہزار915 تک پہنچ گئی جبکہ متاثرہ افراد کی مجموعی تعداد 8 لاکھ 58 ہزار 26 ہو گئی ہے۔ملک بھرمیں ایکٹو کیسز کی تعداد 81 ہزار 830 ہے اور 7 لاکھ 57 ہزار 281 افراد کورونا سے صحتیاب ہوچکے ہیں۔

کورونا کے باعث پنجاب میں اب تک 9ہزار 32 افراد جان کی بازی ہار چکے ہیں جبکہ سندھ میں 4 ہزار 726، خیبرپختونخوا 3 ہزار 588، اسلام آباد 708، گلگت بلتستان 107، بلوچستان میں 247 اور آزاد کشمیر میں 507 افراد جان کی بازی ہار چکے ہیں۔

عید الفطر سےمتعلق اجلاس،سی سی پی او کےاہم احکامات جاری

کورونا وائرس کی تیسری لہر نے اس قدر زندگی نظام کو مفلوج بنادیا کہ دیہاڑی دار طبقہ دو وقت کی روٹ کھانے کے لئے بھی دربدر پھر رہا ہے،لاہور کے ہسپتالوں میں داخل کورونا سے متاثرہ مریضوں کے بارے ایک نیا انکشاف سامنے آیا۔

تفصیلات کے مطابق اڑھائی سال سے گزرنے کے بعد بھی جان لیوا وائرس ختم نہیں ہوا، دنیا کی بڑی بڑی سپر پاورز نے اس کے سامنے گھٹنے ٹیک دیے ہیں،اموات کا سلسلہ جاری وساری ہے اور آئے روز اس سے متاثر ہونے والوں کی تعداد بھی بڑھ رہی ہے، لاہور کے ہسپتالوں میں داخل کورونا کے مریضوں کے بارے ایک نیا انکشاف سامنےآیا، طبی ماہرین کا کہناتھا کہ لاہور میں 89 فیصد مریضوں میں کورونا وائرس کی برطانوی قسم کی موجودگی کا انکشاف ہوا ہے۔

لاہور میں یونیورسٹی آف ہیلتھ سائنسز نے اس حوالے سے تحقیق کرتے ہوئے کہا کہ 2 فیصدمریضوں میں وائرس کی جنوبی افریقی قسم پائی گئی ہے،صوبائی دارالحکومت میں اس وقت کورونا کے مثبت کیسز کی شرح ایک بار پھر 22 فیصد سے اوپر چلی گئی۔

واضح رہے کہ نیشنل کمانڈ اینڈ آپریشن سینٹر کے اعداد شمار میں بتایا گیا ہےکہ ملک بھر میں کورونا سے اموات کی مجموعی تعداد 18 ہزار915 تک پہنچ گئی جبکہ متاثرہ افراد کی مجموعی تعداد 8 لاکھ 58 ہزار 26 ہو گئی ہے,ملک بھرمیں ایکٹو کیسز کی تعداد 81 ہزار 830 ہے اور 7 لاکھ 57 ہزار 281 افراد کورونا سے صحتیاب ہوچکے ہیں۔

کورونا کے باعث پنجاب میں اب تک 9ہزار 32 افراد جان کی بازی ہار چکے ہیں جبکہ سندھ میں 4 ہزار 726، خیبرپختونخوا 3 ہزار 588، اسلام آباد 708، گلگت بلتستان 107، بلوچستان میں 247 اور آزاد کشمیر میں 507 افراد جان کی بازی ہار چکے ہیں۔

سی ایس ایس امتحان میں شعبہ پولیٹیکل سائنس جی سی یونیورسٹی کے 8 طلبا کی کامیابی، پاکستان ایڈمنسٹریٹو سروس سمیت مختلف محکموں کیلئے منتخب ہوگئے۔

سی ایس ایس امتحان ایک ہی سال میں پاس کرنے کے بعد سول سروس بھی جوائن کرکے شعبہ پولیٹیکل سائنس گورنمنٹ کالج یونیورسٹی کے 8 طلباء نےریکارڈ قائم کر دیا ہے۔ سی ایس ایس دو ہزار بیس میں پولیٹیکل سائنس کے 8 طلباء ٹاپ پوزیشن حاصل کرکے پاکستان ایڈمنسٹریٹو سروس سمیت مختلف محکموں کیلئے منتخب ہوئے ہیں۔

پہلی پوزیشن حاصل کرنے والی ماہین حسن بھی پولیٹیکل سائنس ڈیپارٹمنٹ کی طالبہ ہے۔ جبکہ طیب وزیر، بینگول خان بگٹی، معشوق احمد چاچڑ، گل حسن، زبیر نواز بھی ٹاپ پوزیشن حاصل کرنیوالوں میں شامل ہیں۔ اس کے علاوہ غلام فرید اور الماس صبیح نے بھی ٹاپ پوزیشن حاصل کی۔

