Category تازہ ترین

 اسلام آباد :  الیکشن کمیشن آف پاکستان نے بلدیاتی انتخابات کا انعقاد نہ کرانے کا ذ مہ دار حکومت کو قرار دے دیا۔بلدیاتی انتخابات التوا سے متعلق کیس میں الیکشن کمیشن کی جانب سے اسلام آباد ہائی کورٹ میں تحریری جواب جمع کروا دیا گیا ہے، جس میں کہا گیا ہے کہ بلدیاتی انتخابات کا بروقت انعقاد نہ ہونے کی ذمہ دار صوبائی اور مرکزی حکومتیں ہیں۔الیکشن کمیشن نے عدالت میں جمع کرائے گئے جواب میں انتخابات کے قریب آنے سے قبل قوانین میں تبدیلی نہ کرنے اور آئین کے آرٹیکل 140 اے و الیکشن ایکٹ 219 میں ترمیم کی تجویزدیتے ہوئے کہا ہیکہ بلدیاتی انتخابات کرانے سے متعلق آئینی ذمے داری پوری کرنے کے لیے سنجیدہ ہیں۔جواب میں مؤقف اختیار کیا گیا ہیکہ الیکشن کمیشن نے بروقت بلدیاتی انتخابات کا حکم دیا، جسے ہائی کورٹ نے کالعدم قرار دے دیا۔ سیکشن 219 (1) کے تحت لوکل گورنمنٹ قوانین کو پیش نظر رکھتے ہو ے انتخابات کروائیں گے، تاہم جب انتخابات کی تیاری مکمل ہوتی ہے تو وفاقی و صوبائی حکومتوں کی جانب سے قوانین میں تبدیلی سے الیکشن کے بروقت انعقاد میں رکاوٹ پیدا ہوتی ہے۔الیکشن کمیشن نے کہا کہ سیکشن 219 (1) اور (4) آپس میں متصادم ہیں۔ سیکشن 219 (1) لوکل گورنمنٹ قوانین کے تحت صوبائی اور مرکز میں بلدیاتی الیکشن کا مینڈیٹ دیتا ہے۔ الیکشن کمیشن کے لیے 120 روز میں بلدیاتی انتخابات کرانا ضروری ہوتا ہے، مگر مرکزی و صوبائی حکومتیں قوانین میں تبدیلی کرتی ہیں تو انتخابات کرانے میں مشکلات پیش آتی ہیں۔جواب میں وضاحت کی گئی ہے کہ قانون میں مجوزہ ترمیم کا مقصد مرکز یا صوبائی حکومتوں کو الیکشن کے قریب آنے سے قبل قوانین میں تبدیلی سے روکنا ہے۔الیکشن کمیشن نے اپنے جمع کروائے گئے جواب میں عدالت سے درخواست گزاروں کی استدعا مسترد کرنے کی اپیل کی ہے۔جمعرات کو ہونے والی سماعت میں دیے گئے حکم پر عمل سے متعلق الیکشن کمیشن نے عدالت کو بتایا کہ وزارت قانون 4 ماہ میں بلدیاتی انتخابات کے انعقاد پر رضامند ہے، تاہم وزیر داخلہ نے وفاقی حکومت سے مشاورت کے لیے وقت طلب کیا ہے۔

بینکک :بینکاک ائیرپورٹ پر پرواز میں دو بھارتی مسافر لڑپڑے۔میڈیا رپورٹ کے مطاسبق یہ واقعہ بینکاک ائیرپورٹ سے کلکتہ جانے والی غیر ملکی پرواز میں پیش ا?یا جس میں دو بھارتی مسافر لڑپڑے اور ایک دوسرے پر مکوں کی برسات کردی۔ایوی ایشن ذرائع کے مطابق یہ واقعہ 28 دسمبر کو پیش ا?یا جس کی ویڈیو سوشل میڈیا پر وائرل ہے۔ویڈیو میں دیکھا جاسکتا ہیکہ فضائی میزبانوں کے روکنے کے باوجود مسافروں کے درمیان دھینگا مشتی ہوئی۔

