Category تازہ ترین

لاہور:پاکستان شوبز انڈسٹری کی معروف اور خوب رو اداکارہ یمنیٰ زیدی ڈراموں کے بعد اب پاکستانی فلمی دنیا میں قدم رکھنے کو تیار ہیں۔ انہوں نے اپنی پہلی فلم کا پوسٹر شیئر کردیا۔فوٹو اینڈ ویڈیو شیئرنگ پلیٹ فارم انسٹاگرام پر اداکارہ یمنیٰ زیدی نے اپنی پہلی فلم ’نایاب – نام یاد رکھنا‘ کا موشن پوسٹر اپنے مداحوں کے ساتھ شیئر کردیا۔انہوں نے اس پوسٹ کے کیپشن میں خوشی کا اظہار کرتے ہوئے لکھا کہ میں پاکستان کے لیے اپنی پہلی فیچر فلم ’نایاب‘ کا ٹائٹل موشن پوسٹر شیئر کرتے ہوئے بے حد پرجوش ہوں، اس فلم کا خیال اور تشکیل میرے دل کے بہت قریب ہے، جو میں آپ کے ساتھ شیئر کر رہی ہو ں ۔ فلم نایاب – نام یاد رکھنا سے ڈیبیو کرنے والی اداکارہ یمنیٰ زیدی فلم میں کرکٹر کا کردار نبھا رہی ہیں۔اس فیچر فلم کی ہدایتکاری عمیر علی نے جبکہ پیشکش رومینہ عمیر اور عمیر عرفانی فلم کی ہے۔ فلم کا اسکرین پلے علی عباس نقوی اور باسط نقوی نے لکھا ہے۔ فلم کی کاسٹ میں جاوید شیخ اور محمد فواد خان شامل ہیں۔

لندن : برطانوی اداکاروں نے بچپن میں فلم میں عریاں سین فلمانے پر اب 70 سال کی عمر میں معروف امریکی پروڈکشن کمپنی پر مقدمہ دائر کردیا۔میڈیا رپورٹ کے مطابق اداکارہ اولیویا ہسی اور اداکار لیونرڈ وِٹنگ نے 1968ء کی فلم رومیو اینڈ جولیٹ میں مرکزی کردار نبھایا تھا، اس وقت اداکارہ کی عمر 15 اور اداکار کی عمر 16 سال تھی۔رپورٹس کے مطابق مقدمے میں دعویٰ کیا گیا ہے کہ فلم میں دکھایا گیا بیڈ روم کا ایک سین جنسی استحصال کے مترادف ہے اور کمپنی نے کم عمر بچوں کی غیراخلاقی تصاویر بھی پھیلائیں۔مقدمے میں دعویٰ کیا گیا ہے کہ فلم کے ڈائریکٹر فرانکو زیفریل نے فلم میں اداکاروں کو وہ سین کرنے پر مجبور کیا اور بتایا کہ ایسا نہ کرنے پر فلم ناکام ہوجائے گی۔رپورٹس کے مطابق مقدمے میں کہا گیا ہے کہ ابتدائی طور پر اداکاروں کو بتایا گیا تھا کہ فلم میں کوئی غیراخلاقی سین نہیں ہوگا

