Category تازہ ترین

پاکستان اور نیوزی لینڈ کے درمیان دوسرے ایک روزہ میچ میں بھی فاسٹ بولر نسیم شاہ نے پہلے ہی اوور میں پہلی وکٹ حاصل کرلی، اوپنر فن ایلن ایک رن بناکر پویلین لوٹے۔

پہلے ون ڈے میں بھی نسیم نے اوپنر ڈیون کونوے کو پہلے اوور میں گولڈن ڈک کیا تھا۔

نیشنل بینک ارینا میں کھیلے جارہے دوسرے میچ میں کیوی کپتان کین ولیمسن نے ٹاس جیتا اور پاکستان کو فیلڈنگ کی دعوت دی۔

میچ سے قبل نیوزی لینڈ ٹیم میں ایک تبدیلی کی گئی ہے جبکہ قومی تیم میں کوئی تبدیلی نہیں کی گئی۔

نیوزی لینڈ ٹیم میں کپتان کین ولیمسن، ڈیون کونوے، فن ایلن، ڈیرل مچل، ٹام لیتھم گلین فلپس، مائیکل برائسویل، مچل سینٹنر، اش سودھی، ٹم ساودی اور لوکی فرگیوسن شامل ہیں۔

قومی ٹیم کے کپتان بابر اعظم کا کہنا ہے کہ ٹاس جیت جاتے تو پہلے بولنگ کرتے، شروع میں پچ پر نمی ہےجس سے فائدہ اٹھانےکی کوشش کریں گے۔

بابر اعظم نے کہا کہ اسامہ میر کو موقع دیا انکی کارکردگی سےمطمئن ہیں۔

واضح رہے کہ نیوی لینڈ کی ٹیم دوسرا ون ڈے سابق کرکٹر بروس مرے کےسوگ میں بازوؤں پرسیاہ پٹی باندھ کر کھیلےگی۔ سابق کرکٹر بروس مرےگزشتہ روز 82 سال کی عمر میں انتقال کرگئےتھے۔

 پاکستان نے کیویز کو تین ون ڈے میچز پر مشتمل سیریز کے پہلے میچ میں 6 وکٹس سے شکست دے کر سیریز میں 0-1 کی برتری حاصل کی۔

نئی دہلی: بھارتی ریاست اتر پردیش میں فلم سے متاثرہ نوجوان نے گھر میں گھس کر چاقو کے زور پر لڑکی کی مانگ بھردی۔ ملکی میڈیا رپورٹ کے مطابق اتر پردیش کے شہر لکھنؤ کے ایک گاؤں مہاراج گنج میں آٹھویں جماعت کے طالبعلم نے چھٹی جماعت کی طالبہ کے گھر میں گھس کر اس کے گلے پر چاقو رکھ کے اس کی مانگ سندور سے بھردی۔پولیس حکام کے مطابق واقعہ اسوقت پیش آیا جب 16 سالہ لڑکا اپنے دوست کے ہمراہ 14 سالہ لڑکی کے گھر پہنچا، لڑکے نے دیوار پھلانگی اور گھر میں داخل ہوا تو دیکھا لڑکی صفائی کررہی تھی۔لڑکے نے لڑکی کے گلے پر چاقو رکھا اور زبردستی مانگ بھردی، لڑکی نے خوفزدہ ہوکر چیخ ماری ، اس سے پہلے کوئی آتا، لڑکے وہاں سے فرار ہوگئے۔ پولیس نے سی سی ٹی فوٹیج کی مدد سے موٹر سائیکل کا پتا لگایا اور لڑکوں کی شناخت کے بعد انہیں گرفتار کرلیا۔

لندن:طانوی ارکانِ پارلیمان کا کہنا ہے کہ مسئلہ کشمیر کے ہوتے ہوئے برطانیہ اور بھارت کے درمیان جمہوریت کے فروغ پر اشتراک کیونکر ممکن ہے۔ غیر ملکی خبر رساں ادارے کے مطابق بھارت کے ساتھ تعلقات کے فروغ کی بات پر بعض برطانوی ارکانِ پارلیمان کا مو قف سامنے آیا ہے۔اس معاملے پر برطانوی ارکانِ پارلیمان کا خیال ہے کہ مسئلہ کشمیر کے ہوتے ہوئے برطانیہ اور بھارت کے درمیان جمہوریت کے فروغ پر اشتراک کیونکر ممکن ہے۔انڈو پیسیفک جھکاو کی پالیسی پر عمل درآمد کا جائزہ لینے کے لیے برطانوی پارلیمان کی خارجہ تعلقات کمیٹی کی باضابطہ میٹنگ میں یہ تحفظات اٹھائے گئے۔ برِصغیر میں علاقائی سکیورٹی اور معاشی ترقی کے لیے مسئلہ کشمیر کے حل کو مرکزی اہمیت دینے کی بات اس پارلیمانی میٹنگ میں پاکستان کے سینئر صحافی، دانشور اور تجزیہ کار مشرف زیدی کی جانب اٹھائی گئی تھی ۔

