Category تازہ ترین

برازیلیہ:برازیل کے آئیکون فٹ بالر، تین بار ورلڈ کپس کے فاتح اور دنیا کے مقبول ترین کھیل کے ’ماسٹر مائنڈ‘ سمجھے جانے والے پیلے 82 سال کی عمر میں انتقال کر گئے۔ ذرائع ابلاغ کی رپورٹس کے ان کی بیٹی نے سماجی رابطے کی ویب سائٹ انسٹاگرام پر
موت کی تصدیق کر تے ہوئے اپنے ایک پیغام میں لکھا ’ہم جو کچھ بھی ہیں وہ آپ کی بدولت ہیں، ہم آپ سے بے انتہا پیار کرتے ہیں، ابدی راحت میں رہیں۔پیلے کینسرکے عارضے میں مبتلا تھے۔پیلے کی آخری رسومات پیر اور منگل کو سینٹوس میں ان کے گھر میں ادا کی جائیں گی۔ میڈیا کے مطابق عوام پیلے کو ان کے آبائی شہر کی سڑکوں پر پریڈ کر کے خراج تحسین پیش کرسکیں گے۔پیلے کو 1999 میں عالمی اولمپک کمیٹی کی جانب سے صدی کا بہترین کھلاڑی قرار دیا گیا، پیلے دنیا کی تاریخ کے واحد فٹبالر ہیں جنہوں نے 1958، 1962 اور 1970 کے 3 ورلڈ کپ جیتے۔او ری (دی کنگ) کے نام سے مشہور، کھلاڑی نے 1977 میں ریٹائر ہونے سے قبل اپنے افسانوی شاندار کیریئر میں ایک ہزار سے زیادہ گول کیے۔ان کی صحت تیزی سے گر رہی تھی، وہ گردے کے مسائل اور بڑی آنت کے کینسر سے میں مبتلا تھے، کیموتھراپی کے بعد ستمبر 2021 میں ان کی ا?نت کی سرجری ہوئی۔23 اکتوبر 1940 برازیل کے جنوب مشرقی شہر تریس آرا ئوس میں پیدا ہونے والے پیلیکا اصل نام ایڈسن ارانتیس ڈو نیسکیمینٹو تھا پیلے اپنے غریب خاندان کی کفالت کے لیے سڑکوں پر مونگ پھلی بیچتے ہوئے بڑے ہوئے۔ان کے والدین نے ان کا نام مشہور امریکی موجد تھامس ایڈیسن کے نام پر رکھا۔لیکن جلد ہی ان کا پیلے پڑ گیا، ان کا یہ نام پڑنے کی وجہ واسکو ڈی ساؤ لورینکو جہاں ان کے والد فٹ بالر کھیلا کرتے تھے اس کے ایک گول کیپر بائل کا نام غلط لینے کی وجہ سے پڑا۔پیلے نے اپنے کھیل کے ذریعے 15 سال کی عمر میں دنیا کو حیران کردیا جب انہوں نے سینٹوس کے ساتھ بطور پیشہ ور فٹ بالر کھیلنا شروع کیا، انہوں نے کلب کو کئی ٹائٹل جتوائے جن میں 1962 میں بینفیکا اور 1963 میں اے سی میلان کے خلاف بیک ٹو بیک انٹرکونٹینینٹل کپ بھی شامل تھے۔وہ کھیل کے دوران اپنی ذہانت کی وجہ سے مشہور تھے، انہیں برازیل میں مشہور ’سامبا فٹ بال‘ کھیل میں اپنی شاندار صلاحیتوں کا مظاہرہ کرنے پر ’قومی خزانہ‘ قرار دیا گیا، انہوں نے سینٹوس (1956-74)، برازیل کی قومی ٹیم اور نیویارک کاسموس (1975-77) کے لیے ایک ہزار 363 میچوں میں ایک ہزار 281 گول اسکور کیے۔وہ پہلے عالمی فٹ بال اسٹار تھے جنہوں نے اس کھیل کو بڑے تجارتی پاور ہاؤس میں تبدیل کرنے میں اہم کردار ادا کیا۔پیلے میکسیکو میں ہونے والے 1970 کے ورلڈ کپ میں شہرت اور عظمت کی بلندی پر پہنچے جہاں انہوں نے اس ٹیم میں شاندار کھیل کا مظاہرہ کیا جسے اب تک تاریخ کی سب سے بہترین ٹیم سمجھا جاتا ہے۔ اپنی بیماری کے باعث پیلے پبلک مقامات پر بہت کم نظر ا?تے تھے وہ اکثر واکر یا وہیل چیئر استعمال کرتے تھے۔پیشاب کے انفیکشن کی وجہ سے انہیں کئی بار ہسپتال میں داخل کرایا گیا، 2021 اور 2022 میں بڑی آنت کے کینسر کی وجہ سے زیر علاج رہے لیکن انہوں نے اپنی صحت کے مسائل کو اپنی بہترین حس مزاح پر غالب نہیں ا?نے دیا۔انہوں نے ستمبر 2021 میں بڑی آنت کے کینسر کی سرجری کے بعد انسٹاگرام پر پوسٹ کیا کہ میں اپنے چہرے پر مسکراہٹ کے ساتھ اس میچ کو کھیلوں گا۔وہ 2020 میں دل کا دورہ پڑنے سے اپنے دیرینہ دوست اور حریف میراڈونا کی 60 سال کی عمر میں موت سے سخت مایوس اور متاثرہ ہوئے۔ان کے انتقال پر انہوں نے لکھا دنیا نے ایک لیجنڈ کھو دیا، مجھے امید ہے ایک دن ہم آسمان پر ایک ساتھ فٹ بال کھیلیں گے۔ #/s#