ممبئی: حال ہی میں خودکشی کرنے والی بھارتی اداکارہ نتیشا شرما کی سامنے والی ایک ویڈیو نے سب کو پریشانی میں مبتلا کر دیا۔بھارتی میڈیا کے مطابق گزشتہ ماہ ڈرامے کی شوٹنگ کے دوران سیٹ پر خودکشی کرنے والی اداکارہ تنیشا شرما کی موت کا ذمہ دار ان کے دوست اور اداکار شیزان خان کو قرار دیا جا رہا تھا۔تنیشا کی والدہ اور دیگر رشتہ داروں کی جانب سے بھی شیزان کو خودکشی کی وجہ قرار دیتے ہوئے کہا کہ شیزان کے تنیشا کے علاوہ دیگر لڑکیوں کے ساتھ بھی تعلقات تھے جس کی وجہ سے اپ سیٹ ہو کر تنیشا نے خودکشی کی۔تنیشا کی خودکشی کے بعد پولیس نے فوری طور پر شیزان خان کو حراست میں لیا اور وہ تاحال زیر حراست ہیں، ان کے وکیل کی جانب سے خدشے کا اظہار بھی کیا گیا ہے کہ شیزان کی جس طرح کی ذہنی کیفیت ہے وہ کوئی انتہائی اقدام بھی اٹھا سکتے ہیں لہذا انہیں سکیورٹی فراہم کی جائے۔تاہم اب تنیشا شرما کی ایک ویڈیو سوشل میڈیا پر سامنے آئی ہے جس میں انہیں گوراوو بھگت نامی پراسرار لڑکے ساتھ دیکھا جا سکتا ہے۔گوراوو بھگت نے اپنی انسٹا اسٹوری پر لکھا کہ تنیشا مجھ سے کہتی تھی کہ میں اس ریل کو ایڈٹ کروں تو میں نے آج یہ ویڈیو ایڈٹ کر دی ہے۔گوراوو بھگت نے تنیشا شرما کی خودکشی کے واقعے کے بعد کچھ ویڈیوز انسٹاگرام پر اپ لوڈ کیں، ویڈیوز میں تنیشا کو گوراوو بھگت کو بوسہ دیتے بھی دیکھا جا سکتا ہے۔ایک اور پوسٹ میں گوراوو بھگت نے لکھا کہ میں واپس بھارت آکر تمھیں سرپرائز دینا چاہتا تھا لیکن چیزیں درست میں نہیں جا رہی تھیں اس لیے میں اس پوسٹ میں تمام چیزیں لکھ رہا ہوں۔

کراچی: اداکار فیروز خان نے ساتھی اداکارہ سجل علی، کبریٰ خان، ماہرہ خان اور مہوش حیات پر لگائے جانے والے نازیبا الزامات پر ردعِمل دیتے ہوئے کہا کہ ’میں الزامات کا سامنا کرنے والی اداکاراؤں کے بارے میں بات کرنا چاہوں گا اور میں اپنی ساتھی اداکاراؤں کے اوپر لگائے گئے الزامات کی شدید مذمت کرتا ہو ں ۔فیروز خان نے سوشل میڈیا پر جاری کئے گئے اپنے ویڈیو پیغام میں مزید کہا کہ میں اپنے سپورٹرز اور مداحوں سے اپیل کرتا ہوں کہ وہ پہلے یہ سمجھ لیں کہ کون قصور وار ہے اور کون بیگناہ اس کے بعد اپنا ردِعمل دیں چاہے وہ الزامات لگانے والے کے بارے میں ہو یا ہو یا الزامات سے متاثر ہونے والے کے بارے میں ہو ۔ فیروز خان کا کہنا تھا کہ پہلے کسی بھی صورت میں خبر کی تصدیق کریں پھر اس پر ردعمل کا اظہار کریں۔ واضع رہے کہ پاکستان شوبز کی 4 بڑی اداکاراؤں ماہرہ خان، سجل علی، کبریٰ خان اور مہوش حیات پر ویلاگر عادل راجہ کی جانب سے نازیبا الزامات لگائے گئے ہیں جس کے بعد سوشل میڈیا پر ایک ہلچل مچی ہوئی ہے جبکہ ان اداکاراؤں نے بھی ویلاگر کو سخت جواب دیا ہے

