Category تازہ ترین

جڑانوالہ :جڑانوالہ دھند کی وجہ سے دو مختلف حادثات میں دو بہن بھائی سمیت 3افراد جان بحق اور ایک شدید زخمی ہو گیا تفصیلات کے مطابق جڑانوالہ دھند کی وجہ سے ٹرک اور موٹر سائیکل میں تصادم دو بہن بھائی جان بحق ہو گئے تفصیلات کے مطابق فیصل آباد ننکانہ روڈ پر دھند کی وجہ سے ٹرک نے موٹر سائیکل سوار کو ٹکر ماری جس کے نتیجے میں صدف دختر عبداللہ عمر 24سال اور عاصم ولد عبداللہ عمر 18سال موقع پر ہی جان بحق ہو گئے جان بخق افراد جڑانوالہ کے رہائشی بتائے جاتے ہیں جن کی نقشوں کو مزید کارروائی کے لیے ٹی ایچ کیو ہسپتال جڑانوالہ منتقل کر دیا گیا ہیدوسرا حادثہ کار نے موٹر سائیکل سوار کو ٹکر ماری جس کے نتیجے میں آکاش ولد عبدالستار عمر 14سال موقع پر ہی جان بحق ہو گیا واقع فیصل آباد میں پیش آیا جبکہ فیصل ولد مقبول عمر 25سال شدید زخمی ہو گیا جس کو طبی امداد کے لیے آر ایچ سی ستیا نہ منتقل کر دیا گیا

جاپانی حکومت نے گریٹر ٹوکیو چھوڑنے پر ہر خاندان کے فی بچہ کو 10 لاکھ ین دینے کی پیشکش کی ہے۔ ٹوکیو کے 1300 بلدیاتی کمیٹیوں نے اس اسکیم میں شمولیت اختیار کی ہے۔ جانتے ہیں عمارہ ہاشمی کی اس رپورٹ میں۔۔۔

گریٹر ٹوکیو دنیا کا سب سے بڑا شہری علاقہ ہے جس کی آبادی ساڑھے 3 کروڑ سے زیادہ ہے۔ اس وجہ سے جاپانی حکومت نے اسکیم نکالی کہ فی بچہ 10 لاکھ ین جوکہ پاکستانی کرنسی میں 17 لاکھ سے زائدہے، ان خاندانوں کو دیے جائیں گے جو ٹوکیو کو چھوڑ کر دیگر حصوں میں آباد ہوں گے۔ اس اقدام کا مقصد جاپانی دارالحکومت اور اس کے مضافاتی علاقوں کی آبادی میں کمی لاکر دیگر خطوں میں لوگوں کی تعداد بڑھانا ہے۔
اس سے قبل اپریل 2022 میں جاپانی حکومت نے ٹوکیو چھوڑ کر دیگر خطوں میں آباد ہونے والے خاندانوں کو فی فرد 3 لاکھ ین دینے کا اعلان کیا تھا جس سے پہلی بار آبادی میں کمی دیکھنے میں آئی تھی۔ اسی طرح خاندانوں کو اپنے نئے گھروں میں کم از کم 5 سال گزارنے ہوں گے جبکہ خاندان کے ایک فرد کو کسی نئی جگہ ملازمت کرنا ہوگی۔ ایسے خاندان کو 5 سال سے قبل ٹوکیو لوٹنے پر حکومت کی جانب سے دی جانے والی رقم واپس کرنا ہوگی۔

اسلام آباد: حکومت نے توانائی بچت پروگرام کے تحت ملک بھر میں شادی ہالز رات 10 اور مارکیٹیں ساڑھے 8 بجے بند کرنے کا اعلان کردیا۔

وفاقی کابینہ کے اجلاس کے بعد میڈیا بریفنگ میں وزیر دفاع خواجہ آصف نے کہا کہ سرکاری اداروں کے بجلی کے استعمال میں 30 فیصد کمی لائے جائے گی، اس منصوبے سے سالانہ 62 ارب روپے کی بچت ہوگی۔