 لاہور: اداکار عنایت خان بھی اسٹریٹ کرمنلز کا شکار ہوگئے جس کی اطلاع انہوں نے سوشل میڈیا اکاؤنٹ کے ذریعے دی۔عنایت خان نے انسٹاگرام اسٹوری درج کرتے ہوئے بتایا کہ رات کو جم سے گھر واپسی پر تقریباً پر 2 لڑکوں نے پستول دکھا کر میرا سیل فون اور کچھ ضروری سامان چھین لیا۔اداکار نے لکھا کہ میں یہ بات شاید اسٹیٹس پر شیئر نہیں کرتا لیکن یہ میرے ساتھ چوتھی بارہوا ہے۔عنایت خان نے اپنی انسٹااسٹوری پر درخواست بھی کہ میری سندھ پولیس سے مودبانہ گزارش ہے کہ برائے مہربانی اسٹریٹ کرائمز پر قابو پائیں، مجھے پتا ہے کہ آپ کو انصاف دینے میں وقت لگے گا لیکن اپنا 100 فیصد دیں تاکہ باقی لوگ نقصان سے بچ سکیں۔

نیویارک : امریکی سپر ماڈل کم کارڈیشین کا کہنا ہے کہ طلاق کے بعد شریک والدین کے طور پر بچوں کی پرورش کرنا آسان نہیں ہے۔غیر ملکی میڈیا رپورٹ کے مطابق حال ہی میں کم کارڈیشین ایک پوڈکاسٹ میں شریک ہوئیں جہاں انہوں نے امریکی گلوکار کانیے ویسٹ سے علیحدگی کے بعد شریک والدین ہونے اور بچوں کی اچھی پرورش کرنے کی جدوجہد کے بارے میں بات کی۔کِم کا کہنا تھا کہ وہ کبھی اپنے بچوں تک ان کے والد اور اپنے لئے پھیلی ہوئی نفرت انگیز خبریں نہیں پہنچنے دیتیں اور بچوں کی نظر میں ان کے باپ کی عزت کو بنائے رکھنے کی پوری کوشش کرتی ہیں۔ انہوں نے کہا کہ میرے چاروں بچے کانیے ویسٹ کے گانوں کو تیز آواز میں سنتے ہیں اور خوب لطف اندوز ہوتے ہیں اسکول سے واپسی پر بھی گاڑی میں بچوں کیلئے ان کے والد کے گائے ہوئے گانے لگاتی ہوں اور ان کے دل میں والد کی محبت اور عزت کو کم نہیں ہونے دیتی۔ انہوں نے مزید کہا کہ ’میرے گھر میں بچوں کو یہ نہیں معلوم ہوتا کہ باہر کی دنیا میں کیا ہورہا ہے میں ان کے سامنے مسکراتی رہتی ہوں‘۔

اسلام آباد :پاکستان تحریک انصاف کے جنرل سیکرٹری اسد عمر نے اسٹیٹ بینک کے ذخائر کم ہونے گہری تشویش کا اظہار کیا ہے۔ اپنے ایک بیان میں اسد عمر کا کہنا ہے کہ گزشتہ ہفتے اسٹیٹ بینک کے ذخائر میں مزید 294 ملین ڈالر کی کمی ہوئی،اسٹیٹ بینک ریزرو امپورٹ کور تاریخی کی کم ترین سطح کے قریب آ گیا ہے۔ اسد عمر نے اپنے بیان میں پی ڈی ایم حکومت پر تنقید کرتے ہوئے کہا کہ امپورٹڈ حکومت گہرا گڑھا کھود کر پاکستانی معیشت کو ڈبو رہی ہے۔

