Category تازہ ترین

اسلام آباد کی انسداد دہشتگری عدالت (اے ٹی سی) سے ضمانت مسترد ہونےکے بعد لاہور ہائی کورٹ نے بھی عدم پیشی پر  عمران خان کی حفاظتی ضمانت کی درخواست خارج کر دی۔

لاہور ہائی کورٹ کے دو رکنی بینچ نے حفاظتی ضمانت کیس کی سماعت میں عمران خان کے پیش ہو کر وضاحت نہ دینے کی صورت میں توہین عدالت کا نوٹس دینے کاعندیہ دیا تھا۔

جسٹس طارق سلیم شیخ نے ریمارکس دیتے ہوئے کہا کہ عمران خان کو عدالت میں آکر حلف پر  دستخط کی وضاحت کرنا ہو گی، عمران خان کے وکیل نے کہا کہ وقت دے دیں، عمران خان سے ہدایات لینا چاہتا ہوں، اس پر جسٹس طارق سلیم شیخ نے سماعت ساڑھے 6 بجے تک ملتوی کر دی تھی۔

تاہم عمران خان ساڑھے 6 بجے بھی عدالت پیش نہ ہوئے تو لاہور ہائیکورٹ کے دو رکنی بینچ نے ان کی حفاظتی ضمانت کی درخواست خارج کر دی۔

آج کی سماعت کا احوال

اسلام آباد کی انسداد دہشتگری عدالت سے ضمانت مسترد ہونے کے بعد عمران خان کی حفاظتی ضمانت کی درخواست پر لاہور ہائی کورٹ میں سماعت ہوئی۔

عمران خان کی حفاظتی ضمانت کے لیے عمران خان کے وکلا جسٹس طارق سلیم شیخ کے روبرو پیش ہوئے، ایڈووکیٹ اظہر صدیق نے عمران خان کی جانب سے اپنا وکالت نامہ جمع کرایا۔

وکیل عمران خان کا کہنا تھا کہ ڈاکٹرز سے میٹنگ چل رہی ہے، سکیورٹی پر پارٹی تحفظات ہیں، 2 گھنٹے میں پوری کوشش ہےکہ عمران خان کسی طرح پہنچ سکیں۔

عمران خان کے وکیل کی درخواست پر عدالت نے پہلے ساڑھے 12 بجے تک وقفہ کیا۔

عدالتی مہلت گزر گئی لیکن عمران خان لاہور ہائی کورٹ میں پیش نہ ہوئے، حفاظتی ضمانت کی درخواست پر دوبارہ سماعت شروع ہوئی تو  معاون وکیل نے عدالت کو بتایا کہ ایڈووکیٹ اظہر صدیق ہدایات لے کر آرہے ہیں، کچھ وقت دے دیں جس کے بعد عدالت نے سماعت میں دوسری مرتبہ وقفہ کردیا اور سماعت کے لیے 2 بجے کا وقت مقرر کردیا۔

2 بجےعمران خان کی حفاظتی ضمانت کے لیے درخواست پر سماعت دوبارہ شروع ہوئی تو  عمران خان کے وکیل اظہر صدیق اور معالج ڈاکٹر فیصل سلطان عدالت میں پیش ہوئے۔

وکیل اظہر صدیق کا کہنا تھا کہ ایک اور درخواست ضمانت دائر ہوئی ہے، ڈاکٹر سے میٹنگ ہوئی ہے، عدالت کے حکم پر عمل کے لیے تیار ہیں،  ڈاکٹر طارق سلطان یہیں ہیں۔

جسٹس طارق سلیم کا کہنا تھا کہ ڈاکٹر کو نہیں سننا، شرط ہے کہ عمران خان پہلے عدالت میں پیش ہوں۔

 وکیل عمران خان کا کہنا تھا کہ دوسری درخواست ضمانت کا انتظار کرلیں اس پر عدالت نےکہا کہ اس کے انتظار کی ضرورت نہیں، آپ موجودہ درخواست پر دلائل شروع کریں۔

وکیل عمران خان کا کہنا تھا کہ میں موجودہ درخواست ضمانت واپس لینا چاہتا ہوں۔

وکالت اور حلف نامے پر عمران خان کے مختلف دستخط پر عدالت کا نوٹس

اس دوران حلف نامے اور وکالت نامے پر عمران خان کے مختلف دستخط ہونے  پر لاہور ہائی کورٹ نے نوٹس لے لیا۔