خواجہ آصف نے کہا کہ ساری دنیا میں جس وقت دفاتر مارکیٹیں بند ہوتی ہیں ،پاکستان کی روٹین اس سے مختلف ہے، یہاں مارکیٹیں اور  ریسٹورینٹس ایک دو بجے تک کھلے رہتے ہیں، دفاتر کا بھی یہی حال ہے،  ہمیں اپنا طرز زندگی بدلنے کی ضرورت ہے، ہماری عادات  واطوار باقی دنیا سے مخلتف ہیں۔

انہوں نے کہا کہ یکم جولائی کے بعد بجلی سے چلنے والے پنکھے تیار نہیں کیے جائیں گے، ہم گرمیوں میں 29 ہزار میگا واٹ بجلی استعمال کرتے ہیں، 17 ہزار میگاواٹ بجلی سردیوں کی نسبت زیادہ استعمال کرتے ہیں ، سردیوں میں ہم 12 ہزار میگاواٹ بجلی استعمال کرتے ہیں، گرمی سے بچنے کے لیے ہم 18 ہزار میگاواٹ بجلی استعمال کرتے ہیں  جس میں سے صرف پنکھے 12 ہزار میگاواٹ بجلی استعمال کرتے ہیں،  پروگرام بنا رہے ہیں کہ بجلی کا استعمال نیچے لائیں، ہم ایک پروگرام پر عمل کررہے ہیں کہ پنکھوں میں بجلی کا استعمال کم کیا جائے۔

خواجہ آصف کا کہنا تھاکہ یکم فروری سے فلیمنٹ والے بلب تیار نہیں ہوں گے جو بجلی زیادہ لیتے ہیں، اس سے 22 ارب روپے کی بچت ہوگی جب کہ تمام سرکاری ادارے بجلی کی بچت کےلیے ایفیشیئنٹ آلات لگائیں گے، غیر مؤثر آلات پر پابندی عائد کردی گئی ہے۔

فیصل آباد:بیماری سے تنگ جیل ملازم نے نہر میں کود کر خود کشی کر لی،لاش کی تلاش کیلئے ریسکیو آپریشن جاری،تفصیلات کے مطابق تھانہ سٹی کی حدود شوکت آباد کا رہائشی آصف مسیح جیل میں سینٹری ورکر کی ڈیوٹی کرتا تھا اور کرسمس کی چھٹیاں گزارنے کیلئے گھر آیا ہوا تھا آصف مسیح مبینہ طور پر بیمار رہتا تھا اور اسکا علاج جاری تھا گزشتہ روز گھر سے ڈیوٹی پر جاتے ہوئے جیل ملازم نے نہر گوگیرہ برانچ پل جھال کے قریب کود کر خودکشی کر لی اطلاع پر ریسکیو ٹیموں نے لاش کی تلاش کیلئے آپریشن شروع کر دیا ہے تاحال لاش نہ مل سکی ہے پولیس کے مطابق خود کشی کرنیوالا جیل ملازم آصف مسیح بیماری سے پریشان رہتا تھا تاہم پولیس مصروف تفتیش ہے۔