اسلام آباد: پاکستان پیپلز پارٹی کی رہنما نئیر بخاری کا کہنا ہے کہ اسمبلیاں توڑنے کا ڈرامہ کرنے والا یوٹرن ماسٹر معافی کے لیے پاؤں پکڑنے اور ہاتھ جوڑنے پر آ گیا ہے۔انہوں نے اپنے ایک بیان میں کہا کہ پی ٹی آئی ممبران اسمبلی کی بڑی تعداد نااہل عمران خان کا ساتھ چھوڑ چکی ہے،ڈپٹی پارلیمانی لیڈر شاہ محمود قریشی لاپتہ اور پرویز خٹک ، اسد عمر اور مرکزی لیڈر پی ٹی آئی وفد سے لاتعلق رہے۔ نالائق اور ناکام عمران خان کی جمہوری نظام کے خلاف سازش پر پی ٹی آئی میں دراڑیں کھل کر سامنے آ رہی ہیں۔

مشکل سے جان چھوٹی تھی پھر خیال آ رہا ہے کہ تحریک انصاف کا راستہ روکنے کیلئے بارود کا ڈھیر لگا کر شہر میں چراغاں کیا جائے،رہنما تحریک انصاف کا ایم کیو ایم کے ھڑوں کے انضمام کی خبروں پر ردِعمل

اسلام آباد:پاکستان تحریک انصاف کے رہنما فواد چوہدری نے کہا ہے کہ کراچی کا شہر روشنیوں کا شہر تھا،پھر کسی کو خیال آیا کہ ہماری پارٹی ہونی چاہیے۔سارے غنڈے جمع کر کے ایم کیوا یم بنا دی گئی،دہائیوں تک آگ خون کا کھیل کھیلا گیا۔ایم کیو ایم کے مختلف دھڑوں کے انضمام کی خبروں پر ردِعمل دیتے ہوئے فواد چوہدری نے کہا مشکل سے جان چھوٹی تھی اب پھرخیال آ رہا ہے کہ تحریک انصاف کو روکنا ہے تو بارود کا ڈھیر اکٹھا کر کے شہر میں چراغاں کی کوشش کی جائے۔

کراچی: متحدہ قومی موومنٹ پاکستان کی جانب سے علیحدگی اختیار کرنے والے تمام دھڑوں کے ساتھ مذاکرات کے لیے گرین سگنل دیے جانے کے ایک روز بعد گورنر سندھ کامران ٹیسوری نے پاک سرزمین پارٹی کی قیادت کو مجوزہ انضمام کے حوالے سے باضابطہ بات چیت کی دعوت دے دی۔ میڈیا رپورٹ کے مطابق ذرائع کا کہنا ہے کہ گورنر سندھ نے ایم کیو ایم پاکستان کی جانب سے پی ایس پی چیئرمین سید مصطفیٰ کمال اور پارٹی صدر انیس قائم خانی کو باضابطہ دعوت نامہ دیا جنہوں نے گزشتہ روز اسلام آباد میں وزیر اعظم شہباز شریف سے ملاقات کی تھی اور شام کو واپس کراچی پہنچ گئے تھے۔ذرائع کا کہنا ہے کہ اسٹیبلشمنٹ نے حریف دھڑوں کے انضمام کے حوالے سے مذاکرات کی بنیاد رکھی لیکن وہ اس کا کریڈٹ نہیں لینا چاہتی۔ذرائع نے بتایا کہ انضمام کے حوالے سے تمام چیزوں پر پہلے ہی اتفاق ہو چکا، یہ ملاقاتیں اورمیٹنگز بس رسمی کارروائی ہیں، اس حوالے سے آئندہ ہفتے تک مثبت اعلان متوقع ہے۔ نجی ٹی وی سے گفتگو کرتے ہوئے گورنر سندھ نے تصدیق کی کہ پی ایس پی اور ڈاکٹر ستار کی قیادت میں موجود گروپوں نے اپنے دھڑوں کو ایم کیو ایم پاکستان میں ضم کرنے اور ڈاکٹر خالد مقبول صدیقی کی قیادت میں کام کرنے پر رضا مندی ظاہر کی ہے۔