فیصل آباد: زرعی یونیورسٹی فیصل آباد میں انگلش ورک پروگرام میں داخلے کیلئے انٹری ٹیسٹ کا انعقاد کیا گیا۔ امریکی ڈیپارٹمنٹ آف سٹیٹ کے ریجنل انگلش لینگویج آفس کے اشتراک سے منعقد ہونے والے اس چھ ماہ کے کورس کے انٹری ٹیسٹ میں سینکڑوں طلبہ نے حصہ لیا ،اس کورس کے تحت طلبہ میں انگلش زبان کی مہارت اور ان کی کاروبار ی صلاحیتیں نکھاری جائیں گی۔ انگلش ورک پروگرام کو پسماندہ علاقوں سے تعلق رکھنے والے 17 سے25 سال کی عمر کے طلبہ کیلئے ترتیب دیا گیا۔ زرعی یونیورسٹی کے وائس پروفیسر ڈاکٹر اقرار احمد خاں نے متعلقہ عملے کو ہدایت کی ہے کہ انٹری ٹیسٹ کیلئے فل پروف انتظامات کو یقینی بنایا جائے جس میں داخلے کیلئے 3000 طلبہ نے اپنی درخواستیں جمع کروائیں تھیں ۔ مینجر انگلش ورک اور لائبریرین زرعی یونیورسٹی عمر فاروق نے کہا ہے کہ اس کورس میں داخلے کیلئے کامیاب ہونے والے طلبہ کو اس چھ ماہ کے کورس میں مفت تعلیم دی جائے گی۔ کمیونٹی کالج کے پرنسپل ڈاکٹر انجم ضیا ء نے بتایا کہ کامیاب ہونے والے طلبہ کیلئے وظیفے کا بھی اہتمام کیا گیا۔ اس موقع پر کوآرڈینیٹر کاشف شہباز بھی موجود تھے

فیصل آباد:سابق صوبائی وزیراورمسلم لیگ ن کے رکن پنجاب اسمبلی سردارخلیل طاہرسندھونے دعویٰ کیاہے کہ چوہدری پرویزالٰہی صرف4-5دن کے وزیراعلیٰ ہیں،پی ٹی آئی کے15 سے زائدارکان پرویزالٰہی کے مخالف ہیں اوروہ عمران خان کے کہنے پربھی اُنہیں اعتمادکاووٹ نہیں دیں گے بلکہ گھروں میں بیٹھ کرعدم اعتمادکریں گے۔اُنہوں نے پی ٹی آئی ارکان کے نام بتانے سے معذرت کرتے ہوئے کہاکہ قومی اسمبلی میں بھی پی ٹی آئی کے درجنوں ارکان عمران خان کے کہنے پراستعفے نہیں دیناچاہتے جس کی وجہ سے عمران خان پریشان ہیں ،پرویز الہیٰ اعتمادکے لئے بلائے گئے اجلاس میں186 ووٹ حاصل نہیں کرسکیں گے جس کے بعدمیاں نوازشریف کے نامزداور مسلم لیگ ن کے اُمیدوار کا186ووٹ کے ساتھ منتخب ہوں گے۔ مسلم لیگ ن کی حکومت صوبے کے دائرہ اختیارکے تحت نہ صرف مہنگائی کے جن کوبوتل میں بندکرے گی بلکہ پرویزالٰہی اورعمران خان بھی اپنی جماعت سمیت سیاسی تماشے بندکرکے آپس میں جھگڑے اورراہیں جداکریں گے۔اُنہوں نے عمران خان کی طرف سے55لاکھ افرادکونوکریاں دینے کے دعوے کوحسب معمول جھوٹ قراردیتے ہوئے کہاکہ اُن کے دورحکومت میں55لاکھ لوگ بے روزجبکہ55لاکھ لوگ بے گھربھی ہوئے۔اُنہیں جھوٹ بولنے اوروعدوں سے منحرف ہونے کی وجہ سے سیاسی شہرت ملی ہے۔الزام اورانتقام کے بعداب اُن کانام گھڑی خان ہوناچاہئے۔اُنہوں نے کہاکہ مسلم لیگ ن مہنگائی میں عوام کی پریشانی سے شرمندہ ہے جبکہ عمران خان اپنے کردارسے بھی شرمندہ نہیں حالانکہ مہنگا ئی بھی اُن کی پیداکی گئی ہے ۔آئیء ایم ایف کے ساتھ کئے گئے معاہدوں سے پاکستان کوگروی رکھاگیاآج غریب عوام کوریلیف دینامشکل ہوچکاہے۔ اُنہوں نے کہاکہ رواں سال میں عام انتخابات ہوں گے ہم نے میاں نوازشریف کی ہدایت پرعوام سے رابطہ شروع کررکھاہے۔میاں نوازشریف کی قیادت میں انتخابات ہوں گے اورواضح اکثریت بھی حاصل کریں گے