فیصل آباد: دو مقامات پر مبینہ پولیس مقابلوں کے دوران گولیاں لگنے سے دو ڈاکو زخمی حالت میں گرفتار کر لئے جبکہ ان کے ساتھی رات کی تاریکی کا فائدہ اٹھاتے ہوئے موقع سے فرار ہو گئے، زخمی ہونیوالے ڈاکو پولیس کو درجنوں وارداتوں میں مطلوب تھے۔ آن لائن کے مطابق تھانہ صدر پولیس نے 612 گ ب کے قریب ناکہ بندی کے دوران موٹرسائیکل سوار دو مشکوک افراد کو رُکنے کا اشارہ کیا تو انہوں نے پولیس پارٹی پر فائرنگ کرتے ہوئے موٹرسائیکل بھگا دیئے جس پر پولیس پارٹی نے تعاقب کرتے ہوئے جوابی فائرنگ کی تو ایک ڈاکو گولی لگنے سے گر پڑا جبکہ اس کا ساتھی بھی موٹرسائیکل چھوڑ کر فرار ہو گیا، تاہم پولیس نے گھیرا ڈال کر زخمی ڈاکو کو حراست میں لیکر ان کے قبضہ سے دو موٹرسائیکلیں اور اسلحہ برآمد کر لیا۔ گرفتار ہونے والے ڈاکو کی شناخت امتیاز کے نام سے ہوئی جو کہ پولیس کو متعدد وارداتوں میں مطلوب تھا جبکہ اسطرح تھانہ سٹی جڑانوالہ کے علاقہ 240 موڑ سے مسلح ڈاکو شہری سے موٹرسائیکل چھین کر فرار ہوئے تو اطلاع ملتے ہی پولیس نے ناکہ بندی کرتے ہوئے ڈاکوئوں کی تلاش شروع کر دی اور 240 موڑ کے کچھ فاصلہ پر پولیس پارٹی نے مشکوک موٹرسائیکل سواروں کو رُکنے کا اشارہ کیا تو ڈاکوئوں نے پولیس پارٹی پر فائرنگ کر دی، جوابی فائرنگ کے دوران گولی لگنے سے ایک ڈاکو زخمی ہو کر گر پڑا تو اس کا ساتھی بھی چھینی گئی موٹرسائیکل چھوڑ کر فرار ہو گیا، پولیس نے زخمی ڈاکو کو حراست میں لیکر ان کے قبضہ سے دو موٹرسائیکلیں‘ اسلحہ برآمد کر لیا اور گرفتار زخمی ڈاکو کی شناخت حسنین کے نام سے ہوئی جو کہ ریکارڈ یافتہ نکلا اور پولیس کو متعدد سنگین وارداتوں میں مطلوب تھا، پولیس نے زخمی ڈاکوئوں کو طبی امداد کیلئے ہسپتال منتقل کر کے ان کے ساتھیوں کی گرفتاری کیلئے چھاپے مارے جا رہے ہیں۔

کراچی : صوبائی وزیر اطلاعات شرجیل انعام میمن نے کہا ہے کہ پنجاب فرانزک لیب رپورٹ نے عمران خان کے جھوٹے دعوؤں کی قلعئی کھول کر رکھ دی، عمران خان کی اپنی حکومت کے ادارے نے عمران خان کو جھوٹا قرار دے دیا۔وزیر اطلاعات سندھ نے اپنے بیان میں کہا کہ پنجاب حکومت کی فرانزک رپورٹ نے بتا دیا کہ عمران خان کو 4 گولیاں نہیں لگیں ، انہیں گولی اور دھات کے ٹکڑے لگے ، رپورٹ نے یہ بھی واضح کردیا کہ پی ٹی آئی کارکن معظم کنٹینر سے آنے والی گولی سے جانبحق ہوا ، صوبائی وزیر نے کہا کہ عمران خان دھات کے ٹکڑے لگنے سے 2 ماہ سے زمان پارک میں بند ہے ، عمران خان کی بہادری کا اندازہ لگایا جا سکتا ہے ، یہ ڈرپوک شخص کنٹینر پر چڑھ کر معصوم پاکستانیوں کو بڑھکاتا رہتا ہے ، انہوں نے کہا کہ معمولی خراش کے ڈر سے پنجاب حکومت کے خزانے کے منہ زمان پارک کی سیکیورٹی کے لیے کھول دیئے گئے ، شرجیل انعام میمن نے کہا کہ پی ٹی آئی کارکن معظم کے قتل کا پرچہ عمران خان اور ان حواریوں پر کٹنا چاہیے۔