اسلام آباد: وفاقی حکومت نے ملک میں غیر قانونی طور پر مقیم غیر ملکیوں کے لیے ایمنسٹی اسکیم آج 31 دسمبر کو ختم ہونے کے بعد نادرا کو انہیں بلیک لسٹ کرنے اور جرمانہ عائد کرنے کی ہدایت جاری کردی ہیں۔ میڈیارپورٹ کے مطابق وزارت داخلہ نے نیشنل ڈیٹا بیس اینڈ رجسٹریشن اتھارٹی (نادرا) کو ہدایت کی ہے کہ اسکیم کی میعاد ختم ہونے کے بعد سہولیات میں توسیع نہ کی جائے۔وزارت نے نادرا کو اْن غیر ملکیوں کو بلیک لسٹ کرنے کی بھی ہدایت کی جو اسکیم کی میعاد ختم ہونے کے بعد ایک سال سے زائد عرصے سے پاکستان میں مقیم ہیں۔وزارت داخلہ کی جانب سے خط میں بتایا گیا کہ بلیک لسٹ میں غیر ملکیوں کے نام شامل کرنے سے پہلے انہیں ملک چھوڑنے کی ایک بار اجازت دی جائے گی لیکن ان کی ملک چھوڑنے کی درخواستوں کا عمل حتمی تاریخ سے قبل واجب الادا جرمانے کی ادائیگی کے بعد شروع ہوگا۔خط میں کہا گیا ہے کہ یکم جنوری سے پاکستان میں زائد عرصے سے مقیم غیر ملکیوں سے جرمانہ وصول کیا جائے۔وزارت نے نادرا کو غیر ملکیوں کو ملک سے باہر جانے کی اجازت پر جرمانے وصول کرنے کے لیے پاکستان ا?ن لائن ویزہ سسٹم میں تبدیلی کی بھی ہدایت جاری کی گئیں۔وزارت داخلہ نے پاکستان میں زائد عرصے سے مقیم غیر ملکیوں کو ویزہ کی مدت مکمل ہونے کے بعد ملک سے روانگی کے اجازت نامے جاری کردیے۔یہ اجازت نامے پاکستان ا?ن لائن ویزہ سسٹم کے ذریعے اْن غیر ملکیوں کو جاری کیے جاتے ہیں جو ایک سال سے زائد عرصے تک پاکستان میں مقیم ہیں، جبکہ دیگر (مانول) اجازت نامے ان لوگوں کو جاری کیا جاتا ہے جو جرمانے ادا کرکے ایک سال سے زائد عرصے تک قیام کرچکے ہیں۔وزارت کی جانب سے بھارتی اور صومالی شہریوں سے کہا گیا کہ وہ وزارت میں خود جاکر درخواست دیں۔خیال رہے حکام نے بتایا تھا کہ جولائی کو پاکستان میں غیر قانونی طور پر مقیم غیر ملکیوں کیلئے جنرل اسکیم جاری کی تھی۔

اسلام آبا:وزیراعظم شہباز شریف نے بھارتی وزیراعظم نریندر مودی کی والدہ کی وفات پر افسوس کا اظہار کیا ہے۔ٹوئٹر پر جاری تعزیتی بیان میں وزیراعظم شہبازشریف نے اپنے بھارتی ہم منصب کی والدہ کی وفات پر افسوس کا اظہار کرتے ہوئے کہا کہ ماں کو کھونے سے بڑا کوئی نقصان نہیں ہے۔شہبازشریف نے کہا کہ وزیراعظم بھارت نریندرمودی کی والدہ کے انتقال پر ان سے تعزیت کرتا ہوں۔

اسلام آباد: وزیراعظم شہباز شریف اور آرمی چیف جنرل عاصم منیر کے درمیان ملاقات  ہوئی ہے۔

 ملاقات میں وزیراعظم کو ملک میں امن و امان کی صورتحال پر بریفنگ دی گئی۔ ملاقات میں قومی سلامتی کمیٹی کے کل ہونے والے اجلاس پر بھی گفتگو کی گئی، قومی سلامتی کمیٹی اجلاس میں دہشتگردی کی حالیہ لہر کے سدباب پر غور ہوگا، افغان سرحد کی صورتحال اور نیشنل ایکشن پلان پر عملدرآمد سے متعلق بریفنگ دی جائے گی۔

قومی سلامتی کمیٹی کے اجلاس میں وزیر خزانہ اسحاق ڈار ملک کی معاشی صورتحال پربریفنگ دیں گے ۔ 

اجلاس میں دہشتگردی کی حالیہ لہر کے سدباب پرغور ہوگا جب کہ عسکری حکام دہشتگردی اور افغان بارڈر کی صورتحال پر بریفنگ دیں گے۔