عدالت نے عمران خان کے وکیل کی درخواست واپس لینے کی استدعا بھی رد کردی۔

وکیل اظہر صدیق نے دستخط مختلف ہونے پر جواب کے لیے وقت مانگ لیا۔

 عدالت کا کہنا تھا کہ سماعت 4 بجے دوبارہ کریں اس معاملےکو نظر انداز نہیں کیا جاسکتا، اس میں عمران خان یا وکیل کو توہین عدالت کا نوٹس دیں گے، درخواست کو  التوا میں رکھ رہے ہیں۔

عدالت نے سماعت 4 بجے تک ملتوی کردی۔

4 بجے سماعت شروع ہوئی تو عمران خان کے وکیل غلام عباس نسوانہ نے کہا کہ عمران خان کے دستخط دوبارہ کروا لیتے ہیں لیکن جسٹس طارق سلیم شیخ نے کہا کہ عمران خان میرے سامنے آکر دستخط کی وضاحت کریں، یہ معاملہ بہت زیادہ سنجیدہ ہے۔

اظہر صدیق ایڈووکیٹ نے کہا کہ بیلف یا ویڈیو لنک کے ذریعے کنفرم کروا لیں جس پر جسٹس طارق سلیم نے کہا کہ ایس نہیں ہوگا، وہ خود آکر وضاحت کریں، ورنہ  توہین عدالت کا نوٹس جاری کیا جائے گا۔

اظہر صدیق نے کہا کہ مجھے وقت دے دیں، عمران خان سے ہدایات لینا چاہتا ہوں، عدالت کمیشن مقرر  کرا دے، اس پر عدالت نے استفسار کیا کہ کیا کمیشن کے سامنے حلف ہو سکتا ہے؟ 

اظہر صدیق ایڈووکیٹ نے جواب دیا کہ عدالت کے پاس اختیارات  ہیں۔

عدالت نے ریمارکس دیے کہ اگر توہین عدالت کا نوٹس ہوا تو ہر تاریخ پر آنا پڑے گا۔

بعد ازاں جسٹس طارق سلیم شیخ نے سماعت ساڑھے چھے بجے تک ملتوی کر دی۔

انسداد دہشت گردی عدالت کا فیصلہ

خیال رہےکہ گزشتہ روز انسداد دہشت گردی  عدالت کے جج جواد عباس نے الیکشن کمیشن کے باہر احتجاج سے متعلق کیس میں عمران خان کی استثنیٰ کی درخواست خارج کردی تھی۔

انسداددہشت گردی عدالت نے عمران خان کو ڈیڑھ بجے تک پیش ہونے کی مہلت دی تھی لیکن وہ مقررہ وقت پر عدالت میں پیش نہیں ہوئے جس پر عدالت نے فیصلہ سناتے ہوئے ان کی ضمانت خارج کردی۔

عدالت کا کہنا تھا کہ ایک بلٹ انجری پر کسی ملزم کو اتنی رعایت نہیں دی جاسکتی ہے، اگر اتنی رعایت دی گئی تو یہ تمام ملزمان کے لیے ہوگی اور عدالت ایسی کوئی نظیر قائم کرنا نہیں چاہتی۔

واضح رہےکہ الیکشن کمیشن کے فیصلے پر احتجاج اور ہنگامہ آرائی کے مقدمے میں عمران خان عبوری ضمانت پر تھے اور عدالت نے گزشتہ روز(بدھ) تک  حاضری کے لیے عمران خان کو مہلت دے رکھی تھی۔

لاہور ہائی کورٹ میں گزشتہ روز کی سماعت

انسداددہشت گردی عدالت کی جانب سے ضمانت خارج ہونے کے فیصلےکے خلاف عمران خان نے لاہور ہائی کورٹ سے گزشتہ روز ہی رجوع کیا تھا۔

گزشتہ روز دوران سماعت  لاہور ہائی کورٹ کے جسٹس طارق سلیم شیخ نے استفسار کیا کہ حفاظتی ضمانت کا قانون کیا ہے؟حفاظتی ضمانت میں ملزم کی پیشی ضروری ہے، زیادہ مسئلہ ہے تو ایمبولینس میں آ جائیں، قانون سب کے لیے برابر ہے، اصولی طورپر مجھے یہ درخواست خارج کردینی چاہیے لیکن رعایت دے رہا ہوں۔