جدہ:مکہ مکرمہ ریجن میں موبائل ٹاورز کی بیٹریاں چرانے کے الزام میں 4 پاکستانیوں سمیت 5 افراد کو گرفتار کرلیا گیا۔ غیر ملکی خبر رساں ادارے کے مطابق سعودی پولیس حکام نے بتایا کمیونیکیشن ٹاورز کی بیٹریاں چرانے پرگرفتار افراد میں 4 پاکستانیوں سمیت ایک یمنی شہری بھی شامل ہے۔ ملزمان سے چرائی گئی بیٹریاں برآمد کرلی گئی ہیں۔ملزمان کو مزید قانونی کارروائی کے لیے پراسیکیوشن کے حوالے کردیا گیا ہے۔

جدہ :سعودی وزیر حج و عمرہ ڈاکٹر توفیق الربیعہ نے کورونا سے پہلے کا حج کوٹہ بحال کرنے کا اعلان کرتے ہوئے کہا ہے کہ عمرہ ویزا کی معیاد بھی 30دن سے بڑھا کر 90دن کر دی گئی۔غیر ملکی خبر رساں ادارے کے مطابق ڈاکٹر توفیق الربیع نے ایک بیان میں کہا رواں سال حج کیلیے عازمین کی تعداد پر عائد پابندی ختم کردی گئی ہے۔ انہوں نے حج کے لیے عمر کی حد بھی ختم کرنے کا اعلان کیا۔ انہوں نے بتایا کہ عمرہ کی جامع انشورنس فیس235 ریال سے کم کر کے 88 ریال اور حاجیوں کیلیے انشورنس فیس کو 109 ریال سے کم کر کے 29 ریال کر دیا گیا۔ انہوں نے کہا عمرہ ویزا رکھنے والے اب پوری مملکت میں گھوم سکتے ہیں،دیگر تمام ویزوں کے حامل افراد کو عمرہ کرنے کی اجازت ہے، عمرہ کے ویزے کی مدت میں بھی30 دن سے بڑھا کر 90 دن تک کر دی گئی، نیسک پلیٹ فارم کا آغازکرتے ہوئے الیکٹرانک طور پرچوبیس گھنٹے سے کم وقت میں ویزا کے اجراء کی اجازت دے دی گئی

جڑانوالہ :فیصل آباد ضلع میں گزشتہ 24 گھنٹوں میں 8 افراد لقمہ اجل بن گئے تفصیلات کے مطابق 5 افراد قتل، 2 حادثات میں جبکہ 1 نے خودکشی کی سابق صدر ڈسٹرکٹ بار نوید مختار گھمن کو مخالفین نے ساتھی سمیت قتل کیاتھانہ ڈجکوٹ کی حدود میں 3 افراد کو زمین کے تنازع پر مخالفین نے قتل کیا53 سالہ خاتون اور 40 سالہ مرد ٹریفک حادثات کہ نظر، ماموں کانجن کی حدود میں غربت اور مہنگائی سے تنگ آئے شخص نے زندگی کا خاتمہ کر لیا

جڑانوالہ :فیصل آباد کی تحصیل جڑانوالہ میں دو دوستوں میں جھگڑا ہوا ایک دوست نے دوسرے کو قتل کر دیا تفصیلات کے مطابق چک نمبر 105گ ب بنگے فیصل آباد میں دوستوں کا آپس میں جھگڑا ہو اایک دوست نے فائرنگ کر دی جس کے نتیجے میں حاشر جاوید ولد ذوالفقار عمر 25سال فائر لگنے سے جان بحق ہو گیا مزید تفتیش کے لیے پولیس نے کارروائی شروع کر دی ہے

