Category تازہ ترین

بابو شاج نامی سول انجینئر کی بیوی بیرون ملک ملازمت کرنے کی خواہش رکھتی تھی لیکن پاسپورٹ کی ویریفکیشن نہیں ہو پا رہی تھی جس کے لیے ملزم نے غیر قانونی طریقہ اختیار کیا۔

اس نے پاسپورٹ سسٹم کو ہیک کر کے اہلیہ کے پاسپورٹ کی ویریفکیشن مکمل کرنا چاہی لیکن ممبئی پولیس کرائم برانچ نے فوری کارروائی کرتے ہوئے ملزم کو گرفتار کر کے مقدمہ درج کرلیا۔

پولیس کے مطابق ملزم دیگر درخواستوں کو بھی منظور کروانے کی کوشش میں تھا، پتا لگایا جا رہا ہے کہ اس نے سسٹم کو کیسے ہیک کیا اور اس کے پیچھے کیا مقاصد تھے؟

غیر ملکی میڈیا کے مطابق فائرنگ کا واقعہ مسی سپی کے قصبے ٹیٹ کاؤنٹی میں پیش آیا، جہاں مسلح شخص نے سابقہ بیوی سمیت پانچ افراد کو موت کے گھاٹ اُتار دیا ،  مسلح شخص نے مختلف مقامات پر لوگوں کو قتل کیا ، واقعہ میں ملوث 52 سالہ حملہ آور کو گرفتار کرلیا گیا ہے۔

غیر ملکی میڈیا کے مطابق مسلح شخص نے دکان میں داخل ہوکر ایک شخص کو گولی مار کر ہلاک کر دیا، اس سے قبل اس نے قریبی گھر میں داخل ہوکر اپنی سابقہ بیوی کو قتل کیا۔

غیر ملکی میڈیا کے مطابق ملزم نے پھر ایک گھر میں داخل ہوکر مزید دو افراد کو قتل کیا، جبکہ اسی علاقے سے مزید دو افراد کی بھی گولیاں لگی نعشیں برآمد ہوئیں۔

غیرملکی میڈیا کے مطابق ریاست کے گورنرکا کہنا ہے کہ بظاہر لگ رہا ہے کہ ملزم نے اکیلے ہی واردات کو انجام دیا ہے، تاہم فائرنگ کی وجوہات معلوم کی جارہی ہیں ۔

واشنگٹن گن وائلنس آرکائیو کے مطابق سال کے آغاز سے اب تک یہ امریکا میں فائرنگ کا 73واں واقعہ ہے۔

یورپی ملک بلغاریہ کی پولیس نے دارالحکومت صوفیہ کے پاس ایک ٹرک سے 18 افغان تارکین وطن کی لاشیں برآمد کرلیں ۔

برطانوی خبر رساں ادارے کے مطابق بلغاریہ کی وزارت داخلہ نے ایک بیان میں کہا ہے کہ لوکورسکو گاؤں کے قریب ملنے والا ٹرک لکڑی اور کمپارٹمنٹس میں چھپے غیرقانونی تارکین وطن کو لے جا رہا تھا۔

اس حوالے سے نیشنل تحقیقاتی سروس کے سربراہ کا بتانا تھا کہ تارکین وطن کی اموات دم گھٹنے کے باعث ہوئیں ، ان  افراد نے غیرقانونی طور پر ہمسایہ ملک ترکیہ کی سرحد عبور کی اور بلغاریہ کے شہر یامبول کے قریب ٹرک پر چڑھنے سے قبل دو دن تک جنگل میں چھپے رہے۔

بلغاریہ کے وزیر صحت کا کہنا ہے کہ پانچ بچوں سمیت 34 تارکین وطن کو ہسپتالوں میں پہنچایا گیا جہاں ان کی حالت بہتر ہے جبکہ پولیس نے چار افراد کو بھی حراست میں لے لیا ہے ۔

خبر رساں ادارے کے مطابق سینیئر پولیس اہلکار کا کہنا ہے کہ حراست میں لیے گئے چار افراد میں سے ایک کو پہلے ہی انسانی سمگلنگ کے الزام میں سزا سنائی جا چکی ہے، مزید ثبوت ملنے پر الزامات عائد کیے جائیں گے۔

ریاض :مسجد نبوی کی انتظامیہ نے کہا ہے کہ اس سال رمضان کے دوران خواتین سکیورٹی اہلکار تعینات کی جائیں گی ۔