بعد ازاں عدالت نے پیشی کے بغیر حفاظتی ضمانت دینے سے انکار کرتے ہوئے مزید سماعت آج (جمعرات) تک کے لیے ملتوی کردی تھی۔

جڑانوالہ :ادارہ شماریات کے مطابق رواں مالی سال کے 6 ماہ کے دوران بڑی صنعتوں کی پیداوار میں 3.68 فیصد کمی ریکارڈ کی گئی ہے۔ادارہ شماریات کی جانب سے جاری رپورٹ میں بتایاگیا ہیکہ گاڑیوں کی پیداوار میں 30.23 فیصد کمی واقع ہوئی ہے۔اس کے علاوہ ٹیکسٹائل کے شعبے کی پیداوار 13.06 فیصد گھٹی اور لکڑی کی مصنوعات کی پیداوار 66.01 فیصد کم ہوئی۔رپورٹ کے مطابق فارماسیوٹیکل مصنوعات کی پیداوار 21.56 فیصد کمی کا شکار ہوئی، دسمبر میں فوڈ کے شعبے کی پیداوار میں 11.05فیصد اضافہ ہوا جب کہ فرنیچر کی مصنوعات کی پیداوار 182.35 فیصد بڑھی

جڑانوالہ:معاشی مشکلات کے باوجود ملک بھر میں روزانہ 20 کروڑ روپے کی شراب نوشی کا انکشاف ہوا۔ تفصیلات کے مطابق اقلیتوں کے نام پر شراب نوشی کی اجازت ختم کرنے کیلیے بل ڈیڑھ سال سے زیرالتواء ہونے پر سینیٹرمشتاق احمد اجلاس میں پھٹ پڑے۔ ان کا کہنا تھا کہ شراب جرائم کی جڑ ہے، آئین میں جو اس کی اجازت دی گئی ہے۔میں اس کو ختم کرنا چاہتا ہوں، اقلیتیں بھی میرے ساتھ ہیں۔ کمیٹی نے بل میں ترمیم کا معاملہ آئندہ اجلاس تک مؤخر کردیا۔ سینیٹر علی ظفر کا کہنا ہے کہ معاملے کو اگلے اجلاس تک مؤخر کیا ہے کیونکہ جب بھی کوئی آئینی ترمیم ہوتی ہے تو اس کے لیے ضروری ہوتا ہے کہ سب کی مشاورت سے اس کو مسترد یا پاس کریں۔

کیپ ٹائون :پاکستان کی جانب سے ٹی ٹوئنٹی انٹرنیشنل میں اولین سنچری بنانے والی منیبہ علی کا کہنا ہے کہ سنچری بنانے پر بہت خوش ہوں، پلان کے مطابق بیٹنگ کی۔قومی ویمنز ٹیم کی وکٹ کیپر بیٹر منیبہ علی کا کہنا تھا کہ وہ اچھی اننگز کے لیے پر اعتماد تھیں، ٹیم آئرلینڈ کے خلاف اچھا اسکور کرنے میں کامیاب ہوئی۔منیبہ علی نے کہا کہ ایکسٹرا کور پر کھیلنا میرا پسندیدہ اسٹروک ہے، آج میں نے بغیر کسی دباو کے اپنی بیٹنگ کو انجوائے کیا جس کی وجہ سے سنچری بنی۔واضح رہے کہ پاکستانی کرکٹر منیبہ علی نے آئر لینڈ کے خلاف میچ
میں تاریخ رقم کردی، ویمنز ٹی ٹوئنٹی انٹرنیشنلز اور ویمنز ورلڈ کپ میں پاکستان کی طرف سے سنچری اسکور کرنے والی پہلی کھلاڑی بن گئی ہیں۔آئرلینڈ ویمن کے خلاف ٹی ٹوئنٹی ورلڈ کپ 2023 کے گروپ میچ میں منیبہ نے رنز کے انبار لگادیے۔منیبہ نے تاریخی اننگز کھیلتے ہوئے ٹی ٹوئنٹی کرکٹ میں سنچری داغ دی، انہوں نے 68 گیندوں پر 102 رنز کی شاندار اننگز کھیلی جس میں 14 چوکے بھی شامل تھے۔