جوہانسبر گ: جنوبی افریقا میں نسل پرستانہ واقعہ میں سوئمنگ پول میں سیاہ فام بچوں کے نہانے پر جھگڑاہوگیا جہاں 2سیاہ فام بچوں کے آنے پر پہلے تمام لوگ پول سے نکل گئے، پھر بدتمیزی اور تشدد کیا گیا۔ غیر ملکی خبر رساں ادارے کے مطابق واقعہ پر جنوبی افریقا میں شدید غم وغصہ دیکھنے میں آیا جس کے پیش نظر جنوبی افریقی صدر کو نسل پرستی کیخلاف بیان جاری کرنا پڑا۔دوسری جانب افریقی پولیس نے واقعے میں ملوث تین ملزمان کو گرفتار کرلیا۔

نئی دہلی :بھارتی وزیراعظم نریندر مودی کی والدہ ہیرابین مودی 100 سال کی عمر میں انتقال کرگئیں، وہ کئی دنوں سے ہستال میں زیر علاج تھیں۔بھارتی ویب سائٹ کی رپورٹ مطابق نریندر مودی کی والدہ احمد آباد کے ہستال میں زیر علاج تھیں، جہاں گزشتہ رات ان کی طبیعت بگڑ ی، جس کے بعد نریندر مودی ہسپتال پہنچے لیکن کچھ گھنٹوں بعد گزشتہ رات 3 بجے کے قریب ان کی والدہ چل بسیں۔ہیرا بین کی آی رسومات ادا کردی گئیں ہیں۔بھارتی وزیراعظم نے ٹوئٹر پر اپنی والدہ کے انتقال کی تصدیق کرتے ہوئے انہیں خراج عقیدت پیش کیا۔ان کا کہنا تھا کہ ’ماں کی ایک بات ہمیشہ یاد رہے گی کہ ذہانت سے کام لو اور زندگی پاکیزگی کے ساتھ گزارو۔‘نریندر مودی کی والدہ گجرات کے علاقے مہسانا میں 18 جولائی 1923 کو پیدا ہوئیں تھیں، ان کی ایک بیٹے اور چار بیٹے ہیں، نریندر مودی اپنے بہن بھائیوں میں تیسرے نمبر پر ہیں، ہیرا بین مودی نریندر مودی کے چھوٹے بھائی پنکج مودی کے ساتھ گاندھی نگر کے قریب رہائش پذیر تھیں۔ رواں سال اپنی والدہ کی 100ویں سالگرہ کے موقع پر نریندر مودی نے ایک بلاگ لکھا جس کا مضمون ’ماں‘ تھا، انہوں نے کہا کہ ا?ج میں خوشی کے ساتھ بتانا چاہتا ہوں کہ میری والدہ 18 جون کو اپنے سوویں سال میں داخل ہو رہی ہیں،میرے والد اگر آج ہوتے تو وہ بھی گذشتہ ہفتے 100 سال کے ہو چکے ہوتے، 2022 میرے لیے بہت خاص ہے کیونکہ میری والدہ اپنی زندگی کے سال 100واں سال شروع کررہی ہیں اور میرے والد کو 100 سال مکمل ہوگئیہیں۔’انہوں نے اپنی زندگی کے لیے والدین کا شکریہ ادا کرتے ہوئے لکھا کہ ’آج میری زندگی میں جو کچھ ہے، میری شخصیت میں جو بھی اچھا ہے، وہ ماں اور باپ کا دیا ہوا تحفہ ہے۔ آج جب میں دہلی میں بیٹھا ہوں تو کتنا کچھ پرانا یاد آ رہا ہے۔‘ #/s#