اسلام آباد:سپریم کورٹ نے گاڑی حوالگی کے خلاف کسٹم کی اپیل خارج کردی اور 50 ہزار روپے جرمانہ عائد کر دیا۔کیس کی سماعت سپریم کورٹ کے سینئر جج جسٹس قاضی فائز عیسیٰ کی سربراہی میں دو رکنی بنچ نے کی۔ دوران سماعت جسٹس قاضی فائز عیسیٰ نے ڈی جی کسٹم انٹیلی جنس سے استفسار کیا کہ کیا آپ قانون سے بالاتر ہیں ؟آپ عدالتی احکامات کی خلاف ورزی کیوں کررہے ہیں ؟تین عدالتوں نے حکم دیا کہ گاڑی مالک کے حوالے کریں،پانچ سال سے کسٹم نے شہری کی گاڑی پکڑ کر بند کررکھی ہے،پانچ سال سے وئیر ہاؤس میں کھڑی گاڑی خراب ہوگئی کیا آپ مالک کا نقصان پورا کریں گے ؟97ء￿ ماڈل کی اس گاڑی کی مالیت کیا ہوگی ؟ڈی جی کسٹم انٹیلی جنس فیض احمد نے بتایا کہ یہ گاڑی حوالگی کا بہت منفرد کیس ہے، قبضے میں لی گئی گاڑی کی مالیت 20 سے 25 لاکھ روپے ہوگی،جسٹس محمد علی مظہر نے اس موقع پر پوچھا گاڑی حوالگی میں کیا منفرد ہے ؟ کلیکٹر لکھ رہا ہے کہ مالک نے سارے ٹیکس اور ڈیوٹیز ادا کی۔ جسٹس قاضی فائز عیسیٰ نے کہا کہ گاڑی کی مالیت سے زیادہ رقم اور وقت کیسز پر خرچ کردیے گئے،نان کسٹم پیڈ گاڑی پاکستان میں نہ آئے آپ بارڈر کو محفوظ کیوں نہیں بناتے ؟لوگ اور سامان بلا روک ٹوک آجا رہے ہوتے ہیں کسٹم کے لوگ تفریح کررہے ہوتے ہیں ؟ عدالت عظمی نے اس موقع پر پاکستان کسٹمز کی مقدمہ واپس لینے کی استدعا مسترد کر دی اورغیر ضروری مقدمہ دائر کرکے وقت ضائع کرنے پر پاکستان کسٹمز کو 50 ہزار روپے جرمانہ کرتے ہوئے معاملہ نمٹا دیا ۔