واشنگٹن ؔ: امریکا میں ایئرپورٹ پر ملازمت کرنے والا شخص طیارے کے انجن میں پھنس کر ہلاک ہوگیا۔غیرملکی خبر رساں ادارے کے مطابق حکام نے بتایا کہ امریکی ریاست الاباما کے ایئرپورٹ پر ڈیلاس سے پرواز کے بعد طیارے کو مرمتی کام کے لیے پارک کیا گیا تھا۔ رپورٹس کے مطابق حادثے کے وقت طیارے کا ایک انجن کھلا ہوا تھا۔امریکی فضائی کمپنی نے اپنے ملازم کی حادثاتی موت پر افسوس کا اظہار کیا ہے اور تحقیقات کا آغاز کردیا۔

لندن :کراچی سے تعلق رکھنے والے بزنس مین جابرموتی والا نے برطانوی حکومت کے خلاف 3 کیس جیت لیے۔ غیر ملکی خبر رساں ادارے کے مطابق جابر موتی والا کے وکلا نے برطانوی حکومت کے خلاف ویزامنسوخی، غیرقانونی حراست اور قانونی اخراجات کی ادائیگی کاکیس دائر کیا تھا جس کا فیصلہ جابر موتی والا کے حق میں آیا ہے۔رائل کورٹ آف جسٹس نے ہوم آفس کو ہرجانہ ادا کرنے کاحکم جاری کرتے ہوئے جابر موتی والا کا ملٹی پل انٹری ویزا بھی بحال کردیا۔واضح رہے کہ جابر موتی والا کو اسکاٹ لینڈ یارڈ نے امریکا کی درخواست پر ایجوئیر روڈ سے گرفتار کیا تھا۔

نیویارک :آئی ایم ایف نے انتباہ کیا ہے کہ 2023 گزشتہ سال کے مقابلے میں زیادہ سخت ثابت ہونے والا ہے۔ آئندہ چند ماہ چین کے لیے سخت ہوں گے اور اس کے منفی اثرات عالمی معیشت پر بھی مرتب ہوں گے۔ غیر ملکی خبر رساں ادارے کے مطابق آئی ایم ایف کی سربراہ کرسٹالینا جارجیوا نے اپنے ایک انٹرویو میں کہا کہ ہمیں توقع ہے کہ عالمی معیشت کے ایک تہائی حصے کو کساد بازاری کا سامنا ہوگا، جو ممالک اس سے محفوظ رہیں گے وہاں بھی کساد بازاری کے منفی اثرات محسوس ہوں گے۔ انہوں نے کہا کہ عالمی شرح نمو کے لیے اہم ترین خطوں یعنی امریکا، یورپ اور چین سب کو معاشی سست روی کا سامنا ہوگا۔انہوں نے بتایا کہ دنیا کی دوسری بڑی معیشت چین کی معاشی شرح نمو 2022 کے دوران ممکنہ طور پر 40 سال میں پہلی بار عالمی شرح نمو سے کم رہے گی جس کی وجہ کووڈ 19 کی نئی لہر ہے۔ انہوں نے کہا کہ آئندہ چند ماہ چین کے لیے سخت ہوں گے اور اس کے منفی اثرات عالمی معیشت پر بھی مرتب ہوں گے۔ انہوں نے کہا کہ ہوسکتا ہے کہ امریکی معیشت کساد بازاری کو ٹالنے میں کامیاب ہوجائے مگر اسے بھی منفی اثرات کا سامنا ہوگا۔

ابوظبی : فرانس کی بحریہ نے بحیرہ عرب میں کارروائی کرتے ہوے بھاری مقدار میں منشیات ضبط کرلی۔غیرملکی خبر رساں ادارے کے مطابق بین الاقوامی نیول ٹاسک فورس میں شامل فرانسیسی بحریہ کے جہاز نے بحیرہ عرب میں گشت کے دوران ایک کشتی سے 500 کلو ہیروئن اور3500 کلو بھنگ برآمد کرلی۔متحدہ عرب امارات کے دارالحکومت ابو ظبی میں موجود بحیریہ عرب کی میری ٹائم کمانڈ نے اپنے جاری بیان میں کہا ہے کہ ضبط کی گئی منشیات کی مالیت 50 ملین یورو ہے۔ یہ منشیات ممکنہ طورپر یورپ پہنچائی جانا تھی۔