سیری:کھوئی رٹہ کے مقام پر ٹریفک کے ایک المناک حادثہ میں ایک خاتون جاں بحق جبکہ 2افراد زخمی ہوگئے حادثہ کا شکار فیملی کا تعلق ایک ہی خاندان سے ہے جو سیری چترکے رہائشی ہیں ۔ تفصیلات کی مطابق کھوئی رٹہ مصطفی موڑ کے مقام پر ٹویوٹا نمبر2569/RIS اور سوزوکی نمبر661/ اجکب کے درمیان تصادم،سوزوکی میں سوار ایک خاتون زندگی کی بازی ہار گئی دو افراد شدید زخمی ہویحادثہ میں جاں بحق خاتون روزینہ بیگم کا تعلق سیری چتر نمب سے بتایا جا رہا ہے زخمیوں میں ثمینہ زوجہ اورنگزیب ڈراہور چوہدری ظہیر ولد اورنگزیب قوم جاٹ ساکن سیری چتر کا شامل ہیں زخمیوں کوتحصیل ہیڈکوارٹر ہسپتال کھوئی رٹہ میں ابتدائی طبی امداد کے بعد ڈی ایچ کیو کوٹلی منتقل کر دیا گیا ہے تھانہ پولیس کھوئی رٹہ موقعہ پر پہنچ گئی۔

کراچی: تھرپاکر میں مقامی کوئلے سے 330 میگا واٹ بجلی پیدا کرنے کے منصوبے کا افتتاح کر دیا گیا۔پیپلز پارٹی کے رکن قومی اسمبلی مہیش ملانی نے تھرپارکر میں 330 میگا واٹ بجلی پیدا کرنے کے منصو بے کا افتتاح کیا۔وزیراعلیٰ سندھ مراد علی شاہ نے اپنے پیغام میں کہا کہ مقامی کوئلے سے بجلی کی پیدوار سے درآمدی ایندھن پر انحصار کم ہو گا، منصوبے کے افتتاح سے تھرکول سے بجلی کی پیداوار تقریباً 3000 میگا واٹ ہو گئی ہے۔ انہوں نے کہا ہے کہ تھر کے کوئلے کے استعمال سے پاکستان میں توانائی کا انقلاب آ رہا ہے، تھرکے ذخائر سے 200 سال تک ایک لاکھ میگاواٹ بجلی پیدا کی جا سکتی ہے۔انہوں نے کہا کہ کورونا کے باعث منصوبے کو تاخیر کا سامنا کرنا پڑا، تھرکول سے حکومت کو ایندھن کی درآمدات پر 6 بلین ڈالرز کی بچت ہو گی۔

پشاور:گورنر خیبر پختونخوا حاجی غلام علی نے ہیلی کاپٹر کے استعمال سے متعلق بل پر دستخط کر دیے۔ میڈیا رپورٹ کے مطابق اپنے بیان میں گورنر خیبر پختونخوا غلام علی نے کہا ہے کہ بل پر دستخط کر دیے ہیں لیکن اختلافی نوٹ بھی لکھا ہے۔ انہوں نے کہا اختلافی نوٹ میں لکھا ہیکہ یہ فنانس بل نہیں ہے۔ انہوں نے کہا کہ جو لوگ اس سے متاثر ہو رہے ہیں وہ عدالت جائیں گے تب ہی صحیح فیصلہ آئے گا۔ واضع رہے کہ صوبائی اسمبلی نے ہیلی کاپٹر کے استعمال سے متعلق بل منظوری کے بعد گورنر کو دستخط کے لیے بھیجا تھا، گورنر کے پی نے دستخط کیے بغیر بل پر اعتراضات لگا کر واپس اسپیکر خیبرپختونخوا اسمبلی کو بھیج دیا تھا۔اسپیکر نے گورنر کو ان کے اختیارات کے حوالے سے بل پر اپنا نوٹ لکھ کر واپس بھیجا تھا جس میں کہا گیا تھا کہ صوبائی اسمبلی سے منظور بل کے تحت 2008 سے ہیلی کاپٹر کے استعمال کو قانونی تحفظ دیا گیا ہے