فیصل آباد:جماعت اسلامی کے راہنمائوں پروفیسرمحبوب الزماںبٹ،میاںطاہرایوب،شیخ محمدمشتاق،میاں اجمل حسین بدر،انجینئرعظیم رندھاوا نے آٹے کی قیمتوں میں اضافہ کی شدیدمذمت کرتے ہوئے کہا ہے کہ آٹے کی قیمت ملکی تاریخ کی بلند ترین سطح پر پہنچ چکی ہے ۔لوگ لائنوں میں لگ کر بھی آٹے کے حصول میں ناکام ہیں جبکہ حکمران اور اپوزیشن عدم اعتماد کے نام قوم کی تقدیر سے کھیل رہے ہیں۔ صوبائی حکومت کی نااہلی سے آٹا مافیا نے ایک مرتبہ پھر صوبہ بھر میں گندم اور آٹے کا مصنوعی بحران پیدا کر کے آٹے کے نرخوں میں اضافہ کر دیا ۔ضلعی انتظامیہ بااثر آٹا مافیا کے سامنے بے بس ہو گئی ہے ۔انہوں نے کہا کہ آٹے کے نرخوں میں اضافے سے عوام شدیدپریشان ہیں۔حکمرانوں کی نااہلی سے عوام کو آٹے اور چینی کی قیمت میں 200ارب روپے اضافی دینے پڑے۔بڑھتی قیمتوں کے باعث غریب آدمی کے لیے دو وقت کی باعزت روٹی بھی کھانا محال ہوگیا ہے ۔انہوں نے کہا کہ حکومت کی جانب سے گندم کے ذخیرہ اندوزوں کے خلاف کارروائی کی ہدایت کے باوجود محکمہ خوراک کے افسران نے گندم ذخیرہ کرنے والے بااثر افراد کے خلاف کارروائی کے بجائے چھوٹے چکی والوں کو اپنی کارروائی کا نشانہ بنایا جا رہا ہے جبکہ بڑے تاجروں نے گندم مارکیٹ سے غائب کر کے من مانی قیمتوں پر فروخت کر رہے ہیں جس کی وجہ سے آٹے کی قیمتوں میں مسلسل اضافہ ہو رہا ہے اور انتظامیہ قیمتوں کو کنٹرول کرنے میں ناکام ہے۔ انہوں نے کہا کہ ایک طرف سیلاب نے غریب لوگوں کو تباہ کر دیا ہے تو دوسری جانب آٹا مافیا اپنے زائد منافع کے لیے غریب لوگوں کو آٹے سے بھی محروم کر رہی ہے۔ قدرتی آفت آنے کے باوجود منافع خور زائد منافع کی خاطر غریبوں کو لوٹ رہے ہیں۔ انہوں نے انتظامیہ سے مطالبہ کیا ہے کہ فوری طور پر گندم کے ذخیرہ اندوزوں کے خلاف کارروائی کرتے ہوئے ان کے گوداموں سے گندم بر آمد کر کے سستے نرخوں پر مارکیٹوں میں فروخت کی جائے اور آٹے کی قیمتوں میں کمی لائی جائے۔

فیصل آباد:پاکستان مسلم لیگ ن ٹریڈرزونگ کے مرکزی صدر سابق ایم این اے میاں عبدالمنان نے وزیراعظم میاں شہبازشریف کی بہترحکمت عملی اورعالمی برادری کے سامنے بہترموقف پیش کرنے کی وجہ سے پاکستان کو11ارب ڈالرکی گرانٹ ملی ہے جومعاشی استحکام اورسیلاب متاثرین کے لئے مثبت قدم ہے جبکہ سابق وزیراعظم عمران خان عالمی قوتوں سے اپنی فون کال نہ سننے پرشکوہ کرتے تھے۔اُن کاکہناتھاکہ ملک کے موجودہ حالات عمران خان کی پونے چارسالہ حکومت کی نااہلی ناتجربہ کاری اورمعاشی استحکام کی بجائے سیاسی انتقام پرتوجہ دینے کی وجہ سے پیداہوئے۔اُنہوں نے کہاکہ ایوان میں ارکان کی حمایت سے محروم ہونے کے بعد پنجاب سے پرویزالٰہی کی اخلاقی طورپر حکومت ختم ہوچکی ہے اب وہ نمبرز کم ہونے کی وجہ سے اعتمادکاووٹ لینے سے پیچھے ہٹ رہے ہیں مگرکامیاب نہیں ہوں گے۔اُن کے پاس اب گھرجانے کے علاوہ دوسراکوئی آپشن نہیں۔ عمران خان کواپریل کے بعدثاقب نثارکی بعض باقیات کے علاوہ کسی جگہ سے کچھ نہیں مل رہااُن کے علاوہ کوئی بھی اسمبلی تحلیل نہیں کرناچاہتاتاہم اُن کی خواہش پوری نہیں ہوگی۔عمران خان جنرل باجوہ کوتوسیع دینے کی طرح کسی وقت چوہدری پرویزالٰہی کووزیراعلیٰ بنانے کی بھی غلطی کااعتراف کریں گے۔عام انتخابات سے قبل عمران خان کاسیاسی کرداربھی ختم اورجماعت بھی تقسیم ہونے والی ہے۔اعتمادسے محروم ہونے کے بعدرن آف الیکشن میں میاں نوازشریف کانامزداور مسلم لیگ ن کاوزیراعلیٰ منتخب ہوگا جس کے بعدمسلم لیگ ن صو بہ کے9روڑعوام کی بہترخدمت اورتعمیروترقی میں اہم کرداراداکرے گی۔