کراچی:گورنر سندھ کامران ٹیسوری سے چیئرمین پی سی بی مینجمنٹ کمیٹی نجم سیٹھی نے ملاقات کی ہے۔کراچی میں ہونے والی اس ملاقات کے دوران گورنر سندھ نے کہا کہ ملک میں کرکٹ کے فروغ کے لیے پی سی بی کی کاوشیں لائق تحسین ہیں۔گورنر سندھ نے کہا کہ کراچی معاشی حب ہونے کے ساتھ ساتھ کرکٹ کا مرکز بھی ہے۔انہوں نے کہا کہ پی ایس ایل اب ایک بین الاقوامی برانڈ بن چکا ہے۔اس موقع پر نجم سیٹھی نے کہا کہ گورنر سندھ کی پاکستان میں کرکٹ کے فروغ میں دلچسپی قابل تحسین ہے۔نجم سیٹھی نے مزید کہا کہ پی ایس ایل کے کامیاب انعقاد کو یقینی بنائیں گے۔

کراچی :پشاور زلمی کے کپتان بابر اعظم کی میچ کے بعد سٹیڈیم میں صفائی کرنے کی ویڈیو وائرل ہوگئی۔سوشل میڈیا پر پشاور زلمی اور کراچی کنگز کے پہلے میچ کے بعد کی ایک ویڈیو وائرل ہورہی ہے جس میں بابر اعظم کو گرانڈ مین اور دیگر کھلاڑیوں کے ہمراہ گرانڈ کی صفائی کرتے دیکھا جاسکتا ہے۔ویڈیو میں دیکھا جاسکتا ہے کہ بابر گرانڈ کی بانڈری کے پاس پڑی بوتلوں اور ٹشوز کو ڈسٹ بن میں ڈال رہے ہیں۔دوسری جانب بابر کے عقب میں کھڑے کراچی کنگز اور پشاور زلمی کے دیگر کھلاڑیوں کو بھی سٹیڈیم میں پڑے کچرے کو ڈسٹ بن کرتے دیکھا جاسکتا ہے

لندن :دفاعی چیمپئن مانچسٹر سٹی نے انگلش پریمیئر فٹ بال لیگ میں آرسنل کو شکست دے کر پوائنٹس ٹیبل پر پہلی پوزیشن چھین لی ، یہ مانچسٹر سٹی کی 16 ویں فتح ہے۔پریمیئر لیگ کے دلچسپ مقابلے انگلینڈ میں جاری ہیں ، ایمریٹس سٹیڈیم، لندن میں کھیلے گئے میچ میں دفاعی چیمپئن مانچسٹر سٹی اور آرسنل کی ٹیمیں آمنے سامنے تھیں جس میں مانچسٹر سٹی کے کیون ڈی بروئن نے میچ کے 24 ویں منٹ میں ایک گول کر کے اپنی ٹیم کو 0-1 کی برتری دلائی۔42 منٹ میں ملنے والی پنالٹی کک پر آرسنل کے بکائیو ساکا نے ایک گول کر کے مقابلہ 1-1 گول سے برابر کر دیا، یوں پہلے ہاف پر دونوں ٹیموں کے درمیان مقابلہ1-1 گول سے برابر تھا۔دوسرے ہاف میں دفاعی چیمپئن مانچسٹر سٹی نے قدرے بہتر کھیل پیش کیا اور جیک گریش نے 72 ویں اورایرلنگ ہالینڈ نے 82 ویں منٹ میں ایک ایک گول کر کے مقابلہ 1-3 کر دیا جو میچ کے اختتام تک برقرار رہی۔اس کامیابی کے ساتھ ہی دفاعی چیمپئن مانچسٹر سٹی کی لیگ میں 16 فتوحات ہوگئی ہیں اور اس نے آرسنل سے پوائنٹس ٹیبل پر پہلی پوزیشن بھی چھین لی ہے۔دفاعی چیمپئن مانچسٹر سٹی 51 پوائنٹس کے ساتھ ای پی ایل ٹیبل پر پہلے جبکہ آرسنل کی ٹیم 51 پوائنٹس کے ساتھ دوسرے نمبر پر پہنچ گئی ہے ، مانچسٹر یونائیٹڈ کی ٹیم 46 پوائنٹس کے ساتھ تیسرے نمبر پرموجود ہے