اسلام آباد/ فیصل آباد:پاکستان مسلم لیگ ن کے مرکزی رہنما وزیر دفاع خواجہ آصف نے کہا ہے کہ حکومت بجلی کی بچت کیلئے کاروباری اداروں کو رات آٹھ بجے بند کرنا چاہتی ہے تاہم اس فیصلہ سے قبل تاجر برادری سے مشاورت کا فیصلہ کیا گیا ہے، وہ اس مسئلے کو موجودہ مالی چیلنجز اور قومی تناظر میں دیکھیں تاکہ وطن عزیز کو بحرانی صورتحال سے نکالا جاسکے ، ان خیالات انہوں نے وزیر اعظم سیکریٹریٹ میں بجلی کی بچت کے سلسلہ میں بلائے گئے ملک بھر کے تاجروں کے مشاورتی اجلاس سے خطاب کرتے ہوئے کیا ۔ گذشتہ روز اس اجلاس میں خواجہ آصف سمیت حکومت کی نمائندگی وفاقی وزراء ، خرم دستگیر، مریم اورنگزیب ایاز صادق، مصدق ملک اور مولانا اسعد محمود نے کی جبکہ اس میں متعلقہ محکموں کے سیکرٹریوں اور اعلیٰ افسران نے بھی شرکت کی، فیصل آباد چیمبر آف کامرس اینڈ انڈسٹری کے نائب صدر حاجی محمد اسلم بھلی نے اجلاس کو بتایا کہ ملک کو معاشی بحران سے نکالنے کیلئے صرف بجلی کی بچت کافی نہیں۔ اس مقصد کیلئے ہر شعبہ میں اسراف اور غیر ضروری مراعات کا خاتمہ ناگزیر ہے حکومت ابھی تک سمگلنگ کے مسئلہ پر قابو نہیں پاسکی جس کی وجہ سے بڑی تعداد میں ریونیو ضائع ہورہا ہے۔ انہوں نے کہا کہ اس کے برعکس حکومت کا سارا نزلہ تاجر برادری پر گرتا ہے کیونکہ وہ آسان ہدف ہیں۔ انہوں نے موجودہ حالات کا ذکر کیا اور کہا کہ ان حالات میں جب کاروبار پہلے ہی مندے کا شکار ہیں ایسے سخت اقدامات قابل قبول نہیں۔ انہوں نے مزید کہا کہ حکومت کو اپنے غیر ضروری اخراجات پر کنٹرول کرنا ہوگا۔ انہوں نے کہا کہ بیورو کریسی کی بڑی بڑی رہائش گاہیں اور ان کی دیکھ بھال پر حکومتی وسائل خرچ ہورہے ہیں۔ اسی طرح تنخواہ لینے والے ملازمین کو مفت بجلی اور گیس دینے کا قطعاً کوئی جواز نہیں۔ انہوں نے سابق دور میں تاجروں کے خلاف انتقامی کارروائیوں کی مذمت کی اور کہا کہ ایسے تمام مقدمات کو ختم کیا جائے۔ انہوں نے پوائنٹ آف سیل کی بھی مخالفت کی اور کہا کہ اس کو بھی امتیازی طور پر لگایا جاتا رہا ہے۔ یہ ایف بی آر کا ظالمانہ اقدام ہے جسے فی الفور ختم کیا جائے۔ انہوں نے ایف بی آر میں اصلاحات کی ضرورت پر زور دیا اور کہا کہ اس کے تمام معاملات کو تاجروں سے مشاورت کے ذریعے حل کیا جائے۔ مزید برآں قانون سازی میں جہاں کہیں بھی ٹیکنیکل Lacunas ہیں ان کوبھی ختم کیا جائے۔ انہوں نے کہا کہ ملکی حالات سب کو معلوم ہیں لیکن تاجروں کو روزانہ کی بنیاد پر مختلف محکموں کی طرف سے نوٹس جاری کیے جارہے ہیں جن کو روکنے کی ضرورت ہے۔ انہوں نے کہا کہ کاروباری مندے کی وجہ سے دکانیں رات 8 کی بجائے 9 بجے اور ریسٹورانٹ 10کی بجائے 11 بجے بند کئے جائیں۔ اس اجلاس میں آل پاکستان انجمن تاجران کے صدر اجمل بلوچ اور جنرل سیکرٹری نعیم منیر کے علاوہ بلوچستان، سندھ، سرحد، کے پی کے اور دیگر صوبوں کے نمائندوں نے بھی شرکت کی۔