اسلام آباد :تحریک انصاف کے چیئرمین اور سابق وزیر اعظم عمران خان نے عسکری قیادت سے ملاقات کی خواہش کا اظہار کر دیا ہے اور اس حوالے سے انہوں نے صدر عارف علوی کو ٹاسک دیا ہے کہ وہ ایوان صدر میں اس ملاقات کا اہتمام کریں ،باخبر ذرائع کے مطابق تحریک انصاف کے چیئرمین نئی عسکری قیادت سے ملک کی موجودہ سیاسی و معاشی صورت حال پر ملاقات کے خواہش مند ہیں اور اس معاملے پر اپنا موقف ان کے سامنے رکھنا چاہتے ہیں ،اس حوالے سے انہوں نے صدر عارف علوی کی خدمات حاصل کی ہیں ،ذرائع نے بھی بتایا کہ ایوان صدر نے عمران خان کی اس خواہش پر عسکری قیادت سے رابطہ بھی کیا تھا لیکن ان کی جانب سے ابھی تک خاموشی ہے ،ذرائع کا کہنا ہے کہ موجودہ عسکری قیادت فوج اور خود کو مکمل طور پر غیر سیاسی رکھنے کے دو ٹوک فیصلے اور بیانیہ پر کاربند ہے اسی وجہ سے انہوں نے اس معاملے پر ایوان صدر کو کسی قسم کا کوئی جواب نہیں دیا ،ذرائع کا کہنا تھا کہ ایسی کسی بھی ملاقات سے قبل وزیر اعظم کو بھی اعتماد میں لیا جائیگا تاہم ذرائع نے بتایا کہ فوج جو فیصلہ غیر سیاسی رہنے کا کر چکی اس تناظر میں یہ ملاقات مشکل دکھائی دے رہی ہے ،اس کے باوجود صدر عارف علوی کی کوشش ہے کہ اسٹیبلشمنٹ اور عمران خان کے درمیان تعلقات بہتر ہوں اور وہ اپنے طور پر بھی کوششیں کررہے ہیں لیکن ابھی تک انہیں اس میں کامیابی حاصل نہیں ہوئی

اسلام آباد:مرکزی سینیئر نائب صدر پاکستان تحریکِ انصاف شیریں مزاری نے اسرائیلی وزیرِ کے مسجد الاقصیٰ کے دورے پر حکومت کی جانب سے خاموشی اختیار کیے جانے پر اظہارِ تشویش کرتے ہوئے کہاکہ دفترِخارجہ اور امپورٹڈ وزیر خارجہ کی خاموشی سے سب کچھ عیاں ہے ، تبدیلی سرکار کے خفیہ ایجنڈے کا ایک جزو یعنی اسرائیل کو تسلیم کیا جانا، ابھی زندہ ہے۔ اپنے ایک ٹوئٹ میں شیریں مزاری نے اسرائیلی وزیرِ قومی سلامتی کے مسجد الاقصیٰ کے اشتعال انگیز دورے پر امریکا کی جانب سے مذمت کے بارے میں شائع ہونے والی خبر کی تصویر شیئر کی اور ساتھ لکھا کہ صیہونی وزیر کیقابل مذمت اقدام کی امریکا تک نے مذمت کی مگر پاکستان نے چْپ سادھ رکھی ہے۔اْنہوں نے تشویش کا اظہار کرتے ہوئے لکھا کہ’یوں محسوس ہوتا ہے کہ تبدیلء سرکار کے خفیہ ایجنڈے کا ایک جزو یعنی اسرائیل کو تسلیم کیا جانا، ابھی زندہ ہے‘۔اْنہوں نے مزید لکھا کہ دفترِخارجہ اور امپورٹڈ وزیر خارجہ کی خاموشی سے سب کچھ عیاں ہے

کراچی :ملک میں کووڈ کے پھیلاؤں کے خطرات کے پیش نظر ائیرپورٹس پر حفاظتی اقدامات کی ہدایات جاری کردی گئیں۔ترجمان سول ایوی ایشن اتھارٹی کے مطابق نیشنل کمانڈ اینڈ آپریشن سینٹر کی ہدایات پر ائیرپورٹس پر جراثیم کش سپرے جاری ہے، ڈس انفیکشن سپرے آمد اور امیگریشن ہالوں میں کیا جارہا ہے۔ترجمان نے بتایا کہ بالخصوص بین الاقوامی پروازوں کے بعد ڈس انفیکشن عمل کویقینی بنایا جاتا ہے، تمام لاؤنجز اور کنکورس ایریا میں بھی ڈس انفیکشن کا عمل جاری ہے، اسی کے ساتھ بین الاقوامی فلائٹ آمد کے 2 فیصد مسافروں کی رینڈم سیمپلنگ بھی جاری ہے۔