کراچی:کراچی میں آج جمعہ سے تیسرے دو روزہ دِیوے فلم فیسٹول 2023 کا آغاز ہوگا، فیسٹول میں مختلف موضوعات پر پاکستانی فلمسازوں کی جانب سے بنائی گئی فلمیں نمائش کیلئے پیش کی جائیں گی۔فاؤنڈیشن آف آرٹ دِیوے اور کراچی لٹریچر فیسٹیول کے اشتراک سے کراچی کے نجی ہوٹل میں آج سے منعقد ہونے والے دو روز ہ دِیوے فلم فیسٹیول کے دوران محبت اور جدائی، نقصان کے صدموں، بڑھاپے اور تلاش ذات جیسے انسانی جذبات پر مشتمل کہانیوں سمیت موسمیاتی تبدیلیوں اور غیر متوقع مواقع پر ملنے والی چھوٹی موٹی خوشیوں جیسے موضوعات کا احاطہ کرتی فلمیں نمائش کیلئے پیش کی جائیں گی۔دو روزہ فلم فیسٹیول کے دوران مختلف فلموں کی نمائش کے ساتھ فلم ڈائریکٹرز کے ساتھ گفتگو کے سیشنز بھی منعقد کیے جائیں گے۔فیسٹیول کے پہلے روز 17 فروری کو فلمساز مہرین جبار کی بیڑا غر ق آمنہ مقبول حسین اور بینش سرفراز کی صنفِ تال سمیت دیگر فلمیں نمائش کیلئے پیش کی جائیں گی۔فاؤنڈیشن آف آرٹ دِیوے کے مطابق دیوے فلم فیسٹیول کا مقصد انڈیپینڈنٹ پاکستانی فلمسازوں کی جانب سے بنائی ہوئی، شارٹ فلم، ڈاکیومینٹریز اور فیچر فلموں سمیت اینیمیٹڈ فلموں کا احاطہ کرتے ہوئے فلمسازوں کی حوصلہ افزائی کرنا ہے۔

لا ہور:پاکستان شوبز انڈسٹری کی معروف اداکارہ ایمن خان نے کہا ہے کہ سکرین پر واپس آوں گی لیکن ابھی نہیں ۔ اپنے ایک انٹرویو میں انہوں نے کہا کہ وہ اسکرین پر واپس آئیں گی لیکن ابھی نہیں۔اداکارہ نے مزید کہا کہ دراصل میں نے کافی چھوٹی عمر میں کام شروع کر دیا تھا اور بہت کام کیا ہے، پھر میری شادی ہو گئی تو میں نے کچھ وقت کے لئے بریک لیا پھر جلد ہی بیٹی ہوگئی، جس کے بعد میں نے مزید بریک لیا اور ابھی وہ بہت چھوٹی ہے اس لئے میں ابھی مزید کچھ اور وقت بریک لوں گی لیکن میں اپنی بریک سے بھی لطف اندوز ہو رہی ہوں۔ اداکارہ نے کہا کہ میرا بڑے پردے پر کام کرنا سب کے لئے ایک سرپرائز ہو سکتا ہے، حتیٰ کہ منیب کے لئے بھی سرپرائز ہوگا

لندن :پاکستان کی معروف اداکارہ سجل علی نے کہا ہے کہ جمائما خان کی فلم میں کام کرنے کا تجربہ شاندار رہا۔لندن میں جمائما خان کی فلم کے پریمیئر میں سجل علی نے میڈیا سے گفتگو کرتے ہوئے کہا کہ عالمی سطح کی فلم میں پاکستان کی نمائندگی پر فخر ہے۔سجل علی نے کہا کہ شیکھر کپور کے ساتھ کام اور شبانہ اعظمی کے ساتھ اسکرین شیئر کر کے ایک خواب پورا ہوا۔اداکارہ نے کہا کہ وابستہ توقعات سے پریشان تھی لیکن فلم میں شاندار پرفارمنس پر خوش ہوں۔انہوں نے کہا کہ اس فلم میں مغرب کو رنگا رنگ پاکستان دکھے گا