ڈیرہ اسماعیل خان میں دہشت گردوں نے پولیس چوکی پر راکٹوں سے حملہ کردیا تاہم پولیس کی بروقت جوابی کارروائی سے دہشت گرد پسپا ہوگئے۔ میڈیارپورٹ کے مطابق ڈی آئی خان میں کلاچی پولیس اسٹیشن کی چوکی ٹکواڑہ پر دہشت گردوں نے رات گئے راکٹ برسا دیے۔ پولیس کے مطابق چوکی پر دہشت گردوں کی جانب سے شدید فائرنگ بھی کی گئی، تاہم پولیس کی جانب سے بروقت جوابی ایکشن سے دہشت گرد پسپا ہونے پر مجبور ہو گئے۔پولیس کے مطابق ڈی پی او محمد شعیب خان نے ڈی ایس پی صدر حافظ عدنان اور اسکواڈ کے ساتھ بروقت کارروائی کرتے ہوئے دہشت گردوں کو منہ توڑ جواب دیا ۔ آپریشن کے دوران چوکی پر موجود اہل کاروں کو ریسکیو کیا اور 4 اہلکاروں کو فوری طور پر اسپتال منتقل کیا گیا۔قانون نافذ کرنے والے اداروں کے مطابق ڈی آئی خان کی تاریخ میں دہشت گردوں کا یہ کسی بھی پولیس چوکی پر سب سے بڑا حملہ تھا، جس میں تقریباً 20 دہشت گردوں نے چیک پوسٹ کو تین اطراف سے گھیر کر فائرنگ شروع کردی اور حملے میں پی جی سیون راکٹ اور دستی بموں سمیت جدید ہتھیاروں کا استعمال بھی کیا۔پولیس کی جانب سے ڈھائی گھنٹے تک جاری رہنے والی کارروائی کے دوران دہشت گرد فرار ہوگئے۔ اطلاعات کے مطابق ریسکیو آپریشن کے دوران دہشت گرد ہلاک و زخمی بھی ہوئے، جنہیں ان کے ساتھی اپنے ساتھ لے گئے۔ دہشت گرد چوکی پر قبضہ کرکے بڑی تباہی مچانا چاہتے تھے، جسے ناکام بنا دیا گیا۔واقعے کے بعد کلاچی سمیت ضلع بھر میں سکیورٹی سخت کردی گئی ہے۔ ڈی پی او ڈیرہ محمد شعیب کا کہنا ہے کہ پولیس کسی بھی قیمت پر دہشت گردوں کے عزائم کامیاب نہیں ہونے دے گی۔

لزبن :پرتگال کے فٹبالر رونالڈو نے لیجنڈری کھلاڑی پیلے کو زبردست خراجِ عقیدت پیش کیا ۔ پیلے کے انتقال پر پوری دنیا میں موجود فٹبال کے مداح اداس ہوگئے وہیں پرتگال کے اسٹار فٹبالر رونالڈو نے لیجنڈری کھلاڑی کو زبردست خراج عقیدت پیش کیا ہے۔سوشل میڈیا پر اپنی اور پیلے کی تصویر اپ لوڈ کرتے ہوئے رونالڈو نے لیجنڈری برازیلین فٹبالر کے انتقال پر دکھ کا اظہار کیا۔ رونالڈو نے لکھا کہ ‘میں پیلے کے انتقال پر پورے برازیل جبکہ خصوصی طور پر پیلے کے خاندان سے تعزیت کرتا ہوں، پیلے کی موت پر دنیائے فٹبال میں جو غم ہے اسے بیان کرنا مشکل ہے’۔ انہوں نے کہا کہ’ پیلے کو کبھی بھی بھلایا نہیں جاسکے گا اور ان کی یاد ہم میں سے ہر ایک فٹبال سے محبت کرنے والے میں ہمیشہ زندہ رہے گی۔