سعودی خبررساں ادارے کے مطابق مسجد نبوی کی انتظامیہ نے رمضان کے انتظامات کے لیے خصوصی اجلاس کا انعقاد کیا جس میں ہنگامی صورتحال ، خطرات سے نمٹنے ، امن و سلامتی کے انتظامات اور سہولتوں کا نظام جدید خطوط پر استوارکرنے کا جائزہ لیا گیا۔

اجلاس میں امن و سلامتی کے انتظامات کرنے والے ادارے اوردیگر عہدیداروں نے شرکت کی ، اجلاس میں فیصلہ کیا گیا کہ مسجد نبوی میں خواتین سکیورٹی اہلکار تعینات کی جائیں گی۔

واضح رہے کہ حرمین الشریفین انتظامیہ کے سربراہ اعلی شیخ ڈاکٹر عبدالرحمن السدیس کی ہدایات پر زائرین کو رمضان میں نئی سہولتیں فراہم کی جائیں گی۔

فیصل آباد:برائلر مر غی کی قیمت میں اضا فے کا سلسلہ جا ری ،قیمتو ں میں اضا فے کے تما م ریکارڈ تو ر دئیے ، فی کلو مر غی کے گو شت میں 27روپے مزید اضا فہ ،انڈوں کی قیمتوں 20روپے فی درجن میں کمی ،برائلر مر غی 683روپے فی کلو ہو گئی ،آن لا ئن کے مطا بق گزشتہ رو ز صا فی گو شت 666رو پے فی کلو تھا جو کہ 27رو پے اضا فے کے ساتھ 683رو پے فی کلو ہو گیا جبکہ 9سو گرام کی قیمت 635روپے تھی جو کہ بڑھ کر 650روپے ہو گئی ،اس طرح زندہ برائلر مر غی کا گو شت 475فی کلو تک پہنچ گیا جبکہ منڈی میں بڑھتی ہو ئی قیمتوں نے تما م ریکا رڈ تو ڑ دیے ،گزشتہ رو ز منڈی میں فی من 17ہزار5سو بیس روپے سے بڑھ کر 18ہزا ر فی من ہو گئی ۔ انڈو ں کی قیمتوں کمی ہوئی گذشتہ روز فی درجن 285روپے تھی جو کہ کم ہو کر 265روپے فی درجن ہوگئی ہے

رائیونڈ:ا مپورٹڈ حکومت غریبوں سے جینے کا حق چھین رہی ہے حکمران وزیروں، مشیروںکا مفت پیٹرول اور پروٹوکول ختم کرے ورنہ غریب ختم ہو جائیں گے،پاکستان تحریک ا نصا ف کے صوبائی رہنماء رانا نثار راٹھ میڈیا سے گفتگو میں کر رہے تھے انہوں نے مزید کہا کہ پیٹرولیم مصنوعات کی قیمتوں میں اضافہ عوام دشمنی کے مترادف ہے،پہلے ہی معیشت ڈوبی ہوئی ہے اب امپورٹڈ حکمرانوں نے غریبوں سے جینے کا حق بھی چھین لیا ہے،نااہل امپورٹڈحکمران وزیروں، مشیروںکا مفت پیٹرول اور پروٹوکول ختم کرے ورنہ غریب ختم ہو جا ئیں گے،عمران خان ہی ملک کو بحرانوں سے نکال سکتے ہیں چودہ پارٹیوں نے ملکر پاکستان کو کباڑخانہ بنا کر رکھ دیاہے، پی ڈی ایم قومی اسمبلی ضمنی الیکشن میں بھی حصہ لینے سے گھبرا رہی ہے

حجرہ شاہ مقیم:تیز رفتاری کے باعث کار موٹرسائیکل سے ٹکرا کر الٹ گئی،بہن بھائی سمیت چار افراد جاں بحق ،دو زخمی ہو گئے ۔تفصیلات کے مطابق حجرہ شاہ مقیم سے آٹھ کلومیٹر کے فاصلے پر قصبہ صالحوال میں دیپالپور روڑ پر کار تیز رفتاری کے بعد بے قابو ہو کر فٹ پاتھ اور پھر پیچھے سے تیز رفتاری میں آنے والے موٹر سائیکل سے بری طرح ٹکرا گئی ،حادثے کے نتیجے میں کار کا ڈرائیو احمد علی،کار سوارسولہ سالہ طالب علم فراز احمداسکی بارہ سالہ طالبہ بہن اسراء اور موٹر سائیکل سوار عمران شدید زخموں کی تاب نہ لاتے ہوئے موقع پر جان کی بازی ہار گئے جبکہ موٹرسائیکل سوار چھبیس سالہ عمران ولد محمد شریف کی والدہ زینب بی بی اور کار سوار فراز کی دوسری بہن افراء شدید زخمی ہو گئے جنہیں ہسپتال منتقل کر دیا گیا ہے ،آن لائن کے مطابق متوفی فراز اپنی بہنوں کے ہمراہ کار پر اپنے آرمی پبلک سکول کینٹ جا رہا تھا جبکہ موٹر سائیکل سوار عمران اپنی والدہ کے ہمراہ پاسپورٹ بنوانے منڈی احمد آباد سے اوکاڑہ جا رہا تھا۔