فیصل آباد:زرعی ماہرین اورسائنسدانوںکا کہناہے کہ اس وقت پاکستان پانی کی کمی کا شکار ملک ہے، پاکستان کا شمار دنیا کے ان ممالک میں ہوتا ہے جن کو فی کس پانی کی دستیابی کے لحاظ سے ریڈ زون میں رکھا گیا ہے، پاکستان موسمیاتی تبدیلیوں کا سب سے زیادہ شکار بن چکا ہے کیونکہ اس مسئلے سے نمٹنا ہی اصل چیلنج ہے۔ موسمیاتی تبدیلیاں ہمارے زرعی شعبے کو نہ صرف نقصان پہنچا رہی ہیں بلکہ اس کی وجہ سے ہماری روایتی زرعی نظام بے شمار مسائل سے دوچار ہوچکا ہے ، پاکستان میں پیدا ہونے والی گندم کا تقریباً 76 فیصد پنجاب پیدا کرتا ہے۔ فصل کے اعدادوشمار کی روایتی رپورٹنگ فصل کی کٹائی کے بعد ہفتوں سے مہینوں کی تاخیر کا شکار ہوتی ہے قیام پاکستان کے وقت فی کس پانی کی دستیابی 5600 کیوبک میٹر تھی جو کہ کم ہو کر 900 کیوبک میٹر رہ گئی ہے۔ ہمیں عوامی سطح پر پانی کے متناسب اور بچت پر مبنی پروگرام شروع کرنے کے لیے آگاہی مہم چلانا ہوگی اور پانی کے معقول استعمال کو فروغ کے لیے اقدامات بروئے کار لانا ہوں گے آن لائن کے مطابق گذشتہ روز ز رعی یونیورسٹی فیصل آباد میں منعقدہ بین الاقوامی تربیتی ورکشاپ برائے پیداواریت کا تخمینہ آبپاشی کی مقدار اور ریمورٹ سینسنگ کے استعمال سے خطاب کرتے ہوئے ماہرین نے کہا ہے کہ جدید رجحانات کو اپنائے بغیر پاکستانی زراعت کو بین الاقوامی مسابقتی نظام سے ہم آہنگ نہیں کیا جاسکتا۔ اس مقصد کے لیے فصل کے رقبہ اور پیداوار کے تخمینے کے لیے ریموٹ سینسنگ ٹیکنالوجی کو اپنانے کے ساتھ ساتھ آبپاشی کے نظام کو طلب سے رسد میں تبدیل کرنے کے لیے واٹر مارکیٹ متعارف کرانا ہوگی۔ورکشاپ کا انعقاد یونیورسٹی کی پریسئن ایگریکلچر ، این سی بی سی و موسمیاتی تجربہ گاہ کے زیر اہتمام کیا گیاتھا۔ زرعی یونیورسٹی کے پروفیسر ڈاکٹر آصف کامران نے اپنے خطبہ استقبالیہ میں کہا کہ پاکستان کا شمار دنیا کے ان ممالک میں ہوتا ہے جن کو فی کس پانی کی دستیابی کے لحاظ سے ریڈ زون میں رکھا گیا ہے۔ انہوں نے کہا کہ قیام پاکستان کے وقت فی کس پانی کی دستیابی 5600 کیوبک میٹر تھی جو کہ کم ہو کر 900 کیوبک میٹر رہ گئی ہے۔ انہوں نے مزید کہا کہ ہمیں عوامی سطح پر پانی کے متناسب اور بچت پر مبنی پروگرام شروع کرنے کے لیے آگاہی مہم چلانا ہوگی اور پانی کے معقول استعمال کو فروغ کے لیے اقدامات بروئے کار لانا ہوں گے ۔ ڈاکٹر آصف کامران نے کہا کہ آبپاشی کی جدید ٹیکنالوجی کے ذریعے ہر قطرے کو زیادہ پیداواریت کا حامل بنانا ہوگا۔ انہوں نے کہا کہ ہمیں جدید زراعت کے معیارات کو اپنانے کی اشد ضرورت ہے کیونکہ عالمی اقتصادی اور موسمی تبدیلیوں کے مقابلہ میں مسابقتی اور پائیدار یت کی حامل ٹیکنالوجیز کو رواج دینا ہوگا۔ ڈائریکٹر جنرل ایوب ریسرچ ڈاکٹر محمد نواز خان نے کہا کہ موسمیاتی تبدیلیاں ہمارے زرعی شعبے کو نہ صرف نقصان پہنچا رہی ہیں بلکہ اس کی وجہ سے ہماری روایتی زرعی نظام بے شمار مسائل سے دوچار ہوچکا ہے۔ انہوں نے تمام اسٹیک ہولڈرز پر زور دیا کہ وہ قومی سطح پر چیلنجز سے نمٹنے کے لیے ایک جامع منصوبہ تیار کریں۔ انہوں نے کہا کہ غذائی تحفظ کو یقینی بنانے کے لیے جدید رجحانات کی موافقت وقت کی اہم ترین ضرورت ہے۔ محکمہ پلاننگ اینڈ انوائرنمنٹ، گورنمنٹ آف نیو ساؤتھ ویلز، آسٹریلیا کے لیڈ ریموٹ سینسنگ سائنسدان ڈاکٹر عظیم خان نے کہا کہ پاکستان پانی کی کمی کا شکار ملک ہے لہذا ضرورت اس امر کی ہے کہ اسٹریلیا کے تجربات سے فائدہ اٹھاتے ہوئے واٹر ہارویسٹنگ کے ساتھ ساتھ فی قطرہ آبپاشی کے رجحانات کو اس طرح متعارف کرایا جائے جس سے غیر استعمال شدہ زمینوں کو زیر کاشت لا کر وافر مقدار میں فصلات پیدا کی جاسکیں۔انہوں نے کہا کہ سیٹلائٹ ریموٹ سینسنگ کے ذریعے ملک میں پانی کی دستیابی اور استعمال کے بارے میں شفاف معلومات نہ صرف پانی کے انتظام کے مقاصد بلکہ نظام کی بہتری کی ضروریات کی نشاندہی اور سرمایہ کاری کے فیصلوں کے لیے بھی کارآمد ثابت ہوں گی۔ بڑے ڈیٹا، ریموٹ سینسنگ، کنیکٹیویٹی، اور مصنوعی ذہانت کا سنگم ہمارے آبی وسائل کو پائیدار طریقے سے منظم کرنے اور فصلوں کے پانی کی پیداواری صلاحیت میں خاطر خواہ اضافہ کرنے میں ہماری مدد کر سکتا ہے۔یونیورسٹی آف میری لینڈ میں گلوبل لینڈ اسسمنٹ اینڈ ڈسکوری لیبارٹری کے شریک ڈائریکٹر پروفیسر میتھیو ہینسن نے کہا کہ ان کی لیب لینڈ سیٹ کے مکمل وراثتی ٹائم سیریز ڈیٹا کی میزبانی کرتی ہے، اور پری پروسیسنگ اور ریڈیو میٹرک کو لاگو کرکے تجزیہ ریڈ ڈیٹا (ARD) تیار کیا ہے۔ نارملائزیشن GLAD ٹیم ڈیٹاسیٹ کا اطلاق مختلف عالمی سطح پر زمین کے احاطہ اور زمین کے استعمال میں تبدیلی کی تشخیص پر کرتی ہے۔یونیورسٹی آف میری لینڈ، آسٹریلیا کے محقق ڈاکٹر احمد خان نے کہا کہ پاکستان میں پیدا ہونے والی گندم کا تقریباً 76 فیصد پنجاب پیدا کرتا ہے۔ فصل کے اعدادوشمار کی روایتی رپورٹنگ فصل کی کٹائی کے بعد ہفتوں سے مہینوں کی تاخیر کا شکار ہوتی ہے۔ تاخیر سے ہونے والا پیداواری ڈیٹا سیزن میں فیصلہ سازی کے سپورٹ سسٹم میں حصہ نہیں ڈال سکتا۔ ڈاکٹر خالد حسین نے کہا کہ پاکستان موسمیاتی تبدیلیوں کا سب سے زیادہ شکار بن چکا ہے کیونکہ اس مسئلے سے نمٹنا ہی اصل چیلنج ہے۔