چیئرمین ڈیپارٹمنٹ اور ڈین ڈاکٹر خالد منظور بٹ کا کہنا ہے سول سروس جوائن کرنیوالے طلبا ہمارا فخر ہیں، طلباء کو کوالٹی ایجوکیشن دی جاتی ہے، 8 طلباء کا ایک ہی سال میں سی ایس ایس کوالیفائی کرنا تاریخی ریکارڈ ہے۔

انسداد کورونا کے تحت ٹرانسپورٹ کا لاک ڈاؤن، شہر میں اورنج لائن، میٹرو بس اور سپیڈو بس بند، شہری چنگ چی اور آٹو رکشوں میں سفر کرنے پر مجبور ہوگئے۔

تفصیلات کے مطابق کورونا لاک ڈاؤن کے باعث مسافروں کیلئے سفر کرنا مشکل ہوگیا ہے۔ شہری چنگ چی رکشوں میں سفر کرنے مجبور ہیں۔ جن میں انسداد کورونا ایس او پیزکےتحت 50 فیصد مسافر پالیسی پر عملدرآمد نہ کیا جا رہا۔ مسافروں کا کہنا ہے کہ پبلک ٹرانسپورٹ بند ہونے سے مشکلات میں اضافہ ہوا ہے، چنگ چی پر سفر کرنا مجبوری ہے۔ میٹرو بس کے مقابلے چنگ چی یا آٹو رکشہ کے کرایہ کافی زیادہ ہی۔

چنگ چی ڈرائیورز کاکہنا ہے کہ کرایہ بڑھانے کی باتیں بے بنیاد ہیں، سواری کم ہونے کےباوجود کوئی کرایہ نہیں بڑھایا۔کورونا پالیسی کے تحت چنگ چی میں 6 کی بجائے 4 افراد بٹھانے سے آمدن متاثر ہوگی۔

دوسری جانب بین الصوبائی ٹرانسپورٹ کو دی جانے والی مہلت کا آخری روز ہے، لاری اڈا پر پردیسیوں کا رش ٹوٹ گیا ہے۔پنجاب حکومت نے بین الاضلاع پبلک ٹرانسپورٹ کو 10مئی شام 6بجے تک اجازت دینے کا فیصلہ کیا گیا ہے۔ 10مئی شام6بجے سے 15 مئی صبح 6 بجے تک پبلک ٹرانسپورٹ پر پابندی ہوگی۔

لاہور میں پولیس کی جانب سے کورونا ایس او پیز کی خلاف ورزی کے نام پر شہریوں پر ڈنڈے برسانے والے ایس ایچ او نیو انارکلی کوآئی جی پنجاب کے نوٹس پر ڈی آئی جی آپریشنز نے شیخ احمد کو معطل کر دیا ۔

تفصیلات کےمطابق لاہور میں انارکلی بازار میں کورونا ایس او پیز پر عملدرآمد کروانے کیلئے ایس ایچ او شیخ احمد اہلکاروں کے ہمراہ دکانداروں اور راہگیروں پر ڈنڈنے برساتے رہے،واقعہ کی فوٹیج میں پولیس اہلکاروں اور ایس ایچ او کو ڈنڈے برساتے دیکھا جا سکتا ہے۔

دوسری جانب شہر میں مکمل لاک ڈاؤن کے بعد چوبیس گھنٹوں کے دوران کورونا ایس او پیز کی خلاف ورزی پر 266 مقدمات درج کر لئے۔

ڈی آئی جی آپریشنز ساجد کیانی کے مطابق حکومتی احکامات پر من و عن عملدرآمد کروایا جا رہاہے ، شہری ایس اوپیز کی پابندی کریں خلاف ورزی کسی صورت قابلِ برداشت نہیں ۔ڈی آئی جی آپریشنز ساجد کیانی کے مطابق چوبیس گھنٹوں کے دوران کورونا ایس او پیز کی خلاف ورزی پر 266مقدمات درج کئے گئے جبکہ فیس ماسک استعمال نہ کرنے پر193 افراد کےخلاف کارروائی کی گئی۔

ڈی آئی جی آپریشنز کے مطابق دیگر ایس او پیز کی خلاف ورزی پر73 مقدمات درج کئے گئے جبکہ لاک ڈاؤ ن کے دوران مجموعی طور پر 4 ہزار 333 مقدمات درج کئے گئے۔

انتظامیہ کی جانب سے شہریوں کی سہولت کے لیے شہر بھر میں لاک ڈاؤن کیا گیا ہے جس میں تمام کاروباری مراکز بند رکھنے کے احکامات جاری کیے گیے ہیں، انتظامیہ کی جانب سے میڈیکل سٹور، ویکسین سینٹر ، پھل سبزی فروش ، گوشت اور دودھ دہی کی دکانوں کو کھولنے کی اجازت دی گئی۔

شہر میں لاک ڈاؤن پر عملدرآمد کروانے کے کے لیے پولیس کی جانب سے شہر بھر میں گشت کیا گیا اور سنیپ چیکنگ بھی کی گئی ، لاک ڈاؤن کے باعث شہر کی سڑکیں پر ٹریفک نہ ہونے کے برابر رہی، سڑکیں ویرانے کا منظر پیش کرتی رہیں۔