لاہور: پاکستان شوبز انڈسٹری کے معروف اداکار عمران عباس پنجابی فلم جی وے سوہنیا جی میں ڈیبیو کرنے کو تیار ہیں، انہوں نے فلم کا ٹیزر مداحوں کے ساتھ شیئر کر دیا۔فوٹو اینڈ ویڈیو شیئرنگ پلیٹ فارم انسٹاگرام پر عمران عباس نے اپنی پہلی بھارتی پنجابی فلم کی جھلک شیئر کرتے ہوئے لکھا کہ میں اپنے پہلے یو ایس-انڈو پروڈکشن کی جانب سے پیش کردہ منصوبے کا اعلان کرتے ہوئے بہت پْرجوش ہوں۔انہوں نے کیپشن میں مزید لکھا کہ میری فلم ’جی وی سوہنیا جی رواں سال 6 اکتوبر کو سنیما گھروں کی زینت بنے گی

لندن :معروف پاکستانی اداکارہ سجل علی نے کرینہ کپور خان کی فلم کبھی خوشی کبھی غم سے مشہور کردار پوجا کو نئے انداز میں پیش کیا۔برطانوی نشریاتی ادارے کے صحافی ہارون رشید نے فوٹو اینڈ ویڈیو شیئرنگ ایپ انسٹاگرام پر سجل علی کے ساتھ اپنی ویڈیو شیئر کی ہے۔اس ویڈیو میں دونوں نے فلم کبھی خوشی کبھی غم کے ایک سین کو اپنے انداز میں دوبارہ پیش کیا، جس میں ایک لڑکا پوجا سے اپنے ساتھ فلم دیکھنے کے لیے چلنے کو کہتا ہے اور پوجا اس پیشکش کو انتہائی نرالے انداز میں ٹھکرا دیتی ہے۔سجل علی اور ہارون رشید دونوں نے ہی فلم کے اس منظر کو بہت زبردست انداز سے پیش کیا ہے اور سوشل میڈیا صارفین کی جانب سے اس ویڈیو کو بہت پسند بھی کیا جارہا ہے۔اس ویڈیو میں ہارون رشید کو ہلکے نیلے رنگ کی شرٹ کیساتھ سفید رنگ کی ٹی شرٹ اور سیاہ رنگ کی جینز پہنے جبکہ سجل علی سفید رنگ کے کْرتے اور پاجامے کے ساتھ لال رنگ کی چوڑیاں پہنے بہت ہی خوبصورت لگ رہی ہیں۔

مائیکرو بلاگنگ سائٹ ٹوئٹر نے بھارت میں اپنے تین میں سے دو دفاتر بند کردیے۔

بھارتی میڈیا کے مطابق ٹوئٹر کے مالک ایلون مسک نے دہلی اور ممبئی میں اپنے دفاتر بند کرتے ہوئے ملازمین کو گھروں سے کام کرنے کی ہدایت کردی ہے۔

میڈیا رپورٹس کے مطابق ٹوئٹر کے دفاتر کو بند کرنے کے فیصلے کو اخراجات میں کمی سے متعلق اقدام قرار دیا ہے۔

اس سے قبل ٹوئٹر نے بھارت میں اپنے 90 فیصد ملازمین کو فارغ کردیا تھا جس کے بعد اب دہلی اور ممبئی دفاتر کے حوالے سے اہم فیصلہ کیا گیا ہے۔

بھارتی میڈیا کے مطابق ٹوئٹر بنگلورو میں واقع اپنے آفس سے آپریشنز کو جاری رکھے گا۔

ٹوئٹر کا کنٹرول سنبھالنے کے بعد سے ایلون مسک اب تک دنیا بھر میں ٹوئٹر کے متعدد ملازمین کو فارغ کرچکے ہیں جب کہ کئی دفاتر بھی بند کیے جاچکے ہیں۔